Post: #1
Title: مستشفى الخرطوم ؟ لا لا ياخ عليك الله خليها
Author: waleed dawash
Date: 02-17-2014, 12:48 PM
نقلا عن
شبكة رصد السودان.Rasd Sudan Network
في تحد جديد للشعب السوداني و مقدراته قال عمر البشير انه يدعم تفكيك مستشفي الخرطوم وأكد
البشير ان هذه هي سياسته و ستستمر مهما تعالت اصوات المعارضين لتفكيك المشفي الاعرق
في السودان و اضاف البشير ان مستشفي الخرطوم ليس صنماً يعبد لذلك يجب نقلة من وسط
المدينة للاطراف وهو ما يلاقي رفضاً و معارضة شديد في اوساط الشعب السوداني و الاطباء
خاصة وان المستشفي الذي اسس في عشرينيات القرن الماضي يعد من اعرق و اقدم المستشفيات
في افريقيا و الشرق الاوسط ويعد المبني فقط معلماً تاريخياً للسودان الا ان حكومة ولاية الخرطوم
المدعومة من عمر البشير تريد تفكيك المشفي و نقلة للاطراف لتقوم بهدم المباني و بيعة كقطع
ارض استثمارية.
http://youtu.be/0K0FsMOS7hA
|
Post: #2
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-17-2014, 12:59 PM
Parent: #1
يعني المستشفى دة حا يتفرتق و بنفس المواد من طوب ز سقوف
و ابوب و شبابيك حا تبنو مستشفيات اخرى في الاطراف ؟
ام بمواد اخرى جديدة ؟
يا بشة ياخ ارحم عقولنا ...
|
Post: #3
Title: Re: مستشفى الخرطوم ؟ لا لا ياخ عليك الله خليها
Author: Haju Muktar
Date: 02-17-2014, 01:11 PM
Parent: #2
الاخ وليد سلامات
بيع مستشفي الخرطوم
بكره ببيعوا المتحف
وبعد بكره ببيعو النيل عشان شاقي الخرطوم نصين
|
Post: #4
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-17-2014, 01:13 PM
Parent: #2
الا يشفع له انه اعرق مستشفى بالسودان؟
|
Post: #5
Title: Re: مستشفى الخرطوم ؟ لا لا ياخ عليك الله خليها
Author: علي محمد الفكي
Date: 02-17-2014, 01:21 PM
Parent: #4
الا يشفع له انه من المباني التاريخية في الخرطوم ؟
حتى متى ستلتهم نار الانقاذ الاخضر واليابس وتؤول كل ممتلكات الشعب الى فسدة الانقاذ وزبائنهم ؟
|
Post: #15
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-17-2014, 05:37 PM
Parent: #5
الاخ علي محمد الفكي
الى ان نتجرد من انانيتنا
و انتظار ان يموت الاخرين
لنهنا نحن بعهد جديد.
|
Post: #6
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-17-2014, 01:21 PM
Parent: #4
يا هجو سلامات
Quote: الاخ وليد سلامات
بيع مستشفي الخرطوم
بكره ببيعوا المتحف
وبعد بكره ببيعو النيل عشان شاقي الخرطوم نصين |
مستشفى الخرطوم تاريخ لوحده .
من اين اتى هؤلاء ؟
الله يقرف الهؤلاء
|
Post: #7
Title: Re: مستشفى الخرطوم ؟ لا لا ياخ عليك الله خليها
Author: saidahmed shami
Date: 02-17-2014, 01:30 PM
Parent: #6
دواش
عمر البشير لو لقي طريقة يبيعنا للمستثمرين كان باعنا زمان
|
Post: #9
Title: Re: مستشفى الخرطوم ؟ لا لا ياخ عليك الله خليها
Author: منتصر صلاح
Date: 02-17-2014, 01:35 PM
Parent: #7
لو علي الفساد نحنا فاسدين وبنسرقكم وبنقلع منكم عديل كدة
اها .. حتعملو شنو ؟؟؟
البشير وزمرته
|
Post: #17
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-17-2014, 11:38 PM
Parent: #9
Quote: لو علي الفساد نحنا فاسدين وبنسرقكم وبنقلع منكم عديل كدة
اها .. حتعملو شنو ؟؟؟
البشير وزمرته |
والله يا منتصر دة الحاصل
قلع عينك عينك
لكن لكل ظالم نهاية .
|
Post: #16
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-17-2014, 11:31 PM
Parent: #7
يا شامي
الدور جاييكم . شدو حيلكم عشان تجيبو ليه سعر كويس.
|
Post: #8
Title: Re: مستشفى الخرطوم ؟ لا لا ياخ عليك الله خليها
Author: معاوية الزبير
Date: 02-17-2014, 01:32 PM
Parent: #6
الناس تعمل زي الفتاة الأمريكية دي
وكلنا ريتشل كوري
نحن ما أقل منها، ولا الإنقاذ أقل من المحتلين الصهاينة
ريتشيل كوري فتاة أمريكية مسيحية من مواليد 10-4-1977 وقد قتلت بتاريخ 16-3-2003. عضوة في حركة التضامن العالمية (ISM) وسافرت لقطاع غزه بفلسطين المحتلة أثناء الانتفاضة الثانية حيث قتلت بطريقة وحشية من قبل جيش الاحتلال الإسرائيلي عند محاولتها إيقاف جرافة عسكرية تابعة للقوات الإسرائيلية كانت تقوم بهدم مباني مدنية لفلسطينيين في مدينة رفح في قطاع غزّة.
ملابسات حادثة راشيل ليست موضع جدل، حيث أكد شهود عيان للواقعة(صحافيين أجانب كانوا يغطون عملية هدم منازل المواطنين الفلسطينيين التعسفية) بأن سائق الجرافة الإسرائيلية تعمد دهس راشيل والمرور على جسدها بالجرافة مرتين أثناء محاولتها لإيقافه قبل أن يقوم بهدم منزل لمدنيين. في حين يدعي الجيش الإسرائيلي أن سائق الجرافة لم يستطع رؤية ريتشيل.
الواقع الحقيقي هو ما كانت تريد ملامسته الناشطة الاجتماعية الأميركية الجنسية راشيل كوري، لتنقله عبرها إلى العالم، فكانت هي ضحية الواقع!.
"أعتقد أن أي عمل أكاديمي أو اي قراءة أو اي مشاركة بمؤتمرات أو مشاهدة افلام وثائقية أو سماع قصص وروايات، لم تكن لتسمح لي بإدراك الواقع هنا، ولا يمكن تخيل ذلك إذا لم تشاهده بنفسك، وحتى بعد ذلك تفكر طوال الوقت بما إذا كانت تجربتك تعبر عن واقع حقيقي".
هذا بعض ما كتبته راشيل في رسالتها الأخيرة لأهلها في الولايات المتحدة الأميركية.
ويكيبيديا
|
Post: #10
Title: Re: مستشفى الخرطوم ؟ لا لا ياخ عليك الله خليها
Author: منتصر صلاح
Date: 02-17-2014, 01:44 PM
Parent: #8
الاخ وليد
وصل الامر باهل الانقاذ من التجبر والتكبر مبلغا غريبا عجيبا
وبيتصرفو بي عنجهية وصلف وغرور .. ولا شغالين بي شعب
ولا مواطن ..نحنا كدة .... انتو كيف .
القادم افظع وامر
التحية لك وضيوفك
|
Post: #11
Title: Re: مستشفى الخرطوم ؟ لا لا ياخ عليك الله خليها
Author: عبداللطيف شريف على
Date: 02-17-2014, 01:46 PM
Parent: #8
مستشفى الخرطوم معمل استاك كلية الطب كلية الصيدلة ....
كلهم منظومة واحدة تعمل لاجل العناية بصحة وشفاء اهل السودان كبيرهم وصغيرهم ...!!!!!
والسؤال بعد تفكيك المستشفى هل سياتى الدور على كليتى الطب والصيدله ......؟؟؟؟
البشير ورهطه باعوا السودان فهم سماسرة الموقع الاستراتيجية ...
نحن الصمتون ...
نحن الشعب الغافل ...
نحن نستاهل هؤلاء ...
فالشرفاء غادروا ولم يتبقى الا ( الحساد واصحاب السحر والدجل و مشرك يعبد شيخ من شيوخ الضلال ) ...
شفتوا بنستاهل كيييييييييييييييييف ...
|
Post: #12
Title: Re: مستشفى الخرطوم ؟ لا لا ياخ عليك الله خليها
Author: نادر
Date: 02-17-2014, 02:58 PM
Parent: #11
إذنن نحن في مواجهة هذا الأمر أمام تساؤل ملح لهذا الرجل الذي حكم في غفلة من الزمن دولة مثل السودان بكل مقدراتها وإرثها وثقلها التاريخي والجغرافي والبشري لما يقارب الثلاثة عقود، لماذا تفكك مستشفى الخرطوم في الأساس؟ هل لأن النية تتجه لبناء مستشفى أضخم وأحدث لخدمة الشعب السوداني؟ بالتأكيد لا وألف لا، فالشعب السوداني ومنذ أن جثمتم على صدره صباح الثلاثين من يونيو 1989 وحتى الآن لم يعرف عنكم من خلال التجارب ما يدهوه لتصديق مثل هذه الفرية. حكومة الإنقاذ لم تعمل يوم للشعب السوداني، والشعب السوداني في الأساس لا يندرج في قائمة أولويات هذه العصابة التي أدمنت الكذب والسرقة والتعدي على أموال ومكتسبات هذا الشعب. مراعاة مصلحة الشعب لم ولن تكن في يوم من الأيام من اهتمامات هذه الحكومة ولا هذا الرجل غريب الأطوار. هي مأكلة جديدة، وحل آني آخر في مواجهة الضائقة الاقتصادية المستفحلة، بعد بيع جميع ساحات ومتنفسات العاصمة لصالح حكومة الإنقاذ. أدناه صورة من صور المآسي التي يتعرض لها هذا الشعب الصابر في ظل هذه الحكومة http://مأساة السوداني قتيل وأدي الدواسر --- عجز حكومة ودعوة لايجاد حل لن يتوقفوا عن استنزاف هذا الشعب، ولن يردعهم ويكف أيايدهم الآثمة عن مثل هذا الاستهتار والعبث إلا يد الشعب. أستغرب إلى متى هذا الهوان! وإلى متى السكوت !! وإلى أي قدر ينبغي لهذا الشعب أن يصبر وهو يُسلب ويمتهن وتهدر كرامته حتى يثور ويصيح صيحة مجلجلة في وجه الظلم والطغيان؟؟؟
|
Post: #13
Title: Re: مستشفى الخرطوم ؟ لا لا ياخ عليك الله خليها
Author: على محمد الخير
Date: 02-17-2014, 03:20 PM
Parent: #12
تحياتى حبيبنا دواش
| Quote: Re: مستشفى الخرطوم ؟ لا لا ياخ عليك الله خليها |
والله قطعت قلبى يا ولى بصرختك دى ..
نحن بطبعنا ومن غير اى تفسير بتربطنا العاطفة والمحنة مع اى مكان شكل او لعب يوما ما تاثيرا فى وجداننا ...
الانقاذ ابت الا ان تغير كل شى فى السودان كل شى .. حتى العاطفة لم يراعوا لها ..اى حكم هذا ..
لو كنت مكان الذين يخططون لترحيل مستشفى الخرطوم مهما كانت الاسباب الفنية والملحة يحيط بها المنطق لما فعلت ذلك ..
والسبب ببساطة
لماذا لا تُبنى مرافق صحية جديدة للمناطق التى انتقل اليها الناس وتبقى هذه المستشفى على الاقل كأثر ورمز تاريخى ..
لو كنتم فالحين ابنوا وعمروا مستشفيات جديدة ووفروا فيها الخدمات التى تجعل الناس يرتادونها ..
بالغت يا بشة فى دى عديييل كده والله ..
|
Post: #14
Title: Re: مستشفى الخرطوم ؟ لا لا ياخ عليك الله خليها
Author: Alshafea Ibrahim
Date: 02-17-2014, 03:44 PM
Parent: #13
مستشفى الخرطوم معمل استاك كلية الطب كلية الصيدلة ....
كلهم منظومة واحدة تعمل لاجل العناية بصحة وشفاء اهل السودان كبيرهم وصغيرهم ...!!!!!
والسؤال بعد تفكيك المستشفى هل سياتى الدور على كليتى الطب والصيدله ......؟؟؟؟
البشير ورهطه باعوا السودان فهم سماسرة الموقع الاستراتيجية ...
===========================================
كلها مباعة والسمسرة دخلت الجيوب والمشتري منتظر على أحر من الجمر التسليم ... ومافي رجعة ومافي وجعة
مستشفى العيون ، المدارس ، الساحات كلو في غضب الله
رفعوا الدعم وما كفى يبعوا نعاج ببيوض ترجعوها أها بواقي البشر في بواقي السودان إما أطفال يعانون سوء التغذية أو كبار يشكون المرض والجوع والأمية
شكرا أهل القبلة ، شكرا لمشروعكم الحضاري
شكرا دواش وضيوفه
الشفيع
|
Post: #21
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-18-2014, 00:20 AM
Parent: #13
ابو سجى يا صاحب
| Quote: الانقاذ ابت الا ان تغير كل شى فى السودان كل شى |
عرفت ليه الناس احتفت بالراعي الامين؟
|
Post: #20
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-18-2014, 00:15 AM
Parent: #12
يا نادر
| Quote: هي مأكلة جديدة، وحل آني آخر في مواجهة الضائقة الاقتصادية المستفحلة، |
بيع الممتلكات العامة لايحل ضائقة البلد الاقتصادية
و انما ضائقة المقربين و المرضي عنهم .. هذا اذا كانوا مثل
البشر يمرون بضائقة ... ديل مناشير طالعين و اكلين نازلين واكلين
|
Post: #19
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-18-2014, 00:00 AM
Parent: #11
| Quote: نحن نستاهل هؤلاء ... |
والله الهؤلاء ديل محنونا
و انا متمني اطلع على تفاصيل نشاة الهؤلاء ديل عشان اعرف الخلل المشترك في
الناس ديل كان في أي مرحلة من حياتهم .
|
Post: #18
Title: Re: مستشفى الخرطوم ؟ لا لا ياخ عليك الله خليها
Author: waleed dawash
Date: 02-17-2014, 11:48 PM
Parent: #8
الاخ معاوية الزبير
| Quote: أعتقد أن أي عمل أكاديمي أو اي قراءة أو اي مشاركة بمؤتمرات أو مشاهدة افلام وثائقية أو سماع قصص وروايات، لم تكن لتسمح لي بإدراك الواقع هنا، ولا يمكن تخيل ذلك إذا لم تشاهده بنفسك، وحتى بعد ذلك تفكر طوال الوقت بما إذا كانت تجربتك تعبر عن واقع حقيقي". |
كاتبة هذه الكلمات امريكية .. ليست اسرائيلية او فلسطينية
أي انها من طرف يمكن ان نطلق عليه محايد ..
و نحن سودانيين و اصحاب الوجعة ... فلا اطننا بحوجة
لمشاهدة كل تلك الماسي بام اعيننا .
|
Post: #22
Title: Re: مستشفى الخرطوم ؟ لا لا ياخ عليك الله خليها
Author: ABUHUSSEIN
Date: 02-18-2014, 06:25 AM
Parent: #18
يا زول أمشي أحرس بيتكم .... ما عليك بالباقي...
و الله القصر الجمهوري موقعوا كويس و حتة نضيفة و فيه جو حلو ... و بجيب سعر كويس
قول يا لطيف
|
Post: #23
Title: Re: مستشفى الخرطوم ؟ لا لا ياخ عليك الله خليها
Author: ياسر السر
Date: 02-18-2014, 06:39 AM
Parent: #22
كيف يفككوها وينقلوها لمكان خارج المدينة ؟؟؟؟؟ يعني الواحد تاني لو عندو مريض تعبان شديد قبال ما يلحقو المستشفى المريض بيكون مات وشبع موت .... ياخ موقعها في وسط الخرطوم موقع استراتيجي وسط لكل سكان الخرطوم سوى شرق او غرب او جنوب او شمال ولما ينقلوها الناس دي تصلها كيف ؟؟
ده غير انو مستشفى الخرطوم من اعرق المستشيات في افريقا والشرق الاوسط وفي السودان عامة فهل يجوز ان يمحو كل هذا التاريخ وكل هذا الارث الطبي والتاريخي لهذا الصرح العظيم .. فكم من طبيب عام تدرب فيها وكم من ممرض تدرب فيها وكم من اناس لهم ذكريات واشجان فيها ,,, حسبنا الله ونعم الوكيل حسبنا الله ونعم الوكيل ,,, اللهم الطف باهلنا في السودان يا رب العالمين ..
تحياتي : ياسر العيلفون
|
|