Post: #1
Title: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-04-2014, 05:50 AM
Parent: #0
نكته من سبعينات القرن الماضي ...
نحكيها الأول ...
بعد داك نشوف سببها شنو الليله ؟
او بمعني آخر الذكرني ليها شنو الليله ؟
________________________
النكته بسيطة جداً ...
واحد ماشي طول عمرو كداري ...
لا عندو عربيه ... ولا عندو صاحب عندو عربيه ...
اها مره صاحبنا الكداري ده واقف في شارع القياده العامه داير يركب أوتوستوب ...
وقف ليهو ( ابن حلال ) بعربيه وجيهة ... ومكندشة ...
و الكندشة دي كانت حاجه عزيزه الوكت داك ...
اها صاحبنا الكداري ... بعد ما انجعص في الفارهة ...
و ضربوا همبريب الكوندشن ...
عمل فيها صاحبو ...
و تكل يده الشمال بأريحيه شديده فوق كرسي سيد العربيه وقال ليهو :
ايه رأيك يا شاب لو لقينا لينا حاجتين في طرف الشارع
أها ( حَـــرِيــــــفْ نَـخْــــــــــــتِفْ ؟ ) ...
_________________________________________
اها نجي لي سبب اني اتذكرت النكته القديمه دي الليله ...
تابعت بوست شارع ( عبود ختف ) ...
و البوست المضاد ... ( كما هي العاده ) ...
وهناك من رمي كل الحمل علي المشروع الحضاري ...
و هناك من قال انها افتراءات و السودان اصبح بلد الفضيله ...
و الحقيقه ان تلك الممارسات قديمه و أستشرت في السودان بعد غلق بيوت الدعاره الرسميه المقننه ...
واثر ذلك كان سالبا علي الرجال اولاً ...
بمعني انه حتي لو كانت المرأه خرجت لتبيع نفسهالاي سبب او آخر ...
فالرجل بعد اغلاق تلك المنافذ ... اصبح جاهزاً للاشتراك في الجرم المشهود ...
اذاً كان ( الختف ) ... و مسميات المطار ... و ال Place ... و غيرها و غيره موجوده منذ سبعينات القرن الماضي ...
و ليست مربوطه بالمشروع الحضاري فقط ...
و هنا يأتي لب الموضوع و بيت القصيد ...
هل حدّت شريعة جعفر نميري من تلك الممارسات و حالات ( الختف ) في الشوارع و اصبح الناس أكثر ورعاً ؟
لا ...
هل ادي اعدام محمود محمد طه ( المرتد كما اطلقوا عليه ) في 1985 الي ان اصبح السودانيين المسلمين .. أكثر اسلاماً ؟
لا ...
هل ادي حكم الاخوان المسلمين من 89 و حتي تاريخه ... الي نشر الفضيله ... وان اصبح الناس اكثر طهارة ؟
لا ... و الف لا ...
فالسوداني و السودانيه المتمسكين بدينهم و الذين يخشون ربهم ...
هم كذلك منذ ان كانت البارات و الخمارات و ابو صليب و سبعة بيوت حولهم في كل مكان ...
و السوداني و السودانيه الباحثين علي المتعه ... هم كذلك منذ الازل ...
لم تردعهم احكام المكاشفي طه الكباشي ... او تخيفهم اعدامات ابراهيم شمس الدين ...
اذاً اين تكمن المشكله ؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لي عوده ... و قبلها قراءة وجهات النظر الاخري ...
|
Post: #2
Title: Re: حَـــرِيــــــفْ نَـخْــــــــــــتِفْ ؟
Author: معاوية الزبير
Date: 03-04-2014, 07:07 AM
Parent: #1
صباح الخير يا قباني (يا له من صباح، ولّ نقول صبحية)
| Quote: و الحقيقه ان تلك الممارسات قديمه و أستشرت في السودان بعد غلق بيوت الدعاره الرسميه المقننه ... |
أعتقد إنو الخلاف كلو في الكلمة التحتها خط دي: الاستشراء
إذا قدرنا نحدد حجم الاستشراء، نكون أدينا نقطة لصالح أحد الفريقين
ومن ثم نحدد أسباب الاستشراء، وبرضو ندي نقطة لصالح أحدهما
بالنسبة لي ما لاحظت أي استشراء لغاية ما طلعت من السودان عام 1989
ولّ كنت صغيّر ما عارف
|
Post: #3
Title: Re: حَـــرِيــــــفْ نَـخْــــــــــــتِفْ ؟
Author: ALWALEED ALSHEIKH
Date: 03-04-2014, 07:18 AM
Parent: #2
Quote:
فالسوداني و السودانيه المتمسكين بدينهم و الذين يخشون ربهم ...
هم كذلك منذ ان كانت البارات و الخمارات و ابو صليب و سبعة بيوت حولهم في كل مكان ...
و السوداني و السودانيه الباحثين علي المتعه ... هم كذلك منذ الازل ...
لم تردعهم احكام المكاشفي طه الكباشي ... او تخيفهم اعدامات ابراهيم شمس الدين ...
اذاً اين تكمن المشكله ؟
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لي عوده . |
الأستاذ يحى قباني لك السلام و الإحترام
منتظرين و لكن مقدماً كدة لايك شديد جداً جداً لطرح المشكلة بهذا الأفق.
|
Post: #4
Title: Re: حَـــرِيــــــفْ نَـخْــــــــــــتِفْ ؟
Author: عزام حسن فرح
Date: 03-04-2014, 07:30 AM
Parent: #3
| Quote: تابعت بوست شارع ( عبود ختف ) ... |
عبود في عينك ياخ.. هههههه
|
Post: #5
Title: Re: حَـــرِيــــــفْ نَـخْــــــــــــتِفْ ؟
Author: معاوية الزبير
Date: 03-04-2014, 08:33 AM
Parent: #4
Quote: Quote: تابعت بوست شارع ( عبود ختف ) ...
عبود في عينك ياخ.. هههههه |
عزام بطّل عنصريتك دي، ختف دا بالتأكيد نوبي مش كدا؟
|
Post: #6
Title: Re: حَـــرِيــــــفْ نَـخْــــــــــــتِفْ ؟
Author: Asim Fageary
Date: 03-04-2014, 08:47 AM
Parent: #5
سلام يا يحيى
يا ود الزبير ياخي عزام قاصد يقول ليهو عبيد وليس عبود
الشارع إسمه عبيد ختم وتغيرت الميم إلى فاء
|
Post: #7
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-04-2014, 04:37 PM
Parent: #6
Quote: صباح الخير يا قباني (يا له من صباح، ولّ نقول صبحية)
Quote: و الحقيقه ان تلك الممارسات قديمه و أستشرت في السودان بعد غلق بيوت الدعاره الرسميه المقننه ...
أعتقد إنو الخلاف كلو في الكلمة التحتها خط دي: الاستشراء
إذا قدرنا نحدد حجم الاستشراء، نكون أدينا نقطة لصالح أحد الفريقين
ومن ثم نحدد أسباب الاستشراء، وبرضو ندي نقطة لصالح أحدهما
بالنسبة لي ما لاحظت أي استشراء لغاية ما طلعت من السودان عام 1989
ولّ كنت صغيّر ما عارف |
ود الزبير سلامات ...
الأخيره دي ما اظنها معانا ز..
مرقت 89 ياكا مننا وجاي ..
___________________
شوف يا صديقي ...
انا سُعدت بأن اكون من طلاب مدرسة الخرطوم الأميريه ... بالخرطوم غرب ... بين 1972-1975
وذلك لسببين ...
لما كان فيها من اساتذة اجلاء ... وطلبه تجمعني مع معظمهم صداقات اكثر من حميمه حتي تاريخه ...
وايضاً لمجاورتها لحلة ( ابصليب ) المعروفه وقتها ...
وليس تشريفاً بمجاورتها او ارتيادها ...
ولكن لتعلمنا في سن مبكره وخاصة سن البلوغ عن هذا الشئ الذي يسميه البعض ( نداء الطبيعه ) ...
كنا نري تلك الصفوف المنظمه جداً ... لا احد يأخذ دور غيره ... و الكل يقف منتظراً و لا يعيأ بمن يراه من الناس ...
فهو في نهار مكشوف يقف و يعلم انه ربه يراه ... فلا يبالي بالناس ...
في نفس الوقت يا معاويه ... كنا قلما نري فتيات ليل او نواصي يقفن للانتظار ...
استمر ذلك الحال ... حتي تم تقفيل ( الزقاقات ) كما كانت تسمي في كل مدن السودان
و اتي المشير الهمام بقرارات سبتمبر العشوائيه ... و ادعي الامامة وقتها ...
والحكمه ... ظهرت عليه بوادر الاسلمه التي قرر تقنينها ... في وقت كان الحال الاقتصادي يتهاوي من بين يديه ...
و هنا بدأت تلك الاشياء في الظهور ...
و اشتهرت بها في البدايه اسماء معروفه ...
ثم تجرأت بعدها الفتيات ... بعضهن للمغامره و البعض لكسب رخيص هين ...
و هنا ايضا ازدهرت البيوت الخاصه ... بعد ان كانت ليست ذات قيمه ..
امثال ( روثمان ) و ( سوسيوه ) و ( العربي ) و خلافهم ...
حتي رأينا منذ منتصف الثمانينات و حتي وقت خروجي من السودان
ان ازدياد تلك الظاهره اصبح مخيفاً جداً ...
وهنا اذكر لك حكايتين حدثتا معي شخصياً ...
الاولي احد اصدقائيفي 1985 بعد الانتفاضه ... له زوج عمه ادمن حكاية ( ختف البنات ) و هو كبير في السن ...
فقلت له له ... ياخ عمك ده ما يختشي راجل كبير و عربيته مفضوحه و معروفه ...
فقال لي صديقي ( ياخي هو لو لقي طريقه يرسل عمتي طرف الشارع و يدردق ليها العربيه يركبها من هناك ... ما بقصر ) ...
القصه الاخري انا خرجت من السودان في نهاية 88 .. بعد عام الفيضانات المشهور وكانت اول محطه هي الرياض في السعوديه....
قابلني وقتها صديق عزيز جدا ... يعمل طبيب هناك ...
فقال لي ... يازول الجابك شنو؟ الخرطوم قالوا بقت بهجة عديل ...
قلت ليهو ياخ بهجة شنو ... فيضانات و امراض و شح في كل شي ...
قال لي سيبك من ده ...
قالو الشوارع بقت تفجها فج من ( الشكش ) و تنقي زى ما داير ...!!!
هذا تعبيره بالظبط ...
لاحظ نهاية عام 88 ...
لم اعد بعدها للسودان ... فقط اقرأ ما اتي به المشروع الحضاري ...
ومن هنا يجب ان نبدأ نقاشنا يا ود الزبير يا زول يا سمح ...
|
Post: #8
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-04-2014, 04:40 PM
Parent: #7
Quote: الأستاذ يحى قباني لك السلام و الإحترام
منتظرين و لكن مقدماً كدة لايك شديد جداً جداً لطرح المشكلة بهذا الأفق. |
اخونا الوليد ...
ياخي ما انحنا ادمنا انو رمي اشياءنا علي اقرب شماعه ..
لازم نفتش محل العله وين و بدت من وين عشان نبترها ...
غير كده هين ...
نرجع انشاءلله للتحاور ...
|
Post: #9
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-04-2014, 04:47 PM
Parent: #8
| Quote: Quote: تابعت بوست شارع ( عبود ختف ) |
Quote:
عبود في عينك ياخ.. هههههه |
عيني مالها ؟ والله كانت تجمع و تطرح في شوارع الخرطوم علي رأي سيد بشبش ...
تعرف عزام ده كان اشتغل ( منقِّحْ ) او مراجع في وزارة التربيه و التعليم
والله كان الحال انعدل ...
ياخي مالك؟ ...
(تايبو ) بس والله ... لكن مشوبه بي معرفتنا باخونا ( ختِم عبود ) ود عمك ابراهيم عبود رحمه الله ...
اضافة اننا ما تشرفنا بمعرفة ذلك الشارع الشهير المدعو عبيد ختم ... لخروجنا منها آمنين في عام 88 ...
فانخلت كيبرودنا ليس الا ...
|
Post: #10
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-04-2014, 04:54 PM
Parent: #9
| Quote: عزام بطّل عنصريتك دي، ختف دا بالتأكيد نوبي مش كدا؟ |
اسمو حسنين ملوص
قالو ليهو اسمك ده ما جميل يا غيرو ...
سمي رقبتو ... هيثم ملوص ...
ياخ ( خَتِف ) ... دى مصطلح سوداني %100
لا فيهو ترجمه من العالميه و لا ليهو شبه في دول الاعراب ... و لا يعرفونه الافارقه ...
ولا ادري من اين اتي ...
هل من التسابق للفوز بالاحسن؟
و الغريبه كلمة مطار المترادفه بعد عمليه الهاي جاكنج دى ؟
عبقريتها في الوصف انه مكان ... تنزّل ركاب و تشيل ركاب دون الارتباط بارضه !!!
______________________________________________________
لا تحسبها ونسة عجايز بس يا ود الزبير ... ولكنه تاريخ ... لو بحثنا فيه لربما وجدنا الحل ...!!!
|
Post: #11
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-04-2014, 05:02 PM
Parent: #10
Quote: سلام يا يحيى
يا ود الزبير ياخي عزام قاصد يقول ليهو عبيد وليس عبود
الشارع إسمه عبيد ختم وتغيرت الميم إلى فاء |
شكلو الزمن ده بقي زمن تفج القمري فج عشان تخت قولوبيتك ...
|
Post: #12
Title: Re: حَـــرِيــــــفْ نَـخْــــــــــــتِفْ ؟
Author: NEWSUDANI
Date: 03-04-2014, 05:44 PM
Parent: #11
أبو الياء كيف البرد أنشاء الله خف شوية ؟؟؟
المضوع فعلا توثيقي لكن الأختلاف زمان الواحد لمن يجي يختف مثلا من شارع رئيسي بيلف بشارع فرعي ويستني والله يا يحي عندما رجعت الخرطوم في 2005 لم اري في حياتي (القصيرة) مثل هذا الفساد مش تختف علي اليمين يختفوك انت عديل ،،، والله مرة وقفت في شارع افريقيا لشراء سيجاير شابة في عمر بناتنا بلا شك لانها طالبة جامعة ركبت قائلة انت ماشي وين قلت ليها كدي يابنتي انزلي انتي الماشة وين ؟؟؟ ده ختف ولا ده شنو ؟؟
يا أخي البنات النظام العام يكشهم وال########ين علئ عينك ياتاجر
تقول لي مدينة فاضلة ،،، يا صديقي كله كان في من زمان لكن كان في أدب حتي في قلة الأدب حسه الأثنين مافي
أقعد عافية
|
Post: #13
Title: Re: حَـــرِيــــــفْ نَـخْــــــــــــتِفْ ؟
Author: عبدالحفيظ ابوسن
Date: 03-04-2014, 06:02 PM
Parent: #12
حولااااااااا
هو لسه الختف في !
ياخ حليل زمن الختف
|
Post: #14
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-05-2014, 05:14 AM
Parent: #12
Quote: أبو الياء كيف البرد أنشاء الله خف شوية ؟؟؟
المضوع فعلا توثيقي لكن الأختلاف زمان الواحد لمن يجي يختف مثلا من شارع رئيسي بيلف بشارع فرعي ويستني والله يا يحي عندما رجعت الخرطوم في 2005 لم اري في حياتي (القصيرة) مثل هذا الفساد مش تختف علي اليمين يختفوك انت عديل ،،، والله مرة وقفت في شارع افريقيا لشراء سيجاير شابة في عمر بناتنا بلا شك لانها طالبة جامعة ركبت قائلة انت ماشي وين قلت ليها كدي يابنتي انزلي انتي الماشة وين ؟؟؟ ده ختف ولا ده شنو ؟؟
يا أخي البنات النظام العام يكشهم وال########ين علئ عينك ياتاجر
تقول لي مدينة فاضلة ،،، يا صديقي كله كان في من زمان لكن كان في أدب حتي في قلة الأدب حسه الأثنين مافي
أقعد عافية |
مشتاقين يا صديقي
و مازال يحدونا الامل في مكالمه مفاجئه من مطار تورنتو تقول لينا في البلد يا حبيب ...
و الله صدقت ... حتي قلة الادب كان فيها ادب ...
القصه اظنها مرقت من حد اللا معقول ...
|
Post: #15
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-05-2014, 05:16 AM
Parent: #14
| Quote: أبو الياء كيف البرد أنشاء الله خف شوية ؟؟؟ |
نسيت اردليك في الحتة دي ...
تعرف قالوا يوم الجمعه حيتكون درجة الحراره صفر ...
الناس وجوهها تهللت استعداداً للاكراميه الدافيه دي !!!
|
Post: #16
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-05-2014, 05:19 AM
Quote: حولااااااااا
هو لسه الختف في !
ياخ حليل زمن الختف |
شنو يا عبد الحفيظ ؟
انتو ما قاعدين جواها و عارفين الحاصل ؟
انحنا فراق الطريفي لينا 25 سنه و زود ...
بس حبينا نقول انو موجود في كل مكان و كل زمان ...
|
Post: #17
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-05-2014, 05:39 AM
Parent: #16
من ادلة وجود ( الختِف ) استخدامه في الشعر الحلمنتيشي في نهاية سبعينيات و بداية تمانينيات القرن الماضي
قصيدة سيد بشبش الشهيره و التي قصد بها فلان الفلاني ...
من ابياتها :
في عصرية و كانت جُمعه
سيد بشبش
حكحك دقنو و هذّب شنبو
ووشو بينضح نضره و لمعه
خت عبايتو و طق عصايتو
و خبت الباب من خلفه برقعه
خلي البيت يتراجف كله
حاجه نفيسه بناتها تلاته
و بالاولاد يكملوا سبعه
في المرسيدس أخد القعده
كدوسو البني تهبهب نارو
مد صباعو .. وهز دماغو
يعيني سيادتو بيحي في جارو
و عاد الينز قال يا ليل
وسط الشارع يلوي غبارو
و اثناء ما سايق و ماش في السكه
كان بيدندن .. يعني بيمدح
دشكه ... دشكه .. أووو دشكا
دشكه ... دشكه .. أووو دشكا
نحن ما صعاليك .. أووو ديشكا
نتاوق بالشبابيك .. أووو ديشكا
دشكه ... دشكه .. أووو دشكا
و اثناء ما سايق يغني و يمدح
عينو الزايغه بتجمع و تطرح
وهناك علي زاويه لمح المنقه
أووووووووه
سيد بشبش
تمساح لو يلمح
قلبو ينطط جوه ضلوعو
يطق الروري يسكل و يردح
و لف و دور حول المنقه
و دور و لفه
رسم الزاويه و كشف المسرح
و بسمه انيقه صناعة بره
بسمة تعلب .. حكمه و خبره
ما نتفاهم يا خلق الله
وعاد خلق الله ما فهامه و ناس واعيين
عارفين الحال و الأمر الواقع
إشارة خفيفه و غمزة عين
كان الرد الفرح بشبش
و خلي سيادتو يهدي يمين
وجات المنقه بشيش تتمخطر
مساء الخير .. آنسه مرمر
إسمك روعه
أسمك روعه
بهجة و سكر
أما سيادتو : سيد بشبش
رائع مدهش
إسمك منعش
موسيقي و مطرب
بس خازوق الناس تتمقلب ومرة تقول لسيادتك .. شبشب
يا بت يا نكنة صنفك متعب
______________________________________
ده بس الجزء المصور لحالة ( الختف ) بتفاصيلها
و التي كانت تحدث في ذلك الزمان ...
و التي لم يغيرها النظام الديني علي مر السنين ...
_______________________________
|
Post: #18
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-05-2014, 05:41 AM
Parent: #17
وجهة نظري الخاصة جداً ...
ان الانسان في تلك البقعه من العالم ...
وهنا اتحدث عن العالم العربي ...
له حيايتن يعيشهما ... ( نسبه كبيره جداً )
حياة خاصة ... لا يجاهر بها ابداً ...
وحياه مثاليه ... هي التي يظهرها للناس ... ويهاجم و يدافع و يبرر بها و يرسم صورة المدينة الفاضله في شخصه ...
و نسأل انفسنا لماذا تقدم العالم الاوروبي و الامريكي ...
لان هناك للانسان حياه واحده ...
|
Post: #19
Title: Re: حَـــرِيــــــفْ نَـخْــــــــــــتِفْ ؟
Author: عبدالحفيظ ابوسن
Date: 03-05-2014, 05:48 AM
Parent: #18
لا يا عمك
ختف وين
المسائل بقت مرتبة ومجيهة , ما بتحتاج لمحاولات عشوائية ,
الملاحظ انعدام الحياء , كان بت كان ولد ,
|
Post: #20
Title: Re: حَـــرِيــــــفْ نَـخْــــــــــــتِفْ ؟
Author: Nader Abu Kadouk
Date: 03-05-2014, 06:30 AM
Parent: #19
| Quote: ... تنزّل ركاب و تشيل ركاب دون الارتباط بارضه !!! |
ههههههههه....وصف تديهو اوسكار............
سلام يا ود قباني...........
|
Post: #21
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-05-2014, 06:38 AM
Parent: #20
| Quote: المسائل بقت مرتبة ومجيهة , ما بتحتاج لمحاولات عشوائية |
القصة بالموبايل قالوا يا ود ابسن؟
|
Post: #22
Title: Re: حَـــرِيــــــفْ نَـخْــــــــــــتِفْ ؟
Author: يحي قباني
Date: 03-05-2014, 06:41 AM
Parent: #21
Quote: ههههههههه....وصف تديهو اوسكار............
سلام يا ود قباني........... |
ود ابكدوك يا صديق
يا زول بركه في ( المطار ) الجابك لينا ...
مختفي مالك؟
بالله مش ياهو الوصف المظبوط؟
و مش كده و بس ... ممكن كمان تعمل ترانزيت مع زول تاني لو الحكايه قاطه ...
|
|