الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ...

بوست فرايحي.
والله صحي.




ما تزعلي يا السمحة قومي استعجلي ...

قد اللِبرة : هو البيدخلوا فيهو الخيّت، يعني سم الخياط.

الجمل : هو زوج الناقة الوآحد دا.

يلج : دي ما بعرفا غايتو .

الجُمّل : قالوا هو الحبل الغليد، يعني السلبة.

السَفنُ : القُبُطان.

والله أعلم ...

كان أبو علقمة من المتقعرين في اللغة وكان يستخدم في حديثه غريب الألفاظ
وفي أحد الأيام قال لخادمه :» أصقعت العتاريف ؟»
فأراد الخادم أن يلّقنه درسا ، فقال له كلمة ليس لها معنى وهي : «زقفيلم «
فتعجب أبو علقمة وقال لخادمه : «يا غلام ما زقفيلم هذه ؟»
فقال الخادم :» وأنت ، ما صقعت العتاريف هذه ؟»
فقال أبو علقمة :» معناها أصاحت الديكة ؟ «
فقال له خادمه : «وزقفيلم معناها : لم تصح «!

كتب أبو محلم إلى الحذاء في نعل عنده: دِنْها فإذا هَمّت تأتَدِن , فلاتخلها تَمرخِدُُُّ,وقبل أن تقفَعِلّ,فإذا
اتتَدَنَت فامسحها بخرقة غير وَكِبَة ولا جَشِبة,ثم إمعسها معسا رفيقا,ثم سُنّ شفرتك وأمْهِهَا,فإذا رأيت
عليها مثل الهَبوة فسُن رأس الأزميل,ثم سم بالله وصلِ على محمد صلى الله عليه وسلم,أنحِها وكوّفْ
جوانبها كَوْفًا رفيقًا,وأقبلها بقبالين أخنسين أفطسين غير خَلِطَين ولا أصمعين,ولْيكونا وثيقين من أديم
صافي البشرة ,غير نمَِش ولاحَلِم ولا كَدِش,واجعل في مقدمتها كمنقار النُغر.
فلما وصل الكتاب إلى الحذاء لم يفهم منه شيئا إلا كَدِش ,فقال: صيرني كداشًا والله لا حذوت له نعله.

التُكُل : الخُس.

الجخنون : المرقون.

الكركي : اللِنقاية.

الحوض مفروع : يعني بايعنوا، والفرع حش مقدار قبضة برسيم.

الخوسة : السكين .

المرافعين : جمع مرفعين .

والله أعلم ...

روي عن أم الهيثم – وكانت فصيحة بليغة – أنها مرضت فذهبوا يعودونها،
فقالوا: ياأم الهيثم كيف تجدينك؟ فقالت: (كنت وحمى بالدكة، فحضرت مأدبة،
فأكلت جبجبة، من صفيفهلعة، فاعترتني زلخة) فقالوا: يا أم الهيثم أي شيء
تقولين؟ قالت: أو للناس كلامان؟والله ما كلمتكم إلا بالعربي الفصيح.

Quote: فأكلت جبجبة،

الجبجبة كلمة عربية فصحى،
دحين لا تتحسسوا منها ...

كتب صفي الدين الحلي الى بعض الفضلاء و قد بلغه أنه اطلع على ديوانه
و قال: لا عيب فيه سوى انه خال من الالفاظ الغريبة. فرد عليه الحلي
بقصيدة هذه بعض ابياتها:

انما الحيزبون و الدردبيس *** و الطخا و النفاخ و العلطبيس

و الفطاريس و الشقحطب و الصقب *** و الحربصيص و العيطموس

و الحراجيج و العنفقس و العقلق *** و الطرفان و العسطوس

لغة تنفر المسامع منها *** حين تروى و تشمئز النفوس

و قبيح أن يسلك النافر الوحشي *** منها و يترك المأنوس

ان خير الالفاظ ما طرب السامع *** منه و طاب فيه الجليس

ان هذا قول كثيب قديم *** و مقالي عقنقل قدموس

لم نجد شاديا يغني قفا نبك *** على العود اذ تدار الكؤوس

أتراني ان قلت للمحب يا علو *** درى أنه العزيز النفيس

أو تراه يدري اذا قلت خب *** العير ان قولي سار العيس

درست هذه اللغات و اضحى *** مذهب الناس ما يقول الرئيس

انما هذه القلوب حديد *** و لذيذ الالفاظ مغناطيس.

الرئبال : دا شنو كمان ؟؟؟.

قسورة : دا شنو كمان ؟؟؟.

شليل : لعبة يلعبوها الشُفع زمان قبل البلي إستيشن.

التقروقة : المُصلآية، وفي رواية التبروقة.

المفراكة : خشبة في شكل حرف الـT لصواتة المِلحات ودق البِنيات.

اللدايات ك الأسافي من غير ثالثها.

التعديل عشان اللغة العربية دي شوية صعبة،
وتستوجب التدقيق، أو الدقة إن صحّ التعبير.

الدِقة، بكسر الدال تعني التمحيص والفلفلة،
وبضم الدال (دُقة) تعني دُقة قنقليز، دُقة نبق، دُقة شطة
وهلمجرا ...

تصحيح،

كُنتُ قد كتبتُ فوق،
الكركي يعني اللِنقاية، وهذا تدليس مني.

الكركي هو القريقة، واللِنقاية تعني الفريّدة،
والمعني واضح.

قال عيسى بن عمر وهو ممن اشتهر بشدة التقعير في كلامه -: أتيت الحسن البصري مجرمزا

حتى اقعنبيت بين يديه، فقلت: يا أبا سعيد أرأيت قول الله تعالى {والنخل باسقات لها طلع نضيد}،

فقال: هو الطِّبِّيع في كُفُرَّاه، ولعمري إن الآية لأبين من تفسيره.

العسطوس: هو شجر يُشبه الخيزُران.

بالمناسبة، البوست الغرد مَنو التسهيل علي قراء المنبر،
والأعضاء معاً. والله صحي ...

الفيروزآبادي صاحب القاموس المحيط سئل عن معنى قول علي بن أبي طالب رضي الله عنه لكاتبه:
(( ألصق روانفك بالجبوب، وخذ المِصْطَر بشناترك، واجعل حندورتيك إلى قَيْهَلي؛ حتى لا أنغي
نغية إلا أودعتها بحماطة جلجلانك)).


فقال: (( معناه: ألزق عضرطك بالصلة، وخذ المزبر بأباخسك، واجعل جحمتيك إلى أثعباني؛
حتى لا أنبس نبسة إلا وعيتها بلمظة رباطك)).

الدِفيق : هو الدِفيفِيق الدابو ني.

القمر بوبا عليك تقيل : يعني الفدايات. دي ما في زول يغالتني فيها، أها.

السفاية : الرملة الناااااااااعمة.

سلام يا أخا العرب

تحمد الله الذى قبض اليه ارواح المقعرات والمتقعرين

و نجى لغة الضاد منن عوج السنتهم
يا جنتل ما اديتنا اي تلميح او اسم قاموس
اسع نفهم ليك ده كيف ؟
نحن النحو الواحد ده معقدنا ...
تحياتى يا ابو الفرايحيين

جاء رجل إلى أحد النحويين ، فقال له : ما تقول في رجل مات وترك أبيه وأخيه ؟
فقال له النحوي : ترك أباه وأخاه ، فقال : فما لأباه وأخاه ؟ فقال النحوي : فما لأبيه وأخيه .

فقال الرجل : إني أراك كلما طاوعتك خالفتني !!!!



أراد أبو زيد الأنصاري النحوي الخروج إلى البصرة مع ابن أخيه ،
فقال له : اشترِ لنا مركوباً ، فجعل ابن أخيه ينادي : أيها الملاحين ،
فقال له : ويحك ، ماذا تقول ؟ بل قل أيها الملاحون.

فقال: أنا مولع بالنصب!!!،

وأنا مولع بالتسهيل علي أهل هذا الحوش
المأزووووووووم بتاع الكميرا ...

Quote: Mohamed Abdelrahman · يعمل لدى ‏‎Energya Cables - SA and Jeddah Cables Company‎‏ يعودون براها التشكيل برضو فيه كوجين السواد والرماد

هههههههههههههههههههههه،

يا محمد كوجين يعني شنو ؟؟؟.

ما اراك إلا قد طصأت علينا يا ربيب البوادي.

السواد والرماد، يعني الضُلُمّا والهبوّت،
وهذا للتوضيح.
شكراً ...

علي قول البت بريتنى سبيرز
اووووووبس آى ديد ات آقين !
هنالك من يعبث بردودى ف
شيل شيلتك أيها اللغوى !

Quote: سلام يا أخا العرب تحمد الله الذى قبض اليه ارواح المقعرات والمتقعرين و نجى لغة الضاد منن عوج السنتهم يا جنتل ما اديتنا اي تلميح او اسم قاموس اسع نفهم ليك ده كيف ؟ نحن النحو الواحد ده معقدنا ... تحياتى يا ابو الفرايحيين

نعمات يا خالة خالي كنتونا 1،
سلآمات.

طبعاً إنت كرت، لكن أُعرُفُكُ بأنّ المُنُبُرُ دا فيهو اداة بحثُ،
وهذا للعُلمُ.

جزاكم ...

وقف نحوي على صاحب باذنجان ، فقال له : كيف تبيع ؟ قال : عشرين بدانق ، قال : ما عليك أن تقول عشرون بدانق !
فظن البائع أنه يستزيده ، فقال : ثلاثين بدانق ، فقال : وما عليك أن تقول ثلاثون ! فما زالا على ذلك حتى بلغ تسعين .
فقال النحوي : وما عليك أن تقول تسعون ؟!!
فقال : أراك تدور على "المائتون" وهذا صعب أن يكون !!!!



بعدين النسوان بيقولن، سجم خشمي !!!.
هل من مفسر لهذه العبارة ؟؟؟،

ونشكركم ...

يا بكري يا اخي علّق لينا البوست دا فوق،
اوّل مرّة أطلب مِنّك حاجة.


المُعلآق : المشلعيب.

يقوليك فلآن علّق فلآن، يعني شراهو،
والثعلب لمان غلبو يصل اللبن في المُعلاق
قال، هو زاتو مُر.

زمان محمد حسين كسلا علّق كاوندا في الشبكة،
وعلي هذا فقِس .

فقِس البيض ؟؟؟...

ممكن أرد يا استاذ ؟
طيب

سجم : بمعنى سئ او غير محمود

خشم: الفم

العبارة تستخدمها المرأة عندما يتم

زرزرتها فى قوالة او عندما تقول

ما يجلب لها المشاكل فتلوم فمها

بدلا عن لومها نفسها

وشكرا

Quote: Mohamed Abdelrahman · يعمل لدى ‏‎Energya Cables - SA and Jeddah Cables Company‎‏ وحصلت لأبي علقمة النحوي علة، فدخل عليه أعين الطبيب يعوده. فقال: ما تجد ؟ قال: أكلت من لحوم هذه الجوازل، فطسئت طسأة، فأصابني وجع ما بين الوابلة إلى دأية العنق، فما زال يزيد وينمى حتى خالط الخلب والشراسف، فما ترى ؟ قال: خذ خربقاً وسلفقاً وشبرقاً فزهزقه وزقزقه واغسله بماء روث واشربه. فقال: ما تقول ؟ فقال: وصفت لي من الداء ما لا أعرف، فوصلت لك من الدواء ما لا تعرف. قال: ويحك فما أفهمتني. قال: لعن الله اقلنا إفهاماً لصاحبه.

ههههههههههههههههههه،

هو بالله يا محمد طسئت دي بالسا ؟؟؟، عاد اكان كدي انا
دقست دقسة السيح والريح. والله صحي.

غايتو أنا اليوم طسئت طسأة حتي فاتتني صلآة الجمعة،
فما رأي الفقهاء في ذلك ؟؟؟.

السيح والريح دي زي سجم السجم،
والمعني حمدو في بطنو ...

وقف على باب نحوي أحد الفقراء فقرعه فقال النحوي : من بالباب ؟ ... فقال : سائل ..
فقال النحوي : لينصرف ....
فقال الفقير مستدركا : اسمي أحمد ( وهو اسم لاينصرف في النحو ) ..

فقال النحوي لغلامه : أعط سيبويه كسرة..

وقف نحوي على زجّاج فقال: بكم هاتان القنينتان اللتان فيهما نكتتان خضراوتان؟
فقال الزجّاج: " مدهامتان فبأي آلاء ربكما تكذبان.

البشاري يا دفعة،

يا زول والله مشتاقين من غير تشكيل،
وإن عدت شكلنا لك شوقنا. والله صحي.



_جاء رجل الى احد النحويين فسأله: «الظبي معرفة او نكرة؟»
فقال: اذا كان مشوياً على المائدة فهو معرفة! وان كان يسرح في
الصحراء، فهو نكرة، فقال له الرجل: «احسنت ما في الدنيا اعرف منك بالنحو...

الفرق بين "المُخْتَال" و "الفَخُور"


{ إنَّ اللهَ لا يُحِبُّ مَنْ كَانَ مُخْتَالاً فَخُوراً }

ما الفرق بين "المُخْتَال" و "الفَخُور"؟!

المختال: في هيئته

الفخور: في قوله...

Quote: Nabeel Ali · الخرطوم التجارية ود المدير يا نحوي هي ثالثة الاثافي وليس الاسافي _ بالمناسبة معناها شنو _ ممكن تعرف لينا الاولي والتانية _ التالتة عارفنها

مشكور يا نبيل لأنك لفت نظر عزام، جاني طاير.
دي والله العظيم أنا ما قصدت أغلط فيها، إنما (غلت)
فيها بالجد، بالجد وكنت احسبها بالسا.

يا نبيل الموضوع كولو في التالتة اللتنين التانيات ما مهمات.

التقعِر : مشتق من قعر الكباية ...

Quote: قال الأسافي قال!

ههههههههههههههههههههه،

ما تزعل،
عامل طاقيتك الزي مسمار النقالة دي.

قلنا البوست فرايحي...

الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ...

هسّع يا عزام شاعر البطانة اللوّل في عنواني دا
باقيلك الصحيح المتقعرين، واللآ المتقعرون ؟؟؟.

لو جاوبت صح بكت لك ممتاز. والله صحي .


لا تتقعروا فتتوعروا ...

Quote: والتشدُق مثل:

ههههههههههههههههههههههه،

وضحك ود المدير ملء شُدُقُيُهُ.


شكراً يا نبيل ...

معاوية المدير

Quote: قلنا البوست فرايحي

تفرح بالتريقه علي؟!
ما عندي مانِع والله.. أنا زاتي مرات بتريق على رقبتي.. بس كمان كان تنجِض حاجاتك علشان ما يضحكو علينا الإتْنين.. بس أنا شايِف الضحك عليك بِكون أقرب لِلبُكا، لأنك جاي تتريق علي المُتقعرين وما [يعودون] بتقعُر هذا خطأ إملائي أو نحوي، التقعُر في [ الأسافي ] وفداحة الأمر عدم علمك بالصحيح

Quote: دي والله العظيم أنا ما قصدت أغلط فيها، إنما (غلت) فيها بالجد، بالجد وكنت احسبها بالسا.

وبرضو تجي تِترَيق.. يا لك مِن جرئ ههههه!

رزق عمودك ده مِن النت (تظليل/نسخ/لصق) وبعد ده جريت بنبرك ومسكت خرطوشك وقنبت ترشْرِش، وتسالِم على ده وتَونِس ده وتضاحِك ده.. طَيِب ما كان تمرُق [ يعودون ] مِن صِنقير الضِرار ده!
ــــــــــــــــــــــــــ

Quote: مشكور يا نبيل لأنك لفت نظر عزام، جاني طاير.

بقىتو تعرفو الغيب كمان.. ما شاءالله!
ــــــــــــــــــــــــــ

Quote: عامل طاقيتك الزي مسمار النقالة دي

الله لا تاجرك ياخ ودرتها تاااااااب
ـــــــــــــــــــــــــ


قُلنا حَرِر سوقو.. شايفو وقف على 500 وكام واحِد كِده

معاوية المدير

Quote: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة ... هسّع يا عزام شاعر البطانة اللوّل في عنواني دا باقيلك الصحيح المتقعرين، واللآ المتقعرون ؟؟؟. لو جاوبت صح بكت لك ممتاز. والله صحي . لا تتقعروا فتتوعروا ...

يا ود المُدير صاح شنو وغلط شنو يا زول.. إنت ماك عارِف إنو إنت بجهلك بقيت قاب قَوْسَين أو أدنى مِن الخُروج مِن الإسلام
<إِنَّ الَّذِينَ كَذَّبُواْ بِآيَاتِنَا وَاسْتَكْبَرُواْ عَنْهَا لاَ تُفَتَّحُ لَهُمْ أَبْوَابُ السَّمَاء وَلاَ يَدْخُلُونَ الْجَنَّةَ حَتَّى يَلِجَ الْجَمَلُ فِي سَمِّ الْخِيَاطِ وَكَذَلِكَ نَجْزِي الْمُجْرِمِينَ> 40 الأعراف

يعني <حَتَّى يَلِجَ الْجَمَلُ فِي سَمِّ الْخِيَاطِ> قُرآن وإنت كتبت

Quote: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة

أمشي يا خوي إغتسِل وأنطُق الشِهادتين وإسْتغفر، لأن اللِسان بهلِك

ودالمدير ازيك

ابوطاقية عاملة زى القرقور دا مابفوت حاجة
عليه فالاسافى ماشة ومقبولة مادام البوست فرايحى
عمك زهير بن ابى سلمى قال فى معلقته

وَقَفْتُ بِهَا مِنْ بَعْدِ عِشْرِينَ حِجَّةً فَـلأيَاً عَرَفْتُ الدَّارَ بَعْدَ تَوَهُّـمِ
أَثَـافِيَ سُفْعاً فِي مُعَرَّسِ مِرْجَـلِ وَنُـؤْياً كَجِذْمِ الحَوْضِ لَمْ يَتَثَلَّـمِ
فَلَـمَّا عَرَفْتُ الدَّارَ قُلْتُ لِرَبْعِهَـا أَلاَ أَنْعِمْ صَبَاحاً أَيُّهَا الرَّبْعُ وَاسْلَـمِ

Quote: أمشي يا خوي إغتسِل وأنطُق الشِهادتين وإسْتغفر، لأن اللِسان بهلِك

أمشي يا عزام اعرف تفسير الآية بعدين تعال كفرني.


انا قايل الجاهل اخير من المتقعر...

Quote: عليه فالاسافى ماشة

ماشا في عينك يا Salah Habib ياخ.. أنا الرطاني ما هان علي أمشيها خليهو إنتو.. عرب وهم.. الله لا تاجركم كُلكم جميعا

سوق المشاهدات رامي.. شُفت كيف!

معاوية المدير
إنت زعلت ولا شنو يا زول.. الظاهِر إنت نسيت إنو ده عمود فرايحي وكِده.. خلينا نضحِك الناس ياخ ما تكون كِده

Quote: أمشي يا عزام اعرف تفسير الآية بعدين تعال كفرني

وتفسير ىلآية الكريمة دخلو شنو؟

أنا كتبت عمود [لن يعودوا حَتَّى يَلِجَ الْجَمَلُ فِي سَمِّ الْخِيَاطِ] (الرابط) http://www.sudaneseonline.com/board/460/msg/1397831481.html وإنت جيت كتبت عمودك ده وكتبت في العِنوان ساخِرًا [الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة]

وقُلت ليك

Quote: إنت بجهلك بقيت قاب قَوْسَين أو أدنى مِن الخُروج مِن الإسلام

لأني إسْتلفت مِن القُرآن [(...) حَتَّى يَلِجَ الْجَمَلُ فِي سَمِّ الْخِيَاطِ] بس إنت ماك خابِر وأنا بعذُرك والله، إذا كُنت إنت ما عارِف تكتِب [الأثافي] حتعرِف الآية القُرآنِية مِن وين عاد!
أها البخليني أمشي لتفسير ىلآية الكريمة شنووووووووووو؟!
ـــــــــــــــ
وشرحت ليك الفرق بين التقعُر الهو التشدق وبين الأنا كتبتو.. الكتبتو كان خطأ إملائي أو نحوي [يعودون/يعودوا] وأسافيك تقعُر، لأنو كان ممكِن وِكْتين إنت ما عارِف ليها كِتابة، كان ممكِن تكتِب الحُجار أو اللدايات، بس حبيت تتشدق وتعمِل مَسَغَف وقنبت تلَوْلِو لينا في خشمك نان تمرُق [ الأسافي ].. وهُنا يطِل الفرح بِرأسهِ والفرايحية تعم البكان وبكره أحلى

Quote: وقَعْرُ الفمِ: داخلُه. وقَعَّر في كلامه وتَقَعَّرَ تَشَدَّقَ وتكلم بأَقصى قَعْر فمه، وقيل: تكلم بأَقصى حلقه. ورجل قَيْعَرٌ وقَيْعار: مُتَقَعِّر في كلامه. والتقعيرُ: التعميق. والتَّقْعير في الكلام: التَّشَدُّق فيه. والمُتَشَدِّق هو: الذي يَلْوي شِدْقَه للتَّفَصُّح.

اقطع اضان صلاح حبيب
لو تكون عارف الوجه الاخر للتفسير.

(ووُلـوج الـجُـمّـل)


الله لا تاجرك ...

Quote: لِلبُكا،

حا افلي ليك ايّ كلآم تكتبوا هنا،
دحين راجع كويس ...

Quote: يا ود المُدير صاح شنو

صاح الديك ؟؟؟.

هسّع عليك الله دي ما اخير منها الأسافي اللتي ؟؟؟.

قال صاح قال !!!.

تعال تاني يا عزام عشان نستفيد مِنّك ...

Quote: سوق المشاهدات رامي.. شُفت كيف!

علآمة إستفهام ما تعجب.

يعني كدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.

نقعد نصلح فيك لمتين ؟؟؟؟؟؟؟؟؟؟؟...

Quote: وشرحت ليك الفرق بين التقعُر الهو التشدق وبين الأنا كتبتو.. الكتبتو كان خطأ إملائي أو نحوي [يعودون/يعودوا] وأسافيك تقعُر، لأنو كان ممكِن وِكْتين إنت ما عارِف ليها كِتابة، كان ممكِن تكتِب الحُجار أو اللدايات، بس حبيت تتشدق وتعمِل مَسَغَف وقنبت تلَوْلِو لينا في خشمك نان تمرُق [ الأسافي ].. وهُنا يطِل الفرح بِرأسهِ والفرايحية تعم البكان وبكره أحلى

كدا بيضحكوا فيك يا عزام. والله صحي .

بعدين يا اخي تفادياً للخطأ الإملائي كان تكتب يجو عايدين،
أو تكتب يرجعوا، أو يجو التقعر العليك شنو ؟؟؟...

Quote: أها البخليني أمشي لتفسير ىلآية الكريمة شنووووووووووو؟!

لأنك ماك عارف إنو في قرأة تانية ليها معنى آخر،
وبناءً علي عدم معرفتك جيت كفرتني وفي ردّك
دا تقعرت كي لا تعترف بعدم معرفتك لتفسير
الآية.
قلنا ليك امشي أعرف، إنت المعرفة ما بيها مالك ؟؟؟...

معاوية المدير

Quote: انا قايل الجاهل اخير من المتقعر...

ده كلام ما صاح.. لأن ما تقعَر مُتقعِر عن جهل، بل عن علم، وجهل السامِع لقَول المُتقعِر اضطره للسخرِية منه.. مراقا يعني.. وكُلٍ بِما لديهِ فرِحٌ وسعيد.. يقول ليك نادي الجاهِل، يعني نادي الشافِع، وسموهو جاهِل لأنو ما عارِف الحبه دي!
ـــــــــــــــــــــــــــــــــــــــ

Quote: حا افلي ليك ايّ كلآم تكتبوا هنا،

حبابك والله.. أنا ما حصل إدعيت إني عليم بأسرار العربِية.. بس إنت إدعيت إنك كِده بِعمودك ده وجيت لينا -بِالصلاة على النبي- بِالأسافي ههههههه
ـــــــــــــــــــــــــــــــــــــــ

Quote: صاح الديك ؟؟؟.

ههههه ده فليلك ههههه.. حليلك!

دقيقة في مُلاحظة بسيطة كَدي.. علامات الإسْتفهام السويتِن فوق ديل ليه زايدات (2)؟ واحدة بتقضي يا ود المدير.. الإتْنين بزار ساي وعندهِن معنى!


بِمُناسبة العربِية ولِصيقك البتسوي فوقو ده.. عارِف معنى إسمك شنو؟!

معاوية المدير

Quote: الفرق بين "المُخْتَال" و "الفَخُور" { إنَّ اللهَ لا يُحِبُّ مَنْ كَانَ مُخْتَالاً فَخُوراً } ما الفرق بين "المُخْتَال" و "الفَخُور"؟! المختال: في هيئته الفخور: في قوله...

يا زول الآية الكريمة (إنَّ اللهَ لا يُحِبُّ مَنْ كَانَ مُخْتَالاً فَخُوراً) ما كَدي الله لا كسبك
ــــــــــــــــــــــــــ

Quote: لأنك ماك عارف إنو في قرأة تانية ليها معنى آخر،

Quote: قرأة

شوف يا ود المدير تمشي مِن دربك ده تنادي ولي أمرك

Quote: بِمُناسبة العربِية ولِصيقك البتسوي فوقو ده.. عارِف معنى إسمك شنو؟!

ههههههههههههههههههههههههههههههه،

يكفي إنّك عزّام، علي وزن فعّال، من كثرة العوازيم
وجفير الخوسة عندك فايت الكوع وديمة ينِز، وفرح
دي براها فرايحية، ويكفيني انني سُميت علي صحابي
جليل.


عارفك شاطر وادرى مني بالتي إستعوت ...

Quote: شوف يا ود المدير تمشي مِن دربك ده تنادي ولي أمرك

دايربو شنو ؟؟؟.
ما تخليني إستفيد. صلحني كان غِلِت،
بس ما تديني فرصة اصلِحك عشان ما يضحكوا فيك ...

معاوية المدير

أنا كتبت:

Quote: سوق المشاهدات رامي.. شُفت كيف!

إنت كتبت:

Quote: علآمة إستفهام ما تعجب. يعني كدا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟. نقعد نصلح فيك لمتين ؟؟؟؟؟؟؟؟؟؟؟...

تعجُب يا ود المدير [شفت كيف] ده تعجُب. ولو إعتبرت [سوق المشاهدات رامي] سؤال يبقى أنا زعلان منك خالِص
ــــــــــــــــــــــــــــ

Quote: يكفي إنّك عزّام، علي وزن فعّال، من كثرة العوازيم

Quote: من كثرة العوازيم

الرسول.. النبي!
يا زول عزام من كثرة العوازيم.. لا حَول ولا قُوة إلا بِالله.. أخير الأسافي حرّم هههههه

أها يا ود المدير جيت عمودك الفاتحو إنت مِن أمبارِح، وكان مشاهداتو 560 هسِع وصل بِالصلاة على النبي لـ700 مُشاهِد.. قصرت معاك.. يا زول فُتك بِالعافِية.. قضيت معاك وقت مُش بطال.. سلام

عدم الشغله تعلِم العضو المُجازفات هههههه

Quote: الرسول.. النبي! يا زول عزام من كثرة العوازيم.. لا حَول ولا قُوة إلا بِالله.. أخير الأسافي حرّم هههههه

تكون من كثرة العزِم. يعني إنت فقير بتعزم للناس. ههههههههههههههههههه.

اوعك تحسب نفسك من أُولي العزم، اوعك يا عزام.

عزام بلسانٍ عربيٍ مُبين. والله صحي.

يا عزام إنت بتخاف من الشدّة ليييييييييييييه ؟؟؟...

Quote: أها يا ود المدير جيت عمودك الفاتحو إنت مِن أمبارِح، وكان مشاهداتو 560 هسِع وصل بِالصلاة على النبي لـ700 مُشاهِد.. قصرت معاك.. يا زول فُتك بِالعافِية.. قضيت معاك وقت مُش بطال.. سلام عدم الشغله تعلِم العضو المُجازفات هههههه

يا زول إنت مالك بتحسب في الناس البيجو العمود ؟.
خلي بالك إنت عندك عقدة تفتح بوست وتقعد تحسب عدد الزوار،
وكلما ارتفع العدد كلما إزددت إنتفاخ. إنت معقد واللآ شنو ؟؟؟.

اوّعك تجي بجاي تاني،
وبطل تتقعر، وخليك فرايحي...

Quote: تعجُب يا ود المدير [شفت كيف] ده تعجُب. ولو إعتبرت [سوق المشاهدات رامي] سؤال يبقى أنا زعلان منك خالِص

إذا كنت بتتكلم مع نفسك يا عزام يبقى تعجب، لكن إنت
يا الضو بتسألني انا. يبقى إستفهام يا عجيب إنت.

كان داير تزعل، ازعل. بس ما تطق.
قلنالك البوست فرايحي.

يلا امشي،
اوعك تاني تجي بجاي سامع...

Quote: Amna A. Mukhtar · الأكثر تعليقا · Too many to list · ‏6,784‏ من المشتركين لقد عقدتنا عدييييل .

هههههههههههههه،

سلآمات يا آمنة مختار.

البوست فرايحي وبس، فرايحي.


الله لا كسّبك يا عزام...

Quote: Nabeel Ali · الخرطوم التجارية وقرقر نبيل وصحبه حتي بانت نواجذهم _ بالحتة اللي فيها الحديدة يا عزام _ ود المدير _ عزام ما قاصد تاويل او معني الاية بل ما ادخلته انت في صيغة الاية ولا يصح السخرية او الاستهزاء بايات القران والله اعلم _ خلوها فرايحية كما قيل _ كفانا بوستات الدغمسة والغث والثمين (جيب لي تقعرهم يا ود المدير لو سمحت) لقد (صنعتم) يومي شكرا لكم

بختك يا نبيل، تقرقر ساااااكت.

أها، هاك اللوريك تِقِعِر عزام.
عزام قال، إستلف من القرآن، وعنواني أنا ما قرآن.
زولك دا خلاني إغتسلت ساكت. والله صحي.

Quote: يا ود المُدير صاح شنو وغلط شنو يا زول.. إنت ماك عارِف إنو إنت بجهلك بقيت قاب قَوْسَين أو أدنى مِن الخُروج مِن الإسلام <إِنَّ الَّذِينَ كَذَّبُواْ بِآيَاتِنَا وَاسْتَكْبَرُواْ عَنْهَا لاَ تُفَتَّحُ لَهُمْ أَبْوَابُ السَّمَاء وَلاَ يَدْخُلُونَ الْجَنَّةَ حَتَّى يَلِجَ الْجَمَلُ فِي سَمِّ الْخِيَاطِ وَكَذَلِكَ نَجْزِي الْمُجْرِمِينَ> 40 الأعراف يعني <حَتَّى يَلِجَ الْجَمَلُ فِي سَمِّ الْخِيَاطِ> قُرآن وإنت كتبت Quote: الـمُـتـقـعـريـن بـيـن يـعـودون ووُلـوج الـجُـمّـل فـي قـد الـلِـبـرة أمشي يا خوي إغتسِل وأنطُق الشِهادتين وإسْتغفر، لأن اللِسان بهلِك

مُش خلاني إغتسلت وبس، كمان قال جهلي قرررررررب يمرقني من المِلّة.
هو خلي بالك عزام دا مُو جاهل، لكن ما عارف.

عليك الله اسعلوا لي، هو مكجِن التضعيف مالو ؟؟؟،
يعني الشدّة دي رفاقتا اخير مِنها بي شنو ؟؟؟.
معليش انا بصرف علآمات إستفهام كتيرة، ود تبذير
مني ساكت...

Quote: شوف يا ود المدير تمشي مِن دربك ده تنادي ولي أمرك

نعم .. أهلاً .. الجنا دا مالو وغلت معاك في شنو؟؟؟؟؟؟؟؟؟؟

HAIDER ALZAIN
كيف حالك؟ علك طَيِب

Quote: الجنا دا مالو وغلت معاك في شنو

والله ما كُنت عارِف إنك ولي أمرو.. والله لو كُنت عارِف ما كُنت تعبتك وخليتك تجي بِجاي.. حرّم كُنت سويت رأيو فوقو براي.. الجنا حتو ما مِتِل جناي وكِده.. ما علينا أنا بشيل اللحم وبِرجع ليكُم إن شاءالله العضُم.. بس دايرك تحدِثو وتقول ليهو عيب، عزام ده بِخِلاف إنو أُسْتاذك برضو في مقام كُبارك سِنًا ومقامًا أي حرّم زي ما بقول ليك كَدي..

الجنا -الله لا تاجرو- سوا لي مُظاهرة بِجاي وأنا زول لحمي مَفَرَق في ناسًا كُتار أكان مِن صُلبي أو مِن الأهل والعشيرة، بخاف يِزعلو منو يقومو يتسافهو في بعضُمْ ويِهاتروهو ويِهاتِرُمْ وده والله ما في داعي ليهو.. الجنا -الله لا كسبو- أقول ليهو: صاد، يِقول لي: سين! ما بسمع الكلام ياخ وجِنو هرجله ونِطيط.. ما تشغِل بالك، وأنا زول [كسر] و[فتح] و[ضم] وما عِنْدي [شدة] كَدي فوق المُرازا.. ولا يهمك.. أرقُد قفا، وكِتين الجنا ليلكُم، يبقى ليلنا حتو.. (الله لا تريِحو.. ده جنا دلْدوهو ده!)

Quote: نعم .. أهلاً .. الجنا دا مالو وغلت معاك في شنو؟؟؟؟؟؟؟؟؟؟

عكست الآية يا حيدر الزين ؟؟؟.

اصبر ساااااكت لآمن انزل البلد.

جِنِس بزاراً عليك !!! (هنا في تعجب).
هسّع علآمات الإستفهام ديل ما قرضتهن.

Quote: Galal E Omar · Scottsdale, Arizona يا مدير سلام غير منقعر و لا متقعر ياخ ... لكن ما اوركت .. الدقة ... و صلت و جلت فيها بالغيلم كما قال ابو مسيلمة الحمندلي و هو جالس القرفصاء متحنشرا متفنشرا و ممسكا بالحطرمنش المحك المبك .. الدقة ست الاسم شمار و حبة ملح لزوم زواده المسافر يعني ما ركبتا قطر كريمة و اكلتا بيض مسلوق في شندي .. اها بياكلوهو بالدقة دي اكتر حاجة كت بدور اعملا لمساعدة الحاجة في شغل التكل دق الشمار اسافي و دقة !!!!! ؟؟؟؟؟ ياخي انتا داير الدق عديل كده

ههههههههههههههههه،
يا جلال القرفصاء يعني شنو ؟؟.

دا مِيا قطر كريمِي
الملآن لخشمو دِيمِيِ
إن جا التمُر مكمُود كمد
والمنقة وِكتين تستوي
تلقاهو للوكاي درب
كترة كُلف قايل شنو
ابا لا يشيلنا ود مِنو.

أها، دايرين تتعونوا فوقي
إنت وحيدر الزين...

Quote: والله ما كُنت عارِف إنك ولي أمرو.. والله لو كُنت عارِف ما كُنت تعبتك وخليتك تجي بِجاي..

يا عزام حيدر الزين دا لا تخليهو يتفوجج فوقك في الفارغة ساكت.
أنا ولي امرو، لكن إنت وِكت اصلك بقيت صاحباً ليهو، لوّمك بي
أنا يومي اللصلك بقعلك فوق راسك.
أها، قصرّت معاك ؟؟؟.

الصحيح فرائحي وليس فرايحي ...

(غايتو قدر ما سردبت غلبني ) ... المهم ....

Quote: الصحيح فرائحي وليس فرايحي ... (غايتو قدر ما سردبت غلبني ) ... المهم ....

أنت لست من أُولي العزم يا تبارك.

بعدين اللداك اللِزن تصحح مِنو ؟؟؟...

انا جايي مع حيدر الزين

Quote: الجنا حتو ما مِتِل جناي وكِده..

ياها والله المحرية فيك يا عزام..
ودا عشمنا من اول ..من اللول انا عارفك اخو وود المدير جناك زي ما هو هيلنا ..
فشكراً ليك يا مكـ..





ود المديــر والله انت الماقصرت .. اسمع دي

حصلت لي قصة حقيقة والله في بورسودان مع عساكر الله لا تاجرهم اتذكرتها بمناسبة الجنا دي ...ادقيت فيها دق العيش :)
مشيت في اجازة واجب عزاء بورسودان ومعاي عمتنا ونحن راجعين بالقطر مشينا المحطة وفي رفع شنط ونزيل شنط اتناقرت مع عسكري لقيتو حقرني..
اها بي جاي بي جاي ضربتو بنية كب الدم من نخرتو ووقع..انا داير اتخارج لكن يعجبوك غوغاء المحطة ..قعدو يكوركو ضرب العسكري ... تراهودااك.. لابس لو فنيلة..
المهم اتلمو فوقي عساكر المحطة كيف تضرب عسكري..اتجرجرنا للقسم الجوة المحطة بس اتضاروا من الجمهور والغوغاء المتلمية قفلوا بابهم وعين حيدر ماتشوف الا النور..
ابوخديجة المحطة كلها شئ قاشات وشئ بنية غايتو لو مالقيت لي كرسي اتدرقتبو راسي كان اتكسر..ربك رب الخير يخش ضابط القسم...
طبعاص الضابط متفهم غيرة العساكر على اخوهم المضروب فما اشتغل الا بفتح بلاغ ضدي بتهمة الاعتداء على موظف رسمي..
المهم في القصة تقوم عمتي وهي شايفاني العساكر مجرجرني ويلكدو فوقي تشوف ليك واحد من حلتنا شغال في محطة بورسودان اسمه تاج السر ولقبه ود الجيـران انسان اجتماعي ونشيط وخدوم ودا سر اللقب ..
نادتو وعرفتو بالزول المجرور داك قالت لو الحقو..ود الجيران طلع بيعرف نص عساكر القسم بالاضافة للضابط فطوالي دخل سلم عليهم وهاك يا توسط وفكو الزول ومعليش والزول دا ولدنا..اسمع فيهو يقول للضابط :
يآخي الود جنانا ..مالو ؟ وانا اهوزز في رويسي ساي
الضابط يقولوا..ضارب عسكري ..وقبل يتملو القصة قاطعو
انا عارفو الجنا دا اخلاقو ضيقة وراسو دمك.. وتااااااااخ رشاني كف لم ترتعت..
ويقول لي .. أنا يا جنا ما قلت حسن اخلاقك.. امرق قدامي امرق.. معليش يا جنابو
وجراني واتخارجت.. والله لاني عارف احك جضمي والا احك ضهري من قاشات العساكر..
وهو ولا علي بالو .. بل يرسل تحاياهو لناس الحلة ..

حباب الضُراع ود الزين

Quote: وتااااااااخ رشاني كف لم ترتعت

هداك ود المُدير سُكو سكا البلا

غايتو بعد الكف الصاموطي دا ... انا بمسك في عزام اخوي دا

نحن نوبيين عزاااز ... لا بدقونا عساكر لا بكفّتنا "ود الجيران"






... المهم ....

تبارك دا تبعكم ياعزام.. والا نشوف شغلنا :)

HAIDER ALZAIN

Quote: تبارك دا تبعكم ياعزام.. والا نشوف شغلنا :)

تبارك ده تبع رب العالمين يا خوي.. ما بنْقدِر.. همِلو ساي.. ههههه دي ذكرتني بحِكاية.. حكي لي باشري ود أحمد، همباتي وراوي (شعر) مِن ناس الزمن القِبيل، زمن أسَود وأبيض، مِن أهلك كواهلة البُطانة، حضرتو يا حليلو في آخر 9 سنوات مِن عمرو، وكان بيناتنا لُطْف وعِناية، كنا بنتْونس والونسه خرمت بِجاي وجاي وقال لي: نزلنا في ديوان الشريف / أحمد ود علي مِن بول الشريف/ يوسف الهندي، قالي نزلو فوق ديوانو في نواحي الصِفَية حدا الصُباغ، جِهة الصباح، وقال لي أكان معاهو جماعة عداهُم لي بِالنفر، وكلهُم همباتة، أها هسِع الشريف/ أحمد قام يتْنفل، واحدًا كَدي ممسوخ بِقولولو الشدادي -والشدايدة ديل خشُم بيت كبير في الكواهلة- مِن القاعدين ناغم باشري ود أحمد
- أكان طلعت فوق ضهر الشريف وهو في سجدتو دي بديك طرادا حمرا
- سمِح لهِمْني ليها
قام أداهو الطرادا، قام زولي (باشري) خلا ليك الشريف يسجُد قام ركْبو تااااب أنا أخوك، الشريف إتضايق بِالحيل وكمل سجودو مُشاهرة ساي.. كملا مُدنقِر، ومخروقتو مِن والوَطي العليها شِبِر بس مِن الواطا، ويا الله يا الله إسْتغفر ومرق مِن صلاتو بِسلام واحِد وتسمعو:
- ده منو.. ده منو؟
- أنا الله.. إتْ غير الله البِقْدرك منو عاد!
- أنزِل يا زول
- ماني نازِل!
- يا زول إدَل!
- حرّم ما ركبْت عِلا بِطرادا وما بدلا عِلا بِمِتْلا!
- ليك طرادا إدِل قسمْتني

Quote: انا جايي مع حيدر الزين

إذاً تمشي تغتسل، وتنطق الشهادة.



المهم ...

Quote: حباب الضُراع ود الزين Quote: وتااااااااخ رشاني كف لم ترتعت هداك ود المُدير سُكو سكا البلا

عليك الله شوّف المحسي المركِب مكنة شُكري دا !!!.

خلي بالك يا ود الزين حسادة البطاحين دي
لاقِطا من صاحبك ود الفكي.



المهم دا بس خلي عزام
يدينا اللِزِن ...

معاوية ياقريبي....
وتاني تسلم ياقريبي....
يمين مبسوط تب منك....
وحبايبك التداخلو معاك ديل كلهم ابسطوا...
وشكرا لكم...

ناس ود الفكي يقولولك دا حسادتو تولد البنات ..قلنا نشوف النوبي المتبطحن دا عملنا شنو جينا لقينا البوست دخل مرحلة الحمل والولادة :)

Quote: Galal E Omar · Scottsdale, Arizona القرفصاء ... !!!؟؟؟؟ يجازي محنك يا ود المدير ,, اها دي يشرحوها ليك كيفن ... اهلنا بيقعدوها لم يخشو الحمام الما فيهو مقعد .. بيت الادب او المستراح ... بالمناسبة هذه القعدة مهمة جدا للمرة الحامل اذا مارستها طيلة ايام الحمل حيث تسهل كثيرا عملية الولادة .. و اهلنا الكبار بيقعدوها الضحوية او ضل الصباح و اجمل قعداتا لمن تكون راكز قفاك علي حيطة و مولع سجارة و جنبك فنجان قهوة و تفرا في الجريدة و فاتح الرادي و وردي بيعنى .. ما تخجلي ... و سمحات الفريق رايحات جايات في الدرب القدامك ذات ضحوية من يوم جمعة في زمنن سمح اها فهمتا و للا نجيب السوط رد · أعجبني · متابعة المنشور · تم التعديل · منذ ‏3‏ ساعات

بعدين لاحظ لي مشهد صاحبنا جلال عمر..
راكز قفاهو في حيطة.. ومولع سيجارة .. وفنجان قهوة ..وبيقرأ في جريدة .. وفاتح رادي بيسمع وردي يحرش في البنية السمحة تبقي قاهــر..
عاين لهن ديل كم حاجة الزول دا بيسويهن في لحظة واحدة؟
عارف يا ود المدير يا صاحبي.. بعد تامل لقيت وضع مجابدة جلال عمر في تنفيذ حاجاته دي زي مجابدة الكلمة وقت يجي عزام يرصعها بالتشكيل... مرات لمن تسمع الكلمة تقنت وقت يشد لجماها بالشدة.. الله يخدر ضراعو.. قول آآمين :)

يا جلال لكن بتاعت الحمام ديك ما القرفصاء..القرفصاء معناها تتفرجخ عديل زي العاوز تقرأ مصفح.. بتاعت الحمام الاقعاء.. والسيجارة الذ شئ فيها بل الذ من وردي السمحة الخجلانة :)

عزام ابى يدينا اللذن يا ود المدير.. عاينلو كتب شنو :

Quote: تبارك ده تبع رب العالمين يا خوي.. ما بنْقدِر.. همِلو ساي.. ههههه

دي عملوها زي قصة موسى الاشعري وعمرو بن العاص في دخلتم بين معاوية وعلى.. :)

اليصبرو بس الننتهي من ونستي مع الدومة حنضلونحن برانا بنشوف ..

Quote: المستنير وهبة · الأكثر تعليقا · Khartoum, Sudan يا ود المدير اختشي عامل لي راسك الحفيان دا :)

عاجبك كدا يا عزام ؟؟؟.

جبتها لي في صلعتي لا إيدي لا كراعي.
الله لا تاجرك يا اخ.


يا مستنير عارفك لو عضة ناموسة بتريحك،
وكان تسالية بتطعّم لك خشمك، لكن وحات
الله دايرلك ما إنّ مفاتحه لتنوء بالعصبة عشان
ترسل لي تسكرة اجي إتغدى معاك، واجيب
معاي عزام كمان.

يا زول الشوق محيط،
وارقد عافية...

Quote: ممكن أرد يا استاذ ؟ طيب سجم : بمعنى سئ او غير محمود خشم: الفم العبارة تستخدمها المرأة عندما يتم زرزرتها فى قوالة او عندما تقول ما يجلب لها المشاكل فتلوم فمها بدلا عن لومها نفسها وشكرا

يا سلآم عليك يا نعمات.

عفيت مِنّك كتف لكتف مع عزام.
اكثر الله في القبيلة امثالِك ...

Quote: ودالمدير ازيك ابوطاقية عاملة زى القرقور دا مابفوت حاجة عليه فالاسافى ماشة ومقبولة مادام البوست فرايحى عمك زهير بن ابى سلمى قال فى معلقته

مرحب يا صلاح حبيب.

يا زول تجدع لي كلآم عمّك زهير وتزوغ،
تخلي عزام يسففني هبوّت الأسافي، عاد
كلآمك دا بيبقى ؟؟؟.

ههههههههه عجبني ليك يا معاوية المدير وريحني وكيفني للأخر شان تمشي تتشالق وتهابش من طرف

أنت مالك ومال عزام هههههههه


يا عزام بالراحة عليه عشان خاطري ورغم أنه ما يستاهل خاطر بس ما تدقس وعارفك ما بتدقس منافق وكضاب برضه وخنيته لامواخذة

يا معاوية خاطري غالي على عزام والله صحي

Quote: يا ود المدير خليك جاهز .. جاتك في بكانك شكلو ود الزين ح يقولولو نادي ولي امرك ..

هههههههههههههههه،

إما نكرتوا ليك حطب، شنبي دا يقوم في غنماية،
خاسةً بعد عبد العزيز دا جا ناطي فوق ...

Quote: Faisal Hamza · Dammam, Saudi Arabia سلام يا ود المدير .. انت من يومك القعدت تسعل عن الخيال الواسع وقلنا انت كده كويس عرفتك حا تقعد تبحت لمن تصل و اها فتهم بيغادى النبى فيك كان ما فتحت الشباك ده و فكيت لينا المسجون شويه ... تحياتى الحارة يا عزام و ان شاء الله تكون بخير.

سلآمات يا فيصل.

صاحبك حمد الحاسد ابا يوريني بيجيبوهوا من وين. يا فيصل
صدقني أنا حاسي إنوا الحاجة دي ممكن تعمل لي توازُن.

نيابة عن عزام،
بخير والحمد لله...

Quote: معاوية ياقريبي.... وتاني تسلم ياقريبي.... يمين مبسوط تب منك.... وحبايبك التداخلو معاك ديل كلهم ابسطوا... وشكرا لكم...

سلآمات يا قريبي.
والله يا عبد العزيز في الزايلة دي أنا قايل
اخير نفتح للمودة ألف باب ما معروف
باكر اليحصل شنو ؟؟؟.