Post: #1 Title: ماذا لو عملنا اتحاد كونفدرالي مع الشقيقة اثيوبيا - يوجد فيديو Author: خالد المبارك Date: 03-28-2014, 07:40 PM Parent: #0
الشعب الاثيوبي الشقيق له تاريخ مشترك و مستقبل مشترك معنا و هم اقرب الشعوب على الاطلاق لنا - دون منازع - و السودان دولة ذات فضاء واسع و ارض حدادي مدادي تحتاج لبشر يسكنوها و يستخرجو كنوزها و يفلحوها و السودان ده فاضي عديييل و محتاج ناس ، كما ان الشقيقة اثيوبيا بها ما بها من موارد و كوادر و ايدي عاملة و منابع النيل و ثروات خرافية و سنشكل قوة عظمى في منطقة القرن الافريقي ، و سيبك من ناس ( هههه دا انتو و احنا يا سودانيين اخوات ، طب و الله العظيم احنا ولاد النيل )
هل يمكن ان تكون هذه الاغنية عربون اتحاد كونفدرالي مع الاثيوبيين ؟ ده اصلا لو رضو بينا !!! مع انهم متوافقون جدا مع السودان و يشعرون و كأنهم في وطنهم
Post: #2 Title: Re: ماذا لو عملنا اتحاد كونفدرالي مع الشقيقة اثيوبيا Author: Ali Abdalla Hassan Date: 03-28-2014, 07:46 PM Parent: #1
التفكير الإسلاموي عند السودانيين هو الذي سوف ينسف أي فكرة للإتحاد مع الشقيقة إثيوبيا ..
Post: #3 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد المبارك Date: 03-28-2014, 07:50 PM Parent: #1
محترفي سودانيز اونلاين هلا تكرمتم برفع الفيديو لانو الحكاية معقدة شوية و الفلم كلو في الفيديو ده لانو بدونو ما حيكون في نكهة للبوست و شكرا
Post: #4 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد المبارك Date: 03-28-2014, 08:07 PM
Quote: التفكير الإسلاموي عند السودانيين هو الذي سوف ينسف أي فكرة للإتحاد مع الشقيقة إثيوبيا ..
هلا اخونا على اعتقد بعد الحصار و التجويع الشافتو حكومة الانقاذ دي تاني الله اعلم تفكر في طرح مشروع اسلامي بالمعنى الصريح هسي انتا شايف اليومين ديل في واحد جايب سيرة الشريعة ؟
Post: #5 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد المبارك Date: 03-28-2014, 08:43 PM Parent: #4
أتمنى الا يطول عمر ايام فراقنا
Post: #6 Title: Re: ماذا لو عملنا اتحاد كونفدرالي مع الشقيقة اثيوبيا Author: نادر الفضلى Date: 03-28-2014, 08:54 PM Parent: #5
الأخ خالد تحية طيبة
لننجض الوحدة الداخلية أولاً والباقى هين
Post: #7 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد المبارك Date: 03-28-2014, 10:11 PM Parent: #6
هلا و منور اخونا الفضلي
توحيد الجبهة الداخلية يحتاج الى انعاش الاقتصاد و و تحريك الجمود الملازم للاقتصاد السوداني و هذا برايي يأتي من التوسع الافقي في الانتاج و الحبش ديل لو جوا حا يزرعو الارض دي كلها هم لاقين اراضي وين بالاضافة لتقليل تكلفة الانتاج لوجود العمالة و الاضافة النوعية من خلال التعاون مع الكوادر الاثيوبية في كافة المجالات وبسبب انفتاحهم على اوروبا و امريكا بصورة اكبر من السودان و اهم شي الكهرباء التي تشير الارقام الى ان السودان سيكتفي منها في حالة اكمال سد النهضة و الاهم هو حماية منابع الانهار الصغيرة في الشرق ونهر النيل الازرق شريان الحياة بالنسبة للسودان من عبث اسرائيل و اطماع الدول الاستعمارية فالحرب القادمة هي حرب المياة الا تعتقد بأن هذه فكرة استراتيجية ..... متى يكون عندنا فكر استراتيجي ؟؟؟؟؟
Post: #8 Title: Re: ماذا لو عملنا اتحاد كونفدرالي مع الشقيقة اثيوبيا Author: حسن ادم محمد العالم Date: 03-29-2014, 10:48 AM Parent: #7
الاخ خالد المبارك تحياتي فالشقيقة اثبوبيا قطعا شوطا طويلا في منظومة بناء الدولة الحديثة فاثبوبيا هي دولة التعايش بين المسحية والاسلام وهي بلد القوميات حيث الامهرا والتقرانجا والارمو والقراغي والولو والوليتا والقائمة تطول ولكن ما يدهشك هو الانصهار في بوتقة واحدة تسمي اثبوبيا فحيمنا تذهب الي مناطق قامبيلا الحدودية لدولة جنوب السودان تلاحظ التعايش بين قوميات القمبيلا والقوميات الاثبوبية الاخري والانصهار فالجميع ياكلون الانجيرا ويقرصون الكاسكسي وهي رقصة اثبوبيا وبالتالي تكون الوجدان المشترك لهذا الشعب فحتي حينما تذهب الي المقاهي والمراقص الليلية حيث التراث الاثبوبي الذي لايستثني قومية وهذا مافشلنا فيه نحن مع الاخوة في دولة جنوب السودان فحتي في منبرك هذا سودانيز اون لاين لاتستطيع ان تكون اتحادا فدراليا حيث يعج بالخطاب العنصري واقصاء الاخر فاثبوبيا الان دولة معافة لا تقبل باصحاب العاهات والامراض الاجتماعية ليكونوا معاها اتحاد فدراليا اخي خالد هنالك الكثير مما يجعل دعوتك تدخل في دائرة التمني حيث ان اثيوبيا دولة للجميغ والدين مكانه المساجد والكنائس فهل نقبل بهذا اثبوبيا متصالحه مع الجميع بما فيهم اسرائيل وانت تحدثت عن العبث الاسرائيلي بمنابع النيل اثبوبيا هي البلاد المفتوحة للجميع حيث كل شي متاح النساء والخمر التي يشربه الجميع بما فيهم المسلمين حيث يشربون البيرة بدون كحول فهل نقبل في اتحادنا الفيدرالي بذلك حبينا خالد نحن احوج ما نكون لتغير نمط تفكيرنا والفبول بالاخر والانفتاح علي الجميع بعدها يمكن ان نكون اتحادا فيدراليا مع اسرائيل
Post: #9 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد المبارك Date: 03-29-2014, 12:31 PM Parent: #8
اخونا محمد العالم لك التحية اولا احييك على المعلومات الضافية و التي تنبئ بأنك ضليع في هذا الشأن فعلا فان كل ما ذكرته يمثل حجر عثرة في مسألة الاتحاد و لكن بقليل من الجهد اعتقد يمكن تجاوز هذه العقبات فمسالة الانفتاح هذه و المراقص و غيرها يمكن ان تكون محصورة في اثيوبيا دون انتقالها الى السودان فلكل دولة دستورها و تشريعاتها مع التركيز على التعاون الاقتصادي و العسكري و احترام سيادة البلدين ، و لعل هذا المثال موجود في الولايات المتحدة الاميريكية اذ تحتفظ بعض الولايات بتشريعاتها الخاصة رغم تعاونها التام مع المنظومة الاتحادية في تنسيق تام . و يمكن التركيز على النقاط المشتركة في الاقتصاد و القوة العسكرية و لعمري هذا هو المبتغى بجانب سحب البساط من امام الدول الاستعمارية ذات المصالح الخاصة ، فالضعف الملازم لمنطقة القرن الافريقي ظل يهدد امن و مستقبل المنطقة و يعرضها للصراعات التي تهلك الحرث و النسل و المهدد الحقيقي في رأيي سيكون هو اسرائيل فبعد ان وطأت اقدامها القرن الافريقي متمثلة في مشروع سد النهضة اعتقد بانها لن تقبل بتواجد عربي او كما يعتقد - و ستعمل بجدية على عدم تحقيق هذا المشروع مما يجعل هذا المشروع في دائرة التمني كما اسلفت !!
Post: #10 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد علي محجوب المنسي Date: 03-29-2014, 02:12 PM Parent: #9
يا زول بجنك الحريم هسي يورنّك المَكشّا البلا بصلة مالك داير تضيعن !!!! هو كدا السودانيين روحم وحياتم حبش ولبش ولحم الديك الحبشي يوم رأس السنة بنقدر علي الكدايس البتنفض في الشولات دي
Post: #11 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد علي محجوب المنسي Date: 03-29-2014, 02:28 PM Parent: #10
وعمل على تحقيق الكونفدرلية أخونا وعضو المنبر عثمان ود موسى
( حفل زواج عثمان وحضور من البورداب .. ود المرتضى .. ود شيقوق واخرين وأظن بكري ذاتو كان حاضر شايف لي واحد بشبهو .. ) العريس جا ساير من بلاد الفرنج أمريكا وشايل الدولار ( ابوالجورج )
Post: #12 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد المبارك Date: 03-29-2014, 05:38 PM Parent: #11
مرحب خالد المنسي
بالعكس هن زاتن بلقن موارد بشرية اضافية و فرص زواج جديدة بدل الكروت المحروقة الماعايزة تتزوج دي يا ابوي دي طاقات متجددة على كافة الاصعدة ..... بس هو اليجي !!
شكرا لتزيينك حائطي بهذه الابداعات
Post: #13 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد علي محجوب المنسي Date: 03-29-2014, 07:14 PM Parent: #12
Quote: مرحب خالد المنسي
بالعكس هن زاتن بلقن موارد بشرية اضافية و فرص زواج جديدة بدل الكروت المحروقة الماعايزة تتزوج دي يا ابوي دي طاقات متجددة على كافة الاصعدة ..... بس هو اليجي !!
شكرا لتزيينك حائطي بهذه الابداعات
ههههههههههههههههه ضحكتني بموارد بشرية أضافية هههههههههه الفرص الداخلية بقوا يحتو العندهم في صالة الحفل ويصفق يدي ههههههههههههههه القفة ( الملاح ) تاني يوم في حق الله أخير الجداد والجديد شديد غايتو شوف لينا دمج مع الكونفودرالية دي دمج هنا وهناك عشان يكون ياهو الكوراك
غايتو الفي الفيديو دول دعموا لينا بيهم شندي عشان نقابلهم جنب ركن دكان ود العطا
Post: #14 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد المبارك Date: 03-31-2014, 02:03 AM Parent: #13
Post: #15 Title: Re: ماذا لو عملنا اتحاد كونفدرالي مع الشقيقة اثيوبيا Author: Bashasha Date: 03-31-2014, 03:05 AM Parent: #14
Quote: التفكير الإسلاموي عند السودانيين هو الذي سوف ينسف أي فكرة للإتحاد مع الشقيقة إثيوبيا ..
بزمتكم شوفو المخلوق ده بفكر كيف؟
هو روحو مضطهد في بلدو او بعد ده دي طريقة تفكيرو. البفقع المرارة هو حشر مفردة اسلام هنا، وتغليف الاستعلاء بي لفافة الاسلام!
شئ مدهش حقيقة ان يكون اسلام هؤلاء الوافد والاجنبي عقيدة استعلاء نازية!
اها انتا هسي في السودان، سوداني في عيون امثال البشير؟
حولا ولا قوة!
Post: #16 Title: Re: ماذا لو عملنا اتحاد كونفدرالي مع الشقيقة اثيوبيا Author: محمد فضل الله المكى Date: 03-31-2014, 05:47 AM Parent: #15
Quote: ( حفل زواج عثمان وحضور من البورداب .. ود المرتضى .. ود شيقوق واخرين
بسسسسسسسسسسسس خلاس
وانا أقول ودشيقوق دا ليهو شهرين مختفي مالو ؟؟؟؟
Post: #17 Title: Re: ماذا لو عملنا اتحاد كونفدرالي مع الشقيقة اثيوبيا Author: خالد علي محجوب المنسي Date: 03-31-2014, 02:15 PM Parent: #16
Quote: بسسسسسسسسسسسس خلاس
وانا أقول ودشيقوق دا ليهو شهرين مختفي مالو ؟؟؟؟
ههههههههههههههههه زولك راتع زي تـ يـ س حاجة مدين يأكل ويتردّق في الهضبو الأثيوبية لقى الهوا ويضري هييييييييييييييييع جبت ليك خبرو رقدوا وجرو وخلوني ما كلموني .. علّا أنقح طارم
Post: #18 Title: Re: ماذا لو عملنا اتحاد كونفدرالي مع الشقيقة اثيوبيا - يوجد فيديو Author: Yahya Osman Date: 03-31-2014, 02:49 PM Parent: #1
الحبيب خالد
فات الأوان والانكتب على جبينا الليله بان يجئ هذا الطرح متأخرا ربع قرن من الزمان الان اثيوبيا تفكر مليون مرة في امر هكذا والاجابة قطعا لا اعود مفسرا
Post: #20 Title: Re: ماذا لو عملنا اتحاد كونفدرالي مع الشقيقة اثيوبيا - يوجد فيديو Author: خالد علي محجوب المنسي Date: 03-31-2014, 03:08 PM Parent: #18
Quote: فات الأوان والانكتب على جبينا الليله بان يجئ هذا الطرح متأخرا ربع قرن من الزمان الان اثيوبيا تفكر مليون مرة في امر هكذا والاجابة قطعا لا اعود مفسرا
صُح كلامك زمان كان جمال صبايا مع فقر لكن الآن جمال صبايا أجسادهنَّ مثل تماثيل الأبنوس ويزيد اللدانة الجمال نضرة جمال طبيعة وهضبة يكون فيها الطقس طوال السنة معتدل درجة حرارة 20 إلى 25 درجة مئوية اقتصاد ماشي للأمام مؤسسات دولة مكتملة وقائمة بواجبها تمام التمام والدليل بحلو لنا في مشاكلنا العالقة مستضفين لوفودنا المتناحرة فوق حفنة قروش بترول بشيلو بجردل عشان يبيعوا وبلد اصبح جاذب للسياحة بدرجة كبيرة وهذا يؤكد الامان فيه اكثر من دول أفريقيا الاخرى وحاجات تانية منانعني الحياء قولها هههههههههه
Post: #19 Title: Re: ماذا لو عملنا اتحاد كونفدرالي مع الشقيقة اثيوبيا - يوجد فيديو Author: يوسف محمود Date: 03-31-2014, 03:02 PM Parent: #1
ياخالد زكرتنى قصة واحد يشبهك شديد في اسمرا قالو جاب لورى بصل وباعو وانكسر بى غادى المهم زولك يوميا عايش جو مختلف عن الاول يوم جو ماطر ومطرتهم المتبرجة كما يقولون موية حنينية نقاط لاتشقق ولاتبقق المطرة زى الكريم في البشرة اها زول ماقدر يتحمل الجو ده وخشى في (قلة كاربة)وشفط لامن بقى يسوى كده (هييق- هييق- هييق)ويمسح في الشنيبات وداير يعرض بس مالاقى لو دلوكة المهم..ويعاين كانو في حلم حاجات جاية حاجات ماشة.....ست البار زولة لذيذة تونسو وشنو وشنو والناس منبسطة 24 قيراط زول وقف على حيلو وقاليهم (هوووى ياناس هووووى ياناس على بالطلالاق لو عارفين (هيييق)بلدكم دى سمحة كدى كان) حررناها ليكن زومااااااان زوماااان ...(هييق )..القاعدين عرب على عجم حتى الخواجات قالو لمن ترجمو لهم كلامو انشرطو ضحك