Post: #1 Title: الادعاء بأن الشهيد علي ادم ابكر موسي إدريس (كوز) Author: أيمن محمود Date: 03-12-2014, 12:02 PM Parent: #0
لاحظت محاولات الكيزان الادعاء ومحاولة ايهام الناس بان الشهيد علي ادم ابكر موسي إدريس (كوز) وذلك بايراد نعي ما يسمى بحركة الطلاب الوطنيين الاسلاميين (النعي لم يشر الى ان الشهيد علي ادم ابكر موسى أحد أعضاء الحركة) والاشارة الساذجة الى :
Quote: كان آآآخر ما خطته يداه الطاهرتان على صفحته: عمر بن الخطاب رضي الله عنه قال: لو أن الله آت الدنيا من أولها إلي اخرها لرجل واحد منكم ثم جاؤه الموت كأن كمن راي حلما جميلا ثم استيغظ
وكأن الدين للكيزان فقط !
هذه الدعوى لا أساس لها وليس هنالك ما يثبتها
Post: #2 Title: Re: الادعاء بأن الشهيد علي ادم ابكر موسي إدريس (كوز) Author: أيمن محمود Date: 03-12-2014, 12:09 PM Parent: #1
يهدف الادعاء الى ثلاث اشياء: 1- محاولة تبرئة ميليشيات الكيزان الطلابية من جريمة القتل 2- محاولة تجريم طلاب دارفور 3- محاولة الظهور بمظهر الضحية
Post: #4 Title: Re: الادعاء بأن الشهيد علي ادم ابكر موسي إدريس (كوز) Author: أيمن محمود Date: 03-12-2014, 12:32 PM Parent: #2
هل لو أن الشهيد علي ادم ابكر موسي إدريس (كوز) ؛ سيكون في مقدمة مشيعية الدكتور ياسر فتحي كدودة القيادي البارز في كوادر وشباب حزب الامة مع الدكتور ابراهيم الامين الى مقابر الصحافة، وعدم حضور اي شخصية كيزانية ؟!!
Post: #3 Title: تبني الشهيد من قبل حاو Author: هيثم التوم Date: 03-12-2014, 12:17 PM Parent: #1
الاخ ايمن سلامات
Quote: لاحظت محاولات الكيزان الادعاء ومحاولة ايهام الناس بان الشهيد علي ادم ابكر موسي إدريس (كوز) وذلك بايراد نعي ما يسمى بحركة الطلاب الوطنيين الاسلاميين (النعي لم يشر الى ان الشهيد علي ادم ابكر موسى أحد أعضاء الحركة) والاشارة الساذجة الى :
هذه للاسف هي افعالهم فمنذ ان كنا طلابا بجامعة الخرطوم في اوائل ومنتصف التسعينات كانوا يقتلون القتيل ويتبنونه واذكر ان طالبا اغتيل برصاصهم من فوق احدي بنايات السوق العربي بايدي ما يسمي بامن النظام ..اذكر ان البشير نعاه في نشرة السادسة والنصف صباح اليوم التالي !!!!!!! كلنا كنا نعرف ان الشهيد القتيل ينتمي لقبيلة المعارضة بل وان اخته كانت تدرس معنا بجامعة الخرطوم اوضحت الحقائق لكافة المناضلين وان الشهيد كان يدرس بكلية الاشعة جامعة السودان وقد كان ضمن الثائرين من الجامعات السودانية قاطبة ضد هذا النظام الدموي منذ ميلاده !!!! فلا عجب اخي هؤلاء اتفه من ان يقال في حقهم بشر وانهم ارهابيون كما تفضلت حكومة المملكة العربية السعودية بوصفهم وعليهم ان ينتظروا النهاية قريبا وقريبا جدا جدا ...
Post: #5 Title: Re: تبني الشهيد من قبل حاو Author: مصطفى عبيد Date: 03-12-2014, 12:37 PM Parent: #3
أيمن والضيوف .. سلام والرحمة والمغفرة لكل شهداء الشعب السوداني وأدعو الله أن تكون دماءهم مهر خلاص السودان
Quote: فمنذ ان كنا طلابا بجامعة الخرطوم في اوائل ومنتصف التسعينات كانوا يقتلون القتيل ويتبنونه
ونحن طلاب في النصف الثاني من التسعينيات خرجنا في مظاهرات تواصلت عدة أيام .. وفي أحد ايام المظاهرات كنا بالقرب من (صينية القندول ) وسط الخرطوم وعند خروجنا من أحد الشوارع كان هناك ضابط شرطة يحمل بندقية كلاشنكوف . مرتكز وبدأ في إطلاق الرصاص تجاه المظاهرة . فتراجعنا بعد قليل إنتبهنا أن هناك فتاة سقطت ورجعنا وحملناها وكانت قد فارقت الحياة بطلق في الرأس الشهيدة إسمها عفاف مصطفى الصادق آدم وكنت أنا من فتح حقيبتها لنعرف معلومات عنها لتبليغ ذويها ووجدنا جنسية صادرة من الأبيض وبطاقة جامعية من جامعة شرق النيل ورواية مريود للطيب صالح كانت ترتدي إسكيرت جينز وطرحة بنفس لون الاسكيرت لم تكن مربوطة على رأسها
المفاجأة كانت عندما ذهبنا في اليوم التالي للجامعة كانت جريدة الاسلاميين تحتسب إحدى عضواتها وكتبوا إسم الشهيدة ومكان دراستها
Post: #6 Title: Re: تبني الشهيد من قبل حاو Author: فرح الطاهر ابو روضة Date: 03-12-2014, 12:43 PM Parent: #5
يا حبيبنا هم قالوا الرسول داته كوز وفي راهم المنامية كان يشد من يد قتلتهم ومجرميهم ويبشرهم بالنصر الاكيد يعني جات على الشهيد على ادم براهو ياخ والله ديل مسيلمة نفسه يتواضع امامهم في المقدرة على الاكاذيب وفبركة الاحداث
Post: #7 Title: Re: تبني الشهيد من قبل حاو Author: بشير أحمد Date: 03-12-2014, 12:50 PM Parent: #6
الله يرحمه ويسكنه فسيح جناته. ______ إيه فايداهو يطلع كوز يطلع جك..مضي الي ربه متاجريين رخيصين كان الكيزان كان المعارضين كلو زول شغال يكبّر في كومه..والموت سمبلة ساي بدون مقابل شعوب افريقية متخلفة ...من سنة دو والناس بتموت...المحصلة شنو؟ بق زيرو..
Post: #8 Title: Re: تبني الشهيد من قبل حاو Author: خالد العبيد Date: 03-12-2014, 12:52 PM Parent: #6
يهدف الادعاء الى ثلاث اشياء: 1- محاولة تبرئة ميليشيات الكيزان الطلابية من جريمة القتل 2- محاولة تجريم طلاب دارفور 3- محاولة الظهور بمظهر الضحية
------------- هل يدري اخونا بكري بان جهاز الامن يستخدم حساب صلاح غريبة؟
Post: #9 Title: الادعاء بأن الشهيد علي ادم ابكر موسي إدريس (كوز) Author: هيثم التوم Date: 03-12-2014, 12:52 PM Parent: #6
يخادعون الله .... وما يخدعون الا انفسهم..... قاتلهم الله اني يؤفكون..... في قلوبهم مرض..... اولئك حزب الشيطان..... هم الارهابيون .... يقتلون ويغتصبون ويدمرون ان الله قوي ذو انتقام .... نؤيد قرارات حكومة خادم الحرمين ضد هذه الجماعة الارهابية
Post: #10 Title: Re: تبني الشهيد من قبل حاو Author: محمد إبراهيم علي Date: 03-12-2014, 01:14 PM Parent: #3
الحركة دي قديمة يا ايمن قبل سنتين تقريبا لما قتلت مليشيات الكيزان بعض ابناء دارفور في جامعة الجزيرة برضو قالو الناس ديل حقننا وكتلتهم الحركات المسلحة طيب لو كان الشهيد بتاع امس ده كوز لييي ما جيتو تشييعو ولا عملتو ليهو عرس شهيد
Post: #11 Title: Re: تبني الشهيد من قبل حاو Author: صلاح جادات Date: 03-12-2014, 01:27 PM Parent: #10
بشير نكرت الكيزان حطب ...... !!!
Quote: الله يرحمه ويسكنه فسيح جناته. ______ إيه فايداهو يطلع كوز يطلع جك..مضي الي ربه متاجريين رخيصين كان الكيزان كان المعارضين كلو زول شغال يكبّر في كومه..والموت سمبلة ساي بدون مقابل شعوب افريقية متخلفة ...من سنة دو والناس بتموت...المحصلة شنو؟ بق زيرو..
Post: #12 Title: Re: تبني الشهيد من قبل حاو Author: بشير أحمد Date: 03-12-2014, 01:31 PM Parent: #11
وين نكرت الكيزان ياصلاح جاكات؟
انا بقول النصيحة كان علي او علي غيري..
نعم كلهم متاجريين.. إنت بتقدر تقول بغم؟
Post: #13 Title: Re: تبني الشهيد من قبل حاو Author: صلاح جادات Date: 03-12-2014, 01:40 PM Parent: #12
بشير بتاع الحمير دائما بقول المنافق بجيب دليل نفاقو براهو - كلهم متاجريين .. يعني انت برضو متاجر - في كوز بقول النصيحة كان عليه او علي غيره ... !!! لو الكيزان بقول النصيحة ما كان البلد وصلت هذه المرحلة - واذا انا ما بقدر اقول بغم منو البقدر يقول بغم يا رمة - تقتلو في الابرياء وتجو تتلبدو تحت ستار النصيحة وغيرها يا حقيرين
Quote: وين نكرت الكيزان ياصلاح جاكات؟
انا بقول النصيحة كان علي او علي غيري..
نعم كلهم متاجريين.. إنت بتقدر تقول بغم؟
Post: #14 Title: Re: تبني الشهيد من قبل حاو Author: nour tawir Date: 03-12-2014, 02:23 PM Parent: #13
ثم انه لو كان كوز... حيطلع فى مظاهرة تدين القتل فى دارفور ؟
Post: #15 Title: Re: تبني الشهيد من قبل حاو Author: الشفيع وراق عبد الرحمن Date: 03-12-2014, 03:28 PM Parent: #14
Quote: والاشارة الساذجة الى :
Quote: كان آآآخر ما خطته يداه الطاهرتان على صفحته: عمر بن الخطاب رضي الله عنه قال: لو أن الله آت الدنيا من أولها إلي اخرها لرجل واحد منكم ثم جاؤه الموت كأن كمن راي حلما جميلا ثم استيغظ
وكأن الدين للكيزان فقط !
ودي فطيتها مالك يا هندسة
Quote: آآخر نشاط له في صفحته هو مشاركة صفحة الشيخ/محمد العريفي
ربنا يتقبله ويصبر اهله واصحابه
Post: #16 Title: Re: تبني الشهيد من قبل حاو Author: Adil Isaac Date: 03-12-2014, 03:42 PM Parent: #15
والتانية دي بطاقة المؤتمر الوطني؟ ----------- عالم ضاربة بشكل
Post: #17 Title: Re: تبني الشهيد من قبل حاو Author: Alshafea Ibrahim Date: 03-12-2014, 04:18 PM Parent: #16
يا أيمن وضيوفكم بدون فرز غايتو قناة الشروق وفي نشرة 2 ظهرا استضافت المدعو د. عبد الملك النعيم - قال كونوا لجنة لمعرفة كيفية دخول السلاح الناري والأبيض للجامعة ، وأضااف فتحنا بلاغ تحت المادة 130 وغيرها بالقسم الشمالي ، وذكر أنه منتظرين تقرير اللجنة وعلقوا الدراسة بالجامعة لحماية أرواح الطلبة من بعضهم بعض ؟؟ شوف عمايل الكيزان وصلت وين والاستخفاف بعقول الاخرين وصل وين ؟ والاستهتار بأرواح الأبرياء بدون توقف ؟ يعني يا دكتور هل يمكن لآي طالب غير نافذ ومنظم مع هذا النبت الشيطان يتجرأ ويدخل بموس حلاقة ؟ وهل يستطيع غيرهم شراء وحيازة الاسلحة النارية ؟؟ ومع ذلك تصدرون البيانات الصحفية والاذاعية والمبثوثة على تلفزيوناتكم وعبر شرطتكم بأنه ينتمي لجهة هي المجرم والقاتل والمتهم الوحيد في إزهاق أرواح كل الشعب السوداني وابناؤه الطلاب تحديدا ؟؟ أرحومنا الشفيع
Post: #18 Title: Re: تبني الشهيد من قبل حاو Author: علي دفع الله Date: 03-12-2014, 04:43 PM Parent: #17
لو كان المتوفي لـــوطي وثبتت لـــواطته ولكنه سيخدم متاجرتهم الدينية او السياسية سيقولوا منتميء لهذه المدرسة الســافطة التــافهة الحــقيرة المسمية بالحركة الاسلاموية،،،تبا لهم وتبا لنا لأننا اصبحنا اصغر ان نأخذ حقوقنا بل نندب ونلول ونحسب في اعداد ضحايانا بأيدهم القذرة ،، الى متى هذا البؤس والغلاط الى اي فكر ينتمي الشهيد او الجريح او المعتقل ،،
لن تنالوا حريتكم بغير الايمان العميق بأن هؤلاء الســفلة لا مكان لهم بيننا وان طال الزمن ولا نجلس معهم لحوار او اي شكل من اشكال اطالة زمنهم العاهر
Post: #19 Title: Re: تبني الشهيد من قبل حاو Author: أيمن محمود Date: 03-12-2014, 09:29 PM Parent: #15
Quote: ودي فطيتها مالك يا هندسة
آخر نشاط له في صفحته هو مشاركة صفحة الشيخ/محمد العريفي
يا الشفيع ده الرد على كلامك الفوق
رايك شنو؟ كوز والا ما كوز؟
Post: #20 Title: Re: تبني الشهيد من قبل حاو Author: الشفيع وراق عبد الرحمن Date: 03-13-2014, 05:53 PM
ات رايك شنو يا ايمن؟
Post: #21 Title: Re: تبني الشهيد من قبل حاو Author: عبدالحفيظ ابوسن Date: 03-13-2014, 06:21 PM Parent: #20
سلام للجميع حصلت فوضي حسب ما قرأت في النت , المتسبب فيها طلاب المؤتمر الوطني بالاسلحة البيضاء والنارية , وحدث هرج ومرج والرصاص الطائش ما بفرز , أيا كان الشهيد مؤتمر وطني عدل ومساواة شيوعي لا ينتمي سياسيا فهو ضحية الفوضي المتسبب فيها طلاب المؤتمر الوطني بمساعدة السلطة في تسهيل حركتهم منع الصوت الآخر لن يضيف إلا مزيدا من الضحايا تقبله الله شهيدا عنده
Post: #22 Title: Re: تبني الشهيد من قبل حاو Author: الشفيع وراق عبد الرحمن Date: 03-14-2014, 05:12 AM Parent: #21
لا يا ابوسن (حصلت فوضي حسب ما قرأت في النت , المتسبب فيها طلاب الجبهة الثورية بالاسلحة البيضاء والنارية , وحدث هرج ومرج ) مع التحيات الزاكيات
Post: #23 Title: Re: تبني الشهيد من قبل حاو Author: عبدالحفيظ ابوسن Date: 03-14-2014, 05:21 AM Parent: #22
مرحبا يا الشفيع وحبابك ههههه لاويها مالك لم افهم لاءك مع اكيد الود
Post: #24 Title: Re: الادعاء بأن الشهيد علي ادم ابكر موسي إدريس (كوز) Author: Hani Arabi Mohamed Date: 03-14-2014, 08:18 AM Parent: #1
رحم الله الشهيد وغفر له وأسكنه فسيح جناته الشهداء أكرم منا وأفضل وأعظم بملايين السنوات الضوئية =============================================
(1) سمير: سامعة حبيبتي ؟ ولاء: أيوة حبيبي سامعاك سمير: لا ما أنا ولاء: حبيبي أسمع شنو؟ سمير: سامعة البتكلم في التلفزيون دا؟ ولاء: حبيبي أنا فاتحة إم بي سي والمسلسلة شغالة سمير: إم بي سي شنو أفتحي السودان ولاء: السودان ؟ ترددها كم ؟ في شنو ؟ سمير: الزول دا بقول لينا ما تعرسوا ولاء: يووووه دا كلام شنو حبيبي - أيوة جبت قناة السودان شايفة أونكل عمر بتكلم وبقول تهريب سمير: أيوا عليك نور !!! قال عشان جيرانه عندهم خمسة عربات وعشان عساكره في الحدود باظوا وعشان السلع بتتهرب حيرفع البنزين ويخلينا ما نعرس ولاء: بس هو ما جاب سيرة العرس نهائي ، ولا الكلام دا قالوا قبيل؟
(2) نحن مرقنا مرقنا مرقنا ضد الناس السرقو عرقنا
(3) قناة سكاي نيوز تورد صوراً للمظاهرات في السودان
(4) في منزل ولاء: البكاء حار - وأخواتها يصبروا فيها - معليش حبيبتي إنا لله وإنا إليه راجعون لا حول ولا قوة إلا بالله ولاء: هي إهي إهي ما ممكن يا سمير ، خليتني لمنو ؟ سمير حبيبي لا
(5) والد سمير: الحمد لله ... وتسيل الدموع أنهاراً على خديه أم سمير: - تدخل في حالة غيبوبة ويحملها الكل نحو المستشفى -
(6) المستشفى: الطبيب يتحدث في الموبايل وينظر إلى والدة سمير ببلاهة علي: يا دكتور الطبيب: أيوة ... دقائق علي: يصفع الطبيب على وجهه
(7) علي والطبيب يدخلان في اشتباك محمود وسميرة وأبو سمير يحملون أم سمير بسرعة بحثاً عن مستشفى آخر. وقبل أن يخرجوا توقفهم طبيبة بنظرة حانية: إن شاء الله خير، دخلوا الحاجة دي العيادة القدامكم دي تبدأ الطبيبة فحص أم سمير وتتصل بأخصائي تطلب منه الحضور فوراً
(8) وكالات الأنباء تتبادل صورة سمير مضرجاً في دمائه (9) الهاتف يرن أبو سمير: محمود يا ولدي عملتَ شنو في اجراءات أخوك الله يرحمه ؟ أمك هنا تعبانة وبتهضرب وأنا فايتها بالصبر محمود: رفضوا يدونا الجثمان ، قالوا نجي بكرة أبو سمير: لا حول ولا قوة إلا بالله. ليكم يوم. (10) لجنة أطباء السودان تصدر بياناً يستنكر تعرض طبيب للاعتداء بالضرب في المستشفى أثناء تأدية واجبه المقدّس. (11) الطبيبة الهميمة تواصل عملها في الحوادث ، هاتفها يرن -: يا بتي ما ممكن ثلاثة يوم في المستشفى. -: أمي ما في زميلة تغطي لي وما بقدر أخلي العيانين براهم. -: أيوة أقعدي ضيعي زمنك في الحوادث وزملائك فتحوا عيادات وبنوا بيوت. -: يعني أخلي الناس يموتوا يا أمي؟ -: يتدخل زميلها مقاطعاً لها: ما في زول بموت قبل يومه خلي البتعملي فيه دا وأمشي البيت. (12) محمود: أبوي – شهادة الوفاة مكتوب فيها "موت طبيعي" أبو سمير: يا ولدي استلمه – إكرام الميت دفنه وما حنقدر نعمل حاجة للحكومة
(13) أمجد - أكرم - محمد - وفاق - أبكر - شهاب - عبد الله - عبد المنعم - بلة - النقر - أوكاش -
كانوا يسيرون على الأرض - يمشون في الأسواق ويأكلون الطعام ويحبون ويأملون
هم الآن لدى عزيز مقتدر
(14) عبد الله يصفي حساباته في الشركة ويستلم جواز سفره ويستعد للسفر إلى السودان للاستعداد للانضمام إلى أبناء حيّه الذين خرجوا حبّاً للوطن
خالد زميله في العمل يعتذر له بأنه لا يستطيع السفر بسبب التزاماته ولكنه يعطيه مبلغ 500 دولار ويقول له: هي مصاريف للوطن.
(14) صفحة حزب الأمة على الفيسبوك تنشر صورة للشهيد سمير بالزي الأنصاري وهو يصلي العيد في حوش الخليفة قبل سنتين.
(15) صفحة الحزب الاتحادي الديموقراطي تنشر صورة لوالد الشهيد سمير وهو يأكل الفتة في حوليةٍ في بحري قبل تسعة سنوات.
(16) فرعية الحزب الشيوعي في أوروبا تنشر تسريبات عن مراسلات بينها وبين الشهيد سمير قبل استشهاده
(17) طلاب حزب البعث العربي الاشتراكي يغيرون صور بروفايلاتهم إلى صورة حديثة للشهيد سمير
(18) صحيفة بعد بكرة تحوز سبقاً صحفياً وتجري لقاءً مع خطيبة الشهيد سمير
(19) سمير في قبره يسأل : يا ربي الوطن حاله كيف؟ يا ربي الشباب حيقدروا يواصلوا البديناه ؟
(20) المؤتمر الوطني يؤكد أن الشهيد سمير من كوادره وأن استشهاده جاء بسبب تربص بعض المندسين الذين استغلوا ظروف الاحتجاجات لتحقيق أجنداتهم الخاصة
