Post: #1
Title: عدت الى المنبر لأبكي معكم ..محجوب شريف
Author: Tumadir
Date: 04-05-2014, 03:48 PM
شرفت الدنيا... محجوب
شكرا انك جيت عابر
ياعالم شامل ومحبوب
شكرا على حسن الأسلوب
شعرك كان شيق
كل ما اتطرقت اليو مرغوب
شكرا على تلك المهلة
والصبر الفايت أيوب
شكرا على انك بتعافر
وبتدافر .
عارفنك
ولدا فالح
مواطن صالح
شعرك صادح
زوجا نادر
ابنا بارا
وأبا حبوب
عارفنك
فكرا باذخ
طولا شامخ
وطنك راسم فيكا ملامح
سالي سيوف اشعارك نار ..
في وش الظلم المشبوب
عارفنك في جواك دايما غنية
فيها معاني دروس متكاملة
يا للناس ..
ياللبلد الجارت وشالت حق الناس
يا للناس العاشقة وآملة
يا لي طفلة وحيدة وهاملة
يا للحلم الناسينو الناس
غنية ..
فيها أمل في الناس
يازول الناس ياحق الناس ..
عارفنك ما بتتاجر بالناس ...
فارد أزهار شعرك توب...
ونحن البنحبك يانا
اللابسين التوب
بس عندي سؤال
البسمة دي كيف عرفت صمدت
في وش الظالم والخناس؟؟
يا محجوب :
شكرا لعبورك في الدنيا ..نفس الزمن النحن بنعبر
ياغنية ..طويلة بطول النيل...
يا بسمة بتحتقر الظالم ..بسمة بتصمد
عارفنك
مواطن صالح فكرك ...ياذخ ..طولك شامخ ..زوجا نادر أبنا بارا..وأبا محبوب ...
(انا لله وانا اليه راجعون)
|
Post: #2
Title: Re: عدت الى المنبر لأبكي معكم ..محجوب شريف
Author: Tumadir
Date: 04-05-2014, 04:07 PM
Parent: #1
طفت في كثير من منابر السودانيين
وقرأت كثير من القصائد والملاحم التي كتبت وقدمت لحبيب الناس الراحل محجوب شريف
وراعني أن محجوب شريف كان فقيدا من نوع خاص
اجتمعت أغلب الاقلام والاصوات على وصفه و امتازت كلمات الكتاب والمعزين بأنهم اشتركوا جميعا في تصنيفه بالنزاهة والصدق...
وأي صفة كهذه لا يتمنى أن يمكوت عليها أي انسان شريف...
كتبت قبل يومين في الفيس بوك وأنا أردد مقطعا معروفا بين السودانيين ، عبد اللطبف راجل لطيف)
كتبت: محجوب شريف راجل لطيف ..كمعات فراقو أبت تقيف...
وحقيقة
احس في حلقي بهذا الطعم الذي يشبه الرماد
كلما تذكرته شخصيا ..صديقا..وزوج صديقة ..وابن وصهر أسرة صديقة وجارة ..جمعتنا محبة الفن والشعر والمسرح والثقافة لأن نكون و:اننا أقارب ..
أكلنا وشربنا سويا.. وضحكنا سويا
قبل سنوات طويلة جاءني محجوب شريف ليسألني أن أعمل معه على تحضير حلقة عن المعلمين ..والمعلمات في يوم يحتفل فيه بالمعلمين
واجتمعنا ومعنا الفنان محمد وردي وشقيقتي عفاف شيخ الدين ...ومعلمات في طريقهن الي المعاش ..وجلسنا وخططنا للحلقة وجمعنا حكايات حلوة من أفواه المعلمات ..وكان هو يضحك بعمق ..ويفتش عن المزيد الى أن تم واكتمل نصاب موضوعات الحلقة
في النهاية ام أكن ممن ظهروا في الحلقة في التلفزيون ..فقد أخرجتها مريم محمد الطيب..ولكن هذه الحكاية دائما تذكرني بلهفته الطفولية تجاه القضايا الكبيرة ..فهو دائما يبحث عن (الانسان) البض الرخو الذي يكمن داخل الشخوص.
|
Post: #3
Title: Re: عدت الى المنبر لأبكي معكم ..محجوب شريف
Author: Tumadir
Date: 04-05-2014, 04:20 PM
Parent: #2
في هذا المنبر وقبل سنوات :
http://www.sudaneseonline.com/msg/board/369/msg/1190361417/rn/21.html
وكتبت له هذا،
هذا دعائى ..يوصل الى شرق القلب..جنوب الصحو ..شمال الحب..وغرب استراليا.....مع خالص التوسل بالشفاء
عافية وشفاعاجل
تمشى الوطن قادل
يا قلبك الاخضر ويا بالك الماهل
يارشة المطرة فى رملة الساحل
ما من تلا نظمك
وفضل وراه جاهل
ما من تبع خطوك
دربا ولا ساهل
يا عشقك الصوفى ..
مشرور .. ومتماهل
ماخد على خاطرك؟
جابر خواطرنا..
رافع جباهنا ضحى
ومعلى سيرتنا ..
قادلين كما الطاووس
شعرك هتاف وغنا
فى دربنا..محسوس
داير تكبرنا..دايرنا نبقى شموس
شاهد على عصرك
متجاوزا عصرك
وتغنى فى "قصرك"
قصر المحبة الخام
والعشق والالهام
علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك
تماضر شيخ الدين
_____قرأ القصيدة الاستاذ أنس العاقب وقد كنا على انقطاع طويل من الأخبار نظرا لغربتي ..
فكتب لي بعد بحث طويل يطلب من أن يغني هذه الكلمات ...فأعطيته الاذن وانتظرت
وقريبا قابلته في (الفيس بوك) وسألته وقلت مالذي حدث..قال لحنتها بالعود وبصوتي ومازالت عندي...
فتحنا بوست جديد في الفيس بوك...وقلت انني انتظره هنا لنزلها ..وتمنيت أن يسمعها محجوب شريف
وهو متكيء بين بناته وزوجته يشرب فنجان قهوه بي حب الهال ...
مات في نفس ذلك الصبح الذي ترقبت فيه الأغنية ...
العزاء موصول للأصدقاء اولاد وبنات الجزولي لأاميرة عزاء خاص لمريم ومي
بنات الشعب السوداني ...
ولكل من أحبه
وافتقده ..وكتب فيه شعرا أو عزاءا سلام
|
Post: #4
Title: Re: عدت الى المنبر لأبكي معكم ..محجوب شريف
Author: يحي قباني
Date: 04-05-2014, 04:23 PM
Parent: #3
اشتقنا لي جمال حرفك يا بت الشيخ ...
كيفنك يا تماضر و مشتاقين ...
البركه فيك و في كل السودان يا فنانه ...
|
Post: #5
Title: Re: عدت الى المنبر لأبكي معكم ..محجوب شريف
Author: Tumadir
Date: 04-05-2014, 04:24 PM
Parent: #3
وهذا ما كتبته يوم رحيله ...الدمعة مازالت ساخنة على جفني:
لا خنت لا سراق..!! مأ اندر معدنك يا من رحلت عنا اليوم!!
مأأغلى نسيجك الصنعت منه!
ما أبلغ الكلام الوضعته في شفاهنا ومضيت!
ما أكثر المعاني التي تبعت من جميل خلقك وسماحة شيمك فخلعتها علينا وزرعتها فينا حتى صارت ملك يميننا تعتد بها ونفاخر بيها الأجيال!!
ما أحلى الغناء الشدونا به وهو من تدفق عبقريتك الجزلة وفرحك الحزين!!
ما أعمق المعاني التي وصفتنا بها وهو منك وفيك شيء أصيل!!
وكيف نبكيك ونحن لم نخلق لبلاغتك !
كيف نصفك وقد تجاوزت كل العصور في وصفنا ووصف الحلم االنوينا تحقيقه معا!
العصفورة ما زالت تقف عند فوهة البندقية ..وعند حافة الحلم الذي بنيته لها،
الزنازين أطربتها تغاريدك وما زالت تتعشم في ارتجاف من في القصر، اوذاك الذي حلمنا به معك (يوماتي) ..لم يعد يقوى على الانتظار
...الحلم يا محجوب شريف لم يمت ..وهو الذي زرعته لنا حقلا من أغاني ...وقصائد ,محبة...وتفاؤل ...
ومريم ومي وأميرة الجزولي ، أنت لم تمت يا محجوب شريف ..لان الحلم لا يموت ...
وانت الذي بنيت الحلم و كنت شاهقا تماما كما الحلم ...(حنبنيهو) !!!
|
Post: #6
Title: Re: عدت الى المنبر لأبكي معكم ..محجوب شريف
Author: Tumadir
Date: 04-05-2014, 04:28 PM
Parent: #5
يحي قباني
تشتاق ليك العافية
قلت اذهب بعيدا منكم عندما كثر اللغط وزاد الكلام عن حدود اللياقة
ولكن الى اين ؟؟
نحن معشر السابلة من طين وترابالحزن يجمعنا حتى ان فرقتنا الخطوب
خطوي أظنه يمضي دائما هو في اتجاه خطاكم
لمن سيد الوداعة ياخد وداعتو....
|
Post: #7
Title: Re: عدت الى المنبر لأبكي معكم ..محجوب شريف
Author: يحي قباني
Date: 04-05-2014, 04:43 PM
Parent: #6
Quote: يحي قباني
تشتاق ليك العافية
قلت اذهب بعيدا منكم عندما كثر اللغط وزاد الكلام عن حدود اللياقة
ولكن الى اين ؟؟
نحن معشر السابلة من طين وترابالحزن يجمعنا حتى ان فرقتنا الخطوب
خطوي أظنه يمضي دائما هو في اتجاه خطاكم
لمن سيد الوداعة ياخد وداعتو.... |
تسلمي يا زينة بنات بلدي ...
انت كالنخله ... طولك فارع يا تماضر ...
لا تعبأي ... و انظري الي علاك يا شفيفه ...
ارجوك ان تزيني ايامنا القادمه ...
فالعمر كما ترين يقصر يوما بعد يوم ...
و حينما يرحل عنا المبدعين ... ياخذون معهم اعمارنا ...
اشوفك دائما كما احب ...
|
Post: #8
Title: Re: عدت الى المنبر لأبكي معكم ..محجوب شريف
Author: Mohamed El Sheik
Date: 04-05-2014, 05:09 PM
Parent: #1
( محجوب شريف ) ..
أعذرنا .. يا شريف ..
فمن اين نستقي حروف رثائك !!
أعذرنا .. فهذا ( حزن ) غريب في نوعه ..
( يتشعبط ) في ( حوائط ) القلب والروح .. ولا فكاك ..
هذه فجيعة .. كنا نترقبها .. وكنا نخافها .. ونخشاها .. ونحاول أن نهرب منها .. ولكن !!!
كنا نتوهم .. لو أننا ( تزاوغنا ) قليلاً .. من سماع أخبار مرضك .. لكأن ذلك كان سيمنع عنك
( قدر الرحيل ) .. وها نحن ( طلعنا .. واهمين ) وخائفين .. وخائبين ..
كنت ( أعمل نفسي ما سامع ) .. حين يحكي لي ( أسامة فرحان ) عن زيارتهم لك .. قبل 10 أيام .. كنت أتحاشى .. سماع أخبار عنك .. ولكن هل ( تحاشاك القدر ) !!!
هذا نوع من الحزن .. غريب ..
يا الله .. يا الله .. يا الله ..
يا ( صداح .. الغناء ) ..
|
Post: #9
Title: Re: عدت الى المنبر لأبكي معكم ..محجوب شريف
Author: Tumadir
Date: 04-05-2014, 08:57 PM
Parent: #8
محمد الشيخ ما بعرف ليه الاحظتن عندنا أعمق
وليه الموت بخطف أجملنا
وليه حكاوي الناس البتموت دايما حلوة
لمن مات محمود عبد العزيز كنت قايلة تاني مافي شي بحزن بعد فقدو
ولمن مات حميد
ولمن مات وردي
ولمن مات بهنس
ولمن مات نقد
والعقد الماسي الباقي ...
وكل موت كان احزن من التاني
أنا ما دايرة أكون متشاءمة وأقول الدنيا بعدهم مسخت وما بتنفع
حوا والدة ..وكل زول بموت لي حكمة ...وبتجي ناس تانية لحكمة تانية
بس ديل نحن ناسنا ..البننتمي ليهم ..لمن يموتوا في شي فينا بمشي المقابر وتاني ما برجع
بنموت ببطء
الله يحسن الأعمال ..( ده مش كلام الناس البقوا منتظرين الموت ؟؟) (: الله يرحمهم ويغفر ليهم ..ويرحمنا معاهم
|
Post: #10
Title: Re: عدت الى المنبر لأبكي معكم ..محجوب شريف
Author: omar altom
Date: 04-05-2014, 09:39 PM
Parent: #1
بخت القبور
.
.
.
.
بيهو.........................
|
Post: #11
Title: Re: عدت الى المنبر لأبكي معكم ..محجوب شريف
Author: اخلاص عبدالرحمن المشرف
Date: 04-05-2014, 09:46 PM
Parent: #10
اللهم ارحم محجوب اهدانا اجمل الاشعار وارجع لنا تماضر شيخ الدين
|
Post: #12
Title: Re: عدت الى المنبر لأبكي معكم ..محجوب شريف
Author: خالد العبيد
Date: 04-05-2014, 10:30 PM
Parent: #11
سلام يا تماضر
كويس انك جيتي .. نخفف الحزن الطاغي لو نقدر
كتبت امس لي اسماء الجنيد
سلام يا اسماء
محجوب فقد عظيم .. البركة فيكم
مصيبتي انا عظيمة
اشتغلت معاهو في فرع واحد وكنت بلاقيهو اسبوعيا
كان لا يتحدث كثيرا في الاجتماعات الا في ما ندر
وان تحدث ابكى
جاء ذات مرة الى الاجتماع متاخر وسالوه عن سبب التاخير
قال بشفافية عالية :
انه بعد ان كان على قريب من بيت الاجتماع
نادوه بعض النسوة جالسات في شجرة يبيعن الكسرة والشاي
واستحلفوه بان يقول لهن قصيدة يا والدة يا مريم
قال جلست في بنبر وقلت القصيدة .. وكانن يبكن وانا القي القصيدة .. وبكيت ..
وطيبت خاطرهن وشربت كباية شاهي ودفعت حق الشاي بعد جهد كبير مني لانهن رفضن ان ادفع
وانا اصريت ما امشي الا ادفع .. ده الاخرني يا زملا
والله العظيم يا اسماء كل الاجتماع بكى خاصة الزميلات .. واحدى الزميلات قطعت الاجتماع ولم تستطع المواصلة
يا حليلو .. يا ربي كيف قيل؟
وكيف حال مريم ومي واميرة؟
|
Post: #14
Title: Re: عدت الى المنبر لأبكي معكم ..محجوب شريف
Author: Tumadir
Date: 04-05-2014, 11:21 PM
Parent: #11
اخلاص عبد المشرف
ياريت لو رجعتي كانت بدون ما هو يمشي
لكن شكرا طبعا لمحجوب شريف
وأهلا بيك وكلامك الطيب.
|
Post: #13
Title: Re: عدت الى المنبر لأبكي معكم ..محجوب شريف
Author: Tumadir
Date: 04-05-2014, 11:19 PM
Parent: #10
Omar altom
ود أمي أزيك ...
لمن قريت سطرك قلت بدون أشعر (حولتن) !!!
تعبير ضخم ...
شكرا للملاقاه
|
Post: #15
Title: Re: عدت الى المنبر لأبكي معكم ..محجوب شريف
Author: Tumadir
Date: 04-05-2014, 11:23 PM
Parent: #13
Quote: نادوه بعض النسوة جالسات في شجرة يبيعن الكسرة والشاي
واستحلفوه بان يقول لهن قصيدة يا والدة يا مريم
قال جلست في بنبر وقلت القصيدة .. وكانن يبكن وانا القي القصيدة .. وبكيت ..
وطيبت خاطرهن وشربت كباية شاهي ودفعت حق الشاي بعد جهد كبير مني لانهن رفضن ان ادفع
وانا اصريت ما امشي الا ادفع .. ده الاخرني يا زملا |
آي يا خالد العبيد ..ده ياهو محجوب شريف ...
البركة فينا وفيكم ...وفي الجميع!
|
Post: #16
Title: Re: عدت الى المنبر لأبكي معكم ..محجوب شريف
Author: عادل خياري
Date: 04-06-2014, 04:33 AM
Parent: #15
تماضر ازيك
البركة فيكم وفي قبيلة الفنانين وفي كل جموع الشعب السوداني
محجوب كان شفتي اليوم في فيرجينيا تاكد لي جليا ان محجوب ابن السودانين واخوهم وابوهم
كانت كل الوان الطيف السياسي تبكيه وتتحدث عن مآثره الكثيرة
كانت هذه اليلة فعلا ليلة الوفاء لاهل العطاء ليتك كنت فيها لتعزي من يقابلك
فالكل كان يعزي الكل
رغم وجود منعم الجزولي صاحب الوجع الخرافي الا ان كل انسان كان يعزي الاخر دون معرفة
ليتك كنت معنا نخفف الحزن ونسمع كلماتك من على المنصة
|
Post: #17
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 04:56 AM
Parent: #16
شكرا يا عادل خياري لأنك فقدتني بين أهلي ناس واشنطن الكبرى
وفعلا كان يكون (احسن عزاء) لمن الواجد يلاقي الناس ويقالدهم ويبكي معاهم
البركة في عبد المنعم الجزولي وفيك وفي السودانيين المعاكم وهم زي ما قلت من كل دروب الحياة بكوا على محجوب بنفس القلب ونفس الحزن ..
محجوب شريف ما خلى شي غير حب الناس ليهو ..وشعرو
|
Post: #19
Title: Re: عدت الى المنبر لأبكي معكم ..محجوب شريف
Author: محمد فضل الله المكى
Date: 04-06-2014, 05:54 AM
Parent: #17
Quote: and#212;يا حليلو .. يا ربي كيف قيل؟
وكيف حال مريم ومي واميرة؟[/QUO
الموت حق
الله يرحمك يا محجوب شريف
وما تقيبي عننا كتير يا بت الأستاذ
|
Post: #18
Title: Re: عدت الى المنبر لأبكي معكم ..محجوب شريف
Author: معتصم سليمان
Date: 04-06-2014, 05:53 AM
Parent: #1
الاستاذة تماضر
تحية طيبة لك
فقد كبير وفقد بمعنى الفقد وفقد بحجم الفقيد
التعازي لكل الناس بلا حدود فالرجل كان
وطن وكان رجل ...أسأل الله أن يتولاه
بواسع رحمته وكريم غفرانه
عند اللفة بس :
-------------
أسمحي لي أن أرحب بعودتك
|
Post: #20
Title: Re: عدت الى المنبر لأبكي معكم ..محجوب شريف
Author: Mohamed El Sheik
Date: 04-06-2014, 06:08 AM
Parent: #1
سلام يا أستاذة / تماضر ..
سنوات طويلة ( كسحت ) .. من آخر مرة إتشاوفنا .. و أظنها كانت في ( بيت ناس سمية شريف وأسامة فرحان ) - Edsall Rd, Alexandria - إن لم أكن مخطئاً .. فقد صارت الذاكرة ( أخرب من سوبا شخصياً ) ..
طيلة الأسبوعين الماضيين .. كان ( أسامة فرحان ) يحدثني عن زيارتهم شبه اليومية ( لمحجوب شريف ) .. وكنت أتابع ( شريف ) صحياً مع ( أسامة ) بالرسائل .. كأننا كنا نخاف ( حديث التفاصيل ) .. لكأن ( المزاوغة ) كانت تجدي ..
في يوم رحيله .. وصلت الرسالة التالية من ( أسامة فرحان ) .. ( سوف أترجمها من الإنجليزية ) :
( كنت معه قبل يومين .. تركناه وعلى وجهه نفس الإبتسامة الصافية .. يا الله يا جلا .. يا الله .. لاتستطع أن تتخيل كم هو ( مريح هذا الإنسان ) .. يتقبلك ببساطة .. ويتقبلك حقيقة دون أي زيف .. لما تلتقيه تحس أنك تنتمي إليه .. في التو واللحظة .. كان شريف .. إنسان .. إنسان .. إنسان .. )
وحتى اليوم لم أتحدث مع أسامة فرحان .. بعد رحيل ( شريف ) ..
مرحباً بك مرة أخرى ..
ورحم الله ( محجوب شريف ) .. بقدر ما كان ( إنساناً ) ..
|
Post: #21
Title: Re: عدت الى المنبر لأبكي معكم ..محجوب شريف
Author: محمدين محمد اسحق
Date: 04-06-2014, 06:17 AM
Parent: #20
الاخت العزيز تماضر لك التحية و التقدير
المغفرة و الرحمة لشاعر الشعب و كل الناس محجوب شريف
و احسن الله عزاءكم و لا نقول الا ما يرضي الله
.....................
مرحب بيك في دارك اختنا تماضر
|
Post: #22
Title: Re: عدت الى المنبر لأبكي معكم ..محجوب شريف
Author: محمد جلال عبدالله
Date: 04-06-2014, 07:15 AM
Parent: #21
الأخت تماضر ,,
السلام عليكم ومرحبا بعودتك
| Quote: والصبر الفايت أيوب |
الحتة دي تحتاج مراجعة
|
Post: #23
Title: Re: عدت الى المنبر لأبكي معكم ..محجوب شريف
Author: فرح الطاهر ابو روضة
Date: 04-06-2014, 08:17 AM
Parent: #22
تماضر البركة فيكم وفي الشعب السوداني
مثل هذه البوست وهذا الحضور الانيق حتى في لحظة من لحظات الحزن
يدفعنا للامام
والي ما يمنحنا احساس باليقين بانو محجوب شريف حي رحل ولم يموت
احترامي وتقديري
|
Post: #24
Title: Re: عدت الى المنبر لأبكي معكم ..محجوب شريف
Author: Yasir Elsharif
Date: 04-06-2014, 08:23 AM
Parent: #23
أختنا تماضر
أحسن الله العزاء
كنت بالفعل قد تساءلت في دواخلي عن غيابك وتوقعت أن تحضري للمشاركة في هذا الفقد الكبير.
ياسر
|
Post: #25
Title: Re: عدت الى المنبر لأبكي معكم ..محجوب شريف
Author: alsngaq
Date: 04-06-2014, 09:43 AM
Parent: #24
تماضر ليك وحشة وربنا يرحمه هذا الرجل فقد كبير للشعب السوداني
السنجك
|
Post: #39
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 12:22 PM
Parent: #25
Quote: تماضر ليك وحشة وربنا يرحمه هذا الرجل فقد كبير للشعب السوداني
السنجك |
الرجل فقد كبير كما قلت تماما..
والوحشة برضو حصلت لي في غيابي عنكم ..فكنت أذكراصدقائي..شكرا لتفضلكم بالعبور يا السنجك ...والولد ماشاء الله وجيه ربنا يحفظ.
|
Post: #37
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 12:18 PM
Parent: #24
Quote: أختنا تماضر
أحسن الله العزاء
كنت بالفعل قد تساءلت في دواخلي عن غيابك وتوقعت أن تحضري للمشاركة في هذا الفقد الكبير.
ياسر |
ياسر الشرسف: وأهلا بك وانت تذكرني في الشدايد وهذه لعمري صداقة صدوقة...شكرا لك عليها ...وتجدني احفط لك جميل الود وكثير الاحترام
|
Post: #34
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 11:57 AM
Parent: #23
Quote: تماضر البركة فيكم وفي الشعب السوداني
مثل هذه البوست وهذا الحضور الانيق حتى في لحظة من لحظات الحزن
يدفعنا للامام
والي ما يمنحنا احساس باليقين بانو محجوب شريف حي رحل ولم يموت
احترامي وتقديري |
فرح الطاهر ابو روضة
والله فيك الخير انت..لكلامك الطيب.... والعشم الذي توسمته فينا ..والبركة فيكم وفينا...
|
Post: #33
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 11:53 AM
Parent: #22
محمد جلال عبد الله
Quote: الأخت تماضر ,,
السلام عليكم ومرحبا بعودتك
Quote: والصبر الفايت أيوب
الحتة دي تحتاج مراجعة |
المعنى متداول ..ولا غبار عليه..
شكرا على العبور
|
Post: #32
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 11:49 AM
Parent: #21
Quote: الاخت العزيز تماضر لك التحية و التقدير
المغفرة و الرحمة لشاعر الشعب و كل الناس محجوب شريف
و احسن الله عزاءكم و لا نقول الا ما يرضي الله
.....................
مرحب بيك في دارك اختنا تماضر |
محمدين محمد اسحق..له الرحمة والمغفرة ولك التحايا العطرة ..وطولة العمر.
|
Post: #31
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 11:44 AM
Parent: #20
Quote: سلام يا أستاذة / تماضر ..
سنوات طويلة ( كسحت ) .. من آخر مرة إتشاوفنا .. و أظنها كانت في ( بيت ناس سمية شريف وأسامة فرحان ) - Edsall Rd, Alexandria - إن لم أكن مخطئاً .. فقد صارت الذاكرة ( أخرب من سوبا شخصياً ) ..
طيلة الأسبوعين الماضيين .. كان ( أسامة فرحان ) يحدثني عن زيارتهم شبه اليومية ( لمحجوب شريف ) .. وكنت أتابع ( شريف ) صحياً مع ( أسامة ) بالرسائل .. كأننا كنا نخاف ( حديث التفاصيل ) .. لكأن ( المزاوغة ) كانت تجدي ..
في يوم رحيله .. وصلت الرسالة التالية من ( أسامة فرحان ) .. ( سوف أترجمها من الإنجليزية ) :
( كنت معه قبل يومين .. تركناه وعلى وجهه نفس الإبتسامة الصافية .. يا الله يا جلا .. يا الله .. لاتستطع أن تتخيل كم هو ( مريح هذا الإنسان ) .. يتقبلك ببساطة .. ويتقبلك حقيقة دون أي زيف .. لما تلتقيه تحس أنك تنتمي إليه .. في التو واللحظة .. كان شريف .. إنسان .. إنسان .. إنسان .. )
وحتى اليوم لم أتحدث مع أسامة فرحان .. بعد رحيل ( شريف ) ..
مرحباً بك مرة أخرى ..
ورحم الله ( محجوب شريف ) .. بقدر ما كان ( إنساناً ) .. |
كلهم أصدقائي..كل من ذكرت سالفا... وليرحمنا الله جميعا.. شكرا على اشراكنا في الحكاية ...
|
Post: #47
Title: Re: عدت الى المنبر لأبكي معكم ..محجوب شريف
Author: Nasr
Date: 04-06-2014, 04:21 PM
Parent: #31
وينك يا تماضر
شعر جميل في زول جميل
قام مات
عدي فات زي غيمة ضللتنا عمرنا كله
البركة فيكم
وفي الشعب السوداني
|
Post: #50
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 07:31 PM
Parent: #47
Nasr
والله أيام يا صديقنا الزمان ..(!) ما سمعنا منك قريب
مادايرة اقول ليك فرصة طيبة لأانه الدنيا حزن..
والبركة فينا وفيكم وفي الشعب السوجاني المكلوم
|
Post: #26
Title: Re: عدت الى المنبر لأبكي معكم ..محجوب شريف
Author: المكاشفي الخضر الطاهر
Date: 04-06-2014, 10:05 AM
Parent: #1
اللهم يارب العالمين اغفر وارحم الشريف محجوب شريف الذي كان شريف الاسم والحال والمقال
وهب كل عقله وفكره لهذا الشعب الجريح
نثر كل ما في كنانته للدفاع عن هذا الشعب
سافر لطلب السلامة والرفاهية لهذا الشعب
جلس وتحاور وانثر واشعر لهذا الشعب
لم ير الشعب منه الا طيب الكلام
تاق لقصائده وشعره الغلابة الكادحين البؤساء من ابناء هذا الشعب
اللهم ارحمه رحمة واسعة ووسع مدخله ونور ضريحه يارب العالمين
نزل بك وانت خير منزول به به اللهم اجعل البركة في زريته يارب
|
Post: #40
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 12:33 PM
Parent: #26
Quote: اللهم يارب العالمين اغفر وارحم الشريف محجوب شريف الذي كان شريف الاسم والحال والمقال
وهب كل عقله وفكره لهذا الشعب الجريح
نثر كل ما في كنانته للدفاع عن هذا الشعب
سافر لطلب السلامة والرفاهية لهذا الشعب
جلس وتحاور وانثر واشعر لهذا الشعب
لم ير الشعب منه الا طيب الكلام
تاق لقصائده وشعره الغلابة الكادحين البؤساء من ابناء هذا الشعب
اللهم ارحمه رحمة واسعة ووسع مدخله ونور ضريحه يارب العالمين
نزل بك وانت خير منزول به به اللهم اجعل البركة في زريته يارب |
المكاشفي الخضر الطاهر..يابن حارتنا سلاما سلاما ...واللهم آمين على الدعاء الصادق..
|
Post: #27
Title: Re: عدت الى المنبر لأبكي معكم ..محجوب شريف
Author: المكاشفي الخضر الطاهر
Date: 04-06-2014, 10:06 AM
Parent: #1
اللهم يارب العالمين اغفر وارحم الشريف محجوب شريف الذي كان شريف الاسم والحال والمقال
وهب كل عقله وفكره لهذا الشعب الجريح
نثر كل ما في كنانته للدفاع عن هذا الشعب
سافر لطلب السلامة والرفاهية لهذا الشعب
جلس وتحاور وانثر واشعر لهذا الشعب
لم ير الشعب منه الا طيب الكلام
تاق لقصائده وشعره الغلابة الكادحين البؤساء من ابناء هذا الشعب
اللهم ارحمه رحمة واسعة ووسع مدخله ونور ضريحه يارب العالمين
نزل بك وانت خير منزول به به اللهم اجعل البركة في زريته يارب
|
Post: #28
Title: Re: عدت الى المنبر لأبكي معكم ..محجوب شريف
Author: رأفت ميلاد
Date: 04-06-2014, 10:47 AM
Parent: #27
Quote: يا محجوب :
شكرا لعبورك في الدنيا ..نفس الزمن النحن بنعبر |
شكراَ يا تماضر وشكراً يا محجوب شريف .. وشكراً للصدفة الجمعتنا فى نفس الرحلة
|
Post: #29
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 11:15 AM
Parent: #28
محمد فضل الله مكي:
البركة فينا وفيكم ..
شكرا على المداخلة ..بس ما عرفت الاقتباس ده اتعمل كيف...
(دي حاجات اتعلمتوها بي وراي ولا شنو؟؟ ) (ابتسم)
|
Post: #30
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 11:28 AM
Parent: #29
Quote: الاستاذة تماضر
تحية طيبة لك
فقد كبير وفقد بمعنى الفقد وفقد بحجم الفقيد
التعازي لكل الناس بلا حدود فالرجل كان
وطن وكان رجل ...أسأل الله أن يتولاه
بواسع رحمته وكريم غفرانه
عند اللفة بس :
-------------
أسمحي لي أن أرحب بعودتك |
اللهم آمين .معتصم سليمان...
وشكرا على ترحيبك ..ياريتني اقدر على الصمود... (ابتسم)
|
Post: #35
Title: Re: عدت الى المنبر لأبكي معكم ..محجوب شريف
Author: أمير السماني يس
Date: 04-06-2014, 12:17 PM
Parent: #30
رحم الله شاعر الشعب وابو الشعب..
وان يحشره رب العزة والجلال مع الاخيار والاطهار ....
وأن يصبر كل الشعب السوداني على فراقه ..
وستظل كلماته تردد في افواه كل اجيال هذا الشعب الطيب..
تعازينا لك اختي المبدعة تماضر .. ولكل اهل السودان.. في كل مكان
والف حمدا على سلامة العودة... فقد تشرفت قريباً بعضوية هذا المنبر
|
Post: #36
Title: Re: عدت الى المنبر لأبكي معكم ..محجوب شريف
Author: أمير السماني يس
Date: 04-06-2014, 12:17 PM
Parent: #30
رحم الله شاعر الشعب وابو الشعب..
وان يحشره رب العزة والجلال مع الاخيار والاطهار ....
وأن يصبر كل الشعب السوداني على فراقه ..
وستظل كلماته تردد في افواه كل اجيال هذا الشعب الطيب..
تعازينا لك اختي المبدعة تماضر .. ولكل اهل السودان.. في كل مكان
والف حمدا على سلامة العودة... فقد تشرفت قريباً بعضوية هذا المنبر
|
Post: #42
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 01:05 PM
Parent: #36
Quote: حم الله شاعر الشعب وابو الشعب..
وان يحشره رب العزة والجلال مع الاخيار والاطهار ....
وأن يصبر كل الشعب السوداني على فراقه ..
وستظل كلماته تردد في افواه كل اجيال هذا الشعب الطيب..
تعازينا لك اختي المبدعة تماضر .. ولكل اهل السودان.. في كل مكان
والف حمدا على سلامة العودة... فقد تشرفت قريباً بعضوية هذا المنبر |
أمير السماني يس: مرحبا بك عضوا جديدا في المنبر ..ان حق لي أن أرحب بأهل البيت
ورحم الله فقيدنا وليستجب الله بصادق دعائك له..!!!أمين
|
Post: #38
Title: Re: عدت الى المنبر لأبكي معكم ..محجوب شريف
Author: ابوحراز
Date: 04-06-2014, 12:18 PM
Parent: #30
نحن ما دفنا محجوب شريف
نحن شلنا كل ثروتنا القومية ودفناها في المقابر
نحن ما حملنا لينا نعش اسمو نعش محجوب
نحن حملنا كل تاريخ الإنسانية وواريناه الثرى
دفنا هذا
التاريخ الجميل والشريف والناصع
وحتما سيزيد ارضنا خصوبة
وستنتج هذه الأرض ملائيين السنابل
عشاان كل البسطاء الذين تغنى من أجلهم شريف يعيشوا سعداء
كان يمنح الابتسامة لكل من يريدها
ويأخذ كل الأحزان
محجوب شريف رجل مختلف
وشاعر مختلف
وانسان مختلف
كنت وانا صغير اتمنى في كل بيت تكون في عربية
وكهرباء وظلت وموية
وحديقة صغيرة
لكن بعد كبرت الآن بتمنى يكون في كل بيت محجوب شريف
|
Post: #43
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 01:09 PM
Parent: #38
Quote: نحن ما دفنا محجوب شريف
نحن شلنا كل ثروتنا القومية ودفناها في المقابر
نحن ما حملنا لينا نعش اسمو نعش محجوب
نحن حملنا كل تاريخ الإنسانية وواريناه الثرى
دفنا هذا
التاريخ الجميل والشريف والناصع
وحتما سيزيد ارضنا خصوبة
وستنتج هذه الأرض ملائيين السنابل
عشاان كل البسطاء الذين تغنى من أجلهم شريف يعيشوا سعداء
كان يمنح الابتسامة لكل من يريدها
ويأخذ كل الأحزان
محجوب شريف رجل مختلف
وشاعر مختلف
وانسان مختلف
كنت وانا صغير اتمنى في كل بيت تكون في عربية
وكهرباء وظلت وموية
وحديقة صغيرة
لكن بعد كبرت الآن بتمنى يكون في كل بيت محجوب شريف |
دائما يا ابوحراز اتوسم الخير في ما تكتب..ولم تخذلني هذه المرة ولكن:
دعنا نبكي على فقيدنا بيد وبالأخرى نمسك في حبل الأمل والصبر..فدروسه كلها عبر لنا..ولم ندفن الا جسده الفاني..ولكن حلمه والأمل مايزال باق هنا..تتفق؟؟
ياهلا بي شوفتك يا أبو حراز
|
Post: #41
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 01:01 PM
Parent: #28
| Quote: شكراَ يا تماضر وشكراً يا محجوب شريف .. وشكراً للصدفة الجمعتنا فى نفس الرحلة |
أهلا يا رأفت ميلاد
وفعلا يجب أن نشكر الصدفة التي أوجدتنا معا في نفس الرحلة في طريق العبور الى عالم الغيب.
|
Post: #44
Title: Re: عدت الى المنبر لأبكي معكم ..محجوب شريف
Author: احمد حمودى
Date: 04-06-2014, 02:13 PM
Parent: #41
الاخت تماضر شيخ الدين البرررركة فيكم فى شاعر وحبيب الشعب وحمدلله على السلامة
|
Post: #45
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 02:15 PM
Parent: #44
أحمد حمودي:
أهلا بيك والبركة في الجميع ...
(بالخط العريض) ...
|
Post: #46
Title: Re: عدت الى المنبر لأبكي معكم ..محجوب شريف
Author: اسماء الجنيد
Date: 04-06-2014, 04:20 PM
Parent: #45
تماضر حي ووووب على المحجوب
حليلو بالكتير ما شوية
صافية النية
الشريف النضيف
احي يا بت امي والفقد واحد وحار نار
الله يرحمه ويوسده الباردة ويصبر رفيقة دربو وبناتو
بناتو واولادو من الشعب البريدو بلا كروة ولا جودية
ريدة بلا حزبية ولا طائفية
ريدة ومحنة موكرة جوة
جات داخلة بلا إستئذان بي النفاجات الحنان
الله يرحم محجوب الشريف ويوسده الباردة
ويجعل البركة في بنياته ورفيقة عمره ، ويصبرهن ويجبر كسرهن
والبركة في الشعب الفضل
والبركة فيكم يا تماضر ، واشكري الزمن الجمعك بيه
الله يصبرك ويصبرن كل ميجوع عليه ..
انا متلك يا تماضر ، لمانا حوش بكري زمن المحنة درت
وبعدت غصبا عني منو بعد النقة كترت
لكن كل الناس في البال والخاطر
وجابني وجع محجوب المحبوب ، وطريت اللمة الحنينة
كان افراح ولا اتراح ,, وياريت الناس تراجع مواقفها
بتمنى إنهم يتذكروا الفراق ابلساسق وسط البيوت وبشيل الأخيار
يا ريت يبقى عظة للخلوق ويخليها تهدأ وتروق
وخربانة ام بنايا قش
|
Post: #51
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 07:44 PM
Parent: #46
اسماء الجنيد
طوالي أنا وانتي بقينا نتلاقى في بيت بكا
محزمات وراميات المقنع من راسنا ..وحفيانات
وننوح في نص البيت ...نسويي الحي والووب..نسكل ونتقالد ..ونبكي على السمحين الزينين الفاتوا وخلوا الدار خلا
وكلو في الغلاف الجوي المكهرب ده ..السموه الانترنيت...
ياحليلهم يا سومة الحنينة
وتكرم دموعك الغالية الدايما سايلة على حبيب
شفتك بتنوحي على سيرة والدك العطرة فبل يومين وبكيت معاك وقلدتك ..الراحم الله يا سومة
ان شا الله آخر الأحزان لينا ولي وطننا المبيوع بالمجان ..شفتك وشفت الوقفة الصامده الواقفاها مع روح المرحوم
والخيط القوي الفاتحاه بلا خوف وبلا تردد
عفارم عليك أصيلة وشاعرة ومناضلة وقوبة وأخت أخوان وامرأة سودانية ..موحده وخاتة الرحمن في قلبها
ما عدمناك يا سومة
وما خيب الله آمالنا بعد تعبنا والناس الضحوا وماتوا وفاتوا وهم خاتيننا في بالهم وفي قلبهم
|
Post: #48
Title: Re: عدت الى المنبر لأبكي معكم ..محجوب شريف
Author: Bushra Elfadil
Date: 04-06-2014, 04:27 PM
Parent: #45
أعزيك يا تماضر وكل المشاركين هنا معك. محجوب مشارك أصيل في المعلومات الحياتية الخلاقة
بخلايا ادمغتنا.مثله لا يموت وماترك من ثروة إبداعية وقيم ومثل تكفي شعبنا لأجيال وأجيال. كوني قريباً من المنابر بصوتك وبحروفك رجاءً
|
Post: #52
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 08:03 PM
Parent: #48
بشرى الفاضل
كفى شرفا لي أن تكون صديقى...
برغم عدم التواصل ..
محجوب شريف بنباهته ظل متمسكا بالشخصية السودانيه التي حلقت ايام أن كان البلد قويا ومتماسكا...
ظل مبشرا بخلقها وقيمها من نزاهة وبساطة وعيش على الفطرة السمحة الواضحة الحنينة الجميلة بعيده من العنصرية او النظرة الدونية زاهده عن ماهو مادي حقير ،
كان يعرف أن قيمة الانسان هي التي تبني الوطن ،
الوطن يكون مجرد مكان ان لم يحافظ على القيم الجميلة التي تربط بين افراده،
ولعلها هي نفس القيم التي سعت (الانقاز) لتكسيرها اربا اربا وانبات سلوك بديل يمجد النهب والبيع والفتل والسحل ، سلوك جديد وغريب ،
وانهار من بعدها البلد كما انهارت تلك المدينة الامريكية التي غرقت في الوحل ..
نحن لا نبكي شخصه الراحل فقط ولكنا ايضا نهجه الجميل ..وانسانيته العالية.
شكرا سا يشرى الفاضل
|
Post: #53
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 08:03 PM
Parent: #48
بشرى الفاضل
كفى شرفا لي أن تكون صديقى...
برغم عدم التواصل ..
محجوب شريف بنباهته ظل متمسكا بالشخصية السودانيه التي حلقت ايام أن كان البلد قويا ومتماسكا...
ظل مبشرا بخلقها وقيمها من نزاهة وبساطة وعيش على الفطرة السمحة الواضحة الحنينة الجميلة بعيده من العنصرية او النظرة الدونية زاهده عن ماهو مادي حقير ،
كان يعرف أن قيمة الانسان هي التي تبني الوطن ،
الوطن يكون مجرد مكان ان لم يحافظ على القيم الجميلة التي تربط بين افراده،
ولعلها هي نفس القيم التي سعت (الانقاز) لتكسيرها اربا اربا وانبات سلوك بديل يمجد النهب والبيع والفتل والسحل ، سلوك جديد وغريب ،
وانهار من بعدها البلد كما انهارت تلك المدينة الامريكية التي غرقت في الوحل ..
نحن لا نبكي شخصه الراحل فقط ولكنا ايضا نهجه الجميل ..وانسانيته العالية.
شكرا سا يشرى الفاضل
|
Post: #49
Title: Re: عدت الى المنبر لأبكي معكم ..محجوب شريف
Author: bashir kurdufan
Date: 04-06-2014, 04:56 PM
Parent: #45
عزيزتي تماضر
انها الأحزان يا تماضر تطمرنا كثلوج هذا العام ..
نعم يا تماضر نحمد الله على أن عبرنا في نفس زمان محجوب, وبنفس المعبر "السودان", فبقي فيه هو حتى عبر بالسلامة وبالشرف,
وغادرناه نحن, فحق علينا قوله "ضاقت ولما استحكمت حلقاتها ضاقت ولكن للأسف كم من ولد فاتا"
هي اللوعة يا تماضر .. والذاكرة .. وحالة الانحشار في ظرف أضيق زمانا ومكانا ونفسا, ولا عزاء في العزاء, ولكنه التعلل,
التعلل, والحلم, والأمل في سودان أجمل كان يحلم به الشريف محجوب
سودان واضح المعالم والتقاطيع تزخر قصائده ببيانه
الحدادي .. المدادي .. من بور وبورسودان وبارا والجنينة الى جميع أنحائه .. أديان .. أعراق .. ثقافات .. وكلو عندو راي
نتساوى في الحلم بالمأوى والقراية والدوا والكهربا والموية ... الى آخر المشروع
لم يكن محجوب الوحيد في ساحة هذا الحلم والأمل, لكنه ظل - مع قلة من أبناء السودان - أصدقنا وأكثرنا عملية
والهاما للمواقف بالمواقف قبل القصيد, فكان في حالتي الشعر المنطوق والمفعول يتنفس نور وابداع وانسان
وكان عاديا تماما, واحدا من أبناء السودان "زيك زيك", فهو:
اتوطا معاهم نفس الجمرة,
نقر واياهم طار الثورة
على الظلمات
وعاش احلامم
عاش آلامم زيك زيك
بالأفعال وبالكلمات
ماهو المتعالي
الساكن العالي
ولاهو خيالي
ويوم ما نام متعشي وهاني
وشعبو يصارع جايع بات
وحمد الله على سلامتك فالعود أحمد
سعدنا بك رغم الأحزان, فالفرح والحزن متباريات
ولك التحيات
بشير اسماعيل
|
Post: #54
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 08:14 PM
Parent: #49
يا بشير يا كردفاني
يا صديقي من زماني (هههه)
وين بشاير ووين باقي الشباب ..الجميل الحسن السلوك
وين انتو وليه بقيت ما بسمع اخباركم ولا بعرف انتو وين؟؟
انا القصرت ولا انتو؟
ولا ثلوج هدا العام؟؟
على كل حال حزنك جميل وكتابتك مؤسسة ومبدعة ..ولمستني في وتر خاص جدا، رسما بيانيا لتعرجات الحزن ومشيئة البكاء التي صارت تلعب بنا ..وتشل من حركتنا..
شكرا يا بشير كردفاني على حضورك الى هنا ويا ليتنا نعاود الاتصال ببعضنا البعض ...فأنا حقيقة افتقدكم كثيرا ...يا أعزائي!!
|
Post: #55
Title: Re: عدت الى المنبر لأبكي معكم ..محجوب شريف
Author: فقيرى جاويش طه
Date: 04-06-2014, 09:44 PM
Parent: #54
الكنداكة تماضر احسن الله عزاءك فى فقيد الوطن شاعر الشعب
الغائب الحاضر محجوب شريف .نرجو تواصلك وتدفق ابداعاتك .
كونى بخير .
|
Post: #56
Title: Re: عدت الى المنبر لأبكي معكم ..محجوب شريف
Author: Tumadir
Date: 04-06-2014, 10:47 PM
Parent: #55
فقيري جاويش طه
انا الكنداكة
وانت ملك من ملوك النوبة العطماء
اهلا وسهلا
نرفع معنويات بعض بينما المأساة تعبر من تحت الجسر
|
Post: #57
Title: Re: عدت الى المنبر لأبكي معكم ..محجوب شريف
Author: انوار عبد الوهاب
Date: 04-07-2014, 01:51 AM
Parent: #41
انجبه السودان ودعته الملايين حول العالم من الوطنيين والشرفاء . غص حلق الجميع الم ووجع ومرارة اخو الاخوات . نعم افتقدناك في يوم ملحمي بوجود الجميع ماعدا بطل الملحمة الابي رفرف معنا معني وروح تسامرنا ونشدنا حزننا وتمترسنا بالحزن الجماعي وكان هو طفل بيننا يغني ياوطن . ابن ال 66 عام غادر سريعا وهي مشيئة الرحمن .لك احر التعازي ونراك بيننا في واشنطون قريبا نشيد له قصر دايما من العرفان .
|
Post: #58
Title: Re: عدت الى المنبر لأبكي معكم ..محجوب شريف
Author: كمال عباس
Date: 04-07-2014, 03:18 AM
Parent: #57
تحياتي أخت تماضر ...
محجوب شريف ...الشرف الباذخ
* توقف اليوم قلب عامر بالحب والوطنية والإنسانية , مات محجوب جسدا وبقي روحا ومشروعا وحلما, وبمثل ماحمل الجماهير في قلبه فقد حملته الجماهير في قلوبها و علي كتوفها في موكب مهيب يحكي الوفاء ويعرف معني العطاء- تمازجت أطياف النساء والشباب والشيوخ والرجال في ملحمة التشييع الهادرة, فكان التشييع -هتافا وشعرا وغناء ونبيلا وشعارا ثوريا - يرفض الموت والسكون ويصرخ بالتصاعد والإستمرار , فمحجوب كان شعلة حركة ومشروع ثورة لايعرف الموت ولايعترف به!
** محجوب شريف قامة وطنية سامقة , قامة وإستقامة ونبل وطهارة وحلم واعد بالسلام والعدل والمدرسة والمستشفي ورغيف الخبز!, إختار درب الفقراء والجوعي والمسحوقين- عاش مبادئه ومثله - تجسيدا في حياته, لم يعيش أبدا لم يعيش أبدا الفصام بين الفكرة والممارسة والقول والفعل !, أحب الشعب السوداني وعشق وطنه ! كرس عمره في تمتين النسيج الإجتماعي لوطنه ولملمة إطرافه المثخنة بالجراح - كره العنصرية وسبح في رحاب الإنسانية النبيلة! آمن وبصدق وصلابة بالشعب -وإنحاز لهمومه وآلامه وأماله وتطلعاته المشروعة في الحرية والسلام والعدالة والثورة! وقف شامخا في زمن بيع المبادئ والتصالح مع القبح والتطبيع مع الجلاد- لم يرهبه سجن ولم يغريه رنين المال ولاذهب السلطان أو سيفه ! حاربه إعلام النظام الكاره لمن يقول لا لا للظلم والعاشق لكل من يمسح الجوخ ويطبل للسفاح ! حاربه إعلام السلطة فأنفتحت له قلوب البسطاء وصدور الجياع ليكتب علي مسامها أجمل الاغنيات و يسطر علي خلاياها - معاني الحب والثورة ووهج التحدي والوعد والأمل! * عاش ملهما ومعطاءا ومبدعا وخلاقا ألهم الأجيال الجديدة معاني الصمود والمواجهة , مات جسدا وبقي روحا ملتهبة وقصائد خالدة في سفر الحياة - سيظل رمزا ونبراسا يضئ دروب النضال بشرف الكلمة وإتساق الموقف وروح الإنسان الهادرة بالمحبة والولاء للشعب والوطن والحرية و للثوار والشهداء وللأم والزوجة والإبنة- !!
..........
|
Post: #60
Title: Re: عدت الى المنبر لأبكي معكم ..محجوب شريف
Author: Tumadir
Date: 04-07-2014, 11:15 PM
Parent: #58
كمال عباس العزيز
ما خليت لي شي اقولو تاني
شكرا ليك على وقفتك على نعشه الطاهر
والبركة في الجميع
|
Post: #59
Title: Re: عدت الى المنبر لأبكي معكم ..محجوب شريف
Author: Tumadir
Date: 04-07-2014, 11:12 PM
Parent: #57
سمحة بنات جيلها
انوار
محبتي يا صديقة ..وما يفقدوك بي شينة
البركة في الجميع ..والحمدلله امنكم اتشايلتو الفقد بيناتكم ..وأمانة ما سيرتو وناسة
اتونستو بي سيرتو الزاهية ...
ان شا الله بشوفكم قريب.
شكرا يا أنوار
|
|
|