مسدار ( ود الباوقة شافنو البنات ) ....

يوم حان الدواس واتحددت ساعاتـــو
واتلمــوا الخــــلوق وادفقت ساحاتـــو
راكبين الخيول شايلين سيوف عزاتو
سألين باوقة وين ياخاواني فيهم ياتـو؟
قالــــولنـا العـــــوين والله ياها صفـــاتو
شافنو البنات جااااااري وطبــق نعلاتـو

دمتم ... احبتي .

ولي قدام ...

بت عمسيب .

يوم حان الدواس واتحددت ساعاتـــو
واتلمــوا الخــــلوق وادفقت ساحاتـــو
راكبين الخيول شايلين سيوف عزاتو
سألين باوقة وين ياخاواني فيهم ياتـو؟
قالــــولنـا العـــــوين والله ياها صفـــاتو
شافنو البنات جااااااري وطبــق نعلاتـو

دمتم ... احبتي .

ولي قدام ...

بت عمسيب .

فوق


عشان خاطر عيون حلوين... منابع الحسن متجاورين

______________

أما قاصد بدل (منابع الطيبة) أكتب (منابع الحسن) .. دا عشان ما يجيني واحد ناطي لي في حلقي

عصوم صباح الخير يا وش الخير ..

Quote: أما قاصد بدل (منابع الطيبة) أكتب (منابع الحسن) .. دا عشان ما يجيني واحد ناطي لي في حلقي

يأخي اكتب كما يحلو لك .. وما تنسي نحن في الزمن المر ويجب علينا التعامل باكلام الحلو
عشان نطعمو شوية هههههههههههه . يديك العافية يا صديق ..

بالمناسبة :

شافوك البنات راكب الفرس العالي في الدواس خبرك وصلني يا الفارس الاصيل .

التحية ليك ولي ود الباوقة ... ولي قدام .

Quote: سألين باوقة وين ياخاواني فيهم ياتـو؟ قالــــولنـا العـــــوين والله ياها صفـــاتو شافنو البنات جااااااري وطبــق نعلاتـو

موش قاعد يقول للناس اركزوا !!!!!!!!!!؟

Quote: شافنو البنات جااااااري وطبــق نعلاتـو

الباوقة النتر عضة الكداريك ماتو
زول شال الكلاش والدوشكة بى جنباتو
كان توبك وقع تلقيهو ساترك زاتو
لو ما بس ظروف ما تقيفى جم نعلاتو

ود الباوقة الضرب غداء شركة المراعي ونام

الليلة بت عمسيب تهجوك في وسط الانام

ارفع همتك وبطل الإندغام

ما تبقى فشحة بين الناس والأنعام

حبابك حسن اخوي ..

يا حسـن المحرش مــــا بتشوف لكتــــالو
ومعروف في المثل والحكمة بي افالعـو
أكان مسك الكلاش ود باوقة مالنا ومالو
يااااارب كان محرش ولا زااااد طبالــو؟

يا بت العمس.. العيب حروفو قلال
مساككة الرجال جايبالة كشفة حال
جربى.. أكتبى... شيتاً يسر البال
ما أظن تكسبى من موية فى غربال

حبابك حمد اخوي ... ومشكور .

Quote: ارفع همتك وبطل الإندغام

تسلــم يا حمـــد يا الديمة فيك محرية
يا الفارس الهمام يا الماشي بالدغرية
يوم وقع الدواس جانا الخبر بعشيــة
قالونا الاكد موجــــود من الدغشيـــة

Quote: يا بت العمس.. العيب حروفو قلال مساككة الرجال جايبالة كشفة حال

حاشاي العيوب حاشاي كشف الحال
انا بت الرجــــال البركبــــوا الاخيااال
فرسان اب درق اللجميع شيااااااااااال
كنداكة الوطن يــــوم يكبروا الاجيااال

Quote: الباوقة النتر عضة الكداريك ماتو زول شال الكلاش والدوشكة بى جنباتو كان توبك وقع تلقيهو ساترك زاتو لو ما بس ظروف ما تقيفى جم نعلاتو

الله اكبر

كع

مكاوي

اردم

باوقيات!

حبيبنا قصي ..منور .

Quote: باوقيات!

زي ما تقول كده هههههههههههه .

العـــــوين ؟؟؟

الفاضل \ محمد سليمان .. لك التحية .

Quote: العـــــوين ؟؟؟

الرجاء عدم الاندهاش .. هذه مسدرة فمباح كل الذي يقال لانه يعاصر التوقيت .
تصدق يا محمد لي اسه في ناس بخاطبونا بـ عوين وبـ كلمة حريم !هههههههههه .
ودمت .. ولي قدام .

Quote: يوم حان الدواس واتحددت ساعاتـــو واتلمــوا الخــــلوق وادفقت ساحاتـــو راكبين الخيول شايلين سيوف عزاتو سألين باوقة وين ياخاواني فيهم ياتـو؟ قالــــولنـا العـــــوين والله ياها صفـــاتو شافنو البنات جااااااري وطبــق نعلاتـو

العـيـب مـو فيها.. في البوش الكتير الفزع تراهو في ساعتو
لِزوله قطعت حبل الأهل وفرشت في سـوق البرنجي وباعتو
وتِتْمط بِحي ع النِضال.. سجـم البلد الكِـبْـرت عليهو وِساعتو
يا رب العِباد بِتين نِنْحَل ونسمع خبر المُعارضة ونقالِد ناعتو

الخالِق الخُلـوق قال الرُجال فـوق الحريم بِجَدَعه
ومرتين دكاترا "إتْهولَدَنْ" بِساون تمام أب ودعه
البَنَنَتْ طبع الحيا فاتوهو وسَوَنْ في المنابِر فَدْعه
يا الخُلَفا والذين أنـابـوا البِنَيه دايرالا نَـدْه وردعه

كع .. لي عودة مشغووول شوية والله.. باذن الله

مشغوا بي خطوط الانتاج لسه باوقيشن

اها النجدع معاك
يا يبت عميسب

بت عمبسيب سمح نضمك كيبوردك يا رب ما ينضرا
زولاً كل قدرتو الجري وراء الرئيس العرة
كيفن وكت الكوع يحمى يدق سدرو ويمرق لي برا
حراسو الخوف من سيدو وسيد سيدو ذاتو
بجفل من مواء البـــــــــــــــــره
ولكي تحيييييييييييييييية

باوقيشن ظريف طلاتو دايماً مرحة
معتر ليهو دينق ومعاوية لايك القرضة
يعلم علم اليقين انو الانقاذ منقرضة
وشايت شمال ضفاري لامن مرقا

حباب عزام اخوي ...

Quote: العـيـب مـو فيها.. في البوش الكتير الفزع تراهو في ساعتو لِزوله قطعت حبل الأهل وفرشت في سـوق البرنجي وباعتو وتِتْمط بِحي ع النِضال.. سجـم البلد الكِـبْـرت عليهو وِساعتو يا رب العِباد بِتين نِنْحَل ونسمع خبر المُعارضة ونقالِد ناعتو

عزام انقـــرع وفارق النفوس الطامعــا
وأكان قلت النضال نمسحبو عينآ دامعا
والبوش ان نضم كل الخلوق ليو سامعا
وأكان سله السيوف فرتاق صفوفآ جامعا .

حباب فرحنا المهاجر ..

Quote: بت عمبسيب سمح نضمك كيبوردك يا رب ما ينضرا زولاً كل قدرتو الجري وراء الرئيس العرة كيفن وكت الكوع يحمى يدق سدرو ويمرق لي برا حراسو الخوف من سيدو وسيد سيدو ذاتو بجفل من مواء البـــــــــــــــــره

تسلم يا فرحنا الديمة قولك حالي
يا الخاتي الوطن فوق المقام العالي
حاشاك ما تخونو هيبة وسمو ومعالي
ما زي باوقة داك جااااري وكمان هو السالي

هاكي يا منى:
________________________

وحاتك يا منى نضميك حلو ومهضوم
زي لوزاً منقى بيهو بنقزقز دوم
ود الباوقة محظوظ كونك حميته النوم
يا ريت تردميه من جنس الكلام كل يوم

.
.
يااا عُمر اخوي ، السووهو فيك ما هيِّن
راجيك من فجُر عارفك حـديد مو ليِّن
الحكامه بت عمسيب شايله موسه تزيِّن
باوقيشن شَدَّ خيلـو، ديك عجاجتو تبيِّن

حبابك عوض اخوي ...

Quote: باوقيشن ظريف طلاتو دايماً مرحة معتر ليهو دينق ومعاوية لايك القرضة يعلم علم اليقين انو الانقاذ منقرضة وشايت شمال ضفاري لامن مرقا

يا عوض الكلام في الباوقة زول طبال
يعرض في العوج وفي قدوة الدجااااااال
غاطيــــن الشمـــش بايـــدو والغــــربال
وسايقـــين البلــــد بالزنــــد والترجاااااال

يجازى محنك يا منى ههه



وينك ووين الحى بيك؟

Quote: وحاتك يا منى نضميك حلو ومهضوم زي لوزاً منقى بيهو بنقزقز دوم ود الباوقة محظوظ كونك حميته النوم يا ريت تردميه من جنس الكلام كل يوم

حباب عصوم اخوي صاحب الفكر والرأي
الفـــارس الشجاع لـــي رأيو مـــو ضــاراي
الصاقعــــة البشيــــل لعـــدونــــا والبــــاراي
في وقت الدواس في الحارة بلقي حداااااااااي

بت عمسيب حبابها ست الفهم والراي

إن كستوا العديل تلقوها هي السواي

وإن درتو الكعب فارقوها من ضو ساي

بت ضو القبايل للعيب تقول حاشاي

يا باوقا إنصرف شوف إبليسك الغواي

متل ناس منى حرم يبيعنك ويشربنبك شاي


.

إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية

كع

سرورك ما بتم عاقباهو ديمة الفجعة
وظاهرك لينا سكر الا طعمك وجعة
كم طفشتي مرتاح وقلبو مابي الهجعة
روحو تشابي وانت قطعت خط الرجعه

سرورك ما بتم عاقباهو ديمة الفجعة
وظاهرك لينا سكر الا طعمك وجعة
كم طفشتي مرتاح وقلبو مابي الهجعة
روحو تشابي وانت قطعت خط الرجعه

Quote: سرورك ما بتم عاقباهو ديمة الفجعة وظاهرك لينا سكر الا طعمك وجعة كم طفشتي مرتاح وقلبو مابي الهجعة روحو تشابي وانت قطعت خط الرجعه

اردمممم يا بوقة
أي مساعدة عضلات تبش

Quote: اردمممم يا بوقة أي مساعدة عضلات تبش

كع

حباب الخالدي

اردم الجرابيع

كع

حبابك الحبيب ود فضل الله .. اشهد الله فقدتك والرجاء عندم الانقطاع .

Quote: يااا عُمر اخوي ، السووهو فيك ما هيِّن راجيك من فجُر عارفك حـديد مو ليِّن الحكامه بت عمسيب شايله موسه تزيِّن باوقيشن شَدَّ خيلـو، ديك عجاجتو تبيِّن

يا خوي ود فضل العوجة لا تغطيهــــا
وراكوبة الخريف شن الشكر كان ليها ؟
ود باوقــــة النصيحة الكـــــل يوم جاليها
يعرض في العوج والطبلة مـــو خاليهــــا

كتب بطل المسدرة ....

إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية

كع



تحياتي ... وحبي ... وتقديري ... لكم جميعآ ...

واني اليكم راجعة .


لي قدام ....


بت عمسيب .

نوارة الفريق الباوقا هو شن نفرو

يا بت عز الرجال الليلة يعرف قدرو

شن جابو الإيهيطل براهو كايس قبرو

مباراة البشير لحستلوا عقلو ونظرو

.
المِسـدار بَرَد خلّوهُ دايمـاً عـالي
جيبو الشِطط، الليمون يكون الحالي
المديده حرقتني، أرميها وين طوّالي
الشمشاره كِترو، جايين بباص الوالي

Quote: المِسـدار بَرَد خلّوهُ دايمـاً عـالي جيبو الشِطط، الليمون يكون الحالي المديده حرقتني، أرميها وين طوّالي الشمشاره كِترو، جايين بباص الوالي

.
ود البوش طلع ما منو فايدة و ل شنو ...؟؟؟؟
و ل نفد بي جـلـدو .......؟؟؟؟؟؟

Quote: ود البوش طلع ما منو فايدة و ل شنو ...؟؟؟؟ و ل نفد بي جـلـدو .......؟؟؟؟؟؟

ود البوش اتا ما بتعرفو كويس
ولاعتبارات كثيرة اخشى التصادم معك
وان عدتَ عدتُ وبشراسة
والبادي اظلم

بت عمسيب الراسية زوق أدب و سماحة
فهم وعلم فايتة البنات في الساحة
الشنين كضموا وطوالي زادو قباحة
تسلمي يا بت الرجال الديمة قولن راحة

..

كيف يبرد المسدار والقلب لهيب قلاية
من ناس درق سيدو
لا هماهم حال البلد
ولا مشردين حروب
في الخلاء والصي
الماشين حفاية عراية
سكنوها القصور
وجدعولنا السبحة والمصلاية
ويا ود الباوقة اعرض
وكتر في النقيز وبرطعوا
وجلد الثعالب البسوه عباية
ومصير القذافي راجيكم في النهاية

وصباحك زين يا وطن

انا الاسد ان نتر خلي الخلوق تجارا
فرتاق الصوف مجتمعة وقت الحارا
مقنع للبنات تفخربي ناس الحــــارة
شيال التقيل نأمن تكنوا حيــــارا

كع

البلد الحبيب مين البيعدل مايلو

صارى الحزن ابدا فى حشاهو وشايلو

الزول الظلوم حتما تظلمو فعايلو

فى يوما قريب بيبهدلنو عمايلو

عُربان في البلد شامخين هناك في القمَّة


راكزين في الدواس وعقب كريمين همَّة


في وصف الرُّجال ما أحلى جر النمَّة


حلوين للصديق وللعادي انتو الحمَّى

كع

كان ما نحن نعرف وصفكم مين تاني


أولاد عم يمين والدم سكــــن شرياني


ما تلتفتوا للوهــــــــــــم القبيح الجاني


نحن ولاد عرب والفخرة بس سوداني

ارقد يا فقيري

يا ابو الحسين تعال وضح التفاهات حقتك الرميتا دي بدون ما يرمش لك طرف
عشان احدد كيف اقدر اتفاهم معاك

Quote: يوم حان الدواس واتحددت ساعاتـــو واتلمــوا الخــــلوق وادفقت ساحاتـــو راكبين الخيول شايلين سيوف عزاتو سألين باوقة وين ياخاواني فيهم ياتـو؟ قالــــولنـا العـــــوين والله ياها صفـــاتو شافنو البنات جااااااري وطبــق نعلاتـو

يا بت عمسيب أختي ما عرفت ود الباوقة أخوك ونزالاتو
الفارس المهاب من قومة الجهل عينو حمرا ومفتولة عضلاتو
يهابو يوت من شافو كان صرّ وشو واتطايرت شراراتو
"أسد الخشة الضرية" وقتين الدواس يحمى وتتعالى صيحاتو

شنو ليك يا ود الباوقه صاحبي
شكرا أختنا الرائعة بت عمسيب

كتب بطل المسدرة : الهارب ود الباوقة ههههههههههه

Quote: انا الاسد ان نتر خلي الخلوق تجارا فرتاق الصوف مجتمعة وقت الحارا مقنع للبنات تفخربي ناس الحــــارة شيال التقيل نأمن تكنوا حيـــــــــارا

سمح خوفتي .

Quote: ود البوش طلع ما منو فايدة و ل شنو ...؟؟؟؟ و ل نفد بي جـلـدو .......؟؟؟؟؟؟

غلطان يا ABUHUSSEIN تاااااب حرّم، بِالله أشطُب كلامك الشين ده وإعْتذِر لِود البوش ولِبِتْ عمسيب.

ود الباوقة وجميع شعراء المنبر،
سلامي وتحياتي،
أنا لو من ودالباوقة أنسخ هذه الرباعيات والعشاريات والسباعيات وكل الابيات المنثورة والمتناثرة وأطلع منها إصدارة أسميها"باوقيات"
وما تنسى كمان في مشاركات عن طريق باب الفيس بوك!

شن نفرو الأسد وكت البلد خربانة

ماكلين مال النبي وحارسنو بالجبخانة

جالدين العوين لا رحمة لا شفخانة

والجاهل الصغير عيشتوا في زنزانة

وأولاد الأصول بيهم سجون مليانة

يا الباوقة الغشيم قول للبشير دا كفانا

Quote: إتغشينا بي حبك لبسنا عباية يا موية الرهاب الما ملت كباية عجيب يا دنيا أمرك الا نحنا غباية عاشقين الجمال في لمعة الحرباية

حبــك مـــو بدوم دايــر تلات وربــاع
عارفـك من عقب طبال كمان طماااااع
لابتسمع نصـــح لاحــاسي بالاوجـــاع
يابواقة اختشي وليه للبشير تنصااااااع ؟

إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية

......................................................................

الرباعية دي جابت مفعول سريع خلاس

هههههه

وليعلم ابو الحسين وغيره انه تربطني علاقة عاطفية مع منى عمسيب
وهي واضحة وضوح الشمس وانا لا اداريها ولا اخفيها بل وافتخر بها
وهي علاقة شريفة والقصد منها الزواج الشرعي
وأسأل الله ان يفقني بالزواج قريبا جدا

لو طال الزمن يا باوقا بس أرجانا

نحنا أولاد مكارم ما بنظلم العادانا

علا القصاص واجب على أعدانا

حالفين بالقسم تار عزة ناخدو برانا

الحمريط هرش ولابت تقول الفار

مدسوس في حفير خايف لهيب النار

امرق يا الاريقط يوم الدواس الحار

نحن الدنيا هيلنا زملنا ديمه الشيحه
الغفر المخاوف لينا بطنو مسيحه
للعشمان تجد دارتنا ديمه فسيحه
ترمى الفى زحل وتخت بدالو كسيحه

اخي ود البوش

ابو حسين بيمزح يا اخ

البوست كلو مخستق يا اخ

والله يا باوقة انا عارف انو البوست دا موضوع في قالب حلو مر بين الجد والهزل
ولكن ابو الحسين كلامه ينضح خبثا ولؤما

ما كنت اتمنى يوما ان ادخل في أئ مهاترات او عداوة مع أئ زميل في هذا المنبر
وليس من عادتي التهاتر عبر الكيبورد
ولكني اعرف كيف اصفي حسابتي على ارض الواقع مباشرة ان كان ذلك ممكنا
ويا ابو الحسين لو كان لك معي عداوة شخصية فأفضل ان نصيفها على الهواء مباشرة
وتنقد الرهيفة اصلا ان شا ءالله ما تتلتق

يا ود البوش يا صديق ياخي ما تخرب لينا البوست

خلينا نردم ود الباوقا

أبو حسين دا أمره هين

واصلوا يا عزيزي عاصم
فانا حددت طريقة تعاملي مع ابو حسين
وتاني ما عندي معاكم شغلة
وشكرا

Quote: ما كنت اتمنى يوما ان ادخل في أئ مهاترات او عداوة مع أئ زميل في هذا المنبر وليس من عادتي التهاتر عبر الكيبورد

و أنت فعلاً كما قلت و أكثر فأنت أحد القلائل في هذا البورد الذين يحظون بإحترام جميع الناس فيا ريت تطول بالك شوية ودم كما أنت
و لك كل الود و الإحترام

أشكرك أخي الوليد الشيخ لحسن الظني بي وشكرا لكل من يظن الخير في كل الناس
تقديري واحترامي ويدوم الود

والله العظيم البس توبي واطلع .

رسالة للجميييييييييع ...وحلفتكم بالله ... .

بجاه الرسول خلوا المسدير صافـي
عامر بالاخــــوة وحبنــا المتعافــــي
نحن اولاد وطن ما فينــا زولآ جافي
نحضن لي بعض حضن وطنا الدافئ .

.
أخي الحبيب عبدالله ود البوش
تحيةً وسلاماً واحتراماً

واللهِ واللهِ لم اشارك في هذا البوست إلا لروح الدعابة التي تقوي
أواصر العلاقه بين الإخوة والأخوات التي لمستها فيه
فيا أخي هون عليك ، وواللهِ ما حسبت أبو الحسين إلا مداعباً
وإذا لمست أنت غير ذلك فلك العتبي حتى ترضى .

لك محبتي

أخي العزيز محمد فضل الله
سلام واحترام

Quote: فيا أخي هون عليك ، وواللهِ ما حسبت أبو الحسين إلا مداعباً

انا اعرف جيدا واشم نفس الكاتب بين الحروف وان حاول ان يخفيها
فأمانة في ذمتك يا محمد فضل الله وأسألك يوم الحق عز وجل
هل كلام ابو حسين دا حتى لو خت فيهو مليون وش ضاحك يُفْهم منو روح داعية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثم انه متى كان ابو الحسين مداعبا ؟؟؟؟؟؟؟؟؟؟؟؟؟؟؟؟

Quote: بت عمسيب الراسية زوق أدب و سماحة فهم وعلم فايتة البنات في الساحة الشنين كضموا وطوالي زادو قباحة تسلمي يا بت الرجال الديمة قولن راحة

حباب حاتم الكلس الفي الرجال هو القائــد
الفــارس الهمـــام اللي الدواس هو الرائــد
بسهـــم السيوف لي باوقــة دائمـــأ صائد
وتسلـــــم للوطــــن وتقطــــع جذور الكائد

Quote: شن نفرو الأسد وكت البلد خربانة ماكلين مال النبي وحارسنو بالجبخانة جالدين العوين لا رحمة لا شفخانة والجاهل الصغير عيشتوا في زنزانة وأولاد الأصول بيهم سجون مليانة يا الباوقة الغشيم قول للبشير دا كفانا

عصوم الكلس راكب الفرس ابو غرة
خاتيهو المـــلام افكـــارو دائمآ حــــرة
في وقت الدواس حاشاهـــو كر وفـــرة
للعـــدو والصليح تلاقـــاهو واقف بــرة

..
إنتوا الدنيا هيلكم علا الآخرة وين نسيانا

لا صنتوا العهود لا حفظتوا وحدتها دارنا

قسمتوا البلاد عرب وجنجويد رطانا

جوعتوا الخلوق من موية ما رويانا

موارد البلد بيعتوها للذلانا

يا ربي الكريم تنفكوا من تالانا

حباب اسحاق اخوي ..

Quote: يا بت عمسيب أختي ما عرفت ود الباوقة أخوك ونزالاتو الفارس المهاب من قومة الجهل عينو حمرا ومفتولة عضلاتو يهابو يوت من شافو كان صرّ وشو واتطايرت شراراتو "أسد الخشة الضرية" وقتين الدواس يحمى وتتعالى صيحاتو

يا اسحاق اخوي البـــــاوقة شفـــنا برانـــا
واشهـــــدن البنات الكـــانو ديمــــة حدانــا
جااااااري من الدواس خايف من الجبخــانا
شــــال نعلاتو فووووق صدقني يا مولانـا .

هههههههههههههه مولانا دي ليك اسحاق .

يا الباوقا الكويز خليتوا البلد هملانا

بن صهيون تحوم كل يوم في سمانا

وزير الدفاع بنظرو بيرمي الدانا

ودفاع بالنظر كضبت يا مولانا !!

جيبتولنا الفضايح وفقدنا سترة حالنا

ود الباوقة فرحان بغنايم ظلموا

شفتوهو كيف فرحان منفخ جضموا ؟

قال البعاشيم سقطت وبشيروا فارق هموا

يا الباوقا الكويز مال اليتيم لا تخموا

ديل أولاد بلد باكر بيجوك يتلموا
ود عم وخال والكل بيطلب دموا

Quote: يا اسحاق اخوي البـــــاوقة شفـــنا برانـــا واشهـــــدن البنات الكـــانو ديمــــة حدانــا جااااااري من الدواس خايف من الجبخــانا شــــال نعلاتو فووووق صدقني يا مولانـا .

ما ظنيتو بــــاوقة المن الدواس شــــــــــــــراد
رعد الضراع* كشاح السيول ال للشقوق ســـداد
اظنك في الصحو شفتي العصا *البتراب ينشـاد
هـــاطلة وكالـــحة وعاطلة وبالســـــــموم تنقاد



الضراع + العصا = عينات للمطر

اردم يا الخالدي

اردم بني علمان ومن شايعهم

الي احبتي ... حضور ... وقراء .

لكم مني كل التحية والحب والتقدير .. لكل الرائعيين المتداخلين
والاروع القراء المتذوقييييين لهذا الدواس .

الوصية في الذمة

نكون كما نحن ...

دواخلنا وطن يسع الجميع .

شعارنا الحب .

مساديرنا تلاقي للارواح .

ودمتم احبتي ..


واني اليكم راجعة .

ولي قدام ..

بت عمسيب .

وينو الليلة شيخنا خاف الدواس والحارة

ولا الشيخ بيفتش وما لقالوا دبارة

خاف من الصقع مسدارنا متل الغارة

يا باوقا الكلام والله موهو حقارة

بس ننصحك فارق الجماعة الفاجرة

وقليبك للوطن وسع حنايا العامرة


..

Quote: يا بت عمسيب أختي ما عرفت ود الباوقة أخوك ونزالاتو الفارس المهاب من قومة الجهل عينو حمرا ومفتولة عضلاتو يهابو يوت من شافو كان صرّ وشو واتطايرت شراراتو "أسد الخشة الضرية" وقتين الدواس يحمى وتتعالى صيحاتو شنو ليك يا ود الباوقه صاحبي شكرا أختنا الرائعة بت عمسيب[/Q شكرا شيخ اسحق بارك الله فيك

---

Post: #80 Title: Re: مسدار ( ود الباوقة شافنو البنات ) .... Author: Kabar Date: 03-26-2014, 07:05 AM Parent: #79 ود الباوقة..حبابك صلح مداخلتك الأخيرة.. فتلت البوست..( هسع يجوك يقولوا ليك مخطط شنو كده ما عارف)... كبر

---

Post: #81 Title: Re: مسدار ( ود الباوقة شافنو البنات ) .... Author: Kabar Date: 03-26-2014, 07:07 AM Parent: #80 صديقي محمد الحسن سليمان..حبابك احتسب ساكت يا اخي..! و ها ك دي.. اخوي ود الباوقة ، شكلو زول خطير.. اتلموا الخلوق ، قالوا تقرير مصير ود الباوقة ، قال خير، كلو يصير.. اٍلا المزعلني ، و لماني في الحنطير قولة بت عمسيب ، ان شاء الله ، الجندر يطير..!! منى ..حبابك يااااااااااااااااااخ.. هذا منبر (عبس و تولى).. تقول تفرفش.. يطبوك كربون زي السلامو عليكم..!! كبر

---

Post: #82 Title: Re: مسدار ( ود الباوقة شافنو البنات ) .... Author: ود الباوقة Date: 03-26-2014, 07:24 AM Parent: #81 Quote: و ها ك دي.. اخوي ود الباوقة ، شكلو زول خطير.. اتلموا الخلوق ، قالوا تقرير مصير ود الباوقة ، قال خير، كلو يصير.. اٍلا المزعلني ، و لماني في الحنطير قولة بت عمسيب ، ان شاء الله ، الجندر يطير..!! اخو الاخوان كبر اردم اليوم يومك

---

Post: #83 Title: Re: مسدار ( ود الباوقة شافنو البنات ) .... Author: Asim Fageary Date: 03-26-2014, 11:49 AM Parent: #82 الباوقا الكويز وين فرً ما شايفنو تاريهو بيخاف يشرد من الهارشنو يا زول ما تجي البوست ليك فاتحنو

---

Post: #84 Title: Re: مسدار ( ود الباوقة شافنو البنات ) .... Author: ismeil abbas Date: 03-26-2014, 12:34 PM Parent: #83 Quote: بجاه الرسول خلوا المسدير صافـي عامر بالاخــــوة وحبنــا المتعافــــي نحن اولاد وطن ما فينــا زولآ جافي نحضن لي بعض حضن وطنا الدافئ . كلامك سمح والله يا بت عمسيب.....فيهو الجمال والحكمة وريحة الطيب... وأخونا ودالبوش متحفنا بغفشاته ......زولاً حريف وأديب. بتسوقى الكلام برواقة..... مع روعة التهذيب. ونرجع للكلام الجد.. للبيت لا بد يكون هناك ترتيب. مع خالص تقديرى وإحترامى للجميع....وعلى الناس أن تطول نفسه شوية....وأنا موقن بأن أبوحسين لا يقصد شىء غير المزحة يا ودالبوش.....لكم التحية جميعاً... لا أبوحسين ولا ودالبوش يجوا هنا ثانى.....

---

Post: #85 Title: Re: مسدار ( ود الباوقة شافنو البنات ) .... Author: يازولyazoalيازول Date: 03-26-2014, 01:19 PM Parent: #84 بت عمسيب حبابك جبتى الكلام موزون بقرأ وأجيه راجع متل التقول مجنون معجب بالقوافى منظومة جد بفنون فيها جمال أهلنا البى الكرم معطون ود البوش أخوى الزول بمازح فيكا لا قاصد يحقرك لا الكلام كان ليكا تعال لى فى غبيرا نمشى ناكل ويكا نشرب شاى عصر وندوبى بالمزيكا ودالباوقة رايق ونَفَسو ديمة طويل يرمى كلام ملولو ويجيبو ليك عديل حبك للبشير واجعنا ليك بالحيل ده الخلى الجماعة يكيلو ليك الكيل ههههههههههههه

---

Post: #86 Title: Re: مسدار ( ود الباوقة شافنو البنات ) .... Author: Asim Fageary Date: 03-26-2014, 01:32 PM Parent: #85 هشام أخوي حبابك جبت الكلام الزين إلا الباوقا مو راضي يفارق الشين كل يوم بننصح ولسه عشمانين

---

Post: #87 Title: Re: مسدار ( ود الباوقة شافنو البنات ) .... Author: يازولyazoalيازول Date: 03-26-2014, 01:39 PM Parent: #86 سيبو للزمن باكر تلاقي اتعلّم والغفلة الكتيرة بتخلى سيدها مبلّم معلق فى البشير وعاملو زى السِلّم يومو اليترفع زى طير جناحو مقلّم

---

Post: #88 Title: Re: مسدار ( ود الباوقة شافنو البنات ) .... Author: Asim Fageary Date: 03-26-2014, 02:36 PM Parent: #87 قول ليه البشير لاهاي مصيروا يزورها احسلك تفوق قبل الخواض في بحورها إت قايل هناك فسحة وبرك نافورة داك يوم العذاب الحارة كان بتدورها والطوربيد بجيك وبكامرتو ياخد الصورة وفي المنبر أكيد سيرتك تفوح بعطورها

---

Post: #89 Title: Re: مسدار ( ود الباوقة شافنو البنات ) .... Author: يازولyazoalيازول Date: 03-26-2014, 02:46 PM Parent: #88 يا عاصم أخوى ربى اليبارك فيكا جبت كلام نصيحة موزون كما المزيكا ياريت زولك يسمع ليكا ويباريكا ما يتابع الضحك ويسمع كلام يبكيكا هههههههههههههههههه (أسمع كلام يبكيك)

---

Post: #90 Title: Re: مسدار ( ود الباوقة شافنو البنات ) .... Author: Asim Fageary Date: 03-26-2014, 02:56 PM Parent: #89 يا هشام يا صديق صاحبك عنيد ومكابر وقت الجد بيعرف النصحو ماهو بهاتر لكن وقت الفوات يبقالي هو الخاسر قول ليه البشير بخبروا تسمع باكر وتقول يا ريت لو زمان شلناه من الخاطر

---

Post: #91 Title: Re: مسدار ( ود الباوقة شافنو البنات ) .... Author: يازولyazoalيازول Date: 03-26-2014, 03:10 PM Parent: #90 كلامك صاح والقلتو مية المية الحارس البلد وقالوا هو حاميها قائد للفساد وكل المعاه حرامية مافيش غير لاهاى شان ياكل الطعمية هههههههههههههههههههههههه

---

Post: #93 Title: Re: مسدار ( ود الباوقة شافنو البنات ) .... Author: إسحاق بله الأمين Date: 03-26-2014, 04:06 PM Parent: #91 Quote: يا اسحاق اخوي البـــــاوقة شفـــنا برانـــا واشهـــــدن البنات الكـــانو ديمــــة حدانــا جااااااري من الدواس خايف من الجبخــانا شــــال نعلاتو فووووق صدقني يا مولانـا . ركازة المايله ود الباوقة حبيبنا يا هو ضرانا ويا هو حمانا كان قامت "الكعة" تشوفو بجز الرقاب زي جزار في سلخانة فرحانات البنات يزغردن ويغنن ما دام ود الباوقة معانا ما همانا

---

Post: #94 Title: Re: مسدار ( ود الباوقة شافنو البنات ) .... Author: مني عمسيب Date: 03-26-2014, 07:22 PM Parent: #93 حباااااااااااااااااااب خالدي خوي . Quote: ما ظنيتو بــــاوقة المن الدواس شــــــــــــــراد رعد الضراع* كشاح السيول ال للشقوق ســـداد اظنك في الصحو شفتي العصا *البتراب ينشـاد هـــاطلة وكالـــحة وعاطلة وبالســـــــموم تنقاد يا خالدي الشكر في باوقة ماهو الخايل في ساعة الدواس طابق نعالو وشايــــل شافنو البنـــات شـــافن عرقهـــو السايل جاري جري الغزال اللي فريسو يحايــل

---

Post: #95 Title: Re: مسدار ( ود الباوقة شافنو البنات ) .... Author: معاوية عبيد الصائم Date: 03-26-2014, 08:00 PM Parent: #94 Quote: يا بت العمس.. العيب حروفو قلال مساككة الرجال جايبالة كشفة حال جربى.. أكتبى... شيتاً يسر البال ما أظن تكسبى من موية فى غربال من زمن الصغر حاشاها بت ابوى عمسيب لا جابت ملام لا شفنا منها العيب ... جدها الكبير كان للضرس عرديب... كدنداكة البلد اليها ما بتسيب...

---

Post: #96 Title: Re: مسدار ( ود الباوقة شافنو البنات ) .... Author: Abd Alla Elhabib Date: 03-26-2014, 08:55 PM Parent: #95 الجري وشيل النعال معهـودة في الكيزان السرقة ، الكضـب ،تلـــيبة الحــــــيشان صـفات العَـــفَنْ ملمـــــومة في الوس خان قـــادر يا كــــريم تطـهــــر الســــودان

---

Post: #97 Title: Re: مسدار ( ود الباوقة شافنو البنات ) .... Author: Asim Fageary Date: 03-27-2014, 06:08 AM Parent: #96 Quote: الجري وشيل النعال معهـودة في الكيزان السرقة ، الكضـب ،تلـــيبة الحــــــيشان صـفات العَـــفَنْ ملمـــــومة في الوس خان قـــادر يا كــــريم تطـهــــر الســــودان ود الباوقا وين غايب من المسدار الطوربيد بقى الحين من الحضار خليه اليجي كان يفهم السمار ويعلنها توبتو من زمرة الأشرار

---

Post: #98 Title: Re: مسدار ( ود الباوقة شافنو البنات ) .... Author: محمد فضل الله المكى Date: 03-27-2014, 10:37 AM Parent: #97 . بت عمسيب هناك بتغني في مُشكـاره باوقه شدَّ الخيل وسمعنا صوت نُقاره أبعد يا فقيري لا تكون مع الشمشـاره يا الخيل عركسن يا الزول رِكِب طياره

---

Post: #99 Title: Re: مسدار ( ود الباوقة شافنو البنات ) .... Author: Hassan Makkawi Date: 03-27-2014, 03:01 PM Parent: #98 Quote: الباوقة النتر عضة الكداريك ماتو زول شال الكلاش والدوشكة بى جنباتو كان توبك وقع تلقيهو ساترك زاتو لو ما بس ظروف ما تقيفى جم نعلاتو صديقى العزيز ود الباوقة بما إنى ما قصرت معاك فى بداية البوست بالمربع السمين أعلاة، فعليك الله رد لى الجميل وكان لاقيت سيدى الرئيس قوليهو: يا سيدى الرئيس أنا زول بقيت محتار إسمى ود الباوقة الوليدً البار واصلى نشيييط مكتر ليك فى البوبار فى مدحك خشومى كتار بس لاكين بدور اختار يمين محتار سكانى الوليد الماركسى البربار وعضتنى البنية الراسة فيو كركار وحمر لى مداح فى إيدو شايل طار و(شلتنى) (المشعشع) وراسو ماسك نار ودمعة زول مريض ما لاقى سم الفار أحيييييه ..... يا ريس حياتنا دمار فى العنبر تلاقى سرير تلات انفار مدارس مافى....... طلبة كتار ضرايب موت... تقع فى الراس تقول فرار يا ريس بقيت جزار حواليك شلة سالخة جلدنا بى منشار ونحنا صبرنا ركه وطار فتلنا بواقى صبرنا بالمترار والله يا ريسنا ظلمك حار أمشى خلاس عندنا نحنا ألف خيار قوم اسرع وراك جهزنا كوم ازيار

---

Post: #100 Title: Re: مسدار ( ود الباوقة شافنو البنات ) .... Author: Hassan Makkawi Date: 03-27-2014, 03:11 PM Parent: #99 بجيك تانى يا باوقة أتم ليك الرسالة لسة ما كملت بس مشغول فى العيشة والكشيشة...

---

Post: #101 Title: Re: مسدار ( ود الباوقة شافنو البنات ) .... Author: Asim Fageary Date: 03-27-2014, 03:40 PM Parent: #100 Quote: بت عمسيب هناك بتغني في مُشكـاره باوقه شدَّ الخيل وسمعنا صوت نُقاره أبعد يا فقيري لا تكون مع الشمشـاره يا الخيل عركسن يا الزول رِكِب طياره حاشاها بت عمسيب تكون شمشارة دي بت ناساً عزاز تاريخا في أسفارا بت الأصول وعي وفهم وجدارة والباوقة لابد من حروف مسدارا

---

Post: #102 Title: Re: مسدار ( ود الباوقة شافنو البنات ) .... Author: محمد فضل الله المكى Date: 03-27-2014, 09:12 PM Parent: #101 . باوقيشن محـزَّم لِبس حِجبـاتو والمركوب مِعسكِر في (المراعي) شبعان زبادي وروب بِت عمسيب تزغرِت من بدري لافحه التوب والفرَّاجـه كِتْرو ناس عِيك وناس حي ووب

---

Post: #103 Title: Re: مسدار ( ود الباوقة شافنو البنات ) .... Author: Balla Musa Date: 03-27-2014, 09:34 PM Parent: #102 ياباوقة بطل زمزغة واندغام المربوعين الكاربات ديل حقات عكير الدامر في وصف الدنيا. هههههه بت عمسيب والله اخطر انقاذي علينا وعلى المعارضة هو هذا الود الباوقة لأن سلاحه من السماحة والطيبة والأدب الجم بيقتل الحيل

---

Post: #104 Title: Re: مسدار ( ود الباوقة شافنو البنات ) .... Author: مني عمسيب Date: 03-28-2014, 09:12 AM Parent: #103 حبابك الصبوح عباس اخوي .. اقتباس : كلامك سمح والله يا بت عمسيب.....فيهو الجمال والحكمة وريحة الطيب... وأخونا ودالبوش متحفنا بغفشاته ......زولاً حريف وأديب. بتسوقى الكلام برواقة..... مع روعة التهذيب. حباب عباس اخوي وجهك صبوح ومنور ويـــا بلســـم جــــروح جوانا دايـــرة تغور وجودك كــــان مهـــم ويالينـــا انت مصــور وبطيـــــب الكــــلام يا الديمـــة لينــــا منــــور هووووووي ده مو غزل ... وحاة الرسول دي الحقيقة هههههههههه.

---

Post: #105 Title: Re: مسدار ( ود الباوقة شافنو البنات ) .... Author: ود الباوقة Date: 03-28-2014, 09:21 AM Parent: #104 حسن مكاوي .. ابشر بالخير يا ارباب ... ما بتقصر والله.. عارفك اخو اخوان.. كع

---

Post: #106 Title: Re: مسدار ( ود الباوقة شافنو البنات ) .... Author: مني عمسيب Date: 03-28-2014, 09:53 AM Parent: #105 Quote: ركازة المايله ود الباوقة حبيبنا يا هو ضرانا ويا هو حمانا كان قامت "الكعة" تشوفو بجز الرقاب زي جزار في سلخانة فرحانات البنات يزغردن ويغنن ما دام ود الباوقة معانا ما همان يا اسحاق اخوي العوجــة لا دســـوها ومصلحة البلد يا خوانا كيف تنسوهــا؟ ناس ود باوقة ديل بلدنا جت سفوهـــا ومن خيرت البشر ياخوي هم صفوها

---

Post: #107 Title: Re: مسدار ( ود الباوقة شافنو البنات ) .... Author: مني عمسيب Date: 03-28-2014, 10:01 AM Parent: #106 حبااااااااااب الشيوعي حاج ود الصائم .. Quote: من زمن الصغر حاشاها بت ابوى عمسيب لا جابت ملام لا شفنا منها العيب ... جدها الكبير كان للضرس عرديب... كدنداكة البلد اليها ما بتسيب... يرجع ليك فضل يا خوي ود الصــائم يا شيوعي السرور الديمة كرمك باين في وقت الدواس ما بتخشي لؤمة لائـم ما زي باوقة داك شايل طبلتو وحااايم

---

Post: #108 Title: Re: مسدار ( ود الباوقة شافنو البنات ) .... Author: إسحاق بله الأمين Date: 03-30-2014, 08:41 AM Parent: #107 السياسة يا بت عمسيب أختي مابريده وماني زوله ومكجنه الفرقة والإختلاف ووجع الراس أمراضها القديمة المزمنه ود الباوقة أخوي دخري الحبوبات أخو الضايقة المتألـــمه

---

Post: #109 Title: Re: مسدار ( ود الباوقة شافنو البنات ) .... Author: مني عمسيب Date: 03-30-2014, 09:44 AM Parent: #108 حبابك اخوي ود الحبيب .. اقتباس : الجري وشيل النعال معهـودة في الكيزان السرقة ، الكضـب ،تلـــيبة الحــــــيشان صـفات العَـــفَنْ ملمـــــومة في الوس خان قـــادر يــــا كــــريم تطـهــــر الســــودان دعوتك الحبيب ان شاء الله واصله سماها والسرقـــو البلــــد اشهـــد بــراو مولاهـــــا دمروا للوطـــن سابــق مــــنو السواهـــا !؟ شاحداك يا الكريم لاهــاي تجينــا براهــــا