نافع وخلط البلوفة : تفكيك الإنقاذ + الشريعة خط احمر

Quote: |نافع يستبق نتائج الحوار مع الأحزاب ويقول ان تفكيك الإنقاذ والشريعة خط احمر استبق نافع علي نافع القيادي في حزب الموتمر الوطني الحاكم وعضو لجنة الحوار مع الأحزاب نتائج الحوار الوطني الذي بدأه الحزب الحاكم مع القوي السياسية بتاكيده أن نتائج الحوار يجب الا تودي الي تفكيك الانقاذ. قائلا " الحوار لن يؤدي الي تفكيك الإنقاذ ونحن أذكياء بما يكفي لمنع تفكيك الإنقاذ عبر الحوار تفكيك الإنقاذ هو ما تسعي له المعارضة بالقتال وبالتحالف مع المتمردين ...والغربيين فهل يعقل ان نمنحهم لهم هكذا". وقال خلال حوار مع صحيفة " الرأي العام" ان الوطني لن يتخلي أيضاً عن منهج الشريعة الإسلامية الذي يطبقه في نظام الحكم مهما كانت نتائج الحوار. وأشار الي ان حزبه اقرب للتحالف مع الأحزاب ذات التوجهات الإسلامية مثل حزب الأمة القومي والمؤتمر الشعبي والحزب الاتحادي الديمقراطي. واعتبر نافع ان قضية تكوين حكومة انتقالية أو قومية كما تنادي بها بعض الأحزاب المعارضة أمر غير ممكن.

أخونا جمال سلامات،،

تعرف أحسن حاجة بتعجبني في أبو العفين دا صراحته

Quote: أخونا جمال سلامات،، تعرف أحسن حاجة بتعجبني في أبو العفين دا صراحته

مرحب اخى / أحمد امين
نعم وهادم لذات بسرعة البرق لكل الحالمين
بعالم سعيد فى ظل إنقاذه
مع التقدير ،،،

رزق اليوم باليوم
أبو العفين
قبض المليار
هو وينها الإنقاذ البقت
ما بتحتفل
بذكراها
ولا الشريعة المدغمسة
على حد تعبير بشة!
جني

Quote: رزق اليوم باليوم أبو العفين قبض المليار هو وينها الإنقاذ البقت ما بتحتفل بذكراها ولا الشريعة المدغمسة على حد تعبير بشة! جني

مرحب أخى / نادر
جمع الشريعة مع تفكيك الإنقاذ دى
ذى قولة بسم الله عند ست العرقى
لمن تجىء تعبىء النص
تحياتى ،،،

عليك الله ياجمال الزول ده ما صادق وجاد كمان ؟
شريعة الإنقاذ جعلت من هذا الجاهل شخص من أثرى أثرياء الدنيا ... ثراء عم البوادي والحضر ، ثراء جعل منه وعائلته أباطرة ينعمون بكل نعيم (باق) مع بقاء شريعة الانقاذ ،
محق أنت يانافع وصادق
بس تذٌكر تماما : أنت لربك ملاق وحقوق الغلابة المساكين طرفكم حسابها عسير..
تحياتي ياجمال
الشفيع إبراهيم

Quote: عليك الله ياجمال الزول ده ما صادق وجاد كمان ؟ شريعة الإنقاذ جعلت من هذا الجاهل شخص من أثرى أثرياء الدنيا ... ثراء عم البوادي والحضر ، ثراء جعل منه وعائلته أباطرة ينعمون بكل نعيم (باق) مع بقاء شريعة الانقاذ ، محق أنت يانافع وصادق بس تذٌكر تماما : أنت لربك ملاق وحقوق الغلابة المساكين طرفكم حسابها عسير.. تحياتي ياجمال الشفيع إبراهيم

مرحب أستاذنا الشفيع
لازم يظل ينوح ويبكى ليلاه فمن هذه الأوهام والشعارات أكتنز لقمة بطعم الحنظل وغصة الدم قى حلقوق أمهات الشباب والطلاب
الذىين صدقوا شعارات هى لله ولا دنيا قد عملنا ودفعوا أعمارهم الغضة ليغتنى وينعم هؤلاء الدجاليين ,ابناءهم
وكن مطمئنا أخى الشفيع رغم فداحة الثمن قد عرف الناس أى شريعة أمثال نافع بها يبشرون
تحياتى ,,,

Quote: 2014 11:19 AM د الرازي الطيب ابوقنايه تعود السيد نافع علي اطلاق تصريحات مستفذه برفع بيها ضغطنا بين الفينه والاخري. بس انا بعتبر انو اكتر تصريح مستفز, كلامو الاخير عن استمراريه تطبيق الشريعه الاسلاميه. المستفز فيه الايحاء بانو الشريعه يعني خلاص مطبقه فينا وغيرتنا لي دولة المدينه الفاضله. مع انو الناظر الي الحياه في كل مدن وقري السودان بشوف مالا تخطئه العين حياه اخير منها حياه ماقبل الاسلام. البغيظ في كلامو معظم ناس الانقاذ كسرو الاسطوانه المشروخه دي ونسو حكايه الشريعه من مده الا هو. يادكتور زمنك فات وغنايك مات, لا شريعه ولا غيرا برجعك خشبه المسرح تاني. نحنا فتنا محطتك وعلي وشك الدخول لي محطه جديده احرارا كما ولدتنا امهاتنا. بس تعال هنا, نحنا يعني بتخوفنا بالشريعه حقتك دي؟ ولا الشريعه حاجه كعبه عشان نتراجف لمن تقولا لينا؟ ولا بس الحكايه رجوع للاضواء ليس الا؟ بالمناسبه يا دكتور, في حاجه مهمه جدا عايزين نقولا ليك وامكن تكون ماعارفا. نحنا الشعب السوداني الفضل دا, ورغم وجود مشاكل بينا وبينكم لا تحصي ولاتعد, الا انو اكبر مشكله بيناتنا هي (عدم) تطبيق الشريعه الاسلاميه منذ استيلاءكم علي السلطه والي الان. وكل الزمن دا, وانتو خانقننا وبتعذبو وتبهدلو وبتشردو فينا, كنا بندعو عليكم ليل ونهار وبنطلب من المولي عز وجل تطبقو لينا الشريعه الحقيقيه مش (الشريعه) القاطعنا لينا من راسكم دي لاننا كنا حاسين بيها المخرج الوحيد للنحنا فيو دا. زول من ناسكم كان ليو شنه ورنه لغايه ماسميتو البلدوزر وعينتو نائب والي في الدوله المسلمه دي, يقوم في نهار رمضان يتقبض معاهو 4 فتيات ويجيب زول بدلو يوم المحاكمه يحلف المصحف زي الكانو كتاب جغرافيا عشان اتفكه, ياها دي الشريعه البتخوفنا بيها؟ دي شريعه شنو طال عمرك؟ في فرق كبير بين شريعتنا وشريعتكم. شريعتنا الدايرنا مافيها تجسس اطلاقا بامر الدين, وشريعتكم قامت بتأسيس اكبر جهاز تجسس في السودان المعاصر مهمته الاولي (سلق) الانسان السوداني علي نار هادئه وبصوره متكرره يوميا, ومتابعه حركات هذا الانسان ورصده وجمع المعلومات عنه وقبضه وهتك عرضه وتعذيبه وقتله كمان. ماممكن تقولي لي ماسمعته بالكلام دا لانك كنته في قمه هذا الجهاز. شريعتنا هي شريعه الله نزلا علي رسوله (ص) الذي بعث رحمه للعالمين, وشريعتكم اتوجدت بلا قلب او رحمه. اي زول يرفع صوتو حتي لو كان داخل مسجد تقابلو بالسيخ والسياط والرصاص الحي. شريعتنا فيها التساوي بين الناس والحكم بينهم بالعدل, وشريعتكم تفقد العدل جملة وتفصيلا. شريعتنا بتحرم القتل الذي حرم الله الا بالحق, وشريعتكم مؤسسه علي القتل (قنصا) وخرابا وتشريدا لكل اهل السودان في الغرب والشمال والوسط. واهمه مافي شريعتنا احترام المراه والطفل وشريعتكم ظلت الوحش الذي اغتصب وانتهك عرضهم ونساء دارفور خير دليل علي ذلك. اذا بتتكلم عن شريعتكم, شكرا جزيلا ما لازمانا. اما لو بتتكلم عن شريعتنا القمنا واتربينا عليها فما افتكر انكم مؤهلين لتطبيقها بعد الشفنا منكم. فناسكم خلاص غرقو في الاثام لي (شوشتهم) واصبحو اكلين للسحت ومال الذكاه, وظلمه لليتامي والارامل لانهم تابعو الشيطان وخسرو الاخره وسيتبرا منهم الرسول يوم القيامه. نصيحتنا ليك تسيب الحوار يستمر بدون تصريحات مستفزه وتنسي حكايه الشريعه الاسلاميه حقتك دي وتمشي تعمل ليك خلوه تعيش فيها تطلب العفو والمغفره من الله سبحانه وتعالي (رغم استحاله ذلك) فقد قال سبحانه وتعالي في امثالكم " ومن يقتل مؤمنا متعمدا فجزاؤه جهنم خالدا فيها وغضب الله عليه ولعنه واعد له عذابا عظيما". يعني يا نافع غضب الله, ولعنته, وعذاب عظيم وجهنم كلها حاجات في انتظاركم. شفته الزمن دا كلو نحنا متكلين علي الله ينتقم منكم ليه؟ الفاتحه علي روح كل من قتل في زمن الانقاذ. [email protected]