اللهم ان بنت عمسيب قد ( اتلحتني ) دونما سبب . اللهم فاصرفها عني ......

والله يا جماعة لا ايدي ولا كراعي زي ما بقولو

لقيتها مكنكشة فيني زي الجغيبسية

قدر ما تزاوغت منها دراء لشرها ما لقيت طريقة

غير ان اتوجه لله بان يصرفها عني ويجعل كيدها في نحرها

امين

يمكن بعد تسمع الاغنية دي شوية قلبها ( يلين )

Quote: الجغيبسية

دي شنو كمان؟ اسمها غلبني

خلاص

Quote: غير ان اتوجه لله بان يصرفها عني ويجعل كيدها في نحرها امين

خلاص عايزين تبدوا إستخدام السلاح النووى بتاع حسبو ؟

أركز يا ود الباوقة

Quote: والله يا جماعة لا ايدي ولا كراعي زي ما بقولو

دي ذكرتني نكتت عبدالعزيز داوؤد في عشة الفلاتية الله يرحمهما
ود الباوقة اركز
انت كدي ادعو لي نفسك "ربي اكتب لي براءة من النفاق"
وشوف بكره بحصل ليك شنو...اذا استجيبت دعوتك

Quote: قدر ما تزاوغت منها دراء لشرها ما لقيت طريقة

والله بت عميسب حاشاها الشر ،
بت بلد أصيلة ، هنية ورضية
أياديها ما تلطخت بدماء الأبر ياء
ولا ولغت في دماء أبناء السودان
ولا لوثت نفسها بالسحت ونهب المال العام

كع كرع

بت عمسيب ليك التحيه
بقبق الطروشي راح في شربة سااااي

Quote: أياديها ما تلطخت بدماء الأبر ياء ولا ولغت في دماء أبناء السودان ولا لوثت نفسها بالسحت ونهب المال العام

ود الباوقة مالو؟ عيبو لي؟ زول هدي ورضي وماسك في دينو بيدينو وأسنانو.. الكلام الفوق دا هو ما عنده فيهو دخل.. لا يمكن أن نسأل مواطن عادي زي ود الباوقة عن أخطاء الحكومة يكون دا ظلم. كونو مؤيد للحكومة دا يعتبر عيب ومنقصة.. أبداً كل زول ينام على الجنب البريحو.
زي ما ناس شويعية ما لقوا ليهم بُكان غير الدول الإمبريالية الإستعمارية يلجأون إليها. وقد خوتونا في غابر السنين بالهتافات الما جايبا حقها:
داون داون يو إس إيه... داون داون أميركان بوليسي... داون داون كوين اليزابيث .. بالله عليكم يطرشكم ويعمي جيرانكم يا الشعوعية الملكة الهدية ورضية دي سوّت ليكم شنو؟
عاش ود الباوقة صاحب المبدأ المتمسك به مهما كانت الظروف.
تحياتي

كبـّاشي الصـّـافي
(العوج راي والعديل راي) .

Quote: والله يا جماعة لا ايدي ولا كراعي زي ما بقولو لقيتها مكنكشة فيني زي الجغيبسية قدر ما تزاوغت منها دراء لشرها ما لقيت طريقة غير ان اتوجه لله بان يصرفها عني ويجعل كيدها في نحرها امين

الاخ المجاهد ودالباوقة عليك بالدعاء وقيام الليل والتحصين بالاذكار وقراءة آية الكرسي فان الله سيحفظك ويبعدها عنك

Quote: الاخ المجاهد ودالباوقة عليك بالدعاء وقيام الليل والتحصين بالاذكار وقراءة آية الكرسي فان الله سيحفظك ويبعدها عنك

وحتي انت ايها المسلمي اقصد مسيلمة!!!؟؟ ههههههههههههههه

ود الباوقة يا مسلمي اشهد الله ما اتبليت عليهو جاني الولد الاسم الشفيع وراق
قال لي ود الباوقة بدينا الاوامر لفتح البوستات للناس المعارضينهم وزي ما شفت
البوست الفتحتو الشفيع وحرقني ودفني فيهو ده كان من اوامر المدعو ود الباوقة
لو ود الباوقة ما جاء اكد لي صحة او نفي الكلام ده ياهي المدروعة فيهو , وانا
ذاتي مقدمة ارضحالي لي ربي الكريم فيهو وفي جمعاتو ومنتظرة الرد .

ايوووووووووووووووي يوووووووووووووووووي يوووووووووووووووووي .

لكن برضو مدرعاك ههههههههههههه .

ابشري بالخير ... ابشري ... كع

باواقه سلام
مختفي ليك زمن اخبارك
انت لاقي تنشبك فيك بت عمسيب حظك
يلا وين السفرجل عشان توزعو

تحياتي ليك يا بت عمسيب يا رائعه بالله بس خليك معاهو ون تو
لو جاء قال ده ما أنا ما تتفكي منو ولو هنق حمــــــــار الوادي مافي ليهو طريقه عشان إأمن

اخي الحبيب \ عباس الدسيس.

لك كل التقدير والاحترام ... ولك التحية والود ..

Quote: تحياتي ليك يا بت عمسيب يا رائعه بالله بس خليك معاهو ون تو

يا دسيس والله لا بتبلي علي زول ولا بطارد لي زول لانو ده ما مبدئ لكن لما يتفتح لي بوست
بالحرق والدفن وود الباوقة يكون اول ناصبي الخيم لي والاستعجال لي دفني فنتيجة طبيعة اتلحو
وبعدين اهو ده الدليل موثق من الشفبع وراق قال التعليمات من رئاستو العليا ود الباوقة لمثل هذه
البوستات المشينة للسمعة . ولسه منتظرة رد ود الباوقة هل كلام الشفيع صاح ولا ندرجو في لائحة
ناس مسيلمة الكذاب امثال المسلمي ؟

الرجل السوداني

مستحيل يعترف بالهزيمة أمام المرأة ..

المدغمس المشلهت اب دقنوس كورة باوقيشن الخلبوص اركز ركز فيك قطر صينى يقلبك كفتة
بت عمسيب اردمى الدل دول ردم بلا رحمة ...

وانا برجع ليك

اللهم لائك


بق بق الشوقوق الفى كرعيك راحن وللا لسه

Quote: ناس مسيلمة الكذاب امثال المسلمي

ودي كمان عايزة ليها بيان يا بت عمسيب ادرجي ادرجي
وشن بتوسي الرشة للمطورة

ودالباوقة


بوستيك ده بوست خميس بامتياز




اركز






هو انتا لاقى لامن بت عمسيب الاصيلة تتلحك كمان مفروض توزع كرامه عشان مايحسدوك

اللهم يا الله يا مجيب دعاء المظلوم على الظالم القاتل المنافق المجرم
يا ملك السماء بغير عمد ومنزل القيس والمدد
سلط على ود الباوقة في كل يوم من يردمه
ردم السنيين
حتى يقطع النفس والطني
و يفيق ويصرخ باعلى صوته اني تبت الي الله من الانتماء لقوم لا يفقهون
امين يا رب العالمين
بت عمسيب انشاء الله كيبوردك ما يخسر
اردمي ردمن بلا يخليهم فرجة للشعب السوداني

اخي الغالي .. ود البصير

والله اشتقه لي طلتك ودعواتك المباركة ,, وجيدن جيت ود امي .

Quote: والله بت عميسب حاشاها الشر ، بت بلد أصيلة ، هنية ورضية أياديها ما تلطخت بدماء الأبر ياء ولا ولغت في دماء أبناء السودان ولا لوثت نفسها بالسحت ونهب المال العام

تسلم يا ود البصير وطيلة ما انتوا جنبي ما بتجيني عوجه وانتوا معروفين
شهود الحق ,,, الله يكرمكم ويديكم الفي مرادكم .
ولو سمحت يا ود البصير ارفع لي البوست حقك عشان جددت الكمبيوتر وكل الحاجات
العاملة ليها حفظ فقدتها . وتسلم يا حبيب وما عدمناك .

عادل امين لعلك طيبة يا صديق..

Quote: انت كدي ادعو لي نفسك "ربي اكتب لي براءة من النفاق" وشوف بكره بحصل ليك شنو...اذا استجيبت دعوتك

ود الباود ما مستوفي لشروط الاستجابة .

رفيقي هجو ,,

سلام يغشاك ..

Quote: كع كرع بت عمسيب ليك التحيه بقبق الطروشي راح في شربة سااااي

عشان كده ما داير يركز شوفت البطبطة حقتو شكلها كيف ههههههههه .

حبيبنا ود الصائم ,,, تحياتي

ومشكور علي التدخل في الزمن المناسب .

Quote: اللهم لائك

يا ريت لو كبرتها شوية وبقت

BIG LIKE

اكون ممنونة هههههههههههههههه .

الأخ الفاضل \ علي ..

تحياتي ,,,

الرجل السوداني

مستحيل يعترف بالهزيمة أمام المرأة ..

ده كلامك موش؟ لكن البيني وبين ود الباوقة صراع بين الحق والباطل فاكيد اني منتصرة
بأذن ناصر الحق بالحق .

منى يا صديقة بالحته الفيها الحديدة وعلى نافخو عدل
لاتاخذنك بهذا الوغد شفقة او رحمة ..
انت زوله معروفة مرتاً دوغرية
واسمه الحقيقي البوق وعدلت الى ود الباوقة
اركز يا وغد،،،

ابو روضة صديقي الوفي ..

سلام معطر ,,

اللهم يا الله يا مجيب دعاء المظلوم على الظالم القاتل المنافق المجرم
يا ملك السماء بغير عمد ومنزل القيس والمدد
سلط على ود الباوقة في كل يوم من يردمه
ردم السنيين
حتى يقطع النفس والطني
و يفيق ويصرخ باعلى صوته اني تبت الي الله من الانتماء لقوم لا يفقهون
امين يا رب العالمين
بت عمسيب انشاء الله كيبوردك ما يخسر
اردمي ردمن بلا يخليهم فرجة للشعب السوداني
اميييييييييييييييييييييييييييييييييييييييييييييييييين

حبيبنا ود الموج ,,

سلام قدر الوطن ,,,

Quote: واسمه الحقيقي البوق وعدلت الى ود الباوقة اركز يا وغد،،،

لا من ناحية بوق دي ولا دايرة ليها خروف سماية , بس اسه الدايرنو
منو يركز . هههههههههههه

Quote: جاني الولد الاسم الشفيع وراق

احم


اردم يا عمر
اردم لا قدام وخلي الخيران علينا
بالحتة الفيها الحديدة
نشن مظبوووط

ود الباوقة

لو ما داير تختشي أبقى أركز


بت عمسيب.

اضربي الخونة وعملاء النظام بدون رحمة

ود الباوقة يا وهم ......

قلت ليك المناتلين عملوك زي فار التجارب.. كل ما جا مناتل جديد قالو ليه إدرب في ود الباوقة ...

رش الوهم

ود الباوقة .. ظل يطاردنى فى كل بوست افتحه فى هذا المنبر .. و لقد كتبت له تحذيرا البارحة بهذا الخصوص ..

لم اشتكى .. و لم ابكى .. و لم اقول اروب .. و لكن نويت له نية .. الله اعلم بها .. و هنا اجدد تحذيرى له ..

و الله يا ود الابوقة ظللت تطاردنى بقولك البائر و كلامك الذى لا معنى له فانى و رب الكعبة يوف ترى منى

و فى هذا الهواء الاسفيرى الطلق لم يسمع به سيدك البشير ..

عليه و على كل القتلة و المجرمين و الفاسدين لعنة الله و ملائكته و الناس اجمعين ..


التحية لابنة عمى البطلة الفاضلة منى عمسيب ..

Quote: ( اتلحتني ) دونما سبب

احييييييييييييييييييييييييييييييي انا ،،،،،،،،،،،،،،
ما قلتو نوبة وكع وهيع واسد الكداد ودابي الجداد
الجرسة في الناس الكبار شينة شناء
لكن عحبني ليك هههههههههه

غايتو يا ود الباوقة الله يكون في عونك ، مرشوش بي فوق وتحت

أركز بس



تحياتي ود الباوقة وبت عمسيب

تصبحون على خير

Quote: تصبحون على خير

نصبح على خير واللا نصبح قرود قسمت بى الله ما نقول ليها الرسول فوقو
خلى نمسكها منك اختشى واركز..
منى مرسول لك كى بورد مضبب وكملى جميلك قدانا بالدود النتر
الدودة التخليه يكابس لى الـ..................،،،

الشفيع وراق ... سلام بلا نفس ,,

اردم يا عمر
اردم لا قدام وخلي الخيران علينا
بالحتة الفيها الحديدة
نشن مظبوووط

شفت يا الشفيع اقعد اسمع لي كلام ود الباوقة لما تحصله اهو كل الناس دي
قالت ما بتسيبو وجوا حربسوا ليهو هنا من الصباح ما جاء راجع الا وقت النوم
قال تصبحون علي خير اها زول زي ده ما بسبب ليك تهديد امني لي حياتك احرشك
ويشرد !!؟

Quote: ود الباوقة لو ما داير تختشي أبقى أركز بت عمسيب. اضربي الخونة وعملاء النظام بدون رحمة

حبيبنا دينق تحياتي الصادقة .. ومشكور علي الحضور في الوقت المناسب
والكلمات التي تليق بود الباوقة . وسمعآ وطاعة يا عزيزي دينق اضربو ليكم
حتي يستغيث اكتر من كده . ولي قدام

Quote: ود الباوقة يا وهم ...... قلت ليك المناتلين عملوك زي فار التجارب.. كل ما جا مناتل جديد قالو ليه إدرب في ود الباوقة ... رش الوهم

ابو حسين حبابك .. وصدقت في كل كلامك ود الباوقة صحي بستاهل وكلامك كلو صاح الا
رش الوهم ههههههههههههههه .

ابن عمي الغالي \ ابو الطيب ..

سلام بشوقو ...

Quote: ود الباوقة .. ظل يطاردنى فى كل بوست افتحه فى هذا المنبر .. و لقد كتبت له تحذيرا البارحة بهذا الخصوص .. لم اشتكى .. و لم ابكى .. و لم اقول اروب .. و لكن نويت له نية .. الله اعلم بها .. و هنا اجدد تحذيرى له .. و الله يا ود الابوقة ظللت تطاردنى بقولك البائر و كلامك الذى لا معنى له فانى و رب الكعبة يوف ترى منى و فى هذا الهواء الاسفيرى الطلق لم يسمع به سيدك البشير .. عليه و على كل القتلة و المجرمين و الفاسدين لعنة الله و ملائكته و الناس اجمعين .. التحية لابنة عمى البطلة الفاضلة منى عمسيب ..

تصدق يا الطيب ياها حالتو يحوم البوستات دي كلها بافرد كراع واقدر اعمل معاهو مداخلة نبقي قي الجرسة
دي غايتو انا ما بسيبو أكان دعي الامر بمشي ابلغ فيهو من ضمن مجموعة البشير المطلوبين دوليآ . وتسلم يا حبيب .

الرفيق علي دفع الله ...

تحية من هنا للوطن ,,

احييييييييييييييييييييييييييييييي انا ،،،،،،،،،،،،،،
ما قلتو نوبة وكع وهيع واسد الكداد ودابي الجداد
الجرسة في الناس الكبار شينة شناء
لكن عحبني ليك هههههههههه

انا كلمتكم وعملت مبادرة البوست الفتحتو بأسمو وابي يستجيب اها جاء
هنا وفتح البوست الجرسة ده عشان يصرفنا من البوست الاساسي , لكن
كدي نهدئ معاهو اللعب ونشوف نهاية البوست بتاعو ده مودينا علي وين .
مشكور يا رفيقي علوب .

حبابك يا الامير وتسلم .

بس طلب لو امكن اسمي ده تاني ما تقرنو بيهو بذات لما اكون في مركز القوة ههههه .

(تحياتي ود الباوقة وبت عمسيب )

Quote: Ahmed Mohammed يا ابو حسين عليك الله كلمه .. قلنا ليه الموهومة دي عاوزة تنشهر ما ترد عليها قام فتحلها بوست .؟ مرات يا ود الباوقة تجليها واقف .. وعليك الله بالمرة يا بوحسين بدون امر يعني كلم الطيب رحمة قريمان دا خليه يصلح اسم رحمة دا .. الناس دي درست العربي دا بالاردو ؟ الواحد كاتب اسمه غلط وعاوز يصلح ويصحح شعب كامل ؟؟ معقولة بس . رد · أعجبني · متابعة المنشور · منذ ‏12‏ ساعة Mohamed Jamal · متابعة · الأكثر تعليقا · يعمل لدى ‏‎Taif, Saudi Arabia‎‏ بطل بطبطة وأركز وكت ابيت تختشي عم بمزح معاك يا بقبق بت عمسيب قلبها على الوطن كما أعتقد أنت كذلك وكلٌ من زاويته الخاصة فشنو خليك حريص رد · أعجبني · متابعة المنشور · تم التعديل · منذ ‏19‏ ساعة سامي صالح · جامعة الجزيرة بت عمسيب طوربيدة نشطة ... التقول شاربة جنزبيل رد · أعجبني · متابعة المنشور · منذ ‏18‏ ساعة Yousif Bashari · الأكثر تعليقا · Stratford Career Institute بت عمسيب ... ربنا يخدر كيبوردك , أديهو بالكمشة وشوفى كان فى زول بيوديهو الضل ..! رد · أعجبني · متابعة المنشور · منذ ‏14‏ ساعة قرحطب فور برنقا · متابعة · طب الفاشر lol@@@ رد · أعجبني · متابعة المنشور · منذ ‏11‏ ساعة

Quote: سلام بلا نفس

كتيرة منك
وعليكم السلام

جمعة مباركة

Quote: جمعة مباركة

لهطت الطيبات والمندى ...شاحد ربى يجيك اسهال يفتحوا ليهو السبلوقات يا بطينى
قال جمعة مباركة قال ..يبرك فيك جمل عميان

Quote: جمعة مباركة

أبو زنة يتمنى.......


_______________

ود الباوقة
بوستك دة جاب ليك ناس (الكنبة الورة)
Wrong Move ساكت منك

حبابك يا الامير وتسلم .

بس طلب لو امكن اسمي ده تاني ما تقرنو بيهو بذات لما اكون في مركز القوة ههههه .

(تحياتي ود الباوقة وبت عمسيب )

--------------

حاضر يا بنت العم

سلام منى
ايوا كده خليك لاعبة ضاغطة