شباب السودان لايفرق بين العام والخاص فى التصوير

لقيت لي فديو من النوع ده..

شباب وشابات فى رحلة ..

جوز جوز..

دخلوا ليهم شريط وهاك يارقيص

أوكي لكن مافي داعي تنشروا لينا هنا فى اليوتيوب...

فى نهاية الفديو مكتوب الحروب فى السودان سببها إنعدام الحريات..

والله غلبني أنقل الفديو...

لا تنتهكوا حريات أفراد ليس لهم رغبة فى أن توضع خصوصياتهم فى الشبكة العنكبوتية..

يا ناس منظمات المجمتع المدني فى السودان. يا جماعة كورسات توعية فى الموضوع ده مهم جداً.

سلام يا سيف اليزل
طالما الحدث في مكان عام، فلا اعتقد ان القانون يمنع التصوير والنشر

Quote: سلام يا سيف اليزل طالما الحدث في مكان عام، فلا اعتقد ان القانون يمنع التصوير والنشر

ما أظن في قانون بس أخلاقيا مفروض تستاذن قبل التصوير وحتي لوكان في مكان عام

أخلاقياً يا سيد احمد تصوير شخص في مكان عام ما فيهو حاجة، حتى بدون استئذان !
أنا في الاستاد بصور - أقد استأذن في الجماهير ؟

تحياتي سيف
ما عارف الفيديو الشفتو انت ياتو لكن اذا كان بتاع الـSlow Dance افتكر تم تصويره بواسطة رفيقهم في الرحلة
ولا اعتقد ان تلك الرحلة وبمثل تلك الممارسات التي جرت فيها قد تمت في مكان عام اذ ان السودان لم تصل به الحال الى هذه الدرجة
الفيديو ده بالذات حقو ناس البوليس يجتهدو فيهو ويجيبو الجماعة الكانو فيهو ويورهم الطفا النور منو
خاصة الفتاتين اللتان كانتا تتبادلان القبل مع بعضهما البعض في ممارسة سحاقية مقرفة وتبتسمان للكاميرا

سلام ايمن محمود وسيداحمد شامى

كونهم فى مكان عام ايضا لا يعطيهم الحق فى تصورير خصوصيات الناس . يعني ممكن تكون فى أسرة او أسرتين او مجموعة من البنات والأولاد فى شارع النيل. لايحق لشخص تصويرهم ويرفع الصور والفديو فى الانترنت. في الفديو بالذات التصوير فى غابة او جنينة والمصور من ناس الحفلة زاتهم.


اذا كان مافي مشكلة فى التصوير أصلا المشكلة فى عرض الفديو على الناس كلها...

تحياتى

Quote: تحياتي سيف ما عارف الفيديو الشفتو انت ياتو لكن اذا كان بتاع الـSlow Dance افتكر تم تصويره بواسطة رفيقهم في الرحلة ولا اعتقد ان تلك الرحلة وبمثل تلك الممارسات التي جرت فيها قد تمت في مكان عام اذ ان السودان لم تصل به الحال الى هذه الدرجة الفيديو ده بالذات حقو ناس البوليس يجتهدو فيهو ويجيبو الجماعة الكانو فيهو ويورهم الطفا النور منو خاصة الفتاتين اللتان كانتا تتبادلان القبل مع بعضهما البعض في ممارسة سحاقية مقرفة وتبتسمان للكاميرا

كتلتو تب يا محمد ابراهيم، ياهو الفديو زاتو..
الفديو مافي مكان عام،