(البجا) في حلايب وشلاتين بعد 10 سنة حايبقوا (البقا)

(حراس البوابة الجنوبية)

بعد داك تحاولوا ترجعوا حلايب البقا حايقولوا:
هو دخول الحمام زي خروقو؟

شوف إجادة اللغة المصرية في الفديو دا:

الخريج حريف
سألتو من السياسة قال ليها مافاضي ليها
عامل حساب السؤال التاني : هل هي ثورة أم انقلاب؟

آل نحنا لن ولن ولن آل

دكتور بلـة،
سلام..

البجـا مواطنيك اليسوا كذلك؟

وحلايب ارضك اليست كذلك؟

هل يعتـد بحديث إنسان تحت الإحتلال والسيف مسلط عليه إن خالف سياسـة المحتل؟ وهل يصح ان تسخر من مواطنين يفترض انك تنتمى اليهم وهم ينتمون اليك بهـذه الطريقـة المسفـــة..؟

وطابا رجعت لمصر بعد كم عقـد؟ هل تحول عرب سيناء (فعلا) لحراس الجبهة الغربية لإسرائل؟ وهل فقدوا هويتهم؟ وسكان طابا..

يا أبوريش
تحياتي

وهل كلام هؤلاء المتعلمين ومافيه من انبطاح لصحفية من باب الخوف من الحكومة المصرية أم طمعا في أن يصبحوا مصريين؟

وهل كان بإمكانهم ليتقوا شر حكومة مصر بأن يرفضوا اللقاء مع التلفزيون؟

Quote: وهل كلام هؤلاء المتعلمين ومافيه من انبطاح لصحفية من باب الخوف من الحكومة المصرية أم طمعا في أن يصبحوا مصريين؟

يا بلة الناس ديل مقهورين وتحت الإحتلال، وكلامهم لقنوات الإحتلال لا يعتـد به.. وانت فى امريكا وتعرف اى تصريح تحت ظروف سيطرة لا قيمة لها,,

لكن لم تجيب على اسئلتى،

1- هل هؤلاء مواطنينك؟
2- هل تشعر بواجب الوطنية ان حلايب جزء من ارضك وان سكانها المدنيين الذين لا حول لهم ولا قوة لا يستحقون هـذه المسخرة من مواطنهم؟

والله يا بلة موسى كلامك غريب جداً، منطقة وتحت الاحتلال، ودولة لم تحمي هؤلاء المواطنين، ولم تطالب بالحق يتهم في الانتماء لتراب الوطن، ولم تدبلج الشكاوى للأمم المتحدة والمنظمات الدولية، وبعد دا داير تطالب المواطن المسكين بان يقوم مقام الدولة
ولنفترض ان المواطنين الذين ظهروا في هذا الفيديو هم (خونة)، هل هم يمثلون كل السودانيين الذين يعيشون حلايب حتى نقول ان السودانيين البجا حي بقوا (بقا).

أتمنى ان تعيد النظر في هذا الرأي، فهذه ارض محتلة والأولى الان فضح هذا الاحتلال، والشيء الثاني ان ندعم السودانيين الموجودين هناك لكي يعلموا ان خلفهم مواطنين يقاتلون من اجلهم ومن اجل عودتهم للوطن وبالتالي يستطيعون ان يقاوموا الاحتلال.
لكن اذا كان سلوك الدولة الطناش وسلوك المواطنين مثلي ومثلك هو مجرد (التريقة) فلن يكون امام المواطنين السودانيين في حلايب سوى ان يظهروا في الاعلام ويقولوا ما قالوا.

د.بله موسي

هل تعرف كم من اهل حلايب مات بمعتقلات مصر؟!

وهل لم تتابعنا ونحن نكتب عنهم هنا؟!

ولا تعرف من هم لازالوا رهن الاعتقال من القيادات الشعبيه و الاداره الاهليه؟!



و خليك من البيجيدوا المصريه

هل فعلا لا تعتقد هنالك مصريين سمر بيحضروهم لهذه اللقاءات؟!

يا د.بله…..هذه لعبه خطيره و هنالك قبائل كامله رحلت لهذه المنطقه من غير البشارين…..كنوز وعبابده مصرين و كلهم يتحدثون المصريه كاهلها.

Quote: ، والشيء الثاني ان ندعم السودانيين الموجودين هناك لكي يعلموا ان خلفهم مواطنين يقاتلون من اجلهم ومن اجل عودتهم للوطن وبالتالي يستطيعون ان يقاوموا الاحتلال.

الأخ الصادق،

الدعم دا خليه نحن نوفرهـم من التريقـة والسخــريـة، وبنكون عملنا فبيهم خير..

حتى لو أهل حلايِب وقفو صف وقالو بنسبة 100% إنهُم مصريين، حتظل الأرض سودانية وهُم مصريين

د. بلة
ماممكن نكون رأي زي دا و نكيل التهم الجزافية لأي شخص بسبب فيديو بث من أحد قنوات الفكة المصرية التي لا تعدو أن تكون مجرد ظواهر صوتية
حديثك يستنبط منه إتهام بالخيانة لمواطنين أفراد أو قبيلة كاملة خاطيء تماماُ في تقديري
أي حديث عن حلايب و شلاتين يجب توجيهه لحكومة السودان ... الحكومة هي المسؤول الأول و الأخير عن قضايا هامة كالسيادة و تأمين الحدود ... ليست هذه بمهام المواطن البسيط

الحفاظ علي الأرض والسيادة الوطنيه مسؤليه الدوله وقواتها المسلحة
مواطنين يردحون تحت الإحتلال .. وحكومة الخرطوم تكتفي بالفرجة
عار علي الحكومة السودانيه
مواطنين في أرض منسية لم تفعل حكومتهم شيء لمساندتهم لمقاومة الإحتلال

القاء المسؤليه عليه في التفريط عن الأرض ليس عدلا ..

لماذا لما تلحظ إحتفاظهم بزيهم البحاوي وحديث أغلبهم بلهجتهم
المحليه عدا واحد(1) .. مناطق التداخل القبلي يحدث فيها التأثير
عنر التبادل الثقافي بين المجموعات السكانيه المختلفه ...

هنالك كثير من أبناء هذا المثلث في سجون النظام المصري
وهناك من سقط شهيدا داخل زنازين السجون المصريه ...

الأمر شائكا ومعقد .. وسيستمر تمصير حلايب اذا إستمرت الخرطوم في لامبالاتها
وعدم جديتها في إستعادة المثلث ..

بوست غير موفق

يا أبو الريش

1/ مسألة حلايب سودانية نعم سودانية
2/ مسألة مسئولية الحكومة في تحريرها ليست محل اختلاف.
3/ مسألة الناس ديل مقهورين كلام غير صحيح. الناس ديل مامصورنهم داخل مباني أمن الدولة أو الاستخبارات المصرية, ديل متصورين في قناة خاصة حاولت تعمل سبق صحفي وفي إمكانهم رفض التحدث إليها.
4/ هل هم مواطنيني أم لا دا بحددوه هم ما أنا, لأنهم من حقهم يصيروا مصريين أو حتى إسرائليين, ومسألة الوطن لافرض لاسنة ولانزلت في كتاب وإنما هي فكرة من نتاج عقل الانسان. والسابقة في ذلك عندما أهدت حكومة عبود وادي حلفا للمصريين خير الحلفاويون بين أن يختاروا ماسمي بقرى تهجير النوبة وبين حلفا الجديدة وكل اختار مايروق له.
5/ هذه التريقة ليست على هؤلاء فقط, بل عليهم وعلى الحكومة بمعنى إن لم تلحقهم سيصيروا مصريين وحراس للبوابة الجنوبية بفعل ماتفعله مصر حثيثا لتمصيرهم وماتجده من أعيانهم من موافقة على مثل هذه القنوات.

الرد هذا لكل الشباب البتكلموا عن نفس الفكرة.
وكما قال عزام العايز يبقى مصري يبقى ولكن حلايب ستبقى سودانية بهم أو بدونهم.

تراجي

تحياتي

كلامك هنا وهناك أجد فيه مايجعلني أعيد التفكير في الأمر..
فإن كان هؤلاء المتحدثين لاينتمون لأهل حلايب وشلاتين الأصليين
فأتوقع من أهل حلايب وشلاتين الأصليين أن يصدروا بيانا يدين تصريحات هؤلاء

بعدين الصمت على نزع الحق جريمة وخيانة وعمالة كما شهدت بذلك صديقتك في البوست الآخر. ولكن لأن بصيرتها عوراء تعتقد ذلك يجوز على قبيلة محددة وتاريخ ناس محددين.

أما المسيرية فبصلابتهم أجبروا الحكومة نفسها ألا تفكر حتى مجرد تفكير في التراجع عن موقفها في أبييى.

طيب يا دكتور بلـة، نناقش مداخلتك هـذه نقطـة نقطـة كما بوبتهـا:
.

Quote: 1/ مسألة حلايب سودانية نعم سودانية

إذا سكانها سودانيون بالمنطق.. لأنهم يقطنونها منذ الاف السنين ولم يهاجروا اليها من اى مكان. ولا يستطيع ايا كان ان يفصلهم عنها.

Quote: 2/ مسألة مسئولية الحكومة في تحريرها ليست محل اختلاف.

جيـد

Quote: 3/ مسألة الناس ديل مقهورين كلام غير صحيح. الناس ديل مامصورنهم داخل مباني أمن الدولة أو الاستخبارات المصرية, ديل متصورين في قناة خاصة حاولت تعمل سبق صحفي وفي إمكانهم رفض التحدث إليها.

دا كلام غريب جدا.. ما سمعت المرأة التى كانت تتحدث عن "الزيارات" وهى خائفة لا تستطيع التفصيل فيما تطلب.. والزيارات المقصودة هى زيارات اهلهم وزياراتهم لأهلهم فى بورتسودان والمدن المجاورة، بعد ان فصلهم
المستعمر ومنع الزيارات.. بعدين كل خطوة تخطوها قناة تلفزيونية فى حلايب هى من صنع الإستخبارات المصريـة، وتلك البنت تنفذ اوامرهم وتعمل ضمن خطة امنية لتطبيع حلايب وشلاتين.. البرنماج كله إستخباراتى، إنت
هناك ما فى امريكا إنت فى مصـر والحكومة والمخابرات هى التى تقرر اى نشاط اعلامى وزيارات اعلامية لحلايب.. وهل هناك قهر اكثر من الإحتلال؟ وبالمناسبة كثير منهم ذهب لمبانى امن الدولة والسجون وقتلوا..

Quote: 4/ هل هم مواطنيني أم لا دا بحددوه هم ما أنا, لأنهم من حقهم يصيروا مصريين أو حتى إسرائليين, ومسألة الوطن لافرض لاسنة ولانزلت في كتاب وإنما هي فكرة من نتاج عقل الانسان. والسابقة في ذلك عندما أهدت حكومة عبود وادي حلفا للمصريين خير الحلفاويون بين أن يختاروا ماسمي بقرى تهجير النوبة وبين حلفا الجديدة وكل اختار مايروق له.

عارف لو سكت ولم تجيب على هـذا السؤال لقلت انك غضبت لأن الإجابة بديهية، فما دام حلايب ســودانية فإن سكانها بالضرورة هم اخوة فى المواطنة مع كل السودانيين.. هـذه لا يختلف فيها إثنان.. يعنى انت لا تعرف من هم اخوتك فى الوطن.. كل مواطن سودانى مسؤول ان يحدد علاقته بك .. يا اخى انا هنا اقول انك زميلى فى المنبر، خلى الوطن.. بعدين تقول الحلفاويين راقت لهم حلفا الجديدة وأختاروها وتركوا وطنهم.. الحلفاويين الذين كانوا يهتفون فى القطارات إينعل دينك يا عبود.. وهددوا، وهم مدنيين لا حول لهم ولا قوة، هددوا بالغرق ووضعوا امام الواقع المرير.. وهم ما زالوا يحلمون بالعودة لوطنهم.. ومحمد وردى غنى الطير المهاجر من اجل خشم القربة وحلفا الجديدة.. كلامك جارح حقيقة، ويبدوا إنك تختار اكثر الكلمات المؤلمـة لتضمنها مداخلاتك.

Quote: 5/ هذه التريقة ليست على هؤلاء فقط, بل عليهم وعلى الحكومة بمعنى إن لم تلحقهم سيصيروا مصريين وحراس للبوابة الجنوبية بفعل ماتفعله مصر حثيثا لتمصيرهم وماتجده من أعيانهم من موافقة على مثل هذه القنوات.

إذا إعترفت بأنك تتريق على أهل حلايب.. وهـذه لا تعليق لى عليها..

Quote: وكما قال عزام العايز يبقى مصري يبقى ولكن حلايب ستبقى سودانية بهم أو بدونهم

عارف لو رديت على كلامك دا، البوست حيمشى الخور.. وأقول ليك هـذه اخـر مداخلة لى معك، .. اكتب واتريق على المساكين السودانيين كما بدا لك.. مبروك.

فتك عافيـة

الكلام القالو الزول الشايب ده .. كلام مسيئ جدا .. ولا اجد له اى مبرر حتى وان كان السيف فى رقبتو ... خليك من انو قاعد متوهط وماسك مكرفون
وكونوا يشيل ويعيد فى مقوله انو احنا (حراس) البوابه الجنوبيه .. كلام غاية فى الاستفزاز لى اهله وللسودان


لا يوجد اى مبرر لى زول يقول كلام زى ده
وجوده تحت الاحتلال ما مبرر
تقاعس حكومة السودان ما مبرر


كلامه ده بعنى واحد من اتنين
يا قابض قروش

يا الزول ده شايف نفسو مصرى والارض العايش فيها ارض مصرية

شكرا وضاح على قولة الحق المرة.

Quote: الكلام القالو الزول الشايب ده .. كلام مسيئ جدا .. ولا اجد له اى مبرر حتى وان كان السيف فى رقبتو ... خليك من انو قاعد متوهط وماسك مكرفون وكونوا يشيل ويعيد فى مقوله انو احنا (حراس) البوابه الجنوبيه .. كلام غاية فى الاستفزاز لى اهله وللسودان

يا وضاح
قول سلمنا الزول دا خائن خيانة عظمى بهكذا تصريحات (مع إنو مافي خيانة أكثر و أعظم من فصل الجنوب)...يظل الزول دا بمثل نفسه فقط...و يجب ألا تعمم الإتهامات لجهة أو مجموعة قبلية بكاملها
لست من شرق السودان
لكني أهتف و بالصوت العالي: أهلنا في شرق السودان البجا سيظلون (البجا) مهما طال الزمن..ولن يكونوا أي شيء آخر..
وكذلك جميع سكان حلايب و شلاتين..سيظلوا مواطنين سودانيين في أرض محتلة
و حلايب سودانية

يا اخ زياد الناس ديل ما جادين، ضيعنا وقت معاهم وقاعدين يتكلموا برا من راسهم

سألناهم هل ناس البجا فى حلايب مواطنينكم، قالوا يقرروا هم.. وبذات المكيال.. زملاء المنبر يقرروا هم وزملاء الدراسـة يقرروا هم....ز الخ.

ما عندهم شعور بإنتماء لبلد اسمها السودان، ولا لشعب اسمه السودانيين، إنتماؤهم فقط لقريتهم ولقبيلتهم..

ما تقوم نفسك معاهم.

عليهو بله دا ..
شاحد ربي يزعمطوك ما يخلو ليك ريشه حايمة :)
عديم الوطنية دا (وش اخضر مدور)

Quote: بعدين تقول الحلفاويين راقت لهم حلفا الجديدة وأختاروها وتركوا وطنهم.

يا أبو الريش
إنت لما ماتفهم الكلام قول عايز شرح
ماتجاوب على فهمك المعوج

موضوع تهجير الحلفاويين وماذكرته بخصوصه هو أن بعض الحلفاويين اختاروا أن يصبحوا مصريين ويسكنوا في قرى تهجير النوبة
وبعضهم ظل على سودانيته وذهب لحلفا الجديدة ( هذا غض النظر عن أنهم رضوا بترك وادي حلفا أم لم يرضوا)
المهم أن هناك قسم منهم صار مصريا بالتجنس.

مسألة الوطن أيضا بالنسبة لسكان حلايب وشلاتين اختيارية ومن حقهم تماما أن يصبحوا مصريين أو يظلوا سودانيين
البصبح منهم مصري لاعلاقة لي به من ناحية المواطنة.
والناس البتكلموا لهذه القناة يستحقوا كل هذه السخرية لأنهم لم يناضلوا ولو بالصمت النبيل.
انت ماسمعت لن ولن ولن دي؟

Quote: يا وضاح قول سلمنا الزول دا خائن خيانة عظمى بهكذا تصريحات (مع إنو مافي خيانة أكثر و أعظم من فصل الجنوب)...يظل الزول دا بمثل نفسه فقط...و يجب ألا تعمم الإتهامات لجهة أو مجموعة قبلية بكاملها لست من شرق السودان لكني أهتف و بالصوت العالي: أهلنا في شرق السودان البجا سيظلون (البجا) مهما طال الزمن..ولن يكونوا أي شيء آخر.. وكذلك جميع سكان حلايب و شلاتين..سيظلوا مواطنين سودانيين في أرض محتلة و حلايب سودانية

السلام عليكم اخ زياد

يا اخى احنا .. اقل انتقاد لى موقف من مواقفنا .. نفسنا بقوم وبنحمر عيونا .. حتى ولو كان الانتقاد صحيح

العنوان حق البوست صحيح تمام وما فيه اى تجنى او عدم وطنية او او اوا او .... بالشغل الموجود فى الفيديو ده .. عشرة سنين زاتها كتيره ... اقل من كده وحا تلقى الناس بتتكلم مصرى
ويا اخى فى فيديوهات تانية برضو منشورة للقاءات زى دى .. بقولو برضو انهم مصرييين ...

والعنوان ما قال البجا فى شرق السودان
العنوان بتكلم عن حلايب وشلاتين

ولو قريت العنوان كويس ... بقول انهم حا يبقوا (البقا) ... باعتبار ما سيطلق عليهم فى الاعلام المصرى او .. فى اللهجه المصرية
سواء من السكان نفسهم او او من بقية المصرييين ... وده بحساب الامر الواقع ......

بكل تاكيد شخص .. او اتنين او ميه .. ما ممكن نقول انهم كل سكان حلايب وشلاتين
او انو ده موقف كل السكان

لكن ده ناقوس خطر ... لشكل التغييرات الممكن تحصل فى المنطقة .. واللى فعلا بدأت
الان السودان خسر حلايب وشلاتين جغرافيا بسبب التدخل العسكرى المصرى
ولن يعجز الاعلام المصرى والدولة المصرية فى الحصول على مرتزقه وبائعين ضمير زى الزول الاتكلم ده
لينسبوا المنطقة وسكانها لمصر ...

الدولة السودانية فى اضعف حالاتها
لذا يصبح التحدى الاكبر .. بيد السكان ....
هل (يصبحوا البقا) .. ولا يستمروا .. البجا ... فى حلايب وشلاتين
وده قدرهم .. والابتلاء والامتحان الوقع عليهم

فاما تنتصر(سودانيتهم) برغم سوء الحال
او تنتصر (مصرنتهم) بحساب الامر الواقع ... وفرضية ان مصر سوف تقدم لهم تنمية واستقرار افضل مما هم فيه الان .. او عندما كانوا تحت الادارة السودانية


او يبقى الخيار .. الشبه مستحيل
ان تنهض الدولة السودانية من وهدتها وضعفها .. وتمزقها .. وتستطيع ان تعيد للمنطقة أمنها واستقرارها .. وسودانيتها

الاخ الدكتور بلة
غضبك من المتحدثين فى الفيديو ديل واضح جدا انو اكتر من غضبك على حكومة السجم الفي السوداني دي (ده اذا افترضنا انك فعلا غضبان منها فى الاصل)

Quote: هذه التريقة ليست على هؤلاء فقط, بل عليهم وعلى الحكومة بمعنى إن لم تلحقهم سيصيروا مصريين وحراس للبوابة الجنوبية بفعل ماتفعله مصر حثيثا لتمصيرهم وماتجده من أعيانهم من موافقة على مثل هذه القنوات.

وواضح جدا من خلال كل تعليقاتك الاخيرة انك ما بتتريق على الحكومة لا بتتريق من المتحدثين فى الفيديو وموقفك رمادي زي موقف حكومة البشير من قضية حلايب نفسها.

منتظر من المساكين ديل يعملوا شنو يعني؟ يحاربوا مثلا؟
ياخ الناس ديل فضل فيهم شنو ؟؟؟ كيف تحكم يا دكتور ؟؟
كمان وبالواضح تقول بتريق فى حديثهم ياخ اقلها قل عندما سمعت حديثهم لم اشعر بشئ
كان ممكن تتبلع شويه.
الحاصل شنو ؟ الناس اصبحوا ما عارفين يغضبوا من منو ويحزنوا لمنو ودي والله مصيبة كبيرة فى حد ذاتها.


السنجك

السنجك

شاهد الله حاولت أرد على مداخلتك لكن للأسف لم أجد مايستحق الرد..

بلة

ياهو اللون الرمادي المتوقع منك والله

السنجك
لاتبغبغ

بلة
رأي سلبي فى المجمل وغير مستغرب.