Post: #1
Title: نبكيك ايوه سوا سوا سرادق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-03-2014, 02:18 PM
نبكيك ايوه سوا سوا محجوب شريف شاعر اوضمير لشعب السوداني
تب ماوقف بين بين لموتو يتقدم
انا مابجيب الشين انا مابجيب الشين انا لو سقوني الدم
نعي الناعي الشعب السوداني ضميره وهو احوج له لتبيان الحقيقة ضمير الفقراء والمعوزين
شاعر الشعب السوداني / الشاعر الاب والمعلم / محجوب شريف
وهذه دعوة من التحالف الديمقراطي لجميع اهل واشنطون وضواحيها لعزاء يقام يوم السبت 5/ابريل/ الساعة 3م - 8:30 م
The Westin Tyson Corner
7801 Leesburg Pike, Falls Church, VA 22043
|
Post: #2
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: Elmosley
Date: 04-03-2014, 02:31 PM
Parent: #1
نعزيكم وانفسنا يا انوار
فهو والد الجميع
|
Post: #3
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-03-2014, 03:49 PM
Parent: #2
|
Post: #4
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-03-2014, 03:51 PM
Parent: #3
|
Post: #5
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-03-2014, 03:54 PM
Parent: #4
واخت رأسى وافارق دنيتى وناسى
واخلى وراي كراسى
وما أسود سطر بالشين
وما تعود اساك العين
وما تشمت عدوي فينى
طريق الشعب اوسع من زحام الطين
وقلب الشعب ارحب من رحاب الضو
ونبض الشعب كلو حلم بداه بيتم
وتطلع من شقوق الارض آلاف المدن قامات
ويطلع حتى من قلب الحجر والصى
شجر متشابك الهامات
وجيل جاى حلو الشهد
صبايا وفتية يمرحوا فى صباح الغد
عيونهم برقهن لماح سؤالهم رد
خفاف ولطاف وثابين أوان الجد
دفاعا عن حياض السلم والافصاح
سلموا لى عليهم جملة
حتى اللسه قبل الخلق والتكوين
صناع الحياة اليوماتى ملح الارض
نبض الشعر والموسيقى والتلوين
هدامين قلاع الخوف
كانت هذه الدراجة يوماً ما كلاشنكوف
مابين منارات السمع والشوف
نقاشين فى جدار الصمت
نساجين خيوط الشمس كهربجيةالظلمات
واجمل ما تكون الدنيا
رسامين حفاريين مجارى العصر
نصرا نصر حروفاً واحلالى تشمهن ترتاح
ح حرية ت تغيير ت تعليم ك كتاب م مسمار
ح حرية ت تغيير ت تعليم ج جراح
سكة حديد تهز وترز
ب بحارة بحراُ عب وثار
وطن مدرار جرت تتلاحق الانهار
كما تتلاحق الاعراف
كما تتمازج الالوان
كما تتصافح الاديان
كما تتمازج الالوان
|
Post: #6
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: فقيرى جاويش طه
Date: 04-03-2014, 05:16 PM
Parent: #5
بابكر احمد بابكر ·
كتلوا شريفنا...
كتلوا شريفنا.
الكان درقتنا ومقبض سيفنا
وفيهو شرابنا
وجبنة كيفنا
خلو الحزن ينشر مسافة
عم المدن وكمان سوح ريفنا
عهدا ..عهدا لى محجوبنا
العزيزة انوار نعزيكم والوطن السودان
فى فقيد الشعب وملهمه الشاعر محجوب شريف الذى وهب حياته كلها لوطنه
وللحرية وكرامة الانسن.انه صوت المحرومين واليتامى والمساكين صوت
المنتجين العمال والمزارعين وعمال الكارو والمكوجية وعمال الصحة والدريسةوالمراسلات وبايعات الشاى فى الاحياء والطرقات وعمال الكماين.
هو محجوب شريف رمز الوطن الذى غاب فلنكرمه باستلهام روحه والاقتداء بسيرته
والتخلق بعطر نهجه.اللهم اغسله بالماء والثلج والبرد ونقه من الذنوب
والخطايا كما ينقى الثوب من الدنس .امين
|
Post: #7
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: ABDALLAH ABDALLAH
Date: 04-03-2014, 06:52 PM
Parent: #6
شاعر المستضعفين والغلابه
الـلـه يرحمـه
والبركـه فى ذريته.
|
Post: #8
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: عمر ادريس محمد
Date: 04-03-2014, 11:53 PM
Parent: #7
|
Post: #9
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: فقيرى جاويش طه
Date: 04-04-2014, 00:33 AM
Parent: #8
تلقى منبر الهامش السودانى بامريكا الشمالية الدعوة من الاعزاء المناضلين فى التحالف الديمقراطى بواشنطن الكبرى للحضور والمشاركة
فى سرادق العزاء ترحما واجلالا وتكريما لشاعر الشعب وملهم الجماهير
العزيز الخالد محجوب شريف .انه واجب وطنى لفقيدكبير ورمز وقامة
سامية للفقيد الراحل المقيم.اللهم انزل على قبره شابيب رحمتك ومغفرتك ورضوانك الاعلى .امين
|
Post: #10
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: فقيرى جاويش طه
Date: 04-04-2014, 00:55 AM
Parent: #9
سلام عليك ياقيثارة الوطن .. سلام يتجدد مدى الزمن.. سلام وأنت تلهم الناس في المحن.. سلام لمن لم يعتريه الضعف والوهن .. سلام لمن يقدم بلا من ولاثمن.. سلام وقد كسانا الحزن والشجن.. سلام لطائر يشدو على فنن.. سلام لعاشق مجّد الشعب والوطن
|
Post: #11
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: ناجي ميرغني
Date: 04-04-2014, 01:47 AM
Parent: #10
روحك كالحمامة بترفرف هناك
كم سيرة وسريرة من حولك ضراك
والناس الزين خليتم وراك
وعيونم حزينة بتبلل ثراك
ابواب المدينة بتسلم عليك
والشارع يتاوق يتنفس هواك
يحليك حليلك يحليل الحكاوى
تتونس كانك يوم داك كنت ناوى
تجمع لم تفرق بين الناس تساوى
نارك ما بتحرق ما بتشد تلاوى
ما بتحب تفرق من جيبك تداوى
الحلم الجماعى
والعدل اجتماعى
والروح السماوى
والحب الكبير
|
Post: #12
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-04-2014, 02:11 AM
Parent: #11
الاعزاء المتداخلين التعازي لكم جميعا في فقد الوطن . وحضوركم رد جميل لجمائل معلمنا / محجوب شريف . الدعوة لجميع اهل واشنطون للمشاركة وتابين من ناضل بالكلمة لتصبح غصة يهابها الجلاد . ناضل بفعل الخير والمساعدة للمعوزين . انجبه شعب السودان وودعته الملايين حول العالم . ولنا ان نتشارك جميعا لنحيي ذكراه وننتشي بحزننا في رحاب كلماتها .
حضوركم في الموعد لنخرج اليوم بعظمة الفقيد .
|
Post: #13
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-04-2014, 02:22 AM
Parent: #12
عشة...كلمينا
ميري...زكرينا
كل سنكي احسن يبقي مسطرينا
نحنا شعب اسطي
يلا جيبو مونا
نبني ..نبني..نبني
مسرحا ...ونادي
مصنعا وبوستة
حرب لالالا
كبري استبالة
صالة للثقافة
تسرح الغزالة
جنبها ...الزرافة
رك قمري طار
قيرة ..قيرة..قيرة
نطط الصغار
صفق الترولي
طمن القطار
حلقت وحلقت حمامة المطار
كل طلقة بينا نحن تبقي وفرة
سمسما وبفرة
سكرا وشاى
جاى..جاى..جاى
مافي حاجة ساى
كل عندو دين والكل عندو راي
بور وبور سودان
بارا والجنينة
عبري ولا واو
حاجة مش كويسة
كل زول براو
هي سودان بكرة من سودانا ناو
تكتب انت تقرأ
تعرف السياسة
في محل حراسة
حجرة الدراسة
تمشي انت تلقي
في الضلمة لمبة
الف ضحكة حلوة ...تسندك بي جنبة
بي تمن طبنجة احسن الكمنجة
احلي شكل منقة...احسن الحليب
ايد...وايد..وايد
تزرع الجديد
غابة النشيد
ايد...وايد...وايد
مافي بينا سيد
ايد.وايد..وايد نلحق البعيد
نحنا مش مرقنا
حتة واحدةجينا
جينا للسرقنا
حقنا وغصبنا
دمنا وعرقنا
ولعووووووووو الرتينة
وكل سنكي احسن يبقي مسطرينا
|
Post: #14
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: عمر ادريس محمد
Date: 04-04-2014, 02:23 AM
Parent: #12
نُم يامحجوب ...
توسد كل شب ر فى بلاااااادك والسماء
نجمة عند المساء
وبذرة فى الارض تنبت كبرياء
|
Post: #16
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: سفيان بشير نابرى
Date: 04-04-2014, 06:01 AM
Parent: #15
Up
|
Post: #17
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: عادل خياري
Date: 04-04-2014, 06:26 AM
Parent: #16
له الرحمة
والله جايين نعزي بعض لانو محجوب حق الكل
|
Post: #18
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-04-2014, 11:24 AM
Parent: #17
نبكيك ايوه سوا سوا .
والتعازي موصولة لمريم ومي واميرة .
|
Post: #19
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: فقيرى جاويش طه
Date: 04-04-2014, 05:55 PM
Parent: #18
ياليتنى كنت مثلك أوسمعت كلامك عزيزى الراحل محجوب فلم اكن لاعيش عذابات ومرارات كل وقتى .ايها العزيز الراحل المقيم محجوب شريف حين ودعتك مسافرا للقاهرة فى اول مارس 92; كان كلامك (احسن لى اتونس مع جيرانى ولااعارض من الخارج )كنت معه فى داره بعض الوقت بعد ابعدت من الاقليم الشرقى خاصة البحر الاحمر وخيرت بين جنوب دارفور وقريتى كدركة شمال دنقلا , بعد اخر اعتقال ببورتسودان عند الصباح وخروجنا حيث كان يعاود شقيقه بالخرطوم يخرج المبلغ الذى فى جيبه ويقسمه بالنصف بينى وبينه .من امتع لحظات حياتى فى حضرته بسجن بورسودان العمومى فعرفت الرجل عن قرب وقرات شخصيته وهى متجلية امامى الان بكل ماتتجسد فيه اروع القيم الانسانية النبيلة متكاملة ومتفردة .إن محجوب شريف نبى من انبياء الوطن سامى رفيع نقى عفيف طاهر كالملائكة .لم يكن انسانا عاديا مثل اى احد فينا فقد صدق وثبت وامن وبقى على فكره ومبادئه حتى لقى ربه مرضيا عنه فى الارض ومن ثم فى الملأ الأعلى ,بعد ان غرد واطرب شعبه الذى احبه وعشقه والتزم له وغنى لنضالاته لعصافيره ولاطفاله ولجماله ولعماله وزراعه وكنداكاته ومعلميه وطلابه .احضر مدير سجن بورسودان طفلا صغيرا هو الابن البكر للمناضل السر خضر باشاب الذى اعتقل عند عودته من شهر العسل من دمشق وكان كل المعتقلين يسلمون على الطفل وهو يتعلق بالجميع ولايعرف من هو والده ,فالف الشاعر المرهف محجوب شريف قصيدة وقتية هذا مطلعها -جيتنا يوما زائر ياما بيك فرحنا مانكسرنا وحاتك لاابوك لانحنا
رغم ظلام المحنة رغم ظلام المحنة
قام بتلحينها الفورى المهندس هشام المجمر والمثقف النابغ العمالى عبدالله موسى مساهم الله بالخير وكان الجميع يتغنى بهذه الاغنية او النشيد فى المعتقل .كان الراحل المقيم دائما مرفوع الراس مقداما وصنديدا فى دروب النضال ضد الانظمة القمعية وكان لايعرف الاحباط وكان متفائلا دوما بان الشعب سوف ينتصر على جلاديه ان الشعب الذى وثقت به قادر لسحق الهوس الدينى وازالة الحكم لاجرامى فى الخرطوم اعداء الوطن والحياة والانسانية وهذا سيكون اهداء ووفاء لروحك الطاهرة المضيئة فى الملأ الأعلا .سلام عليك ياابن السودان البار محجوب شريف إن العين لتدمع والحزن عم كل مكان فعزائ فيك ناقص لأنك قامة كبيرة سامية لااستطيع ان اوفيك حقك ودينك المستحق فالله يجزيك وعنده الجزاء الاوفى لما قدمت لشعبك ووطنك ,فانت خالد فى وجدان الوطن وفى تراب الوطن .احسن الله عزاء الوطن الكبير واسرتك الكريمة ولحزبك وكافة افراد الشعب السودانى .
|
Post: #20
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: عمر ادريس محمد
Date: 04-04-2014, 10:29 PM
Parent: #19
عمر العالم فى مأتم محجوب
و
احزان فى عيون ام درمان
|
Post: #21
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: أسامة العوض
Date: 04-04-2014, 11:52 PM
Parent: #20
ماك الوليد العاق .... لا خنت لا سرّاق
وداعاً شاعر الشعب ... أنتم السابقون ونحن اللاحقون
|
Post: #22
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: bashir kurdufan
Date: 04-05-2014, 00:33 AM
Parent: #21
سلام الأخت العزيزة أنوار
البركة فينا وفيكم وجميع أصحاب الضمير الحي من افراد الشعب السوداني
فليرحم الله محجوب ويدخله جنات النعيم
هنالك مشروع على درجة من الأهمية يتعلق بالتوثيق لحياة محجوب شريف من خلال شهادات يقدمها كل من له علاقة,
عن بقض التفاصيل والمواقف المهمة التي تلقي مزيدا من ضوء ومن مسافة أكثر قربا من العام, حتى العام هنالك مساحة له,
كما أن العارض من المواقف يمكن أن يكون ه حضور دال, فاذا كان مثل هذا الموقف بين محجوب وشخص لا يعرفه أو ليس بينه وبينه علاقة,
فهو يمكن أن يكون ذا دلالة كبيرة, ومبلغ القول أن كل شهادة يقدمها أحد عن الراحل محجوب شريف لها أهميتها بغض النظر عن أي شئ.
فلنوثق له على البوست المفتوح غلى الرابط أدناه:
http://www.sudaneseonline.com/board/460/msg/1396566384.html
هذه الشهادات ليست فقط من أجل التوثيق, لكن ليفيد منها "أولادنا الجايين" لأنها على أنصع وأبلغ ما تكون السير, وأيضا ربما استطعنا من خلال هذه الشهادات أن نصل لوصفة
تمكننا من استنبات مثل هذه الصفات في شخصيات أبنائنا من الأجيال القادمة لأن اليقين أن شخصية محجوب ومن يشبهونه هي نتاج تجاربهم مع مجتمعهم
لك التحيات
بشير اسماعيل
|
Post: #23
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: عمر ادريس محمد
Date: 04-05-2014, 02:04 AM
Parent: #22
وعركى
* محجوب يا اخوى يالغصن الشال إصرار ونشيد
كم عزً علىّ قبل الميعاد روحتّ بعيد
|
Post: #24
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-05-2014, 03:24 AM
Parent: #23
تنبش حي وميت
سكاكينك تسنها بالكراهية
معلم تنتج الكربة
وتدي الفتنة ماهية
تدس في إيدا كبريتة
بخيت وسعيد عليك إنك
مكانك من ذوي القربى
وعندك من كراسي السلطة
مسند للرفاهية
مالك ومال قريبك ساكن التربة؟؟
منو البسرق عشم ميت
أمام الله والحكمة الإلهية؟؟
يمين الله كاتب حر
نسيج وحده
ومن طبعو الفروسية
وأصدق من ملامح طفلة
وسط اللمة منسية
عصافير الكلام ركت
تحت شهقة غنا الفواح
مع الموجة الصباحية
أدى الود
وشال الود
وجمّل للحزن ممشى
لا كذّب ولا غشّ
وما منو الضمير طشّ
وما شنّق
بريق الشهرة من فوق راسو طاقية
أبسط من حرف كسرة
ومن بذرة
ومن نقاع سبيل يوماتي
تشرب منو تحت النيمة قمرية
كذلك لم يكن يوماً
هوين قابلاً للكسر والذلة...
أما العبد لله
إذا ما عارف أعرفني
من غير الله ما خايف
ولا شايف هنالك
من يهد حيل الثبات فيني ويخوفني
فما خجلان ولا نادم
وما متوجس الإحساس من القادم
لا طعّان ولا لعّان
ولا فاحش ولاني بذئ ولا نسناس
وما بجرح مشاعر الناس
وأنبل من حليب السترة
ما عبّت مشارب كاس
أدوسا محاكم التفتيش
بأعلى الصوت علانية
تخربش في مسام الروح
وتتجسس علي النية
بسوء الظن والمكرِ
ضميري لم يكن يوماً
من الأيام ولد مكري
شبر والله في البكري
ولا الفلل الرئاسية
وطن حدادي مدادي
ما بنبنيهو فرادي
ولا بالضجة في الرادي
ولا الخطب الحماسية
وطن حدادي مدادي
قد شفناهو يتقسم
ذبائح وإنت تتبسم
لديك الخضرة تتفحم
وتصبح في الأيادي عصي
وأوتاداً بلا خيمة
وصحراءً بلا غيمة...
سلاماً يا وطن بحلم
أشوفك يا وطن آمن
حر وسعيد ومتفتح
محل ما يمشي إنسانك
عزيز النفس مطامن ومتضامن
والخير الظاهر والكامن
في الأيدي جميعاً قدامن
تعيش إنت ونموت نحن
لكي يا غالي ما يكبر
جنانا تحت شرا المحنة
جرحنا إذا بفرهد فيك
ح نمشي علي البجرحنا
وحزننا لو يضوي سماكا
هو الحزن البفرحنا
ودمنا لما يسقي ثراكا
ينزل من جوانحنا
وإن راحتنا ما ترتاح
نقول إنشاءالله ما ارتحنا
تضيع أيامنا بس ما تضيع
ملامحك من ملامحنا
بنرجع ليك توصينا
ونسمع ليك تحدثنا
ولو علّينا صوتنا عليك
يا والدنا سامحنا
|
Post: #25
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: عمر ادريس محمد
Date: 04-05-2014, 04:13 AM
Parent: #24
شمت محمد نور ، شريف شرحبيل
* وقلبا نبضو واصل ما بين جيل وجيل
|
Post: #26
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: Medhat Osman
Date: 04-05-2014, 06:33 AM
Parent: #24
|
Post: #27
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: دبس
Date: 04-05-2014, 07:19 AM
Parent: #26
اقول دون رهبة
اقول دون زيف
اموت لا أخاف
أين أو متى وكيف
بغتة مستمتعا بانجم السماء
ليل صيف
رصاصة في القلب
أو طعنة من سيف
اموت لا أخاف
أين أو متى وكيف
اموت في الظلام
في الزحام
تحت غفلة
بساحل الطريق
حريق
غريق
اموت في سريري
زوجتي بنتاي
جيرتي عشيرتي
وأصدقائي
قطتي راكوبتي وزيري
معززا مكرما مهندما
بناصع البياض
موكب يحفني
لمرقد اخير
اموت لا أخاف
كيفما يشاء لي مصيري
اموت لا أخاف
قدر ما أخاف
أن يموت لحظة ضميري
........
في الخالدين محجوب شريف
|
Post: #28
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: Tragie Mustafa
Date: 04-05-2014, 07:23 AM
Parent: #27
تعازيه يا انوار
لشخصك و لكل اعضاء التحالف الديمقراطي و كل القوي السودانيه المخلصه للوطن.
فقدنا رجلا عظيم اليوم كشعب….لن تفيه كل كلماتنا حقه.
نحمد الله انه كان بامتا يوما رجلا مثله.
اللهم ارحم عبدك المخلص محجوب شريف.
انا لله و انا اليه راجعون.
|
Post: #29
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-05-2014, 02:59 PM
Parent: #28
التعازي الحارة لك ا لعزيزة تراجي في فقد الوطن الكبير ومحجوب علم الجميع ان ينهضوا ليلثموا الحزن عطر التلاقي جميعا لمساحات ترفرف تسع الجميع لوطن رحب . تسلمي
وانا لله وانا اليه راجعون .
|
Post: #30
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-05-2014, 03:19 PM
Parent: #29
ا الموسيقار / يوسف الموصلي
التعازي لك ولكل الفنانين والموسيقين والتشكيليين الشرفاء فانتم كذلك فقدكم كبير صاحب يراع وكلمة لم يبدل ثوبه او جلده لاحد كان شعبه وضميره الناصع لقضية اهله وهمه اليومي وانتم علي الدرب سائرين خالص التعازي لكم في فقدكم الكبير . والرحمة والمغفرة للمعلم والاب الشاعر / محجوب شريف.
اموت لا أخاف
كيفما يشاء لي مصيري
اموت لا أخاف
قدر ما أخاف
أن يموت لحظة ضميري
|
Post: #31
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-05-2014, 03:23 PM
Parent: #29
نعزيه للجميع فهو ضمير عبر عن جميع الوطنيين والشرفاء من ابناء الشعب السوداني الكريم .
خالص التعازي لك ا / فقيري جاويش في فقدكم وفقد الوطن . وصدقت كلماتك انه يعبر عن هؤلاء الشرفاء
( انه صوت المحرومين واليتامى والمساكين صوت
المنتجين العمال والمزارعين وعمال الكارو والمكوجية وعمال الصحة والدريسةوالمراسلات وبايعات الشاى فى الاحياء والطرقات وعمال الكماين.)
|
Post: #32
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: عادل خياري
Date: 04-06-2014, 06:59 AM
Parent: #31
سلام تانيي انوار
نشكركم على هذه اللفتة البارعه
كانت امسية اخراجها جميل وفوائدها المعرفية بالجوانب المخفية عن الحاضر في الوججدان محجوب جمة
تشرفنا بالحضور لنعزي انفسنا مع الجمع الذي يعرفه عن قرب ويحبه من بعد
ادهشتني وجيدة التي لاتجيد السودانية لغة ولكنها تجيدها احاسيسا ومعنى تمثلت في كلماتها الانجليزية المعبرة
شكرا لكم من تاني
|
Post: #33
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-06-2014, 12:55 PM
Parent: #32
الاخ عادل
التعازي الحارة لك وشكرا لكلماتك وحضورك . وفعلا كانت ليلة ملحمة ليتشرف بها بطلنا رغم عن مغادرته ورحليه رفرف بيننا متساميا . وفعلا الليلة اخرجت نفسها بهذا الشكل البارع الجميل المميز وهويستحقه . وسننقل للجميع صوتا وصورة فعالياتها بعد التحضير.
|
Post: #34
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: ABDALLAH ABDALLAH
Date: 04-06-2014, 06:13 PM
Parent: #33
التحيه لك, أختنا العزيزه أنوار
سُعدنا بمشاركتنا بالحضور لنعزى بعضنا بعضا
كما سرنى ملاقاة جموع السودانيين والسودانيات ممن حضر من كل نواحى
منطقة واشنطن الكبرى وفيلادلفيا للتعبير عن أحزانهم لفقدهم الشاعر محجوب
شريف شاعر الغلابه والمستضعفين .
|
Post: #35
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: mohamed karib
Date: 04-07-2014, 01:17 AM
Parent: #34
محجوب
ما بين مارسك يا فارسنا و بين ابريل
ما كضبت علينا
لا هادنت و لا اتهاونت
بل يا حارس النور جوانا
وقفت تكاتل
لا زيف بتعرفو ولا تزييف
باسل يا ود مريم محمود و شريف
ونبيل
زى اسمك و رسمك
و ماك متخاذل
و الداء عضال و وبيل
في و جه الظَّلَمَة
اعداء الشعب
حجارتك من سجيل
لانك بالمهنة و زى ما اول قلت
مناضل
وماك بتفاضل بين الحق و الباطل
و هامتك عالية و نفسك سامية
و شوفك ساطع و قلبك ناصع
و قولك قاطع و ما بين بين
و ما شفناك بتركب السرجين
برغم صهيل الريح و الروح
و رغم النفس القالع مثل شراع
زفير طالع متعكز بي نبلك
و شايل من روحك احساس
و شهيق نازل و شايل ليك مشاعر الناس
ما بين مارسك يا فارسنا
و بين ابريل
ما بين الزمن المرت ايامو قصايد
تشبه ليلات العيد
و نبتت جوة زنازينو عناقيد الاحلام
ما بين شعرك ووجدانا
امتد وريدا رويان
و عِرقا فد يوم ما بات عطشان
ما بينا وبينك يا اشرف انسان
شريان نابض بالحب
و عابر من جيل لي جيل
و من زمنك لي زمنا جاي وا زمان
…
…….. اما البينك و بين شعبك
فتلك حكاية…
تلك حكاية
مابينك و بين شعبك…
قصة اتنسجت حبا شعرا ايمان
لحنا ورديا موسيقى و الوان
فجرا شمسا ايام
ليلات فى السجن
تغنى الحربة
نهارات طي المستقبل
و اغان تحملها موجات النيل
و كل عصافير الدنبا
مابينك و بين شعبك اكبر من كلماتى يا محجوب
يا ماك محجوب الا من العيب
يا محبوب من سلفك لي نسلك
و من قمة
راسك
لي اخمص قدميك
يا ساطع زي شمس
بلادى و بلادك
با قاطع سيفا في حق البسطاء
و في حقك ما سائل
ياساهل كالانسام
و حسام في وجه السفلة الاقزام
يا ماهل جواك زي بحرا لكن ليس بمالح
يا صالح و طيب و انسان
يا شاعر شعبك و و كاتب اوجاعنا
و شايل همنا في الاحداق
و مبشر بي مدنا طي الاشواق
حاراتا حا تملا الاسواق
يا مؤمن بي شعبك و فارد فوق شكو يقينك
و ضافر شعرك سلم للمستقبل
سككا لعصافير الحرية ...
.و مسارات للامة الحرة
ولي .لناسا الاحرار
:من نخلاتك يا حلفا للغابات ورا تركاكا
و من دارفور الحرة نبيلة لكل قبيلة علي التاكا
و من غيهب حاضرنا الي انوار القرن الواحد وعشرين
....يا تلفونات الدنيا يا شاشات الواتسب و يا صفحات الفيسبووك
رحل الليلة محجوب شريف
حولي بدلي يا كل الميديا
بالله عليك
اكيد الرقم مزيف
و الخبر الجابو سخيف
فالناس المتل محجوب
لا يرحلون
هذا ... محمد الخليل الكارب في حضرتك يا محجوب
|
Post: #36
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-07-2014, 01:34 AM
Parent: #35
مولانا / عبدالله تحيات وتقدير لشخصكم المحترم الكريم . وكلمة معبرة جدا عن الشاعر / / محجوب شريف له الرحمة والمغفرة . استرسلنا معك وانت تردد بعض من شعره الذي يرن بين طيات القلب . شكرا لهذا الحضور الجميل .
شكرا -ا / محمد الكارب لهذه الابيات المعبرة .
|
Post: #37
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: عمر ادريس محمد
Date: 04-07-2014, 03:39 AM
Parent: #36
شكراً يا أنوار شكراً لكم جميعاً . كان يومكم عظيم بعظمته , فقد الزمتونا الجابرة التى يعشقها محجوب حد الوله ومنها صنع من البسيط والعادى واليومى هذا الجمال الإنسانى الرفيع . الذين تحدثوا وأشعلوا المكان فكراً وشعراً وغناء والذين استمعوا وصفقوا وذرفوا الدموع كلهم كانوا محجوب ود مريم محمود . كلهم روحه التى ماحلق حولها حزن - بارود الحزن المسحون - وإلا حولته إلى فرح وعمل , ونضال , وسد فرقة , وقش دمعة محزون . وزدنا معاكم يقين أن ( نفاج محجوب شريف) سيظل مشرعاً أبد الدهر .
تحياتى
|
Post: #38
Title: Re: نبكيك ايوه سوا سوا سرداق عزاء شاعر الشعب السوداني محجوب شريف - واشنطون السبت 5/ابريل
Author: انوار عبد الوهاب
Date: 04-09-2014, 00:04 AM
Parent: #37
عمر ادريس وبقية العقد الجميل من اهل بنسلفانيا اليوم صنعه البطل رفرف بروحه السامية التقينا نزرف دمعا ونشع بحبه المكان لتلاقي الوطنيين والشرفاء . حضوركم مقدر وجميل وعميق الامتنان لم تؤخركم عن حضور اليوم تلك المسافة وكلو يهون علنا نستطيع ان نرد احد جمائله ومشاركتكم متوقعة .
|
|