Post: #1
Title: قال: السعودية متهورّة ساكت وهذا قرار بلـــيد وغير مدروس ...
Author: Gafar Bashir
Date: 03-07-2014, 11:09 PM
شر البلية ما يضحك
Quote: | Quote: والسعودية متهورّة ساكت وهذا قرار بلـــيد وغير مدروس وينم عن جلافة واضحة بينة وفقدان البوصلة لدى المسؤولين الغير مسؤولين في المملكة العربية السعودية |
|
فرانكلي في آخر تجلياته
كيزان السودان ما اخوان مسلمين
ردا علي حر السعودية لجماعة الاخوان المسلمين
فكيت اخرك سريع كدة يا عمك
http://www.sudaneseonline.com/board/460/msg/1394218955.html
|
Post: #2
Title: Re: قال: السعودية متهورّة ساكت وهذا قرار بلـــيد وغير مدروس ...
Author: فرح الطاهر ابو روضة
Date: 03-07-2014, 11:31 PM
Parent: #1
لسه حتشوف كتير
بكرة من صباح الرحمن حيبدأ مسلسل من التنصل من اي ارتباط بالتنظيم
ومن الممكن ان تسمع ذلك من الحكومة السودانية نفسها
|
Post: #3
Title: Re: قال: السعودية متهورّة ساكت وهذا قرار بلـــيد وغير مدروس ...
Author: cantona_1
Date: 03-08-2014, 01:02 AM
Parent: #1
الأخ فرانكلي بعد السلام.
ممن تتوقع السعودية الخطر والمشاكل من بين القائمتين التاليتين:
الشيخ صادق عبد الله عبد الماجد 1- حسن الترابي أم
2- عمر البشير أم د/ الحبر يوسف نور الدائم
3- علي عثمان محمد طه أم د.عثمان علي حسن
4- د. نافع علي نافع أم المهندس / الخير يعقوب
5- عبد الرحمن الخضر أم د.عصام يوسف بدري
6- مصطفى عثمان أسماعيل أم الشيخ علي محمد أحمد جاويش نائب المراقب العام
7- الشهيد الزبير محمد صالح أم الشهيد محمد صالح عمر
8- الزبير بشير طه أم الشيخ محمد مدنى سبال (تم اعتقاله مع إخوان مصر 1954)
9- عوض الجاز أم الشيخ د.جعفر الشيخ إدريس
10- أسامة عبد الله أم د.عثمان على حسن
11- الزبير أحمد حسن أم د.محمد شريف بشير
12- أحمد محمد هارون أم أ.محمد عبد الرحمن عثمان
13- عبد الرحيم محمد حسين أم جمال محمد على تبيدى
دايماً خليك منطقي في كلامك يا فرانكلي. أخوان السودان الذين تذكرهم لا يهشوا ولا ينشوا فلو التسمية سارت على الإسلاميين المجاهدين وأشباههم من المؤتمر الوطني وكما قال أهلنا: (قولة عر بتسوق الحمير) والبصل كله ريحته واحدة. بالنسبة لنا لا نتعاطف مع الطرفين إن شاء السعودية والمعاها تحرقهم بجاز كما حرقوا قلوب وأكباد الشعب السوداني. آدر يا كريم.
تحياتي
كبـّاشي الصـّـافي
|
Post: #4
Title: Re: قال: السعودية متهورّة ساكت وهذا قرار بلـــيد وغير مدروس ...
Author: Deng
Date: 03-08-2014, 01:09 AM
Parent: #3
يا جعفر.
المسكين فرانكلي جاي بعد 24 عاما يقول لنا الحاكمين السودان ديل ما أخوان مسلمين.
طيب ديل يا ربي كانو شيوعيين ولا شنو؟
ههههههههه
|
Post: #5
Title: Re: قال: السعودية متهورّة ساكت وهذا قرار بلـــيد وغير مدروس ...
Author: Gafar Bashir
Date: 03-08-2014, 08:50 AM
Parent: #4
سلام ابوروضة
قادننا عشرين سنة الجهاد والاستشهاد والمشروع الحضاري والدولة الاسلامية والخلافة ودعم ايران وافغانستان ومحمد مرسي راشد الغنوشي وفي النهاية يقولوا نحن ما اخوان.
اظن كان الافضل يقول انا ما معاهم لانو ده ملخص الموضوع
وانا ما معاهم دي شكلها حاتكتر الايام دي
تعرف يا ابوروضة لازم تفكر تفتح ليك صالون حلاقة
دي احسن فكرة في الفترة الجاية
|
Post: #7
Title: Re: قال: السعودية متهورّة ساكت وهذا قرار بلـــيد وغير مدروس ...
Author: Gafar Bashir
Date: 03-08-2014, 09:01 AM
Parent: #5
سلام يا كانتونا
قولة عر بتسوق الحمير فعلاً ...
تعرف السعودية قدر ما الواحد قعد فيها وسمع بقراراتهم بيفهم شنو يعني النضج السياسي ... ما قلنا من دول العالم الاول ولا قلنا اهل العلم والمعرفة الفي الدنيا لكن علي الاقل بيحافظوا علي ماء وجههم والقرارات البتطلع بيكون فيها الحد الادني من المعرفة ووحدة القرار.. مش زي العندنا في يوم واحد يطلعوا بيانين حكوميين متناقضين وفي اليوم التاني يتلغوا الاتنين ويتشالوا الوزراء الطلعوهم ... اهو زي فرانكلي طوالي قال قرار بليد وما مدروس ... وياريت نفهم مدروس زي شنو يعني زي ثورة التعليم العالي والتعريب في الجامعات السودانية ... مدروس زي بيع خط هيثرو ... مدروس زي الذهاب الي ايران عن طريق السعودية ... حتي لو قرارهم ما مدروس كفاية ما نحن حقيقة المؤهلين نحاكموا لانو قدر حفظ ماء الوجه والحد الادني من الدراسة البعملوهو نحن حتي مجرد تفكير مابنفكر فيهو ...
فالارحم لينا لمن تجي عواقب حماقاتنا
نقيف لحظة ونقول غلطانين بدل نكابر ونبدأ حبال الاساءة للاخرين التلفيق والاكاذيب
الما حاتعمل حاجة غير انها تكون امتدادا للحبل الحيتلف في رقبتنا بيدينا
|
Post: #6
Title: Re: قال: السعودية متهورّة ساكت وهذا قرار بلـــيد وغير مدروس ...
Author: Yahya Osman
Date: 03-08-2014, 08:59 AM
Parent: #1
لو عدنا لاول ايام الانقاذ الجماعة ديل كانوا بي الله واحد ناكرين اي علاقه لهم
بالاسلام والاخوان
يعني متعوده دايمنا
|
|