افتقر للمرح

مرات بتعضي معاك وتصرج بيك
تلقاك صاري بوزك ولونك زاتو مسود

تبرأ يابا من عدم المرح

وان شاء الله عدوينك

عندي لك مليون نكته تبهجك بس اكتب الوتساب بتاعك في المسانجر عشان اضحكك هههههههههه.

بس بيني و بينك

وبموضوعيه بالله البيبهج في و قاعنا شنو يا ود ابو سن؟!

كل الحاصل بيقرف و يحبط.

ربنا يعينا جيمعا.

البعيـو نزل ضيف على ناس عشوه بعصيــدة بملاح ويكاب.. تانى يتكلم ما جماعتو سألوه ضبحو ليك شنو؟ قال ليهم كوليقـة قصب.

ابسن اخوي يا رفيق همي وغناي القرف على قفا من يشيل لكن اقتلع لحظة الفرح من فك الزمن الصعب

وهاك النكتة دي :-

رباطابي بصلي وهو في السجود دخلت مرتو وسألتو بتصلي ؟؟
قطع الصلاة ورد ليها (( لا لا جبت قون))

تحياتي ودايما ملان فرح غصبا عن كل حاجة ،،

عان يا أب سن
كلما الدنيا تعصلج معاك
والبوز يطول ويتمدد من عصلجة الأيام .
تقوم تكرب كبكك وتكربو ساكت بدون شرابات
وتديها جكة مسافة 4 ميل .
والله يا أب سن البوز تب يرجع في بكانو .
وترتاح راحة جد .
ياخ ماك شايف الخواجات ديل بضحكوا في الزول الما بجك ؟
أوعك تفتقر للمرح . أوعك تدي العكننة مساحة من عمرك الشوية ده يازول .
قالوا الدبرسة يا أخوي هي القاتل الصامت .
وجد ده كلام خطري .
تحياتي

تراجي ياخية
جدا والله , لكن رسلي لي اول انتي اسمك ده صعب علي بالموبايل
والله قرفة لامن الواحد بطنو توجعو ,, ويكبسو الصداع
ياخي عاضة عضة موبالغة

دى قصـة حقيقيـة: عام 1990

واحد جاى من السودان لنج.. نزل مع عزابة يعرفهم فى نيويورك.. كيزان.. كل يوم يدوه نصايح ما تشتغل فى دكاكين اليمانية لأنهم يبيعوا البيرة والخمرة.. ونحن حنشوف ليك محل دسكاونت او طرمبة بنزين...
المهم شهر قاعد فى البيت.. بس يوم اتسرق وطلع.. دخل دكان لقى صاحبه يمانى.. اليمانى عرفو سودانى وسأله: تخدم؟ قال ليه جدا أخدم.. ومن اليوم داك ما رجع، لأنو الدكان فاتح 24 ساعة، وعنده اودة فوق
يطلع ليها بسلم البنا الواحد دا.. طرزان بس.. المهم بعد شهر لقى فرصة طلع ولاقوه جماعتو القدام..
أها يا أبو الشباب إن شاء الله لقيت شغل ووين؟ وهو عارف وعظهم القديم داك، قال ليهم الحمد لله شغال فى بــار.

ابو الريش تعرف اخوي الباشمهندس معاذ ابوسن , رجل ساخر وطريف
قال لي عزمونا غدا ,, ومشينا وهم طلاب بجامعة الجزيرة ,, والغدا اتأخر
وقال الصالون عندو نفاج مع البيت جوه , بقينا كلنا بنعاين قصاد النفاج
نسمع كركبة نستعدل ,, الاولاد عاملين بسرقو النظر سرقة
يجي واحد شايل كباية موية فاضية يختها ويمشي , تاني كوشك كوشك يقولو خلاس الاكل جا , يجي واحد شايل صينية فيها كبابي موية ,,, المهم معاذ زهج والجوعة قرصت , قال ليهم
انتو ضابحين صهريج

ود دفع الله
رفيق الوجع والجرح المنوسر
الجرح بعد جواني يصبح تاني براني
تراجي وود دفع الله
القرف من حال البلد المايلة ,, البلد الناس بتموت فيها بالقهر وغيرها مبسوطة , كل فترة ينسحب آلاف نحو ذل الحاجة وعشرات يزدادون ثراءا , يحكو ليك عن الحلال و الحرام , ياخ هو الناس علي الجزيمة لا لاقين حرام ولا حلال
قال ابوي ود تكتوك
حباب النافع

عثمان موسي
والله ياخ الواحد بكاتل رياح الخوف والدبرسه , لم افارق دار ابي لأهيم بكهف في الصحرا كما قال النور عثمان ,, مزروع في السودان ولا مبرشم هنا ,, وفي السودان في اكثر اقاليمه فسادا , كوستي النيل الابيض ,, تخيل في النيل الابيض حتي كيزانه شكو من واليه
ف شنو
انت محاصر بهم شخصي وهم عام رغم انو الشخصي زاتو انعكاس للعام
بعد ده بنتفاول آي والله بكره احلي
لكن بتعضي ولا من تعضي بتكسر التروس حقت الحركة

الاحباط ده قاتل كما قال عثمان , مرض ارتفاع ضغط الدم اسمو القاتل الصامت , ماعندو اعراض , لا صداع لا حمي بتعتر فيهو عتران , صدفة بقيسو ضغطك يقولو زايد , والكبت برهق القلب والجهاز العصبي
في الكتابة لامن ادبرس بتغلبني الكتابة رغما انها بتقلل التوتر شفتو المعادلة الصعبة دي ,, ولازم اكتب لأحيا ,, بكتب شان رويحتي دي والله في الاول , شان ما اطق , ما ينفجر فيني شريان

Quote: ولازم اكتب لأحيا

معقوله واحد قاعد في السوق ويفقد المرح. سوق كوستي ده علي ما اذكر عباره عن مسرح دائم. بالمناسبه دي يا ودابوسن وين عباس ركس!

المهم تكتب فترتاح الروح و جك فيرتاح البدن زي ما قال ليك عثمان القاعد في امريكا داك بتاع اللابتوبات.

ياهو كده و لـا البوست ده ملغوم. هههه

تحياتي،،،،،،

صديقى
اذا ماضاق صدرك فعليك بالقرآن والدعاء

ده خيار بتاع واحد واقعى يا عبد الحفيظ ابو سن

احترامى

ود اب زيد ملغوم وين ياخ ,, وانت عارف اخوك ما زول مطاعنات ولا ضرب تحت الحزام , العمر اقصر من خسارته في معارك اسفيرية وقالو شوف العين ما كتل غزال والزراف ركوب الجان
مدبرس حد القهر وحد يتساوي الفرح والحزن
اي ركس في الركاسيس ياخ

والله ياعبدالحفيظ اهو صحبانك اتقاسموا معاك الهم...
يمين انا جيت ملان احزان لمن فاتت الحد...
وكتبنا قهرنا،ووجعنا،وكربنا،،،سبعة يوم مافي زول قال لي نشاطرك في همك...
الاك،،وبدر،،ودموسي،،قدامي النداما...
بس تبكي بس.
وبكره تصبح تمام.

ملهم
ادعو حين الضيق ان يفرج الله همي

ربنا يفرج همك ويسعد قلبك ويخليك لى اولادك ياصاحب
اخد ليك غطسه سريعه فى الأبيض الدفاق
وشاغل ليك كم بلطيه
وارفس تمساح تمساحين بى مزاج
واقدل فى القيف لمن هدومك تنشف

وارجع لى المنتدى بالك رايق
لأنو احيانا الواحد بيحتاج انو يبعد عن الإنترنت
لأنو بيسبب أحيانا إكتئاب غير عادى

ماتنسى تاخد ليك يراعه هديه لى حبيبتك ربنا يخليها ليك

استاذي العزيز ود ابسن اسعد الله ايامك بكل خير


اهلنا الصوفية قالوا

بوصيك يا زميل الدنيا شن فيها
من طيبة العمل تشيل وتديها

...............


والحال من بعضو ياصاحب
اخير انت كمان بتفتش للمرح علي الجزيمة ضحكة من جوة كدي ليها زمن ما مرقت

زمان وقت تجيك قرفة وفي نص السهراجة ديك بتدقش الخلاء واقرب شجرة سنط او كتر في ضهر الترعة
بتنتكي جمبها (وحينها) بتجيك افكار للبهجة شريك للسمك للطير وتدقش الترعة (تدبش - تعوم) وتصرلك كم تبشة وكم عجورة
ومعاهن (قيعورة) قزقزة في شارع الرجعة بتكون الامور ظبطت وهكذا ... الخ



ربنا يسعدك ياحبوب


تحياتي

ود أب سن يا ربيع الزَّينة ويا دُخري البخورهِن شيبة....
سلااام ومعزة كبيرة لك وللمتداخلين
كنت بالبادية الغربية وجيت قبل إسبوعين حزين ورقبتي عوجة......
"بتحرَّف عليها وبمشي صاد"
لكن يا سمح يا زين لا تترك للكآبة نفاج ولا حتي صريف.....
وأوعاك من الهووووولة والتهويمة
جادع السمحين وملح الأرض زي اصحابك المتداخلين سابقا أمثال أبو الريش وآخرون......
وبرضو وليداتك وبنيَّاتك وخاصة تلك الأمورة الرائعة وأقصد إبنتك التي كُرمت قبل شهور
نبارك ليك ليها ونعتذر بشدّة لأنني كنت بالبادية
أصارع عتاميرن كبار بلحيل......
وأسلاك الهواء معدومة هنالك...........
ديلا خليهُن صباحك ومساك
وعشان ما تفقد المرح هاك دي من إرشيف الصديق الدلاَّل
وهي لشاعر كباشي يخاطب قلبه حين أكثر من الإلتفات"
"ياقلب الرَّماد مالَك بقيت مَمْحُوق
في جبر الخواطِر كان قسَّموك ما تْحُوق
قَدُر ماتْشوف خِشيمَن بي اللُّبار مَدقُوق
تترزَّمْلُو كيف ود ألبِل المَعقوق"
وكثيرا ياصاحبي عندما تخفي الطِّلول ومضارب السمحين، ويرزم الفؤاد ويتلفت القلب، نزيح وكاء جراب الذكريَّات واللَّيالي البيض
أو كما يقول ود سعيد الكباشي
"بعد ماكنت دليل الرَّدَّهِن هدوويبي
بقيت عاطْلَن بحلِّق في الكَكَر لا الغيبة
أصلها الدّنيا يا دُخري البخوهِن شيبي
مرَّه فتيَّة مرّه عروس ومرَّة عزيبي
محبتي

مهما كان يا أب سن
أنت برضو حالك أخير
أهو أقلو أنت بين ناسك وربعك .
ياخ الغربة دي زي الحنضل بي البيض .
في الأيام الاولانيات للغربة حقتي في الحبيبة نيويورك يا أب سن كنت شغال بفرش الجينز في الشارع وكانت شغلة ممنوعة وصعبة .
لو ما عندك CERTIFICATE تفرش في الشارع يعني يدك في قلبك 13 ساعة وجمبك الاستريو بتاعك أبو 36 سماعة شغال عالي
لزوم تخفيف فولت الدبرسة . دلوكة الخواجات بتساعد في مص اللهد والعكننة وبرضو بتكتر حولك المشترين .
وحياتك يا أب سن ده كلو كان عشان مصاريف الشلة المنتظراك وده البديك طاقة تعارك أعاصير الاحزان وتضحك عشان تدفق وجعك .
بس ياخ برضو الحياة حلوة .

عبدالعزيز وشالو معاي الهم بالجملة ,, اخوك مفضوح العلي لسانو علي كيبوردو , صارت سودانيز لنا سكنا وحياه , نبثها لواعج شوقنا ونكتبها حزننا ,
انا ضربت الروراي وانت بكيت من وراء حجاب
ولو صحت مثلي لتداعي لك اضعاف ما تداعي لي

تعرف ي الجنيد و زمن الكرعين بشيلن الزول
لامن ادبرس بخش باخد لي حمام , وأغير كل الهدوم اللابسه واتعطر , ألبس عراقي وسروال طويل ,, وامرق ألف كوستي دون هدي , محل توديني كرعيني ,, مافي خطة واضحة ,, أقول ليك بجي مهدود لكن مبسوط , شفت الناس وحياتهم وقابلتني مشاهد رسخت في ذاكرة عشق المدينة
الكبر حصل والدواحة بدون هدف محتاجة تبرير

العبيد ضنيتها عزبا واليها طاشي
وكاي القلب انقطع
حديثك بشبهك وحديثي كوتر !
تسلم يا با

العبيد ضنيتها عزبا واليها طاشي
وكاي القلب انقطع
حديثك بشبهك وحديثي كوتر !
تسلم يا با

Quote: الكبر حصل والدواحة بدون هدف محتاجة تبرير

طيب أدقش الخلا، كان حوامة المدينة عايزه تبرير
إن شاء الله الجمعة دي تفك ياخ، ويعود المرح

وين للبكيات يا معاوية
صديقي د. علا توفي شقيقه مصطفي , الشاب المحامي الصغير دون علة معروفه
صحو الصباح لقوهو مات
عاصر الفراش من امس

عندي الرغبة
انابذ كم زول وكم زولة هنا
بطني فايرة عليهم
بزيدوا الإفتقار للمرح

يا خي ابو سن
ربنا يحفظك ويشيل عنك الزهج
صدقني نحن هنا في الغربة اكثر معاناة وزهج لكن عزاونا الوحيد
انو الواحد لمن يصل القمة بيركب السيارة ويتوجه مباشرة الي ديار
حبينا المصطفي فهو ملاذنا الوحيد


ود العريفي

.
لك .. بوبي مكفيرن، مع التحية ..

.

مرحبا العريفي
إعد مدحه فإن القلوب تحبه
وفي مدحه كتب من الله تقرأ
صلي عليك الله يا رسول الله ماتنفس صبح
حب الرسول من علامات السعادة ويقول بعضهم لا يدخل احدا الجنة إلا إذا احب رسول الله وكان عنده احب من نفسه التي بين جنبيه
لكن نحن شان تزورو داير ليك 10 مليون
كامل الود

السلام عليك أخى ودابوسن......عليك بياحى ياقيوم برحمتك أستغيث...بعمق....الله يديم عليك وعلينا الفرح والسرور...

Quote: والدواحة بدون هدف محتاجة تبرير

عين الحقيقة....

سلام أبوسن
وان كان لا مرح فيها الا انها رائعة ابو فرأس الحمداني

أراك عصي الدمع شيمتك الصبر ,,, أما للهوى نهي عليك و لا أمر
بلى أنا مشتاق و عندي لوعة ,,, ولكن مثلي لا يذاع له سر
إذا الليل أضواني بسطت يد الهوى ,,, و أذللت دمعا من خلائقه الكبر
تكاد تضيء النار بين جوانحي,,, إذاهي أذكتها الصبابة و الفكر
معللتي بالوصل و الموت دونه ,,, إذا مت ظمآنا فلا نزل القطر
حفظتُ و ضيعتِ المودة بيننا ,,, و أحسن من بعض الوفاء لك العذر
و ما هذه الأيام إلا صحائف ,,, لأَحرفها من كف كاتبها بَشر
بنفسي من الغادين في الحي غادة ,,, هواي لها ذنب و بهجتها عذر
تروغ إلى الواشين فيَّ و إن لي ,,, لأذنا بها من كل واشية وقر
بدوت وأهلي حاضرون لأنني ,,, أرى أن دارا لست من أهلها قفر
و حاربت قومي في هواك و إنهم ,,, و إياي لولا حبك الماء و الخمر
فإن كان ما قال الوشاة و لم يكن ,,, فقد يهدم الإيمان ما شيد الكفر
وفيت و في بعض الوفاء مذلة ,,, لآنسة في الحي شيمتها الغدر
وقور و ريعان الصبا يستفزها ,,, فتأرن أحيانا كما يأرن المهر
تسائلني من أنت و هي عليمة ,,, و هل بفتى مثلي على حاله نكر
فقلت كا شائت و شاء لها الهوى ,,, قتيلك قالت أيهم فهم كثر
فقلت لها لو شئت لم تتعنتي ,,, ولم تسألي عني و عندك بي خبر
فقالت لقد أزرى بك الدهر بعدنا ,,, فقلت معاذ الله بل أنت لا الدهر
و ما كان للأحزان لولاك مسلك,,, إلى القلب لكن الهوى للبلى جسر
و تهلك بين الهزل و الجد مهجة ,,, إذا ما عداها البين عذبها الفكر
فأيقنت أن لا عز بعدي لعاشق ,,, و أن يدي مما علقت به صفر
و قلبت أمري لا أرى لي راحة ,,, إذا الهم أسلاني ألح بي الهجر
فعدت إلى حكم الزمان و حكمها ,,, لها الذنب لا تجزى به و لي العذر
كأني أنادي دون ميثاء ظبية ,,, على شرف ظمياء جللها الذعر
تجفَّل حينا ثم تدنو كأنما ,,, تنادي طلا بالواد أعجزه الحُضر
فلا تنكريني يابنة العم إنه ,,, ليعرف من أنكرته البدو و الحضر
ولاتنكريني إنني غير منكر ,,, إذا لا زلت الأقدام و استنزل النضر
و إني لجرار لكل كتيبة ,,, معودة أن لا يخل بها النصر
و إني لنزال بكل مخوفة ,,, كثير إلى نزالها النظر الشزر
فأظمأ حتى ترتوي البيض و القنا ,,, و أسغب حتى يشبع الذئب و النسر
ولا أصبح الحي الخلوف بغارة ,,, ولا الجيش ما لم تأته قبلي النذر
و يا رب دار لم تخفني منيعة ,,, طلعت عليها بالردى أنا والفجر
و حي رددت الخيل حتى ملكته ,,, هزيما و ردتني البراقع و الخُمر
و ساحبة الأذيال نحوي لقيتها ,,, فلم يلقها جهم اللقاء و لا وعر
و هبت لها ما حازه الجيش كله ,,, و رحت و لم يكشف لأثوابها ستر
و ما حاجتي بالمال أبغي وفوره ,,, إذا لم أفر عرضي فلا وفر الوفر
أسرت و ما صحبي بعزل لدى الوغى ,,, ولا فرسي مهر و لا ربه غمر
ولكن إذا حم القضاء على امريء ,,, فليس له بر يقيه ولا بحر
وقال أصيحابي الفرار أو الردى ,,, فقلت هما أمران أحلاهما مر
ولكنني أمضي لما لا يعيبني ,,, و حسبك من أمرين خيرهم الأسر
يقولون لي بعت السلامة بالردى ,,, فقلت أما والله ما نالني خسر
و هل يتجافى عني الموت ساعة ,,, إذا ما تجافى عني الأسر و الضر
هو الموت فاختر ما علا لك ذكره ,,, فلم يمت الإنسان ما حيي الذكر
ولا خير في دفع الردى بمذلة ,,, كما ردها يوما بسوءته عمر
يمنون أن خلو ثيابي و إنما ,,, علي ثياب من دمائهم حمر
و قائم سيفي فيهم اندق نصله,,, و أعقاب رمحي فيهم حطم الصدر
سيذكرني قومي إذا جد جدهم ,,, و في الليلة الظلماء يفتقد البدر
فإن عشت فالطعن الذي يعرفونه ,,, و تلك القنا و البيض و الضُّمر الشقر
و إن مت فالإنسان لا بد ميت ,,, و إن طالت الأيام وانفسح العمر
ولو سد غيري ما سددت اكتفوا به ,,, و ما كان يغلو التبر لو نفق الصفر
و نحن أناس لا توسط عندنا ,,, لنا الصدر دون العالمين أو القبر
تهون علينا في المعالي نفوسنا ,,, ومن خطب الحسناء لم يغلها المهر
أعز بني الدنيا و أعلى ذوي العلا ,,, و أكرم من فوق التراب ولا فخر

ود اب سن ضيقك بضايقني بالحيل و كلنا في الهم شرق
و طلق ما بجيك يابس