الآخرون...

قصة غريبة شفتها في فيلم


وهي تحكي عن أسرة تسكن بيت ضخم وكبير ولكن من بداية الفيلم تبدو هذه الاسرة خايفة مرتعبة


الأسرة خائفة من تواجد كيانات أو أروح شريرة تسكن البيت معها ..يعني هو بيت مسكون ..


(عادي)

ليس هناك ما ممكن أن يوصف بالغرابة

خصوصا مع أفلام الرعب..التي استطاع بها المخرجون أن يدب بها شيء في جسمك وخلف رقبتك ويقف له شعر رأسك....
لكن مع تطور أحداث الفيلم ومع اقتراب نهايته

يتضح أن الأسرة الخائفة هذه ..هي الأارواح الشريرة ..وهي الساكنة ( البيت مسكون بهم) ..وأن هنالك أسرة من (انسانيين) يبحثون عن حل لمسألة البيت المسكون

يعني (المعايير ) معكوسة

الخائف هو من يمكن أن يخاف منه الآخرين

والمخيف هو الخائف من الآخرين

بهذه النهاية العجيبة ..

بدأت حكايتي مع ناس المنبر بعد عودتي الأخيرة

قد لاتصدقون ...ولكن عندما بعدت من المنبر وانشغلت بحياتي الشخصية (وعرس الولد والبت) ..واحزان أسرية ..ومسائل شخصية

لم أعد اليه ولم أكن أتابع ..حتى موضوع السياسة السودانية أصبح شيئا منفرا لي ولم أعد أطيق متابعته ( والحمدلله) ..

لاتظنوا بي الظنون فقد كنت أقف مع الناس في المواقف التي تتطلب مني الوقوف ..خصوصا مع الضحايا والمعذبين...وطبعا الأموات ..والأحزان
نرجع لموضوع العنوان ...(الآخرون)

عندما عدت حديثا للمنبر ..بدأت احس برغبة غامرة في المتابعة

ولاحظت أن فكرة فيلم (الأخرون) صارت تتجسد في المنبر وعضويته:

ناس معارضة يشاكلو ويشاكلو ويشاكلو ... وينبذوا ناس المعارضة ...لمن بقوا يشبهوا ناس الحكومة

ونا س من الحكومة بقوا يتصفوا بالحلم والعدالةويدافعوا عن حقوق الناس ..حتى بقوا يشبهوا ناس المعارضة

وخصوصا في المسائل التي تخص القبلية والعنصرية

والتي يبدو أنها أصبحت سيدة الموقف السياسي اليوم


دحين يا اخواني وأخواتي العزيزن والعزيزات

اعملوا لي أشارة ..عشان أعرف منو المعانا ...ومنو المع الخيانا


هههههه

الضحك ما بتخلى ...

حتى في الشدايد

اضحكوا..لكن أعرفوا أن الحلم سيد الأخلاق

وبمناسبة الحلم (بضم الحاء)

هل كلمتكم بحلمتي الأخيرة؟؟

اعوذو بالله...

لمن تتفسر بجي أحكيها ليكم ..

وفي ناس شاهدين!!

تحياتي للجميع

حكومة ومعارضة ..

ولا انسى (الآخرون)

Quote: أن يدب بها شيء في جسمك وخلف رقبتك

بت الناظر يتبعها المسرح أينما حلت..
تصوير في محله ، خلف الرقبه وخلف الأذن مباشرة..
بالذات عندما تنفتح النوافذ الكبيرة وتهتز الستائر في ذلك الفيلم وكل العائلة (مكومه) في ركن واحد

الآخرون يا عزيزه ليسوا في المنبر وحسب ، بل في كثير من الأمكنة ، في العمل ، في الحي ، في السفر..إلخ.
لدرجة أننا نلوم النفس كثيرا أننا ظللنا ردحا من الزمن نضع صورة ذهنية عن الآخر ما كان لنا أن نضعها..

أرجو أن تكون (خانتك) في المنبر مماثلة ل (خانة) من أتوا لشراء ذلك المنزل..

ههه
مرحب يا تماضر .. شوفتك تفرح..

-
حرما..

تحياتي يا تماضر. جميلة عودتك إلى هنا. محاولة أخرى لتحريك سطح البحيرة الراكد. وما صرت أراه منذ فترة ليس سوى وجه الفراغ. قديم لم يعد يقدم معنى مقبولا لما يطرحه الواقع من مشكلات, ليس له نبل الاستقالة وافساح المجال لما هو أهل, هو والحال تلك مكنكش, ونصيبه صفر من محاولة تخيل أن الواقع من الممكن أن يسير في غيابه وتقاعده. وفي المقابل, ثمة جديد لم يتبلور بعد, أوليست لديه القدرة اللازمة بعد لالتقاط خيط المبادرة والمضي بها قدما متحملا أعباء مسؤوليته التاريخية. هي أقرب إلى حالة التوهان الجماعي. والأسوأ أن ينزوي "اللعيبة المهرة" على قلتهم خارج المستطيل الأخضر ويتركون كل شيء لمن كانت مهنته جلب "الكورة الطافشة" في المدرجات.

وهذا مجرد رأي

محمد المرتضى حامد (صديقنا القديم)

وعبد الحميد البرنس..

أعزائي

يجب أن أمشي المكتب

(وده المكرهني في المنبر)

اول من الحكاية تحلى

مواعيد المرقة تجي ..

بس تحياتي لكم ومحبتي
___________________________
همسة: أنا مع المعارضة وحلايب سودانية

و التحت الخط ده ما هظار!!!!!

تماضر سلام

ومرحبا بعودتك

وفعلا اكيد انصدمتي

كما انصدما قبلك……

لم يكن لنا دافعا للكتابه في حاجات كثيره غير نفس دوافعك(اسباب الانسانيه)

وفي هذا لعلمك وقفنا حتي ضد اهلنا المتورطين سياسيا بدعم الانقاذ.

ولما تغلغلنا وسط الناس ديل اكتشيفنا اكاذيب كثيره

لا ثوره ولا يحزنون تجمعات قبيله بائسه همها الوصول للسلطه ولا مانع لديها ان تقتسمها مع الانقاذ.

اكتشفنا انه دعاوي الليبراليه و العلمانيه و الافريقانيه كلها الغشونا بيها بانها جزء من برامجهم مجرد تعابير لا تعني لديهم شيء

وانما الاصل هو (الطمع) بالعربي او ( Greediness) بالانجليزي.

اه الطمع ده اريته لو بقي منبريا او مناصب سياسيه الطمع بقي تاتشرات و قنابل وجهت لضرب اهلنا العزل.

وقتها عرفنا انها مجرد دعاوي ثوره.


الحدث في الجنوب يا تماضر ليس سهلا واكيد حزنتي

نحن مهددين في دارفور بمثله مالم نضبط هذه الحركات المسلحه و نتحدث عن عدم المؤسسيه فيها و الخرمجه الحاصله و الاحتكار القبلي.

المحزن انه زي ما كنا مستغفلين في الجنوب و دعمنا الفكره بس ونسينا (المفذين) لها….اليوم هنا شمالين كثر لا زالوا مخمومين او عاملين مخمومين

وشايلين الامر صرة في خيط انه (ندعم الهامش) وبايحاء اخلاقي و يعلموا اضان جلد عن مذابح محدده و يوثوقوا لمذابح محدده.

الكلام ده قاعدين نوثق ليه جيدا و فقدوا المصداقيه لدينا(نحن منو نحن الضحايا الجدد للبعض الحركات المسلحه)


وزي ما قلتي خليت المنبر ده و انت بتقري انه الصراع في دارفور بين العرب و الزرقه

وعدتي لتجدي بعض الزرقه متحالفين مع بعض العرب (وهذا في حد نفسه ليس سيئا)

لكن السيء انه حرصوا بكل استهتار ان يدفعوا زرقه اخرين دمائهم ثمنا لمجرد انه الوالي فلان منهم او الوزير علان منهم!!

وبرضوا عاملين اضان جلد انه نفس هذه الحكومه الباطشه قاعدين هم و بعض المنسوبين لهم قبيلا و مفرشخين فيها وسافين مع الكيزان و مقسمين الكيكه.



هذا يا ستي الجاب الحيرك اكيد

وسلامتك من الحيره.


الفساد السياسي اطبق علي شعبنا من كل ناحيه.

وربنا يعينه.

يعني مثال اخير يا تماضر

سجون مالك عقار تضم قرابة الخمسين معتقل من النيل الازرق من خيرة المناضلين و بعضهم مات بهذه السجن

تفتكري يا توا ديمقراطيه حيبيجها لنا مثله؟! ولماذا نصمت لمجدر انه ضد الكيزان؟! ما حيبقي ( سلفاكير )جديد و (رياك مشار ) جديد بحياتنا لو حكمونا؟!



حركة مناوي تنزل البيانات تدين اعتقال الشاب تاج الدين عرجه الذي اعتقل من داخل قاعة الصداقه!! (وتقولي في سرك بيان جيد)

تجولي بنظرك خ(.........)تين في صفحة البيانات تلقي في اسرة (رئيس هيئة الاركان السابقي لحركة مناوي) تستنجد و تطالب باطلاق سراح ابنها

الذي اعتقله مناوي بجوبا رغم انه مجرد تاجر!!!!!!!!!!

طيب اي عداله ايضا سيحققها لنا هؤلاء لو حكمونا؟!

وحتي متي مطالبين ان نصمت علي جغمسة الحركات المسلحه باسم التحرير وهي توعدنا بدكتاتوريات جديده؟! فقط في لبوس جديد!!

الأستاذة والأخت الحبيبة تماضر ..

كم أنا سعيد بعودتك الى حوشنا المرشوش ..

صحيح .. بعض مرات .. الحراية .. حارة بالحيل ..
بتقطع ضنب الفار ..

لاكين .. مع الحبايب .. كله يهون .. أكان فى ناس ينغصوا القعدة الجميلة ..
لاكين معليش .. ما تزعلى .. ارمى ورا ضهرك ..
لكن .. فى اعتقادى فى وجود .. الناس السمحين .. يمكن للآخرين أن
يخجلوا .. وقد يتعلموا .. وطبعاً .. سبحان الله .. قد يغير القلوب ..
ويغير الأحوال .. يا رب ..

بالمناسبة .. وبمناسبة عودتك .. أرجو أن أهديك هذا البوست .. على الطاير .. كده ...

http://www.sudaneseonline.com/board/23/msg/1203960894.html

Quote: الأستاذة تماضر شيخ الدين .. أتذكرين ..؟؟ سبق وأن وعدتك بفتح " بوستا" خاصا لك .. بل خصيصا لتكريمك .. لمجهوداتك الرائعة لرفع المستوى العام .. فى المنبر العام .. أتذكرين ..!! قد وعدتك .. عندما يصل عدد البوستات والمداخلات ال 10000 سأفرد مساحة خاصة لك .. فلى رجاء خاص .. بأن تكون هذه المساحة ملكا لك .. ولمعجبيك الذين يحبونك من كل قلوبهم .. لك أنت .. للتجوال .. والمساهمة .. لطرائف مرت بك .. لمواقف جميلة فى هذا المنبر .. أو خلافه.. لكتاب معينين .. لبوستات أو مداخلات أعجبتك .. بنصائح خاصة .. الخ .. الخ ولكن بالطبع الرأى فى النهاية .. يرجع اليك .. والرأى رأيك .. فان سنحت الفرصة .. وان سمح الأستاذ بكرى الكريم .. أن يكون هذا البوست من ضمن البوستات الخاصة بأرشيف الأخت تماضر .. الأستاذة المعطاءة والتى تم تاريخ انضمامها الى هذا المنتدى العامر فى وقت يقارب تاريخ انضمامى .. والحق يقال .. منذ ذاك التاريخ .. وأنا أتابع كتاباتها .. والتى جعلتنى أعرفها عن قرب .. على الرغم من بعد المسافات الجغرافية .. الا أن الكلمة أصدق تعبير لقائلها .. بل ان الكلمة هى كيان صاحبها بذاته .. لم أقرأ لها قط كلمة نابية فى حق انسان .. بل كانت من المصداقية التى تجمع ولا تفرق .. تحب ولا تكره .. فلك الاجلال والاحترام .. والى الأمام .. يا أختى تماضر .. بالمناسبة .. آسف للتأخير .. فقد تعدى عدد مداخلاتك الرقم المذكور .. ولكن .. معليش .. عمك العجوز .. أرنست

تخيلى يا تماضر .. هذا البوست انكتب فى أوائل عام 2006 ..
من يقول .. كيف الأيام تجرى .. والسنين تجرى ..
وكما يقول الفنان الراحل ابراهيم عوض ..
بتجرى الأيام .. زى ما بتجرى دموعى ... دن .. دن .. دان .. دان .. دا ..
وها هي اغنية فارقيهو دربى ..
وأهديها للجميع .. أهديها لناس الزمن الجميل ..
فارقيهو دربى ..
http://www.youtube.com/watch?v=2LKgYcuQjTk

وهذه أغنية ليه بتسألى عنى تانى ..
http://www.youtube.com/watch?v=iIDn31g1xM8

ويا حليل أيام الزمن الجميل ..
و عليك الله .. ما تنقطعى تانى يا تماضر ..

أخوك وعمك العجوز ..
ارنست
+++

الأخت العزيزة الأستاذة تماضــــر

حبابك الف
رجعت هـذه المرة الى المنبر للتحيـة والترحيب؟

مافي نص آخرون
رجل هنا و رجل هناك

غايتو تراجي مُصْطفى بتِتْفَوق في كُل مُداخلة على نفسها في الشتارا ، بِالله شوفو المرا دي كيفِن قلبت العمود مِن دَهشة فِكرة فيلم إلى برنامِج سِياسي.. الله لا تاجرِك مسختي على الدهشة والسرد والمُداخلات الفي السِياق



عليكِ الله ما تزعلي.. بس لو أنا ما كتبت السطر البِفوق ده حرّم رُقاد الليل أكان يغْلبْني، أتقلب ساااااي لِلصباح.. أهو سطر وإنْكتب وإنتِ -بِالصلاة ع النبي- جِلْدِك تِـخِـنْ ما بِسوي فوقو سطر ده الحبه دي ههههه

Quote: ، بِالله شوفو المرا دي كيفِن قلبت العمود مِن دَهشة فِكرة فيلم إلى برنامِج سِياسي.. الله لا تاجرِك مسختي على الدهشة والسرد والمُداخلات الفي السِياق

قبيل كنت بدي في واحد من اللاجئين الأنا بساعدهم عيبر المنظمة دي، درس في حسن التعبير

وقلت ليهو ما تقول لي أي (ست،) امرأه ، استاذه ، معلمة مربية أم ...الخ : مرا

ولا حرمة ..ولاتقول لرجل أمريكي أسود زنجي ...لانه الكلمات دي كلها عندها بعد سياسي وحقوق انساني..غير مستحب

تجدني يا عزام حسن فرح .. وأظن دي أول مداخلة لينا سوا في الدنيا في المنبر ، أعيد عليك الدرس..البايخ( لا تقل هذا وقل هذا)..فما من جميل القول أن نتنادى بما لا نحب..وبما نكره



بس شكرا على تفضلكم بالحضور والمشاركة

...(وجع!!!!) ههههههه

Quote: مافي نص آخرون رجل هنا و رجل هناك

أفصح أبن يا رعاك الله

فلو أنني فهمت سؤالك على انه النص - أي الكتاب المنصوص- وقد عنيت أنت النص أي النصف فتلك مصيبة

واذا كنت قد عنيت النص بأنه نصفا وقد عنيت انت النص بأنه الكتاب المنصوص

فانها مصيبة أكبر

والفرق شاسع ما بين نص ونص...

والتأويل ليس من صفات النساء ...

فيارعاك الله ماذا عنيت؟؟ أعاننا الله واياكم على حسن السير والسلوك

(السلوك الأصلها مشربكة ديك) !!!

Quote: تمـــرد شيـخ الدين! حبابك الف رجعت هـذه المرة الى المنبر للتحيـة والترحيب بيك.؟

يا أبا الريش ...كيف حال الدريش..في بلد العويش؟؟

وتسميني تمرد؟؟

داير تجيب خبري؟؟ هههه

يا سلام ..وأهلا بترحيبك!! ترحب بيك عافيتك!!

تحياتى عم ارنست

حبابك اختنا الأستاذة تماضر
او تمضور قبل زواج الولد والبنت، وجه مبتسم

الآخرون مستقلين ولا ضاربين طناش

Quote: حبابك اختنا الأستاذة تماضر او تمضور قبل زواج الولد والبنت، وجه مبتسم الآخرون مستقلين ولا ضاربين طناش

والله يا صاحب الخبر اليقين دائما بتذكرك مع الاصدقاء الأفاضل والكتاب ذوي الاحساس الراقي الجميل..

ولا يهمك قبل زواج البنت والولد وبعد زواجهم ..دنيتين مختلفات

يا حليلهم بس طلعوا من البيت ..وبقيت ما بشوفهم زي زمان ..ربنا يسعدهم وعقبال الجميع!!

طماضر !!
ما فهمنا حاجة ..... مالك ؟
يعنى الاخرون ديل الجن اللابس محمود ؟
هسه فى الشغل عندكم جن ! وبعاعيت ؟
امريكا ما هينة ......







ــــــــــــــــــــــــــــ
احد ظرفاء المدينة قال الصادق لما يجيب سيرة الاخر
طوالى تفهم انه يعنى نفسه ......

Quote: احد ظرفاء المدينة قال الصادق لما يجيب سيرة الاخر طوالى تفهم انه يعنى نفسه ......

العزيزة دينا خالد:

قديما قال سارتر (الآخرون هم الجحيم) ..والله أنا ما وصلتهم الملاحيق دي..
أنا عجبتني فكرة بسيطة جدا ..هي فكرة الاتجاه شرقا حتى الغرب..البفوت حدو بنقلب ضدو.. وكل آخر عندو آخر ..لما يبقى هو زاتو هههه

هاكي اتسلي بفكرة سارتر الفلسفية (لامناص فالآخرون هم الحجيم) ..حقيقة هي مسرحية ..لكن أستاذ الفلسفة الفي اليويتيوب ده بشرحها بطريقة ممتعة وبسيطة ..مع محبتي الصادقة

أحمد حمودي:

فارقيهو دربي عدييييل كده؟؟ نان ما غلت؟؟

ارنست ..يا سوداني يدعي بأنه عجوز

قرأت البوست كله

من الفه الى يائه ..


سبحان الله !!! كانت أيام !!!

وهاأنذي بعد أن وصلت من المداخلات 14 ألف ونيف ..أزور هذا الحب الصادق الذي كان بين كل الناس ...وبين الناس التانيين (الآخرون) ,..

والكلمة كانت شرف ..والمحبة شديده

ولو انك هادي لي أغنية (فارقيهو دربي)؟؟؟ انت داير شنو؟؟ أفارق دربك ولا أجي أقيف في النص..بس أنت حدد

وأنا تحت الخدمة هههه

والله كل المودة وكل التقدير لك يا أرنست العجوز... يا صديقي الجميل!!!

يحتفوا بيك وليداتك..ات وأصدقاء البوست القديم..والجديد...

Quote: تماضر سلام ومرحبا بعودتك وفعلا اكيد انصدمتي كما انصدما قبلك…… لم يكن لنا دافعا للكتابه في حاجات كثيره غير نفس دوافعك(اسباب الانسانيه) وفي هذا لعلمك وقفنا حتي ضد اهلنا المتورطين سياسيا بدعم الانقاذ. ولما تغلغلنا وسط الناس ديل اكتشيفنا اكاذيب كثيره لا ثوره ولا يحزنون تجمعات قبيله بائسه همها الوصول للسلطه ولا مانع لديها ان تقتسمها مع الانقاذ. اكتشفنا انه دعاوي الليبراليه و العلمانيه و الافريقانيه كلها الغشونا بيها بانها جزء من برامجهم مجرد تعابير لا تعني لديهم شيء وانما الاصل هو (الطمع) بالعربي او ( Greediness) بالانجليزي. اه الطمع ده اريته لو بقي منبريا او مناصب سياسيه الطمع بقي تاتشرات و قنابل وجهت لضرب اهلنا العزل. وقتها عرفنا انها مجرد دعاوي ثوره. الحدث في الجنوب يا تماضر ليس سهلا واكيد حزنتي نحن مهددين في دارفور بمثله مالم نضبط هذه الحركات المسلحه و نتحدث عن عدم المؤسسيه فيها و الخرمجه الحاصله و الاحتكار القبلي. المحزن انه زي ما كنا مستغفلين في الجنوب و دعمنا الفكره بس ونسينا (المفذين) لها….اليوم هنا شمالين كثر لا زالوا مخمومين او عاملين مخمومين وشايلين الامر صرة في خيط انه (ندعم الهامش) وبايحاء اخلاقي و يعلموا اضان جلد عن مذابح محدده و يوثوقوا لمذابح محدده. الكلام ده قاعدين نوثق ليه جيدا و فقدوا المصداقيه لدينا(نحن منو نحن الضحايا الجدد للبعض الحركات المسلحه) وزي ما قلتي خليت المنبر ده و انت بتقري انه الصراع في دارفور بين العرب و الزرقه وعدتي لتجدي بعض الزرقه متحالفين مع بعض العرب (وهذا في حد نفسه ليس سيئا) لكن السيء انه حرصوا بكل استهتار ان يدفعوا زرقه اخرين دمائهم ثمنا لمجرد انه الوالي فلان منهم او الوزير علان منهم!! وبرضوا عاملين اضان جلد انه نفس هذه الحكومه الباطشه قاعدين هم و بعض المنسوبين لهم قبيلا و مفرشخين فيها وسافين مع الكيزان و مقسمين الكيكه. هذا يا ستي الجاب الحيرك اكيد وسلامتك من الحيره. الفساد السياسي اطبق علي شعبنا من كل ناحيه. وربنا يعينه. يعني مثال اخير يا تماضر سجون مالك عقار تضم قرابة الخمسين معتقل من النيل الازرق من خيرة المناضلين و بعضهم مات بهذه السجن تفتكري يا توا ديمقراطيه حيبيجها لنا مثله؟! ولماذا نصمت لمجدر انه ضد الكيزان؟! ما حيبقي ( سلفاكير )جديد و (رياك مشار ) جديد بحياتنا لو حكمونا؟! حركة مناوي تنزل البيانات تدين اعتقال الشاب تاج الدين عرجه الذي اعتقل من داخل قاعة الصداقه!! (وتقولي في سرك بيان جيد) تجولي بنظرك خ(.........)تين في صفحة البيانات تلقي في اسرة (رئيس هيئة الاركان السابقي لحركة مناوي) تستنجد و تطالب باطلاق سراح ابنها الذي اعتقله مناوي بجوبا رغم انه مجرد تاجر!!!!!!!!!! طيب اي عداله ايضا سيحققها لنا هؤلاء لو حكمونا؟! وحتي متي مطالبين ان نصمت علي جغمسة الحركات المسلحه باسم التحرير وهي توعدنا بدكتاتوريات جديده؟! فقط في لبوس جديد!!

يا تراجي يا عزيزتي شكرا للتحليل ..من داخل الحدث

ووالله ما شفت شي مؤلم حصل للسودان ده قدر انفصال الجنوب..

وأي انفصال تاني برضو هو حيكون مدبر من جهات أخرى ..

ليها مصلحة كبيرة في تفتيت السودان ..

فبل كد\ه الناس ما كان بينهم البغضاء دي كلها ولا كان في كراهية بين الناس ولا الظلم وصل لهذا الحد..

أنا بتونس مع عراقيين وسوريين داك البوم..وكلهم أجمعوا على أن الكراهية نفسها سلاح بتعمل جهات متمكنة في زراعة الكراهية..بين الناس ..عشان تفتت بيها البلاد ..

وتفتكري من زمان الناس ما كانوا مختلفين في مشاربهم ..ودرجات سوادهم وملامحهم؟؟ مش كانوا جيران و متعايشين..و

حتى االفوارق بينهم مش كانت في طريقها الى الزوال؟؟
انت عارفة انا عرفت انهم بختطفوا أولاد قبيلة ..ويمشوا يدربوهم ويخلوهم يهجموا على القبيلة التانية ..والعكس صحيح

الاولاد بكونوا عمرهم تسعة وعشرة ..يمشوا يقضوا سنتين تلاتة غسيل مخ وتدريب عل السلاح..

ويجوا ناس القبيلة التانية يحلفوا ويقسموا انه الداهمتهم دي القبيلة الفلانية ويكونوا صادقين..والعكس صحيح

ولما النار تشب تاني البوقفها شنو؟؟

انا غايتو مامعاك انا مع الخيانة لانوا نحن الزمن العلينا دا بقينا الخيانة زاتنا ًوخاصة بعد الوثبة التانية احتمال نبقي الآخرون ههههههه سلامي للجميع

الأخ الحبيب أحمد حمودى ..

و أيضاً .. بدورى أجمل التحايا لكم أخى الكريم ..

Quote: تحياتى عم ارنست

الظاهر يا خوى .. انت مكتول كمد فى الغربة دى ..
زى عمك ..
الله .. بس يكون فى العون ..

الله معاك ..
أخوك وعمك العجوز ..
ارنست
+++

Quote: تحياتي يا تماضر. جميلة عودتك إلى هنا. محاولة أخرى لتحريك سطح البحيرة الراكد. وما صرت أراه منذ فترة ليس سوى وجه الفراغ. قديم لم يعد يقدم معنى مقبولا لما يطرحه الواقع من مشكلات, ليس له نبل الاستقالة وافساح المجال لما هو أهل, هو والحال تلك مكنكش, ونصيبه صفر من محاولة تخيل أن الواقع من الممكن أن يسير في غيابه وتقاعده. وفي المقابل, ثمة جديد لم يتبلور بعد, أوليست لديه القدرة اللازمة بعد لالتقاط خيط المبادرة والمضي بها قدما متحملا أعباء مسؤوليته التاريخية. هي أقرب إلى حالة التوهان الجماعي. والأسوأ أن ينزوي "اللعيبة المهرة" على قلتهم خارج المستطيل الأخضر ويتركون كل شيء لمن كانت مهنته جلب "الكورة الطافشة" في المدرجات.

و الله ما خليت لينا حته نرقد عليها نَحنُ معشر الذين ليس لهم القُدره ديل يا ( برنس ) ...

مرحب مرة تانيه يا تماضر ...

Quote: و الله ما خليت لينا حته نرقد عليها نَحنُ معشر الذين ليس لهم القُدره ديل يا ( برنس ) ... مرحب مرة تانيه يا تماضر ...

ولا خلى لي صفحة ارقد عليها
انا كمان

مرحبا بكما ..يا أعزاء!!!

Quote: انا غايتو مامعاك انا مع الخيانة لانوا نحن الزمن العلينا دا بقينا الخيانة زاتنا ًوخاصة بعد الوثبة التانية احتمال نبقي الآخرون ههههههه سلامي للجميع

برانا وبنعشق مستوانا ياناس

برانا القسم الريد معانا ياناس
برانا

ياريتنا ياريتنا
ويادهري وريتنا
لو تسمح ظروفك يالحلوة تزوري بيتنا ..
برانا شتل الهبهانا ..
ياناس برانا مشتولة رويانا
يا ناس برانا فارقتو قنعانة خليتو لناس فلانة
ياناس برانا

معانا ولا مع الخيانا ياناس

الخ الخ الخ الخ ..حتى الصفحة الجاية..

(وتحياتي للجميع المعاك) هههههه

سلام

Quote: قبيل كنت بدي في واحد من اللاجئين الأنا بساعدهم عيبر المنظمة دي، درس في حسن التعبير وقلت ليهو ما تقول لي أي (ست،) امرأه ، استاذه ، معلمة مربية أم ...الخ : مرا ولا حرمة

و قبل العلم اخلاقا

الحبيبة تماضر ...

.. الظاهر فى مشكلة فى عمل " اقتباس"

المهم حبيت أرد على جملتك :
اقتباس:

" ولو انك هادي لي أغنية (فارقيهو دربي)؟؟؟ انت داير شنو؟؟ أفارق دربك ولا أجي أقيف في النص..بس أنت حدد

وأنا تحت الخدمة هههه "

العفو يا تماضر .. هل من العقل .. أو من المعقول أقوليك " فارقيهو دربى " ..
المسألة جر كلام .. فأنا ذكرت .. جملة " تجرى الأيام .. واتذكرت جملة الأغنية ..
" تجرى الأيام .. زى ما تجرى دموعى ... "
عشان كده .. أهديتك الأغنية ..

لكن برضو .. رداً على عودتك .. وهناك الحوش المرشوش .. إلا أن هناك
مَن لا يلطف الجو .. وقلتليك .. بعض الأحايين " الحرياية تقطع ضنب الفار " ..
أى هناك مَن ينغص الوجود بالمنبر .. من الشتائم والنبذى .. زى ما قلت ..

ففى مثل هذه الحالات .. يجوز العمل بمقولة .. فارقى دروبهم الملتوية ..
وكل شئ جائز ..

المهم .. نحنا ما بنستغنى عنك يا تماضر أبداً ..
والله يبعد الشينة ..

ودمتى أختى ..
والرب يبارك حياتك ..
اخوك وعمك العجوز ..
ارنست
+++

أرنست يا عزيزي لا تبتئس

أنا فاهمة كل شي

(بس بنحب نصعبها شوية) يا قول الصعيدي في النكتة الشهيرة ..(وأرجو الا أكون عنصرية ..) ما تودوا النكتى دي لي موقع مصريون اونلاين بعدين يخمونا في حلايب..الكلام ده بيناتنا هنا كسودانيين ههههه

ولو ما شهيرة أسالونا نحكيها لكم:

الصعيدي قاعد مع اصحابو يتبادلوا الألغاز وحل الألغاز
فقام بادر وقال: شي عندو اربعة ارجل ودان طويلي.. ديل..وبيطير

الاصحاب يفكروا ويفكروا وهو قااااعد منتظر الاجابة الصحيحة ...قاموا (يئسوا ) من الحل وقالوا ليهو حلها لينا قال: الحمار

قالوا ليهو لكن انت قلت بيطير ..قال: هو الحمار بس نحن بنحب نصعبها شويي!!!

اضحكوا وادفنوها في بوستيها ده ..زي ما اتفقنا سمح؟؟

زمان الناس ما كانوا مختلفين في مشاربهم ..ودرجات سوادهم وملامحهم؟؟ مش كانوا جيران و متعايشين..
-------------------------
بالضبط يا تماضر
السطر ده فيه اس المشكلة فعلا السودانيين في دارفور وغيرها كانوا متعايشين اخر حب وحلاوة
الاخوان المسلمين - لعنهم الله اينما حلوا - بدلوا السلام في البلاد الى جحيم وحرب مستعرة
فصلو بكل اسف جنوبنا الحبيب
وعسكروا دارفور واشعلوا فيها حربا ضروس وقتلوا الالاف من ابناء وبنات شعبنا
والكاش اخرس النقاش واشتروا بعض ابناء دارفور
ابراهيم بقال ابن تراجي المدلل خير مثال ... باع واشترى واستوزر
لذا كان طبيعيا ان تظهر الحركات المسلحة الوطنية والقبلية لتدافع عن ارضها وشعبها المقهور
ستستمر الحرب ولن تتوقف ما لم تعود حكومة القتل والدمار الى رشدها وتضع السلاح

Tumadir
كيف حالِك؟ علِك طَيبة

Quote: قبيل كنت بدي في واحد من اللاجئين الأنا بساعدهم عيبر المنظمة دي، درس في حسن التعبير وقلت ليهو ما تقول لي أي (ست،) امرأه ، استاذه ، معلمة مربية أم ...الخ : مرا ولا حرمة ..ولاتقول لرجل أمريكي أسود زنجي ...لانه الكلمات دي كلها عندها بعد سياسي وحقوق انساني..غير مستحب تجدني يا عزام حسن فرح .. وأظن دي أول مداخلة لينا سوا في الدنيا في المنبر ، أعيد عليك الدرس..البايخ( لا تقل هذا وقل هذا)..فما من جميل القول أن نتنادى بما لا نحب..وبما نكره

ـــــــــــــــــــــــــــــــــــــــــــــــ

Quote: أعيد عليك الدرس

أنا.. أنا مااااا عاد.. أحيييي (وعض على جانب سبابته وشلق عِويناتو ونفخ نخرتو ).. يا زوله أقول ليك قوله.. أسْتاهل
ــــــــــــــــــــــــــــــــــــــــــــــ

Quote: فما من جميل القول أن نتنادى بما لا نحب..وبما نكره

ياخ ما تبالغي إنتِ كمان.. هو تراجي دي في زول عارِف ليها شي بِفرِحا.. ما طوالي صارا وشها ومادا بوزا.. ههههه حرّم كنت كاتِبا "شـلالـيـفـا" حسب تَخَيُلي لِدونكيشوتية تراجي وهي بِتْناضِل وبتكورِك بِعلو حِسها الكيبوردي: "لا ثوره ولا يحزنون تجمعات قبيله بائسه همها الوصول للسلط" بس قُمت غيرتها لـ"بوزا" علشان ما أرجع لِعنت "لا تقل هذا وقل هذا".
ـــــــــــــــــــــــــــــــــــــــــــــ
تعديل مُداخلتي -أعلاه- بعد اسْتيعاب أم دُلْدُم "لا تقل هذا وقل هذا":

Quote: غايتو تراجي مُصْطفى بتِتْفَوق في كُل مُداخلة على نفسها في الشتارا ، بِالله شوفو الولِية دي كيفِن قلبت العمود مِن دَهشة فِكرة فيلم إلى برنامِج سِياسي.. الله لا تاجرِك مسختي على الدهشة والسرد والمُداخلات الفي السِياق عليكِ الله أكان تزعلي.. لأني لو أنا ما كتبت السطر البِفوق ده حرّم رُقاد الليل أكان يغْلبْني، أتقلب ساااااي لِلصباح.. أهو سطر وإنْكتب وإنتِ -بِالصلاة ع النبي- جِلْدِك تِـخِـنْ ما بِسوي فوقو سطر ده الحبه دي ههههه

أها كِده كيف؟!
ــــــــــــــــــــــــــــــــــــــــــــ
حرّم يا جماعة أنا بقيت أشُعر إنو أولاد عم شيخ الدين ديل بِقو بسْتغِلو فوق ريدي ليهُم.. أب تِفه داك عامِل لي كربون تِحِت عمود ولامي فوقو البوش وشابكني: جيب الله ورجِعو ورجِعو، وبِجاي أهو بِناكُل فوق نيم وبنتْرصِع بيهو زي الما حصل حاجة..


ما مُشْكِلة..


خير..


بتْفشى في زولاً فيكم أكان الله أراد.. فرحانين مُش كِده.. الله لا تاجركم!

Quote: حرّم يا جماعة أنا بقيت أشُعر إنو أولاد عم شيخ الدين ديل بِقو بسْتغِلو فوق ريدي ليهُم.. أب تِفه داك عامِل لي كربون تِحِت عمود ولامي فوقو البوش وشابكني: جيب الله ورجِعو ورجِعو، وبِجاي أهو بِناكُل فوق نيم وبنتْرصِع بيهو زي الما حصل حاجة..

وقد قال الشاعر:
ريدي الليكي يا ام شدّاق
يقلب اللوري في الدقداق
ولمّا اغلت واقول مشتاق
عيونك چَپْ ...

والله انا كمان احبك جدًا يا عزام ...





... المهم ....

يا تماضر بالله شعورك شنو بعد رجعتي المنبر ولقيتي تبارك بقى رئيس حزب :)
___
وتراجي لقيتيها كيف؟
عندي رغبة عارمة أحكي ليك تفاصيل التحولات الديموغرافية في مسيرة تراشي السياعية ;)

جانا الخبر شايلو النسيم...

مرحباً بعودتك الميمونة وبيت ومال للعرسان

Quote: جانا الخبر شايلو النسيم... مرحباً بعودتك الميمونة وبيت ومال للعرسان

انت خليني من ميمونة ..اهل العوض ببقوا ليك شنو؟؟ ههههههه

أوعك تزعل مني ..بس (انا حبيت أشاغلو ..) مش في غنية كده؟؟

تحياتي وشكرا لك على التباريك والتراحيب.. يا أسامة العوض!!!

Quote: يا تماضر بالله شعورك شنو بعد رجعتي المنبر ولقيتي تبارك بقى رئيس حزب :) ___ وتراجي لقيتيها كيف؟ عندي رغبة عارمة أحكي ليك تفاصيل التحولات الديموغرافية في مسيرة تراشي السياعية ;)

والله حزب ما عندو (خزينة) اي زول بعمل زيو هههه

لا والله فكرتو خضراء وسلمية وجميلة ..اؤيده وأشد من أزره ..تبارك ده هو في الأصل فنان..عشان كده بيفكر بحلم الفنان..ولازم نفسح للفن الطريق..عشان يتقدمنا صاح؟؟


تراجي بصراحة صديقة وما بحب أتناول سيرتها بالتهكم والضحك...وزي ما قلت لعزان حسن فرح ..هي سياسية من الدرجة الأولى حاولت أثنيها كصديقة من (الشر المستطير) ...و(ادتني في حناني) ههههه

لكن لقيتها عاقلة والله ..وبتحاول تلم الشمل أكتر من أنها تفرق بين الأكوام

(ما تقوليها تراشي) عليك الله أمسحها دي اساءة يا ياسر طيفور ..على الأقل زميلة ليك هنا ...

Quote: ـــــــــــــــــــــــــــــــــــــ حرّم يا جماعة أنا بقيت أشُعر إنو أولاد عم شيخ الدين ديل بِقو بسْتغِلو فوق ريدي ليهُم.. أب تِفه داك عامِل لي كربون تِحِت عمود ولامي فوقو البوش وشابكني: جيب الله ورجِعو ورجِعو، وبِجاي أهو بِناكُل فوق نيم وبنتْرصِع بيهو زي الما حصل حاجة..

الريدة بندورة

وزمان يا عزام أول مرة ألاقي تراجي مصطفة لاقيتا في بلدما دي..

جبناها تقدم لينا ندوة عن الوضع في دارفور

وبتنا أنا وهي في اوضة واحدة واتونسنا ونسة الضلمة ديك حقة الاخوات ..انسانة في منتهى النبل والصدق

قلت ليها (فيما يرى النائمههه) انتي وقت اصلك ظريفة كدي مالك بتشخطي في ناس البورد ؟؟ طريقتك دي انا ما عا########ي لأنها منفرة

قالت لي: انتي ذاتك طريقتك ماعا########ي..انتي ممثلة وفنانة ودايرة يكون عندك معجبين.. أنا سياسية وبتكلم من موقفي السياسي..

قلت يمكن كلامها فيهو من الصحة مش اني بفتش في معجبين..بس أنه أنا مدخلي للعالم انساني...(وفناني) ...وهي مدخلها سياسي (وشراني) .

.المهم الصباح برضو شربنا الشاي مع بعض وفطرنا واتوادعنا ..


حقيقة مابريد الناس ينتهكوا حرمتها كامرأه ويتكلموا معاها بالفداحة دي ....

وحقيقة ما بريد الشر السياسي ده..وأظني ما بنفع فيهو..

والمحبة بندورا ...والقلوب شواهد ياابن عمي


وكما قالت حرم النور: الزول البندورا..الليمون الليلة يااااا ما نعني ما نزورا..الليمون الليلة يا..ههههههه

وطبارك ده مسئوليتو زي مسئولية العفش داخل البص...أوعك تسألني منو زماااان كتب (تماضر شيخ الدين يمتنعون) وهدا خشمي على مسكتو ..برة المحلة دي خوتنا في محلتها ....هههه والعاقل يميز

خالد العبيد

بدون ما نجيب سيرة ناس تانيين ونشرع فيهم اصابع الاتهام ..اتفق معاك انه الشر والكراهية انزرعوا زراعة بفعل فاعل في السودان وشرارة القبلية الاتطايرت هو عمل مصلحي بيحقق بيها الطاغية في نواياه السيئة

شوف حسة الناس بدل ما يكونوا شعب واحد معارض ..لحكومة نازية واحدة وقاعدة في الخرطوم

..بقوا ستين حته... يقتلوا في بعض ويموتوا ..والراجل متقريف في (قصرو) يشرب النارجيلة

شوف ستيللا قاتانو بتقول في شنو..

لو قلت بتمل ولا بتكل ولا دموعك ما بتسيل..تكون مصنوع من حجر: هاك ستيللا:

Quote: و قبل العلم اخلاقا

جملة صغيييييرة قدرالنملة ..ههههههههه.لكن محتواها كبير....شكرا يا عمر نملة

واهلا بيك ..

مرحبا تماضر
سعيد بعودة من كنت اسمع صوت مناداة الناس لها حين ( بلاش منها )
قرأت عنك اكثر مما قرأت لك فهنيئا لك محبة الاعضاء

Quote: مرحبا تماضر سعيد بعودة من كنت اسمع صوت مناداة الناس لها حين ( بلاش منها ) قرأت عنك اكثر مما قرأت لك فهنيئا لك محبة الاعضاء

شكرا لملاحظتك المفرحة

وأنا أيضا عندما طفت بالمنبر مؤخرا لاحظت لك هذا التوجه..

تحسن الطرح..ويستحسن طرحك القراء ..فأهلا بك أيضا مساهما و...زميلا بالمنبر

أما أصدقائي..فلا عدمتهم..هم من يجبرونني على العودة مجددا كلما حاولت الهروب من هذا المكان...

تعرف مرات كثيرة بلقى بوستات أنا ما عندي عنها فكرة ..وفي منتصف الغياب..بكونوا الناس الأحباء فيها لي مناشدون بالعوده..او يذكرونني فيها بالخير..فمن مثلي..ياهذه المحبة من مثلي!!! أشكرهم وأشكرك يا ابوسن

واظنك قريب حبوبتي التاية أم أمي...هههههه

والاخريات يا
تمنضورتنا

غريبة يا موصلي كنت بعزي فيك في ناجي القدسي

جيت لقيتك

بين ضلوعي شموع وغنيتك نغم ..يا أعز الناس..ههه
انا مرة قلت لي واحد من الاصدقاء المشتركين...انا عندي حفلة شغالة في مخي..بفكر بالغنا وبحلم بيهو وبصحى بيهو وبنوم بيهو

بس الدنيا بتجي قاطعة وتفرتق لي حفلتي..ازيك يا سيد الغنا

انت الجبتني المنبر ده متذكر؟؟ ايا والله يوسف الموصلي هو العزمني البورد اظن سنة 2001 كان ما أخاف الكضب

نحن في البورد عجزنا ...(ياحولتن)؟؟؟

زمان كتبت هنا (ود اللزينا) لأول مرة بالطريقة دي

حسة بقت ستايل..

تاني في حاجات تانية لمن تلاقيني بوريكم ليهم هههه

الاخريات نهضت بجيلا؟؟

ههههه كل أول ليه آخر يا موصلي ..وريني الاوليات وأنا أقول ليك الأخريات..هههه مرحيا

والى كل لمحتارين

والمحتارات

في أمر السياسيين والسياسات

وفي أمر الدول والبلدات

اليكم الحل ..بسيط وجميل..وممكن

Post by ‎عجائب وغرائب الدنيا‎.

شكرا يا تماضر على هذه الهدية الغالية .. استيلا
ومعها نردد وطنيين لا زالا في الخاطر وطن واحد
لن يموت في جواي ابدا ان يعود السودان بلدا واحدا
يا الفي الجنوب حي الشمال
يا الفي الشروق ليك شوقنا طال
يا الفي الغروب هاك لحني قال
شاهدت قبل يومين فيلم تسجيلي مؤثر جدا بين اسر من شمال وجنوب كوريا
تذكرت اسرتي المنشطرة وبكيت ..
فكم احن الى لقاء ابناء عمي عثمان الذين توزعوا بين جبل اولياء وجوبا
شكرا ليك يا تماضر
بعدين انتي جاينا بتين ؟
غايتو حانعمل ليك برنامج .. لاحولاااا

غايتو يا السوانيين شكيتكم على الله
لمن "تروقو و تحلو " مافي زول بشبهكم ابدا ..

تماضر حبابك 10 يا فنانة بالجد

Quote: غايتو يا السوانيين شكيتكم على الله لمن "تروقو و تحلو " مافي زول بشبهكم ابدا .. تماضر حبابك 10 يا فنانة بالجد

انا عدت الى المنبر لابكي معكم محجوب شريف ...

http://www.sudaneseonline.com/board/460/msg/1396709292.html

بس أهلا بيك عبد الله ادريس...الروقة والحلا قسمة ونصيب...

خالد العبيد قلت لي كونو السودان يكون وطن واحد حلم لسه عندك ودايرو يتحقق

واظن معظم الحالمين الزينا ..وزي محجوب شريف الشاعر الطيب القلب

عايشين في نص الحلمة دي ..والرصاص يفقع في الحلال والوديان وفي بني آدم وفي الزرع والضرع ..طاخ طاخ طاخ ...وباستمرار

ده مال بلدا داير يبقى بكرة واحد ..والله يكضب الشينة
الحكمة مافي الموت والشتات والدم البسيل بس..الحكمة في الاوبئة ، ولمن تجي االسنين الجاية يكون مكان البلد ..مرض ومكان الحقل وباء ومكان الخير فساااد!!
عكس ما حلم محجوب شريف مكان السجن مستشفى ..مكان الطلقة عصفورة .....

محل الطلقة دانة ..ومحل السجن مقبرة

وهو ما يعرف ب....فساد الأمكنة ياعملات صبري موسى ..

الله! ياخي طريتني الرواية دي ..هاك الرابط هيلها ..وشوف لمن الكاتب يكون متمكن والموضوع يكون قوي بيحصل شنو


http://www.goodreads.com/book/show/5868300

القلوب شواهد يا تمنضورتنا
تصوري اصلوا انا مانسيت بانني دعوتك للانضمام
لاني فخور بذلك جدا جدا اصلو نحن بقينا جدود"نا" زمان
اما عن

Quote: الاخريات نهضت بجيلا؟؟

فانا
كنت ناسيها وبجيلا "بفتح الباء وليس بكسرها حقتك" هههه
كل الحب ياستي

عودا حميدا يا تماضر

اساسي

(ان شانئك هو الأبتر) صدق الله العظيم ..

وتبارك ود أمي ..اصلو مافي أظرف منو ..

فرحانة بكلام عبد العزيز عثمان الراجل المنضمة الكتاااااب لمن دخلت سالمتو شوفوه قال لي شنو:

Quote: ياتماضر يانضرة وذوق وين انت... ومنك هابي نسام بالعطور فواح وفيك البسمة قشاشة الدموع الجالبة للافراح اطير منك حمام الطيبة اقوقي علي مشارف الروح واهدل بالبشارة سلام سلام شان تاني تشرق شمس الصباح الحلوة من قدام مني واحلام حمام وسلام.... شفتي كيف لي زمن معصلج معاي بيت غنا،،اها اهو كليمات لمقدمك الطيب اقبليها،،،لمن المزاج انعدل... ويا ناس يمين الدنيا دي الما بفتش لي... محبتا ،صدقا،،،وخيرا غاشاه تب. شكرا..

حاجة تفرح القلب.

تعال يا موصلي ادينا منك كلمة على العمل (الأسري) ده

كلمات تماضر شيخ الدين وألحان الصداق شيخ الدين

كان مفروض تغنيها رشا شيخ الدين لكن الغنوها برضو ممننا وفينا ..كان منى مجدي سليم ..وكان آمال النور ..الاتنين ضفر وما بتقلع من اللحم





او هنا





وقت اصلو الكلام جاب الكلام

أهو ده الكلام المكتوب:


واقفين على بابك
لو الحنين جابك

لو مره تلمحنا
أو نلقى جوابك

قافلين على المطرة
الجايبا سحابك

يا ماشيا في القلب
شريانا محرابك

يا جالسا في الجوف
اجلس هنيابك

يامبهم التسآل
ما عرفنا أسبابك

يا ظالما في الحب
غالبنا اعرابك

أفتح مصاريعك
ارحم مصاريعك

افرد شراعاتك
اهى دي الرياح جاتك

تضحك صباحاتنا
وتشرق صباحاتك

واقفين على بابك
لو الحنين جابك

تماضر
يا سيدة بروعة الحب
للناس .. كل الناس
و مع ( الاَخرون ) ...
أنا الاَن محض شهيق هادئ .. يستذوق شم الفرح بعودتِك لنا في المنبر

إحترامي

كريمو

سبب التعديل ... خطأ كتابي

يا عزام حبابك

وتراجي ما شتره هي الادت تماضر الخلاصه.

لانها سالت عن الحال المايل سياسيا لا ادبيا لا فنيا؟!



ويا ياسر طيفور تماضر لا تندهش ان ينتخب اخيها تبارك شيخ الدين رئيس حزب الخضر

لانها ادري به و بقدراته وكانت فعلا تنتقده ولكن بقلب الاخت المحبه العارفه لذكائه و اطلاعه و منطقه و نقائه!



وتراجي انت لا تملك وعيا يحلل تغيرتها يا مسكين

بس من باب اولي كان تحلل كيف انت انتقلت من العنصريه و من كونك اتحادي يميني

لانك بقيت سودان جديد و ما عنصري و كمان بدرس الناس عن العنصريه.

وكثر خير بشاشا الثق امثالك هنا غصبا عنهم!!

قال احلل لك تراجي؟! تراجي دي شعرا كل قبيلتك ما عندها ليه رقبه خليك من انت المفعوص!



ـــــــــــــــــــــــــــ

معليش يا تماضر بس قلة ادب الذكروين دي بنعرفها كويس.

شكرا علي اشركنا في ابداعك انت و الصادق.

ودمتم آل شيخ الدين لتنثروا الابداع.

تماضر
زي عودة الروح للجسد كان عودتك

Quote: تماضر زي عودة الروح للجسد كان عودتك

سيد أحمد الشامي ,ده أنا بسميهو حسن الظن ..


وحسن الظن هو شيمة من شيم الكرام

.فشكرا لكرمك وحسن ظنك بي...


والله يقدرني عليهو هو حسن الظن قايلو هين؟؟ هههههه

شكرا يا عزيزي على هذا الكلام الكبير!!!

شايفة الناس بقوا يقولوا عدل عشان هيك وعدل عشان هيك ... وهذا لعمري لهو دليل على الاناء الذي ينضح بالمشاكل والغلاط

هههه
سأحذو حذوكم وأقول:
(عدل لأسباب تخص الكاتبة وما دايرة تقولا ليكم مش على كيفها ؟)

Quote: يا سيدة بروعة الحب للناس .. كل الناس و مع ( الاَخرون ) ... أنا الاَن محض شهيق هادئ .. يستذوق شم الفرح بعودتِك لنا في المنبر

يا عبد الكريم عبد الله ..والله هذا لطف منك وذوق ما منظور مثيلو ان تفرح بعودتي للمنبر

وأنا ايضا استبشر خيرا بهذه العودة من أجل التشاور والتحاور والتفاكر مع الاصدقاء القدامى والجدد ..وشقة في البلد تفتيحة!!

شكرا ليك مجددا

بس حبيت اصعبها شوية

ضحكتينا ونحنا طولنا ما ضحكنا زى دا

بمناسبة طولنا دى

فى الزقازيق الشغالة الصباح جات شقة اصحابنا كدا لقت الشقة جايطة باقى اكل وعلب ببسى وبواقى سجاير

قالت ايه دى انتو كان عندكم فرح امبارح

رد واحد
لا والله الجماعة ديل طولو ما نجحو وامبارح واحد نجح عملنا حفلة

الآخرون أولاً...


سلامٌ واقتراب.

مرحب بيك يا تماضر وانتي تنشرين المحبة هنا

Quote: مرحب بيك يا تماضر وانتي تنشرين المحبة هنا الله يقدرني أنشر المحبة يا عاصم فقيري انت عارف أنا تبادل الكراهية بين الناس خصوصا المظلومين والضحايا فيما بيناتم ده ..مقسم نومي .. دايراهم يصدقوا ويوعوا أنه سياسة (فرق ..تسد) ..منفذنها فيهم ...لكن يبدو أنهم ما عندهم زمن للحب..من كترة الكراهية!!!

---

Post: #59 Title: Re: الآخرون... Author: alsngaq Date: 04-13-2014, 09:19 AM Parent: #57 تماضر منورة بمناسبة الآخرون : بعد رحلة طويلة المنبر ، سفر ، زواج واولاد واكيد البركة فى ام مازن ويوسف فعلا : الأشياء ليست كما تبدو عودا حميدا تماضر السنجك

---

Post: #60 Title: Re: الآخرون... Author: علي محمد الفكي Date: 04-13-2014, 08:26 PM Parent: #59 تماضر تحياتي القصة كما صورها امل دنقل لأنني أخاف لا تنظروا لى هكذا،..فالآخرون هم الذين يفعلون

---

Post: #67 Title: Re: الآخرون... Author: Tumadir Date: 04-14-2014, 01:26 AM Parent: #60 Quote: تماضر تحياتي القصة كما صورها امل دنقل لأنني أخاف لا تنظروا لى هكذا،..فالآخرون هم الذين يفعلون قصيدة مجنونة ...شكرا لتذكرها ... وأنا أجيب ليك منها هذا المقطع المميز بلقيس ألهبت سليمان الحكيم أنثى رمت بساطها المضياف للنجوم لكن سليمان الحكيم.. يقتل غيلة أمير الجند لأنه يريد أن يبنى بزوجة الأمير وزوجة الأمير تغتال ابن بلقيس الصغير لأنها تريد أن يكون طفلها ولي العهد لكن ولي العهد قال لي بأنه حين يفع بلقيس راودته ذات ليلة عن نفسها لم يستطع أن يمتنع ..كانت غلالة من الحرير تهتز فوق مشجب المساء سألته: هل تستطيع يا صديقي الإفشاء عن ابن بلقيس ..أبوه من يكون؟ قال: أنا ما قلت شيئا، ما فعلت شى الآخرون.......................

---

Post: #66 Title: Re: الآخرون... Author: Tumadir Date: 04-14-2014, 01:11 AM Parent: #59 السنجك ونبارك ونهني علي المناسبات المرت بيها حياتك والبركة في أم مازن ويوسف زي ما قلت...وأتفق معاك الدنيا اتغيرت برة المنبر وجوة المنبر.. زمان الشكل كان في..لكن الناس كانت حيية ومحتشمة ..وبتشاكل بشرف وبيعتذروا بعد الاصدقاء يعاتبوهم . .لكن حسة شايفة اللغة ذاتا انجرفت نحو التعبيرات الما بنفع معاها اعتذار ولا في خط رجعة الله يجازي ناس الانقاذ ما خربوا البلد بس..خربوا نفوس الناس كمان ..

---

Post: #65 Title: Re: الآخرون... Author: Tumadir Date: 04-14-2014, 01:05 AM Parent: #57 Quote: سلامٌ واقتراب. اهلا فاتحين ليك الباب مرحب اتفضل ..ألف حباب ومعاه ترحاب (شفت كيف؟؟) يا عملات حسن موسى.... يا بلة محمد الفاضل..

---

Post: #63 Title: Re: الآخرون... Author: Tumadir Date: 04-14-2014, 00:38 AM Parent: #56 Quote: رد واحد لا والله الجماعة ديل طولو ما نجحو وامبارح واحد نجح عملنا حفلة ههههه يا محمد سيد احمد عندي قصة حكوها لي من ناس القاهرة ديل قريبة لي دي البت لاقت واحد قريبنا وهم زاتهم اصدقاء يعني..وهي واختها في القاهرة طولوا..فداير يشتري ليها حاجة ..تقول ليهو: اشتري لينا موز وأنا وسمية اختي دي طولنا ما أكلنا موز فقصة بتحنن الكافر هي لكن برضو بتضحك (المؤمن) ههههه القاهرة النا فيها بطولو من كل شي الظاهر!!!

---

Post: #68 Title: Re: الآخرون... Author: Tumadir Date: 04-14-2014, 02:02 AM Parent: #63 يا جماعة أنا نزلت منى مجدي مرتين وما نزلت آما النور فآسفين على الخطأ اليوتيوبي... والموصلي كسح تاني ما سمعني بنضم معاه ...غايتو الله كريم

---

Post: #69 Title: Re: الآخرون... Author: Abureesh Date: 04-14-2014, 02:19 AM Parent: #68 تم التعديل في تكانه..

---

Post: #70 Title: Re: الآخرون... Author: Tumadir Date: 04-15-2014, 11:20 PM Parent: #69 مافي داعي كان والله...يا ابو الريش