Post: #5 Title: Re: صراحة المابعرف يقرا مايدخل هنا Author: Balla Musa Date: 03-04-2014, 02:55 PM Parent: #4
انشرت عروق الشر والخير شح فاصبر واستعيذ من اللعين ان لح حالكات الظروف ضي الصبر صبحا وعاديات المظالم تنحني وتتنحى
Post: #6 Title: Re: صراحة المابعرف يقرا مايدخل هنا Author: محمد عبد الله الامين Date: 03-04-2014, 02:56 PM Parent: #4
Quote: نحنا نفوسنا بالعز الكريم سمحا واداها المكارم جمله ماقمحا نحنا النجده والغوث للضعيف إن وح ونحنا نعلي صوت الحق محل مابح
هيييييييييييييع أبشر بالخير
Post: #7 Title: Re: صراحة المابعرف يقرا مايدخل هنا Author: Balla Musa Date: 03-04-2014, 03:06 PM Parent: #6
محمد عبد الله الأمين
سلام يا زول
بمناسبة العنوان ودخولك الأول نحكي ليك من قصص شندي
في شندي فوق عايزين يبنوا مسجد قاموا حفروا الساس وناس كتيرة حضور مولانا قال ياجماعة العندو الثقة في نفسو لازنا ولا أكل حرام يضع الطوبة الأولى قام ودشنان شال الطوبة وختاها كحجر أساس..
Post: #11 Title: Re: صراحة المابعرف يقرا مايدخل هنا Author: Balla Musa Date: 03-04-2014, 03:29 PM Parent: #10
عبد الحفيظ مرحب بيك ياحكاي
أها ياحبيب (عقب) دي ياها كلمة السر ذاتا
باريتك في بوست الفي العصر مرورو كنت عايز طقطقة القصة مع الاغنية وشاعرها زي مازمان ناس العبادي بطقطقوا مناسبة القصائد لكن لقيتك بتطايب فى المتداخلين ههههههه
Post: #14 Title: Re: صراحة المابعرف يقرا مايدخل هنا Author: سليمان القرشي Date: 03-04-2014, 03:41 PM Parent: #11
Post: #23 Title: Re: صراحة المابعرف يقرا مايدخل هنا Author: Balla Musa Date: 03-04-2014, 07:14 PM Parent: #21
Quote: Awad H. Abdalla
"وبالسنه الشريفه وبالكتاب سلحا" -- دحين ياخوي كان شلت الباء التانية دي البيت دا ما بتوزن أكتر؟ غايتو أنا شعرت بيهو غير موزون ، بس إنت ولا شك أدرى.
عوض عبد الله السلام يغشاك محل ماكنت
يازول كلامك دا كلام زول راااااكز تب
والباء التانية على الطرب بالتلاتة نشيلا تب..
مشكور يا عوض على الملاحظة الجديرة بالاهتمام.
Post: #25 Title: Re: صراحة المابعرف يقرا مايدخل هنا Author: Balla Musa Date: 03-04-2014, 07:17 PM Parent: #23
Quote: قلنا نرمي معاك على لسان عمنا الطيب ود حاج عبد القادر بي كلام في النصيحة
نفسك روضة وعلي الصبر قويله قلبك نضفو والشينة لاتنويله مشاكلك عالجة بي اللين دوم سويله والمعوجة بوصيك اوعى ماتلاويله
ماتعجل بالشر وماتابا خصمك يصالحك وماتدور البداهنك وتابا ناصح يصارحك لاتقلل ولاتبسط تضر بمصالحك ظنا بالظروف دايما تكون في صالحك
عادت الدنيا غلب يوم تجود يوم جايرة ترفع دا وتخت وتشيلو فوق الدايرة بي بسمات تخدعك ومرة تقمز غايرة عده الوانة فيها الامة اضحت حايرة
يقن واهجره في الاخرة وجه فكرك و والي الصوم نهار في الداجي كتر ذكرك بي القرآن تزود في اصايلك وبكرك كون لله كلك وليهو داوم شكرك
علي محمد الفكي
يازول سلام منك ولاعند عمنا الطيب ود حاج عبد القادر..
كلام يوزن بالدهب يمين..
عمك عكير الدامر قال الدنيا زي موية الرهاب الماملت كباية.
Post: #26 Title: Re: صراحة المابعرف يقرا مايدخل هنا Author: Balla Musa Date: 03-04-2014, 07:24 PM Parent: #25
حبيبنا محمد المرتضي ياخي تحياتنا من بحر اللامحدود والله زي ماقلت الدوبيت عايز سمع بس ياخي الأبنودي دا حاجة خطيرة وكذلك مظفر
الحارقني في إحدي ليالي السودان الشاعر الكبير محي الدين فارس رحمه الله طعن في الأبنودي كشاعر, قال الأبنودي بيسرق أشعار الفلاحين وينسبها لنفسه ( الكلام دا سمع أضان ماقول جرايد).. وانا بصراحة من الزمن داك زعلان منه كوني من دراويش عبد الرحمن الأبنودي.
عمرو موسي قابلته في بوست بنات الأقباط وحسان المسالمة :)
Post: #27 Title: Re: صراحة المابعرف يقرا مايدخل هنا Author: Balla Musa Date: 03-04-2014, 07:27 PM Parent: #26
ياعزام ياخي الرطانة ديل جملوا آذاننا بعزة في هواك التي أصبحت انترناشونال تغني بكل اللغات وبنفس اللحن.
عليك الله ماشفت الحبشي ملك الساكسفون داك بتضرع بعزة دي كيف؟
Post: #28 Title: Re: صراحة المابعرف يقرا مايدخل هنا Author: Balla Musa Date: 03-04-2014, 07:49 PM Parent: #27
حلوين في الجوار كل الدول عارفانا وتشهد بي كرمنا الجاهله والعرفانه أيادينا البيوقد في الظلام عرفانا كم ضوت حوالك بي صدق وأمانه
Post: #29 Title: Re: صراحة المابعرف يقرا مايدخل هنا Author: Balla Musa Date: 03-04-2014, 07:50 PM Parent: #28
رب العزة من شين الصفات عافانا واتولانا بي مصفى الصدق صفانا اتجملنا بي عزه وكرم وأمانه وان عاهدنا كل الناس بعرفوا وفانا
Post: #30 Title: Re: صراحة المابعرف يقرا مايدخل هنا Author: عزام حسن فرح Date: 03-04-2014, 07:51 PM Parent: #27
Balla Musa
Quote: ياخي الرطانة ديل جملوا آذاننا
أكان كَدي هاك دي مربوعة فوق بِت حبشِية لميت فوقا في حديقة من حدائِق مدينة الدَوحة.. مشيت أشربلي موية جات وقالت لي بلغْوتُم حديث ما فهمت منو الحبه.. أشرت لي يعني دايرا تشرب ... والله يومداك إتأسف على أيامي الضاعن سُدًا وما إتْعلمت فوقا الحبشي... قلت فوقا:
Post: #32 Title: Re: صراحة المابعرف يقرا مايدخل هنا Author: محمد المرتضى حامد Date: 03-04-2014, 08:01 PM Parent: #27
Quote: عليك الله ماشفت الحبشي ملك الساكسفون داك بتضرع بعزة دي كيف؟
هو ملك الساكس الإثيوبي الفارع الفاره Getachew Mekuria الأغنية في الأصل للراحل الضخم تلهون قسَّسا وإسمها Bey Bey Dehena Hunig ووفقا للمصدر تعني (أمشي خليني وحا تعيش في هناء وسلام بعيد عني) وأحبابنا الحبش يطلقون على مثل هذه الأغاني القديمة - وهي منذ الستينيات - Tizita وهي المرادف للحقيبة عندنا..
ونعتذر للمقاطعة..
Post: #48 Title: Re: صراحة المابعرف يقرا مايدخل هنا Author: Balla Musa Date: 03-05-2014, 05:23 AM Parent: #16
***
Post: #31 Title: Re: صراحة المابعرف يقرا مايدخل هنا Author: عبدالمنعم الطيب حسن Date: 03-04-2014, 07:58 PM Parent: #2
Quote: ثابتين
ننطقا سابتين
ونفهما
Quote: ثابتين
بوشك ااازول نم نمك،
زنننننننننننننننننننننننننن
..................... متابعين
Post: #33 Title: Re: صراحة المابعرف يقرا مايدخل هنا Author: Balla Musa Date: 03-04-2014, 08:09 PM Parent: #31
ياعزام يازول انت حرم ضكران عدييي لالبتكتب لي هسه في البنات.. ومن ناحية الدوبيت مافوقك زود..
وبهذه المناسبة خليني ترحابا بيك أخرج خارج نص البوست المكرس لاعلاء شأن الانسان السوداني..
زمن الصبا الباكر كنت بجمع الحصالة لأخوي ككمساري برنسه تعمل بين بحري وامدرمان.. ركبت معانا بنية أظنها عاملا ميك أب ( الزمن داك أنا ممتحن الجامعة ومابعرف حاجة اسمها الميك أب), غايتو قعدة عيونا ورسمة حواجبا وجمال مبالغ وفوق ذلك فهي من بنات الأقباط..
فقلت فيها:
كمل فيك مقاييس صبو منزل صاد وكل ما اقول اكمل فيك اقبل صاد الدرعا ام سلاحا للقلوب حصاد طرفك كالمها مدفع نهودك صاد
Post: #34 Title: Re: صراحة المابعرف يقرا مايدخل هنا Author: Balla Musa Date: 03-04-2014, 08:12 PM Parent: #33
ياعوض ياخي عليك الله ذكرني بسرعة نحنا ناس أقرب للزهايمر
Post: #35 Title: Re: صراحة المابعرف يقرا مايدخل هنا Author: Balla Musa Date: 03-04-2014, 08:14 PM Parent: #34
عبد المنعم الطيب حسن سلام ياحبيب
يازول مادام المتابعني من مقاماتك الدوبيت براه بجي وابشر بالخير
Post: #36 Title: Re: صراحة المابعرف يقرا مايدخل هنا Author: Balla Musa Date: 03-04-2014, 08:18 PM Parent: #35
Quote: الأغنية في الأصل للراحل الضخم تلهون قسَّسا وإسمها Bey Bey Dehena Hunig
حبيبنا محمد المرتضى
يازول أكان كدا السؤال بيبقى هل هذه الأغنية أم عزة في هواك هي السابقة.. لأن اللحن هو نفس لحن عزة في هواك وربنا يستر غايتو هههههه
Post: #39 Title: Re: صراحة المابعرف يقرا مايدخل هنا Author: عبدالمنعم الطيب حسن Date: 03-04-2014, 08:35 PM Parent: #35
بلة سلام، كانت عندما تستبد بي النوستالجيا، وانا بعد طالبا بمصر، ارجع بدويا صرفا، وانم متواصلا، ومرات، مرات عندما يسري الفرح المعبأ في زجاجات... برضو بنم، وقاعد يفهمني صلاح الجاك من شندي، وجويدة من الرهد ابدكنة مسكين ما سكنا، اما ناس مدحت من بحري، وحللي من عطبرة، فكنت بسطِح بيهم باكرا... ......... وتاني زننننننننننن*
.......... عندما ينم البدوي في حضرة اصدقائه ، وبعد انتهاء الرباعية، يقول له اصدقائه، مشجعين لمزيد من القول، يقولون: زننننننننننن
Post: #37 Title: Re: صراحة المابعرف يقرا مايدخل هنا Author: عاطف عمر Date: 03-04-2014, 08:21 PM Parent: #1
Quote: صراحة المابعرف يقرا مايدخل هنا
ماشة معاك باسطة بس يا صاحبي
إنتقلت من مرحلة ( بورة ) البوست إلى مرحلة ( طرد ) المتابعين من قراءة البوست .....
ثم
تحياتي وسلامات
Post: #38 Title: Re: صراحة المابعرف يقرا مايدخل هنا Author: Balla Musa Date: 03-04-2014, 08:32 PM Parent: #37
Quote: إنتقلت من مرحلة ( بورة ) البوست إلى مرحلة ( طرد ) المتابعين من قراءة البوست .....
Post: #47 Title: Re: صراحة المابعرف يقرا مايدخل هنا Author: سيف النصر محي الدين Date: 03-04-2014, 10:41 PM Parent: #43
في شكر النفس بالغنا فتنا الخلوق قديم و جديد نحن الفهم و نحن الكرم و غيرنا مافي زول صنديد من زمن بعييد نفس النضم فيهو قاعدين نزيد و نعيد اتقول ملايكة ما من جنس البشر سويناها شينة شديد
Post: #49 Title: Re: صراحة المابعرف يقرا مايدخل هنا Author: Asim Fageary Date: 03-05-2014, 06:05 AM Parent: #47
يا عزام تقول لي هارون دياب وعاصم فقيري أها وكمان سيف النصر جا داخل
ختيتلو التلاتة كتر ضجيجو وعوا بعد الاربعة يرطن داير التروس الجوه في الخامس طمح ما شوفتو كيفن سوا زي حجرا فلت وقاصدلو فتحه وهوه
Post: #54 Title: Re: صراحة المابعرف يقرا مايدخل هنا Author: Balla Musa Date: 03-05-2014, 01:51 PM Parent: #51
Quote: في شكر النفس بالغنا فتنا الخلوق قديم و جديد نحن الفهم و نحن الكرم و غيرنا مافي زول صنديد من زمن بعييد نفس النضم فيهو قاعدين نزيد و نعيد اتقول ملايكة ما من جنس البشر سويناها شينة شديد
سلام يا سيف النصر شكرا على المشاركة لكن يا أبوالسيوف المسألة ما مسألة نفخ ذات بالغنا والدوبيت أبدا المسألة ومافيها أن الشعر لايشبه التقارير الأخبارية كما ليس هو دراسة للواقع بتفاصيله المريرة الشعر والأدب عموما مكيدة سيكولوجية لاختيار القيم والمعاني الجميلة والتي بالتأكيد موجودة على أقل تقدير في ثلث الشعب السوداني, ومن ثم تعلية هذه القيم حتى تصبح معدية لكل الشعب ومستوطنة لكل البلد..
واذا راجعت كل الشعوب تجدها تعمل حبة قيمها قبة ثم تنفخها حتى تصبح واقع معاش.
فأنا يا الحبيب بصدد تدشين حملة تركز فقط على حاجاتنا الحلوة, ونترك من يريد أن يركز على مثالبنا من بني الوطن فليفعل ولكن الخير حتما سينتصر وينقشع الشر ودعاته.
Post: #55 Title: Re: صراحة المابعرف يقرا مايدخل هنا Author: Balla Musa Date: 03-05-2014, 03:17 PM Parent: #54
مرحب بعز الدين الفحل ومرحب بالصديق قرحطب أولاد كبوشية
Post: #56 Title: Re: صراحة المابعرف يقرا مايدخل هنا Author: Balla Musa Date: 03-05-2014, 03:20 PM Parent: #55
سلام ياعاصم فقيري
ياخ الرطانة من أجمل شعراء السودان..
Post: #57 Title: Re: صراحة المابعرف يقرا مايدخل هنا Author: Balla Musa Date: 03-05-2014, 03:22 PM Parent: #56
Quote: Alamin Ibrahim · متابعة · الأكثر تعليقا · محاسب في محاسب بالسعودية ماشة معاك باسطة بس يا صاحبي
إنتقلت من مرحلة ( بورة ) البوست إلى مرحلة ( طرد ) المتابعين من قراءة البوست .....
الأمين ياصديق عاطف دا من زمن الباسطة ماتسمع كلامو
Post: #58 Title: Re: صراحة المابعرف يقرا مايدخل هنا Author: Balla Musa Date: 03-05-2014, 03:24 PM Parent: #57
عبد الله ود البوش يامراحب ونورت الديار
شغل سمح لكن ميل لينا على مدح الشعب السوداني
Post: #59 Title: Re: صراحة المابعرف يقرا مايدخل هنا Author: Balla Musa Date: 03-05-2014, 03:44 PM Parent: #58
التواريخ المدونه في كتب مأثورة نحنا ابطالا والباقين تمامة شوره فروع المعارف السامقه نحنا جذورا والغيمه التفيض امطارا نحنا بحورا
Post: #60 Title: Re: صراحة المابعرف يقرا مايدخل هنا Author: عاطف عمر Date: 03-05-2014, 07:00 PM Parent: #1
يا صديقنا Alamin Ibrahim من نواحي الفيسبوك تحياتي وسلامات
Quote: ماشة معاك باسطة بس يا صاحبي
إنتقلت من مرحلة ( بورة ) البوست إلى مرحلة ( طرد ) المتابعين من قراءة البوست .....
ياخي كان عجبك التعليق .... ما بيناتنا وحياتك نلفو ونرسلو ليك بس أدينا حقنا الأدبي
هسع د. بلة دا يقول على ( واجبتو ) بى تعليق ( ملطوش ) ؟؟ ما بترضاها لى موش كدا ؟؟
___________
في مرة من المرارات عملت لى بوست عن البروف إيراهيم القرشي وبرنامجه في رحاب الحبيب وكتبت فيه بمزاااااااااااج عالي جداً
في يوم إحتجت لمعلومة في البوست دا قلت أفتشو في عمك قوقل ..... وحياتك طلع لى كلامي الما بغباني كاتبو واحداً تاني في موقع تاني وخاتي إسمو وصورتو ( الما خايف عليها ) ...... يا ربي أتكلم ... أسكت ..... أسوي شنو ؟؟ زى ما بيقولو الشباب وحياتك قطعتو في حناني .....
فااااااااااا
عليكم الله الحنان نحن محتاجين ليهو وما عاوزين نقطع فيهو حاجات كتيرة
وتسلم
Post: #61 Title: Re: صراحة المابعرف يقرا مايدخل هنا Author: Balla Musa Date: 03-05-2014, 08:34 PM Parent: #60
ياعاطف ياحبيب الأمين دا صديق وحبيب لك زعلان مني ووجد كلامك يعبر عنه ففضل يكاويني بيه ههههه
Post: #62 Title: Re: صراحة المابعرف يقرا مايدخل هنا Author: Balla Musa Date: 03-05-2014, 08:38 PM Parent: #61
بلدنا سمحة السمته وجمال الصوره واخلاق النبوه الفي الكتاب مذكوره نحنا ملوك نفوسنا الحره مامجبوره وماثوراتنا مكتوب بي دمانا سطورا
Post: #63 Title: Re: صراحة المابعرف يقرا مايدخل هنا Author: Balla Musa Date: 03-05-2014, 08:42 PM Parent: #62
جبارين خواطر ونعدل المكسوره والناقصه الكمال بنتم بواقي كسورا ان حرت نضاير السايبه والمحصوره وان بردت مدالق خيرنا مي مقصوره
Post: #64 Title: Re: صراحة المابعرف يقرا مايدخل هنا Author: Balla Musa Date: 03-05-2014, 08:43 PM Parent: #63
مقلوب الاصول مابشوف عدلة الصوره والمملوك وعايش مابعرف الثوره كل بركان اصيل لابد ياخد فوره والانهار تشق لين الأرض وصخورا
Post: #65 Title: Re: صراحة المابعرف يقرا مايدخل هنا Author: عاطف عمر Date: 03-05-2014, 08:44 PM Parent: #61
Quote: الأمين دا صديق وحبيب لك زعلان مني ووجد كلامك يعبر عنه ففضل يكاويني بيه ههههه
حبيبك حبيبنا يا دكترة
البيكاوي بلة أنا ياناس بريدو
Post: #66 Title: Re: صراحة المابعرف يقرا مايدخل هنا Author: Balla Musa Date: 03-05-2014, 08:50 PM Parent: #65
Quote: البيكاوي بلة أنا ياناس بريدو
والله تخلوا الزول يضحك براه مع الشاشة زي المجنون.. المشكلة الخواجات مابسألوك لكن بعاينوا ويرفعوا حاجب ويختوا التاني.
Post: #67 Title: Re: صراحة المابعرف يقرا مايدخل هنا Author: Balla Musa Date: 03-06-2014, 04:27 AM Parent: #66
بذورنا الطيبه في ارض الحنان مزروعه نبتنا وقمنا دوحه ظليله عاليه فروعا كم حضنت فروعا النايحه والمفجوعه وكم عزفت مع ساجع الطرب مقطوعه
Post: #68 Title: Re: صراحة المابعرف يقرا مايدخل هنا Author: رشا بابكر Date: 03-06-2014, 07:22 AM Parent: #67
ما فينا البِجر ....ويحرِن ويجيب اللوم ... فينا الداقي سدرو وما بِحرس الحــرووم ... فينا البنسـتر وسط القبيلة عمــوم ..... فــرتاق الصفـوف .. ســاعة العجاجة تقــوم ... ما فينا المسـولب ما بسترنو هدوم .. بسقي عدوهو ...... حنضل الكاس الملانه سمُــوم .. ( رشـــا بابكر ) ( من عقاب أم برعه )
Post: #69 Title: Re: صراحة المابعرف يقرا مايدخل هنا Author: عبدالله ود البوش Date: 03-06-2014, 07:41 AM Parent: #68
في ساعة الكرب دايما بختفوا الراية ومامونين علي ناس البتول والتاية مرفوعين جبين ما بفتشوا المخلاية ما بخونوا الامانة ان كانوا في الانداية
Post: #70 Title: Re: صراحة المابعرف يقرا مايدخل هنا Author: رشا بابكر Date: 03-06-2014, 07:54 AM Parent: #69
النايحات دموعن من العيون تتخارت ... تيبانن مسولبا .. وكتين عضاهن خارت .. بكن الولد ...... المنو الفوارس غارت سكليهن في الصقيع ... منو المسرّجه عارت .. ( رشـا بابكر ) ( من عقاب أم برعه )
Post: #71 Title: Re: صراحة المابعرف يقرا مايدخل هنا Author: Balla Musa Date: 03-06-2014, 02:08 PM Parent: #70
***
Post: #72 Title: Re: صراحة المابعرف يقرا مايدخل هنا Author: Balla Musa Date: 03-06-2014, 02:27 PM Parent: #71
Quote: ما فينا البِجر ....ويحرِن ويجيب اللوم ... فينا الداقي سدرو وما بِحرس الحــرووم ... فينا البنسـتر وسط القبيلة عمــوم ..... فــرتاق الصفـوف .. ســاعة العجاجة تقــوم ... ما فينا المسـولب ما بسترنو هدوم .. بسقي عدوهو ...... حنضل الكاس الملانه سمُــوم .. ( رشـــا بابكر ) ( من عقاب أم برعه )
سلام يا رشا بابكر كلام حلو وجميل لكن ممنوع الدخول بالمسدسات هههههه
Post: #73 Title: Re: صراحة المابعرف يقرا مايدخل هنا Author: Balla Musa Date: 03-06-2014, 02:29 PM Parent: #72
Quote: ما بخونوا الامانة ان كانوا في الانداية
نعم نعم ياعبد الله
دا المشهاد والدرب البجيب الأسد من عرينه
وان مات مراسى فرقو علينا قاسي وان مات فكي ماعلينا بي
Post: #74 Title: Re: صراحة المابعرف يقرا مايدخل هنا Author: Balla Musa Date: 03-06-2014, 06:49 PM Parent: #73
أحسن نرجع للغنا
Post: #75 Title: Re: صراحة المابعرف يقرا مايدخل هنا Author: Balla Musa Date: 03-06-2014, 06:56 PM Parent: #74
آآآآه ياناس وآهتين يابلد موجوعه آه يا الساكنه جواي في دماي مطبوعه ياعيوني ونظرها ويابكاي ودموعا وياروحي العزيزه وياضياي وشموعا
Post: #76 Title: Re: صراحة المابعرف يقرا مايدخل هنا Author: Balla Musa Date: 03-06-2014, 08:59 PM Parent: #75
Post: #77 Title: Re: صراحة المابعرف يقرا مايدخل هنا Author: munswor almophtah Date: 03-07-2014, 05:30 AM
Post: #78 Title: Re: صراحة المابعرف يقرا مايدخل هنا Author: munswor almophtah Date: 03-07-2014, 05:33 AM Parent: #77
Post: #79 Title: Re: صراحة المابعرف يقرا مايدخل هنا Author: Balla Musa Date: 03-07-2014, 01:50 PM Parent: #78
Quote: Yahya Suliman · Medical Imaging Specialist في Private practice in southern sudan-juba الاخ المرتضي الكلمات الحبشية تعني : وداعا وداعا كوني عافية . كلمة هوني عندهم تعني في العربية كوني
شكرا يحيى على المعلومة
Post: #80 Title: Re: صراحة المابعرف يقرا مايدخل هنا Author: Balla Musa Date: 03-07-2014, 01:56 PM Parent: #79
منصور الغواص قلاع الدرر ياخي أوبريت الشريف دا مع أداء الكابلي يعتبر سطلة مجانية في هذا الصباح.
Post: #81 Title: Re: صراحة المابعرف يقرا مايدخل هنا Author: Balla Musa Date: 03-07-2014, 07:32 PM Parent: #80
تقابتي وشرافتي ولوحي والموسوعه مدرسة القيم والانشطه المشروعه مزرعة المكارم مويتا ومشروعا ياوطني العزيز كم هامتي بيك مرفوعه
Post: #82 Title: Re: صراحة المابعرف يقرا مايدخل هنا Author: Balla Musa Date: 03-09-2014, 07:59 PM Parent: #81
يازادي ودوايا وامني من اللوعه وياريشتي ودوايتي وفكرتي المسجوعة ياملكة هواي الفايقه حد الروعه طايعين نحنا, وانتي الآمره المطيوعه
