Post: #1
Title: البشير يوافق على حكومة انتقالية لعامين
Author: محمد عمر الفكي
Date: 04-21-2014, 08:54 AM
بحسب قناة العربية عن صحف الخرطوم الصادرة اليوم نقلاً عن مصادر لحزب المؤتمر الشعبي.
|
Post: #2
Title: Re: البشير يوافق على حكومة انتقالية لعامين
Author: معاوية المدير
Date: 04-21-2014, 08:56 AM
Parent: #1
ههههههههههههههههههه،
يا ود الفكي اللتاريك غشيم. والله صحي.
عليك الله قاعد تصدق الزول دا ؟؟؟.
قبلك وححححححححدك وبراك...
|
Post: #3
Title: Re: البشير يوافق على حكومة انتقالية لعامين
Author: عزام حسن فرح
Date: 04-21-2014, 09:00 AM
Parent: #1
| Quote: بحسب قناة العربية عن صحف الخرطوم الصادرة اليوم نقلاً عن مصادر لحزب المؤتمر الشعبي. |
لا بأس إذا تم دحر الجبهة الثورِية لتحرير السودان وقطع دابرها بطريقة: أكسح أمسح ما تجيبو حي، وتأديب دَولة جنوب السودان لإحتلالها هجليج مع التعويض والقصاص لقتلى مسجد بانتيو. إذا لم يحدُث هذا، فيكون مؤسس الإنقاذ (الترابي) حرد وعاد، والأمة والإتحادي كانوا ولازالوا وسيظلوا في حِمى أي ديكتاتور يتدردقوووون
|
Post: #4
Title: Re: البشير يوافق على حكومة انتقالية لعامين
Author: ALWALEED ALSHEIKH
Date: 04-21-2014, 09:16 AM
Parent: #3
| Quote: البشير يوافق على حكومة انتقالية لعامين |
يعني كان شهر أبريل ده ما خلص نحن أصلو ما نرتاح
يا أخي براحا علينا الخواجات قالوا يوم واحد أبريل بس انتو مصرين إلا تكملوا الشهر.
|
Post: #5
Title: Re: البشير يوافق على حكومة انتقالية لعامين
Author: Mohd Ibrahim
Date: 04-21-2014, 10:14 AM
Parent: #4
|
Post: #6
Title: Re: البشير يوافق على حكومة انتقالية لعامين
Author: محمد عمر الفكي
Date: 04-21-2014, 10:41 AM
Parent: #5
يا مدير
المؤمن صديق (السمعت السمعتو انه الزول دا اخو مطرف صديق) 
المهم
مع الدولار اب تسعة وما واقف دا احتمال كبير اصدق، لانه مجبر اخاك لا بطل
على العموم
حكومة فيها نفس الوجوه القديمة بتاعة المؤتمر الوطني المسئولة بسياستها عن ما وصل اليه حال البلاد ولا يتم منح المعارضة فيها وزارات سيادية دي تكون ملعبة فارغة وتضييع للوقت واستجرار للازمة
المعارضة التي اعنيها لا تشمل الامة او الاتحادي او الشعبي او مستنسخاتهما
|
Post: #7
Title: Re: البشير يوافق على حكومة انتقالية لعامين
Author: عثمان عبدالقادر
Date: 04-21-2014, 11:00 AM
Parent: #6
محمد عمر سلامات
والله المعبود بالحق لو محمد ابراهيم جاب الصورة دي من البداية كان جاتني سكتة قلبية ولكن الحمد لله الجماعة شككوا في الخبر في مطلع البوست فخفف ذلك من وقعه على نفوسنا التي لم يترك لها الكيزان مساحة فرح بقدر مليمتر ، وعلى العموم حكومة انتقالية
لا تراعي الوضع الراهن ولا تستصحب الإشكالات القائمة وعلى رأسها هذا التشظي والتهتك في نسيج المجتمع السوداني ثم المحاسبة ورد اعتبار المفصولين مع إبعاد كل الكيزان عن جهاز الخدمة المدنية والعسكرية والقضائية ستفشل فشلا ذريعا وعن نفسي ارفضها.
أبو حمـــــــــــــــــــــــــــــــــــــــــــــــــــــــــــــــــــــــــد
|
Post: #8
Title: Re: البشير يوافق على حكومة انتقالية لعامين
Author: أبو ساندرا
Date: 04-21-2014, 11:17 AM
Parent: #7
محمد عمر الفكي:
| Quote: المعارضة التي اعنيها لا تشمل الامة او الاتحادي او الشعبي او مستنسخاتهما |
هههه شكلك قد صبئت و تشوعت
مرحبآ بك في حزبنا
أصلك بتشبهنا
|
Post: #9
Title: Re: البشير يوافق على حكومة انتقالية لعامين
Author: عبدالرحمن الحلاوي
Date: 04-21-2014, 12:04 PM
Parent: #8
هذا أفاك أشر
|
Post: #10
Title: Re: البشير يوافق على حكومة انتقالية لعامين
Author: محمد عمر الفكي
Date: 04-21-2014, 12:43 PM
Parent: #8
سلامات يا عثمان
وسلامة قلبك ياخي، واتفق معاك تماماً في الراي.
ابوساندرا حبيبنا وعمنا
الحكومة الانتقالية البعرفها يا تكون تكنوقراط يا تشكيلة متوازنة راس لراس وما اعتقد انه توجد معارضة غير الحزب الشيوعي والحركات المسلحة (الرافضة حتى الان للحوار) لتكون مقابلاً للوطني في الكفة الاخرى اللهم الا اذا اعتبرنا انه مولانا حاجة وجعفر حاجة تانية او الامام حاجة وعبدالرحمن حاجة تانية
تحياتي يا ابو العروس وعقبال الباقيات وانت ذاتك هههههههههههههههه المافي شنو
|
Post: #11
Title: Re: البشير يوافق على حكومة انتقالية لعامين
Author: عادل البراري
Date: 04-21-2014, 12:48 PM
Parent: #10
هذا أفك سياسي جديد
|
Post: #13
Title: Re: البشير يوافق على حكومة انتقالية لعامين
Author: خالد المبارك
Date: 04-21-2014, 01:44 PM
Parent: #12
نفضل تكون حكومة تكنوقراط بيور و ما عايزين اي ريحة حزب سياسي ولا حركات مسلحة
فترة سنتين كافية لتشذيب الخدمة المدنية و تصحيح علاقات البلاد داخليا و خارجيا
يتم فيها التحضير لدستور دائم للسودان و التمهيد لنظام تعددي كيفما اتفق
هذا يعتمد بشكل اساسي على وقف الحرب و حل مشكلة التمرد عسكريا و سياسيا و اجتماعيا
|
Post: #14
Title: Re: البشير يوافق على حكومة انتقالية لعامين
Author: cantona_1
Date: 04-21-2014, 01:53 PM
Parent: #6
| Quote: المعارضة التي اعنيها لا تشمل الامة او الاتحادي او الشعبي او مستنسخاتهما |
الأخ محمد عمر الفكي سلام
ونان معارضتك فضّل فيها شنو؟ إلا ال13000 الحضروا ندوتي الحزب الشيوعي وحزب المؤتمر السوداني.
معارضة ما فيها سيدي ما عندها طعم ولا بتنبلع ولا بقبلوا بيها ناس السودان.
ولن نصادق غير الصادق .. عاش الصادق أمل الأمة .. حزب الأمة أمل القوة.. حامي الدين والوطن.
والله أكبر ولله الحمد.
تحياتي
كبـّاشي الصـّـافي
.
|
Post: #15
Title: Re: البشير يوافق على حكومة انتقالية لعامين
Author: جمال خضر
Date: 04-21-2014, 02:08 PM
Parent: #14
أخونا محمد عمر الفكى
سلام
بدون تفكيك وتشليع ال26 ولاية بولاتها ووزرائها ومعتمديها ومجالسها التشريعية وإحالتهم للصالح العام
وتقسيم السودان الى 5 أقاليم فقط فلن تستطيع الحكومة القادمة تسيير تلك الجيوش الجرارة من العطالى السياسيين
أتمنى تكوين حكومة إنتقالية من تكنقراط مشهود لهم بالكفاءة وليت جلهم يكون غير منظم فى أحزاب
متوقع غريبة يظهر ما بين الفينة والأُخرى خليك جاهز
|
Post: #16
Title: Re: البشير يوافق على حكومة انتقالية لعامين
Author: محمد عمر الفكي
Date: 04-21-2014, 02:09 PM
Parent: #14
والله يا عم الصافي بقرا في تعليقك قعدت ازاقح برقبتي جاي جاي قلت السيف هسي بشيل راسي.
انت عارف انا جدي كان قائد في جيش عثمان ازرق لكن حكمة ربنا وعشان عمائل الخليفة في البطاحين اهلنا ليومي ويمك داك اتحاديين وحكمة ربنا والله في البطاحين ديل كلهم اكان لاقاناني واحد بس الختمي اي والله فرد واحد
هسي يا عم الصافي السيد الصادق دا معارض؟ ممكن اعترف لك بمعارضة مريم لكن السيد؟!!!! واسعة شوية
|
Post: #17
Title: Re: البشير يوافق على حكومة انتقالية لعامين
Author: cantona_1
Date: 04-21-2014, 02:21 PM
Parent: #16
الإبن محمد عمر الفكي سلام
العرب قالت: الما عندو قديم ما عندو جديد. السوا خليفة المهدي بقى تاريخ ويُسأل عنه يوم القيامة.. خلينا نحن أولاد النهار دا! هل ترى زعيماً مؤهلاً اليوم لقيادة السودان إلى بر الأمان غير الإمام الحبيب.
ندعوك للرجوع لحزب الأمة ليس بالضرورة أن تكون أنصاري .. حتى تتمكن من الإصلاح من الداخل. وبعدين نشوف البسويها الله. رأيك شنو؟
تحياتي
كبـّاشي الصـّـافي
.
|
Post: #18
Title: Re: البشير يوافق على حكومة انتقالية لعامين
Author: هشام كمال عبادي
Date: 04-21-2014, 02:32 PM
Parent: #17
حبيبنا عمر الفكي سلام الله يغشاك ..
يا زول والله الحيكومة دي غلبنا التسوي وكايسة المخارجة ساكت ..
عملو خطاب وثبة وبعدين اجتماع لكل الأحزاب واطلاق حريات وأخيرا قالو نعمل حكومة انتقالية ..
يعني بالمعنى كدي الجماعة ديل عايزين يملصو الحكاية دي بأخوي وأخوك بدون محاسبة ..
اها الشعب دا ما عندو رأي ولا الفهم شنو ؟؟
غايتو انا البعرفو اكان الزمن دا طال او قصر لازم نحاسب الجماعة ديل على الـ 25 سنة الفاتت دي ..
كل السفوهو بالحرام والقتلوهم ظلم والشردوهم من أهلهم دين على رقبتنا لازم نقتص ليهم ..
قنطار مودة ليك ولكل من مر من هنا ..
|
Post: #20
Title: Re: البشير يوافق على حكومة انتقالية لعامين
Author: Tragie Mustafa
Date: 04-21-2014, 05:28 PM
Parent: #19
يا محمد عمر سلام
عليك و علي زوار بوستك.
وكدي خليني النبدأ باكنتونا ده عارف يا كبتسي الصافي انت ه اكفأ و مقبول لدينا اكثر من امامك الكذاب.
اها روق المنقه حكايز لن نبايع غير الصادق دي ما ملزمه لينا كشعب سوداني. واممك هذا تعلم انت تحديدا تماما انه فقد الكثير من دوائره التاريخيه وللاسف لم يكسب قواعد جديده.
يا محمد عمر
لاحظتك متفائل…..وقلته انه عليهم افراغ الوظائف من كيزانهم لنعين جيوش العطاله!!
نسيت اقول لك لعلمك و علم الشعب قالوا المؤتمر الوطني اشترط في حوار الطرشان هذا انه لن تكون هنالك(اي احالة للصالح العام) لكل كوادرهم!!
وتخيل فعلا لو الاحزاب السجمانه دي قبلت؟!
معناها شنو يا ترهل اداري يا سيرطه للابد علي الكيزان علي مفاضل الدوله.
|
Post: #21
Title: Re: البشير يوافق على حكومة انتقالية لعامين
Author: د.أحمد الحسين
Date: 04-21-2014, 05:37 PM
Parent: #20
لكى تكون حكومة انتقالية محائدة بحق يجب أن تكون..
1- لديها سلطة على كل مؤسسات الدولة
2- لديها سلطات على كل قوى الأمن
3- مستقلة تماما من الحزب الحاكم
4- مستقلة عن سلطة البشير
5- تكون قادرة على انهاء خدمة او تعين اى مسؤل ادارى في الدولة
غير ذلك ستكون حكومة مؤتمر وطنى من وراء الستار بمسمى حكومة انتقالية
|
Post: #22
Title: رد
Author: محمد عمر الفكي
Date: 04-21-2014, 05:41 PM
Parent: #21
زوار البوست الاكارم
اولا جزيل شكري لمروركم من هنا
نظرا لسيطرة عبد الرحمن المطلقة على جهاز للكمبيوتر في البيت ونظرا لصعوبة الاقتباس والرد لكافي فاعتذر لكم عن عدم الرد الان مع وعد صادق بالرد صباح الغد ان الله ادانا واداكم العمر
تحياتي
|
Post: #23
Title: Re: رد
Author: الامين محمد علي
Date: 04-21-2014, 06:28 PM
Parent: #22
محمد وضويوفه الكرام سلام::
من وجهة نظري حتى لو تم تكوين خكومة انتقالية ما لم يحدث التالي يكون الكيزان دقسوا الجميع :::
- اعادة هيكلة حاسمة للخدمة المدنية
- اعادة هيكلة موضوعية للقوات المسلحة
- اعادة هيكلة حقيقية للشرطة والاجهزة الامنية...
- الغاء كل القوانين ذات العوار والبؤس المعلومة للجميع...
لو ما تم عمل هذه المطلوبات تبقى علينا قصة ((ريسوا وتيسوا))
ودونكم تجربة الحركة الشعبية،،،وجدت نفسها في جحر عقارب غريب وعجيب والوزير عبارة عن ضيف ليس الا... فهناك وزير خارجية منهم وهناك مصطفى اسماعيل وقس على ذلك....
|
Post: #24
Title: Re: رد
Author: Farida Mahgoub
Date: 04-21-2014, 07:35 PM
Parent: #23
السلام عليكم يا صاحب الخيط وضيوفه
نبدأ بي كباشي
| Quote: هل ترى زعيماً مؤهلاً اليوم لقيادة السودان إلى بر الأمان غير الإمام الحبيب. |
عليك الله زعيمك البتقول عليهو مؤهل دا وينو تأهيلو دا ......
يا خي دا اخذ من الفرص ما لم يأخذها أي واحد في العالم....عمل شنو؟
يا خي ليه نجرب المجرب؟
|
Post: #25
Title: Re: البشير يوافق على حكومة انتقالية لعامين
Author: Farida Mahgoub
Date: 04-21-2014, 07:43 PM
Parent: #1
|
Post: #26
Title: Re: البشير يوافق على حكومة انتقالية لعامين
Author: محمد حيدر المشرف
Date: 04-21-2014, 08:09 PM
Parent: #25
الترابي لو الله مد ليهو في الأجل .. ياهو المركب البشير الهولندية :)
|
Post: #27
Title: Re: البشير يوافق على حكومة انتقالية لعامين
Author: سفيان عثمان قرضيه
Date: 04-21-2014, 09:07 PM
Parent: #26
| Quote: لا بأس إذا تم دحر الجبهة الثورِية لتحرير السودان وقطع دابرها بطريقة: أكسح أمسح ما تجيبو حي، وتأديب دَولة جنوب السودان لإحتلالها هجليج مع التعويض والقصاص لقتلى مسجد بانتيو |
يا عزام لكن عصرت على الحكومة شديد
الكلام دا كتير خالص عليها
|
Post: #28
Title: Re: البشير يوافق على حكومة انتقالية لعامين
Author: منتصر عبد الباسط
Date: 04-21-2014, 09:31 PM
Parent: #27
دون الابتعاد التام للبشير وجماعته من التشكيلة لا معنى لحكومة انتقالية
لا يمكن تنظيف مكان وصاحبه لا زال قابعاً فيه..
| Quote: الحكومة الانتقالية البعرفها يا تكون تكنوقراط يا تشكيلة متوازنة راس لراس |
فقط (تكنوقراط) طالما أنها انقالية أما المشاركة المتوازنة لا تكفي وستكون فقط استمرار وتجديد ديكور لا أكثر
والبناء نفس البناء والحال نفس الحال ...لا نريد حكومة محاصصة ....
فرق كبير بين حكومة المحاصصة والحكومة الانتقالية.
الخبر يؤكد فقط الموافقة على عودة الشعبي لأدراجه الأولى ...لا خير يأتي من الترابي ولا صدق ننتظره منه
لا أحد يطمع في أن يتنازل عباد السلطة عنها.
|
Post: #29
Title: Re: البشير يوافق على حكومة انتقالية لعامين
Author: منتصر عبد الباسط
Date: 04-21-2014, 09:39 PM
Parent: #28
المؤسف أن الصادق المهدي ليس عنده اعتراض على رئاسة البشير لتلك الحكومة
أو هذا ما فهمته لدى استضافته في قناة الجزيره
|
Post: #30
Title: Re: البشير يوافق على حكومة انتقالية لعامين
Author: منتصر عبد الباسط
Date: 04-21-2014, 09:48 PM
Parent: #29
بدون العودة لنظام الأقاليم الستة بعد ذهاب اقاليم الجنوب الثلاثة
وتقليص المحافظات تبعاً لذلك وتسريح المجالس البرلمانية في المركز والأقاليم
وارجاع كل الأمور إلى نصابها فلا فائدة .
|
|