تبارك شيخ الدين وآخرين

ياخ اسمك جميل زي بسمتك

بس أنا مواجه مشكلة في نطقو

هل بفتح الراء أم بضمها

لأنو لقيتك في الفيسبوك بتكتبو هكذا tabaruk و الـ U ممكن تدي النطقين

ونسبة لأنو الأثنين ماشات لكن أنا بفضل تبارُك بالضمة (إنشاء الله ضمة حنين) لأنو عايز أشيلو شدة منك


ممكن يا جماعة البوست دا يكون استفساري لكثير من الأسماء الفيها لبس في النطق

Quote: ممكن يا جماعة البوست دا يكون استفساري لكثير من الأسماء الفيها لبس في النطق

حمد..حبابك يا صديق

عندك مثلا اسم جدي (كبر)..
البعض ينطقه: ضمة على الكاف و الباء..
البعض ينطقه: كسرة على الكاف و الباء ..

الإتنين غلط..

كبر

Quote: الإتنين غلط..

طيب الصاح شنو يا حبيبنا كبر ؟؟؟


أنا زمني دا كلو من ناس الفئة الثانية والكسر وكمان عامل فيها صاحبكـ وبعرفكـ هههههههههه أوعى تقول لي مفتوحها كلها ؟؟


شكراً يا حمد .. والقول في خشيم سيدو أحسن رغم انو نحن أخر بورداب قابلنا (تَبَارَكـ)

Quote: الإتنين غلط..

طيب الصاح شنو يا حبيبنا كبر ؟؟؟


أنا زمني دا كلو من ناس الفئة الثانية والكسر وكمان عامل فيها صاحبكـ وبعرفكـ هههههههههه أوعى تقول لي مفتوحها كلها ؟؟


شكراً يا حمد .. والقول في خشيم سيدو أحسن رغم انو نحن أخر بورداب قابلنا (تَبَارَكـ)

صديق رحمة..شخصيا..حبابك يا صديقي
و لينا طولة..

زمان ، كنت قاعد اتنوس مع الوالد (الله يطراهو بالخير) و قلت ليهو : ياخي ده اسم عجيب الإ كن انت و عيالك قاعدين تنطقوهو صاح..!!
قام عاين لي كده ، و قال لي: اصلو الدهب نادر ، يوم واحد شفت ليك عربية مصنوعة من دهب..!!

شرحو: الإسم فعل ماضي من فعل تكبيرة الصلاة ( يعني نظام فتحة على الكاف ، شدة معاها فتحة على الباء ، و الراء عند البقارة مخففة)...

سائل عن الأصدقاء على الحلاوي و توتيل و طيفور.. كان زمن يا صديقي..

كبر

صديقنا الجميل كبر ... تحايا واشواق والله

لكن الأسم خلاص لصق في ذاكرتي كبر (نحن ناس كسير ساكت يا حمد لامن الشاسي أتفتل) هههههههههههههه ، لكن والله تتخيل أسم كبّر أسم جميل ورائع وفعلاً مميز (لانو أنا ما سمعتو من قبل)

Quote: سائل عن الأصدقاء على الحلاوي و توتيل و طيفور.. كان زمن يا صديقي..

عيييييييييييك والله جبت أسامي عاوزا أستفسار في البوست دا عن نطقها أول ثم عن معانيها ثانياً بعدين نشوف الباقي هم وين ؟؟؟ ههههههههه

علي الحلاوي صاحبي دا لافي مع الأمم المتحدة كل ما تفضى وظيفة في منطقة شدة هو راكي فيها (زول بحب الشقاوة من يومو) .... وأظنو أخر مرة كان في طاجكستان ...
توتيل أظنكـ تقصد تولوس (أخونا عثمان جلبة) وهو قد ترك السعودية منذ سنوات عديدة وأستقر بكسلا أم تقاق وبخير وصحة جيدة الأن وبيظهر في المنبر مرة مرة
أما طيفور دا أنا ما عارف عنو أي معلومة والله !!
تحياتي لك يا كبر يا جميل

ومعليش يا أخونا حمد أستحمل تداعياتنا في بوستكـ دا يا أخ وكتر خيركـ على المعلومات التي يجب أن نعرفها عن أعز أصدقائنا في هذا المكان على الإقل لامن نسأل نسأل ونحن عارفين نقول الأسم ما يضحكوا فينا ناس الضهاري هههههههههه

الإتنين غلط..

-----------------
اعتقد انو الصحيح بتشديد الباء

أيوا يا كبر انت من الناس الأنا كايس ليهم شخصيا وحبابك

Quote: البعض ينطقه: ضمة على الكاف و الباء.. البعض ينطقه: كسرة على الكاف و الباء .. الإتنين غلط..

أها وحتخلينا معلقين كدا ولا كيف ؟

أنا اسم جدك دا معلق في رأسي بالكسرة رغم إنو كتابتو بالإنجليزي واضحة بالفتحة

تماما مثل اسم تمبس بنطقو بالفتحة رغم إنو مكتوب بالآي i لأنو عندنا واحد في البيت بنقول ليهو تمبس بالفتحة لحدي ما يوم واحد من البورداب نطقو قدامي

كدي تعال حلنا من مشكلة جدك دي

مرحب صديق رحمة

انت تعرف نحن السودانيين عندنا ميل للكسرة دائما وهي عندنا أسهل في النطق من الفتحة والضمة

شوف حرف النصب أن نحن بننطقو إن بالكسره زي (فإنه) الصحيح فأنه

وهكذا ممكن تقارن كلمات كتيرة

مرحب خالد العبيد

Quote: اعتقد انو الصحيح بتشديد الباء

بعد الشدة دي ممكن واحد يكسرها ياخ نحن جننا كسر

شعب مكسر ساي في عمرو دا

الأصدقاء..
خالد..
حمد..

حبابكم..

كلام خالد صحيح..ونزلت الإجابة متزامنة مع مداخلاتكم..
اسم غريب يا شباب.. لكن نسوي شنو.. القمسة اختارت و كل الناس حاكماها ظروف...!!

كتر خيركم..

كبر

بما أنه تبارك شقيقى الأصغر ، ينطق إسمه تماماً كما ورد فى القرآن (تَبارَك الذى بيدة المُلك) وهذا بغرض الرد على السائل.

تحياتى

شقيقه الأكبر (هِشام) رغم أن البعض ينطقونه (هُشام) وكلاهما لا بأس به.

Quote: and#200;الإتنين غلط..

لا كلكم غلطانين ... حتى كبر ذات نفسو معاكم !

فطبعاً أهلنا البقارة ناس خيل .. والما عندو حصان دا
زول هوان ساكِت ..... لِسع ما كمَّلت كلامي !

الأسم فيهو ( واو ) سقطت سهواً .. والبعض أسقطها
عمداً ، والإسم الصحيح ( كوبر ) ولو مغالطني أسألو ا
جاري كوبر .... فأهلنا البقارة كلهم (كاوبويات) .. والمغالطني
خليهو يِفكِّك ( كاو بوي ) .... وبعدين نتلاقى ؟

المحبة لكم جميعاً

Quote: شقيقه الأكبر (هِشام) رغم أن البعض ينطقونه (هُشام) وكلاهما لا بأس به.

يا أبو الشوش والله انا عانيت فترة طويلة من أمس شابكني "هُشام" والصحيح "هِشام" ..
بس والله كبر دي انا دايما بنطقا بكسر الباء هههههه ، ما مشكلة من الليلة وغادي بنعمل تشديد للباء ..

يا حمد مشكور على البوست الظريف دا ..

اجى يا حمد ??? "تبارك" ده واضح جدا. اصلوا ما حصل اتلفتا فيه.
المشكلة دايما كانت فى اسم صديقى كبر. و كنت بنطقه (بتردد) بكسر الكاف و فتح الباء.
شكر للتوضيح اخونا كبر. اسم جميل جدا.

Quote: اسم غريب يا شباب.. لكن نسوي شنو.. القمسة اختارت و كل الناس حاكماها ظروف...!!

ما غريب في أسماء اغرب كتير ودا برجع للرغبة في التميز والخروج عن تقليدية وكثرة بعض الأسماء ومدلول الاسم مهم جدا لمن يطلقه وفي لحظتها بكون ما مهتم لباقي الناس

ولدي أو بنتي وأنا حر فيهو/ا

مثلا واحد بدل يسمي فاطمة يقوم يسمي أم الحسن أو أم الحسين أو بدل يسمي منى يسمي شهو المنى أو بت المنى وهكذا

Quote: عندك مثلا اسم جدي (كبر).. البعض ينطقه: ضمة على الكاف و الباء.. البعض ينطقه: كسرة على الكاف و الباء .. الإتنين غلط.. كبر

تعرف اسمك من الاسامي الكنت محتار فيها

والغريبه الاسامى البحتار فيها بالعربى .. بلقى نطقها الصحيح لما اقراها بالانجليزيى
الا اسمك .. ما ظبط معاى
وكنت بقراهو (بالكسره) ... زى الوالى كبر ... مع انو بالانجليزي ما حا تظبط
لكن بعد شرحك نتعود عليهو بالنطق الجديد

الحبيب هشام الأخ الأكبر للعريس
مرحبتين حبابك

Quote: (تَبارَك الذى بيدة المُلك)

كويس نسمع منك وكويس جدا لو جاتنا الملكة تماضر وأدتنا رمية رميتين قبل ما يجي تبارك هم سليف (لو جا)

بس قيقراوي ودينا خالد قالوا تبارك ولدكم دا ليس بيده أي حاجة

أما حكاية هِشام وهُشام دي شغلة طويلة وكلو بمشي

في أسماء كتيرة زي دي بتتقلب
زي أحلام ناس تنطقها إحلام

مرحب سعادتو محمد فضل الله

Quote: الأسم فيهو ( واو ) سقطت سهواً .. والبعض أسقطها عمداً ، والإسم الصحيح ( كوبر ) ولو مغالطني أسألو ا جاري كوبر .... فأهلنا البقارة كلهم (كاوبويات) .. والمغالطني خليهو يِفكِّك ( كاو بوي ) .... وبعدين نتلاقى ؟

طيب كان كدا كبر خمانا ساي أو عايز يبعد تهمة كاوبويات دي منهم
بعدين كردفان تحديدا هي أكثر منطقة في تنوع اسماء ود مردو للهجرات الكثيرة من مختلف الجهات لكردفان فهي مثل الجزيرة من حيث تشابك الأنساب فيها

هسة انت اسمك دا ذاتو اسم ناس جزيرة

مرحب هشام عبادي

يا أبو الشوش والله انا عانيت فترة طويلة من أمس شابكني "هُشام" والصحيح "هِشام" ..

ياخ هُشام أسهل من هِشام في النطق

شوف عبد الرحمن في ناس بنطقوها عبد رحمان

مشكور

مرحبتين سمارتنا

Quote: اجى يا حمد ??? "تبارك" ده واضح جدا. اصلوا ما حصل اتلفتا فيه.

أنا ذاتي ما اتلفت فيهو بس يوم لقيت تبارك كاتبو بال U واليو كما تعليمن ليها نطقين في الإنجليزية وتختلف في الزمن البياخدوا كل نطق مثلا

U في PRODUCTION تختلف عن EDUCATION
في برودكشن بتننطق بالفتحة وسريعة وخاطفة أما في أيديوكيشن بتننطق ضمة وبتأخذ وقت أطول شوية ومرتاحة

وللصدفة نطق اسم تبارك بالضمة بدي معنى وهو مصدر الفعل تبارك بالفتحة عشان كدا جاني الشكك في التمييز بين الأتنين

شكرا ليك

الأصدقاء..
محمد فضل الله المكي..
الواو موجودة زي ما قلت يا صديقي..بس بتكون (كبرو)..و ده شايع عند اهلنا الحوازمة..
طبعا اللذيذة لم يكون الأسم مؤنث (كــُبــُره)..
على ذكر الكابويات..المدينة القاعدين فيها عندها مهرجان سنوي بتاع بقارة اسمو الإستامبيد..اها البنات كل واحدة بتكون لابسة ليها طاقية ..وبسموهن..
Cowgirls

هشام عبادي..
كتر خيرك يا صديق..و زي ما قلت ليك ياخي اسم عجيب الإ كن ناسو قاعدين ينطقوه صاح..!!

الصديقة اسمارت..ما عندك مشكلة يا صديقة..مرت احدى الصديقات من المنبر هنا اتصلت مخصوص بخصوص الإسم..و كانت بتكسر ساكت.. اها قلت ليها الإسم شكلو كده..نطقتو مرة واحدة صاح.. بافي الوكت كلو بنطقو بالطريقة الكانت مفتكراها..!!

وضاح..كتر خيرك يا صديق..و مافي مشكلة..طبعا حكاية الإنجليزي كنت داير اعمل دبل باء (باء مرتين) عشان حكاية الشدة تظهر.. لكن اكتشفت انو هناك عضو بنفس الإسم و الغريبة اسم الأول مطابق لي (محمد) و هو اخونا محمد كبار..!!

كتر خيركم جميعا..و كتر خيرك يا حمد على هذه الأريكة الظريفة..
كبر

اهلا وضاح كيفك يا زول

يعني كدا كويس

لسة المشوار طويل قدامنا كم اسم لسة