Post: #1
Title: اصدقاء السياحة ضمن مؤتمر صحفي بمركز فيصل الثقافي وحوار بالاذاعة السودانية
Author: صلاح غريبة
Date: 04-19-2014, 06:37 AM
من انشطة اصدقاء السياحة السودانية .
. ضمن برنامج ضل البلد تجري الاذاعة السودانية حوارا مع الناشطة الاستاذة هبة الحفار أمين الاعلام والعلاقات العامة والمتحدث الرسمي لمنظمة اصدقاء السياحة السودانية الساعة 01:30 ظهرا والبرنامج يقدمه الاعلامي الضليع محمد الحبيب واعداد اعلام الاتحاد الوطني للشباب السوداني.
. وتشارك منظمة اصدقاء السياحة السودانية في المؤتمر الصحفي الذي يقام ظهر اليوم بمركز فيصل الثقافي بمناسبة اليوم العالمي للقراءة والذي سيقام عصر الاربعاء القادم بالساحة الخضراء.
م. صلاح غريبة . رئيس منظمة اصدقاء السياحة السودانية
|
Post: #2
Title: Re: اصدقاء السياحة ضمن مؤتمر صحفي بمركز فيصل الثقافي وحوار بالاذاعة السودانية
Author: جمال خضر
Date: 04-19-2014, 08:40 AM
Parent: #1
| Quote: اليوم العالمي للقراءة والذي سيقام عصر الاربعاء القادم بالساحة الخضراء. |
الأخ غريبة تحية طيبة
اليوم العالمى للقراءة ده المقصود بيه شنو ؟ هل الهدف محاربة الأُمية مثلا؟ ولا المقصود بيه عودة الناس لقراءة الكتب حتى نعود لعهد بيروت تطبع والخرطوم تقرأ؟
وما الحوجة لقيام مؤتمر صحفى فى الأساس وبعزقة المال شمال ويمين والناس فى الساحة الخضراء حا يعملوا شنو على وجه التحديد يعنى كل واحد يجى شايل
ليه كتاب وعند إنطلاق الصافرة يبدأوا فى القراءة الى حين إنتهاء مراسم الإحتفال والميزانية بتاعة الهيلمانة دى كم وحا تندفع من وين ؟
وما هى علاقة منظمة أصدقاء السياحة بالقراءة ؟ وهل هنالك دعم من اليونسكو للموضوع ده ؟ والمفروض اليوم يكون شامل الكتابة أيضا يعنى يكون اليوم
العالمى للقراءة والكتابة علشان ما تجونا بعد شهرين تلاتة تعملوا اليوم العالمى للكتابة ويزيد الصرف وتبقى ميتة وخراب ديار وفى الختام أخونا غريبة أقترح
تعملوا اليوم العالمى للتقشف وتكون مصحوبة بمؤتمر صحفى كارب وتجمع كبير فى الساحة الخضراء ولازم المشمر والمحمر يكون حضور وكده ويكون خم
رماد وبعدها تعلنوا التقشف العام لأنو خلاص فترنا وقرفنا وزهجنا من المسلسل المكسيكى المستمر لربع قرن من الزمان (وش مكتئب )
وينك يا محمد عمر الفكى تجى تطلعنى من الجو النفسى الذى يكاد يقودنى للإنتحار كمدا
|
|