خلف الله حمد .. حسين شندي .. انصاف مدني

قبل فترة بالصدفة استمعت لأغنية المرحوم خلف الله حمد " مناي ليك " من انصاف مدني وفيها حتة بتقول فيها ( منسول من الجنسين)؟؟؟؟!!! طبعاً هي ( منسوب من الجهتين ) ،الجماعة المعاي غالطوني وقالو كد الصاح ..واستدلو بالفنان حسين شندي بقولها بنفس الطريقة وعشان متأكد رجعت للأغنية الأصلية للمرحوم خلف الله حمد بقول :-

أبواتك رجال الفي الأصل بينين
وجدك بدخل الوكرة السلاحا سنين
ود العز أخوي المنسوب من الجهتين

( منسوب من الجهتين ) قاصد من جه الأب وجه الأم ..

السؤال : إنصاف مدني معذورة .. حسين شندي مااااالو بغلط في حاجة زي دي ؟؟؟ وللا السوق دا كدا ؟؟

عمر اخوي..

الناس دي بتعوس ساكت ..

زول سااااااااااااكت جايب خبرم مافي..

هز وعرضة ورقيص ...


وانتهت الحفلة...


ودي

ما سمعت البقولوا ..

شفنا حبيب بنريدو في (الحِلة)؟؟

لك التحية اخي عمر السلمة على هذا البوست الذي نفتقده منذ زمن بعيد فقد تم تشويه كلمات كثير من الاغاني السودانية الجميلة جراء ما يقوم به المتعدين على الفن واشباه الفنانين في السودان وخاصة في الفترة الاخيرة فاصبحت للاغنية كلمات مختلفه من منطقة لاخرى ومن فنان لآخر على الرغم من ان الاغنية واحده وشاعرها واحد وكلماتها واحده .. على العموم نحتاج كثير مثل هذه البوستات حتى نتدارك ما يحدث الآن من طمس للاغاني السوداني وللتراث السوداني الاصيل ..

اما عن الاغنية الحماسية المذكورة فحسب علمى الضئيل فقد قيلت في شكر جدي الخليفة بركات الخليفة - خليفة الشيخ إدريس ودالارباب الولي المعروف والموجود ضريحه بالعيلفون وهي بمثابة التمجيد له والتعريف بخصالة ..
واسف على الاطالة ولك كل الود والتقدير ..

تحياتي : ياسر العيلفون

ألأخ/عمر السلام عليكم....أعتقد منسوب أو منسول ما بتفرق...لأن المعنى واحد....ومنسول أجمل.....وشكراً للتوضيح....إحترامى.