ياخ بتبالغو...بعد دا ..ودايرين الحكومة تحزن لوفاة أبونا

تلاتة كباري وشارعين وسد…
قديتونـــــا قصــادهــــم قــــد…
لو جينـا لكشف حساب وجرد…
أمسك واحد أول بدء:
سرقتو وطن واسع ممـــــتد…
فكفـكتوهــــو…
وزعزهتوهو…
وأرهقتوهــو…
وبشتنتوهــو…
وهديـــــــتوهو هــــدا هــــد…
وهاك التاني أمراً أد :
حكمتو شعب كان زي الورد…
أفقـرتوهـــــو…
وشردتوهـــو…
وجهجهتوهو…
وعنصرتوهو…
وقطعتو حبل كان واصل ود…
أُخد التالت لو ترتد:
وجدتو مصانع لقيتو مزارع…
وسكـــة حديـــد جد بالجــــد…
عطلتوهـــا…
وفرتقتوهـا…
ووقفتوهــا…
وشلعتوهـا…
وقطعتو رزق عمـال من حد…
أحسب رابع وتابع العد:
وين تعليمنا ووين ترنـيمــنا؟
وين آدابنــا ووين كتــابنــــا؟
وين رياضتنا ووين ريادتنا؟
مرمطوهـا…
وأخرتوها…
وأفشلتوها…
وطيشتوها…
وخلفـــتوها جهـــل عن قصد…
شوف الخامس أخذ ورد:
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا؟
ووين أموالنا؟
وين غيرتنا؟
وكيف سمعتـــنا؟
خرمجتوهـا…
وبشتنتوهـا…
وبـددتوهــا…
ولوثـتوهــا…
وبي سمعتنا مسحتو الأرض.…
هاك السادس ونفسك سد:
))رئيساً راقص (( رقصاً شين…
مسئول ))مزواج (( ركاب سرجين…
وزارة تجارة وبياعين…
ناساً عايشة ومبسوطين…
جضوم منفوخة ملمعة زين…
كروش ممدودة متر مترين…
أيادي طرية نعومة ولين…
طالعين ماكلين نازلين بالعين…
مناشر تنشر مطحونين…
بفقه السترة محميين…
ومندسين ومدسوسين…
بفقه ضرورة وقوة عين…
نهابين ومغتصبين…
فساد شفناهو رأي العين…
وشميناهو أبو العفين…
وناس بهناك دايشين دايخين…
بطونهم خاوية وما لاقين…
وجوهم هايمة وفقرانين…
وعينهم طالعة وكمان صابرين…
وليه ساكتين؟؟
ولي متين ساكتين؟؟
بإسم الدين الخداعين…
خلو حياتنا زفت وطين…
تجار الدين الأفاكين…
ملعونين ملعونين…
ملعونين لي يوم الدين…
غشيتونـــا…
وبشتنتونـا…
وعذبتونـــا…
وجننتونـــا…
وبكيتونا دمع ودم ولطخة خد…
وتقولي كمان!!!!!!!
تلاتة كباري وشارعين وسد!!!
بس يــا ود…
حيلك شـــد…
ويد علي يد…
كلنـــــا ضد…
ضد العسكر وحكـــم الفرد
.............................
............................
..............................
أحمدو الله كيزان المنبر...جو ودعو ليهو بالمغفرة
....................
لك الرحمة والمغفرة
يا انسان

لشهداء سبتمبر

آن الأوان ...

أكبرمن الأحزان
غضب..حَد اللهب
والإنفجار
لا رجعه بعد اللحظه
إلا الإنتصار
أو ..ما أذلَّ الإنكسار
أولادُنا أكبادُنا
تمشي علي البمبان
ولعلعة الرصاص
أرخص من البنزين
دماهم لن تكون
دم الشهيد ما ببقى
مويه ..ولادخان
إلا إذا شئنا جميعاً
أن نهان
مطأطِئين رؤوسَنا نمشي
علي رمل السكون
بئس الهوان
آن الأوان ..آن الأوان
فلأنهم هم يا أخى لا يملكون
أن نكون ..أو لا نكون
آن الأوان.....

Quote: ياخ بتبالغو...بعد دا ..ودايرين الحكومة تحزن لوفاة أبونا

بل ربما بهنوا بعض.

وزارة تجارة وبياعين…
ناساً عايشة ومبسوطين…
جضوم منفوخة ملمعة زين…
كروش ممدودة متر مترين…
أيادي طرية نعومة ولين…
طالعين ماكلين نازلين بالعين…
مناشر تنشر مطحونين…
بفقه السترة محميين…
ومندسين ومدسوسين…
بفقه ضرورة وقوة عين…
نهابين ومغتصبين…
فساد شفناهو رأي العين…
وشميناهو أبو العفين…
وناس بهناك دايشين دايخين…
بطونهم خاوية وما لاقين…
وجوهم هايمة وفقرانين…
وعينهم طالعة وكمان صابرين…
وليه ساكتين؟؟
ولي متين ساكتين؟؟
بإسم الدين الخداعين…
خلو حياتنا زفت وطين…
تجار الدين الأفاكين…
ملعونين ملعونين…
ملعونين لي يوم الدين…

عبد الحي علي موسي

Quote: بل ربما بهنوا بعض.

تهنئة بين قوسين دبل

إستلام المليار دولار أحدهما



لك كل احترامي

الأستاذ يوسف الموصلي

Quote: يوسف الموصلي 3 ابريل 2014 اسمك محجوب لكن في عقولنا و....في قلوبنا ماك المحجوب يالقمت مودع دنيانا و.....شفناك ..يادوب ياما في .....درب الوطنيه ...عبدت دروب متواضع تقسم في النبقه و.....عزمك لالوب بالمونه بترفع وحدتنا و....بتشيل... الطوب يالنيلك غالي ف سكتنا و....عالي المنسوب في غربنا تنده لي ألله.... والعشق.. جنوب وشمالك حافظ اعمالك ....والحن ادروب متأصل زي لون الكسره الغرقت. في الروب وقهرت القاهر بي نظمك.... سند المغلوب حتظل في قلوبنا وفي دمانا رغم الحي ووب

شكرا للمرور الأنيق أستاذ الموصلي

إسمك شريف
منك طلع هم البلد كلمة
منك عرفنا نقيف
نهتف بإسم الرب
في وجهه الظلم والزيف
تتمعط دقون النهب
يرجع بلدنا نضيف
3/4/2014

خالد عبيد

Quote: تجار الدين الأفاكين… ملعونين ملعونين… ملعونين لي يوم الدين

لي يوم الدين

هاكم دي:

محجوبنا البإسمك نغني هتفنا ونظمنا قوافي الكلام

ومنك عرفنا كيف نستبين حروفاً تقاوم خصومها اللئام

حروفك بتشهر ضد السلاح وتحمل مباديء تحقق سلام

لأنك محنك شديد المراس بتعرف تصونها صفات الكرام

حياتك ملاحم في صدر الوطن قصايدك نجومها تشق الغمام

صحي بتملى عينا وأهو الليلة جينا نأدي القسم ونسجل تمام

وصيتك أمانة وحاتك وطنا جوة العيون منه البداية وفيه الختام

نشيل نمة نحكي حكاوي الوطن نقول ونردد يا هذا الهمام

من الناس البي تحت (فيسبوك)

Misbah Ali

Quote: سلام عليك ياقيثارة الوطن .. سلام يتجدد مدى الزمن.. سلام وأنت تلهم الناس في المحن.. سلام لمن لم يعتريه الضعف والوهن .. سلام لمن يقدم بلا من ولاثمن.. سلام وقد كسانا الحزن والشجن.. سلام لطائر يشدو على فنن.. سلام لعاشق مجّد الشعب والوطن

متأكدين أنو قصيدة ثلاثة كباري من شعر محجوب؟

الباقر موسى

http://m.youtube.com/watch?v=_EjsNAieg0w

قصيدة تلاتة كباري ليست من شعر الراحل محجوب شريف

كتبت مي محجوب

Quote: سلامي للجميع احمل لكم هذه الرساله نيابه عن والدي محجوب شريف ........ وهو يقول لكم اني ليس لدي اي علاقه بقصيده شارعيين وكبري وسد ....وهذا للعلم والحفاظ علي حقوق الاخريين الادبيه..

ياسر الشريف

Quote: قصيدة تلاتة كباري ليست من شعر الراحل محجوب شريف كتبت مي محجوب Quote: سلامي للجميع احمل لكم هذه الرساله نيابه عن والدي محجوب شريف ........ وهو يقول لكم اني ليس لدي اي علاقه بقصيده شارعيين وكبري وسد ....وهذا للعلم والحفاظ علي حقوق الاخريين الادبيه..

الأخ ياسر......اها نحن اقتنعنا..................أقنع الحكومة

يا من تموت بالجوع وقدامك ضفاف
والأرضِ باطنها ظلَّ مطمورة سواك
عطشان وقد نزلت عليك
أحزان مطيره
مُزَن سماك
الدنيا أوسع من تضيق
قوم أصحى فِك الريق هتاف
إن الذين أحبوا روحهم ضيَّعوك
وبيَّعوك أعز ما ملكت يداك
أوعَك تخاف
الخوف محطه محطه ما سكَّة وصولك للطريق
إن الأيادي الحُرَّه ما بْتشعِل حريق
تبْ ما بْتقيف تستنَّى قدامها بْتشوف
يَحْتِل غريق تلو الغريق
ما تنسى إنك كنت صاحب راي وبيت
أهلا حباب لو دقَّ باب
عندك مخدَّه وعنقريب هبَّابي،
لمَّه وقهقهات
تصحى وتنوم وتقوم معطَّر بالنشاط
تنعس وقع في لحظه من إيدك كتاب
وقلم كما برق السحاب
يتهادى ما بين السطور
كان سرجو كرسي الخيزران
عند المغيرب رادي
بغ بِنْ المزاج
يدخل من النفَّاج عليك عثمان حسين
يا عُشرة الأيام تمام
أهو دا الكلام
يا سلوى جك المويه
أعملوا لينا شاي
الأسره ممتده وحِداك جيران لطاف بي جاي وجاي
جار المسيحي سكن إمام
إلفه ومودَّه وقرقراب
والناس قُراب
ناس من نيالا وآخرين
من وين ووين
هسَّع جهنم في الحقيقه معسكرات
من أين جاءكَ هؤلاء
ما جونا من قيف السراب
أو جونا من خلف الحدود
بل جونا من جوّانا هم حُترب
هنالك باقي في حلق الكلام
تلك البذور الراكده في قاع الجُراب
ما اتنفَّست فلق الصباح
نفس الأزقة الفيها
سكَّتنا الكلاب..
ولكم وكم غلب الغُنا السمح النباح
كم نحن أحياناً شربنا المويه
من كاس الجراح
من بين أصابعنا المخدَّره بالسُكات
من بين مسامات العيوب..
يا الله مين جلَد البنات
جلداً موثق في القلوب
وسكتنا ساي
جُوّانا منْ فصل الجنوب
هم عَسَّموك وقسَّموك خلُّوك مشتت في الدروب
حدَّادي مدَّادي الوطن قد كان
حليل الأغنيات
يا أيها الأسف الشديد
أكتب نشيد من تاني أجمل أمنيات
لا للشهيد تلو الشهيد
إلا إذا خطأً وصدفه تِحِتْ هدير التنميه
موت الله ساي حتماً أكيد
أو جانا من خلف الحدود
وطن الجدود وطن الجدود
نفديك بالأرواح نذود
من بعد ذلك يا جميل
أحلم بما لك من حقوق
كشك الجرايد في الصباح،
كيس الفواكه والملابس والكراريس والحليب
نكهة خبيز والدنيا عيد إنسان عزيز
وطن سعيد والشعبِ حر
وطن التعدد والتنوع والتقدم والسلام
حيث الفضا الواسع حمام
والموجه خلف الموجه والسكه الحديد
حرية التعبير عبير
تفتح شهيتك للكلام
النهر ما بِستأذن الصخره المرور
جهراً بِمُرْ نحو المصب
أمواجو تلهث من بعيد
أكتب نشيد راسخ جديد
الشمسِ تشهد وبرضو أستار الظلام

السبت 7 سبتمبر ألمانيا

Quote: هم عَسَّموك وقسَّموك خلُّوك مشتت في الدروب

منظمة رد الجميل قلادة شرف في عنق محجوب الانسان الذي لم يسع لجمع الاموال لعلاج جسده المنهك ونما لاطفال شعبه

شكرا Asim

رداً على مقال الطيب مصطفي الذي تهجم فيه عليه

تنبش حي وميت
سكاكينك تسنها بالكراهية
معلم تنتج الكربة
وتدي الفتنة ماهية
تدس في إيدا كبريتة
بخيت وسعيد عليك إنك
مكانك من ذوي القربى
وعندك من كراسي السلطة
مسند للرفاهية
مالك ومال قريبك ساكن التربة؟؟
منو البسرق عشم ميت
أمام الله والحكمة الالهية؟؟
يمين الله
كاتب حر
نسيج وحده
ومن طبعو الفروسية
وأصدق من مand#65276;مح طفلة
وسط اللمة منسية
عصافير الكلام ركت
تحت شهقة غنا الفواح
مع الموجة الصباحية
أدى الود
وشال الود
وجمّل للحزن ممشى
لا كذّب ولا غشّ
وما منو الضمير طشّ
وما شنّق
بريق الشهرة من فوق راسو طاقية
أبسط من حرف كسرة
ومن بذرة
ومن نقاع سبيل يوماتي
تشرب منو تحت النيمة قمرية
كذلك لم يكن يوماً
هوين قابand#65276;ً للكسر والذلة
أما العبد لله
إذا ما عارف أعرفني
من غير الله ما خايف
ولا شايف هنالك
من يهد حيل الثبات فيني ويخوفني
فما خجلان ولا نادم
وما متوجس الاحساس من القادم
لا طعّان ولا لعّان
ولا فاحش ولاني بذئ
لا نسناس
وما بجرح مشاعر الناس
وأنبل من حليب السترة
ما عبّت مشارب كاس
أدوسا محاكم التفتيش
بأعلى الصوت علانية
تخربش في مسام الروح
وتتجسس علي النية
بسوء الظن والمكرِ
ضميري لم يكن يوماً
من الايام ولد مكري
شبر والله في البكري
ولا الفلل الرئاسية
وطن حدادي مدادي
ما بنبنيهو فرادي
ولا بالضجة في الرادي
ولا الخطب الحماسية
وطن حدادي مدادي
قد شفناهو يتقسم
ذبائح وإنت تتبسم
لديك الخضرة تتفحم
وتصبح في الايادي عصي
وأوتاداً بلا خيمة
وصحراءً بلا غيمة
سلاماً يا وطن بحلم
أشوفك يا وطن آمن
حر وسعيد ومتفتح
محل ما يمشي إنسانك
عزيز النفس مطامن
ومتضامن
والخير الظاهر والكامن
في الايدي جميعاً قدامن
تعيش إنت ونموت نحن
لكي يا غالي ما يكبر جنانا
تحت شرا المحنة
جرحنا إذا بفرهد فيك
ح نمشي علي البجرحنا
وحزننا لو يضوي سماكا
هو الحزن البفرحنا
ودمنا لما يسقي ثراكا
ينزل من جوانحنا
وإن راحتنا ما ترتاح
نقول إنشاءالله ما ارتحنا
تضيع أيامنا بس ما تضيع
ملامحك من ملامحنا
بنرجع ليك توصينا
ونسمع ليك تحدثنا
ولو علّينا صوتنا عليك
يا والدنا سامحنا

..................
وتقول لي يحزنو..................دا بكون ضبح تور