Post: #1
Title: لاى تنظيم سياسى ينتمى الراعى ؟؟؟؟؟
Author: معاوية عبيد الصائم
Date: 02-12-2014, 11:39 AM
حسب المعلومات الاكيدة ينتمى لحزب .(كنتوا وين يالفجاة بنتوا )
نتابع ..
قال ايه ..نطالب الجهات المختصة بتكريمه .لا بلاهى ......
ماهو المواطن ده ياكيزان جا سياحة السعودية ..وقام اتنكر فى شكل راعى ..
ساب الخير فى منطقتو ..العلى النيل ..حيث العناية الطبية (الملح)والدراسة المجانية والهوت دوك والبيتزا
والتفاح وعلاج الملاريا مدفق فى الشارع ....ساب الطخمة وجا متنكر ....ايوة ده الحصل
نتابع
|
Post: #2
Title: Re: لاى تنظيم سياسى ينتمى الراعى ؟؟؟؟؟
Author: محمد عبد الله الامين
Date: 02-12-2014, 11:47 AM
Parent: #1
الاخ معاوية عبيد تحيه طيبه
غايتو الزول ده العمل العملو دة احزاب السودان كلها ما عملتو
المقطع ده انتشر في اغلب مواقع التواصل الاجتماعية
انها الدبلوماسية الشعبية البسيطة الغير مسيسة ,,, فلها نرفع القبعات ...
|
Post: #3
Title: Re: لاى تنظيم سياسى ينتمى الراعى ؟؟؟؟؟
Author: الطيب رحمه قريمان
Date: 02-12-2014, 11:48 AM
Parent: #1
الحبيب معاوية لك التحايا الطيبة
المهم ان الرجل يقف فى الجهة المقابلة للكزان ..
على الكيزان لعنة الله و ملائكته و الناس اجمعين ..
|
Post: #5
Title: Re: لاى تنظيم سياسى ينتمى الراعى ؟؟؟؟؟
Author: cantona_1
Date: 02-12-2014, 11:58 AM
Parent: #3
الأخ الطوربيد معاوية.. بعد السلام
أولاً بالتبادي: ما ارسلت لي تلفونك في الخاص .. أنا عارفك أبيت ترسل الرقم عشان عارفني جاي حلتكم وحأنزل معاك ضيف عشان ما بحب أنزل في الهوتيلات...هههه اها بعد دا حترسل الرقم ولا عندك كلام؟
تاني هام: الزول دا من حزب الغبش الطاقين النار وزاحفين عليها. لهجته تؤكد أنه من إندنا يعني من أم طرقاً عراض. لكن الأمانة كاتلاهو. هسع وين الناس الخيرين عشان يتبرعوا للزول دا بمبلغ ال200 ألف القالا للزول السعودي لو أداهو ليها ما حبيع ليهو خروف.
ما الفرق بين هذا الراعي وبين جدة عمر بن عبد العزيز وزوجة عاصم بن عمر بن الخطاب. التي قالت لها أمها أخلطي اللبن بالماء. فردت البنت: إن عمر لا يقبل. قالت لها أمها: عمر لن يراك. ردت البنت: إن كان عمر لا يراني فرب عمر يراني.
قال الراعي: إن كان رب السعي لا يراني فرب صاحب السعي يراني.
تحياتي
كبـّاشي الصـّـافي
.
|
Post: #6
Title: Re: لاى تنظيم سياسى ينتمى الراعى ؟؟؟؟؟
Author: Jamal Mustafa
Date: 02-12-2014, 11:59 AM
Parent: #3
( له رصيد من التقوى مايكفى ولا يحتاج لضامن )
غايتو قطع شك ما من ناس التوصية دى يامعاوية
أنتصر لأمانته وحفظ ربه فى الصحراء والصيء
فعم صيته القرى والحضر وهزم كل تجار القيم
مع التقدير ،،
|
Post: #4
Title: Re: لاى تنظيم سياسى ينتمى الراعى ؟؟؟؟؟
Author: عبدالكريم أحمد الامين
Date: 02-12-2014, 11:53 AM
Parent: #1
** ود الصائم..
** سلام ومساءك خير ..
## يكفى ود جاد الرب أنه :- سُــــــــــــــودانـــــــــــــــــــــى ...
** رفع هامتنا عالياً فى ظل الإحباط الذى نعيشه..
** وشاهد هذا الفيديو الملايين ..
** وهـــــذا يــكــفــيــه ويــكــفــيــنــا بعيداً عن :- ســـــــــاس يـــــســــــــوس **
(ودام الود والإحترام بين الجميع)
^
^
^
^
** مع إحترامى وتقديرى ... لا لا لا والف لا لا لا لخلط الأكوام ,, ونظريات المؤامره **
|
Post: #7
Title: Re: لاى تنظيم سياسى ينتمى الراعى ؟؟؟؟؟
Author: محمد عبد الله الامين
Date: 02-12-2014, 12:04 PM
Parent: #4
| Quote: هسع وين الناس الخيرين عشان يتبرعوا للزول دا بمبلغ ال200 ألف القالا للزول السعودي لو أداهو ليها ما حبيع ليهو خروف. |
الاخ كانتونا ..
أمس في قناة الرسالة تبرع له احد الخيرين بمبلغ ( 20.000 ) الف ريال
واتوقع المال الحلال حاينبهل ليهو بكثرة ....
وتحياتي
|
Post: #9
Title: Re: لاى تنظيم سياسى ينتمى الراعى ؟؟؟؟؟
Author: cantona_1
Date: 02-12-2014, 12:45 PM
Parent: #7
الأخ محمد عبد الله الأمين بعد السلام
تشجيع أمثال هذا الرجل القوي الأمين بالتبرعات والهبات يشجع البقية على أن يسلكوا طريقه بالكسب الحلال.
كبـّاشي الصـّـافي
.
|
Post: #10
Title: Re: لاى تنظيم سياسى ينتمى الراعى ؟؟؟؟؟
Author: فيصل محمد خليل
Date: 02-12-2014, 01:00 PM
Parent: #9
ناس الحكومة هسع همهم كلو يخمشوا من قروش الزول كيف
ملح الارض
|
|