Post: #1
Title: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-20-2014, 10:50 AM
Parent: #0
اليوم خميس و كدا ..
و هذا البوست إهداء لزميلنا و حبيبنا في قروب ( مواسير بلا حدود ) ألذ و أمسخ قروب ..
لزميل غربتنا الدراسية و أخي الفاضل د. / طارق جبريل ..
و لكل أحبتي الأفاضل .. أهلنا الشوايقة .. أحن و ألذّ و أحلى ناس ..
|
Post: #2
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-20-2014, 11:04 AM
Parent: #1
و كنت قد أتصلت نهارا بزميل هذا البورد الأخ ( أساسي ) ..
لغرض الإستئذان منه في إستعارة ..
ما ألتقطته أذنه من عبارة جعلت
حواجب الدهشة تتراقص في عينيه و هو يحلف بدين أيمانه ..
و يضحك بضحكته المكيرة تلك ..
أنه لم يسمع عبارة ( جنى جداد ) منذ سنوات سحيقة خلون ..
أتصلت عليه ـ بعيد ـ قليل من إفتراقه عنا في أقصى نقطة غرب جدة ..
و كنت أود مناقشته في موضوع الـ ( جنى جداد ) هذا ..
و ربما عن تداعيات ( حلاوة مولد ) و غتاتة ذلك المحسي الصديق ..
و لكنه باغتني بللآمته المعهودة ..
( أها يا مان .. في شنو .. عادي .. أنا في إجتماع مع المدير ) ..
لحظتها قررت بلا تفكير أن ألقط ( سفنجاتي ) ..
و أتخارج سريعاً من تلك المكالمة ( البايخة ) ..
و في ذهني حكمة خالدة قرأتها لمثقف كبير من جزر ساموا الغربية ..
قطعا لا و لن أذكر أسمه
لكنه يقول في حكمته الماسورة ( زح بعيد ما يحرجوك يا .. ) ..
|
Post: #3
Title: Re: لا حولاااا ... واحد بوردابي لسة بيقول ( جنى جداد ) ..
Author: مزمل خيرى
Date: 02-20-2014, 11:16 AM
Parent: #2
ههههههههههههههههههههههههههه
بتاع الجنى جداد الايام الجاية بيكون مشغول وما فاضى ليك
عملت البوست فى وقت عجيييب مافى ليهو اى طريقة يخش البورد
هههههههههههههههههههه
|
Post: #8
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-20-2014, 02:11 PM
Parent: #3
سلامات يا مزمل .. يا ماسورة
Quote: بتاع الجنى جداد الايام الجاية بيكون مشغول وما فاضى ليك
عملت البوست فى وقت عجيييب مافى ليهو اى طريقة يخش البورد |
إذا قال لك أنه سيكون مشغولاً الأيام دي أو في أي وقت ..
فعليك أن تعلم حتما أن ذاك مجرد تمويه..
إلا ( أكان قاعد يحشلو في تمر )
|
Post: #4
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-20-2014, 11:17 AM
Parent: #2
سودانيز أون لاين ليست ( وطن من لا وطن له ) و لا حاجة ..
دة كلام فارغ ساي ..
بكري دة ـ عشان الكورة كورتو ـ بيجيب لينا ..
حاجات غريبة خلاص ..
يعني شنو زول ما عندو وطن ..
و القال منو في زول ما عندو وطن ..
مرة لقيت لي واحد سايق جمس ( jmc )
و كاتب في الزجاج الخلفي :
( كل الناس لديهم أوطان يعيشون فيها ..
إلا نحن ..
لدينا وطن يعيش فينا ..
التوقيع { السعوديون } )
و من الساعة ديك ..
تأكد لي و ثبت عدم صحة كلام بكري ..
أن سودانيز ليس وطن من لا وطن له ..
و أيقنت أن سودانيز أون لاين ..
عالم جميل ..
جميل شديد ..
ــ
شديد .. شديد ..
الله
و بعدين معاك لو ..
|
Post: #5
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-20-2014, 12:25 PM
Parent: #4
لو جيت ..
للكلام الما خمج ..
وعلى صعيد شخصي شديد ..
تاني شديد ..
حبي معلن لكل ما هو شايقي ..
هكذا قمت و نشأت و ترعرعت و شببت و أنت ماشي ..
و جيراننا من جميع الجهات شوايقة ..
مع العلم أن بيتنا كان و لا زال ناصية ..
و أول ما تعلق قلبي في هذه الدنيا الغريبة ..
بكائنة من ذوات الخجل و الرقة ..
كانت هذه الكائنة الجميلة ..
الله يطراها بالخير و يسعدها ..
كانت شايقية ..
و أذكر أنني حدثت عنها ..
و عن أمها يوما ما ..
هاهنا ..
في بوست الشايقية ـ هار ماجيستي ـ منى ..
Re: ود وبت الجيران..
وجدت نفسي أهوى الشوايقة ..
و أحبهم و أحب حنانهم ذاتوو ..
و الشوايقة أفضل كثيرأ كثيرأ..
شديد ..
من زين ..
إن كانت ( عالم جميل )
أو كما يقولون ..
|
Post: #7
Title: Re: لا حولاااا ... واحد بوردابي لسة بيقول ( جنى جداد ) ..
Author: Tragie Mustafa
Date: 02-20-2014, 12:52 PM
Parent: #6
عصام دهب سلام
وبعدين مع خميس ناس السعوديه ديل ههههههههههههه!
يا اخي انتو الذ ناس و لما تغيبوا البورد ده بيهجع خميس و جمعه.
علي سيرة الشايقيه
يا اخي يارتيني لو بعرف انزل من الوتس اب لهنا
كان جبت لك شعر شايقي مبالغ فيه
لشاعره شايقيه ولكنها كما يبدو من شايقية بورتسودان
وباين في ناس زعلوها قالوا ليها الشايقيه(جلود) اي بخيلين!!
وحاتك نظمت جنس شعر يجنن عن كرمهم.
مش كرمهم بس وحاتك ما خلت و هبشت القبليه و تحدثت عن السودان الجديد كمان!
المهم يا ريتك تلم لينا فيها و تعرف لينا اسمها
عمك ود جبرين ده حسه بكون عارفها.
التحيه لك و لاهلنا الحنان الشايقيه.
ويا اخي السودان ده كله خير و بركه
بس لو ختوا الرحمن في قلبهم ده ما كان حالهم.
|
Post: #9
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالله ود البوش
Date: 02-20-2014, 02:19 PM
Parent: #7
وطارق جبريل بقول جنى جداد حمامتي هههههههههههههههه
تحياتي يا دهب ولاساسي مثلها وامثالها لطارق
|
Post: #10
Title: Re: لا حولاااا ... واحد بوردابي لسة بيقول ( جنى جداد ) ..
Author: اساسي
Date: 02-20-2014, 02:35 PM
Parent: #9
اريتو كان بيقولها كدا ساكت .. الزول دا وانت واقف قدام البوفيه بتردم في صحنك بعد ما انتهيت من الاساس وبديت في تاني دور (وكرعيك خاويات) .. اتفاجأت بانه راصي قدامه خمسة بيضات في طبق براهن وباقي الاكل في طبق براهو .. المفاجأة العقدت حاجبي من الدهشة كانت في العبارة الكاملة وهو يسألني مستفسرا بكل عفوية : بتدور افقع لك معاي جني جضاض ؟ واسترسل دون انتظار اجابتي : من البارح ما دخل جوفي زاد ..!
|
Post: #12
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالله ود البوش
Date: 02-20-2014, 03:15 PM
Parent: #10
| Quote: بتدور افقع لك معاي جني جضاض ؟ واسترسل دون انتظار اجابتي : من البارح ما دخل جوفي زاد ..! |
ابعد قلمك من اهلي يا اساسي ديل اهلي اهل الطيب اللبا يبيع النعجا
|
Post: #13
Title: Re: لا حولاااا ... واحد بوردابي لسة بيقول ( جنى جداد ) ..
Author: الزبير بشير
Date: 02-20-2014, 03:20 PM
Parent: #10
الاستاذ عصام دهب
السلام
يا زول مالك بقيت انصرافي
سودانيزاون لاين ماليان انصرافيين
بيض / جني جداد / مح
المدلول واحد ، المفردات لتوصيل معني و ليس مقصوده بذاتها .
مره عاوز اتفلهم قلت عاوز ( بيض اوملت ) لومك علي تركته في صحنه وقمت .
اختلاف ثقافات
الزبير - الشويحات
|
Post: #43
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-26-2014, 08:56 AM
Parent: #13
الأخ / الزبير بشير
سلام و أحترام ..
| Quote: يا زول مالك بقيت انصرافي |
أحترم وجهة نظرك حتى و إن كانت مؤلمة ، و كان يتعين عليك أن تتروى قبل أن تطلق نعتك هذا إنطباعياً
من خلال قراءة عنوان البوست ..
ومع ذلك أن أكون إنصرافي بأدب خير لي يا الزبير ألف مرة من أن أنجرف إلى مشاحنات السياسة قليلة الأدب ..
و على أي حال أشكرك ..
|
Post: #28
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-23-2014, 10:26 PM
Parent: #10
سلام يا أساسي ..
| Quote: اريتو كان بيقولها كدا ساكت .. الزول دا وانت واقف قدام البوفيه بتردم في صحنك بعد ما انتهيت من الاساس وبديت في تاني دور (وكرعيك خاويات) .. اتفاجأت بانه راصي قدامه خمسة بيضات في طبق براهن وباقي الاكل في طبق براهو .. المفاجأة العقدت حاجبي من الدهشة كانت في العبارة الكاملة وهو يسألني مستفسرا بكل عفوية : بتدور افقع لك معاي جني جضاض ؟ واسترسل دون انتظار اجابتي : من البارح ما دخل جوفي زاد ..! |
قرأت ما بين سطور مداخلتك فوجدت السم في الدسم .. كعادتك يا عمك ..
و لعلك حينما قلت ..
| Quote: وانت واقف قدام البوفيه بتردم في صحنك بعد ما انتهيت من الاساس وبديت في تاني دور (وكرعيك خاويات) .. |
لعلك تناسيت أنني حينما هاتفتك في ذلك الصبح ( المخستك ) ..
و ( حنستك ) حتى تأتي إلينا تعذرت بإنك ( فاطر ) من بدري ..
و حينما ألحيت عليك و ( ناشدتك ) تجبر بخاطر ( اللخو )
ما ( هقيتك ) جاي تشيل حالنا ..
يا ( أبيض اللون ) .
بالله عليك بس جاوب بصراحة ..
( ماذا عمل بك الأطباء الأوائل ؟؟)
تكلم .. مسكين .. انك عاجز عن الكلام ..
انك تسمعني .. و لا ترد علي ..
هل تناسيت أنك و مع حالة كونك ( جاي فاطر ) ..
و ناوي تقزقز بس ..
لم تدري بنفسك و أنت تبلع في الجنى جداد ..
و قشره مردوم إلى جانبك ..
زي التقول عمتك ـ بكسر العين ـ وقعت ..
و تشفط ذاك العصير البايخ ..
مثل ( الهوفر ) ..
فأنسال لحمك كأنك عسل سائل ..
مسكين ..
تكلم ..
يجازي محنك يا محي الدين ..
ما خليتني أكمل ..
|
Post: #18
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-23-2014, 08:05 AM
Parent: #9
أخي الفاضل / عبد الله و د البوش
و لك عاطر التحاياو موفور الأحترام ..
| Quote: وطارق جبريل بقول جنى جداد حمامتي هههههههههههههههه |
أخونا د. طارق جبريل الله يطراهو بالخير شايقي مسكون بالحنين ..
و أن يقول كما قلت عنه فذاك لسان شايقي مبين و سليط و جميل ..
|
Post: #17
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-21-2014, 08:30 PM
Parent: #7
سلام ( شديد ) يا تراجي ..
Quote: علي سيرة الشايقيه
يا اخي يارتيني لو بعرف انزل من الوتس اب لهنا
كان جبت لك شعر شايقي مبالغ فيه
لشاعره شايقيه ولكنها كما يبدو من شايقية بورتسودان
وباين في ناس زعلوها قالوا ليها الشايقيه(جلود) اي بخيلين!!
وحاتك نظمت جنس شعر يجنن عن كرمهم.
مش كرمهم بس وحاتك ما خلت و هبشت القبليه و تحدثت عن السودان الجديد كمان!
المهم يا ريتك تلم لينا فيها و تعرف لينا اسمها
عمك ود جبرين ده حسه بكون عارفها.
التحيه لك و لاهلنا الحنان الشايقيه. |
وتحية ليك تاني يا تراجي ..
و شكراً للدكتورة / وضاحة التي زينت هذا البوست ..
بتواجدها و بإجابتها لطلبك بجلب القصيدة ..
Quote: ويا اخي السودان ده كله خير و بركه
بس لو ختوا الرحمن في قلبهم ده ما كان حالهم.. |
حقاً ما قلتي و يا هو دة السودان ..
جميل بتنوعه جميل بإنسانه و بكل ما فيه ..
ليتهم يختوا الرحمن في قلوبهم كما قلتي ..
و يعلموا أن هذا الوطن يستوعب تبايناتنا ..
و أن أجمل أيامه لم تأت بعد ..
أشكرك مجدداً أم حازم ..
و دمتي ..
|
Post: #11
Title: Re: لا حولاااا ... واحد بوردابي لسة بيقول ( جنى جداد ) ..
Author: walid taha
Date: 02-20-2014, 03:09 PM
Parent: #1
طيب تقولو شنو فيمن قال ( جنى جداد بتاع بط )!!!! :)
|
Post: #14
Title: Re: لا حولاااا ... واحد بوردابي لسة بيقول ( جنى جداد ) ..
Author: وضاحة
Date: 02-20-2014, 03:29 PM
Parent: #11
سلام ام حزام
هاك طلبك
صدقت فى كلمة قالتها هذه الشايقية
تحياتى لك ولى صاحب البوست
وطارق ود جبريل راجل يملئ العين وكفاء اخوا البنات
|
Post: #15
Title: Re: لا حولاااا ... واحد بوردابي لسة بيقول ( جنى جداد ) ..
Author: مجدي عبدالرحيم فضل
Date: 02-20-2014, 03:29 PM
Parent: #11
يادهب الصنيين صنعوا بيض من غير الدجاج قيمتوا الغذائية اعلي من جني الجداد زاتووووو
تقولي شنو تقولي منوو
|
Post: #16
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-20-2014, 08:19 PM
Parent: #15
B]عالم جميل و ناس حلوين شديد ..
و مع أنني لست شاعرا ..
و لا أي حاجة ..
لكن فنجرة مني ساكت كدة ..
قمت مرة كتبت لي قصيدة ..
قصيدة مديح في صاحبن لي ..
زولي و فردتي و دفعتي و ود حلتي ..
و الزول دة شايقي ..
و قربو يشلخوهو لا ورا ..
مرة أتكيفت منو كيف شديد ..
كيف ناس صحبان كدة ..
فقمت كتبت ليهو قصيدة هدية ..
نظام فليسعد النطق ..
و هو ذات نفسه ما محتاج قصيدة ..
لا عنده خيل و لا مال ..
و لا يمكن ( بلح ) ذاتو ..
و هو صريح جدأ ..
لا يداهن و لا يجامل ..
أديتو الورقة ـ القصيدة ـ قراها ..
و مصمص ( خشمه الفاضي ) و شفطه ..
ثم إلتفت لي قائلاً ..
بلكنة شايقية..
محببة شديد .. شديد ..
يا عصاام : ( الميم سايلنت ) طبعاً ..
هسي باللاهي عليك بدل نضميك الفارغ دة ..
لو جبتلي صعوط ساي من ود الخير ..
أكان الله بوديك النار؟؟ـ
صاحب الزمن الجميل .. الحسِين ـ بكسر السين ..
ربنا يسعدك و يعدلها عليك جهة ما تقبل ياخي ..
|
Post: #19
Title: Re: لا حولاااا ... واحد بوردابي لسة بيقول ( جنى جداد ) ..
Author: abuguta
Date: 02-23-2014, 08:15 AM
Parent: #16
صباحك دهب
وكاساتك دهب
ما لاقاك زول بقول الدح
والدح هو بيض النعام,,كما يقول صاحب الصحاح
ومنه الاية( والارض بعد ذلك دحاها)
ناس غرب الجزيرة يقولون لجنى الجداد الدح او المح
الاخيرة دى شوف لينا ليها مخرج
دفعتنا فلسطينى فى ارض المهاتما ,,كان عليه الميز
معاه سودانى جديد ,,بقول للسودانى خلينا نعمل للشباب دول الغدا جاج
اخونا قال ليه الناس ديل اليوم دايرين جداد
والزلمى عارف ان طلب الجماعة جاج
وصاروا يتجادلون جاج,,لا جداد
جاج
جداد
جاج
جداد
الى ان اتى احدنا وحلى المشكلة
خارج الجنى جداد
شفت حبيبتنا تراجى جميلة كيف لما تكتب عن الشعر
والشوايقة,,
شوايقة احلى ناس
ما يشوفنى كاهلى او جعلى
|
Post: #20
Title: Re: لا حولاااا ... واحد بوردابي لسة بيقول ( جنى جداد ) ..
Author: Asim Fageary
Date: 02-23-2014, 08:17 AM
Parent: #19
ود الباوقة في بوست مجاور يدعوكم لتناول جنى جداد الســمان !
|
Post: #22
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالحفيظ ابوسن
Date: 02-23-2014, 08:38 AM
Parent: #20
سلام
رغما انهم نسابتي
يادوب إكتشفت ليه الناس واولهم بناتي بضحكو علي ,ضحك طفولي صاخب
بقول جنا جداد
وبطبزا بي
ماشي اقطع الجمار
خالص الود لك ولضيوفك
لقيت اسم الشوايقة الحنان اللافي حبيت اغز عودي
|
Post: #21
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-23-2014, 08:32 AM
Parent: #16
ساري الليل ..
Quote: ما شفت عوض تابع النجمات
فات لي قدام ..
يا ساري الليل
درويشا من يادوب صغير
عشرة أعوام
الزول زول الله من الصلاح
الرفعت عنهم الأقلام ..
دار ( دي ) بركة الرسل الدارو الآخرة أم خيراً
دام..
التركو نعيم الدنيا الزايل للعبدوها ..
و للحكام
في يوم البحر الجانا و تسب و قام
يوم دخل الحلة و هد بيوتنا
ترا و هدام
صبحنا ضيوف ما خلا وراهو
صلة أرحام ..
يومداك عوض خلاها مرق
سفرة طويل مع الأيام
متجلبب بي تيبان الرحمة
غطا و هندام
متنعلت بأرض الله الواسعة
خطى الأقدام
متزود شايل خير الزاد
وحي و إلهام
ما شفت جناح جبريل غطاهو
بقالو مظلة
جلوس و قيام
فتشنا سما و فتشنا أرض
ما شفنا منام
في التمر الشايل تكا سبيطو
مدلدل خام
في الجرف الأخدر في لوبيهو
وفي النجام ..
في جدول جاري يسقي الحلة تسرسر
مويتو نعيما دام
يبقالي نجع متوجه قاصد
أرض الشام
ما شفتو هناك مع الحجاج
لابس الاحرام
في يثرب و مكة وفي بيت الله
المكسي رخام ..
يبقالي هناك يكون مندسي
مع الخدام
يا ساري الليل انا داير اوصيك
و أديك كلام ..
الروح إن صعدت لباريها
وفي جنات الخلد مقام؟؟
لو كان لاقيتو في أي مكان
في أي زحام
روح كلمو قولو الحلة بكت من شوقا
إليك تغريك سلام .. |
https://ar-ar.facebook.com/shwaaaiga/posts/404966182923367
|
Post: #23
Title: Re: لا حولاااا ... واحد بوردابي لسة بيقول ( جنى جداد ) ..
Author: انور التكينة
Date: 02-23-2014, 09:29 AM
Parent: #21
مولانا عصام كيفنك ..
و اهو مصداقا لما اورده اساسى بيان بالصورة
|
Post: #24
Title: Re: لا حولاااا ... واحد بوردابي لسة بيقول ( جنى جداد ) ..
Author: نورالدين الفحل
Date: 02-23-2014, 11:53 AM
Parent: #23
كدى اللخت طوبتى دى هنا ياعصام واجيك صاد
انت وينو جنى جبريل ماهببو ليك ولاقال سلام .
|
Post: #25
Title: Re: لا حولاااا ... واحد بوردابي لسة بيقول ( جنى جداد ) ..
Author: الخير محمد عوض
Date: 02-23-2014, 12:41 PM
Parent: #24
المشكلة هو الايامات دي ما فاضي ليكم :)
بمتع روحو بالدهشة ههههههههههههههههههههه
|
Post: #26
Title: Re: لا حولاااا ... واحد بوردابي لسة بيقول ( جنى جداد ) ..
Author: طارق جبريل
Date: 02-23-2014, 12:53 PM
Parent: #25
النشوف آخرتها يا ود دهب 
|
Post: #27
Title: Re: لا حولاااا ... واحد بوردابي لسة بيقول ( جنى جداد ) ..
Author: انور التكينة
Date: 02-23-2014, 06:01 PM
Parent: #26
الزول ده غاتس وين ؟
غايتو يا اساسى بسوى فى جنس محن ..
كدى اعمل اتصالاتك ما تكون خنقتو بيضة !!!!!
|
Post: #29
Title: Re: لا حولاااا ... واحد بوردابي لسة بيقول ( جنى جداد ) ..
Author: Osama Mohammed
Date: 02-23-2014, 10:35 PM
Parent: #27
Quote: بقول جنا جداد
وبطبزا بي
ماشي اقطع الجمار [/ ماشي اقطع الجمارQUOTE]
اخير منك بتاع الجنى جداد
|
Post: #30
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالمجيد الكونت
Date: 02-24-2014, 09:49 AM
Parent: #29
جنى جداد بتاع فنلتكم
عالم كلكم جننى جداد او بلغة اولاد البند ... انتوا بيض
|
Post: #31
Title: Re: لا حولاااا ... واحد بوردابي لسة بيقول ( جنى جداد ) ..
Author: انور التكينة
Date: 02-24-2014, 10:13 AM
Parent: #30
اوووووو الكونت ..
جابت ليها هضربة ؟
ياخى مشتاقين و اخبارك مقطوعة !!!!
|
Post: #32
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالمجيد الكونت
Date: 02-24-2014, 10:27 AM
Parent: #31
| Quote: ياخى مشتاقين و اخبارك مقطوعة !!!! |
أأأأتكتك احبيبي ايش فيك
انا قبل شوية كنت معاك
|
Post: #33
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالمجيد الكونت
Date: 02-24-2014, 10:28 AM
Parent: #32
عصام دهب سايق ليه برادو من سنة دو وقال مستشار قانوني وخبير تحكيم 
|
Post: #34
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-24-2014, 11:01 AM
Parent: #33
بركة الجيت .. بركة الجيت ..
|
Post: #35
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-24-2014, 11:36 AM
Parent: #34
: دة القبيل راجنو نحنا :
صراحة ..
ألذ من ينطق عبارة ( جنى جضاض ) في هذا البورد ما لم يثبت غير ذلك ..
|
Post: #36
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-24-2014, 11:51 AM
Parent: #35
عبد المجيد الكونت ..
تعرفت إليه من خلال كتاباته في هذا المنبر ..
وتراسلت معه عبر الإيميل في موضوع تولى إدارته بكل إخلاص ..
وإلتقينا أخيراً في قروب ( مواسير بلا حدود ) الذي جمعني بشلة ظريفة ..
و مسيخة شديد من أعضاء المنبر ..
أذكر أنني أختلفت مع أخونا الكونت بحكم إختلاف توجهاتنا السياسية ..
و كنت قد كونت عنه إنطباعاً شخصياً من خلال مشاركاته و كتاباته ..
و حتى شكله و صورته ..
و صراحة و حسب تقييمي الشخصي ما ( هضمتو ) ..
ساي كدة ( كجنتو ) بس من شكله و كتاباته ..
لكن الآن أقول بحق أنني ظلمت الرجل ظلم شديد خلاس ..
|
Post: #37
Title: Re: لا حولاااا ... واحد بوردابي لسة بيقول ( جنى جداد ) ..
Author: انور التكينة
Date: 02-24-2014, 06:44 PM
Parent: #36
عليك الله يا مولانا دى خلقة يتصوروا معاها .
غايتو حب الناس مذاهب ..
انتظر اساسى خلى يجيك
|
Post: #38
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-24-2014, 10:38 PM
Parent: #37
تحدثت إلى الكونت و تونست و جمجرت معه كثيراً قبل أن ألتقيه ..
و حينما تتحدثان تتمنى لو أنك تكون مستمعاً فقط ..
ففضلا عن لكنته الشايقية المحببة ( وارد مقاشي ) التي تأسرك ..
فهو زول منضمة و ( قعاد كلام ) و يشجيك بحديثه حتى الخارم بارم منه ..
كنت مثل كثيرون غيري أعجب أن ألاقي مواطنا سودانيا شايقيا ينتمي لحزب الأمة ..
ترسخت في أذهاننا أن هناك قبائل و مناطق ( مقفولة ) في إنتمائها الحزبي ..
هذا على الرغم من أن نائب دائرتنا في الأبيض في آخر إنتخابات ديمقراطية ..
كان شايقيا .. بيد أنه كان ( كردفانيا ) بحكم الإنتماء أكثر من أي إنتماء آخر ..
الكونت غير كما جدة التي جمعتني به ذات صباح ..
و رغم أن الجو لا يحتاج ( هدوم صقط ) ..
إلا أنه جاء مرتديا ذاك السويتر الذي كان من المفترض أن يلبسه حبيبنا ( تكتك ) ..
|
Post: #39
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالمجيد الكونت
Date: 02-25-2014, 07:07 AM
Parent: #38
بمناسبة البوست وجنى الجداد ومجموعة مشيولي الحال ودقاقين الطار اولاد جدة دهب واساسي والباقيين الناطين جوز ديل
اولا ولله الحمد الواحد مشى جدة مشوار عمل سريع ورجع في نفس اليوم وكونو اقتطعت من زمني الغالي جدا جدا هذه الساعات لافطر معاكم دي في حد ذاتها احتفائية كبيرة للجداوين ولكنني لم اتوقع اي يذهب الامر بالمحامي عصام دهب ليفتح بها بوستا فانا وكعادتي رجل متواضع جدا يمكنني ان التقي بالعامة من امثال اساسي ورهطه بل ان كثير من اصدقائي اللدودينهم من عامة الشعب امثال التكينة وادهم نصر والخير بتاع امريكا ولا اتحرج من ذلك لذلك يا اخي عصام لا داعي لهذه الاحتفائية الشديدة فالأمر عادي جدا وان امد الله في الاعمار ستجد الكونت دائما موجود مع العامة والبسطاء وستجد لنفسك مقعدا بجواره
اما بالنسبة لموضوع الجنى جداد يا شباب فالقصة انه الناس ديل عزموني في مطعم اقل من المتوسط ونوعية الأكل به رديئة جدا لذلك اكتفيت بافطار بسيط مكون من البيض والخبز وكوب ماء وهو ما استعصى على اساسي فهمه واضطرني للحديث معه عن فوائد اكل البيض في الفطور وبلهجة دارجية فهو لا يعرف الا الجنى جداد
اقول قولي هذا واتخارج من هذا البوست الملغوم لا ألوى على شي
|
Post: #40
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالحفيظ ابوسن
Date: 02-25-2014, 07:09 AM
Parent: #39
مرحبا اسامة محمد
وحبابك
كتر خيرك للرد
دي فوتها لي ,, وشوفني تاني لو انحشرت في ونسة قدامي البورداب
|
Post: #41
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-25-2014, 09:26 AM
Parent: #40
Quote: عزموني في مطعم اقل من المتوسط ونوعية الأكل به رديئة جدا لذلك اكتفيت بافطار بسيط مكون من البيض والخبز وكوب ماء
|
شوفو جنس ( المتخ ) البسوي فيهو الزول اللابس ( السويتر ) دة ..
|
Post: #42
Title: Re: لا حولاااا ... واحد بوردابي لسة بيقول ( جنى جداد ) ..
Author: عبدالمجيد الكونت
Date: 02-25-2014, 11:05 AM
Parent: #41
يا عصام عندنا واحدة بلدياتنا اختلفت مع جارهم في قطعة ارض في البلد اها مشى اشتكاها وعملت جوطة شديدة والراجل شغال محامي زيك كده ,,, المهم في اثناء المحكمة قام قال ليها انت كضابة ... الحاجة ما اترددت وقال ليه انت الكضب يا ابوي شايل فيه شهادة وفاتح له مكتب ...دحين صورتك دي مدبلجة واضح جدا
|
Post: #44
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-26-2014, 09:04 AM
Parent: #42
|
Post: #45
Title: Re: لا حولاااا ... واحد بوردابي لسة بيقول ( جنى جداد ) ..
Author: فتحي عباس نقد
Date: 02-26-2014, 11:29 AM
Parent: #44
الأخ/ عصام دهب
والمحتفي به (عبدالمجيد الكونت)
لكم التحية ولكل الشوايقة (وبالأخص صديقي ود الزومة ياسر سر الختم)
وهاكم دي كمان
|
Post: #46
Title: Re: لا حولاااا ... واحد بوردابي لسة بيقول ( جنى جداد ) ..
Author: عصام دهب
Date: 02-27-2014, 08:15 AM
Parent: #11
سلام يا وليد و مرحبابك ..
| Quote: طيب تقولو شنو فيمن قال ( جنى جداد بتاع بط )!!!! :) |
ما يكون زولك دة هو نفس الزول القال يرسلو ليهو بلو جينزأسود
|
Post: #47
Title: Re: لا حولاااا ... واحد بوردابي لسة بيقول ( جنى جداد ) ..
Author: الزبير بشير
Date: 02-27-2014, 10:27 AM
Parent: #46
العفو يا استاذ
|
|
|