في ذكري الحواتي الاكبر( أنت ما بتموت يا فنان لك الرحمة )####

أنت ما بتموت يا فنان اليوم الذكري الاولي لرحيل الفنان محمود عبد العزيز عرفت محمود مغني في البلد ولكن كنت من الذين يعشوق محمود المغني سالت صديقي العازف جدو ذات يوم (يا خي عايز أقعد مع محمود عبدالعزيز أسمعو بس ) قال لي انت ما بتحب تسهر لكين عندنا بروفه في بيتي تعال لينا يوم الاربعاء بعد الساعة تلاتة العصر مشيت كنت فرحان لدرجة أني مشيت من الصباح قعدت عندي صاحبي جدو لحدي ما جا بالجد زول هزيل لكينو مارد في دواخلو وزال جد منتهي الروعة وكان سلامو لي زي بيعرفيني سنيين وبدت البروفة روعة ما شفت زول بغرق في الغنا زي الزول دا أنا بعتبر المرحوم با دي محمد الطيب مجذوب بالطرب والغنا لكين محمود كان عالم من تطريب وصهبجة وأداء لمغني جاي من زمن زريب والموصلي بروح سودانية وصوت بيعرف كيف يغني كلامنا بكل أقتدار غرقت في الطرب وبعدها مشيت معهم حفلة ظليت يوم كامل معهو وبعدها بقيت حواتي حقيقة أغني معهو أمشي حفلاتو أحفظ أكتر من مائة أغنية تغني بيهافي جهازي السابق
لما رحل بالجد البلد فقدت روح الاغنية الشبابية اللي بتشفي جرحاتنا وبتعرف وين هي بهجتنا و مصارع قصص حبنا الصعبة وحكاياتنا في كل المدن والقري ووأحتفلاتنا كان بهجة كانت و لا تكرار ذكريات تعال نسال كل الشباب في السودان منو اللي ما حواتي لا ما بحب محمود ماهو الاغنية الحلم والاغنية الطلعت من جوف كل صابر فيك يا بلد حقيقة هو ساعة صفاءنا مع الدنيا نسمعموا بأجلال نرحل مع موسيقاهو حالة من الاندياح الانساني قريبه من التصوف ما عارف ايه هو أجمل منطقة عندي أنا في حالة عذابي المرة ديك وأنكساري وأنا هزيل قدام ظلم الظروف والدنيا عيش بجموعة من الحان وأغاني جوي برسم حاجات بالجد زي التعزية والحنين لا حضان أمي لما أسمعا زي ( خوف الوجع ) وأنت عامل كيف و الزمان فات وظلمني شوف كم سنة )
ولو سالني زول محمود هو شنو ليك بصراحة ح أقول هو الحته اللي وصلنا ليها في التعبير عن أحساسينا وما قادرين نتجاوزا بكل الشجن وتباريح الهوي وخيباتنا الكتير
وبالجد انت يا فنان ما بتموت فينا ولا في وجدان البلد
لك الرحمة حبيبيي محمود

http://www.youtube.com/watch?v=--pwJKsvk-0

http://www.youtube.com/watch?v=DLgxARCzhAA

http://www.youtube.com/watch?v=b0vN-I3mM9c








/B]