كل حاجة ما عاجباكم و صفتوها بالـ ( مومس ) ... ياخي و الله المومسات ديل بقيتوا ليهم في رقبتهم دي ..

اولاً لمن لا يعلم ...

كلمة مومس ... اصلها من ( وَمَسَ ) ..
يَمِسُ وَمْساّ الشئَ بالشيئِ : احتكه به حتي ينجرد

أومَسَ ... أومَسَت المرأةُ : صارت مُومِسَة
و أومسَ العنبُ : لان للنضج

المُومِس و المومِسه جمعها مومسات و موامس و مواميس و ميامِس و مياميس : اي المرأه المجاهرة بالفجور
______________________________________________________________________
تاريخياً ... هي من اقدم المهن في التاريخ ...

و اطلق اللقب علي كل من باعَ او باعت نفسها مقابل المال ( بالتحديد ) ...

ولا يجوز وصف من يفعلها او تفعلها بالمومس ان كانت لمجرد ( المتعة ) ...

و من الاخطاء الشائعه ايضاً استخدام كلمة ( العُهر ) السياسي ...

ومفهوم المقصود ... و لكن العاهِر هو من عَهَرَ عَهْرَاً المرأه ... اي اتاها للفجور و عمل المنكر

فهو عاهِر ... وهي عاهِر ( و ليست عاهره ) ...

و الرجل العَهِرْ ... هو العاهِر و الزاني ...

نعود هنا لاستخدام كلمة ( مومِس ) من قبل الاخوة الاعضاء بسودانيز اون لاين ...

لا ادري هل استخدامها لوصف عمل او شئ لا يعجب يعطي المعني بعداً ( ثقافيا ) اعمق ؟

ام ما هو المقصود بالضبط ؟

و هاكم الأمثله اولا في عنوان البوست ...

1- مصر أعلام مثل " المومس" يقابله صمتنا

2- هل تحول كمال بشاشا الى مومس سياسية ؟

3- هب انها مومس !!!

ثانياً : استخدامها داخل البوستات :

1- Re: هههه الفرق بين الانتهازية والدعارة

2- Re: ـ(البغاء الواقف) في عبيد ختف ... من بينهن طالبات ثانوي ...ومة مقابل كيلو باسطة

3- Re: مضاجعة ومضاجعة من نوع اخر andquot; أمة ضحكت من جهلها البهائمandquot;

4- Re: انا شخصيا يكفيني ما حدث اليوم ..!!!

5- Re: إغتصاب أخر - صورة

6- Re: قلت لي andquot; لافةandquot; الكعبة برجل واحدة ورجلها التانية في بغداد

___________________________________________________________________________________________

الشئ الاغرب ... ان اكثر المستخدمين لكلمة ( مومس ) و مشتقاتها هو الاخ ناصر حسين ...

فهو صاحب النصيب الاكبر من البوستات اعلاه ...

انا اعطيت بعض الامثله فقط ...

و اقول لكم ... ارفعوا اياديكم عن المومسات ... فهم لا دخل لهم بالسياسه و لا المطاحانات ...

دول غلابه ....

المومس امرأة فاجرة تلين لمن يريدها
مجاهرة بالفجور ,,, زانية
سلام يا صاحب

سلام أٍٍستاذ يحى

شكرا لتوضيح المعاتى و لحصر البوستات التى لم اراها او لم ازورها

المهم وجدتنى أبتسم فى نهاية عمودك رغم جدية الموضوع .

احترامى و تقديرى

Quote: المومس امرأة فاجرة تلين لمن يريدها مجاهرة بالفجور ,,, زانية سلام يا صاحب

عبد الحفيظ يا صديقي ...

اري اجحافاً في وصف بعض السياسيين و الاعلاميين بالموامس ...

لان المومس امتهنت شئ و تمارسه بمهنية اخلاقيه ( رغم ) فجورها ...

عندك مثلاً في مصر عمرو اديب ... لو وصفناه بالمومس ...

نكون قد ظلمنا كل الميامِس و المياميس الفي الدنيا دي ...

Quote: سلام أٍٍستاذ يحى شكرا لتوضيح المعاتى و لحصر البوستات التى لم اراها او لم ازورها المهم وجدتنى أبتسم فى نهاية عمودك رغم جدية الموضوع . احترامى و تقديرى

امس قلت لي واحد صاحبي

عمرك شفته ليك ( أَبُـو ) اسمو عماد ؟

تصدق معانا واحده اسمها نعمات عماد ...

الظاهر علينا عجزنا ... و ( العمادات ) الكانوا دفعتنا بقوا ابهات و جدود ...

تحياتي يا نعمات يا بتنا ( ده عشان تقول لي يا ولدي ... اشمعني الكباشي ) ...

ابنى العزيز يحى قبانى

صباحك خير

التفسير بطنبج و بمسخ

المهم يشرفنى ان يكون لى اولاد مثلكم

والدتك نعمات

المحترم قباني
بعض البوستات تصيبك بالدهشه

Quote: ابنى العزيز يحى قبانى نقشتك من المرة الفاتت ديك و كنتو جماعة

ياتو مرة الفاتت دي يا بتنا ؟

Quote: المحترم قباني بعض البوستات تصيبك بالدهشه

إخلاص يا بت ام در ...

يكون الزول رايح ليهو كلام ... عن الغُر المياميس ...

و يجي يتحفنا بي بوست ... و يصيبنا بالدهشة ...

وده البخلينا نفتح بوستات ( مدهشة ) زى دي ...:)

انيق الحروف يحي قباني
بوستاتك دائمآ فرحة ونغم جميل اما = بوستاتهم = والله نون نسوة ما بتدخلها والدهشه شويه عليهم بس حروفنا ما زي حروفهم
ام در بها الاهل اما نحن فقالو لجحا وين بلدك قال بري ثم السعودية

الحبيب يحى قباني لك السلام و الاحترام
نظلم المومسات كثيراً حين نشبه السياسين بهم
فهنّ - من الناحية الأخلاقية - أفضل كثير من معظم السياسيين
فهنّ لم يقتلن آلاف البشر و لم يظلمن ولم يحكمن بالموت جوعاً و قهراً على آلاف البسطاء
بل بالعكس حتى مهنتهنّ المرفوضة بمعايير الأخلاق معظمهنّ يمارسها بمهنية تمنى الكثيرون أن ترتقي ممارسة الساسة لهذه الدرجة من المهنية
أخيراً - و رغم أن هذا ليس موضوع البوست - أتمنى أن يأتي اليوم الذي تقوم فيه وزارة الشئون الإجتماعية و قوى المجتمع المدني بدراسة و حلول المشاكل التي تدفع بالكثيرات نحو هذا الطريق المظلم وفي مقدمتها الفقر عليه لعنة الله.
و طوبى للرجال الذين مهما فعلوا فهم غير مؤاخذين بمعيار الأخلاق لدى المجتمع أما البنت فهي وحدها التي ينالها اللوم و التقريع كأنها تمارس هذا الفعل لوحدها.
ختاماً أخي أعتذر إذا كنت انحرفت كثيراً عن موضوع البوست و لك كل الود و الإعزاز.

Quote: الحبيب يحى قباني لك السلام و الاحترام نظلم المومسات كثيراً حين نشبه السياسين بهم فهنّ - من الناحية الأخلاقية - أفضل كثير من معظم السياسيين فهنّ لم يقتلن آلاف البشر و لم يظلمن ولم يحكمن بالموت جوعاً و قهراً على آلاف البسطاء بل بالعكس حتى مهنتهنّ المرفوضة بمعايير الأخلاق معظمهنّ يمارسها بمهنية تمنى الكثيرون أن ترتقي ممارسة الساسة لهذه الدرجة من المهنية أخيراً - و رغم أن هذا ليس موضوع البوست - أتمنى أن يأتي اليوم الذي تقوم فيه وزارة الشئون الإجتماعية و قوى المجتمع المدني بدراسة و حلول المشاكل التي تدفع بالكثيرات نحو هذا الطريق المظلم وفي مقدمتها الفقر عليه لعنة الله. و طوبى للرجال الذين مهما فعلوا فهم غير مؤاخذين بمعيار الأخلاق لدى المجتمع أما البنت فهي وحدها التي ينالها اللوم و التقريع كأنها تمارس هذا الفعل لوحدها. ختاماً أخي أعتذر إذا كنت انحرفت كثيراً عن موضوع البوست و لك كل الود و الإعزاز.

حبيبنا ود الشيخ ...

خد راحتك في البوست تماماً ...

انا شخصياً قصدت اقيف في صفهن ... لأنو بصراحة كل من هب ودب بقي يستخدمهن في شتم الآخرين !!!

وهن لا نصبن علي زول ... لا كضبن ... اختارن طريق فرضته ظروف اقتصاديه مع مجتمع قاسي لا يرحم ...

نقوم نجي لي زول امعه و بوق للحكومة مثلاً او زول بتلولو في ارائه و اتجاهاته نقول عليهو مومس ؟؟

المواميس ذنبهم شنو؟

عندك مثلاً زول زي توفيق عكاشه في الاعلام المصري المزعل الناس ده ...

ينطط اليوم كلوا مافي بلد اسمها السودان ... وحلايب ما بعرف شنو ...

يجوا يقولوا ليك اعلامي كما المومس ؟؟؟

انا شخصياً ما شفت لي مومس اتكلمت في السياسه نهائياً ...

Quote: نيق الحروف يحي قباني بوستاتك دائمآ فرحة ونغم جميل اما = بوستاتهم = والله نون نسوة ما بتدخلها والدهشه شويه عليهم بس حروفنا ما زي حروفهم ام در بها الاهل اما نحن فقالو لجحا وين بلدك قال بري ثم السعودية

بت ناس المشرف يا جميله ...

بُرّي مننا و علينا ...

لكن السعودية دي غايتو أسأليني منها أنا ...

اما بالنسبة للنغم و الفرح ...

ما بعرف لو انحنا اصلنا كده ... ولا ده من تاثير أم در علينا ؟

Quote: عندك مثلاً في مصر عمرو اديب ... لو وصفناه بالمومس ... نكون قد ظلمنا كل الميامِس و المياميس الفي الدنيا دي ...

يا عمي يحي قبّاني سلام
عمرو أديب قال شنو وفعل شنو وترك شنو؟ من فضلك، نعلو عمل شيتاً كعب دُت؟
تحياتي

كبـّاشي الصـّـافي
(العوج راي والعديل راي) .

استاذنا يحيى قباني ( زمان كنت بتشيل الود وتدي الود وفي عينيك كان يكبر حنان يزداد وفات الحد ) الليلة مالك ما متعتنا بي حقيبة من بيت الكلاوي المياميس ديل كلامهم ما بكمل كدي شوف لينا حاجة كده نروح بها عن نفسنا شوية ,, وذي ما قال الدكتور عثمان مصطفى ... والله مشتاااااقيين .. بس قلنا نمر ونسلم

تحياتي : ياسر العيلفون

يحي قباني سلام ياخي

اسي الهدوها من التأخير وباتت بره دي ممكن يقولوا عليها مومس ولا شئ تاني

تحياتي

Quote: حي قباني سلام ياخي اسي الهدوها من التأخير وباتت بره دي ممكن يقولوا عليها مومس ولا شئ تاني تحياتي

سلامات عبد الله ...

ما اعتقد ...

لكن انا مشكلتي مع استخدام الكلمه في وصف كل زول اعلامي او سياسي ...

لانو بأمانه ... السياسيين ( الملولوين ) العندنا ... لو جبنا مومس عديل حسب المواصفات و المقاييس

كانت ادت العمل بصوره اكثر احترافيه و مهنية ...

ولا اعتقد اصلاً انها حتقبل ...

Quote: استاذنا يحيى قباني ( زمان كنت بتشيل الود وتدي الود وفي عينيك كان يكبر حنان يزداد وفات الحد ) الليلة مالك ما متعتنا بي حقيبة من بيت الكلاوي المياميس ديل كلامهم ما بكمل كدي شوف لينا حاجة كده نروح بها عن نفسنا شوية ,, وذي ما قال الدكتور عثمان مصطفى ... والله مشتاااااقيين .. بس قلنا نمر ونسلم تحياتي : ياسر العيلفون

ود العيلفون بلد الفن و الطرب ...

ياخي لكن نعمل شنو مع الجو المعكر ده ؟

و الله الروائع كتيره و موجوده ... و الليله لقيت لي حاجه من الستينات كده اخر ابهة ...

لكن مستني الجو علو يصفو ...

ياخي حديث المياميس ذو شجون ... لان فيهم حكم تلخص كتير من معاني الحياه ...

Quote: يا عمي يحي قبّاني سلام عمرو أديب قال شنو وفعل شنو وترك شنو؟ من فضلك، نعلو عمل شيتاً كعب دُت؟ تحياتي كبـّاشي الصـّـافي

ازيك يا خال ...

و الله قالوا الصمغ العربي اليومين ديل سوقه مولع نار ... الحاصل شنو ؟

عمرو اديب ... قول ما عمل شنو ؟

لا و يجوا ( الأخوان ) هنا بكل بساطه يقول ليك زى المومس ؟

عمروا اديب شعب كل رئيس ... و يطبل لليدفع اكتر ...

الموامس عندهم ميثاق شرف ... اذا وعدن فلا يخلفن ميعادا ...

Quote: و الله قالوا الصمغ العربي اليومين ديل سوقه مولع نار ... الحاصل شنو ؟

العم يحي قباني بعد السلام
بمناسبة الصمغ العربي عندي مقال حينزل اليومين دول في الراكوبة وأخواتها وهو مهم جداً لعدة أسباب فترقبوه وما يفوتك.
أهمية الصمغ العربي اليومين دول سببها ورد في صلب المقال الذي ذكرته لك أعلاه.. خاصة وشايف شنبك بدأ يبيض قليلا. ... فهمتها ولا تنتظر المقال أحسن؟
تحياتي

كبـّاشي الصـّـافي
(العوج راي والعديل راي) .

انيق الحروف يحي قباني
بوستاتك دائمآ فرحة ونغم جميل اما = بوستاتهم = والله نون نسوة ما بتدخلها والدهشه شويه عليهم بس حروفنا ما زي حروفهم
ام در بها الاهل اما نحن فقالو لجحا وين بلدك قال بري ثم السعودية

سلام ابنى يحى

جاوب على الآتى :
ما فى فاصل غنائى ؟
فنانك المفضل ؟
الابتسامة دواء اشكرك لانك جعلتنى ابتسم .
رجاء رد على السؤالين اعلاه .
والدتك نعمات

Quote: سلام ابنى يحى جاوب على الآتى : ما فى فاصل غنائى ؟ فنانك المفضل ؟ الابتسامة دواء اشكرك لانك جعلتنى ابتسم . رجاء رد على السؤالين اعلاه . والدتك نعمات

يا بت عماد ...

فناني المفضل دي صعبه شديد ...

فاصل غنائي امشي علي الروابط دي و انتي تسمعي ما يسرك انشاء الله

1- http://www.sudaneseonline.com/board/460/msg/1395027081.html

2- أشوف حبيبتي .. و أنظر خدودها ... عساها ترحم ... تكون ودوده ...

3- http://www.sudaneseonline.com/board/460/msg/1393253635.html

لو ما كفايه ... اديني خبر ...

آسفة للتكرار

المحترم/ يحيى هباني
نيتشه: القرود أكثر طيبة من أن يكون الانسان قد تحدر منها
The monkeys are too good for that man can descend from them (Friedrich Nietzsche).
السياسي بطبعه انسان والمومس بطبعها إنسانة وياهو الانسان القرود أكثر طيبة من أن يكون قد انحدر منها ...
ولكن ليس كل السياسيون سيئون
خاصة من قد يكون تم اختياره بآلية انتخابية نزيهة وهنالك من الساسة اذا ما وسمناهم بتلكم الصفة نكون قد ظلمنا المومس حقاً
طيب يا هباني المومس قامت بهذه الممارسة بمقابل مادي ببساطة "بيع الخدمات الجنسية"
الكثير ممن مارسن هذا الانحراف بسبب رموز القهر وضعف آلية الحماية المحيطة بها من أسرة وأهل ، فالكثير قد تعرضن لتحرشات جنسية من صاحب العمل ، أو سقوطها لضحية خادعها ثم انفرد بها وكان ما كان... لتسير على ذلك النهج .... أما الدواعي الاقتصادية فلأنها مومس في الأصل قبل أن تجوع وتعرى وإن لم تكن كذلك لما لجأت لذلك بل تحملت جوعها من ان تنحرف، ودعنا نلجأ لتحليلات أعمق أعتبر ممارسة أية مهنة أو التفوه بأية فكرة أو موقف سياسي من أجل المال فقط أو المنفعة والمصالح نوع من الدعارة ... وهو مومس كل من قام بذلك ...

Quote: ودعنا نلجأ لتحليلات أعمق أعتبر ممارسة أية مهنة أو التفوه بأية فكرة أو موقف سياسي من أجل المال فقط أو المنفعة والمصالح نوع من الدعارة

ده اعتراضي يا عثمان ...

الدعاره لابد ان يبدأها الرجل حتي تصبح دعاره ...

و الرجل تدفعه اسباب كثيره...

فاذا قلنا عنه ( داعر ) فعدانا العيب ...

اما وصفه بالمومس ... اي بالتحديد المرأه في هذه الحاله فهو تجني واضح علي تلك المسكينه ...

لو ترك كل الرجال الدعاره ... هل ستكون هناك مياميس ؟

وهل من مسه جنه فهو ممسوس؟ولا لازم يشترط مس الانس للانس حتى يتموسس


لو عندهن نقابة كان جابن خبر البوستات الممسوسة دى من


استاذ يحيى تحياتى رقاية تليق برقيك وخالية من حرف الميمان والسين المكلوجة

ودمحمود

Quote: و اقول لكم ... ارفعوا اياديكم عن المومسات ... فهم لا دخل لهم بالسياسه و لا المطاحانات ... دول غلابه ....

الجميل ودقباني يحى
يا أخي موضوع جميل كتير
والله مسكينات المومسات زي ما قلت .... ميتا وخراب ديار

تعرف يا قباني في دولة المجر هناك شئ حلو كتير في لغة الشارع
جمع كلمتين أحدهما كلمة عادية والأخرى كلمة بذيئة لتعطي معنى عادي
مثال
مومس : KORVA
جيد : JO

وعندما يجمعوا الكلمتين في جملة يتغير المعنى خالص
مثال
KORAV JO
تعني شئ او حاجة ما تخلص حلوة ولذيذة
مثلاً يقول اكلة او طعام (كورفا يو ) يعني اكلة حلوة كتير
فيظهر جماعتنا نهجوا نهج أهل المجر ونسوا يترجموا لنا ماذا يعني الجمع بين الموضوع والمومس

المهم أهنيك على طرق موضوع مثل هذا
وانت عودتنا بالجديد والمفيد يعطيك العافية
تحياتي ومودتي

دا كلام كويس يا شاب
يمكن يؤدي لفحص الناس طبنجاتها قبل تفريغ ذخيرتها الحيّة
وإنا لمنهم لا محالة
فتكون المقابلات بمحلها
جملة تفصيلاً
حتى يوافق شن طبقة


ولا كيف...


تحياتي والمحبات والاحترام

بعد شوية هتواجهوا معارضة مسلحة من المومسا . المياميس ....زألخ
واكيد بيصعب حلها
او بقي حل غير مرضي ليكم مش لي شعب المياميس
وانا من موكلي المياميس ديل
احذروا التقليد

بعد شوية هتواجهوا معارضة مسلحة من المومسا . المياميس ....زألخ
واكيد بيصعب حلها
او بقي حل غير مرضي ليكم مش لي شعب المياميس
وانا من موكلي المياميس ديل
احذروا التقليد

Quote: تعرف يا قباني في دولة المجر هناك شئ حلو كتير في لغة الشارع جمع كلمتين أحدهما كلمة عادية والأخرى كلمة بذيئة لتعطي معنى عادي مثال مومس : KORVA جيد : JO وعندما يجمعوا الكلمتين في جملة يتغير المعنى خالص مثال KORAV JO تعني شئ او حاجة ما تخلص حلوة ولذيذة مثلاً يقول اكلة او طعام (كورفا يو ) يعني اكلة حلوة كتير فيظهر جماعتنا نهجوا نهج أهل المجر ونسوا يترجموا لنا ماذا يعني الجمع بين الموضوع والمومس

ود المنسي يا صديقي ...

من أجمل الاكلات في جنوب ايطاليا هو المكرونه المومس ...

Spaghetti alla puttanesca

او بالانجليزي العربي كده ... spaghetti a la whore

سميت كذلك ... لأنها مشططه و مبهره تماماً ... سموها كده؟

مش عشان بتلف و تدور و تتلون زي ناس السياسه عندنا ..

طلبت فتاة من أمها ذات يوم أن تسمح لها بممارسة الحب مع صديقها!!

بوست جديد يحتوي علي كلمة مومس ...

ايه حكاية المومسات الماشه في المنبر اليومين ديل ؟