الحزب الشيوعى يستعين ب 10 الف اجنبى لحضور اللقاء الجماهيرى(صور)

انا كنت هناك كل الحضور اجانب ولا يوجد اى سودانى او سودانية .وعديت الحضور واحد واحد ..يعمينى ما شفت سودانى


غايتو الحزب الشيوعى بالغ عديل كدى كمان جابت ليها تزوير حضور ..؟؟

كمان جابت ليها انتحال ملابس وطنية .والله ياهو الفضل

الحضور .. 3 الف من الشقيقة بوركينا فاسو و3الف من الشقيقة جيبوتى و3 الف من الشقيقة اسمرا و999 من دولة الجنوب وواحد من ام الطيور

ياهم ال 10 الف اجنبى ..وللا ماكدى يا فكى اسحاق

وكمان جايبن نحاس من مورتانيا

اعفص لمشاهد فرقة النحاس الاجنبية

https://www.facebook.com/##########?v=10201936886763194andset=v...2871andtype=2andtheater

وبعدين ميدان الاهلية ده وين؟
العجب تزوير الجلاليب

الما من شعبنا ما منك ...عاش نضال الشعب السودانى ..هذا الحضور الباسل يرد ناصعا علي اليأس و الانهزامية ويؤكد لكل الشهداء اننا حقا رفاقهم ...اكاد ارى وردى و محجوب و مصطفي و قرفة و حميد و حميدة

http://www.sudaneseonline.com/board/460/msg/1397862411.html

يا مواطن نحن الجايين من تشاد ما حسبتنا ليه؟
عددنا كان 236 راحل وحرمة. لابسين جلاليب وعمم وتياب سودانية.
عاش كفاح الشعب السوداني.
تحياتي

كبـّاشي الصـّـافي
(العوج راي والعديل راي) .

سميت المدن النايمة
المدن التصحى في حين
تتلقى خطى العمال
واصوات الفلاحين
صلوات الغبش القايمة
في الدغش آمين يا آمين
سميت عصفورًا راجع لعيالو المريوقين
النفس النازل .. طالع
في صدور المسحوقين
سميت السفن التمخر
في السما .. البحر .. الطين
الناس التنضح سُّكر
تتجرع مُّرو سنين
التبني قصور للقيصر
وتتقاسم حوش الطين
الناس ام عرقًا يجهر
السرها يوم ح يبين
ياموج البحر الاحمـر
سميتكم قاسم أمين
*****
قتلوك الناس القُّصر
الناس المأفونين
الناس البالا مغّطى
الساسة المبيوعين
كتلوك خدم الراسمال
يازول يا عادي يا زين
الفرحوا الامريكان
والربحو تجار الدين
كتلوك وكان قاصدين
في ذاتك ناس تانيين
الناس ام عرقًا يجهر
السرها يوم ح يبين
يا عادي كما العمال
والريح الفينا دحين
يا صاحب ها الآمال
في صدور المحرومين
في عيون المحرومين
*****
ماشين في السكة نمد
من سيرتك للجايين
شايفنك ماشي تسد
وردية يا قاسم آمين

تحياتى معاوية عبيد

يتذكر الناس فى ايام الانقاذ الاولى وسنينها الاول ، كيف عربد رجال الجبهة والاخوان المسلمين وكانت تصريحاتهم فى الصحف وفى الحشود التى يقيمونها وفى احاديثهم الاذاعية والتلفزيونية بأنه لن تقوم للحزب الشيوعى بعد اليوم قائمة ابدا ، وفى سبيل ذلك داهموا البيوت ليلا ونهارا بحثا عن الشيوعيين ، حتى المقابر لم تسلم منهم ، فصلوا من العمل كل ما يشتبه فى انه عضو بالحزب الشيوعى او حتى متعاطف ، حبسوا الشيوعيين فى بيوت الاشباح وتم تعذيبهم تعذيب وحشى تم توثيق بعضه فى كتيبات والبعض يتنظر ، رصدوا كل الشيوعيين فى تحركاتهم وسكناتهم ، البوا عليهم العامة والخاصة وفبركوا عنهم القصص والروايات .

ثم ماذا حدث

ظل الحزب الشيوعى دائما وابدا حاضرا فى كل فعل ورد فعل فى الوطن ، ظل هاجسهم الذى يؤرقهم ابدا ودائما ، على الرغم من قولهم انهم اجتثوهوا نهائيا الا انه ما ان تظهر معارضة ما فى الداخل او الخارج الا وان ينسبوها للحزب الشيوعى ان كان حقيقة او بغير الحقيقة ، ظل الحزب الشيوعى حاضر فى وعيهم ولا وعيهم ، ظلت صحيفته تصدر بانتظام لم تتوقف ابدا ، ظل الحزب الشيوعى فى التجمع رقما فاعلا بالخارج والداخل ، ظلت الاحياء تشهد لهم حراكهم واماكن العمل ، حاولوا تدمير النقابات باختراعهم نقابة المنشأة وذلك من اجل تجفيف نشاطات الشيوعيين فى النقابات ولكن ظلت كوادر الشيوعيين نشطة فى كل المجالات ، اغتاولوا عبدالمنعم رحمة ذلك النقابى والعامل الذى ظل يجوب الجزيرة محرضا ومنظما ، عذبوا السخى ، مارسوا القهر والعسف على الخطيب فى عطبرة ، ولكن كان الحزب الشيوعى دائما مثل طائر الفينيق يخرج لهم من الرماد ومن كل الامكنة ،

يتذكر الناس جيدا كيف ان صحافتهم واذاعتهم وقنواتهم وكوادرهم كيف كانت تصف الحزب الشيوعى وكوادره بالطابور الخامس بقصد تشويه سمعته لأن الحزب الشيوعى كان يقف بقوة مع حق الجنوبيين فى نيل حقوقهم كاملة ويرفض التهميش والحرب الدينية التى كان يشعلوها ضد الجنوب والجنتوبييين .

ماذا حدث الا،

انهزم المشروع الحضارى الذى جندوا له كل موارد الدولة وكل كوادر الاخوان الداخلية والخارجية ، وانتصر الحزب الشيوعى السودانى فأصبح حزبا علنيا باعتراف الحكومة التى تستجدى حضوره فى منابرها للحوار .

اصبح الحزب الشيوعى حزبا مسجلا وقانونيا وانهزمت كل مقولات الانقاذ باجتثاث الحزب الشيوعى والى الابد

قبل الانقاذ وبعد حركة 1971 سال الدم فى شوارع الخرطوم
ونصبت المشانق لقادة الحزب الشيوعى واعتقد النميرى واعوانه بأن بعد اعدام عبدالخالق والشفيع وجوزيف لن تقوم للحزب الشيوعى قائمة ، ولكن الحزب الشيوعى لعق جراحه وخرج بعد ذلك قويا مصادما ، ثم اصبح النميرى طريد العدالة وطريد وطنه خارج البلاد ولولا ان الانقاذ منحته حصانة واستقدمته ما كان يفلت من العقاب .

فهل يتعظ كل الديكتاتوريين والمتطرفين والعدميين

الاحزاب تقوم لظروف موضوعية وتنتهى لظروف موضوعية ايضا عندما لا تجد البيئة الملائمة لها ، الاحزاب التى تنشأ بأمر السلطة وبالسلطة تزول بزوال السلطة لها ، اين الاتحاد الاشتراكى الآ، ، اين الحزب الوطنى المصرى الآن .


- لماذا يظن الطغاة الصغار

- وتشحب ألوانهم –

ان موت المناضل موت القضية

أعلم سر احتكام الطغاة الى البندقية

اها اقول ليك ...... انا عاينت يمين يسار ماشفتك والحكمة ماشفت ولا واحد من متنوضلي الكي بورد.....
وماحسبت اولاد الريف ولا القبائل الحدودية المصرية السودانية.

اها اقول ليك ...... انا عاينت يمين يسار ماشفتك والحكمة ماشفت ولا واحد من متنوضلي الكي بورد.....
وماحسبت اولاد الريف ولا القبائل الحدودية المصرية السودانية.

شر البلية ما يضحك

Quote: ما يضحك

http://www.sudaneseonline.com/board/460/msg/1397661078.html



والله صحي

Quote: اها اقول ليك ...... انا عاينت يمين يسار ماشفتك والحكمة ماشفت ولا واحد من متنوضلي الكي بورد..... وماحسبت اولاد الريف ولا القبائل الحدودية المصرية السودانية.

هسي لو الناس بتشوف
انت السودانية فيك وين
لا باينة في ملامحك
ولا في اخلاقاك ...
ولا في دهنستك وانطاحك للنظام بالطريقة المتواضعة دي
قال ما شفت
انت متين قاعد تشوف
خليك مباري بكري بنقو
قال بعاين في الندوة قال

هنيئا للحزب الشيوعي وهذا دليل عافية

اها انا القدامك دا جبت باللوري من قبرص الجماعة ديل
واخدت حقي كاش داون . بالله خلينا كدا والا كدا

عاش نضال الحزب الشيوعي السوداني عاش نضال الطبقة العاملة السودانية عاش نضال المهمشين والمزارعين .........
الثورة خيار الشعب .........
هذا الموقف الصحيح والبقية تاتي .........نشتغل كل مظاهر الحريات من اجل ان نستبصر ونباصر حقوقنا ونعاقب الجلاد والقاتل ولن نترك الدم لا مساومة في الدم .......

الشكية لله حتى النحاس من بره كمان
يا ود الصائم جماعة مالي وين

اهم شي ... في الانتخابات تراقبوا الصناديق والفرز وما تنسحبوا ...

على بركة الله يا مواطن ... المهم ....

عدنا
ح اجيكم واحد واحد
كنت فى العمرة ربنا يتقبل

قلت بوركينا ايه يامواطن؟؟

الشكية لله حتى النحاس من بره كمان
يا ود الصائم جماعة مالي وين

..............................

سلام يا مواطن

عاش نضال الحزب الشيوعي
عاش نضال الشعب السوداني.
لن يفلت المجرمون.
تحياتي يا مواطن يا اجنبي(()))(()