Post: #1
Title: امرأه تولد في عربة أمجاد أمام بوابة مستشفى الخرطوم بعد منعها من الدخول..
Author: أحمد التجانى حمودى
Date: 03-19-2014, 05:12 PM
|
Post: #2
Title: Re: امرأه تولد في عربة أمجاد أمام بوابة مستشفى الخرطوم بعد منعها من الدخول..
Author: أحمد التجانى حمودى
Date: 03-19-2014, 05:15 PM
Parent: #1
|
Post: #3
Title: Re: امرأه تولد في عربة أمجاد أمام بوابة مستشفى الخرطوم بعد منعها من الدخول..
Author: أحمد التجانى حمودى
Date: 03-19-2014, 05:30 PM
Parent: #2
تعلن وزارة الصحة الولائية ولاية الخرتوم عن
ببدء دورات تدريبية مكثفة ALSO
لتدريب اصحاب
الأمجاد
والرقشات
والهايس
علي كيفية مباشرة الولادات الطبيعية
أمام بوابات المستشفيات ....
كما تم الإعلان عن إبتداء
كورسات مكثفة
للولادات القيصرية
وولادات الجفت
والسحب بالفاكيوم
وبرسوم مخفضة
وأقساط مريحة
لاصحاب هذه الناقلات المذكورة أعلاه
|
Post: #4
Title: Re: امرأه تولد في عربة أمجاد أمام بوابة مستشفى الخرطوم بعد منعها من الدخول..
Author: يوسف محمود
Date: 03-19-2014, 05:33 PM
Parent: #1
يا احمد التجانى
مالك داير تزيد لينا وجع غربتنا
الواحد بقى محتاج استشاري نفسى عند كل منطفات حياته اليومية تفتح الفيس بوك تشوف زول ينضبح ومره تولد ف الشارع ورضيع يموت ببكتيريا
مافى شئ يروق الاعصاب ويرد ا لروح
|
Post: #5
Title: Re: امرأه تولد في عربة أمجاد أمام بوابة مستشفى الخرطوم بعد منعها من الدخول..
Author: أحمد التجانى حمودى
Date: 03-19-2014, 05:53 PM
Parent: #4
تسلم علي مرورك أخي يوسف
والله الله يستر الايام دي
كل يوم نسمع بخبر يصدمنا ويوجيع غربتنا زيادة
واتذكرت نكتة "ما ننوم معاكم" ....
ويا حليل راحة الاعصاب والبال
ودي نتائج متوقعة لو تتبعت أخبار مستشفي الخرطوم من خلال صحف الاسبوع الماضي ودي البداية ....
واهمها امبارح بالليل بروف مامون يعلن:
(مأمون حميدة:
جامعة الخرطوم ستتولى ادارة مستشفي ابراهيم مالك
التاريخ : 18-03-2014 - 08:36:00 مساءً
الخرطوم 18-3-2014(سونا)
أعلن بروفسير مأمون حميدة وزير الصحة بالولاية أن وزارته اتفقت اليوم مع جامعة الخرطوم بأن تقوم الجامعة بادارة مستشفي ابراهيم مالك الجامعي
على ان يعمل استشاري الجامعة بالمستشفي وذلك في إطار التعاون بين الوزارة وكلية الطب بجامعة الخرطوم .
وعلى إثر هذا الاتفاق قامت الجامعة بنقل إستشاري أمراض النساء والولادة من مستشفي الخرطوم برئاسة د. أمير النحاس رئيس القسم بمستشفي الخرطوم ليكون رئيساً للقسم بمستشفي إبراهيم مالك
ومعه (4) اخصائيين آخرين كما تم نقل اخصائي الباطنية برئاسة بروفسير عمر زايد وثلاثة اخصائيين آخرين ......
كما وافقت الجامعة على التوأمة بين مستشفي سوبا الجامعي ومستشفي ابراهيم مالك .
ووصف بروفسير مأمون حميدة هذه الخطوات بأنها في إطار التمهيد للطفرة المتوقعة لمستشفي ابراهيم مالك بافتتاح الأقسام الجديدة فيها وتشمل أمراض النساء والتوليد وقسم الأطفال والحوادث والعمليات والعناية المكثفة وذلك يوم الأثنين المقبل .)
حسبنا الله ونعم الوكيل
|
Post: #6
Title: Re: امرأه تولد في عربة أمجاد أمام بوابة مستشفى الخرطوم بعد منعها من الدخول..
Author: نادر الفضلى
Date: 03-19-2014, 08:45 PM
Parent: #5
الأخ أحمد التجانى
تحية طيبة
غايتو مأساة .. لو الولادة تمت فى عربية بحجم الفى الصورة فمى مستهل البوست، دى ولادة متعثرة وربنا شاف ولطف
ورب ضارة نافعة .. قال ليك الولادة فى عتبر الولادة الموبؤ بتصيب الملود ببكتريا تجيب أجله
المهم المولود سموه شنو .. أمجاد ... ماجد .. ماجدة .. عابر سبيل
|
Post: #7
Title: Re: امرأه تولد في عربة أمجاد أمام بوابة مستشفى الخرطوم بعد منعها من الدخول..
Author: أحمد التجانى حمودى
Date: 03-20-2014, 02:38 AM
Parent: #6
فال الله ولا فالك يا نادر ..
الحمد لله الولادة ما كانت متعثرة ...
لكن دي الولادة الخامسة في اسبوع واحد أمام بوابة م المستشفي ...
واتنين منهم ضربوا التشنجات نتيجة لارتفاع الضغط المصاحب للحمل ....
وفي رواية لصحيفة أخري قالوا ماتوا امام باب المستشفي !!!!!!
لكن الأمر ليس بالساهل
والأمر خطير جدا إذا لم يتنبه المسئولين لهذه المشكلة ....
انا إتولدت ونشأت في امدرمان وطيلة فترات عملي بالسودان كانت بمستشفي الخرطوم ...
يعلم الله لو سألتني وين إبراهيم مالك ولي التركي او سعد أبو العلا ما بعرفهم وين ....
ما بالك بال 10 مليون نسمة الساكنين في الخرطوم ديل ...
ما عندهم فكرة ولا عارفين حتي انه قسم النساء والولادة بم الخرطوم قفلوه !!!!
ولو حصل احتاجوا لطبيب
اول حاجة بتجي علي ذهنهم م الخرطوم ....
ولعلمك انه توجد حالات ولادة سريعة جدا وتسمي Precipitated Labour والنوع دا من الولادات بتم بسرعة خيالية وما بدي الحامل او أهلها الفرصة في التفكير والتصرف وابراهيم مالك وما أدراك ما سعد ابو العلا ......
ومن أهم مضاعفات مثل هذا النوع من الولادات Postpartum Haemorrhage (نزيف ما بعد الولادة) وينتج من فقدان عضلات الرحم القدرة علي الإنقباضات التي تقفل أوعية دم الام الحامل الرئيسية والتي تغذي مشيمة الجنين ..
ويتبع ذلك نزيف شديد قد يؤدي بحياة الام لو ما اتوجد تدخل طبي عاجل ....
ودي مضاعفات معروفة وبتحصل يوميا وسوف تحصل أمام بوابة م الخرطوم ....
ربنا يكفينا شر باقي المضاعفات .....
القصة فيها مووووووت ناس وارواح ناس ....
مووووووت ممكن نتفاداه ...
نقعد نسوي في حميدة والتركي والزيتونة والامجاد والرقشات !!!!
اللهم اني قد بلغت فأشهد
|
|