ياود البوش ... رغم بعدي برسل سلامي ... يحوي شوقي وكل احترامي ..

صباحك خير ... يا وش الخير .. ومشتاقوووون . وليك وحشات .

تحياتي عمسيب
تشقق مساماتك ضو
لمي عقاب الغني منى
وسعي جبينك ضي

Quote: تحياتي عمسيب تشقق مساماتك ضو لمي عقاب الغني منى وسعي جبينك ضي

تسلم يا صديقي ورفيقي النقي ... ويا عادل سلام يغشاك .

ودمت لي .. ولي قدام ..

كتبت سارة بنوتي من الفيسبوك تحت :-
Sara Hassan Taha · Khartoem
صدق من قال : حق العجايز داير ركايز

بس تصحيح يا سارة المثل بقول : ( حق العجايز ليو ركايز ) يعني باركايزو
يعني ما داير ركايز ... ونحمد الله ههههههههههه .

طيب يا سارة يا بتي ما تخلينا نحب هو الحب ده الا للقدركم هههههههههههههه .
اها نحن صادقين اكتر منكم . وما بنتنازل بسهولة ههههههه ومهما يكون . سرورة
تسلمي يا سارة ولي قدام .

بت عمسيب والله بتمنى ليك الخير من جوة قلبي

برضو بنرسل معاك السلام ومعاه شوق كثير لو د البوش
ربنا يرجعو لأهلو وديارو

اخوي الحبيب \ ود البصير ... سلام قدر الوطن وبنكهة الشوق .

Quote: برضو بنرسل معاك السلام ومعاه شوق كثير لو د البوش ربنا يرجعو لأهلو وديارو

وما علينا الا البلاغ ... وتسلم ولي قدام .

بت عمسيب والله بتمنى ليك الخير من جوة قلبي

برضو بنرسل معاك السلام ومعاه شوق كثير لو د البوش
ربنا يرجعو لأهلو وديارو

اخي الحبيب \ ود البصير يا الكلك خير سلمت .

وعلينا البلاغ . ولي قدام .

يا ود البوش المرة الجايا لما تجي جنب بيتنا
زورنا ما تمشي ساي مع تحياتي لك و لبت عمسيب

الاخت العزيزة بت عمسيب التحيات النواضر لك والتحية صادقة لود البوش الرجل الاصيل

يا سلام يا منى
ربنا يهنّيكم و يتم ليكم على خير
ود البوش أخ عزيز وكريم ونحبه في الله
نتمنى ليكم كل خير

العزيزة مني
سلام
مبروك عليك الحب. ربنا يتمم بأسرع ما يكون انشالله
سلامنا لود البوش.
و تحياتي

حباااااااااااابك فيصل يا خليل ... تحيات خاصة .

Quote: يا ود البوش المرة الجايا لما تجي جنب بيتنا زورنا ما تمشي ساي مع تحياتي لك و لبت عمسيب

طيب يا خليل عليك الله لو جاء جنب بيتكم سلم لي عليهو وقول ليهو سالين عنك . هههههه

اخي العزيز سباق الخير ... احمد حمدوي ,, سلام قدر البلد .

Quote: الاخت العزيزة بت عمسيب التحيات النواضر لك والتحية صادقة لود البوش الرجل الاصيل

وليك الف تقدير وتقدير .. وتحيات اكتر نضارتآ .. تسلم ... ولي قدام .

اخي العزيز \ ود البشري ... تحياتي وتقيري .

يا شباب للنويه ... انا وود البوش بيناتنا علاقة جميلة بس ما اي جميل بنتهي كما نريد .
يعني البوست ده مجرد رسالة اخوية .. ورسالة شوق للعزيز ود البوش .. اتمني ان تكون
رسالتي بحوزتكم مع خالص شكري وتقديري ..

Quote: ربنا يهنّيكم و يتم ليكم على خير ود البوش أخ عزيز وكريم ونحبه في الله نتمنى ليكم كل خير

ولي قدام ...

الحبيبة نعمات ,,, تحياتي وحبي ز

Quote: العزيزة مني سلام مبروك عليك الحب. ربنا يتمم بأسرع ما يكون انشالله سلامنا لود البوش. و تحياتي

والله يا نعومة البيني وبين ود البوش الرجل النقي اكبر من هذا وهو اخ عزيز وحقيقة
فقدتو واشتقته ليهو جدآ في هذا الحوش وكانت هذه رسالتي له . تسلمي يا نعومي ولي قدام .

Quote: Tariq Idris · يعمل لدى ‏هيئة الموانئ البحرية‏ اللهم إني أعوذ بك من العجز والكسل ، والجبن والبخل ، والهرم ، والقسوة و(..مراهقة العجايز؟؟؟؟؟؟؟ )

امييييييييين يا طارق يا ولدي . ومشكور ولي قدام ..

تحياتنا بنت عمسيب ..

صديقى الإسفيرى ود البوش .. الود موصول

.{عصير ليمون ,, بنكهة النعناع }

الحبيبة صاحبتي نعومة .... مشكورة شديد .

يا مني هناك خطأ ما تكرر ردي و لا اعرف كيف أحذفه
آآآآسفة

ما مشكلة يا حبيبة نعمت ... اعتبريه اصح خطأ ..

BIG LIKE

حبك للناس خلاني احبك .... تاني .

الاخت منى ..... سلام

وعبرك نرسل تحايانا للعزيز ود البوش ...
ونتمنى لكما السعاده ...

Quote: وعبرك نرسل تحايانا للعزيز ود البوش ... ونتمنى لكما السعاده ...

حبابك يا اخي الحبيب \ مجيدو .. تحياتك العطرة بالحب والتقدير بتمني
ان تصل للأخ العزيز ود البوش وبنتمني ان تجده كما يريد . ومشكور اخي
مجيدو علي الاغنية الرقيقة وتسلم ولي قدام .

تحياتي ليك
وتحية ود البوش
واتمني عودته قريبا

Quote: تحياتي ليك وتحية ود البوش واتمني عودته قريبا

حبابك اخي المستنير ابوسن .. والف تحية وتقدير لشخصك الخلوق .
ومشكور علي المرور المعهود منك . ولي قدام .

اخو اخوان
حبوب
دغرى
ود بلد جد جد
كلس
زول حوبة
اخو البنات الجد جد
تحياتى يامواطن

تحيات من هنا لحدود عندك بت ابوى عمسيب


تحياتى بت ابوى عمسيب

الشباب سارة و طارق ادريس التمييز ضد كبار السن و تجريدهم من إنسانيتهم و اعتبارهم
كماً مهملا بلا عواطف او مشاعر من أقبح انواع التمييز و نربأ بكما كشباب ناهض و واعي و مثقف
من الوقوع في فخ التمييز و العنصرية و التنميط، فهذه قضايا تمثل ركيزة من اهم ركائز
الثقافة الحقوقية و الانسانية في عالم اليوم.
هذا اولا، و ثانيا منى دي شابكاكم يا بتي و يا ولدي ذرا للرماد في العيون و ربما دفعا للحسد
و الا فهي من جيلكم و هي لا زالت في ريعان الشباب تحمد ربها :)

لتعديل غلطة طباعية مع تحياتنا لمنى و عبد الله

البوست ده فيهو كبكبة شديدة خلاااص! منى عمسيب معذورة انتي مالك يا نعمات هههههههههههههه جست كيدينق

منى ربنا يوفقك ويحقق ليك البتتمني.


السنجك

التحية والشوق لأخونا ود البوش فى حله وترحاله
ونتمنى عودته قريبا ولك ايضا كل التحايا أخت منى

يا سلام يا منويه

وفعلا كلنا نفقتد و د البوش معاك.

بس اعذرنت يا النشمي ما لاقين وقت نسطر كلمتين بحقك.

انت راجل و صنعت تاريخ

و التاريخ يصنعه الشجعان.



لاحقا سيورخ لهذا المنبر يا مني بان تلك الواقعه حدثت قبال (سوط) و د البوش ولا بعده.




اها يا ود البوش ما عندك ود عم ولا خال نشمي زيك كدي؟!

باقي الحياه دي محتاجه الزول يمشها مع ناس يعتمد عليهم مش من لا يستيطعون الدفاع عنا.


المهم يا الحبيبه….الاغاني سمحه و المشاعر سمحه و ربنا يديم الموده

بالله بخور للبوست ده اصلا ناس البورد ديل عيونهم نار منقد بس.



ــــــــــــــــــــ

ويا دكتور سيف يديك العافيه يا راجل يا زين

الشباب ديل ما سمعوا ب(دوق وندسور) الذي تخلي عن العرش من اجل حبيبته و كان في الخمسين اظنه؟!

ولا ما شايفبن…..شارلز و كاميلا التقوا وعمرهم كم؟!

يعرفوكم كيف سودانين يا شباب الا تفضحونا يعني؟!

بهذا التمييز الغبي؟!

يا منى بت عمسيب

ربنا يتم المقصود ،،، ويفرحكم ويديكم حسب نيتكم الطيبة وفوق ده كلو منانا نشوفكم سعيدين .

حباب البوش الكريمه خصالو
وارث الكرم من الكبار قبالـــو
فارس وسيد حوبه مافي مثالـو
وبت عمسيب ما بترضى بدالو


هييييييييع كع كرع

تحياتي يا بت عمسيب ليك ولصاحبي ود البوش





____
تم ...

واردد معك الصديقة الرائعة منى عمسيب
رغم بعدي برسل سلامي
يحوي شوقي وكل احترامي

تحية إحترام وتقدير لأخونا الكريم ود البوش .

طوال معرفتنا به في هذا البورد كان ناثرا للمحبة وحسن المعاملة كحامل المسك
ولم نشهد له يوما تعديا على أحد أو شتما لأحد أو ترصدا لأحد .

ويا ناس البورد ما كل الناس واحد ...السودان دا واااااسع وثقافات الناس تختلف حول تقبلهم للإهانة .


شكرا أختنا الصغرى منى .

Quote: حباب البوش الكريمه خصالو وارث الكرم من الكبار قبالـــو فارس وسيد حوبه مافي مثالـو وبت عمسيب ما بترضى بدالو

ود البشاري
غايتو كان
مليت المنبر
دوبيت ومسادير
انا وزير العريس غصب

Quote: يا سلام يا منويه وفعلا كلنا نفقتد و د البوش معاك. بس اعذنا يا النشمي ما لاقين وقت نسطر كلميتن بحقك. انت راجل و صنعت تاريخ و التاريخ يصنعه الشجعان. لاحقا سيورخ لهذا المنبر يا مني بان تلك الواقعه حدثت قبال (سوط) و د البوش ولا بعده÷ اها يا ود البوش ما عندك ود عم ولا خال نشمي زيك كدي؟! باقي الحياه دي محتاجه الزول يشميها مع ناس يعتمد عليهم مش من لا يستيطعون الدفاع عنا. المهم يا الحبيبه….الاغاني سمحه و المشاعر سمحه و ربنا يديم الموده بالله بخور للبوست ده اصلا ناس البورد ديل عيونهم نار منقد بس. ـــــــــويا دكتور سيف يديك العافيه يا راجل يا زين الشباب ديل ما سمعوا بدوق وندسرو الذي تخلي عن العرش من اجل حبيبته و كان في الخمسين اظنه؟! ولا ما شايفبن…..شارلز و كاميلا التقوي وعمرهم كم؟! يعرفوكم كيف سودانين يا شباب الا تضفحونا يعني؟! بهذا التمييز الغبي؟!

والله صحي القلم ما بزيل بلم
تاريخ يؤرخ لزول جرى دي عندك انتي
لكن نحن والله ما ادونا ليها .
و اقفلو سيرة الموضوع دة انتي و الطراطير المعاك ديل
لانكم قدر ما تحاولو تجملو لصاحبكم حا تلقو انكم بتذلو فيه .

Quote: لاحقا سيورخ لهذا المنبر يا مني بان تلك الواقعه حدثت قبال (سوط) و د البوش ولا بعده.

سلام لتراجي ومنى،
سيورخ لها تحت عنوان: سرد احداث حُب مُعلن

آسفة .لأن الدنيا فيها الموت أقرب من حبل الوريد يا السنجك


التكرار اعتذرت عنه و لا أعلم كيف حدث.
كله من زين السودان او يمكن من ال tab
.............................................

مالو لو صافيتنا انت مرة مرة بقيت تجينا

نحن ما قصرنا حاشا انت اتلومت فينا

الدرب مرات يجيبك وانت ما قاصد تجينا

مرة شفناك وانت ماري زي نداوة خاطرة فينا

نحن في الدمعات غرقنا وانت زي ما حاسي بينا

الله يهديك يوم علينا انت يا القصرت فينا انت اتلومت فينا

بعدك الايام حزينة شايلة كل الدنيا آهة

لا صباح طلاها بعدك لا حنان الريد غشاها

مالو لو قلبك طرانا قسوة الايام نساها

انت يا القصرت فينا انت اتلومت فينا

بكرة ترجع لينا انت غيمة شايلا عمرنا واحة

نفتح الشباك نعاين زي سماحة الريد سماحة

ونبقى ما قصرنا نحن وانت ماتلومت فينا

عكســة :- تحياتي يا منى بت عمسيب وربنا يبرد ليك شوقك والف تحية لود البوش ونترقب عودته قريبا

مودتي


الرحال

سلام صاحبة البوست
عبدالله ود البوش انسان أصيل واخو أخوان ، أعرفه من زمن طويل جدا ولم نري منه غير كل خير.
وبمناسبة هذا البوست عندي ملاحظتين:
(1) لماذا أوقف حساب الاخ عبدالله بالمنبر؟ اذا كان السبب نتيجة ما حدث بالرياض (أدنت ذلك في وقته وهو نفسه اعتذر عنه) اذا
كان هذا هو السبب فادارة المنبر ليس لها علاقة بما جري وايقاف الاخ عبد الله اجراء متعسف.
(2) حقيقة بعض التعليقات تصيب الانسان السوي بالغثيان، رجاء ثم رجاء قليل من الزوق وقليل من الانسانية وقليل من طيب الاخلاق
لا يضير.
شكرا

يا منويه

انت الناس ديل فايرين و بينبزوا فينا بتحت ليه؟!

ههههههههههههههههههههههههههه

نقول لهم لو كنتوا رجال تعالوا باسماءكم علني هنا…..مش منتحلين و بتتـجــابنوا ببره.!!





تاريخ…….ووضعه و د البوش

العاجبه عاجبه و الما عابجه يحلق شواربه.

الأخت منى

Quote: تحياتي ليك وتحية ود البوش واتمني عودته قريبا

Quote: آسفة .لأن الدنيا فيها الموت أقرب من حبل الوريد يا السنجك

نعمات ده بأكد حاجة وحدة بس انو اصلك وطبعك جميل والمنبر ده محتاج لناس حلوين طبع زيك كده خاصة فى الفترة دي.
غيري الاندرويد ده (: اوع تطلعي اندرويد فان وتزعلي تاني هههههه

احتراماتي
------------------------------------------
السنجك

يا سلام يا مني ياخ
لكم التحايا والورود والاحترام

اخواتي ... وحبيباتي ... ونساء وطني الحبيب .

تراجي ... امونة ... واماني ..

لكم كل شكري ... وتقديري ... وحبي ..

لدعمكن المعنوي ... وحضوركم البديهي يا اخوات الحارة . وان شاء ما نعدمكن ..

مع خالص ودي وحبي ... ولي قدام .

اخوتي .. واحبتي ... واسرتي الجميلة ..

لكم مني اصدق التحايا ... واعظم الشكر والتقدير ..

طه .. ود الصائم .. سيف النصر .. سعد ..السنجك .. الرحال ..
جمال .. ابو روضة .. ولياب .. البشاري .. دينق ..

دمتم لنا ولهذا المنبرالوطن الصغير ترابطآ .. والفة ومودة ورحمة .. واسال الله الجامع بين
الروح والجسد ان يجمعنا جميعنا بهذا الحوش السوداني الذي اصبح حضنآ لنا بالتراضي والاخاء
والرأفة والمحبة والصفاء وانه لجامع رقيب . ومشكورين علي المرور اخوتي .. ولي قدام .

حبابك حاجة مني
هههههه شايفك شابكة
الناس ياولدي ويابتي
والتحية عبرك لاخونا وحبيبنا
ود البوش وبجد واحشنا
ياريت يرجع لانو مكانو شاغر
وكلنا يامني بنخطي وربنا
سبحانه وتعالي بيغفر وبسامح
خلي نحن البشر ديل اتمني
انو نتجاوز كل المرارات الحصلت
ونرجع زي ماكنا اول
تسلمي اختي مني

ود القرشي حبابك يا حبيب ..

ومشكور علي المرور الجميل .. والرسالة الرقيقة .

ودمت ... ولي قدام ..

معذرة اخي الوليد ... والعفو والعافية ..

معذرة اخي وليد ... والعفو والعافية .

يا لازم الضيوف أ كان بقولك ديش
ويا لازم التقيله الما بقول مافيش
والد العروس أغنيتو بى الباكشيش
يا ناصع الكتاب ما قالو عندك فيش


أبشر

يا مني بت خالي...
اعصرو علي المحبة هي الباقية..
والماعندو محبة ما عندو الحبه
خلونا ندودر لو دالبوش بعيدا عن الحرابات
وصدقوني برك،،،وحتتاصافي كل القلوب...
تراجي دي عاصرة علي الكضب نحنا جنبها يوم ساي ما نفحتنا بحنيه..
هي اصلا بترقص بي ولما اطل في فجرنا- وتحانن بي اصبح الصبح،،،ونحن دخلنا الكبر دايرين ياصغير ويا محيرني متحير...
لكم جميعا التحية حالمين بزمان اخضر بهي محنة وحب ،،،لابد اجي...
-اخر الكلام،،اعصرو علي المحبة،،،للناس والوطن.

اخي العزيز \ منصور ..

صباحاتك بيض يا الرائع .. مشكور علي المرور والدوبيت .

الزول…….الاسمه وليد داوش


لعلمك انا شخصيا اختصرت الموضوع تقدير لاسرة ابو حسين فاهم.


فخلينا من جري و ما جري و نطه


ود البوش اريته اخو البنات لحدهن….!!

هو لو بيجيري كان جاكم علني في جمعتكم دي و عارفكم كم….وداعمين منو و منحازين لمنو؟!

قوم بلا حقانيه بلا بطيخ معاكم.

واياك تدخل البوست ده تفسده…افتح بوستاتك بنجيك….. براك لو عايز نقاش.

يا اخي وابن عمتي الخلوق \ عبد العزيز ..
تحياتي وتقديري واحتراماتي ..

Quote: يا مني بت خالي... اعصرو علي المحبة هي الباقية.. والماعندو محبة ما عندو الحبه خلونا ندودر لو دالبوش بعيدا عن الحرابات وصدقوني برك،،،وحتتاصافي كل القلوب...

اشهد الله يا عبد العزيز يا خوي عمري ما سعيت لي عداء ولا لي خراب
ولا دا مبدئ لاني عارفه نهايتو حا تكون كيف ووين ... وبقدر المستطاع بفتش
عن الجوانب النيرة للانسان .. والتعامل معه بمنتهي الاخوية والتسامح والصفح
لكن لما تكون بتصفي في القلوب وبتطلف في الاجواء ويجيك زي وليد دا واسمم
ليك في البتعمل فيهو حا يكون ردك شنو ؟ وزي وليد دا هي ذاتها مصيبتنا البسببها
بحصل الحصل من اصرار علي العداء ..وترصد وردور فعل هوجاء ..
تسلم يا عبد العزيز واعدك حا نعصر علي المحبة ونحب الاحبة الزيكم البستاهلوا الحب
والتقدير والاحترام .. وتسلم اخي الحبيب عبد العزيز ومشكور علي المرور المشرق .

ودمت .. ولي قدام .

اهداء الي اسرة الحوش الرائعة ووطنا البديل ...

تعالوا نحانن بعضنا ... نخل قلبو علي التمام .



ودمتم ايها الاسرة الجميلة الرائعة ...

Quote: اشهد الله يا عبد العزيز يا خوي عمري ما سعيت لي عداء ولا لي خراب ولا دا مبدئ لاني عارفه نهايتو حا تكون كيف ووين ... وبقدر المستطاع بفتش عن الجوانب النيرة للانسان .. والتعامل معه بمنتهي الاخوية والتسامح والصفح لكن لما تكون بتصفي في القلوب وبتطلف في الاجواء ويجيك زي وليد دا واسمم ليك في البتعمل فيهو حا يكون ردك شنو ؟ وزي وليد دا هي ذاتها مصيبتنا البسببها بحصل الحصل من اصرار علي العداء ..وترصد وردور فعل هوجاء .. تسلم يا عبد العزيز واعدك حا نعصر علي المحبة ونحب الاحبة الزيكم البستاهلوا الحب والتقدير والاحترام .. وتسلم اخي الحبيب عبد العزيز ومشكور علي المرور المشرق .

الاخت منى
بعد التحية
رد الفعل الحاد من تجاهك على وليد دواش ينفى تماما ما كتبتيه بالاعلى عن عدم سعيك للعداء والخراب ويجب عليك كصاحبة بوست ان تقفى على مسافة واحدة بين المتداخلين , تراجى كالعادة شايتة ضفارى وجابت كلام مستفز عن صناعة التاريخ بضربة السوط والذى يراه العقلاء وصمة عار فى تاريخ منبر سودانيز اونلاين وقمة التخلف والجهل بينما تراه تراجى واخرون فروسية ورجالة والحق يقال ان مداخلة وليد تدعوا الى اغلاق هذه السيرة المشينة يبنما الاخرون يودون تدويرها والاحتفاء بها , كما وان فى مثل هذه الظروف والاحتقان تعتبر مثل هذه البوستات مستفزة ايضا لانها تدعوا للاصطفاف مع طرف اصيل فى مشكلة كبيرة ودخيلة على المجتمع المنبرى لذلك من المتوقع دخول اعضاء لا يوافقونك الراى ليدلوا برائهم فى مسار بوستك هذا وهذا منبر حوار يجب عليك تقبل الراى الاخر مع التنبيه للجميع عدم تجاوز حدود الاحترام فى المخاطبة وبالتاكيد ما كان على وليد دواش مخاطبة الاخرين بالطراطير ولكن هذه الغلطة لا تستحق رد الفعل العنيف بطرده من البوست دة وكذلك بوستاتك المستقبلية
سؤال لتراجى
هل سيكون هذا رائك ان كان ابناؤك فى موقع ابناء ابو حسين , شهدوا شخص يعتدى على والدهم على مراى جمع من الناس وبالسوط كمان ؟

ثانيا للذين يوصفون الغدر بالفروسية , هل تغيرت مسميات الاشياء ونحن لا ندرى , والله والله ونحن اطفال فى سنة اولى ابتدائي وفى قلب العاصمة لا نبدا صراعاتنا امام الناس بل نتفق على الالتقاء فى مكان بعيد حتى لا يتداخل الناس لفض الاشتباك بيننا او ليصل الامر لادارة المدرسة هذه هى القيم التى نشانا عليها ولن ياتى اى كان ليعيد تعريف مسميات الاشياء لنا واضم صوتى لصوت الاخ وليد بقفل هذا الموضوع

شكراً احمد التيجاني
و احتراماً لك فانا اعتذر عن كلمة طراطير.

سلام يا اخت منى
أولاً . انتي غير معنية بالمداخلة الفوق دي ... و لو كنت قاصدك كنت قلت
صاحبة البوست و ليس تراجي .
و كلامي موجه لتراجي لانها تحدثت في موضوع عادل و ود البوش بما اراه لايليق
و هو ما وجب الرد عليه. و لا دخل لك و ضيوفك الاخرين بذلك.
و عشان انتي أصلا غير معنية بالمداخلة دي فكلامك دة كله حا اعتبره مافي.
ثم اني لم اطالبك بقفل البوست .. بل بعدم التطرق لموضوع عادل و ود البوش
و يمكنك مراجعة ذلك في مداخلتي .
الشي الخير انتي ما بتعرفيني ... نافخ الكير دي جبتيها من وين ؟
و اخليك في رعاية الله .
و قبل ما امشي ... تراجي و رهطها بعرفو يردو كويس ... فما تردي بالانابة عنهم .

الأخ المحترم \ احمد التجاني ..

تحية واحترام ..

Quote: بعد التحية رد الفعل الحاد من تجاهك على وليد دواش

خليني انا انت رأيك شنو في كلمة طراطير الكلمة دي كانت اعتراضي !
ولو سمحت انا ما دايرة ارجع لي مربع المشكلة الاول . الاتنين مدانيين
ابو حسين والأخ ود البوش والكلام ده ما داير ليهو مزايدات .. اصلحو
ذات البينا يا ابناء الحرميين الشريفيين . وليست بوضع الصور في بروفيلاتكم
تكون نهاية المشاكل .. فتشوا معضلة واساس المشاكل وحلوها من جذورها لكي
يسطر لكم تاريخ الانسانية ذلك واتركوا تحامل انسان عن الاخر وتحلو بالعدالة .
وهذا قصدي .. مشكور اخي .. ولي قدام .

تنوووووووووووووويه

البوست ده للحب والوئام العندو غير ذلك يرجي منه عدم المداخلة
ولكم الشكر والتقدير ... ولي قدام .

الاخت منى عمسيب
سلام تانى

Quote: خليني انا انت رأيك شنو في كلمة طراطير الكلمة دي كانت اعتراضي !

ارجوا مراجعة ردى اعلاه لرؤية راى فى كلمة طراطير

Quote: ولو سمحت انا ما دايرة ارجع لي مربع المشكلة الاول

ليس انا من فتح بوستا باسم احد اطراف مشكلة كبيرة ودخيلة على مجتمع سودانيز اونلاين

Quote: الاتنين مدانيين ابو حسين والأخ ود البوش والكلام ده ما داير ليهو مزايدات ..

وجهى ما شاء لك من الادانات ولكن اين هى هذه المذايدات التى تتحدثين عنها

Quote: اصلحو ذات البينا يا ابناء الحرميين الشريفيين . وليست بوضع الصور في بروفيلاتكم تكون نهاية المشاكل .. فتشوا معضلة واساس المشاكل وحلوها من جذورها لكي يسطر لكم تاريخ الانسانية ذلك واتركوا تحامل انسان عن الاخر وتحلو بالعدالة . وهذا قصدي .. مشكور اخي .. ولي قدام .

يسرنى ان يعود الصفاء بين الجميع ولست من دعاة الحرابة والامر اولا واخيرا فى يد طرفى الصراع ووضعى لصورة ابو حسين لا اقصد منه انهاء المشكلة ولكن تضامنا منى لما اصابه من غدر امام زوجته وصغاره ومجتمع الرياض , واخيرا اطالبك ان توضحى لى اين انا شخصيا تحاملت على انسان على حساب اخر حتى توصينى بالتحلى بالعدالة
وشكرا

يا وليد داوش

انا لا اعرف لك لونا ولا طعما ولا رائحه

اراك هنا ولا اعرف عنك شيء

وتراجي لا شلة لها

ولكن انت من لا يعرف ماذا كتب هذا الابو حسين لتراجي كثيرا

فاحسن لك تطلع منها.

سلام وأحترام و قيام كمان

اشكرك لأنك جعلتني[ دون ان تقصد ] أفيق من صدمة
نفسي علي أثر غضبة مفاجئة. كان الواجب ان أزوغ منها
كما فعل بوش مع أداة الزيدي الطائرة .لكن شيطان المنبر
الاشطر من الكيزان قاعد بالمرصاد.الحمد لله الذي ألهمني
قرآءة سورة البقرة ،أحب السور الي قلبي،والاذكار والحمدلله.
كلماتك المسامحة ان شالله توصلك الحنة .آمين.

سأستعيض عن التاب بأجهزة أحدث تخص أبنائي .

يا مني والباقين سماح سماح والعفو والعافية .

يا نعمات يا زهرة الصديقات و حبيبة قلبي ... صباحك خير يا وش الخير ..

وبعد الشر ولا بأس عليك من الصدمة .. يا حبيبة حبو وغنو والدنيا ما زالت
ندية ورغم الجراااااااااااااح الجوانا .. والحمد لله الفرح مافي يد انسان نطلبو منه
هذه نعمة من نعم الحياة ورخصة مبااااااااااااااحة للجميع ولمن اراد ان يكون محب
ومحبوب .. وتسلمي يا نعمات يا زهرة الصديقات .

وبهدي ليك الاغنية دي انت وود البوش ..

يا العزاااااااااااااز علينا ....

Quote: والله صحي القلم ما بزيل بلم تاريخ يؤرخ لزول جرى دي عندك انتي لكن نحن والله ما ادونا ليها . و اقفلو سيرة الموضوع دة انتي و الطراطير المعاك ديل لانكم قدر ما تحاولو تجملو لصاحبكم حا تلقو انكم بتذلو فيه .

ما يهمني في الاقتباس اعلاه ما تحته خط ...
يا وليد انت كنت حاضر المشكلة ؟

Quote: ما يهمني في الاقتباس اعلاه ما تحته خط ... يا وليد انت كنت حاضر المشكلة ؟

اخي الفاضل ادريس .. تحية واحترام .. ولو سمحت كلامي واضح
البوست ده ما ( فلاش ) للمشكلة . رجاءآ عندك اي تسأول امشي افتح
بوست خاصي بيك واتسأل .. هنا لا ما بسمح ليك . لو سمحت انت وغيرك
عشان ما يحصل اللؤم . خالص ودي واحترامي . ولي قدام ..

بسم الله الذي الهم النفوس
فجورها وتقواها
مع تمنياتي بعودة الصفاء بين الناس
اتمنى لك والاخ ود البوش كل السعادة وربي يتم ليكم على الف خير ويجعل الستر بينكم
والذرية الطيبة

دكتور محمد حسن سلالالالام وتقدير . ههههههههههه

مع تمنياتي بعودة الصفاء بين الناس
اتمنى لك والاخ ود البوش كل السعادة وربي يتم ليكم على الف خير ويجعل الستر بينكم
والذرية الطيب ..

هههههههههه مشكور .

Quote: اخي الفاضل ادريس .. تحية واحترام .. ولو سمحت كلامي واضح البوست ده ما ( فلاش ) للمشكلة . رجاءآ عندك اي تسأول امشي افتح بوست خاصي بيك واتسأل .. هنا لا ما بسمح ليك . لو سمحت انت وغيرك عشان ما يحصل اللؤم . خالص ودي واحترامي . ولي قدام ..

أعتذر اختي مني ..

Quote: أعتذر اختي مني ..

اخي وابن وطني الحبيب ادريس ..
عذرك مقبول بدون شك مع خالص ودي وتقديري واحترامي المضاعف .

ولي قدام يارجل يا راقي ..

اخي الفاضل ادريس .. تحياتي وشكري ,

اعرفك جيدآ بحسن الخلق والادب الفطري .. واعلم جيدآ انك اتيت للدفاع عن العزيز
ود البوش ولكن اخي اريد ان اوضح لك بان هذا البوست لتصافي النفوس ولو فتحت
فرص لهذا المربع حا ينقلب لي جحيم فاقبل عذري اخي وانا اعرفك جيدآ انسان عادل
ولا تخشي لؤمة لائم في كلمة الحق .. ودمت اخي ودام اخونا ود البوش .. ولي قدام .

يا منى يا اختي البوست ده ابقي عليهو عشرة

خليهو يمشي في الحنية دي وارسال السلامات والاشواق للزول الما كعب ود البوش

خلاص الصفحة دي اتقفلت بكلام ابو الحسين انو ود البوش ما كعب

اي مداخلة ترجع للمربع الاول ايكنوووووووووووووور شغل دكتورة نجاة من هنا برضو بنرسل ليها السلام

يا ابو الحسن المجيد ... والله ليك مليون سلام وشوق ...

Quote: خليهو يمشي في الحنية دي وارسال السلامات والاشواق للزول الما كعب ود البوش خلاص الصفحة دي اتقفلت بكلام ابو الحسين انو ود البوش ما كعب

اها بعد كلامك ده ماااافي كلام ... وزي ما بقول اهلنا السمحيين الوصية في الذمة اها دي وصيتك ودي ذمتي .
فيجب علي السمع والطاعة .. وتسلم يا حسين يا صديقي العزيز .. ولي قدام .

Quote: خلاص الصفحة دي اتقفلت بكلام ابو الحسين انو ود البوش ما كعب

أخوي حسين ..
مافي شك انه الصفحة اتقفلت ..وفيها ما فيها من الاخطاء .. وبحكم مهنتي كمحاسب
الخطأ بتتعمل ليهوا تسوية .. وكثير من الناس يهرف بما لا يعرف ومنهم الزميل وليد ..
والذي يبدوا انه تلقي معلوماته من مصدر غير موثوق أو كان حاضرا مشكلة اخري ..
أو انه تخيل الوضع من بنات افكاره ..
والذي اتهم ود البوش بالجري .. وده كلام منافي للحقيقة وما رأيناه بأم أعيننا ..

والله من وراء القصد

وأعتذر مرة أخري اختي مني .. ولكن توضيخ لابد منه .. والله علي ما أقول شهيد

اللمين البشاري مرً من هنا ..


ماشي اجيب الحاجة الباردة وجاي

تبسمك في وجه أخيك صدقه ......

الله يديم المحبه -- ويصفي القلوب والنوايا......

شكراً بت عمسيب ....

(*)

Quote: اللمين البشاري مرً من هنا .. ماشي اجيب الحاجة الباردة وجاي

بشاري كيفك ود امي لعلك طيبة ... لو سمحت جيب لي معاك عصير تبلدي والله يا اللمين
ما تتخيل نفسي في عصير التبلدي لياتو درجة اليوم داك حاولت اعملو هنا في البيت طلع لي
طعمو زي النشة وما عرفت السبب شنو ههههههههههه . يا زول مشكور علي البارد وعارفاك
كريم وابن اخ كريم . وسلمت ولي قدام ..

اخي الفاضل احمدونة ... السلام عليكم ..

ومشكور ومقدر علي الحضور الكريم ... والكلام الدرر . وعسي
ولعل نستفيد من هذه الحكم والكلام البستحق اتباعة . وسلمت اخي العزيز

ودمت .. ولي قدام ..

ريدي لي ذاتك اكييييييييييييييد .

الاخ الغالي ود البوش

نتمنى ان نراك قريبآ فقد تركت فينا فراغآ
ونستعير بعض الاحرف لنقول لك :




غبت والغنــــــــــــــا ريقو يابس
غبت والأيـــــــــــــــام عوابس
غبت زي غيبة النــوارس
...لما تلقى المـــــــــــــــــــوج ملبك
والشتيلة قليبـــــــــــــا عـــــــــــابس
تلقى خاطر النيل مجرح فاقد الزول البأنس
وحشة الليل بحنانو وبحديسو الديما هامس





اختى الحبيبة بت عمسيب

دمتى قمرآ ينير لنا عتمة الليل وكذلك نستعير بعض الحروف لنقول لك:



كم غمام يسألني عنك .. كم مرافئ وكم مشارع
يسأل النيل ضفة ضفة .. وينه جلساتنا الروائع
وين اغانى المغربية لما يلقى الليل مو سامع
يدى احساسنا الهوية بينا طفل الريدة هو شافع
ياحليل يانع غناى تراهو وسط الفرقة ضايع
ومن سواكى يكون ضراه يلفى لحنو من المواجع

الأخت الفاضلة منى عمسيب
جمعة مباركة عليك و على كل أبناء و بنات الشعب السوداني
و معك نردد شوقنا الى أخينا ود البوش و أمنياتنا المستمرة بقراءة ما يخطه قلمه الرشيق
ود البوش هو فاكهة سودانيز أون لاين و هو من ينثر الفرح في هذا المكان بحكاياته و قصصه اللطيفة و المعبرّة
أخو أخوان شيّال تقيلة ولادة ضحى كما تقول أمهاتنا
تعرفت عليه من خلال قراءة بوستاته و بعض المكالمات التليفونية فوجدته خلوقاً محباً للخير و الناس
و مع كل الذين كتبوا في هذا البوست و في مقدمتهم أنتي يا أختي الكريمة نرسل رجاءاتنا لود البوش بالعودة لدياره و أهله
و ختاماً أتمنى لك و لود البوش و كل الأخوة و الأخوات هنا السعادة و تمام العافية و دوام العافية و دوام الشكر على العافية
و دمتي أختاً كريمة و دام ود البوش أخاً كريماً يستحق كل الود و الإحترام.

منوية ام قلب ابيض كما الرضيع

مليووووووووووووووووون مبروك مقدما تستاهلى كل خير
بختك والله ود البوش راجل تمام يملى العين ويكفي

ود البوش

ركّاز في النضم .......حاشاهو قول الني
فيهو سماح طباع مو كاس سماحة الزي
القاصد العوج ......معاهو دخل الخي
ضرّاب للفقرضوّق عدوهو الصي

التلب اللزوم مدخور يشيل العايلة
يقدل بي مهل فوقو الحمول الهايلة
إياك مرق القبائل فوقك يسندوا المايلة
فراج كُرب الهم أب قبايلاً جايلة

فارسنـا الكلـس البلكـرم معـروف
كرمك في الرجال بايـن دوام مألـوف
ما بتخشى الفقرحاشاك تعرف الخـوف
يوم النار تبق تهجم عديـل مكشـوف





عفيت منك دنيا واخر يا ود البوش وابقي عشرة على منوية ام قلب دهب النقية
ربنا يسعدكم ويفرحكم دوم

يا منوية اقدلى وانزلى فى العوازل كي

Quote: لو سمحت جيب لي معاك عصير تبلدي والله يا اللمين

عصير القنقليز دا الا احولك على صاحبي مجيدووووو ههههههه
تسلمي وربنا يسعدك ويديك الفي مرادك ياخ ..
..
..






كسرة
____

Quote: ود البوش ركّاز في النضم .......حاشاهو قول الني فيهو سماح طباع مو كاس سماحة الزي القاصد العوج ......معاهو دخل الخي ضرّاب للفقرضوّق عدوهو الصي التلب اللزوم مدخور يشيل العايلة يقدل بي مهل فوقو الحمول الهايلة إياك مرق القبائل فوقك يسندوا المايلة فراج كُرب الهم أب قبايلاً جايلة فارسنـا الكلـس البلكـرم معـروف كرمك في الرجال بايـن دوام مألـوف ما بتخشى الفقرحاشاك تعرف الخـوف يوم النار تبق تهجم عديـل مكشـوف

وضاحة هييييييييييييع كع كرع
على (الليمان) دي عايزه ليها سوط عنج مقطرن وركزه صاح

Quote: وضاحة هييييييييييييع كع كرع على (الليمان) دي عايزه ليها سوط عنج مقطرن وركزه صاح

انت فاكر اى زول بركز للسوط
السوط والبطان للرجال بث وبداوا بيه قلة الادب
ود البوش ود رجال واخوا بنات حاشهوا الوم وقلة الادب

ود البوش اخوى

دفَّاع نوق وواسع راي ووشو بشوش
وحلال المصاعب فوق ضيوفو بهوش
بعفي الدين وبكرم لو تــجيهو ديوش
ماســـوالو خير كايس وراهو قــروش

ركاز في الصفوف حشاه اكون تحتاني
في ساعة النزال حشاه اكون وراني
وفي ساعة الحكم حشاه اكون اناني
ود دارجعل دائما افوز في ثواني

مو خمله ومنفزر حاشاهو رساي
مو أب ربطآ مواكي أحل ومو قساي
عند الواجبات شفناو كتير حساي
ديل رادنو ياخ بنوت بنضمن ساي


ود البشارى
هاك اخدلك عرضة فى فرحنا بي اختنا منى ود البوش اولاد الرجال
البكيلوا العين ويفضلوا


هااااااااااااااك شبال كية فى الشينين والمجانين والعوازل ههههههههههه

وضاحة
ابشري
http://www.youtube.com/watch?v=2aVMgrcYoVs

تحياتي لود البوش واتمني عودته قريبا الي المنبر

عاليا كما المواطن عبد الله ود البوش



تحياتى بت ابوى عمسيب

احبتي المتداخلين ... شابات وشباب زي الورد ..
تحياتي وحبي .. وتقديري واحترامي المضاعف لكم .
ومشكوريييييين علي المداخلات والدعم الروحي وتسلم
ارواحكم الجميلة النقية ..

ودمتم لي ... والرجاء عدم الانقطاع ,,

ولي قدام ..

وين انت ؟؟؟؟؟

معذرة اخي وليد .. والعفو والعافية ..

تحياتي لود البوش واتمني عودته قريبا الي المنبر

يا منى
ليه الغلط ؟
اول مداخلة لي هنا قابلتيها باساءة
وطرد من البوست ... و وضحت ليك انك غير معنية و تجاهلت اساءتك لانني اعتبرتها رد فعل في لحظة سوء فهم..
حتى مداخلة الاخ ادريس علم الهدى كنت ممكن ارد ليه و لكن عشان ما اخش معاك في مناكفة لا بتودي
لا بتجيب امتنعت عن الرد .
و تاني شفت ليك مداخلة فيها اساءة و تجاوزتها .
يا بت الناس كان ممكن تهمليني زي ما انتي كتبتي هنا

Quote: ولكن عندما تاتيك اسأة او بهتان من احد فيجب عليك ان تتعامل معه بمن الذي اتي به فاذا وجدته انسان جدير بالتصديق والاحترام بيجب عليك تصديقة واذا وجدته غير ذالك فلا تقف ولا تحزن لانه لا يستحق كل ذلك .. كما تعلم فاقد الشئ لا يعطيه الذين ينادون بالفضيلة والتصالح هم ابعد الناس عنها اخلاقيآ ,, وتصرفآ وادراك بها . فيا اخي المثل السوداني الجميل بقول ( الداير تكملو هملو ) فنحن يجب علينا التهميل من أجل التكميل

و اذا لم يتوفر الود فخلي بيناتننا الاحترام

الف تحية لك يا منى ولودالبوش
يسعد ايامكم

معذرة اخي وليد .. والعفو والعافية ..

ابو علوه والله مشتاقوووون كييفك وكيف الاسرة الجميلة .. تحياتي وشوقي المتراكم لكم .

Quote: تحياتي لود البوش واتمني عودته قريبا الي المنبر

ودمت .. ولي قدام .

الرجل الرزين \ ود العبيد .. يأخ مليوووووووووون سلام يا شعبنا .

والله والله والله شيتآ جابك انت بالتحديد يا ود العبيد للمداخلة معناتو فعلآ شيتآ ماهو ساهل
ههههههههههه تسلم يا رجل .. ولي قدام يا رفيق .

Quote: الف تحية لك يا منى ولودالبوش يسعد ايامكم

اهداء لجميع الاحبة .. المرور والتداخل المضيف بالحب والتقدير ..

في ديارهم حجبو القمر ... فنان الحوش طارق ابو عبيدة وفي رواية اخري ( خدر ) ههههههههه



كل شئ ان صفا او كدر
في ايادي القضاء والقدر
اما امري ان صدا وغدر
ده البعرفوا الوفاء ما ندر

كل شئ ان صفا او كدر
في ايادي القضاء والقدر
اما امري ان صدا وغدر
ده البعرفوا الوفاء ما ندر

Quote: يا اخ وليد داش بعد السلام ..انا كتبت هذا مجرد نصيحة عشان نتبعها في الايام المقبلة كل البهمني هذا المثل .. وما دايرة اخوض معاك في عراك محسوب علي انا قبالك تابعت مداخلاتك لقيتها لا تستحق المتابعة لانها تفتقد للعدالة والحكمة وكلام العقل بل دعوة للتحريض ودفاع عن رجل انا من اول المكويات من نارو ومطاردتو بالاقتباسات والتجريح والاهنات المباشرة وفوضت امري فيهو لي فاطر السموات والارض لاني ما قدرت ادخل معاهو في مهاترات تقلل من شأني و تفقدني من ما احب من زملائي .واخيرأ اكتشفت انك ما كنت في محل الحدث يعني مصدق كلام غير حقيقة وانا متاكده بتكون عارف الحقيقة لكن بس المجاملة والتحامل هو البخلينا دائمآ فاقدين للمصداقية والهيبة معآ ..و الاخ ادريس هو شهود العيان اليجب علينا سماعهو لانه شهد الله علي ذلك . وان شاء الله كلامي وقع ليك ... مع خالص احترامي اخي وليد ولي قدام .

يا منى عمشيب
ما تلفقي و تالفي من راسك ... حكمة شنو و عدالة شنو ؟ و مداخلات شنو القريتيها لي ؟
انتي في اول مداخلة ليك معاي قلتي ما بتعرفيني ... اسي الجد شنو ؟
بعدين مشكلتك مع الرجل البتابعك على حسب كلامك ( و دة برضو كضب لانو الصادق الخالدي
جاب ليك مداخلاتك معاه و اتضح انك اول من ابتدا بالتداخل و الملاحقة و الاساءة و زغتي من البوست لمن غلبك الرد)
تحلي مشكلتك معاه بعيد عني لانه قادر على الرد. ..
و عن تاكدك من معرفتي بالحقيقة
فدة كلام يدلل بسوء نيتك و مقصدك بفتح هذا البوست لانك سابقا قلتي
البوست دة ما ليه أي دخل بالمشكلة و من غير ما تقصدي كشفتي عن حقيقة البوست .
و اخيرا يا بت عمشيب
احتفظي بنصائحك لك وحدك .. و ابتعدي عن افتعال المشاكل كما انتي في هذه المداخلة

يا ود الحرميين الشرفيين \ وليد دواش ..

تحية خوة وتقدير واحترام ..

Quote: فدة كلام يدلل بسوء نيتك و مقصدك

عشان اعكس ليك الكلام ده اهو جيت وبمنتهي قناعتي عشان اعتذر ليك وانا اسفة
جدآ من الصدر مني .. وفعلآ الخطأ لا يصحح بالخطآ ..وانا اكرر اسفي اذا صدرت
مني كلمة غير لائقة تجاهك .. وبتمني منك قبول اعتذاري .. يا وليد انا الليامات دي
عندي استرس عشان امتحاناتي قربت ودايراك تقبل اعتذاري لو سمحت عشان اقدر اركز في
الامتحانات .. لاني حقيقة حاسه بتأنيب ضمير تجاهك بالرغم مني انا ما بديت معاك الخطأ
لكن مفروض اتعامل معاك بالتي هي احسن . عمومآ هذا اعتذاري ورجائي المسامحة .. ومن
عبرك ابلغ اعتذاري للأخ ابو حسين بالرغم من اعتذرت ليهو في بوست سابق وظنيتو ما قبل
الاعتذار المهم بلغو اعتذاري .. وانا اهو حا احذف عشانك كل الكتبتو بخصوصك .. ومرحب
بيك كل الترحاب في كل بوستاتي .. وربنا اهدي سرنا واجعلنا من ناشري الدعوة للتسامح والمحبة والاخاء .
تسلم اخي ود الحرميين الشريفيين الوليد .. ولي قدام .

احبتي الحضور الكريم ... والقراء العظماء ..

تحياتي .. وتقديري وحبي لكم لمشاركتكم لي في هذا البوست ..

واتمني ان تدوم بيننا المحبة والاخاء والاحترام ..

واعتذر لعدم تواجدي دومآ معكم لظروف الامتحانات طارقة الابواب .

ولكم مني كل ما تستحقون ايها الاصدقاء الرائعيين .. ودمتم لي ..

وفي امان الله .. وحتي نلتقي ..

ولي قدام ..

مخلصتكم بت عمسيب .

تحياتي منى
رغم تكرار زيارتي للموقع للاطلاع والتركيز على بعض الاقلام الجيدة وانت منهم استغرب من عدم رويتئ لهذا التتويج الرائع منك لود البوش فالرجل يستحق ذلك فله التحية والتقدير .
انت دائما تمطريننا بالدرر وتتالقين من بوست لبوست وكلها حنين ومحبة واصالة .
لك التقدير والاحترام
كونى بخير