Post: #1
Title: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-23-2014, 07:24 PM
كان مكرضم سفتو وسارح في الكرسي الجمبي في بص التوحيد
الدامر الخرطوم .
والزول بدون أي مقدمات تعارف برش الكلام :
والله يا أخوي أمنيتي في الدنيا دي شاحنة ميتسو بيشي جامبو
وياريت تكون موديل 2009 لساتك بركاوي والتنك جاز .
|
Post: #2
Title: Re: زول أمنيتو في الدنيا دي شاحنة ميتسو بيشي جامبو
Author: عبدالعزيز عثمان
Date: 03-24-2014, 04:20 AM
Parent: #1
هي نان النجيض دي مابتكب القروش كب صاح...لمن اغلبك حسابة...
بس سعرها معلب نار،،،شكلك محمداك واحده...
اللهم اجعلو خير.
|
Post: #3
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-24-2014, 04:37 PM
Parent: #2
عزيزنا عبدالعزيز
سلامات
سألتو عن حالو
وعرفتو بي أسمي قلتلو أنا كنت مافي لي زمن طويل .
مرقنا من البلد من زمن كان أكسيبريس حلفا بجي في مواعيدو .
وما عندي أي معرفة بي الميتسو بيشي .
وسألتو عن شنو بتعني اللساتك البركاوي ؟
صاحبك دخل في حديث طويل و عجيب عن اللساتك الصينية المضروبة والموت البي الجملة .
بص التوحيد وقف في قهوة في الطريق ..
وعان الحصل .
|
Post: #4
Title: Re: زول أمنيتو في الدنيا دي شاحنة ميتسو بيشي جامبو
Author: الفاتح ميرغني
Date: 03-24-2014, 05:08 PM
Parent: #3
سلام يا حبيبنا.
غايتو الامريكان اهلك ديل لو كانو بيفكو طلاسم الرندوك بتاعنا هسع كان بقيت اخطر كتاب سناريو في هوليود. لكن ما بتدي حريف.
محبتي.
|
Post: #6
Title: Re: زول أمنيتو في الدنيا دي شاحنة ميتسو بيشي جامبو
Author: اميرة السيد
Date: 03-24-2014, 05:22 PM
Parent: #4
وانت قايل يا عثمان موسى تحقيق الأمنية دي صعبة!!!!!
وانت كان ممكن تساعد المسكين ده وتحقق ليه امنيته ببساطة ما دمت انت نقيم هنا في امريكا..
وعندي خالي شغال في السعودية وجانا زيارة في امريكا قبال سنتين ودخل سوق الشاحنات واشترى شاحنة ( بدون الترلة البتجرها الشاحنة بورا ها ) بمبلغ 16 الف دولار وشحنها عن طريق البحر للسعودية ومن هناك للسودان .. وقلنا ليه ليه ما تشحنها للسودان مباشرة.. قال : ما ممكن عشان في عقوبات امريكية ضد السودان وانا شحنتها باسم سعودي لجدة ومن هناك للسودان .. يعني بنتحايل على عقوبات امريكا زي ما بتعمل ايران....
وانت كمان كان ممكن تساعد صاحبك ده وتشتري ليه الشاحنة دي ويمكن تلقاها بأقل من 10 ألف دولار وتديها ليه هدية..( وجه ضاحك),, ( وطبعا ما في جمارك على الشاحنات .. وتدخل الشاحنة للسودان مجانا..
والله يديك العافية
|
Post: #11
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-24-2014, 10:25 PM
Parent: #6
عزيزتنا أميرة السيد
سلامات
ياتو مسكين ؟
والله مساكين نحن البنتطهم بين الجليد والهوروكين .
يا بت السيد ياخ الزول أب سفة ده عندو جنس أفكار .
تعالي شوفي كلامو عن القروش في القضارف .
|
Post: #8
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-24-2014, 07:08 PM
Parent: #4
عزيزنا أستاذ الفاتح
سلامات
ضربت معاو في القهوة العدس وتقهوجنا
وركبنا .
صاحبك يا الفاتح قطع كلامو عن الحوادث وسألني : ياخ أنتو في أمريكا
دي عندكم نوع الشاحنة دي AVAILABLE .
والله يا الفاتح قال الكلمة دي باللغة الأنجليزية سالمة .
وتعال شوف أحلام تضريباتو في مرابح الشاحنة ونيتو .
تحياتي
وشكري علي المرور الكريم
|
Post: #5
Title: Re: زول أمنيتو في الدنيا دي شاحنة ميتسو بيشي جامبو
Author: Mahjob Abdalla
Date: 03-24-2014, 05:18 PM
Parent: #3
السلام عليكم اخ عثمان موسي
في زمان الــ ZY
اظنها من شركة هينو بتطوي الرمال في صحاري دارفور دي طوي
قالو واحد من الشباب برضو امنيتو كانت زد واي و لا غير.
سأل عن ليلة القدر و قالو ليهو لمن تجيك بتشوف ضوء و كان عملت اي دعوة مستجابة. الزول رقد علي الرأي وكان في رمضان. اصحابو مشو لعبو الكتشينة و زي الساعة 2 صباحا جو مارين بجنب بيتهم شافوهو ليك قاعد في المصلاية
و من فوق الحيطة ولعو فوقو بطارية زي البرق كدا و طفوهو.
صاحبك طوالي بأعلي صوتو "زد واي" و الجماعة فكو الضحكة فوقو.
|
Post: #7
Title: Re: زول أمنيتو في الدنيا دي شاحنة ميتسو بيشي جامبو
Author: معاوية المدير
Date: 03-24-2014, 05:30 PM
Parent: #5
يا هبيب،
عندنا واحد عندو زد وآي عذبو ليك عذاب شديد جداً،
اليوم والتاني في المكنيكي.
لمان غبى حيلة خلاس، قال، والله دا ظووووط واااااااي،
مُش زد وآي.
إنت يا عثمان، دحين البركاوي دا مُو تمر ؟؟؟...
|
Post: #9
Title: Re: زول أمنيتو في الدنيا دي شاحنة ميتسو بيشي جامبو
Author: عبدالعزيز عثمان
Date: 03-24-2014, 07:47 PM
Parent: #7
ياحليلك ياعثمان موسي،،،احلامك بقت صعبة،،وماك جايب خبر،،،غرف الجماعة شغالين،،،ياعثمان الجامبو ده كنتر كبير،،،شفته الكنتر الصغير بشيل ضعفو،،،وبكب الخموس شووووو.....مرغوب من ناس البضائع كتل الشاحنات الكبيرة ،،ودرن تب...
والله اعتمان اكان لقيت ليك واحد،،،صنقرت مع السواق بي قدام،،برتكان من الباوقا،،،سمسم من القضارف،،،خرفان من الخوي،،بركاوي من السافل،،طماطم من القربة،،،عسل من الصعيد معاهو بضاعة تانية،،،بي صنقورك الملان فهم ده،،،فد سنية ،،وتقول لي الفقر باي،،،وتجي راجع مقندل تكتل حفلاتك هنا مع جينا وتريزا،،،مبسوط ورايق،،،،الا قروشو شان تاخدو كتار ،،الا تشوف صاحبك ودالمدير ادينك.
|
Post: #10
Title: Re: زول أمنيتو في الدنيا دي شاحنة ميتسو بيشي جامبو
Author: معاوية المدير
Date: 03-24-2014, 08:03 PM
Parent: #9
| Quote: ،،الا تشوف صاحبك ودالمدير ادينك. |
بشاركوا تاااااااب،
عبد العزيز إزيّك.
قالوا لي ملاسي لادغك اليومين ديل،
يا اخوي الله يلزمك الصبر...
|
Post: #12
Title: Re: زول أمنيتو في الدنيا دي شاحنة ميتسو بيشي جامبو
Author: cantona_1
Date: 03-24-2014, 11:36 PM
Parent: #10
إنتو يا ناس أم ريكة كلكم برا الشبكة.
لمن تشحن من الخرطوم لكردفان بتلاقيك 16 محطة جباية بين الخرطوم وكوستي.
وكلما طلعت غرب الجازولين سعره بيزيد.
في الميزان التورناتا بقولوا ليك وزنك اي وزن العربية زايد.
في المحطة البعدها بقول ليك نورك واحد فوق واحد تحت.
الجاية بقولوا ليك الإشارة مكسورة. وهلم جرا
لمن تصل الأبيض تلقى نفسك يا دوب خارجت حق الجازولين.. والمصاريف.
تشحن من الأبيض للخرتوم .. تقابلك نفس المصايب وتدفع ولا كتّر خيرك.
ما تنسى ضريبة عبور من ولاية لولاية ومن محلية لمحلية وهكذا دواليبك كما قال النميري ويقصد دواليك.
ما تفكر في أي مشروع يربطك بالشرطة الواقفة في الشارع.. عليكم بالزراعة المطرية بس من حر مالك.. ما تستدين من البنك الزراعي دا بوديك الهُدى لتبقى لحين السداد أو الممات أيهما أفضل ليك.
تحياتي
كبـّاشي الصـّـافي
.
|
Post: #17
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-25-2014, 04:31 PM
Parent: #12
عزيزنا كباشي
سلامات
أنت بس بنخليك تضرب في شاورمة لندن بتاعت أدجور رواد دي .
وصاحبك أستاذ محمد حسني قالب بي الميتسو بيشي في منقة أبوجبيهة .
عارف الحبة الوأحدة من منقة شركة حسني في أيطاليا بي كم ؟
عارف مشوار المنقة الوأحد بعمل ربح كم ؟
ياخ عساكر شنو ومرور شنو وحكومة شنو ؟
هم الكيزان ديل أشطر من باقي الناس ؟
تحياتي
|
Post: #19
Title: Re: زول أمنيتو في الدنيا دي شاحنة ميتسو بيشي جامبو
Author: cantona_1
Date: 03-25-2014, 06:02 PM
Parent: #17
الأخ عثمان موسى بعد السلام
كانت لدي شاحنة مرسيدس 26 طن شحنتها صمغ من أبو جبيهة إلى كوستي. كل الأوراق الرسمية من زكاة ومحلية ومالية وضرائب 100%. عند وصولها الراوات تبع كوستي، دفّعوا السوّاق 80 جنيه رسوم عبور. في إيصال أبيض.
في الرحلة التانية جيت معاهم رفضت دفع الرسوم ووصلت للزابط.. وبحجة قوية أقنعته أنني لن أدفع حسب قول الرئيس المحاصيل الزراعية ما عليها رسوم.
تصور لو بتطلع من أبو جبيهة تجاه كوستي يومياً ما بين 80-100 شاحنة ولوري وكل واحدة بتدفع 80 جنيه الزابط وجماعته بلقوا كم في اليوم؟
هذا مثال فقط وما خُفِي أعظم.
لعلمك ثمن كرتونة المنقة بسعر الدستة في الخرطوم- الكرتونة بها 8-10 دست حسب حجم المنقة المعبأة. ولكن الترحيل أجارك الله وضرائب الطريق ما أنزل الله بها من سلطان.
تحياتي
كبـّاشي الصـّـافي
.
|
Post: #15
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-25-2014, 04:09 PM
Parent: #9
عزيزنا عبدالعزيز
سلامات
الزول الحلمان بي شاحنة الميتسو بيشي لفت نظري شغل عجيب من نوعو .
قال : بس يدفس الجامبو ده سكر + شعيرية + ويكة + نبق + دقيق + صلصة + تونا
+ صابون + معجون .
ويقع جبل قبقبة الدفع هناك عند الناس الشغالين في الدهب كاش والماعندو كاش بديك وقية دهب بي حساب سعر الجرام
اليوم في شارع أوول أستريت
صاحبك أحلامو ما ساكت . صاحبك أحلامو حقايق
|
Post: #14
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-25-2014, 02:59 PM
Parent: #7
عزيزنا ود المدير
سلامات
والله زعلان منك .
يأخ تفوتني وتمشي تقدل في البنطون ؟
اللساتك ال B R K قالوا السودانين جماعة الشاحنات زمان في ليبيا بسموها البركاوي .
تحياتي
|
Post: #18
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-25-2014, 05:40 PM
Parent: #14
بص التوحيد المكندش فات شندي
وزولنا في حلمو بي المتسو بيشي وعجلو البركاوي .
الحديث الما بتقطعو الا يافطة بي العربي وبي الانجليزي في الشارع .
سألتو : ونحن في نص حديث الشاحنة .
اليافطة دي شنو ؟
قال : اليافطة ؟ ياخ أنتو ما عارفين الهملة الحصلت ؟
الفجة دي كلها أتباعت بي الدولار لشركات هولندية و بوركينو فاسية هههههههههها .
ونتابع
|
Post: #13
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-25-2014, 02:51 PM
Parent: #5
عزيزنا المحجوب
سلامات
أها بس لو لمعت بطارية أي زول ضهبان من أهلو
أوعك تقوم تخلعو بي طلبك وتجننو بي هترشة المتسو بيشي هههههههها .
والله صاحبك بالغ .
يأخ أحلام أهلنا دي أجمل أحلام
|
Post: #16
Title: Re: زول أمنيتو في الدنيا دي شاحنة ميتسو بيشي جامبو
Author: عبدالعزيز عثمان
Date: 03-25-2014, 04:17 PM
Parent: #13
اها البخيت ،،وكت الحساب بي الدهب،،الراجيها شنو...
سوق صاحبك ود المدير،،واخترو،،،
وياسائق الجمبو
مين البقيف جمبو
ده القالو ملك السوق
وعشاقو في الكمبو...
نحن رسلو لينا زكاتكم بتريقنا....
|
Post: #20
Title: Re: زول أمنيتو في الدنيا دي شاحنة ميتسو بيشي جامبو
Author: اميرة السيد
Date: 03-25-2014, 07:35 PM
Parent: #16
| Quote: ....أنت بس بنخليك تضرب في شاورمة لندن بتاعت أدجور رواد دي |
,,,,,,,,,,,,,,,,,,,,,,,,
اظنك يا عثمان موسى انت كنت برضه عايش في لندن.. لأني زرت الشارع ده قبل 4 سنوات ووجدت الشارع كله عرب ومطاعم الشاورمة والفلافل مليانة والقهاوي مليانة عرب الخليج والمكتبات العربية فيها جميع انواع الكتب الممنوعة في البلاد العربية,,,ولا تشعر بغربة في هذا الشارع الشهير...
والله يديك العافية
|
Post: #21
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-25-2014, 10:41 PM
Parent: #20
عزيزنا أحمد
سلامات
ومشكور علي المشاركة الكريمة عبر الفيس بوك
يا أحمد ياخ يعني عايز تقول أنك هسع مرتاح أكتر من زمن كان عندك الميتسوبيشي ؟
ياخ الناس الشغالين توزيع كولا وشعيرية وسكر في وأدي قبقبة الوأحد بيعمل في اليوم الوأحد أرباح
بين ال 400 و ال 500 دولار في اليوم .
أنا غايتو كلام أب سفة ده مصدقو تب .
|
Post: #22
Title: Re: زول أمنيتو في الدنيا دي شاحنة ميتسو بيشي جامبو
Author: عبد اللطيف بكري أحمد
Date: 03-26-2014, 00:55 AM
Parent: #21
أوسو ياعجيب
بالمناسبة طي اتعلمت الضحكة دي الليلة مالقيت اجربها الا في صاحبك ابسفة دا
اسمع كلام كانتونا دا!!
|
Post: #23
Title: Re: زول أمنيتو في الدنيا دي شاحنة ميتسو بيشي جامبو
Author: المسافر
Date: 03-26-2014, 07:33 AM
Parent: #22
Quote:
الزول الحلمان بي شاحنة الميتسو بيشي لفت نظري شغل عجيب من نوعو .
|
ظنيتك لاقيت أخوي هو جاي علينا زيارة
بس ما عرفنا بستانك بتاع البرتكان القالو في الباوقة ده وين لكيلو سبعة ؟
|
Post: #24
Title: Re: زول أمنيتو في الدنيا دي شاحنة ميتسو بيشي جامبو
Author: Osman Musa
Date: 03-26-2014, 02:46 PM
Parent: #22
عزيزنا عبداللطيف
سلامات
أب سفة يا عبداللطيف عندو أفكار ترجع بنك ليمان برازار أحسن من ما كان .
زي أب سفة ده مفروض يكون في البرلمان بدل حسبو .
أب سفة يا عبداللطيف أخوي . نقدو نقد عاصف للحال وأدأرة المال وطريقة شحن الحلال الي الهاربر في سوأكن .
الميتسو بيشي الشاحنة طاوية الأرض هي الحل .
|
|