سؤال محيرني من فضلك؟

سؤال محيرني:
الحريق البقوم وبتم في دار فور دا كله ضد المواطن البسيط الذي ليس له لا في تور الحكومة ولا طحين المعارضة! فمن الذي يحرق هذه القرى .. قرى الذين لا حول لهم ولا قوة؟
الشئ الوحيد المتأكد منه أن جند الحكومة بمليشياتها.. وكل جند المعارضة بمسمياتها المختلفة الإثنان أجبن من أن يلتقيا وجهاً لوجه والتقاتل والحشاش يملأ شبكته. ولهذا من يجد فرصة في المساكين يحرق قراهم ويخرب ديمهم.
تحياتي

(العوج راي والعديل راي) .

كباشي كيفنك وعساك طيب
تعددت مراكز القوي في دارفور..
كل زول عندو حبت لاندكروزرات وكلاش عامل فيها وطنى والوطن يحترق تحت اقدامهم وهم يهللون..
تحياتى

سلامات
الكباشي ولد الصافي
الحريق البيتم في دارفور دا
طلب الرئيس عمر البشير
ولا إنت نسيت خطاب عمر البشير الشهير في الفاشر عاصمة إقليم دارفور في عام 2003 عندما قال أمام الحشد.
ما داير أسير ولا جريح دايرة نضيفة .
وألله يستر عليكم إحتمال بعد دارفور يكون أبوجبيهة والرشاد وأم برمبيطة

والله دي عوجة... وعمر البشير مشكلته شنو مع ناس القرى والسكان الآمنين؟
ليش ما يضرب الناس البضاربوه ويخلي المساكين في حالهم؟
الكلام دا ما وقع لي .. إلا عمر البشير يشرحه لينا عشان نفهم أصلوا الفهم قسمة ونصيب.
ولمن ناس دار فور كلهم يموتوا تراب دار فور بلا ناس بسوا بيه شنو؟
تحياتي

(العوج راي والعديل راي) .