لن يعودوا حَتَّى يَلِجَ الْجَمَلُ فِي سَمِّ الْخِيَاطِ

Quote: البشير اليوم” الجمعة”: الجنوبيون عرضوا الوحدة مع السودان وقد نعرض الامر في إستفتاء أبريل 18, 2014 أكد الرئيس السوداني عمر البشير، أن الجنوبيين عرضوا الوحدة مع السودان من جديد وعبروا عن أسفهم على الانفصال، قائلا: إنه “حال اقتنعنا سنعرض الأمر في استفتاء على السودانيين”. وأضاف البشير – لدى مخاطبته للمؤتمر الرابع لأمانات الزراع والرعاة في حزب المؤتمر الحاكم بالولايات السودانية اليوم الجمعة – أن “حزب المؤتمر الحاكم بدأ الإصلاح من القاعدة”، ووجه المزارعين بالابتعاد عن “العقلية النقابية المطلبية”، منتقدا إضراب اتحاد المزارعين.. وطالب البنك الزراعي بـ”مراقبة من يموله في الحقول، وليس من يجلسون في الخرطوم ويسألون هطول الأمطار” – على حد قوله.

المصدر:
http://www.rassd-sd.com/%D8%A7%D9%84%D8%A7%D8%AE%D8%A8%D8%A7...%B6%D9%88%D8%A7.html

الأخ عزّام سلام مربع
قالوا: الدولار إرتفع والسبب إنفصال الجنوب وذهاب البترول جنوباً.
قالوا: البصل بار في الجزيرة وكسلا ونهر النيل والسبب إنفصال الجنوب لأن سوق الجنوب كان يستهلك بصلاً كثيراً.
قالوا: البلح سوقو مات وبار لأصحابه في إيديهم والسبب هو إغلاق سوق الجنوب ودار فور.
ونحن بقرنا وغنمنا ماتت من العطش وعدم المرعى والسبب عدم السماح للرعاة بدخول الجنوب لأنهم رعاة دولة أجنبية.
أها يا اللخو لو الجنوب رجع وبقينا دولة كونفدرالية فدرالية جنِّية احمرية ما أحسن من الضياع الحاصل للناس دا؟
تحياتي

كبـّاشي الصـّـافي
(العوج راي والعديل راي) .

cantona_1
<... إِن تَكُونُواْ تَأْلَمُونَ فَإِنَّهُمْ يَأْلَمُونَ كَمَا تَأْلَمُونَ وَتَرْجُونَ مِنَ اللَّهِ مَا لاَ يَرْجُونَ...> النِساء 104

cantona_1

Quote: أها يا اللخو لو الجنوب رجع وبقينا دولة كونفدرالية فدرالية جنِّية احمرية ما أحسن من الضياع الحاصل للناس دا؟

ما أحسن
البصل والبلح نشوف ليهُم أسواق جديدة.. الدولار بتوازن لو الإنقاذ وقفت السفه -ولو على سبيل التغيير- بترول الجنوب الوقفو النزاعات القبيلة العُنصُرِية بين الدينكا والشُلُك، الإنفِصال ما سبب وقفانو والوحدة ما بتملا الأنابيب.. نجي لبقركُم.. بقركم ده أعز مِن حلفا دِغيم.. أعز مِن الدِماء السالت مِن 1955م (مذبجة توريت) ولغاية الإنفِصال المبروك (2011م). تقلِبو يا زول.. كُنتو أبالة وقلبتو بقارة.. تاني تقلِبو، السودان ما بنجر خلف كليقه قصب وصُرار ضرِع وبقر مِقاسِم وشايِل وتِحت التور، دي بلد.. وطن.. وإنتو قبيلة عندها بقر.. البقر بتْبع رويعي، ما شفنا رويعي بتبعلو بقير.. السودان ده مِش مِن أملاك عمر البشير ولا هو جاهو مِن ورثتو للخلفو.. وحرّم ما تبقى إلا الدايرا الناس.. الناس دي يا ود الصافي ما بحسِبوها بِواحِد إتْنين تلاتة.. لا لا يا خوي.. الناس ياهُم نفس الناس الخلت نسبة تصويت الجنوبيين 98%$ للإنفِصال وخلو لينا 2% رواب.. وأهو الرواب دايِر يخمِر هجين الفريق كلو.

تمسِكو في بقركم تنضمو طوالي لدولة جنوب السودان.. إنتو قبيلة عندها بقر ومصلحتكم في مراعي دولة الجنوب.. نحنا مال أهلنا.. مالنا ومال بقركم؟ إنت دايِر يا ود الصافي المحسي والهدندوي وقبايِل الشِمال النيلي يِهِم لِبقركم والله دي حِكاية!

سلام الارو عزام مساك الله بالخير
ياقريبى كمايقول الارو قريبك شعبان نقدم لك دعوة لزيارة واشنطن ونرحب بك ونحتفى بك كالارو مدحت فريقنتود.ونتحاور فى الفكر وكافة القضايا.اهلك النوبيين هنا هذه الايام فى نشاط وهمة خاصة الاجتماعيات النوبية والعمل لبناء دار يجمع جميع النوبيين واسرهم .

عزام يا غالي
وهل تبقى جنوب حتى يعود
من بيده القرار في الجنوب
الجنوب اسوأ من زمن الانقاذ
وهل المسألة TRY and ERROR

كدي اليحلوا مشاكلهم وبعدين نجي ننقاش الوحدة

تخريمة بما انك عامل تشكيل للحروف
لن يعودون ......ام .... لن يعودوا

مناورة محكمة للضغط على الكنايس العالمية اكى تطيل عمر الدينكا ف الحكم
واand#65275; سنبيعكم للعرب المسامين
وتفقدون ياكنايس دولة كاملة حركات كيزان باسلوب دينكاوى
عزام انت فى زول من

Quote: أكد الرئيس السوداني عمر البشير، أن الجنوبيين عرضوا الوحدة مع السودان من جديد وعبروا عن أسفهم على الانفصال، قائلا: إنه “حال اقتنعنا سنعرض الأمر في استفتاء على السودانيين”.

بشيرك كضاااااااااب ويوم القيامة بشوشو وبعملوا باربكيوا وبجدعوا في النار جب

يوسف محمود

Quote: مناورة محكمة للضغط على الكنايس العالمية اكى تطيل عمر الدينكا ف الحكم واand#65275; سنبيعكم للعرب المسامين وتفقدون ياكنايس دولة كاملة حركات كيزان باسلوب دينكاوى عزام انت فى زول من

Quote: عزام انت فى زول من

يا زول كيبوردك شِرِق ولا شنو ولا أتِمها خيال: [عزام انت فى زول من]

لكِن أنا حأديك أفضل ما عندي من حُسن النوايا وحأعتبِرك إنك بتحاكي المُسلسلات وفي نِيتك تتبع المُداخلة التالِية وتكمِل لينا الجملة الما مفيدة دي : [عزام انت فى زول من]


(العرب ديل الواحِد قَدُر ما يعيش معاهم، برضو بقسو ليك الدُنيا قساوة شديدة خلاس، هسِع أنا مطلوب مني أفكِر وأفكِر وأفكر في المقصود من ها الجملة: [عزام انت فى زول من]

يبدو أن لا مناص لِلسودان مِن إعادة فتح دَولة جنوب السودان

إنفصال الدول وتوحدها تقتضيه المصالح الاقتصادية في المقام الأول وبعدها الإجتماعية

وبالتالي مسألة السودان وجنوبه ستخضع لهذه العوامل بصرف النظر عن الحروبات بين الدولتين.

هذا ما يقوله التاريخ البعيد والقريب.


وبعد ذلك لكل شخص أحلامه وأمنياته.

إذاً فليحلم عزام بوطنه الحالي وعدم التوحد، وليحلم كباشي بوطن موحد تسرح فيه أبقاره وتمرح.

لكن الإقتصاد والسياسة والإجتماع هم من سيقولون القول الفصل في ذلك.

وضاحة

Quote: وبعملوا باربكيوا

والله سديتي نفسي الله يِسد نفس بدرالدين الأمير وبشاشا وتراجي وملاسي.. تاني ماااا أظن حأقدر أسْتمتع بِباربكيو.. بِالله أبعدي ناس الإنقاذ ديل مِن الأكل والمُلاحات

الصادِق إسماعيل
(أنا زعلان مِن نفسي لأني مُشْتاق ليك)

Quote: إنفصال الدول وتوحدها تقتضيه المصالح الاقتصادية في المقام الأول وبعدها الإجتماعية وبالتالي مسألة السودان وجنوبه ستخضع لهذه العوامل بصرف النظر عن الحروبات بين الدولتين. هذا ما يقوله التاريخ البعيد والقريب. وبعد ذلك لكل شخص أحلامه وأمنياته. إذاً فليحلم عزام بوطنه الحالي وعدم التوحد، وليحلم كباشي بوطن موحد تسرح فيه أبقاره وتمرح. لكن الإقتصاد والسياسة والإجتماع هم من سيقولون القول الفصل في ذلك.

قبل إنفِصال جنوب السودان سعيت أنا مع آخرين في جعل الوحدة غير جاذِبة -بِت الكَلِب الطحنِية- وكان كُتار بغنو حينذاك: [منقو ما عاش من يفصلنا] ومنقو إنفصل بِحمدالله ورعايتو وعِنايتو ولطفو.. وعشنا وعاش مِن فصلنا.

الإقْتِصاد بتأسس على سِياسة، بِدون سِياسة مفيش إقْتِصاد، والسِياسة بتتبع غصبًا عن أبو الخلفوها، بتتبع عادات المُجتمع، ومُش كمان أي مُجتمع -أرجوك- أنا بتكلم عن المُجتمع المؤثِر في تاريخ وجغرافية السودان قبل أن يكون (قبل محمد علي باشا) وبعد محمد علي باشا وحتى يَوم يبعثون، عن هذا المُجتمع أتحدث يا عزيزي.. نحن* قَدر، مثلنا مِثل الموت.. إن رضيتو جبرتو وإن أبيتو كفرتو وحكم الله نافِذ


ــــــــــــــــــــــ
* نحن = الشِمال النيلي

Quote: والله سديتي نفسي الله يِسد نفس بدرالدين الأمير وبشاشا وتراجي وملاسي.. تاني ماااا أظن حأقدر أسْتمتع بِباربكيو.. بِالله أبعدي ناس الإنقاذ ديل مِن الأكل والمُلاحات

ضحكتنى شديد ههههههههه
بدر الدين المندوب انت عامل ليه قنبور
ياخى ما تعمل للحنابر قنابر دا زول تاااافة وماقارى
كتر خير قطر النطفتوا وعملتوا زول وهو حتة مندوب بقدم خدمات للفوانديشن وبرسلوا يقضى اغراض تانية


اما ام حزام تراجى وحات ربنا دى مراة بى 100 راجل تملى العين وتكفى
يكفى انها تحمل قلب نقى لا تحمل احقاد ولا تعرف النفاق والاساءة والكذب والتلفيق
ياريتك تعرفها من قرب
فستجدها انسانة تحمل كل معانى الانسانية ما تشوف لسانة هنا دا
والله تجدها تمد يدها فى اوقات الشدة وهذا الكلام من ارض الواقع على يد شهود اثق فيهم
بشاشا دا منو ؟ ما بعرفوا
ملاسي دا بتاع الردود مسجات ما ادانيه

ناس الانقاذ طمموا بطن السودانين كلهم
وجوعوهم وحرموهم من الاكل و الملاحات
ودمروا البلاد وشتتوا العباد
الله يقلعن

متى سيتخلص السودان مِن هؤلاء البشر.. متى؟!

الاخوة عزام
كانتونا
والمتداخلين
تحية

انفصال الجنوب يبدو انه بني على حسابات عاطفية اكثر من كونها واقعية، وكانت الصورة الوردية تقول ان الجنوب سيكون مثالا للديمقراطية واحترام حقوق الانسان وبفضل البترول سيزدهر كثيرا، كما انه سيتمتع بعلاقات دولية طيبة مع كل العالم.
تم التقليل من شأن قوة النفوذ القبلي في الجنوب وسط امية متفشية، وعلى العكس من ذلك جرى ابراز الدور القبلي كمستودع خبرات مليء بالحكمة سيكون هاديا ومرشدا ويعمل كمخزون ثقافي يمكن الرجوع اليه في حالة الازمات، وركن الجنوبيون وحلفاؤهم في الشمال إلى الدور الذي ستلعبه الدول الغربية في النهوض بالجنوب وان الإعانات والقروض والمنح والخبراء سيتدفقون عليه لجعله جنة من جنان الارض، ولم يضعوا في حساباتهم انه لا يوجد اكذب من هؤلاء الغربيين وانهم من الممكن ان يشبعوك بالوعود وأن يصرفوا لك مليارات من بنك الاماني كما تشاء لكن ساعة ادخال اليد في الجيب للدفع يموت الغربي ويده تسد مدخل الجيب.
وان كل الاتفاقات والمؤتمرات الاممية للمانحين لا فائدة حتى من بلها وشرب مويتها، الأصل فيها أن الطرف الموهوم يبلعها على الناشف.

في المقابل تم رسم صورة قاتمة جدا للوضع في الشمال والذي سيفقد عائدات البترول وعلاقاته الدولية (زي الزفت) وانه لن يطول الامر كثيرا حتى ينهار، وتم تجاهل ان الشمال اصلا محاصر من زمان، وفقدت الصناديق الدولية ومن يقف خلفها عنصر الضغط الذي تحتاجه لتمرير سياساتها وبرامجها، كما ظهرت عدة بدائل للبترول اهمها الذهب، ولا يعتقد احد ان الصورة وردية في الشمال، بل عاني الشعب وسيعاني لفترة مقبلة، لكن الواضح ان (فترة الأسوأ) كادت أن تمر وأن تأثير الانفصال بدأ يقل تاثيره بمرور الزمن

وهنا تأتي المشكلة فكل يوم يمر يزيد من التباعد وعدم الرغبة في العودة للعيش المشترك، فالطرف الجنوبي لديه الآن من المشاكل المعقدة ما يكفى وهي مشاكل يبدو ان حلها يحتاج لسنوات طوال. وفي ظل هذا الظرف لا اعتقد ان مواطن الشمال سيصوت لصالح الوحدة.

الوحدة الآن غير جاذبة

الخيار المستقبلي هو ان تجري مناقشة هذا الموضوع في ظروف افضل لدى الطرفين، اي في طظوف الاستقرار والسلم ، ظرف يكون فيه الشمال قد حل مشكلة دارفور وجنوب كردفان وجنوب النيل الازرق، وتكون الحرب في الجنوب قد توقفت وساد السلام، وأن تكون الوحدة على اسس اقتصادية في المقام الاول تؤكد احتياج الطرفين لبعضهما، مع ابعاد تام لحرامية الصناديق الدولية وحرامية المنظمات وكل من يصطاد في الماء العكر.

دحين آ عزام إت لن دي مو من ادوات نصب المضارع؟

و دحين يعودون دي ما من الأفعال الخمسة؟

___________________

باقي كلامك ما عندي بيهو شغلة معاك

وضاحة

Quote: اما ام حزام تراجى وحات ربنا دى مراة بى 100 راجل تملى العين وتكفى يكفى انها تحمل قلب نقى لا تحمل احقاد ولا تعرف النفاق والاساءة والكذب والتلفيق ياريتك تعرفها من قرب فستجدها انسانة تحمل كل معانى الانسانية ما تشوف لسانة هنا دا والله تجدها تمد يدها فى اوقات الشدة وهذا الكلام من ارض الواقع على يد شهود اثق فيهم

والله تراجي دي أنا بريدا ساي يعلم الله.. بس ما بقدر أمرِر شتارتا وشوتا الضفاري ده، تَورت واطاط الدافوري بشوتا الضفاري العجيب ده.. تراجي لامِن أقرا ليها خُزعبلاتا البتكتبا هِنا في ذات زهجه، بتذكر الرادي لامِن حُجارو يقْدمَن تسمعي المُذيع: هههنا سووت سو///ان.. نششششر/راخ خ خ خ خ تِززززعه.

تفْتكري يا وضاحة الزوله دي بتمشي للدكتور يِشوف وضعها الصحي البخليها في حالة دون كيشوتِية طوال أيام السنة، وطوالي شايلا مركوبا وساكا ليها زول وترجع تفتِش على محفضتا: الشالا منو.. الشافا منو.. الليقاها منو؟ والخلِق تقنِب في جِنِس ده: والله والله ما شلناها! ما شفناها! شلتوها يا أولاد الكَلِب يا معفنين فوقا الخته بسَوِد ختوتكُم يا رِمَمْ.. وإنت كمان مالك بتعايِن التقدِد عيونك خليك في دُكانك عواليك

أي شي مخلوق في ها الدُنيا إما سمِح إما كمان شين.. والأخلاق لامِن تكون بين البينين -أي بين السمح والشين- برجو الناس فلاح سيدو.. ماااا الأعمال بِالنيات وكَدي.. وأي شي عندو عِز وعندو حتو ذُل.. بِالله شوفو عِزي ده كيفِن عجيب وماثِل أمامكُم.. كتب Hafiz Bashir

Quote: دحين آ عزام إت لن دي مو من ادوات نصب المضارع؟ و دحين يعودون دي ما من الأفعال الخمسة؟ ___________________ باقي كلامك ما عندي بيهو شغلة معاك

النوع ده غَبي لِدرجة تلقاني بأشِر ليهو لِلقمرة، تلقاهو بِعايِن لأصبعي..

الجنة عِنْدها دُروب كتيرة خلاس.. منا الصبر على مِتِل نوع Hafiz Bashir
حليلك.. والله حليلك يا Hafiz Bashir أنا مِن زمنًا بعيد خلاس قررت إنو ما أناضِم عِلا مع البشْبهني.. ظنك في الواقِع ممكِن ألاحظك؟!

حتى "يعودون/يعودوا" ما لاحظتها إنت يا Hafiz Bashir بِالأصالة، أشار إلَيها Abdelslam Malik Ali Elhag

Quote: تخريمة بما انك عامل تشكيل للحروف لن يعودون ......ام .... لن يعودوا

وكُنت هميت أكتب ليهو بإن عنواني غلط وهو صاح.. ما علينا

دقيقة.. دقيقة بِالله عِنْدي إضافة..




أنا بزعل مع الزول الفي مقامي

أنا البسوق الحريم والرُجال والضانِ
أنا الما بِسمِعوني الكلام في أضاني
أنا الما بِفِز مِن زولاً وقف ضاضاني
أنا إن حدرتك ساي تقول: عضاني

لا أدري لِما لم يأتيني وأنا العزيز بن العزيز بن العزيز ابن العزيز، خبرٌ مِن السماء وقد بلغت الأربعين.. ماذا حدث؟! لابُد أن أمرٌ عظيم قد حدث! مه

زول متزمزغ

.

حذف للتكرار



.

Quote: لن يعودون

عزام با خوي كدي قول بسم الله و خت الرحمن في قلبك


يا خوي كلامك عن الوحدة و الإنفصال أنا مختلف معاك فيهو و ما عندي رغبة اناقشك فيهو

و برغم إختلافي معاك أحترم رايك و ما حصل تداخلت معاك حسب ذاكرتي الخربة

أنا سألت عن ادوات نصب المضارع و الأفعال الخمسة و أنا عارفك ضليع في هذا الباب و معرفتي به قليلة جداً و ذاكرتي طشاش طشاش و كان هدفي أن تفيدني بمعلومة

و لم أظن أن بيننا ما يمنعني من أن أسألك و أن استفيد منك في جانب محدد

و صدق و لا أحتاج أن اقسم لك أنني لم أقصد تصحيحك و أنا ما بقدر اجزم أيهما أصح لن يعودوا ام لن يعودون

فيا أخي ما في داعي للكلام الشين


و العفو و العافية

أيمن محمود (أيمن محمد إبراهيم آدم)
أحلِف.. عليك الله!

معقول يا ود آدمو تكون طقْطقت كيبوردك هِنا في سودانيز أونلايِن 2334 مره ويِكون ما فوقِن عمود وااااحد قاطعو مِن راسك المدغلب ده؟! يا زول علو خير؟

أها جِنِس تصَيد الأخطاء الإملائِية والنحوِية لِزول ما عِنْدو أي مُساهمة حقيقِية، بتبقى والله عيب، إنت بتخاف.. بتخاف تعمِل عمود! حرم يكون عِنْدي جِضومك دي هههه أكان أفتح لي كُل يوم عمودين إتْنين خليهو واحِد



ـــــــــــــــــــــــــــــــــــــ
ياخ إنت حتى ما بتتجاسر تكتِب تعليق على البتقْتبِسو، معقول كِده بس..

Quote: المُجتمع أتحدث يا عزيزي.. نحن* قَدر، مثلنا مِثل الموت.. إن رضيتو جبرتو وإن أبيتو كفرتو وحكم الله نافِذ

عزّام

شكراً على الشوق، ولعلك طيب
من الصعب تحديد الإجماع على ما هو مجتمعي، والشمال النيلي خشم بيوت، والقبائل النيلية خشم بيوت، والسياسي بيخضع للإقتصادي (ألم يأتك خبر زيادة الأسعار وهبة سبتمبر)، أها حكومة السودان مزنوقة من البنك الدولي، ناس الأمن وناس السياسة قالوا للبشير لو زدنا الأسعار حتولع علينا الشارع، قال خلاص ما نزيدها، مشى ناس البنك الدولي، قالوا ليهو لو ما دفعت لينا قروشنا دولتك دي حتنهار وتلقى نفسك في لاهاي. أها زاد الأسعار وحصل ما حصل وبقى في أمراً ضيق، وهسه بقى يقول (حريات) وما شاكل.

مسألة الجنوب بعيد عن العواطف معطياتها فيها الإقتصادي بدرجة كبيرة، وحجم التبادل بين البلدين أكبر من أن ينم تجاوزه.

يا عزام يا أخوي في عز الدواس والحرب تقول يا غربتي الناس عملوا (اسواق السلام)، ودي اسواق البيع كان بيتم فيها بين القبايل المتاخمة وبين الحركة الشعبية، أها بعد ما ينتهوا من تجارتهم بقيف زول ويقول ليهم (قوموا إلى حربكم يرحمكم الله).

فموضوع وحدة وإنفصال لو تمّ حيتم غصب عن ناس كتار وأحلامهم (ناس الإنفصال وناس الوحدة على حد سواء).

صاحبي لاكو الشلكاوي زول وحدة وسببه الوحيد إنه عمره كله عايش في الشمال، أها لمن جا الإستفتاء صوّت للإنفصال وسببه (إنه جات تعليمات للشلكإنهم يصوتوا للإنفصال لأنه الإنفصال واقع واقع، فلو صوتوا للوحدة الدولة الجديدة حتعتبركم خونة وتفقدوا الإمتيازات) وخصواً شلك ملكال والمناطق المتاخمة للشمال.

فقصة الجمل وسم الخياط دي ما تركن عليها كتير.

اسعى في منع الوحدة (ما وسعك قلمك ولسانك)، والإقتصاد (والسياسة عشان ما تزعل) ستفعل ما تريد.

Quote: طقْطقت كيبوردك هِنا في سودانيز أونلايِن 2334 مره ويِكون ما فوقِن عمود وااااحد قاطعو مِن راسك المدغلب ده؟! يا زول علو خير؟

طلبة الدراسات العليا والباحثين - تبادل خبرات ونصائح

Quote: مواضيع توثيقية متميِّزة

-

Quote: أيمن محمود (أيمن محمد إبراهيم آدم)

أيمن آدم (أب جضوم)

برضو ما عملت شيتًا يقولو عليهو.. الخياط لامِن يِخَيِط جلابِية.. ايه يعني؟ النجار لامِن ينجُر ليهو دولاب ايه يعني؟ بس لامِن الخَياط يِنجُر ليهو دولاب ببقى عمل حاجة.. هسِع جيت جاري بِعمودك القرر بكري إنو مُميز.. ياخ نوع ده إنْدنا بردو.. أنا بكتِب مِن غَير مِثال يا أب جضوم.. وإنت كُل فلاحتك تباريني مِن عمود لعمود، أنا عارِف [آدم] ده ماااااا حيريحنا كلو كلو ههههههه، يلا عوس عِواستك

Quote: يلا عوس عِواستك

Quote: والله سديتي نفسي الله يِسد نفس بدرالدين الأمير وبشاشا وتراجي وملاسي.. تاني ماااا أظن حأقدر أسْتمتع بِباربكيو.. بِالله أبعدي ناس الإنقاذ ديل مِن الأكل والمُلاحات

عزام يعزموك علي الباربكيو بتاع بت عمي دي انشاء الله.
ذكرتني حكاية واحد جعلي زهجان ويشاكل ضبان وشّو.
الجعلي عنده حـ مار ابيض والتاني اسود. مربوطين جنب حيضان البرسيم.
الجعلي جاء الصباح لقا ليك الحـ مار الأبيض قطع حبلو وسرح الليل بي عَدَلو في البرسيم.
والحمار الأسود في بَرَبَنْدِيهو مربوط.
الجعلي وقع ليك في الحمار الأسود بالعكاز وفين يوجعك.
جار الجعلي جا مار شاف المنظر.
ها آزول انت تدُق الحمار الخرب البرسيم ولّا المربوط؟
الجعلي قال ليهو إنت ده ماك عارفو ـ ده كان إنطلق أظـــ رط من رفيقو.
اها انت هسع تراجي والأمير ذنبهن شنو؟

ما دايرنهم .. مش قالوا ارتحنا من وسـخ الخرطوم؟
ومش صوتوا بي نسبة 98.9 % للانفصال
هم قايلين الدول دي لعب؟ هسي بقى ليهم حار؟؟
ما دايرينهم ولا يتلموا معانا تاني ولتذهب حكومة الكيزان المنبرشة دائما

بس تصحيح يا عزام:
(( لن يعودوا)) لأنه الفعل المضارع منصوب بحذف النون

مع تقديري

الجنوبيين سووها لينا مُرازا، شمو البترول قالو حقنا والشِمال ما يضوقو، فرزو كومُمْ، الدم بهناك بقو يعبوهو في براميل البترول، قالو أخير لينا نرجع!

لو رجعو حيرجعو بشنو؟
البترول تاني ما بنضوقو ولا هم بضوقوهو، ولو البترول بنْضاق على كُل حال، يبقى الحاصِل في العِراق وفي ليبيا ده سكج بكج؟
الوحدة حترجع كُل المآسي الحصل في الـ55 سنة الفاتت (1956م الإسْتقلال-2011م الإنْفِصال) بالإضافة إلى حرب البترول + المياة + الغبايِن الجديدة.

إسْتفْتاء الشعب السوداني كِده بِالكامِل برضو ما مقبول، الإسْتِفْتاء -لو حصل يعني- ما مفروض يِكون داخلين فيهو قبائِل السودان العِنْدها حُدود مُشْتركة مع دَولة جنوب السودان، لأن المسيرِية مثلاً ما بهمهُم غير إنو بقرُمْ يِشْبع، ما بهمهُم لِدرجة إنهُم أعلنو إنْضِمامُمْ لِدَولة جنوب السودان في لحظةٍ ما لامِن المراعي إنْسدت في وشهُمْ، زول همو بقرو، مِن حقو طبعًا، بس ما حقو يِشاوروهو في مسيرة بلد، ناس النيل الأزرق الجنوب أقرب ليهُم مِن الشِمال شكلاً ومَوْضوعًا، وزي ما هملو سُكان أبيي مِن الإسْتِفْتاء الأول (وحدة/إنْفِصال) يبقى قبايِل الحُدود تُهمل حتو في الإسْتِفْتاء الجاي لو حصل.. وما حيحصل، بس أنا عاوِز أوضِح الصورة لِلجنوبي، يا منقو لو ضاقت بيك الوسيعة عليك بكينيا أو يوغندا

.
تحية طيبة

العزيز / عزام وضيوفك الكرام . اسعد الله اوقاتكم بكل خير

اولاً

نفى المتحدث بأسم الرئاسة في دولة جنوب السودان ما جاء على لسان عمر البشير
واعتبره مجرد امنيات للبشير . (ماقدرت ارفع الفيديو)

ثانياً

كما قلنا من قبل الجنوب انفصل لاسباب عدة ولا اعتقد أنها زالت الان (الصراع القبلي لا يعني
أن يعود الجنوب الى (السجن ) مرة اخرى . ) لو حدث تغيير يمكن أن (نهضم ذلك)

ثالثاً
.
من محاسن تصريح البشير أنه (قد) يساهم في توحيد الصف الجنوبي (الاطماع الخارجية قد تجعل رؤوس الصراع
في الجنوب تنبذ الفرقة وتتحد من اجل شعب الجنوب الذي لم ينعم بالاستقرار منذ تسعة وخمسون عام . )

وكما قلت سابقاً (رغم انتقاد استاذي جني لذلك) اقصى ما اطمح اليه شخصياً علاقات متينة وشراكة (ذكية) بين الدولتين



بالجمبة كده

عشان نكون حقانين البشير قال قوى دولية ولم يقل الجنوبيين (إذا الجنوبيين غير معنيين بتصريح البشير او اي من هذه القوى)


تحياتي

حاجة مضحكة جدا هو انتم اللي قررتوا الانفصال عشان تققرروا الوحدة ؟؟؟؟

يكذبوا الكذبة ويتناقشوا فيها عجبي

صحيح قليلي الانتماء

NEWSUDANI

Quote: حاجة مضحكة جدا هو انتم اللي قررتوا الانفصال عشان تققرروا الوحدة ؟؟؟؟

المُضحِك فهمك..

- إنفِصال الجنوب عن الشِمال قرروهو الجنوبيين.
- وحدة الجنوب مع الشِمال حيقرِروهو الشِماليين النيليين.
ـــــــــــــــــــــــــــــــــ

Quote: يكذبوا الكذبة ويتناقشوا فيها عجبي

حتى لو كِذبة.. برضو بنسْتخدِما وبنسْتغِلا لإرسال الرسائِل!
ــــــــــــــــــــــــــــــــ

Quote: صحيح قليلي الانتماء

مُش إنت البقرِر ده.. والراجي تصنيفك هو البستحِقو
ـــــــــــــــــــــــــــــــ
بِالمناسبة حأحاوِل إنو ما أتداخل معاك يا NEWSUDANI لأني قررت مِن بدري إنو ما أضَيِع زمني مع شبح، خوفك مُعْدي

Barakat Alsharif
كيف حالك؟ علك طَيِب

Quote: انفصال الجنوب يبدو انه بني على حسابات عاطفية اكثر من كونها واقعية، وكانت الصورة الوردية تقول ان الجنوب سيكون مثالا للديمقراطية واحترام حقوق الانسان وبفضل البترول سيزدهر كثيرا، كما انه سيتمتع بعلاقات دولية طيبة مع كل العالم. تم التقليل من شأن قوة النفوذ القبلي في الجنوب وسط امية متفشية، وعلى العكس من ذلك جرى ابراز الدور القبلي كمستودع خبرات مليء بالحكمة سيكون هاديا ومرشدا ويعمل كمخزون ثقافي يمكن الرجوع اليه في حالة الازمات، وركن الجنوبيون وحلفاؤهم في الشمال إلى الدور الذي ستلعبه الدول الغربية في النهوض بالجنوب وان الإعانات والقروض والمنح والخبراء سيتدفقون عليه لجعله جنة من جنان الارض، ولم يضعوا في حساباتهم انه لا يوجد اكذب من هؤلاء الغربيين وانهم من الممكن ان يشبعوك بالوعود وأن يصرفوا لك مليارات من بنك الاماني كما تشاء لكن ساعة ادخال اليد في الجيب للدفع يموت الغربي ويده تسد مدخل الجيب. وان كل الاتفاقات والمؤتمرات الاممية للمانحين لا فائدة حتى من بلها وشرب مويتها، الأصل فيها أن الطرف الموهوم يبلعها على الناشف. في المقابل تم رسم صورة قاتمة جدا للوضع في الشمال والذي سيفقد عائدات البترول وعلاقاته الدولية (زي الزفت) وانه لن يطول الامر كثيرا حتى ينهار، وتم تجاهل ان الشمال اصلا محاصر من زمان، وفقدت الصناديق الدولية ومن يقف خلفها عنصر الضغط الذي تحتاجه لتمرير سياساتها وبرامجها، كما ظهرت عدة بدائل للبترول اهمها الذهب، ولا يعتقد احد ان الصورة وردية في الشمال، بل عاني الشعب وسيعاني لفترة مقبلة، لكن الواضح ان (فترة الأسوأ) كادت أن تمر وأن تأثير الانفصال بدأ يقل تاثيره بمرور الزمن وهنا تأتي المشكلة فكل يوم يمر يزيد من التباعد وعدم الرغبة في العودة للعيش المشترك، فالطرف الجنوبي لديه الآن من المشاكل المعقدة ما يكفى وهي مشاكل يبدو ان حلها يحتاج لسنوات طوال. وفي ظل هذا الظرف لا اعتقد ان مواطن الشمال سيصوت لصالح الوحدة. الوحدة الآن غير جاذبة الخيار المستقبلي هو ان تجري مناقشة هذا الموضوع في ظروف افضل لدى الطرفين، اي في طظوف الاستقرار والسلم ، ظرف يكون فيه الشمال قد حل مشكلة دارفور وجنوب كردفان وجنوب النيل الازرق، وتكون الحرب في الجنوب قد توقفت وساد السلام، وأن تكون الوحدة على اسس اقتصادية في المقام الاول تؤكد احتياج الطرفين لبعضهما، مع ابعاد تام لحرامية الصناديق الدولية وحرامية المنظمات وكل من يصطاد في الماء العكر.

كلام مرتب.. بس ما حقو تنْطرِح الفِكرة مِن أساسا -أي الوحدة- وحدة شنو وكل طرف مليان مشاكِل لِحدو، يتوحدو لِشنو وفي شنو؟ حتقول لو إتوحدنا الحرب حتقيف والسلام حيبقى والناس تقبِل على التنمِية! طَيِب ده ما حصل ليه قبل الإنفِصال؟ ما حصل ليه بعد الإنفِصال؟ الحيخليهو يحصل شنو هسِع؟ الجديد شنو؟ الجديد يا عزيزي إنو الطين زادوهو موية، يعني بِكُل المِحن والإحن الكانت ولازالت حاصلة، حيِنْضاف عليها كمان مِحن جديدة، زي القبائِل الجنوبِية التي أطلت بِرأسِها والشمت البترول، ده إدْمان يا خوي.

Quote: قبل إنفِصال جنوب السودان سعيت أنا مع آخرين في جعل الوحدة غير جاذِبة -بِت الكَلِب الطحنِية- وكان كُتار بغنو حينذاك: [منقو ما عاش من يفصلنا] ومنقو إنفصل بِحمدالله ورعايتو وعِنايتو ولطفو.. وعشنا وعاش مِن فصلنا

إنفصال الجنوب تم بميكانيكية خارجية وإستراتيجية لها خططها وأهدافها ، أما المعنيين بالأمر في شمال والجنوب ، ماهم إلا قطع شطرنج ليس إلا ، والآن يستطيعون هم في أي وقت أن يديروا عقارب الساعة الى الوراء متى ما ما كانت تقاريرهم ودراساتهم تنبىء بما يريدون ..
نحن لازلنا في دورالحضانة والفطام السياسي وأضف إليها ( اللا وطنية ) ... أرقد عافية ..

- وحدة الجنوب مع الشِمال حيقرِروهو الشِماليين النيليين.

والوحدة مع مصر كيف ؟؟

ماتشوفوا أول بلدكم اللي شالوها المصريين ولا دول قرايبكم صحي

NEWSUDANI

بِالرغم مِن أني بحاول وحأحاوِل أتجنبك، لأنك شبح.. ما عارِف أنا بتكلم مع منو! زول خايِف يِكْتِب إسمو ووين مُقيم والمعلومات الأساسِية في منبر تواصُل إجْتِماعي، ما أظِن فوقو خير، الخوف ما حيديك فُرصة تتواصل.. ما علينا.. نوعك ده بسْتخدِمو في أعمدتي في حاجتين إتْنين:-
(1) بضقُل بيهو لغاية ما بِت إبراهيم تذهِب لي جبنتي.
(2) برفع بيهو العمود لو غتس.

ده السودان الجديد يا NEWSUDANI؟
مخفي..
خائِف..
يرتعِد..
شبح..
هُلامي..
ممَوه..

يا رجُل الحريم نزلن صُورِن ومعلوماتِنْ الإساسِية.. سودانك الجديد طايِر في السما
ــــــــــــــــــــــــــــــ

Quote: والوحدة مع مصر كيف ؟؟

وليه ما أثيوبيا؟
مُش برضو بيناتنا حُدود؟
مُش في نِزاع بينا وبيهُم على "الفشقة"؟
ليه مصر؟!
ــــــــــــــــــــــــــــــ

Quote: ماتشوفوا أول بلدكم

يُفْترض تكون بلدنا كُلنا.. نحنا وإنت!
يعني إنت مارِق رقبتك منا ليه؟
مُش المفروض تكتِب [ماتشوفوا أول بلدنا اللي شالوها المصريين]
ــــــــــــــــــــــــــــــ

Quote: ماتشوفوا أول بلدكم اللي شالوها المصريين ولا دول قرايبكم صحي

Quote: ولا دول

Quote: اللي

في السودان القديم والحالي يا NEWSUDANI بنكتِب كِده:
[ ديل ] مُش [ دول ]
[ اللـ ] مُش [ اللي ]

ههههه.. ما علينا

حلايِب بترجع.. والفشقة بترجع.. الما برجع هو الجنوب والجنوبِيين.. وده الحنرضِعو وحأنسقي لأولادنا يَوْمِيًا.. حنرضِعُمْ ونسقيهُمْ، إنو الأزهر عندنا ليهو حنين وإنو قبر المك نمر ظل في الحبشة 180 سنة وو الحليو هواها سوداني "جعلي" والفنان/ محمد أحمد سَرور وتاجوج في أريترِيا.. أحراش جنوب السودان لم تضُم إلا رفات قتلى توريت 1955م مِن التجار الشمالِيين وأسرهم الذين ذبحوا في أول جريمة إبادة جماعِية مارسها الجنوبِيين قبل إسْتقلال السودان. لن يرجع الجنوب، بل أكثر مِن ذلِك، لن يهدأ بيننا حال إلا بِالقدر الذي يسمح للإقْتِصاد بِالمرور

يا عزام كيف حالك

آزول ما تشوفلى القيد ياخ

ود النعيم الزول البريدو ومُشْتاق يوت لِبريدو.. يا رب العالمين عيدو.. غسمْت فوق العليهو أزيدو

Quote: يا عزام كيف حالك آزول ما تشوفلى القيد ياخ

هاك الإتِصال ده.. أرفع جوالك

شكرً جزيلاً آبو ضراع على المكالمة الطيبة
اسأل الله ان يجزيك خيراً عليها ويفتح لها ابواب اسماء انه سميع الدعاء

Quote: إنفصال الجنوب تم بميكانيكية خارجية وإستراتيجية لها خططها وأهدافها ، أما المعنيين بالأمر في شمال والجنوب ، ماهم إلا قطع شطرنج ليس إلا ، والآن يستطيعون هم في أي وقت أن يديروا عقارب الساعة الى الوراء متى ما ما كانت تقاريرهم ودراساتهم تنبىء بما يريدون .. نحن لازلنا في دورالحضانة والفطام السياسي وأضف إليها ( اللا وطنية ) ... أرقد عافية ..

ده كلام نظري وما عِنْدو سند.. الكلام العملي إنو الغرب ما بقدر يسوي الحبه دي لو ما الداخِل أداهو الضوء الأخضر، بعد ده بِقوم يِحْسِب حِساباتو، زي إنو الحِساب كان ولد في العملِية الليبِية والمِصْرِية وما كان كِده في العملِية السورِية واليمنِية، صدام حسين دردقو وأوحو ليهو إنو موضوعو مع الكِويت "شأن داخلي" إتدردق، الخليج خاف، نادى أمريكا، جات، الغرب والصين ما عندهُمْ أخلاق بتمنعُمْ يِقيفو مع طاغِية، وقفو مع شاة إيران مع حسني مُبارك مع سوريا مع اليمن مع تونِس، وهسِع حيقيفو مع السودان، أمريكا بعد الحصل ليها في الصومال ما بتعمِل حاجة غير تحرِش وتمَوِل، والتمويل ده لو ما صادف زول عِنْدو قضِية حقيقِية بفشل، لأنو المحرش ما بِقاتِل.. والسِياسة نحنا بنعرِفا مِن قبل الغرب بِقُرون (فتوحات ترهاقا) الما بنعرفو هو "الأخلاق" البتمنع الزول يِسْرِق وينهب ويقتُل مِن أجل حطام الدُنيا.. والوطنِية دي لو ما ضبطتها لينا ببقى الكلام مفرق ساي، لأن مفهوم الوطنِية مُختلِف جِدا.. أرقُد في ستين ألف عافية إن شاءالله ما تقوم منا

Quote: أرقُد في ستين ألف عافية إن شاءالله ما تقوم منا!

تصحيح لغوي / إنشاء الله ماتقوم منها ، وليس ( منا )
بديت كلامك بتنظير تراه أنت ..
وختمت برخيص القول وسزاجته
لذلك رأيت من الأحسن قفل النقاش
لك التحية ..

السلام عليكم

سوف يعود ولو طال الزمن ،كما قال التاريخ
الصعب هو بناء سودان متعدد الأديان و الثقافات و الأعراق وطن واحد بقومية سودانية ديمقراطية حقيقة
و سوف يعود على يد الأجيال القادمة او قريبا
ولكنه عائد .

محمد مختار جعفر

Quote: تصحيح لغوي / إنشاء الله ماتقوم منها ، وليس ( منا )

أنا بكتِبا كِده يا سيبوِية! ده إسمو كِتابة المنطوق "العامية"

و[ منا ] مِن نفس الفِجه الإنت كتبت منا [بديت]

Quote: بديت كلامك بتنظير

ــــــــــــــــــــــــــــــ

Quote: تصحيح لغوي / إنشاء الله ماتقوم منها ، وليس ( منا )

خليني أصحِح ليك أنا ده
[ إنشاء الله] غلط ما بقع فوقو زول فلت من الصف الرابِع بسلام، بتنْكتِب كِده [ إن شاءالله]
قال تصحيح لغَوي قال
ــــــــــــــــــــــــــــــ

Quote: وختمت برخيص القول وسزاجته

رخيص.. ليه كِده بس قله الأدب دي؟!




يُرد في حينه ويُسْتبد

Quote: حاجة مضحكة جدا هو انتم اللي قررتوا الانفصال عشان تققرروا الوحدة ؟؟؟؟ يكذبوا الكذبة ويتناقشوا فيها عجبي صحيح قليلي الانتماء

قليلو الانتماء والإنسانية والحس والذوق كمان


إذا كان الغراب دليل قوم

لدلاهم على نيف الكلاب


دائما الفكرة الفطيرة يهلل لها جمهور من المتبطلين والرجرجة والدهماء فتشوش عاليا على الحقيقة

آدم صيام

Quote: لدلاهم على نيف الكلاب

[ نيف ] دي شِني كمان يا كافي البلا.. باقي الشتايِم عرفْتا بس دي حرّم ما عِرفْتا!

البوست ادناه جدير بالمتابعة ..

http://www.sudaneseonline.com/board/460/msg/1388199556.html

الطيب رحمه قريمان

وعمودك التِحِت ده يا قريمان ما حتو جدير بِالمُتابعة والإهتِمام.. شايفك عملت غمران ههههههه

صورة ... تحتاج الى تعليقاتكم ... !!!
http://www.sudaneseonline.com/board/460/msg/1397978322.html

ده حال مُناضلي الكبتشينو، بدل ما يولعو شمعة يقنبو يلعنو في الضلام، الإنقاذ دي بتقتُل وبتسرِق وبتنهب ليها 24 سنة، أها إنتو.. إنت ده يا قريمان عملت شنو في الـ24 سنة ديل بِخلاف الترهات البتكتبا هِنا ده، يا زول إنت موهوم، البشر البتكتب ليهُم (المهمشين) تلفزيونات ما عندهُم خليهو نِت، والبشر البتكتب عنهم، ماف زول في الشِمال النيلي شغال بيهُم الشغله دي، إلا البِلمِع وشو الإسْفيرِي، حرّم أكان قُلت لِواحِد فيهم: يا أبو مروة، ماف وهم إسْفيري يمد ليك جنية واحِد .. وإنتو 24 سنة مِما نعِد شابكِنا:
[لابُد مِن اللَيل أن ينْجلي]
[إن الصُبح لآتٍ آت]
[إذا الشعب يَوًا أراد...]

يا زول إنت وهم ولا شنو!

عزام .. علك طيب
السودان اصلا لحم راس حتي في الحالة الراهنة (غياب الجنوب).
خيار الانفصال كان منطقي جدا في الظروف التي فرضتها الانقاذ
اسه اذا كانت رغبة العودة منطقية للجنوبيين ..
برضو الانقاذ ممكن توفر المناخ و الملائم لتحقيق الرغبة دي.
يعني كلو سياسه في سياسه.


تمنياتي الخالصة بعودة كل ما سلب من الوطن و اولها الجنوب
لك كل الود

ناصر أحمد الأمين
كيف حالك؟ علك طَيِب

Quote: اسه اذا كانت رغبة العودة منطقية للجنوبيين .. برضو الانقاذ ممكن توفر المناخ و الملائم لتحقيق الرغبة دي.

مُش الإنقاذ بس البتقرِر ده وِفْقًا لِلبنفع لِسياستا، الشارِع برضو هسِع بقى في وضع كويس بِموجبو بقدر يمنع تحقيق ها الرغبة، الإستفتاء يبقى ونشوف الشِمالي النيلي (لحم الراس) حيقول شنو؟ لأن الشِمال النيلي هو المُتضرِر مِن الوحدة، زي ما كان الجنوبي هو المُتضرر مِن الوحدة علشان كِده شاوروهو براهو، والمسيرِية أبين بقر ديل ياكلو نارُم، وطن حدادي مدادي ينحجِز لِبقر!