Post: #1
Title: قصيدة جديدة لنج: مسدار الوثبة....داليا الياس
Author: Kostawi
Date: 01-28-2014, 10:57 PM
Parent: #0
مسدار الوثبــة
داليا الياس
===========================
وثبـــة ووثبتيــن والتالتة بــرة الــدولــة
والقافلين عليك خسرو الرهان والـجولة
يسألك الكريم رب العباد المولــــــــــي
حلــــقات المسلسل ام خطابك اولي ؟
...
يا عـــــــــمر البشير انا معترض..ما راضي
ممكن انسي ليك كل الحصل في الماضـي
الواجعني منك .وفي سبيلــو بقاضــــــــي
يا خسارة المسلسل زمنو راح في الفاضي
...
اتلاقو الجميع كل عمة تضرب عمــــة
والناس يا عمر.. آمالا كان في القمـــة
نسمع بالخطاب قلنا الحكاية مهــــمة
دا الجامعنا ليهو من العصــــــر بالذمة ؟
...
يا عمــر البشير الدولة رسبت رسبــة
و اضحت للجهــــاز .. نص البلد منتسبة
السبب القبيل خلي الخلوق محتسبة
قمبلة الرئيس طلعت اشاعة ووثبــــــة
...
يا عمر البشير حبل الصبر اتمطـــي
والـسودان يسير ..بس إلا زي البطة
منتظرين قرارك وقلنا زي الشطـــة
يوم طلع القرار القصة طلعت نطـــة
...
يا عمر البشير الوثبة تب مرغوبـــة
نتمني العمار لي ارضنا المحبوبة
في عز الخريف ما تشكر الراكوبة
لـــــكن بالخطاب فعلا قلبتا الهوبة
...
يا عمــر البشير هاك الكلام الواعي
البترول يطير ..سودانا ارضو زراعي
خليك للسلامة وللتقدم ساعـــي
لكن للخطاب صدقني مافيش داعي
...
يا عمر البشير ..ضيعتا زمن الامــة
قلنا لقيت علاج ممكن يزيل الحمي
عاملين للخطاب قومة وشمار و هلمة
قايلنو اسكريم.. لكن طلع داردمــــة
|
Post: #2
Title: Re: قصيدة جديدة لنج: مسدار الوثبة....داليا الياس
Author: Elmosley
Date: 01-29-2014, 02:02 AM
Parent: #1
| Quote: قايلنو اسكريم.. لكن طلع داردمــــة |
ياسلام تمام وجميل لكن الحته دي ماشايف فرق
بين الايسكريم والداردمه التي تنطق غالبا داندرمه
اقترح ان تكون
قايلنو اسكريم.. لكن طلع دلقمة
بضم القاف الاخير
دلقن ودلقمه ودلقان
هههههههه
|
Post: #3
Title: Re: قصيدة جديدة لنج: مسدار الوثبة....داليا الياس
Author: Kostawi
Date: 01-29-2014, 03:41 AM
Parent: #2
يلا يا الموصلي لحن و زع و أنتج....
هذه الدانردمة
|
Post: #4
Title: Re: قصيدة جديدة لنج: مسدار الوثبة....داليا الياس
Author: محمد الطيب محمد
Date: 01-29-2014, 05:01 AM
Parent: #3
Quote: سين سؤال: الوثبه شن نفرا ؟؟؟
و أيه يعني إندغام قولولي يا فقرا
أعتبروني تب أمي لا عرفت لا بقرا
شن جاب تساب النيل لموية المترا
الامه عايزه خلاص شيتا" يجم فترا
عشمانه في خيرا" لا عند ضروع بقرا
يات وثبه تنجيها كيفن يروق عكرا؟
العيشه ضاقت تب سلتها من وكرا
ما شفنا لغليغا" من الهموم سترا
بعتولا اوهامكم زدتوها في سكرا
ما بتفرز الكيمان إنتايه من ضكرا
الحاله يا ريس مشلوله فوق ككرا
الأمه منسيه كمين خطيب نكرا
في السيره ما جابا بالشينا ما ذكرا!
و الله ما طراها لا قال تمام شكرا
انا غايتو ما واثب قاعد علي ككرا.
.
فاروق أب حوه |
|
Post: #5
Title: Re: قصيدة جديدة لنج: مسدار الوثبة....داليا الياس
Author: ود الباوقة
Date: 01-29-2014, 05:42 AM
Parent: #4
اقبض قبضك مورلي
|
|