Post: #1 Title: هل من حق المتداخل في بوستات غيره تعديل عنوان البوست؟! Author: الامين موسى البشاري Date: 03-26-2014, 08:50 AM
كحق نعم وبكل تأكيد ...
كيف؟!
Post: #2 Title: Re: هل من حق المتداخل في بوستات غيره تعديل عنوان البوست؟! Author: الامين موسى البشاري Date: 03-26-2014, 08:57 AM Parent: #1
خاصية تعديل عناوين البوستات كانت عند بكري ومشرفي البورد وبعد عدة شكاوي وتذمر اتاح بكري الخاصية دون تقييد أو تحديد فاصبح من حق الجميع تعديل عنوان البوست وفي أي مرحلة من مراحل البوست لا توجد مادة في قوانين المنبر تمنع هذا التعديل ... وفي نفس الوقت لا توجد قيود تقنية تمنع غير صاحب البوست من تعديل العنوان
يتبع ..... يا عملات طلحة
Post: #4 Title: Re: هل من حق المتداخل في بوستات غيره تعديل عنوان البوست؟! Author: الامين موسى البشاري Date: 03-26-2014, 09:01 AM Parent: #2
يبقى المسألة عائمة وغير محددة المداخلة بالكامل هي ملك لصاحب المداخلة بما فيها العنوان يبقى التزام المتداخلين بعنوان البوست الذي افترعه صاحب البوست هو في النهاية التزام ادبي فقط بحسب العرف الجاري في المنتديات وقد يغير احد المتداخلين عنوان البوست في مرحلة من المراحل بما يتوافق مع وجهة نظره وهي حرية اتاحها له بكري .. والاصل في الاشياء الاباحة لا المنع ..
Post: #15 Title: Re: هل من حق المتداخل في بوستات غيره تعديل عنوان البوست؟! Author: فرح الطاهر ابو روضة Date: 03-26-2014, 09:41 AM Parent: #4
Quote: يبقى المسألة عائمة وغير محددة المداخلة بالكامل هي ملك لصاحب المداخلة بما فيها العنوان يبقى التزام المتداخلين بعنوان البوست الذي افترعه صاحب البوست هو في النهاية التزام ادبي فقط بحسب العرف الجاري في المنتديات وقد يغير احد المتداخلين عنوان البوست في مرحلة من المراحل بما يتوافق مع وجهة نظره وهي حرية اتاحها له بكري .. والاصل في الاشياء الاباحة لا المنع .
Post: #17 Title: Re: هل من حق المتداخل في بوستات غيره تعديل عنوان البوست؟! Author: الامين موسى البشاري Date: 03-26-2014, 10:17 AM Parent: #15
ابو روضة يا وهيييييييييييط
غايتو خضر الطيب مفروض يضبح قعوووووووووود عدييييييل بالمناسبة دي والله صحي ()
Post: #18 Title: Re: ليس حق المتداخل في بوستات غيره تعديل عنوان البوست؟! Author: امجد الجميعابى Date: 03-26-2014, 10:18 AM Parent: #4
كدي النجرب
تحياتي يا البشاري
Post: #20 Title: Reأنتو عرشتو بهناك و لا شنو؟ Author: امجد الجميعابى Date: 03-26-2014, 10:22 AM Parent: #18
؟
Post: #29 Title: Re: Reأنتو عرشتو بهناك و لا شنو؟ Author: الامين موسى البشاري Date: 03-26-2014, 10:57 AM Parent: #20
معليش يا جماعة ورانا ضحض وعرش وسقف وعشان بكري محدد المداخلات حأرد ليكم جماعي
Quote: أنتو عرشتو بهناك و لا شنو؟
هههههههههههههه نعرش شنو يا زول والله حدنا كأس العالم في قطر قال نعرش قال هسي ناس علي فكي شغالين في السباكة وتمديدات الكهرباء ههههههه
كن كما تحب يا حبيب
____
الريالابي عبد اللطيف بكري
البرغوث رشانا الله لا كسبو ياخ مشتاقين يا رجل ...
Quote: تجربة
ا
تجربة خطيرة جد واجتزتها .. ولسه واحشني والله صحي ()
Post: #55 Title: Re: هل من حق المتداخل في بوستات غيره تعديل عنوان البوست؟! Author: الصادق عز الدين Date: 03-27-2014, 12:05 PM Parent: #2
صاحب البوست أحسن من يضع عنوانا لبوسته لذلك يجب أن يحترم إختياره
Post: #56 Title: Re: هل من حق المتداخل في بوستات غيره تعديل عنوان البوست؟! Author: الامين موسى البشاري Date: 03-27-2014, 12:17 PM Parent: #55
Quote: صاحب البوست أحسن من يضع عنوانا لبوسته لذلك يجب أن يحترم إختياره
لم تنزع هذا الحق احد من صاحب البوست عنوان البوست الاصلي لا يستطيع احد التعديل عليه
وفي نفس الوقت لاتنتزع حقوق الآخرين التي منحها لهم النظام وبكري والله صحي :)
Post: #3 Title: Re: من حقي اختيار عنوان لمداخلتي بما يتفق معها .. Author: محمد حيدر المشرف Date: 03-26-2014, 08:59 AM Parent: #1
والشاهد في الامر اتاحته من قبل ادارة المنبر يا الامين .. والشاهد كذلك .. منطق الاشياء .. وليس في ذلك اي تعدي على ايا كان .. هذه مداخلتي .. وهذا هو عنوانها تحديدا .. والذي -بدروره- لم يغير شيئا من العنوان الرئيسي ..
Post: #5 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 09:04 AM Parent: #3
Quote: والشاهد في الامر اتاحته من قبل ادارة المنبر يا الامين .. والشاهد كذلك .. منطق الاشياء .. وليس في ذلك اي تعدي على ايا كان .. هذه مداخلتي .. وهذا هو عنوانها تحديدا .. والذي -بدروره- لم يغير شيئا من العنوان الرئيسي ..
حقك ونص يا دكتور .. وحق اصيل ينبغي أن لاينازعك فيه أحد بامر ادارة المنبر
والما عاجبو يشرب من البحر ... والله صحي :) ادارة المنبر وقوانينه هي المرجعية هنا وليست أهواء الناس
تحياتي يا دكتور
Post: #6 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 09:10 AM Parent: #5
الما عاجبو يمشي يشتكي لبكري ... أو يتقبل الأمر كما هو طالما المتداخل لا يستطيع التعديل على مداخلتك this is Sudaneseonline
love it or leave it
أي سؤال؟!
Post: #9 Title: Re: من حقي اختيار عنوان لمداخلتي بما يتفق معها .. Author: محمد عبد الله الامين Date: 03-26-2014, 09:18 AM Parent: #6
في مثل شامي بقول ... يا غريب كن أديب ياخ الواحد لما يمشي بيت ناس ريموت التلفزيون ده ما بقرب منوو كمان تقوم و تعدل وتغير اماكن (العفش ) امشي اعمل بوست وغير وعدل على كيفك ... أنا ضد تعديل عنوان البوست الا لصاحب البوست وتقبل تحياتي اخ الامين ...
Post: #14 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 09:40 AM Parent: #9
Quote: امشي اعمل بوست وغير وعدل على كيفك ... أنا ضد تعديل عنوان البوست الا لصاحب البوست وتقبل تحياتي اخ الامين ...
محمد عبد الله
تحياتي .. انا اتكلم عن حقوق وليس التزامات ادبية واخلاقية من حقك تعديل العناون واخذ الريموت كمان هههههههههههههه البيت بيتك يا حبيب
نرجع للموضوع قلت فوق انو ممكن كالتزام ادبي ان لا تعدل عنوان البوست لأن المداخلة حقتك وانت حر فيها .. سيظل عنوان البوست الاصلي موجودا من ناحية قانونية ليس هناك ما يمنع من هذا الاجراء واحترم رأيك جدا
ودي
Post: #7 Title: Re: من حقي اختيار عنوان لمداخلتي بما يتفق معها .. Author: محمد حيدر المشرف Date: 03-26-2014, 09:13 AM Parent: #5
في هذا المنبر يا عزيزي .. سيقايس الناس مواقفهم بناءً على لحظتهم الراهنة .. ومن ضد من .. واين هم من من و من من خخخخخخ .. اها وبعد ما يحدد رايو بدقة شديدة .. بعداااك حيجي يحشد الاسانيد حشرا كي يستقيم منطق الذي يهوون :)
وقيل كمان سيختمون المسألة بالتصايح حول المعيار .. هههههههههههههههه
Post: #11 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 09:24 AM Parent: #7
من يمتلك قانونا صريحاً يمنع التعديل في العناوين فليأتي به هنا لكي يتم مناقشته وننتهي من المسألة دي وما نرهق المنبر بالكابشرات اقترح تفريغ الدار الوطنية للكابشرات هههههههههههه في هذا المنبر من كابشرات تعديل عناوين البوستات ..
تعديل العنوان هو حق مكفول لكل عضو هنا بنص القانون المنبري وكل من يمتلك باسويرد عامل وشغال تش يستطيع تعديل العناوين متى شاء ووقت ما يشاء وليس هناك أية قيود على هذه المسألة ... والمسألة اصلا ليست مضرة طالما عنوان البوست الاصلي سيكون موجوداً حق التعبير مكفول للجميع والمعترضين ممكن يعملوا مظاهرة سليمة ويسلموا بكري مذكرة عشان يلغي الخاصية دي ..
والله من وراء القصد وهو الهادي الى سواء السبيل
Post: #19 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 10:19 AM Parent: #7
Quote: اها وبعد ما يحدد رايو بدقة شديدة .. بعداااك حيجي يحشد الاسانيد حشرا كي يستقيم منطق الذي يهوون :)
وقيل كمان سيختمون المسألة بالتصايح حول المعيار .. هههههههههههههههه
بعد انهيار المعايير يا دكتور اصبحت المرجعية هي المنبر وقوانينه
عايزين ننتهي في المسألة دي ونشوف غيرها .. والله صحي :)
Post: #8 Title: Re: من حقي اختيار عنوان لمداخلتي بما يتفق معها .. Author: هشام كمال عبادي Date: 03-26-2014, 09:14 AM Parent: #5
Quote: من حقي اختيار عنوان لمداخلتي بما يتفق معها ..
نعم اتفق معكم ان "من حقي اختيار عنوان لمداخلتي بما يتفق معها" ، واضيف "وبما لا يخل بالعنوان الأساسي" لصاحب البوست ..
شكرا ود البشاري .. شكرا ود المشرف ..
Post: #10 Title: أكييد..طبعا" Author: عثمان الأمام Date: 03-26-2014, 09:22 AM Parent: #8
كل الحصل إنى عملت عنوان لى مداخلتى أنا فقط وممكن كمان أضيف للمداخلة إيقونة مختلفة حسب نمط المداخلة ولا يؤثر هذا فى عنوان البوست أو المداخلات الأخرى.
Post: #23 Title: Re: أكييد..طبعاandquot; Author: الامين موسى البشاري Date: 03-26-2014, 10:41 AM Parent: #10
Quote: كل الحصل إنى عملت عنوان لى مداخلتى أنا فقط وممكن كمان أضيف للمداخلة إيقونة مختلفة حسب نمط المداخلة ولا يؤثر هذا فى عنوان البوست أو المداخلات الأخرى.
حقك يا عثمان
غير عدل وبدل واعمل الدايرو .. على فكره كان ممكن ما تكتب حاجة وتعديل العنوان بس ممكن يعتبر رد
تحياتي يا ملك
Post: #12 Title: Re: من حقي اختيار عنوان لمداخلتي بما يتفق معها .. Author: ود الخليفه Date: 03-26-2014, 09:25 AM Parent: #8
السلام عليكم
انت لا تفرق بين عنوان البوست الرئيس الذي يظهر في المنبر العام
وبين عناوين المداخلات داخل البوست
الاولى لا يتاح لاي شخص التعديل فيها الا لمبتدر البوست او الادمن
اما عناوين المداخلات فهي ملك لصاحبها ويمكن للادمن ان يغير فيها
عرفا في هذا البورد يحترم الناس صاحب العنوان مبتدر البوست
ولا يغير الا مناكفة لان هناك متسع للخلاف في المداخلات
Post: #13 Title: Re: من حقي اختيار عنوان لمداخلتي بما يتفق معها .. Author: فيصل محمد خليل Date: 03-26-2014, 09:31 AM Parent: #12
الخاصية دي موجودة من زمن حفروا البحر الجديد هو تغير العنوان الخارجي وهذا يحق فقط لصاحب البوست . جوا تغير ذي ما عاوز ما دي مساحتك . البعديك لو عاوز يرجع العنوان الاصلي . انتهى
Post: #16 Title: Re: من حقي اختيار عنوان لمداخلتي بما يتفق معها .. Author: ابو جهينة Date: 03-26-2014, 09:47 AM Parent: #13
نرجع للموضوع قلت فوق انو ممكن كالتزام ادبي ان لا تعدل عنوان البوست لأن المداخلة حقتك وانت حر فيها .. سيظل عنوان البوست الاصلي موجودا من ناحية قانونية ليس هناك ما يمنع من هذا الاجراء واحترم رأيك جدا
****
تمام سلام يا البشاري
Post: #27 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 10:50 AM Parent: #16
Quote: تمام سلام يا البشاري
والله انت التمام يا ريس .. ثم اننا مشتاقين ياخ!
Post: #26 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 10:47 AM Parent: #13
Quote: الخاصية دي موجودة من زمن حفروا البحر الجديد هو تغير العنوان الخارجي وهذا يحق فقط لصاحب البوست . جوا تغير ذي ما عاوز ما دي مساحتك . البعديك لو عاوز يرجع العنوان الاصلي . انتهى
فيسل محمد هليل
تحياتي يا حبوب والموضوع منتهي من زمان عنوان البوست الاصلي لا يتأثر والمدالخة حقتك بالكامل اعمل فيها ما تشتهي ...
ودي
Post: #24 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 10:45 AM Parent: #12
ود الخليفة يا حبوب
Quote: عرفا في هذا البورد يحترم الناس صاحب العنوان مبتدر البوست
ولا يغير الا مناكفة لان هناك متسع للخلاف في المداخلات
هسي في زول عدل عنوان البوست دا وناكفني مثلاً الرك يا ود الخليفة على الاستخدام وفي حاجات كتيرة ممكن تستخدمها للخير وفي نفس الوقت للشر ....
ابقى طيب ورانا (ضحض) ماشين نشوفه
Post: #21 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 10:31 AM Parent: #8
Quote: نعم اتفق معكم ان "من حقي اختيار عنوان لمداخلتي بما يتفق معها" ، واضيف "وبما لا يخل بالعنوان الأساسي" لصاحب البوست ..
شكرا ود البشاري .. شكرا ود المشرف ..
تمام هشام كمال والموضوع بسيط فتك بعافية ورانا سقف وعرش ودهان وتبيض بهناك ههههههههه
ودي الذي تعلم
Post: #22 Title: Re: من حقي اختيار عنوان لمداخلتي بما يتفق معها .. Author: عزام حسن فرح Date: 03-26-2014, 10:39 AM Parent: #21
Quote: وبعد عدة شكاوي وتذمر اتاح بكري الخاصية دون تقييد أو تحديد فاصبح من حق الجميع تعديل عنوان البوست وفي أي مرحلة من مراحل البوست لا توجد مادة في قوانين المنبر تمنع هذا التعديل ...
يعني بقى ليك بكري وحده لا شريك له هو البقرِر ليك المنع والمنح! وإنت تتبع ساااااي شكيتك على الله
ما مِن حقك تغَيِر عِنوان عمود أنا نجرتو.. إنت حقك في عمودي بِكون في حَيِز مُسْتطيل الرد بس..
قال بكري قال، تصنعو في فِرْعَون وبعدين تكوركو
Post: #32 Title: Re: من حقي اختيار عنوان لمداخلتي بما يتفق معها .. Author: الامين موسى البشاري Date: 03-26-2014, 11:00 AM Parent: #22
عزام حسن فرح
وعليكم السلام ورحمة الله وبركاته
Quote: ما مِن حقك تغَيِر عِنوان عمود أنا نجرتو.. إنت حقك في عمودي بِكون في حَيِز مُسْتطيل الرد بس..
قال بكري قال، تصنعو في فِرْعَون وبعدين تكوركو
يا عزام قول بسم الله واتعوذ من الشيطان عنوان عمود قاااعد في فجاتو وماف زول بقدر يغيروا .. والله صحي :) لكن المداخلة حقتي أنا حر فيها اغير عنوانها واعمل فيها السبعة وذمتها
كن بخير
Post: #25 Title: تجربة Author: عبد اللطيف بكري أحمد Date: 03-26-2014, 10:47 AM Parent: #1
تجربة بس ،،
والله صحي
ا
Post: #28 Title: Re: تجربة Author: عبد اللطيف بكري أحمد Date: 03-26-2014, 10:53 AM Parent: #25
عموماً لا يتغير العنوان الرئيس للبوست ، وانما المداخلة،،
اللهم إلا إن كانت للبعض بعضاً من مزايا إضافية ،،
أو دخولهم يكون من لابتوب بلة الغائب،،
Post: #31 Title: بوست عسل Author: معاوية عبيد الصائم Date: 03-26-2014, 10:59 AM Parent: #28
الاسم .معاوية بن عبيد بن عثمان ال الصائم القرية . ام الطيور سيتى الهواية ...تعديل عنوان البوستات خاصتى
شكرا لصاحب البوست والضيوف ..
معاى ..خالى ممكن يشارك
Post: #34 Title: Re: بوست عسل Author: الامين موسى البشاري Date: 03-26-2014, 11:14 AM Parent: #31
Quote: معاى ..خالى ممكن يشارك
افووووووووو ودي عايزه كلام حرم تشارك انت ومعاك ام الطيور كلها
تحياتي لطيب الذكر جاد الله بنواحي ام الطيور سيتي
Post: #30 Title: Re: كلام فى السليم ياود البشارى ....!!! Author: ملهم كردفان Date: 03-26-2014, 10:59 AM Parent: #25
المسأله أدبيه وأخلاقيه بحته.... فقد يكون تغيير العنوان فى شكل إضافه ثره لما كتبه صاحب البوست او تحيه او تعضيد أو مناشده او تنويه وفى هذا محمده محببه اما ان يصب التغيير فى مصب مكروه كالنميمه او الشتم المباشر او الهمز واللمز او إثارة صاحب البوست بأى شكل من الأشكال فهذا امر مرفوض ومدان
لكم التحيه ياود البشارى وضيوفك الكرام
Post: #35 Title: Re: ما كلو كلام فى السليم ياود البشارى ....!!! Author: محمد هاشم ابوزيد Date: 03-26-2014, 11:26 AM Parent: #30
عثمان الامام
Quote: ولا يؤثر هذا فى عنوان البوست أو المداخلات الأخرى
كده عصرت علي اللمين البشاري شديد في بوستيه ده. تغيير عنوان المداخله يتعدي لعناوين المداخلات التاليه.
الالتزام الادبي تترك كل شي علي ماهو عليه واكتب ما يحلو لك بالداخل.
السؤال المهم، هي يمكن الوصول للبوست بواسطه عنوان المداخله مثل ما يحدث مع العنوان؟ تحياتي اللمين البشاري ، عرشتو بهناك ولا لسه.
Post: #33 Title: لا يسمح بتغيير عنوان البوست ؟! Author: محمد مجيدو Date: 03-26-2014, 11:12 AM Parent: #1
يا هندسه ...
المفروض المتداخل .. يخش في الموضوع طوالي .... وما يغير في عنوان البوست .. والجواب بجيب من عنوانو .... وزي ما بتقول عواطف جارتي صابون اصيل مافي زيو والالوان .....تحلف تقول قوز قزح ....
سلام البشاري وضيوفه واحدة من اشكاليات البورد التقنية لا يحق لك الرد دون عنوان , في حين انو العنوان اختياري للراد في معظم او كل المنتديات الاقتباس متخلف جدا الرد يلزمك بقفل كامل البوست اضف الكلمات المحظورة
Post: #37 Title: Re: Author: الامين موسى البشاري Date: 03-26-2014, 11:55 AM Parent: #36
Quote: المسأله أدبيه وأخلاقيه بحته.... فقد يكون تغيير العنوان فى شكل إضافه ثره لما كتبه صاحب البوست او تحيه او تعضيد أو مناشده او تنويه وفى هذا محمده محببه اما ان يصب التغيير فى مصب مكروه كالنميمه او الشتم المباشر او الهمز واللمز او إثارة صاحب البوست بأى شكل من الأشكال فهذا امر مرفوض ومدان
لكم التحيه ياود البشارى وضيوفك الكرام
ملهم كردفان
يا شفيف... انا اثبت انها هي حق وبعدين تتصرف فيها كيف دي راجعة للمتداخل العايز يشتم بشتم جوه البوست بلا وازع او رادع يا اخوي بعدين الله يديك ويدينا طولة العمر وتتعرف اكتر على البورد كتار دخلوا البورد دا اولاد ناس والقليل هو من حافظ مسيرته كما دخل
كن كما تشتهي
****
اخونا محمد هاشم
لا عصر علي ولا حاجة
Quote: السؤال المهم، هي يمكن الوصول للبوست بواسطه عنوان المداخله مثل ما يحدث مع العنوان؟ تحياتي اللمين البشاري ، عرشتو بهناك ولا لسه.
واحد من عيوب البورد التقنية مع الاسف .. والبورد عامل زي الجلابية جناح ام جكو فلو بحثته بالعنوان الاصلي بجيك وبالقلبة برضو بجيك .. والله صحي :)
ود الذي تعلم
_____
Quote: المفروض المتداخل .. يخش في الموضوع طوالي .... وما يغير في عنوان البوست .. والجواب بجيب من عنوانو .... وزي ما بتقول عواطف جارتي صابون اصيل مافي زيو والالوان .....تحلف تقول قوز قزح ....
اووووو مجيدو يا صاحب في الزمن الصعب واحد من نعم البوردات صداقتي معك ومع آخرين كثر أكن لهم كل التقدير ما الذي يضير صاحب البوست لو تم تغيير العنوان؟ العرف جرى ان صاحب البوست هو فقط من يتحكم فيه
تحياتي لك وللاسرة الكريمة
___
عبد الحفيظ ابو سن
تحياتي .. وانت واحد من الاضافات المميزة لهذا المكان
Quote: سلام البشاري وضيوفه واحدة من اشكاليات البورد التقنية لا يحق لك الرد دون عنوان , في حين انو العنوان اختياري للراد في معظم او كل المنتديات الاقتباس متخلف جدا الرد يلزمك بقفل كامل البوست اضف الكلمات المحظورة
بس مع الاسف سياسة ال Fair Play هنا معدومة في هذا البورد الزمن كفيل باضافة الكثير لك ولملهم كردفان
Quote: Quote: المسأله أدبيه وأخلاقيه بحته.... فقد يكون تغيير العنوان فى شكل إضافه ثره لما كتبه صاحب البوست او تحيه او تعضيد أو مناشده او تنويه وفى هذا محمده محببه اما ان يصب التغيير فى مصب مكروه كالنميمه او الشتم المباشر او الهمز واللمز او إثارة صاحب البوست بأى شكل من الأشكال فهذا امر مرفوض ومدان
لكم التحيه ياود البشارى وضيوفك الكرام
ملهم كردفان
يا شفيف... انا اثبت انها هي حق وبعدين تتصرف فيها كيف دي راجعة للمتداخل العايز يشتم بشتم جوه البوست بلا وازع او رادع يا اخوي بعدين الله يديك ويدينا طولة العمر وتتعرف اكتر على البورد كتار دخلوا البورد دا اولاد ناس والقليل هو من حافظ مسيرته كما دخل
الأمين سلام كيف أثبت أنها حق ؟ أنت لم تثيتها حقاً ولكن أفدت بوجود خاصية تغيير عنوان البوست وهذه الخاصية فى زمن سابق لم تكن متوفرة وكانت تتسبب أحياناً فى عدم مقدرة مفترع البوست من تصحيح خطأ إملائى بالعنوان، أو تعديل عنوان شطح فيه وراجع نفسه أو بناء على طلب أخرين. ولذلك تم تحديث فى السوفتوير يسمح بتصحيح العنوان ولكن هنالك قصور فى البرمجة أو overlooked سواء من الجهة المبرمجة أو من طلب التطوير (بكرى)، كان نتاجه إمكانية أى متداخل يغير فى عنوان مداخلته. وأكتشفت بالصدفة لم يعلن عنها بكرى حسب علمى.
الأخ ملهم مشكور أعطى فهماً صحيحاً فى التعامل مع الحالة وأنت متفق عليه (المسؤولية الأدبية الأخلاقية) ... ونحن فى منبر رأى وحرية تعبير، نتعلم منه كيف نتقبل الرأى والرأى الآخر وكيف نمارس الحرية ولا نتجاوزها للفوضى بدعوى دا متاح والمعاجبو يمشى يشرب من البحر ونحنا كدا !!
هذا البوست مهما كانت مسبباته والآراء فيه بإختلاف منطلقاتها سواء بحيادية وقناعة، أو بغرض مناصرة فريق على الأخر على خلفية تغيير العنوان فى البوست الساخن الذى إفترعته دكتورة نجاة http://www.sudaneseonline.com/board/460/msg/1394855892.html كل ذلك لا يبرر تعديل العنوان(وبالطريقة التى تمت به ) بزج كلمة (لا) ، تغير المعنى وتوجه إساءة فمرت على المتداخلين دون علمهم فتناقلتها مداخلاتهم لعده صفحات. فتغيير العنوان أثره لا يقتصر على مداخلة وحيدة ولكن يتعداه تأثيرأً على مداخلات الآخرين
ولمزيد من تفهم وتوضيح لمنطقك بأن خاصية تعديل العنوان موجودة والمداخلة ملك لصاحبها، وعليه من حقه تعديل العنوان والتصرف فى ملكه كما يشاء .. فما رأيك فى أن خاصية الإقتباس من مداخلات الآخرين متوفرة وأيضاً متاح تعديل فحواها. فهل من حق المقتبس فى مداخلته المملوكة له أن يتلاعب كما يشاء فيما يقتبسه من الأخرين (أو حتى من مداخلة له آخرى)؟
Post: #44 Title: Re: سؤال جميل وهذا رأيي Author: عادل البراري Date: 03-26-2014, 06:53 PM Parent: #43
استاذ نادر الفضلى تحياتي أتفق معك هذه الخاصية رغم انها متواجدة بالكثير من المنتديات إلا انها يراها البعض جميله داخل أستغلالها ليس بذلك فأحياناً التعديل في العنوان حسب المشاركة التي تريده قد يصبح التعديل في العنوان عنوان يمضى عليه الأخرون دون إنتباه وقد يكون هو هدف مبطن لمن عدل العنوان فانظر لهذا البوست الحين أنا ارد تحت عنوان ليس هو العنوان الاساسي الذي صاغه صاحب البوست وقد يأتي من بعدي فيشارك دون إنتباه ... أنا وجهة نظري هي نوع من التغول لحق الذي صاغ البوست فكرة وعنوان لهدف ما لديه أو لتوصيله عبر عنوان محدد فهنا نكون قد مارسنا إنتهاك واضح لما أجتهد فيه أخر فكل نرفض أنتهاك الحق الادبي لماذا لا يكون التعديل مختصر علي مشاركة الفرد الذي يريد التعديل ولا ينسحب التعديل علي كل مشاركة اعتقد لا يصح الا الصحيح طالما أرتضيت أن تشارك وفق عنوان واضح ومحدد الاخلاق تلزمنا بالاستمرار بماهو معروض لهذا الموضوع أو افترع بوست خاص لك
Post: #45 Title: Re: سؤال جميل وهذا رأيي Author: الشفيع وراق عبد الرحمن Date: 03-26-2014, 07:11 PM Parent: #44
يا اللمين قراءتي للبوست ده انو لا يتعدى محاولة تشتيت للعك الحصل بي هناك وهروب للامام
واحد رعديد عدل العنوان باضافة "لا" وجا واحد مخرف قعد يحلف انو سيد البوست هو العدل
ات كزول "تقني" لم تدلي بافادتك وتقول لي خضر انك العدلت ولي ود الوج كلام كذب ات لي متين تتقعد تغتغت ليهم ياخي؟ الناس ديل متعبين وح يرهقوك
بخصوص سؤالك اخونا يوسف امين من نواحي الفيس اداك النجيضة ما فائدة والغرض من Re: ??????
Post: #57 Title: Re: سؤال جميل وهذا رأيي Author: الامين موسى البشاري Date: 03-27-2014, 12:31 PM Parent: #45
الشفيع يا هندسة
تحياتي ..
Quote: يا اللمين قراءتي للبوست ده انو لا يتعدى محاولة تشتيت للعك الحصل بي هناك وهروب للامام
منو القاعد يشتت يا الشفيع .. منظرك شين بهناك وانت تدافع عن الباطل وعن الدكتورة نجاة انتهت يا الشفيع اقلب صفحتها واحفظ ماء وجهك .. والله صحي :)
يا الشفيع الحقوق هنا يمنحها بكري ونظام البورد ولا أحد غيره من غيروا عنوان البوست هذا هو رأيهم فلماذا تريد مصادرة رأيهم؟
Quote: واحد رعديد عدل العنوان باضافة "لا" وجا واحد مخرف قعد يحلف انو سيد البوست هو العدل
وما يعدل ياخ .. هو يمارس في حقه لا أرى مشكلة في ذلك ويا ريت تقرا البوست دا كلو بدون اصطفاف
Quote: ات كزول "تقني" لم تدلي بافادتك وتقول لي خضر انك العدلت ولي ود الوج كلام كذب ات لي متين تتقعد تغتغت ليهم ياخي؟ الناس ديل متعبين وح يرهقوك
هناك تعديلات كثيرة تمت في عنوان البوست ونجاة نفسها عدلت عنوان البوست انا ما بدافع عن أحد يا الشفيع وغير مصطف مع احد زيك قال نجاة نجاها الله والله ما حيخذلها ..... الخ الخ الشفيع خش الضل عليك الله ياخ
دعوة صادقة لقراءة هذا البوست بتجرد لا مخالفة ادارية او قانونية في تعديل عناوين البوستات
كن بخير
Post: #46 Title: Re: سؤال جميل وهذا رأيي Author: الامين موسى البشاري Date: 03-26-2014, 07:26 PM Parent: #43
نادر الفضلي
سلامي وتحياتي .. خليت ليك البوست داك جيت لاحقني هنا ههههههههههه طبعا البوست دا رد فعل لكلامك لي هناك واعتقد هنا المساحة واسعة وموجودة وبرضو عشان ما تتهمني بالتحامل على نجاة ..
Quote: كيف أثبت أنها حق ؟
حق بأمر بكري وقوانين المنبر .. والحقوق ما فيها مجال للتعاطف بكري اتاح الخاصية وهي متوفرة للجميع كونك تستخدمها في الخير ولا الشر دي ما مشكلة بكري عندك ما يجرم تعديل العنوان هات برهانك
Quote: أنت لم تثيتها حقاً ولكن أفدت بوجود خاصية تغيير عنوان البوست وهذه الخاصية فى زمن سابق لم تكن متوفرة وكانت تتسبب أحياناً فى عدم مقدرة مفترع البوست من تصحيح خطأ إملائى بالعنوان، أو تعديل عنوان شطح فيه وراجع نفسه أو بناء على طلب أخرين. ولذلك تم تحديث فى السوفتوير يسمح بتصحيح العنوان ولكن هنالك قصور فى البرمجة أو overlooked سواء من الجهة المبرمجة أو من طلب التطوير (بكرى)، كان نتاجه إمكانية أى متداخل يغير فى عنوان مداخلته. وأكتشفت بالصدفة لم يعلن عنها بكرى حسب علمى.
كلامك دا انا رديت عليهو هناك في مداخلتي ليك وهناك حاجات لازم تتحسم البوست حق منو؟ والمداخلة حقت منو؟ ...... الخ الخ ارجو مراجعة البوست البهناك .. نجاة نفسها عدلت العنوان بما يوافق امانيها
Quote: الأخ ملهم مشكور أعطى فهماً صحيحاً فى التعامل مع الحالة وأنت متفق عليه (المسؤولية الأدبية الأخلاقية) ... ونحن فى منبر رأى وحرية تعبير، نتعلم منه كيف نتقبل الرأى والرأى الآخر وكيف نمارس الحرية ولا نتجاوزها للفوضى بدعوى دا متاح والمعاجبو يمشى يشرب من البحر ونحنا كدا !!
فهم ادبي فقط ودا نفس كلامي ما بتقدر تمنع زول انو يعدل عنوان مداخلته .. مع العلم إن عنوان البوست الاصلي لن يلحقه تعديل الا من صاحب البوست .. والقصور قصور برمجي وقانوني في نفس الوقت ..
Quote: هذا البوست مهما كانت مسبباته والآراء فيه بإختلاف منطلقاتها سواء بحيادية وقناعة، أو بغرض مناصرة فريق على الأخر على خلفية تغيير العنوان فى البوست الساخن الذى إفترعته دكتورة نجاة http://www.sudaneseonline.com/board/460/msg/1394855892.html كل ذلك لا يبرر تعديل العنوان(وبالطريقة التى تمت به ) بزج كلمة (لا) ، تغير المعنى وتوجه إساءة فمرت على المتداخلين دون علمهم فتناقلتها مداخلاتهم لعده صفحات. فتغيير العنوان أثره لا يقتصر على مداخلة وحيدة ولكن يتعداه تأثيرأً على مداخلات الآخرين
لماذا اقريت تعديل نجاة لعنوان البوست واتجهت لهؤلاء .. قانونا ليس هناك ما يمنع أي فرد من تعديل عنوان البوست والله صحي :) وليست هناك مخالفة تعاقب من يفعل ذلك .. الخاصية متاحة لكل من يملك باسويرد والمداخلة هي حق اصيل لكل متداخل فما بتقدر تجرم زول وبعدين دي وجهة نظرهم وعبروا عنها بتعديل عنوان البوست ولا فيها قلة أدب ولا حاجة .. ولو فيها قول وين عليك الله؟
Quote: ولمزيد من تفهم وتوضيح لمنطقك بأن خاصية تعديل العنوان موجودة والمداخلة ملك لصاحبها، وعليه من حقه تعديل العنوان والتصرف فى ملكه كما يشاء .. فما رأيك فى أن خاصية الإقتباس من مداخلات الآخرين متوفرة وأيضاً متاح تعديل فحواها. فهل من حق المقتبس فى مداخلته المملوكة له أن يتلاعب كما يشاء فيما يقتبسه من الأخرين (أو حتى من مداخلة له آخرى)؟
المقاربة عصية هنا الكلام المقتبس ما حقك ولا يمكنك التعديل عليه والا تبقى مزور كبير ..
كدا همتك معانا البوست حق منو؟ حق المفترع ولا حق الجميع؟
عنوان البوست الرئيسي لا يستطيع احد اجراء تعديل عليه الا صاحب البوست و الادارة عنوان المداخلات (الردود) من حق المتداخلين تغييره او تعديله مع مراعاة عدم خرق قوانين المنبر يعني يسري علي العنوان ما يسري علي المداخلة لا اكثر و لا اقل
وزي ما قال قريبي فيسل هليل تعديل عنوان المداخلات ما جديد متاح من زمااااان الجديد التغيير الحصل في اضافة خاصية تعديل العنوان الرئيسي للبوست
Post: #48 Title: Re: سؤال جميل وهذا رأيي Author: محمد على طه الملك Date: 03-26-2014, 08:41 PM Parent: #47
سلام للجميع .. وكتين الموضوع بقى سؤال جميل خلوني أسأل .. وين الحق الأدبي للمؤلف ؟ إذا كانت خاصية تعديل العنوان الرئيس مكفولة لصاحب البوست .. بطبيعة الحال أي تعديل للعنوان في المداخلات اللاحقة يعتبر تعدي على الحق الأدبي لصاحب البوست .. ما لم يأذن به .. كون خاصية تعديل عنوان الصناديق الداخلية متاحة لأي سبب تقني كان .. فهذا لا يسقط حق صاحب البوست باعتباره هو مؤلف العنوان.. ومن حقه التمتع بحماية حقه الأدبي في صياغة اسم البوست والاحتفاظ به حتى ارشفته.. مناقشة الموضوع من زاوية المال السائب ما ظابطة .. يا بشاري ياخي كرعينا وجعننا حدها وين مساككتك دي ؟ والله صحي.
Quote: لماذا اقريت تعديل نجاة لعنوان البوست واتجهت لهؤلاء .. قانونا ليس هناك ما يمنع أي فرد من تعديل عنوان البوست والله صحي :) وليست هناك مخالفة تعاقب من يفعل ذلك .. الخاصية متاحة لكل من يملك باسويرد والمداخلة هي حق اصيل لكل متداخل فما بتقدر تجرم زول وبعدين دي وجهة نظرهم وعبروا عنها بتعديل عنوان البوست ولا فيها قلة أدب ولا حاجة .. ولو فيها قول وين عليك الله؟ Quote: ولمزيد من تفهم وتوضيح لمنطقك بأن خاصية تعديل العنوان موجودة والمداخلة ملك لصاحبها، وعليه من حقه تعديل العنوان والتصرف فى ملكه كما يشاء .. فما رأيك فى أن خاصية الإقتباس من مداخلات الآخرين متوفرة وأيضاً متاح تعديل فحواها. فهل من حق المقتبس فى مداخلته المملوكة له أن يتلاعب كما يشاء فيما يقتبسه من الأخرين (أو حتى من مداخلة له آخرى)؟
المقاربة عسية هنا الكلام المقتبس ما حقك ولا يمكنك التعديل عليه والا تبقى مزور كبير ..
كدا همتك معانا البوست حق منو؟ حق المفترع ولا حق الجميع؟
ياخ أنا وين أقريت تعديل نجاة لعنوان البوست .. بعدين نجاة حالة خاصة هى من إفترعت البوست وأنا تكلمت فى نقطتنين الأولى : (تعديل المتداخلين لعنوان بوست لم يفترعوه) ودى بسبب Glitch فى البروقرام (ويبدو هناك صعوبة وإستحالة فى برمجة هذه الجزئية بإتاحة الفرصة لصاحب البوست بتعديل العنوان وتعميم التعديل على كل المداخلات، وكذلك حجب خاصية التعديل على الأخرين) ولتفهمى لإختلاف وجهات النظر فى إستخدام خاصية التعديل. فقد ركزت على نقطة ثانية وهى (كنه ونوعية التعديل) .. فالتعديل فى البوست المعنى عمل بمكر تحريفأً للعنوان وتفويتوا على المشاركين. بعدين فى فرق بين الإساءة وقلة الأدب .. أنا ما قلت قلة أدب بعدين حتة نجاة صاحبة البوست عدلت، فتعديلها كان واضح ما (دغمسة) ولا إساءة لأحد
توقعت إجابتك عن التعديل فى الإقتباس تزوير وليس من حق ناقل الإقتباس التلاعب في مضمونه. أتفق معك تماماً . ودى ليها علاقة بحجتك المعلمها ليك بالأحمر بتاعة الخاصية موجودة إذن هى حق للمتداخلين إستخدامها. يا عزيزى الفاضل فى أمور ما فيها قانون فبتتعامل فيها بالقياس فعنوان موضوع البوست حق لمفترع البوست (صاحبه) ، والتعديل تغول وتحريف وتزوير إذا لم يكن معلن .. هسة الإقتباس دا مش عنده قواعد بأنك تظهره كإقتباس والما بعرف التكنلوجيا بوضح بطريقة أو بأخرى إنه إقتباس. فتغير العنوان دا كيف تنبه له الأخرين خاصة إذا كان بتاع (لا) فى البوست المعنى. والبوست سيده منه دى معروفة الإفترعه .. شابكننا شكراً على المرور ، شكرأً على المداخلة .. وأول مرة أدخل ليك فى بوست ... هسة الملكية بقت بالشيوع !! فى حاجة إسمها الأعراف والتقاليد والناس بتحرتمها ما إلا قانون. هسة لو لقيت ليك باب فاتح ولً بيت ما فيهو باب .. دا بديك الحق توش تدخل وتبقى سيد بيت وتعمل الدايرو ؟!! أم الأعراف وحدها كفيلة بأن تمنعك من الدخول وإلا !! أضافة لما جاء فى ا مداخلة مستشارنا القانونى الأستاذ محمد على طه المك .. توضح ليك أكثر ..
فى أفعال بتتعمل بحسن نية وبأن الحالة واحدة، فى أخرى بسؤ نية ، وبين هذا وذاك البشر خطاؤن . لكن الألتزام الأدبى والأخلاقى ليس مجرد شعار فضيلة رنان إختيارى ولكن ميزان ومعيار أساسى فى تصرفات وسلوكيات البشر، من يفشل فيه هو من يتعرض للوم والمساءلة، وليس التحجج ما فى قانون .. ما إلا عصا القانون أو الفوضى .
Post: #54 Title: Re: سؤال جميل وهذا رأيي Author: الامين موسى البشاري Date: 03-27-2014, 12:00 PM Parent: #49
طيب تمام وهناك يعلم الله رديت ليك بتجرد تام.. نفس الحق البخليك تكتب هنا يا نادر هو نفس الحق المكفول لصاحب المداخلة والتي تسمح لصاحبها بتعديل عنوان البوست والكتابة في البوست ودا بحكم الحق العام والمنبري لكل عضو هنا والافكار لا توصلها العناوين فقط بل الحقائق والكلام المكتوب في داخل المداخلة عندك مثال البوست دا تغير عنوانه اكثر من مرة فهل أثر ذلك على مضمونه؟ هل تغير العنوان الرئيس للبوست؟
والاجابتين لا بالطبع .. الكثير من المتداخلين يدخلون للبوست بناء على عنوانه الرئيس وكاتبه ومضمونه واغلبهم لا يقرأون تعديلات العناوين الداخلية ...
Quote: فالتعديل فى البوست المعنى عمل بمكر تحريفأً للعنوان وتفويتوا على المشاركين. بعدين فى فرق بين الإساءة وقلة الأدب .. أنا ما قلت قلة أدب بعدين حتة نجاة صاحبة البوست عدلت، فتعديلها كان واضح ما (دغمسة) ولا إساءة لأحد
مكر شنو ودهاء شنو يا نادر الله يهدينا ويهديك ما ياهو البوست وصل للصفحة الحادية عشرة ونجاة لم تقدم أي حجج تدعم موقفها كي يطمئن الناس لها .. الاطمئنان تجلبه الافعال والتصرفات ولا تجلبه الاقوال ونقرات الكيبوردات ونس الحكاية من غير العناوين هذا كان رأيهم وعبروا عنه كتابه وما زالوا عنده المشكلة شنو؟ يا نادر القصور موجود قانونيا وتقنيا في امر تعديل المداخلات كل الاعضاء هنا تكتسب حقوقها بعد نيل العضوية بما يتيحه لهم بكري من صلاحيات يبقى ما نحاكم الناس فيما يملكون العايز يعدل يعدل والما عايز ما يعدل العرف التزام مجتمعي اختياري .. والقانون التزام رسمي اجباري لا خيارات فيه تلك هي العدالة وهذا هو الميزان الذي يجب أن نزن به لو خالفت العرف ربما لا تتعرض لعقوبة رسمية سجن غرافة لن الاعراف ليس لديها عقوبات بينما لو خالفت القوانين فسوف تتعرض للعقاب .. لأنك ارتضيت القانون والتحاكم اليه تقول لي محمد علي طه الملك بس هو البفهم في القانون هههههههههههههههههه واختم تعديل عنوان المداخلة حق مكفول لكل عضو بحكم الصلاحيات الممنوحة له وهي حق وليست منة من احد ولا يجب محاكمة احد إذا لم يخالف أحد قوانين المنبر والله صحي :)
Post: #53 Title: Re: شكرا حبيبنا البشارى ... Author: الامين موسى البشاري Date: 03-27-2014, 11:30 AM Parent: #50
Quote: شكرا حبيبنا البشارى ...
تسلم يا ابو الطب
وممنون لحضورك الزاهي
Post: #52 Title: Re: سؤال جميل وهذا رأيي Author: الامين موسى البشاري Date: 03-26-2014, 11:09 PM Parent: #48
الزول السمح محمد علي طه
تحايا طيبه
Quote: سلام للجميع .. وكتين الموضوع بقى سؤال جميل خلوني أسأل .. وين الحق الأدبي للمؤلف ؟ إذا كانت خاصية تعديل العنوان الرئيس مكفولة لصاحب البوست .. بطبيعة الحال أي تعديل للعنوان في المداخلات اللاحقة يعتبر تعدي على الحق الأدبي لصاحب البوست .. ما لم يأذن به ..
يا حبيب حق المفترع محفوظ بنص القانون المنبري وهو أنه لا احد يستطيع أن يغير العنوان الرئيس للبوست وكيف يأذن صاحب البوست فيما لا يملك؟ يعني ممكن يمنع فلان ولا علان من التداخل في بوسته مثلا؟ الجميع هنا لهم نفس الحقوق والواجبات والمداخلة من حق المتداخل طبعاً كما قلت سابقا هناك قصور قانوني وتقني في العملية كلها ودا المسبب اللغط دا
Quote: يا بشاري ياخي كرعينا وجعننا حدها وين مساككتك دي ؟ والله صحي.
هههههههههه هبشته نادر الفضلي بهناك قعد يسوي لي انت متحامل وشنو كدا ما عارف طوالي جيت فتحت لي بوست براي .. يعني البوست مستنسخ
كن بخير
Post: #51 Title: Re: سؤال جميل وهذا رأيي Author: الامين موسى البشاري Date: 03-26-2014, 10:49 PM Parent: #47
Quote: عنوان البوست الرئيسي لا يستطيع احد اجراء تعديل عليه الا صاحب البوست و الادارة عنوان المداخلات (الردود) من حق المتداخلين تغييره او تعديله مع مراعاة عدم خرق قوانين المنبر يعني يسري علي العنوان ما يسري علي المداخلة لا اكثر و لا اقل
شكرا للايجاز .. قوانين المنبر لم تمنع تعديل العناوين ولكن تسري عليهم بقية القوانين
Post: #58 Title: Re: سؤال جميل وهذا رأيي Author: عادل البراري Date: 03-27-2014, 06:57 PM Parent: #51
البشاري هل هناك نص ينص صراحة لهذا أن لم يكن فليس عدم وجوده يمنح مبرر ويصبح قانون أو فرضية
Post: #59 Title: Re: سؤال جميل وهذا رأيي Author: الامين موسى البشاري Date: 03-27-2014, 08:31 PM Parent: #58
Quote: البشاري هل هناك نص ينص صراحة لهذا أن لم يكن فليس عدم وجوده يمنح مبرر ويصبح قانون أو فرضية
نفس السؤال يا عادل أخوي:
- هل هناك قانون يجرم تعديل عنوان المداخلة للمتداخل؟ - ما هي المرجعية لصلاحيات الاعضاء هنا؟
الاصل في الاشياء الاباحة ما لم يصدر منع ومالم يخالف العضو لائحة من لوائح البورد يبقى ليس عليه حرج ارجع اقرأ البوست دا كويس يا عادل ..
أها عرشتا ولً لسه ياريت من حكم تجربتك وأنت نشط فى البورد، وبتاع برمجة، ومن وآراء الناس، قدم توصيات لبكرى لأفضل الأمنيات لتطوير السوفتوير المستخدم
مع تقديرى
Post: #61 Title: Re: سؤال جميل وهذا رأيي Author: الامين موسى البشاري Date: 03-28-2014, 02:51 PM Parent: #60
Quote: أها عرشتا ولً لسه ياريت من حكم تجربتك وأنت نشط فى البورد، وبتاع برمجة، ومن وآراء الناس، قدم توصيات لبكرى لأفضل الأمنيات لتطوير السوفتوير المستخدم
عرشنا زمان وركبنا الجبص كمان يا نادر بكري يعلم الثغرات الموجودة في البورد كلها وهو ليس بحاجة لأحد ليقولها له ... ولا أعلم لماذا لا يريد التغيير ومواكبة التطور
اللمين اخوى سلام والله انت زكرتنى قصة المرأة القالت لى راجلها امى ماتت!! قال ليها انت فى امك الماتت والا كدوسى الانكسرت فيه قشة ده؟ هسع خلونا من العدل العنوان منو ورونا رائكم فى ست العنوان الولية المصرة على اتهام مهند بانه قاتل الطفلة بعد صدور حكم البرأة من اعلى سلطة قضائية فى ماليزيا:
Quote: مهما برأته المحكمة في امور تقنية وشطارة محامين يبقى في نظري مسؤول تماما عن ما حاق بتلك الطفلة التي تركت في رعايته.
Post: #63 Title: Re: سؤال جميل وهذا رأيي Author: الامين موسى البشاري Date: 03-28-2014, 11:48 PM Parent: #62
Quote: هسع خلونا من العدل العنوان منو
بالعكس يا ود الموج عشان ننتهي من الغلوتية دي تعديل العنوان حق اصيل لكل متداخل ما لم يخالف واحدة من اللوائح
اما ما يختص ب :
Quote: ورونا رائكم فى ست العنوان الولية المصرة على اتهام مهند بانه قاتل الطفلة بعد صدور حكم البرأة من اعلى
الزولة شالت نعلاتها واتخارجت بعد أن عجزت عن تبرير أي حاجة من كلامها
Post: #64 Title: Re: سؤال جميل وهذا رأيي Author: صديق الموج Date: 03-29-2014, 01:40 AM Parent: #63
قرار انتظره الجمهور طويلاً وان تأخر جدا جداً،،،
Post: #65 Title: Re: سؤال جميل وهذا رأيي Author: الامين موسى البشاري Date: 03-29-2014, 02:11 AM Parent: #64
Quote: قرار انتظره الجمهور طويلاً وان تأخر جدا جداً،،،
ود الموج .. والله ما فاضل ليك الا تعمل ليها حفلة وداع
Post: #66 Title: Re: سؤال جميل وهذا رأيي Author: صديق الموج Date: 03-29-2014, 04:17 AM Parent: #65
بهذه المناسبة السعيدة على العالمين العربى والاسلامى والمنبر والمنابر المجاورة والانسانية جمعاء اهديك هذا اللحن،،،
Post: #67 Title: البلود تلاته.مكه العزاها الله وبرام ام كلكه ودينقا ام الديار.. Author: د.محمد بابكر Date: 03-29-2014, 03:31 PM Parent: #43
رايك شنو يا بشارى فى العنوان ده..طبعا انت مكه وبرام معروفات بالنسبه ليك لكن دينقا ام الديار دى المجلد ..لك ولضيوفك عاطر التحايا.. عفوا برام الكلكه
)
)
