شكر وتقدير وامتنان لكل من شاركني فرحتي بزواجي

الحمد لله من قبل ومن بعد
ومن لا يشكر الناس لا يشكر الله
اتوجه بالشكر والتقدير والامتنان لكل الاخوة الزملاء والاصدقاء في سودانيزاونلاين الذين شاركوني فرحتي بزواجي وأخص بالشكر بورداب الخرطوم بقيادة الحبيب تكعيب العوض المسلمي وجميع الاخوة الذين لبو دعوتي كما اشكر كل من خط يراعه كلمة في حقي وتهنئتي واشكر كل من هاتفني من داخل وخارج السودان وانشاء الله نردها ليكم في السمح

الاف التباريك

تسلم حبيبنا الراقي الموصلي

ألف مبروك وحقنا عايزنو حوليه في السماية إن شاء الله ..

شكرا يا عبد الوهاب المليك يا قريبي وليك علي حولية جعلية كمان

ألأخ/بكرى..ألف مبروك الزواج وإن شاءالله بيت مال وعيال والسعادة..

كنت فى الخرطوم يوم زواجك وعقدت النية أن أمرك وأمر ألأخ/مورتا الذى كان عريساً معك فى نفس اليوم..وإتصلت بالعوض المسلمى الله يجزيهو خير وكان فى مناسبتك على أن يوصلك التهانى ولقربى لك من محل سكنى فكرت أذهب لمورتا وأجى مارى عليك لكن ضيق زمنكم وتحديد المناسبة لحداشر دى والله حاجة صعبة خلاص ..سامحنا وإن شاء الله مردودة فى السماية.

تحياتى للجميع.

تسلم يا اسماعيل عباس وما بتقصر والله شكرا كتير

الفاضل بكري الخير

الف مبروك وبيت مال و عيال باذن الله.

ومعك نشكر كل الاعزاء الذين كانوا الي جانبك ذلك اليوم.

ألف مبروك
وربنا يكتب لكم السعادة

مبروك مرة تانية
لكن حبينا نسألك
أها مابقيتو تلاتة؟ ههههه

مبروك بكري الخير يا وجه الخير وبيت مال وعيال ورحمة وطمانينة وسكينة ومودة ورحمة

الاحباب
تراجي مصطفي
خالد المنسي
بله موسي
صديق رحمة



لكم مني كل الشكر والتقدير والود والاحترام

الحبيب بكري الخير..
سلامات ..
الاف التهاني والتبريكات..
كان بودنا نكون حاضرين..
بس الله ما كتب..
بيت مال وعيال وجمع بينكما رب العالمين على خير..
(الرباطابي)..

الحبيب بكري الخير..
سلامات ..
الاف التهاني والتبريكات..
كان بودنا نكون حاضرين..
بس الله ما كتب..
بيت مال وعيال وجمع بينكما رب العالمين على خير..
(الرباطابي)..

سلام بكري

الف مبروك الزواج وبيت مال وعيال