تتذكروا طيـرة المسطول..ياها وزارة التعليم السودانية

المشكلة طيرة الانقاذ بتخرب وتكسر الكبابي..

Quote: إضافة عام إلى السلم التعليمي ابتداء من العام الدراسي "2015- 2016" الخرطوم – خضر مسعود كشفت وزارة التربية والتعليم الاتحادية عن تغيير السلم التعليمي في البلاد ليصبح (9) سنوات للأساس و(3) للثانوي، وحددت الوزارة العام الدراسي (2015- 2016) موعداً لتطبيق السلم التعليمي. وقال الطيب حياتي مدير المركز القومي للمناهج والبحث التربوي في تصريحات صحفية أمس (الأربعاء) إن تغيير السلم التعليمي يبدأ بإضافة عام إلى مرحلة الأساس لتصبح (9) سنوات بدلاً من (8) سنوات فيما يبقي على المرحلة الثانوية في (3) سنوات، وأضاف حياتي أن التغيير لن يطال تلاميذ الصف الأول للعام الدراسي الجديد، مشيرا إلى أن الوزارة شارفت على الانتهاء من تأليف مقررات الصف الأول أساس لتكون على نظام المواد المنفصلة لكلٍّ على حدة، وأعلن حياتي عن البدء في تصميم وإنتاج مناهج دراسية إلكترونية لجهة حوسبة المناهج الدراسية

الكلام دا صحيح يا ناس لانه ما شفت لي زول بالمنبر نضم عنه..

لو صاح يبقي يا سجم المنظراتية مش اساساً هي كانت 9 وماشية مظبوطة..الدعاكم تنظروا تغيروها شنو وتضيعوا مدارس وتبيعوا اراضي مدارس تانية وتفسدوا في الوزارة وفي التعليم وفي حق التلاميذ شنو عشان تاااني تدور قصة جديدة..
طبعاً مع ملاحظة انه خراب السلم التعليمي الاول كان هيـن واهو اندماج مدارس وتشظي اخرى وفرتكة ولهط مخصصات إدارة تعليم ووو..
هسع ما بتقدروا ترجعوا الوضع كما كان لانه ببساطة بعد الاكل والدمار الحاصل مافي امكانية الا تمشوا الامور بالوضع دا ويقرأ ود اولى ابتدائي وبت اولى ابتدائي مع ولد ثالثة متوسطة بالقديم..،،

عموماً ما بطال.. بس بالله دي عملية تعملوها