Post: #1
Title: نكته جديدة لنج
Author: عباس الدسيس
Date: 04-08-2014, 09:23 AM
مسطول اتخرج من الجماعه ليهو عشرة سنوات عاطل عن العمل لا لقي شغل مع ناس التمكين لا عندو قروش اسافر بره !!!
يوم السجارة قوية بتحسر علي نفسو وبكلمها....
العشره سنين القعدتها في السودان لو حفرت لي حفره في بيتنا وكل يوم بواصل في الحفر حسي كان طلعته بره السودان
|
Post: #2
Title: Re: نكته جديدة لنج
Author: يوسف محمود
Date: 04-08-2014, 09:37 AM
Parent: #1
شايقى غتيت غتييييييييييييييييييييييييييييت غتيت
اها
دخا كافتيريا لقى الفيها كووولهم مجكسين
ولد وبت
ولد وبت
الا هو قاعد براهو
طلع التلفون وعمل فيها بتكلم مع صاحبو
وبى صوت عالى
قال:اى شايف اختك قاعدة مع ولد في الكافتيريا بتاعت يوم داك
ثوانى وبس الكافتيريا
مافضل فيها ولابت
كلهن اتخارجن
ازيك يادسيس
|
Post: #3
Title: Re: نكته جديدة لنج
Author: عباس الدسيس
Date: 04-09-2014, 08:51 AM
Parent: #2
Quote: ازيك يادسيس
يوسف محمود سلام يا حبيبنا
امام مسجد شاف ليهو شلة مساطيل وقت الصلاة قاعدين في الشارع قال ليهم البصلي معانا بديهو 200 دولار
الجماعه قامو جري علي المسجد بعد الصلاة انتهت مشو للامام قالو ليهو خلاس صلينا ادينا الدولارت
قال ليهم اجركم علي الله !!!!
واحد منهم قال ليهو عامل دقنك المنتشة دي عندي احساس انك ما بتدينا عشان كده قلت ليهم ما تتوضو
|
Post: #4
Title: Re: نكته جديدة لنج
Author: ياسر منصور عثمان
Date: 04-09-2014, 10:44 AM
Parent: #2
ههههههههههههههههههههههههه
قوووووووية ...
عافي منو السنجك..
|
Post: #5
Title: Re: نكته جديدة لنج
Author: cantona_1
Date: 04-09-2014, 02:09 PM
Parent: #2
يا يوسف محمود ما فيهن واحدة ما عندها أخو؟
تحياتي
كبـّاشي الصـّـافي
.
|
Post: #6
Title: Re: نكته جديدة لنج
Author: عباس الدسيس
Date: 04-10-2014, 06:15 AM
Parent: #5
مسطول فاتورة المويه جاتو5 ملبون ... بالقديم
اتصل علي ناس المويه:
الو.. شنو يا جماعه الحكاية ...البشير بقي قراراتو كتامية متين بالله قال ليكم احسبو موية المطر مع الفاتورة !!!
|
Post: #7
Title: Re: نكته جديدة لنج
Author: ابوحراز
Date: 04-10-2014, 06:37 AM
Parent: #6
النكتة الأولى مافهمتها
الثانية بتاعت الشايقي الغتيت مبالغة
والنكتة بتاعت الدقن المنكش تكتلك من الضحك
وبتاعت موية { المترة } على قول الخواجة والله تزيل كل الاكتئاب
شكرا عباس والمتداخلين
الجاز أخبارها شنو
سلم عليهم بالله
|
Post: #8
Title: Re: نكته جديدة لنج
Author: عباس الدسيس
Date: 04-10-2014, 06:49 AM
Parent: #7
Quote: النكتة الأولى مافهمتها
الثانية بتاعت الشايقي الغتيت مبالغة
والنكتة بتاعت الدقن المنكش تكتلك من الضحك
وبتاعت موية { المترة } على قول الخواجة والله تزيل كل الاكتئاب
شكرا عباس والمتداخلين
الجاز أخبارها شنو
سلم عليهم بالله |
حبينا ابو حراز سلام وتحية
الاولي الراجل بقصد لو بفحر في الواطه الفترة بتاعت عطالتو كان قداها وطلع من السودان
تحياتك وصلت الجاز ... صدقني ما فهمت الجاز هههههههههه
تحيات وتقديري
|
Post: #9
Title: Re: نكته جديدة لنج
Author: garjah
Date: 04-10-2014, 06:51 AM
Parent: #7
عباس يا لذيذ
قال ليك واحدة شييينة شناة الكوكو
وبتكره راجلها كراهية شديدة
يوم واقفة قدام المرايا بتعاين لشناتها
قامت مدت بوزها وعاينت لراجلها وقالت
تسسسسسسسستااااهل
|
Post: #11
Title: Re: نكته جديدة لنج
Author: عباس الدسيس
Date: 04-10-2014, 07:16 AM
Parent: #9
Quote: عباس يا لذيذ
قال ليك واحدة شييينة شناة الكوكو
وبتكره راجلها كراهية شديدة
يوم واقفة قدام المرايا بتعاين لشناتها
قامت مدت بوزها وعاينت لراجلها وقالت
تسسسسسسسستااااهل |
ابقرجه يا وجيه اخبارك يا حبيبنا
نكات الزوجات بتجيب الهواء طيب هاك
زوجة لتختبر حب زوجها قالت لي صاحبتها عايزاك تتصلي علي زوجي وتغازليهو...
اتصلت صديقتها علي الزوج
الو: أنا معجبه بيك وعايزه اقابلك ؟؟
رد عليها الزوج : اختشي يا بت الناس انا رجل متزوج من إمرأة لا أري في الدنيا أحسن منها ولو الدنيا دورت بي مليون مره ما بختار غيرها.
ندمت صديقة الزوجه علي المكالمة
وندمت الزوجة لاخبار صديقتها لمكالمة زوجها
وكانت لحظات مأساويه للجميع
واقسمت الزوجه بان لا تتجرأ مرة اخري بفعل فعلتها هذه
وبعد مرور دقائق من لحظات الندم
اتصل الزوج علي صديقتها وقال لها:
اسف كان أخو زوجتي معاي قلتي نتقابل وين
|
Post: #12
Title: Re: نكته جديدة لنج
Author: مجاهد محمد الهادي
Date: 04-10-2014, 08:25 AM
Parent: #11
نكتة الموسم :قالو مدير شركة فاكيها في روحو ومخوف ليك الشركة كلها .. يوم مرتو جات الشركة هرشتو ليك قدام الموظفين لامن ما عرف حاجة .. واتحرج حرج شديد .. وبعد مرتو مشت نادى الموظفين وقال ليهم : البخاف من مرتو يقيف بي جاي .. كلهم وقفوا بي جاي زي ما قال الا واحد بس وقف براه .. قال ليهو : انت ما بتخاف من مرتك ! .. قال ليهو : لا .. قام قال للموظفين خلاص البخافوا من نسوانهم ديل أي زول منكم وهو طالع يشيل ليهو بطيخة من البطيخ البره الشركة .. وانت الما بتخاف من مرتك في عربتين بره الشركة ماركة أتوس شيل ليك واحده فيهم .. صاحبنا فرح فرح شديد ومشى لقى عربتين .. واحده حمراء وواحدة بيضاء قام ساق البيضاء ومشى البيت وراها لي مرتو وحكى ليها الحكاية .. مرتو فرحت شديد ولكن قالت ليهو الحمراء اجمل امشى بدلها .. صاحبنا قام جاري جري شديد راجع الشركة عشان يلحق المدير .. قابل المدير وقال ليهو داير اغير العربية البيضاء للحمراء .. المدير قال ليهو : انت مشيت البيت !! قال ليهو ايوه .قام المدير قال ليهو : وقف العربية جنب اختها وشيل ليك بطيخة..
طلع هو زاتو بخاف من مرتو وغش المدير ههههههههههههههه
المصدر : الظرفاء ...
|
Post: #10
Title: Re: نكته جديدة لنج
Author: محمد مجيدو
Date: 04-10-2014, 07:06 AM
Parent: #1
شحاد جاء لمسطول قال ليهو اديني كرامه لله ...
المسطول قال ليهو بتاكل باميه بايته ؟؟؟
الشحاد قال ليهو .. ااااي بالحيل ..
المسطول قال ليهو : خلاص تعال بكره .. هسي بسو فيها ....
|
Post: #13
Title: Re: نكته جديدة لنج
Author: احمد عمر محمد
Date: 04-10-2014, 08:36 AM
Parent: #10
مجيدو تكتك تحفة
مسطول طماااااع عديل ومعاها استفزاز
وللضمان كده الواحد ربنا ما يحوج على مسطول
|
|
|