هذه شكوى مرفوعة لحزب الخضر

الحزب الأصل ماحق فتحى البحيرى

ياناس حزب الخضر وانا عارف كلكم أعضاء فى هذا المنبر

آمنة مختار تستعمل لغة ليست خضراء مع مخالفيها الرأى
وهذه اللغة تؤدى لتلوث بيئة المنبر العام وتضر بذوق القارئ الكريم

فانا هنا أتقدم أصالة عن نفسى ونيابة عن الجيوش الجرارة من المتابعين الذين أمثلهم بشكوى علنية لحزبكم لمحاسبة آمنة مختار وإخطار سعادتنا بذلك.

اسع يا بلة البتسو فيه ده ما بيبور ليلي علوي خلي بوستاتك!!!يعني كان المعارض المسكين دخل دايرة ألسحر خاتي؟

يعنى ياعفراء انتى شايفة لغة آمنة دى خضراء؟

بعدين ياعفراء البوست دا مافيه سحر
السحر فى البوست داك :)

Quote: اسع يا بلة البتسو فيه ده ما بيبور ليلي علوي خلي بوستاتك!!!يعني كان المعارض المسكين دخل دايرة ألسحر خاتي؟

هذا مثالا وليس حصرا:-

Quote: جاي يا سعد الدين يا أبو ذمة مقدودة ..ويا كوز يا مقدود .. عشان تضعهم كمعيار لأزمة الأخلاق ؟!!!! __________ بعدين والله يكون يا بختكم ويا هناكم ...ويكون ربنا بيحبكم ..لو في يوم من الأيام حزب الخضر دا وصل للسلطة . بعدين يا سعد الدين .. شكلك بقى بايخ جدا فى مطاردتك لي منذ سنوات وبدون سبب معروف .. إنت فاكر الأعضاء والقراء ..ما بيلاحظوا ( أزمة الأخلاق ) البتخليك تتربص بي بالطريقة المضحكة دي ؟! بعدين إنت منو ذاتك يا باهت يا من أدمن البلبصة والتمسح بأقدام بعضهم وبعضهن .. لدرجة أنك ربما تستحق لقب (بلباص البورد ) عن جدارة ؟!

Re: رسائل للاجيال القادمة، هذه بعض أزماتنا القائمة الآن!

يا عم الدكتور .. إيه دخل الحزب بالبردبة و المنبرة و ما شابهها من فسبكة وووتسبة وما إلى ذلك من أسفرة
دي حاجة ودي حاجة

يا أبوحتوت

حزب الخضر دا موش حزب سلام ودعاة سلام ومسالمين؟
موش حزب ضد التلوث البيئى؟

يا بلة دي ما القضية الفكرة في المبدأ, علاقة الحزب البتنتمي ليه بحيّزك الشخصي و تصرّفاتك البتتحمل اللوم عليها وحدك
والحكاية دي شايفها منتشرة في البورد هنا قصة محاسبة الأحزاب على تصرفات منسوبيها الشخصية وكدا

يطير حزب الخضر ..
وتطير آمنة مختار ظاااتها !!

أولا : معظم عضوات وأعضاء حزب الخضر ما عندهم عضوية هنا ، ولا يشاركون حتى عن طريق نافذة فيسبوك .
ثانيا : الخمسة أعضاء وعضوات الموجودين هنا ، لن يترددوا فى محاسبتي أبدا ، إذا رأوا مني تجاوزا .

ثالثا : بلة موسى ..قوم لف ..:)

يا أبوحتوت

ياخى أولا هذه ليست محاسبة للحزب
هذه شكوى للحزب لمحاسبة عضويته وضبطها على مبادئ الخضر

ثانيا آمنة مختار ليست عضو عادى وإنما هى أول إمرأة سودانية تؤسس حزب ألا وهو حزب الخضر..

يعنى يا أبوحتوت
ميشيل عفلق أو آمنة مختر لو حادوا عن مبادئ الحزب بتكون كارثة أما لو حاد عنها بشار الأسد أو تبارك شيخ الدين بتكون عادية..

فياخى نحنا بهمنا سلامة توجه قيادتنا المستقبلية فكرا وقولا وفعلا.

يا محمد ياخى طبعا أنا زول بعيد النظر وأرى السودان فى عهد قيادة آمنة مختار لذلك تجدنى وجلا من انحرافها عن مبادئ الخضر :)

Quote: فياخى نحنا بهمنا سلامة توجه قيادتنا المستقبلية فكرا وقولا وفعلا.

أولا : إطمن شديييييد يا بلة موسى ..
فآمنة مختار ليس لديها أدني رغبة ( كفرد ) فى قيادة السودان ..
ولو يوم جاتني الرغبة دي ...طواااالي ربطوني وودوني لي فكي عشان يعزم لي فى راسي .....:)


ثانيا : قياداتكم (المستغبلية ) دي ..مش كتر خيرها الفضلت إنها ( تندغم ) مع ( أبعاضها ) ناخبون وناخبات هنا فى الهردبيس دا ..
بدلا عن أن (تثب ) بين يوم وليلة ..وتتعالي ..وتقعد فى أبراج عاجية ..وتهريكم بيانات بس ؟


مش أخير تعرفوا البينا والعلينا ..كدا على طبيعتنا ..
بدل ما تتورطوا بعدين ..

ولا كيف ؟

يعني انا طلعت أوف بوينت يا دكتور !!
ما مشكلة اصلا انا قلت اواجبك في قصة البوستات البايرة وكدا :)

Quote: ثانيا : قياداتكم (المستغبلية ) دي ..مش كتر خيرها الفضلت إنها ( تندغم ) مع ( أبعاضها ) ناخبون وناخبات هنا فى الهردبيس دا .. بدلا عن أن (تثب ) بين يوم وليلة ..وتتعالي ..وتقعد فى أبراج عاجية ..وتهريكم بيانات بس ؟ مش أخير تعرفوا البينا والعلينا ..كدا على طبيعتنا .. بدل ما تتورطوا بعدين ..

آمنة مختار
التحيات لها

ياخى انت قايلا المقعدنا فى المنبر دا غير وجود الناس المهمين زيكم شنو؟
على الأقل فى المستقبل لما يكون عندك خطاب هام فى قاعة الصداقة الواحد يخت فشاروا قدامو ويقعد يفوشر: الرئيس دا كان عضو معانا فى سودانيزاونلاين وكانت لغتها جافة مع الأعضاء البختلفوا معاها فى الرأى.. ونضيف لذلك ياربى الكتب ليها الخطاب الأخضر دا منو؟
واحدين يقولوا دى لغة تبارك وواحدين يقولوا فيها روح وشاعرية فتحى البحيرى..
ونفوشر ونسمع لحدى ما الخطاب يكمل مع جردل الفشار!!!

Quote: ما مشكلة اصلا انا قلت اواجبك في قصة البوستات البايرة وكدا :)

ياخى دى كلفتنى حبتين زانتاك هههههه
وشر الحموضة مايضحك
دى أحمض من مداخلة أميرة السيد الكانت قاصدا عثمان موسى وانا افتكرتها بتشكر فى سعادتنا. غايتو أكلتها خوفا من شماتة ناس قرحطب بتاعين الفيس ههههههه

ما طلعت أوف بوينت ولا حاجة يا باشمهندس ود البشرى .

بله موسى ملاوز من طبارك .. عشان كدا عايز يخارجوا من حكاية المحاسبة دي ..:)


......

بعدين بله موسى ناكر جميل ..
أنا برضه بواجبو فى بوستاته البايرة ..
فقام عايز يحررها بالبرمجة بي .....:)

يا آمنة

ود البشرى ملخص مداخلاتو أن آمنة مختار مخطئة
لكن يجب ألا نحمل خطأها للحزب..

وانا قصدى زى ماقال شوقى فى سعد زغلول:
القائد الفذ لاتثنى أعنته
والواحد الفرد فى أثوابه أمم

فبالله ردى على ود البشرى فى حكاية أنه متفق معى فى حموضة لغتك ومجافاتها للأخضرار.

ههههههههههههه غلطان أنا يا بلة البواجب فيك

يا أمنة ما عليك منو رشي رشك في الاسافير الحزب ما ليه دخل اللهم إلا كان قطعتي ليك صفقة شجرة :)

Quote: وانا قصدى زى ماقال شوقى فى سعد زغلول: القائد الفذ لاتثنى أعنته والواحد الفرد فى أثوابه أمم

دا الكلام ذاااااتو البجيب اللوم ..
أوعوا تتغشوا إنه فى قائد فذ ولا بطيخ .

كلنا بشر ..نخطئ ونصيب..ونغضب من تكرار الإستفزاز ..
عشان كدا بنتبنى كخضر الديمقراطية التشاركية والنهج العلماني ..وهذا خير عاصم للشعوب من تفلتات القيادات .

......

ويا ود البشرى ..مش كدا بالله ؟
النهج السلمي للخضر دخلو شنو كمان بالمماحكات البوردية !!

وبالعكس ، نحنا كخضر سودانيين لازم ما ننسلخ عن جلدنا السوداني ..
اللماضة السودانية الشهيرة دي نخليها لي منو ..:)

ودالبشرى وآمنة
مداخلاتكم دى بتأثر على سير العدالة :)

يا عمك شكوى مين و على شنو؟
علاقة الخضر و الخضراء بالسلام، كعلاقة البشير و المؤتمر الوطني بالاسلام :)

Quote: دا الكلام ذاااااتو البجيب اللوم .. أوعوا تتغشوا إنه فى قائد فذ ولا بطيخ . كلنا بشر ..نخطئ ونصيب..ونغضب من تكرار الإستفزاز .. عشان كدا بنتبنى كخضر الديمقراطية التشاركية والنهج العلماني ..وهذا خير عاصم للشعوب من تفلتات القيادات . ...... ويا ود البشرى ..مش كدا بالله ؟ النهج السلمي للخضر دخلو شنو كمان بالمماحكات البوردية !! وبالعكس ، نحنا كخضر سودانيين لازم ما ننسلخ عن جلدنا السوداني .. اللماضة السودانية الشهيرة دي نخليها لي منو ..:)

اي تكرار يا أم زعامة؟
هي مواقفك ووجودك دائما مكان الأذى،
لم يسلم منك حتى من كانوا بعض اصدقائك/ صديقاتك
لم يسلم حتى الراحلين/ات
سوء طوية و خبث و نفحة كاذبة تؤهلك تماما كتعريشة عنب هزيلة الساق:)
اذا ما عايزة تنسلخي من جلدك السوداني خليك حزب أمة أو اتحادية
مالك و مال البريستيج و الشعر الما عندك ليهو راس ده :)

سير عدالة شنو يا بلة ؟!

هي شكوتك ذاااتها ما قايمة على أساس .

إنت جاي تشتكي لحزب الخضر عن خطأ صدر مني ضد المدعو سعد الدين .
وأرشيف البورد دا يشهد أني لطالما تجاهلت تربص سعد الدين هذا وإساءاته ..
ليس خوفا لا سمح الله ..
ولكن لأني لا آبه كثيرا أو قليلا لسعد الدين هذا .

ولم أرد عليه فى بوست أنور كنج إلا لأنه لم يجد حزبا ليقرنه بما يدعوه ب( أزمة أخلاق ) إلا حزب الخضر السوداني !!

فهل هذه صدفة يا ترى ؟!

___________

هسه إنت مفروض تمسك المدعو سعد الدين دا ..وتقبقبه ..وتسأله (مشكلته شنو بالضبط ) مع آمنة مختار وحزب الخضر !!

أما أنت يا سعد الدين ..
فحتى لو حاولت مؤخرا أن تخلع عنك جبة الكوزنة ..
كما فعل كثير من الكيزان مؤخرا ..فلن تفلح .

وكان طلعت ولا نزلت ..راسمالك فى هذا البورد كله عبارة عن مسح جوخ وبلبصة ومسح أحذية لناس معينين هم شبهك .
متين تكون شخصية مستقلة كالآخرين ..وليس مجرد تابع بائس لفلان وللا علانة ..من الرماديين والرماديات ..

انتي من زمن الناس بخوفوهم بالكوزنة؟
حليلك شديد ياخ،
دي حتى التابعية أشرف مائة مرة من صفات العقارب،
لو لم تجدي جنازة لصنعتي واحدة تشبعي فيها لطم،
ادمان حالة الانكار هذه لن بجديك فتيلا يا خضراء،
فقط مواجهة الذات ولم اذاك عليك.
صعب هذا؟ ام أن القطط لا تغير لون جلدها؟!

قلت لي خبث وسوء طوية وعقارب وشنو ما عارفة ..!!

إنت يا طيرة .. ما ملاحظ إنو إسلوبك يطفح بما تنسبه لي ....:)

_____

بعدين شكله حزب الخضر دا مجهجك جهجهة شدييييدة خلاس ..
عشان كدا ما جبت سيرة تنظيم غيره فى بوست الرمادي أنور كنج ...:)

وطالما جيبتي لسيرة (التابعية ) دي وجعتك شديد ..
فما تخليها ياخي ..
لأنها شينة في حقك .

كم سنة شغال بلبصة ..
أصلك ما تعبت ؟!

الشينة في حقي مخاطبتي اياك دي، تصدقي؟
قلتي لي خضارك الضبلان ده مجهجهني؟
مسلية انتي يا خضراء لو ابتعدتي عن الأذى.

هههههه غلبك تقول شنو مش ؟!
لأنو أرشيف بلبصتك البائسة كله موجووود .

هسه أنا ذاتي يعلم الله متحسسة إنو أرد عليك وآخد وأدي معاك
بعد تجاهلي ليك السنين دي كلها ، عارف ليه ؟
لأني (بحتقر ) البلباصين الذيك ديل .


غايتو الله يجازيك يا بلة موسى ..عشان خليتني أندغم مع الوهم دا فى بوست واحد ..:)

هذيانك عينة يا خضراء،
لو فتحت ارشيفك سيرتفع منديلك لا اراديا نحو انفك،
في حالة انك سوية و كده يعني
هل حدث ان اتهمت احداهن زميلتها هنا بالمثلية سواك يا نصيرة المرأة؟

دكتوووووووور بله موسي



معقوله بس يا بلبل….يا اخي…..؟!


حزب شنو
وقبيلة شنو
ودولة شنو البشكونا ليها؟!

انت واحد من الناس كتبت هنا من قبل انه آمنه مختار و تراجي مصطفي ….برشوا الحقائق رش…..!

مقعوله تفتكر فعلا لو ما قلته حقيقي انه نحن اصلا ممكن ننضوي لتنظيمات

او ندخل في علاقات تقيدنا؟!

يا الاخو نحن من مبادئنا:

اولا: (الحريه حدها السما)

ثانيا:

وكابس في ورثتنا وما تكابس في باس وردنا.

وثالثا:

ثلاثه ما تشارك فيهم زول(عربيتك) + (زوجتك او زوجك) + (باس وردك)!! ……...شفته كيف؟!

رابعا:

اي حزب او تنظيم تنتهي حقوقه عند حدود باس وردنا!



فحزب شنو البتشكي آمونه اللذيذونه يا د.بلبل يا اخي ؟!



أما يا سعد الدين

آمونتنا دي يا اخوي دخلت التاريخ دخلته.

تعجبكم ما تعجبكم

تواصلوا مطاعناتكم..ولا تقلبوا الهوبه هي غايتو دخلت و الحمد لله.


ويا آمونه

يا اخي سعد الدين ده ارخيه شويه

عارفاهو ما عنده شغله ومتلحك ومطاردك و مغيوظ منك موت.رغم انه ما بيعرفك.

انسيه يختي الايام كفيله.



ويا سعد الدين اختشي

حقيقة مطاردة الراجل لسيده ما لذيذه وعندنا نماذج كثيره هنا ليها بهذا البورد

بس انت طارح نفسك ما بتاع مشاكل…اه مالك ومال آمونه

واذا مقتنع فعلا انه القاريء بميز و عارفها وعارف ارشيفها اشمعني انت العايز دايما تنحشر وتذكره باوهامك الفي راسك براك؟!




وغيب وتعال

للاسف تلقانا نحن يانا نحن…حسه انا البورد ده غايبه منه منذ البارحه

معقوله لسه الناس عام 2014 نفس القصص و الهباب؟!

يا آمونه يختي ما تعالي نختفي منهم الناس ديل 2014؟!

انا غايتو عندي نويه صادقه انه اختفي….دي عيشه تقصر العمر يختي.

مالنا ومالهم رجال البورد النكد ديل.





ــــــــــــــــــــــــــــــ
اريتك لو عندك طريقه للكونفرنس كول

كان اتعرفتي علي الناس الجد تعجبك وشغاله و قابضه علي جمر القضايا مش طقاقطين الحنك ديل!!

غايتو صلحي لينا موضوع الاسكايب ده ضروري .


عشان عايزين نستضيفك متحدثه رئيسيه في احد ندواتنا لكن عشان نطلبك بالتلفون مكلف لينا شديد.




و يا بله موسي الدعوه مقدمه لك برضو انت في امريكا

والتلفون ما بكلفك حاجه…..جرب يوم و اتصل وشوف الناس الوهم ديل قاعدين يقولوا شنو؟!

مش نضمينا يمكن افضل من كتاباتنا؟!

شر البلية ما يضحك يا أم حازم،
البشير دخل التاريخ من 89 و من وقتها مجهجهنا و مجهجه بلد كاملة لمن بقت اتنين!
معقولة بس؟
نبقى في فلان دخل التاريخ و واووووووووووه دخلوا السينما،
غلطان أنا ياخ، غلطان شديد :)

الحمار القصير ركوبوا حلو!!

عاد يا دكتور ما شايف البسوي فوقو الصادق المهدي (ابو دقناً محنن)
وكلنا يعلم بان البورد مليئ بالعنصرة (اقصد الانصار)

يا اخي امشي اشتكي الصادق .. والله صحيح

ههههههههه
شفت مش قلت ليك تابع وستظل طول عمرك تابع بائس !

كل الناس شايفين وعارفين ، واحدة عاجباها نفسية بصورة مرضية ..جات نابلة فيني بدون سابق إحتكاك بيها وإتهمتني إني (بحبها )..
وقالتها بالحرف الواحد ( إنتي لسه بتحبيني يا أمونة ؟ ) ..!!
وطبعا هدفها كان معروف فى اللحظة ديك ..,وفى نص الشكلة ديك ..إنها عايزة ترسل للقراء والأعضاء رسالة معينة بكل خبث وإنحطاط .
أها ..ذي دي يردوا ليها يقولوا ليها شنو ..؟!
وعلى العموم أهو الحفرة الحفرتها لي وقعت فيها وما قادرة تطلع منها ( لليلة ) ..مسكينة .

وأهو اليعيش ياما يشوف ..فى عالم السايبر السوداني دا ..

( وطبعا التوضيح دا ما ليك ..لأنك حاضر وعارف ..دا للناس الما حاضرين ..وهدفك التشوش عليهم )

...............

أم حازم سلامات .
ما تشتغلي بالفارغة الهنا دي .

أصلو المدعو سعد الدين دا ذي ما إنتي عارفة ( عقدته )..وكدا .


وبلة موسى دا بيعرف لي وبعرف ليهو ..ويعتبر برضه من الأعدقاء ..على قول مولانا حسن .

السكايب شغال يا أم حازم .
لكن ندوات الأيام دي أعفوني منها .

تعب السفر وكدا .

يا محمود علي ..
حزب الخضر الجماعة شايفنو الحيطة القصيرة ..
وقالوا الما قدر على الحمار يتشطر على البردعة .

لكن الحمد لله نحنا لا حمير لا برادع ..ولا متوالين ولا مندغمين ..
حتى لو كان أباطنا والنجم .

مثال راهن للخبث و سوء الطوية،
أخت تقول لمن حسبتها خطأ أختا لها أحبك، فتفهمها اتهام،
انتي يا خضراء لو اعترفتي انك تعاني من مشكلة في تركيبتك لسهل عليك العلاج،
لكنك ستظلين في ترهاتك و اوهامك هذه حتى اللحد.

Quote: كل الناس شايفين وعارفين ، واحدة عاجباها نفسية بصورة مرضية ..جات نابلة فيني بدون سابق إحتكاك بيها وإتهمتني إني (بحبها ).. وقالتها بالحرف الواحد ( إنتي لسه بتحبيني يا أمونة ؟ ) ..!! وطبعا هدفها كان معروف فى اللحظة ديك ..,وفى نص الشكلة ديك ..إنها عايزة ترسل للقراء والأعضاء رسالة معينة بكل خبث وإنحطاط . أها ..ذي دي يردوا ليها يقولوا ليها شنو ..؟! وعلى العموم أهو الحفرة الحفرتها لي وقعت فيها وما قادرة تطلع منها ( لليلة ) ..مسكينة . وأهو اليعيش ياما يشوف ..فى عالم السايبر السوداني دا ..

يعني ده تفسيرك لجملة : انت لسه بتحبيني؟
اذا ساء فعل المرء ساءت ظنونه و صدق ما اعتاد من توهم.

يا بلة تعال لم خضارك الضبلان ده ، الله لا كسبك :)

لا بالله ..:)

الكلام دا قولوا للناس الماكانوا حاضرين الكعة إياها ..

هسه إنت براااك أسئت للأخت دي .. وهي غايبة من البورد ..وبعدما الناس نست الحكاية العجيبة .

ما قلتي ارشيف، اتكممتي مالك؟

أها ..طيب يا سبع البرمبة ..لو صحي عامل حقاني ..
اخطف كيبوردك وغوووص فى الأرشيف وجيب البوست بتاع الشكلة إياها كللللله هنا ..
عشان الناس تحكم .

وتشوف ..المحن ..

......

ما تزوغ ..كويس ؟

( مقرف إنت ياخي ..مرفعين أصلي ) .

خطفك ابليس، ارشيفك ده عايز علاج اكتر من كيماوي بشار!
مالي و ماله؟
امشي انتي يا ام كمامة :)

والخضار دا كان (ضبلان )..
طيب ماااالك خايف منو ..
وكمان تتنبأ ليهو بحكم السودان .

المصدر : بوست أنور كنج الجاب رابطه بلة موسى أعلاه .

:)

عايز ارشو، شن خبركم بي شغل السوق انتو :)

-------
التقديم لي عضويتكم بي وين؟  

الصديق سعد الدين عبدالرحمن حبابك

يا حبيب اتمني ان تترفع عن هذا
والله مثل هذه المناكفات لن يفيد الشخص بشيئ
لا ادري ما بينكما ولكن صدقني يا حبيب
هذا الذي يدور هنا وفي اماكن اخري يخصم من رصيديكما
اتمني ان لا يصل الخلاف بينكما الي حد الفجور
يجب ان نستثمر اوقاتنا في كتابة المفيد بدل من ضياعها في المنكافات والمناكفات المضادة



ولكما خالص الود





ــــــــــــــــــــــــــــــــــــــــــــــــــــــــــــــــــــــــ
يا دكتور .. هل تعلم بان لك قسط من هذا الوزر!

Quote: خطفك ابليس، ارشيفك ده عايز علاج اكتر من كيماوي بشار! مالي و ماله؟ امشي انتي يا ام كمامة :)

هههههههههههههههههه

الزوغة الزوغة ..

أمشي جيب البوست ...مالك ؟
خايف من شنو ؟
لو كلامك صح ..

يا بت الناس، في عرضك و قصرك
اعفيني من ملفك الكيماوي ده ياخ :)
مش بتاعك انتي؟
امشي انتي ياخ،
عندك مناعة اكيد :)

الله يجازيك يا بلة موسى
سهرتني ومشيت نمت ..تنوم السهر قادر يا إلهي .

.....

سعد الدين ..أوعى تزوغ ..
بجيك بكرة كان ربنا حيانا ..

المرة دي لازم أشوف حدك وين ..
تجاهلتك سنوات وما نفع .

حاضر يا محمود،
خليها أول تمشي تنوم ، إن في ذلك لأجر كبير لو علمت.

تصبحي على خير يا خضراء

Quote: حاضر يا محمود، خليها أول تمشي تنوم ، إن في ذلك لأجر كبير لو علمت. تصبحي على خير يا خضراء

شكراً لك يا صديق وسوف احفظ لك هذا الجميل

كما اتمني ان تكون هذه هي المعركة النهائية التي تفضي الي الصداقة


ويا امونة تنومي وتصبحي علي خير
وما في حاجة تانية برجعك هنا يوم باكر

ودكتور طلع طوربيد عرفناهو ..
يالا واصلي في اشغالك ولا تنشغلي بهذه الدعوة الباطلة!!

يا سعد الدين

حكاية الرجال البيتغاظوا من المرأه الراسها مليان دي قديمه وعارفنها.

وحكياة الرغبه في تكسير راسها دي برضو قديمه و متجدده.


آمنه مختار امراخ سودانيه راسها ملآن علم و فهم لامن مدفق.

وذاكرتها حديده فعلا ربنا يزيدها.



المهم

مروا علينا هنا رجل كثر كتبوا العجب و ارشيفهم عايز مليون كمامه حقيقه

لا شايفنك طاردتهم ولا ساكيتهم تفتكر ليه؟!

وبعدين منو الاداك الحق تسكها باها كتبت كذا لفلانه ولا كتبت كذا لعلانه؟!

انت وصي علي هؤلاء؟!
ما كل زول وزوله فينا قدم للعضويه هنا باعتباره كامل الاهليه و قادر علي الدفاع عن حاجاته و افكاره ومواقفه

اشمعني في رجال محددين بيعلموا انهم المدافعين عن فلانه وعلانه!!

نحمد الله ما عندنا كورس مثل هذا…..لاننا في نظر الجميع قادرات وواعيات ولا بنعمل فيها سمكينات ومحتاجات لجيوش من (سباع البربمه) يدافعوا عننا.

واياك تدعي باننا دوما معتديات لانها ليست حقيقه.






الجميل في الامر انه الخضر تحديدا كلهم اتضح انهم مستعوبين و عارفين حقوق عضويتهم لذا لم يتداخل احد هنا ولو بهظار.

يا سلام يا رئيس تبارك يا اخي كده المؤسسيه يا بلاش.





شكرا يا محمود علي.

ويا آمونه انت اعلم انه زمنك اقيم.

وبعدين زايقه مننا لمتين…..نحن ممكن نخليك ترتاحي لكن ما بنقبل الاعتذار نهائي وبعيدن لك يا اخي معجبيك الذين قدوا اضانا انه حتستضيفوا لينا آمنه مختار ميتن؟!

نرجع للموضوع اللساسي

Quote: هذه شكوى للحزب لمحاسبة عضويته وضبطها على مبادئ الخضر

وماهي مبادئ الخضر يا بلة!؟

صدقني المرة دي (الرغم) حقيقي جلا :)























------------

سلامات يا ام حازم

أنا وطبارك [مستعوبين] تماماً .. وكل الخضر [مستعوبين]
هو الزول كان ما استعوب زي الناس يكون أخدر كيف ... بكون بمبي .. يا بالميت كدا رمادي ساي .. وقيل (ساي) برا لون!
حزب الخضر .. حزب لا سلطوي (ممكن تقروا «فوضوي» اذا بتريدوا) .. وكلمة (حزب) دي لزوم القافية السياسية ساي .. في حالتنا لا تعني اطر حاكمة زي في معناها المدرسي


يا بلة بطل تحرش ب[حزبنا]
لو عاوز تنضم لينا قدم طلبك بالقنوات الرسمية للحزب .. وخلي عنوانك عشان نرد ليك بعد ما نقوم بالهومويرك البيروقراطي اللازم ..

غايتو الحاجة الوحيدة بالنضمنا ليك بعد انضمامك الميمون .. انك تكون نفسك ... تماماً
وندافع عن حق دا ضد كل السلطات .. ما ظهر منها وما بطن
من لدن السلطة السياسية ورأس مالها المادي والمعنوي وما تفرع منها من سلطات .. حتى اصغر سلطة للنظام الأخلاقي والقيمي الفشنك

شفت كيف!؟

الظاهر كدا
أنو حزب الخضر فيهو ( شئ لله )

فـ ( بورة بوستات ) عزيزنا بلة قد ( فكت ) عندما أنشأ بوستاً معنوناً به ( أى بحزب الخضر )
وربما لأول مرة في التاريخ ( البلاوي ) يتجاوز البوست عقدة الصفحة الواحدة

مدد يا أمونة







______________

سعد وأمونة

ح تطلعوا ( أصحاب ) من البوست دا
تصدقوا ؟؟
ختو الكورة واطة

Quote: يا دكتور .. هل تعلم بان لك قسط من هذا الوزر!

يامحمد على

أنا شيخى فيصل القاسم (زاد الله اتجاهاته المشاكسة) قال:
نضرب الراى بالراى لتظهر الحقيقة
فمادام حاتظهر الحقيقة فمافى وزر :)

سعد الدين
تيك ات ايزى
وعليك بكرى أخد لى تراجى وآمنة ديل فم فمين وشرهم فى أقرب بلكونة..

تراجى
آمنة دى عاملا زيك كدا يعنى زى البتيخة :)

آمنة مختار
سعد دا من الذين عرفوا باحترام الناس فى هذا المنبر
فإذا شعرت بأنه مطاردك فربما جمعكم هاي ويى واحد اسمو العشم والتمنى لك بالاخضرار.

Quote: وماهي مبادئ الخضر يا بلة!؟

ياقيقا
السلام والمحافظة على البيئة من التلوث
آند بيبرليس ويرك ههههههه

Quote: سعد وأمونة ح تطلعوا ( أصحاب ) من البوست دا تصدقوا ؟؟

عاطف عمر
عليك الله ماتحرش :)

سعد الدين أخونا الصغير و ود حلتنا و امونة صديقة و اخت لم تلدها آمنا و تبارك زعيم كبير ولا على كيفنا و بله موسى من كتابنا المفضلين و أخونا و حبيبنا..
غايتو الواحد يقول شنو ذاتو ما عارف و الله.

Quote: غايتو الواحد يقول شنو ذاتو ما عارف و الله.

يا أبو السيوف
يبدو أن مشكلتك بس مع تراجى بس غلبك تقول :)

Quote: يبدو أن مشكلتك بس مع تراجى بس غلبك تقول :)

ومعاي
















-----

لمن قريت كلامو دا ما كنت منتبه انو تراجي ما ذكرت ذاته!

أها يا بلة الغايب ..

الحقائق الظهرت دي كيف معاك ..؟!
أوعى تبقى ذمتك لستك ..كعهدنا بك ..:)

يا بله باين عليك ناوي ليك نية ههههه
بأخي تراجي على رأسنا من فوق و هي عارفة كده اما فتحي فتى القيقر فالهرجة في حقو اكبر من الكتابة على جدران المنبر العام:)
اها كيف معاك؟
--------------/-----------------------
كلمة الهرجة دي محاولة لاستعادة ذكرى ايام الحجاز

Quote: أوعى تبقى ذمتك لستك ..كعهدنا بك ..:)

ياقيقا
ياخى أبو السيوف دا ذكر ثلاثة فئات:
1/ الزعيمات والزعماء
2/ البلاصين
3/ الناس الزمتم لستك.
عشان كدا ذكرناه بتراجى

إنت وين فى الفئات أعلاه؟