أقمار الهلال.........رجال إفريقيا

الرجال إنفصلو عن الأولاد الصغار فى دورى أبطال أفريقيا


The men have been separated from the boys with the identities of the teams for the group phase of the 2014 Orange CAF Champions League revealed



...................................

عاد الهلال لموقعه الطبيعي.....كأحد الاندية الكبار في إفريقيا....وجاء التأكيد من الكاف بأن عظماء الهلال الرجال إنفصلوا عن الاولاد.....
ويجب أن تكون هناك توعية و تهيئة نفسية شاملة للاعبين بأن المرحلة القادمة هم من سيجنون ثمارها لو توفرت لديهم العزيمة و ثقافة البطولات......فالكسب سيكون من كل الاتجاهات المادي أولا...فجوائز البطولة تصل إلي مليون و نصف دولار.....وتحسين وضع أيضا .. حيث يتواجد كشافو أندية العالم ...وإذا تحققت البطولة بالتأكيد سيكون للاعبين نصيب في تغيير حياتهم تماما بالانتقال لأندية عالمية وتغيير وضع حياة من كل النواحي...هذا فضلا عن المجد الشخصي الذي سيطره اللاعبون لنفسهم و لناديهم و لوطنهم أولا......لقد إختبرنا عزيمة اللاعبين و نجحت في تخطي ناديين من أفضل الاندية....يبقي أن نخطو خطوة خطوة معهم....ومافي شي مستحيل.....سأستضيف هنا بعض الزملاء الإستشاريين للادلاء بدلوهم في كيفية التوعية و الارشاد النفسي للاعبي كرة القدم عموما....لنأخذ ما يمكن الاستفادة منه...وكذلك بعض المحللين و اللاعبين القدامي......سيكون نفس هذا البوست طويلا و الاضافة متي ما تيسر الوقت...وهو كذلك مفتوحا لعاشقي الهلال و لمن يود الاضافة...فالمصلحة واحدة........

بعد مباراة ليبردز صرح المدرب النابي و أبان بأن سر الفوز علي هذا الفريق يكمن في العامل الذهني و النفسي....وطبعا المدرب بيكون قاصد العامل الذهني بجانب التكتيكي و الفني.......ونحن نقف عند هذا التصريح طويلا و هذا يدل علي أن هذا المدرب يمتلك قدرا جيدا من الذكاء......نسبة لإعتماده علي عامل مهم جدا بجانب العامل الفني ساعده في ذلك توفر عامل اللغة والذي كان مفقودا في المدربين السابقين و الذي يقود لقوة التواصل بين المدرب و اللاعب....حيث أنه مهما وصل المترجم من إحترافية فهناك جوانب سيظل عاجزا عن إيصالها للاعب مثل الجانب النفسي هذا وهو جانب مهم جدا وهو سبب مهم لثقافة الفوز......ظللنا نناشد و نكرر وجود الطبيب النفسي أو المعالج النفسي مهم جدا للاعبين.....فربما هناك أكثر من لاعب يعاني من مشكلة ما قد تكون بسيطة أو علاجها قد يكون بسيطا....ولكنها قد تؤثر تأثيرا مباشرا علي مردوده في الملعب مما قد يفقد الفريق المباراة أو التنافس...وكانت لنا تجارب عديدة أفقدتنا بطولة أفريقيا قبلا.....لذا وجود الطبيب النفسي مهم جدافي المرحلة القادة والتي لا تتحمل التهاون.....وأعلم أن هناك العديد من الزملاء الأطباء من عشاق نادي الهلال ممن يتمنون خدمته سيتقدمون الصفوف عند الطلب....ويظل الخيار الاول للجهاز الفني إذا رغب في ذلك

شايف الحكومة نزلت بتقلها بتشجع في الهلال...............نسأل الله ان يكون لي خير و ما ينتقل الينا الكج بتاع الجماعة

إنهزم الهلال أمام الاهلي شندي بصورة غريبة ...و مريبة....لا نعفي اللاعبين...لكن كانت هناك مساندة واضحة من التحكيم بصورة أقرب للترصد...حتي الطاقم يبدو أنه تم إختياره بعناية......أعتقد تدخل أيادي نافذة في الاتحاد لإعادة التوازن للوضع الرياضي الراهن....فإنتصارات الهلال الاخيرة ...وتراجع المريخ خارجيا و داخليا...يجب أن تواجه ببعض التعديلات تعيد التوازن بين الكفتين...ويبدو أيضا أن السياسة دخلت بثقلها فأفسدت الوضع كالعادة..............

الألة الإعلامية المريخية ألة ضخمة,,ولاتفوت مثل هكذا حدث....فقرعت الطبول الضخمة و أعملت ألات النفخ.......بالرغم من إن الموضوع يجب أن يكون عاديا......هزيمة داخلية لناد مرهق أحرز إنتصارات دولية وعالمية للوطن.....ولكن هذه الانتصارات لا تعجب ناس فلانة...فسنحت أول فرصة......ودقت الدلوكة....


عموما يجب أن يبتلع الهلال هذه الحالة ....ويجب أن يركز لأن تشتيت الذهن هو ما يريده الخصم....


لنطو هذا الملف...ولنتفرغ لإستحقاقنا الخارجي...فمازال مداد الصحافة العالمية يتغزل في الهلال....ولنترك المحلية لي ناسها...فتنتظر الهلال مهمة جسيمة.....وكما قلنا يحتاجد الهلال لطبيب نفسي


وسنواصل في جانب هذا الطبيب النفسي



....

يا دكتور عندك فكرة قرعة المجموعات متين ؟

د. ياسر

كلامك سمح، ولن العملوها فيهم أولاد شندي ما بتتنسي.

دينق سلامات


كويس انو عملوها أولاد شندي.....في النهاية أولادنا...وبنقطعها في مصارينا ..لكن العوجة كان عملوها جماعتكم مع إني متأكد إنو اليومين ديل ما بقدروا يعملوها.حالهم يغني ...إنكشفت اللعبة......هههههههه




سفيان القرعه 29 ابريل

Quote: إنهزم الهلال أمام الاهلي شندي بصورة غريبة ...و مريبة

يا ابوالنسب هدفين ذي السم مع تفوق في الاداء والمستوى

Quote: لكن كانت هناك مساندة واضحة من التحكيم بصورة أقرب للترصد

كدي ارجع لشريط المباراة واخلع نظارة الهلال واتمعن وستجد كل قرارات الحكم صحيحة

Quote: أعتقد تدخل أيادي نافذة في الاتحاد لإعادة التوازن للوضع الرياضي الراهن

وضع الرياضي شنو يا اخوي ماياها الدوري معروفة اما للهلال او المريخ ذي كل مرة سمعنا بالوضع السياسي والاقتصادي الراهن ولكن يطرشنا ما سمعنا بالوضع الرياضي الراهن

Quote: فإنتصارات الهلال الاخيرة ...وتراجع المريخ خارجيا و داخليا

نعم يا اخوي قلت شنو ... انتصارات الهلال ،، ياها الفوز الوحيد على الملعب المالي وفي الخرطوم ولا عندك غيرو ، انتو بتغشو في نفسكم ولا الناس يا سيدي المحترم المريخ لم يتأهل لي بلنتي ضيعها باسكال والهلال اتأهل لي بلنتي صدها جينارو

Quote: يجب أن تواجه ببعض التعديلات تعيد التوازن بين الكفتين

الهلال اخذ البطولة ست مرات على التوالي وين كان ناس التعديلات وناس اعادة التوازن

Quote: ويبدو أيضا أن السياسة دخلت بثقلها فأفسدت الوضع كالعادة..............

بفوق انت قلت انهم باركوا ليكم التأهل فجأة مع الهزيمة بقت افسدت

Quote: الألة الإعلامية المريخية ألة ضخمة

شكراً والكبير كبير

Quote: ,,ولاتفوت مثل هكذا حدث....فقرعت الطبول الضخمة و أعملت ألات النفخ.......بالرغم من إن الموضوع يجب أن يكون عاديا......هزيمة داخلية لناد مرهق أحرز إنتصارات دولية وعالمية للوطن.....ولكن هذه الانتصارات لا تعجب ناس فلانة...فسنحت أول فرصة......ودقت الدلوكة....

كدي امشي اقرأ ما كتبه الرشيد علي عمر وكذلك قووون والمشاهد يوم تعادل المريخ مع اهلي شندي مع انه تعادل وليست هزيمة .. حق ادروب تشوفوا وحقكم ما تشوفوا

Quote: لنطو هذا الملف...ولنتفرغ لإستحقاقنا الخارجي

كلام جميل ولسع الوقت بدري ... دوري المجموعات في شهر مايو ، خليكم معنا في المحلي نكابس سوا ,, واصلكم راجع ليه ذي كل مرة

Quote: فمازال مداد الصحافة العالمية يتغزل في الهلال

دا الكلام البيضحكنا يتغزلوا في شنو فريق اتأهل لدوري المجموعات ذي كل سنة ،، واذا شلتو الكاس حتكتبوا شنو حتقولوا عملوا لينا تمثال وطافوا حولنا

Quote: ولنترك المحلية لي ناسها

دا الانجاز الوحيد العندك ،، اول مرة اشوف واحد يعير بيتو

Quote: ...فتنتظر الهلال مهمة جسيمة.....

الله يوفقكم

Quote: وكما قلنا يحتاجد الهلال لطبيب نفسي

والله نحن النحتاج لاخصائي عقل ولسان واذن وعيون عشان نستوعب ما تكتبونه

شايفك ما تعرضت لما حدث للحكم المساعد ( الطريفي ) ولم تطلب له الشفاء العاجل ولم تدين تصرف جمهور الهلال الهمجي ورمي الحجارة ورجم الحكم

لك ودي وتقديري

يابو النسب مداخلتك دسمة



اولا سألت الله الشفاء للمساعد التاني في بوست مجاور و قلت انو ماهو الغلطان,,,,,غلطان زميلو وغلطو اثر في نتيجة المباراة بصورة مباشرة

تانيا اتحادك بقي ما بيخجل خالص......أحمر و مريخي اكتر من المريخ نفسو....عيب والله عيب


متفرج اصاب مساعد الحكم.يعني حالة فردية .....تقوم تحاسب نادي كامل... ومين قال لك انو المشجع دا هلالي يمكن مندس....لا لا لا...دي حلقة وضحت بطريقة ادارة مساعد الحكم للمباراة.....صدقني لو الامر هزيمة طبيعية نحن اول من يعترف يا حبيب....للاسف يوجد ما يشير لأن هناك ما وراء الاكمة....نحذر الاتحاد المنحاز من اللعب بالنار....وعليه أن يبتعد عن التحرش بالهلال...و إذا كان القصد عرقلة الهلال....فالنتيحة ربما تكون كارثية....ولا أعتقد أن جمهو ر الهلال سيتقبل ذلك......الهزيمة الطبيعية مرحبا بها....وأي شوشرة مقصودة فالطوفان اقرب ....ومصيبتكم كما قلت ان اعلامكم بيفضحكم

رجاء...لا تستعجلوا ...فحال الهلال اليوم يؤكد بأن ليس في موقف يؤدي به للبطولة و لا نتوقعها...بس انتو كيف تختو الرحمن في قلبكم...وتبطلوا ام هلا هلا التي تمسكم كلما تأهل الهلال لدوري الكبار


قلت لي الكبير كبير......ههههه ماشفنا لينا كبير حدو التمهيدي



بجيك راجع

ده كلام صاااح . ماعاوزين دوري

قرارات مجلس الهلال بشأن مباراته مع الامل عطبره في الممتاز
••••••••••••••••••••••••••••••••••••••••••••••••••••••••••
صفحة and#8235;#‏الهلالand#8236; | كتب : شهاب مغاربة

عقد مجلس ادارة نادي الهلال اجتماعا برئاسة المهندس الحاج عطا المنان رئيس المجلس وناقش الاجتماع التطورات في الساحة الرياضية والازمة التي افتعلها الاتحاد العام مع نادي الهلال لايقاف انطلاقته المحلية والافريقية واضطلع على خطاب الاتحاد السوداني لكرة القدم (اللجنة المنظمة) والذي تضمن قرارات لتوقيع عقوبة مالية على النادي واللعب خارج الارض بالكاملين وخلص الاجتماع إلى الآتي :

1- يؤكد مجلس ادارة نادي الهلال التزامه الكامل بالقوانين واللوائح المنظمة لكرة القدم بالبلاد .
2- يؤكد مجلس الادارة حرصه على استقرار واستمرار المنافسة على اسس العدالة .
3- نشير الى ان المجلس استلم الخطاب الخاص بالعقوبات في تمام الساعة الحادية عشر والنصف ظهر يوم الثلاثاء الموافق 2014/4/8واستناداً على المادة 66/أ من القواعد العامة مقروءة مع المادة 8 من لائحة المنافسة والتي تقرأ (يجب اخطار الفريقين المتباريين قبل 36 ساعة على الاقل من زمن بداية المباراة ويتثنى من ذلك حالة المباراة الملغاه او المعادة او المؤجلة) ولا تنطبق اي من هذه الحالات على المباراة .
وعليه فان الاتحاد العام لكرة القدم (اللجنة المنظمة) لم يسلم الخطاب للنادي قبل 36 ساعة مخالفاً بذلك الماده المذكوره اعلاه كما انه لم يحدد زمان المباراة في خطابه الذي تسلمه نادي الهلال .
4- يتمسك نادي الهلال بحقوقه الوارده في الماده اعلاه والاستئناف المقدم من قبل النادي بشأن العقوبات المفروضه عليه ووجوب الالتزام بنص المادة 66/أ من القواعد العامة .
5- استناداً على حق الهلال القانوني في تطبيق المادة فانه يقرر عدم اداء المباراة المعلنه في الاسبوع التاسع يوم 2014/4/9 امام نادي الامل عطبره خارج ارضه باستاد الكاملين بدون جمهور الا بتحديد المباراة قبل 36 ساعة كما نصت بذلك القوانين واللوائح .
6- اذا ترتبت اي عقوبات على مواقفنا المسنوده بالقانون فان نادي الهلال سينسحب من بطولة الدوري الممتاز .
وبالله التوفيق
مجلس الادارةده كلام صاااح . ماعاوزين دوري

شكرا حافظ

الخبر:

تأجيل مباراة الهلال و الامل لتلعب في ود مدني بالجمعه وبدون جمهور.

السبب : عدم تمكن أجهزة الامن القيام بتأمين المباراة.

التعليق: حليلك يا شداد


جهل قدر دا عمرنا ماشفناهو....ترصد زي دا مالاقانا...مكابرة زي دي ما مرت علينا....


كيف ناس الامن يعجزو عن تأمين مباراة بدون جمهور؟؟؟؟ قادر الله


وقت جيتو جاريين شايلين عقوباتكم قبل ما ينشف دم الزول ...ماكنتو عارفين القوانين؟؟؟؟إنو المباراة لازم يبلغوا بيها الاندية قبل 36 ساعه؟؟؟

ولا بس لقيتو فرصة و ماصدقتوا.....

والله عيب ....لو بتعرفوا العيب

عموما فتح كومبارس الاتحاد علي نفسه طاقة جهنم.......خليهم يجيبوا حكام بذمة لستك زي اياهم في مباريات الهلال القادمة....


أما كان من الاجدي ان تدرسوا الموضوع بهدوء......وتطبخوا الحلة علي نار هادئة للاقتصاص من هلال جزر القمر دا


هذا زمانك يا مهازل

دكتور ياسر سلام الهلال محتاج لإعداد جيد و الإنصراف غن المعارك الوهمية

سلام يا دكتور
غايتو الواحد يخجل ليكم من هسع إذا ده لعبكم الحتلعبو بيهو قدام الرجال .

Quote: نهزم الهلال أمام الاهلي شندي بصورة غريبة ...و مريبة....لا نعفي اللاعبين...لكن كانت هناك مساندة واضحة من التحكيم بصورة أقرب للترصد...حتي الطاقم يبدو أنه تم إختياره بعناية....

يا دكتور
سلام واحترام

هل هي المرة الاولي التي يفوز فيها اهلي شندي علي الهلال ؟؟

وكم مرة لعب الاهلي شندي ضد الهلال منذ صعوده للدوري الممتاز وما هي نتائج هذه المباريات ؟؟

يا زول ها

اهلي شندي ده نقاطكم في الدوري الممتاز بقت مضمونة عندو

وسيبونا من نغمة الترصد دي
فريق يغلبكم في كل موسم الليلة جايين تعلقوها في التحكيم

مودتي
ــــــــــــــــــــــــــــــــــــ
بالمناسبة هدف اهلي شندي التاني كيف

Quote: د. ياسر كلامك سمح، ولن العملوها فيهم أولاد شندي ما بتتنسي.

الاخ
دينق
تحياتي
هم لحقو ينسو الفات عشان ينسو دي
اهلي شندي ده اتخصص فيهم عديل كده

مودتي

سلام دكتور ياسر وجمعه مباركه عليك وعلي الجميع



سؤال في حكم مريخابي اكتر من درمه الكان اي مباراه هلال مريخ ضربت الجزاء قبل الصفاره بحسبها


امس في النيل الازرق زكر واعترف انو كل التسللات خطاء رجل الخط

وكمان الطاهر محمد عثمان زكر انو التسللات كلها غلط وانو رجل الخط ظلم الهلال


يبقي ناس التمهيدي يطلعو لينا من هنا وما يتكلمو بعد يبقو زي الفرق يتفاصحو

Quote: نعم يا اخوي قلت شنو ... انتصارات الهلال ،، ياها الفوز الوحيد على الملعب المالي وفي الخرطوم ولا عندك غيرو ، انتو بتغشو في نفسكم ولا الناس يا سيدي المحترم المريخ لم يتأهل لي بلنتي ضيعها باسكال والهلال اتأهل لي بلنتي صدها جينارو

يعني هسي البلنتيات بقت ما مهمة ولا كيف يا حمزاوي!!
ما تراكم كاساتكم المورّمننا بيها كلها بلنتيات كان سيكافا كان الزمالك وكان لمانديلا

سلام يا دكتور ياسر
بالله الكاف ما بالغ في قصة فرزوا الرجال من الوليدات دي :)

لأول مرة يتفق كل الحكام بمذبحة الهلال المقصودة بمباركة الاتحاد العام.......ثلاثة أهداف صحيحة منقوضة...والعديد من حالات التسلل الوهمية بقصد إيقاف الهلال....و الاتحاد لم يحاسب الحكم بل و عاقب الهلال و تم تنفيذ العقوبة فوريا....كما العسكرية.....و الأسوأ التهديد من قبل رئيس الاتحاد بسحب الهلال من الابطال....هذا هو السودان و يا للأسف



الاخ الدكتور عبد المجيد ...سلامات

كيف يكون التركيز يا عزيزي والاتحاد يعرقل النادي بمعاقبته لذنب لم يرتكبه اللاعبون.....باللعب بعيدا عن العاصمة و اللعب في ظروف قاسية .....إذن كيف يتصرف بالتركيز علي التجهيز.....للاسف علينا أن نلعب ضد ناسنا في الاولخصمنا الداخلي ..أما الخصم الخارجي فذلك أسهل بكتير


تحياتي

دكتور ياسـر سلام
بالتركيز والروح القتالية الهلال قادر علي
حسم كل المخططات التي ترسم خارج الميدان ..
ياخ يبدو إنو في عفن شديد داخل ما يسمي بالإتحاد العام
بعـد أن أصبح الإتحاد في أيدي معتصم الضعيف والجاكومي العنيف !
علي الهلال إدارة ولاعبين وجمهور الإنتباه والتركيز بالبعد عن كل ممارسة
تعود نتائجها ضرراَ علي الهلال في مسيرته المحلية والقارية.

حمزاوي يابو النسب


سلامات مرة تانية

Quote: كدي ارجع لشريط المباراة واخلع نظارة الهلال واتمعن وستجد كل قرارات الحكم صحيحة

كدي إنت ياخوي شفت المباراة ذاتها في عضمها خليك من الاعادة....وكان ما شفتها ما شفت برنامج ميرفت المريخابية مع الحكمين الطاهر محمد عثمان و درمة...وكان ماشفت ديل ما شفت سيحة المريخابي اليوم.....شكلك كدا استلفت ليك تعليق متداول كتير

أمير محمد إدريس


سلامات


تخجلوا لينا كيف؟؟؟ وإنتو لسة في مرحلة التمهيدي......يعني مرحلة الوليدات دي ذاتها بعييدة عليكم



لما تكبروا شوية نشوف موضوع خجلكم دا شنو؟؟ هههه

أتوقع أن تكون مباريتي الهلال في الدوري و ظروفهما ذات فائدة عظيمة للهلال.....خاصة و أن الهلال سيواجه بما هو أفظع من الانحياز التحكيمي في أدغال إفريقيا......ومن ظروف الاجواء التي تلعب فيها المباريات من مطر و غبار و رياح....وكذلك صعوبة التنقل في أدغال إفريقيا...كما في مباراة ليبردز


أتمني تفويت الفرصة للجماعة و إتحادهم.......كذلك أرجو من الجماهير الهلالية الراقية القبض علي كل المندسين لأن خطتهم إنكشفت

......و يا جبل مايهزك ريح

=

في الحقيقة يا دكتور أنا شفت البرنامج بتاع ميرفت مع الحكم الطاهر وبخصوص الهدف اand#65271;ول الكانو بحللو فيهو ، بصراحة الهدف صحيح مائة في المائة ولا غبار عليه .
تحياتي يا دكتور .