قايلين السودان دا حق أبو واحد فيهم!

Post: #1
Title: قايلين السودان دا حق أبو واحد فيهم!
Author: Hussein Mallasi
Date: 01-16-2014, 12:11 PM

وللمزايدين على سودانية السودانيين هاكم فزايدو!

Post: #2
Title: Re: قايلين السودان دا حق أبو واحد فيهم!
Author: حسين عبد المجيد
Date: 01-16-2014, 12:20 PM
Parent: #1

Quote: قايلين السودان دا حق أبو واحد فيهم!

منو ديل ؟؟

Post: #3
Title: Re: قايلين السودان دا حق أبو واحد فيهم!
Author: محمد إبراهيم علي
Date: 01-16-2014, 12:25 PM
Parent: #1

طلع قريبك هههههههههههههههههههههههه

Post: #4
Title: Re: قايلين السودان دا حق أبو واحد فيهم!
Author: AMNA MUKHTAR
Date: 01-16-2014, 12:26 PM
Parent: #1

بختك يللا هيص ....:)

آي خليل فرح
وتراجي مصطفى
وغيرهم وغيرهن كثر
ينحدر بعض أجدادهم من أصول تركية .. لكنهم أكثر وطنية منك
كما أثبتت مواقفهم الواااااضحة .

مع إنك لا تنحدر من أصول تركية ولا يحزنون ( كما هو شائع فى هذا البورد ).

ويا نايس البورد أسألوا السواكنية لو كنتم لا تعلمون ..

_______

نقطة : معظم الناس لا يهمهم أصلك وفصلك ..لو لم تتخصص فى جرح الرموز الوطنية بتشفي وسادية غريبة !

Post: #5
Title: Re: قايلين السودان دا حق أبو واحد فيهم!
Author: محمد محمود محمد
Date: 01-16-2014, 12:30 PM
Parent: #4

Quote: and#200;نقطة : معظم الناس لا يهمهم أصلك وفصلك ..لو لم تتخصص فى جرح الرموز الوطنية بتشفي وسادية غريبة !

دي النقطة الأساسية يا باشمهندس محمد ابراهيم..
شكراً آمنة مختار

Post: #6
Title: Re: قايلين السودان دا حق أبو واحد فيهم!
Author: محمد إبراهيم علي
Date: 01-16-2014, 12:39 PM
Parent: #5

بل يهمهم يا آمنة
مع اختلافي معك في (تجريح الرموز الوطنية ) دي
وحسين وغيره تمت مهاجمتهم هنا من كثيرين ممن يعتبرنها نقطة الضعف فيهم (اصولهم)
يا آمنة ومحمد محمود لا تدفنوا رؤوسكم في الرمال حسين ليس وحده الذي يهاجم بسبب اصوله

ـــــــــــــــــــ
بعدين من متين شلت الوطنيتوميتر ده

Post: #7
Title: Re: قايلين السودان دا حق أبو واحد فيهم!
Author: AMNA MUKHTAR
Date: 01-16-2014, 12:51 PM
Parent: #6

Quote: يا آمنة ومحمد محمود لا تدفنوا رؤوسكم في الرمال حسين ليس وحده الذي يهاجم بسبب اصوله

يا باشمهندس يعني إنت حا تقولي ..:)

أنا واحدة من أكتر الناس الفي البورد دا الكل يوم بتهاجم بسبب أصولي ..بس عشان ما عندي علاقة بالشمال النيلي .
إنت ما ملاحظ للحكاية دى ليه ....وقبل كدا سألتك ما دافعت عني ليه ذى ما دافعت عن ملاسي
ههههههه بهذر والله .

بعدين صحبك بالغ ياخي ..!!
كدي راجع بوستاتو الأخيرة ..ياخي دا ما خلى لينا قشة متشعلقين فيها إلا وهبشها ..
والسبب شنو (مراجعة التاريخ الذي يكتب على الهوى قال ) ..
مع إنه البيعمل فيهو ملاسي دا
ما عنده أى علاقة بطرق البحث التاريخي ومناهجه المعروفة ..
سطرين إستهزاء ساكت ..ويهيج الناس ويقوم يشتت ..

سكبثة طن ..:)

Post: #9
Title: Re: قايلين السودان دا حق أبو واحد فيهم!
Author: Hussein Mallasi
Date: 01-16-2014, 12:55 PM
Parent: #7

Quote: معظم الناس لا يهمهم أصلك وفصلك ..لو لم
تتخصص فى جرح الرموز الوطنية بتشفي وسادية غريبة !

وهماهم عندما تخصصت في حرج من ظنوهم رموز
وطنيه .. فيا للسودان الذي ظنوه حق أبو واحد فيهم!

Post: #8
Title: Re: قايلين السودان دا حق أبو واحد فيهم!
Author: العوض المسلمي
Date: 01-16-2014, 12:53 PM
Parent: #6

السودان لحم راس بلغة الجزارين ...ومن ينكر ذلك فهو يدفن راسه عن المعرفة ..
امنة مختار اذا لم نحترم رموزنا الوطنية الحية فلا يمكن ان نحترم الاموات ...
يعني هسي انتِ رائك شنو في مولانا الميرغني والامام الصادق المهدي ؟

Post: #11
Title: Re: قايلين السودان دا حق أبو واحد فيهم!
Author: حسين عبد المجيد
Date: 01-16-2014, 12:57 PM
Parent: #8

Quote: يعني هسي انتِ رائك شنو في مولانا الميرغني والامام الصادق المهدي

الاول شريف من الحجاز

وتاني مهاجر من ارض الرافدين

شفت كيف يا العوض

البلد لحم راس ساي

وناس جبال النوبة بقت عليهم حكاية جدادة الخلا الطردت جدادة البيت

Post: #20
Title: Re: قايلين السودان دا حق أبو واحد فيهم!
Author: العوض المسلمي
Date: 01-16-2014, 02:28 PM
Parent: #11

يا حسين عبد المجيد انا زاتي قلت ليك لحم راس وكل زول بقول انا سيد البلد

Post: #10
Title: Re: قايلين السودان دا حق أبو واحد فيهم!
Author: محمد محمود محمد
Date: 01-16-2014, 12:55 PM
Parent: #6

يا هندسة لا وطنيتوميتر و لا يحزنون ...
هسة انت محمد ابراهيم ..تكتب كلام مسئ عن قامات سودانية ..الغالبية متّفقة عليها..
ح تلقى ناس بتبحث عن أحفاد جدّك (العباس)..
وهل دخلوا السودان بواسطة سنابك ..عن طريق سواكن..
ولاّ بواسطة خيول (عبد الله بن أبي السرح)

Post: #12
Title: Re: قايلين السودان دا حق أبو واحد فيهم!
Author: Hussein Mallasi
Date: 01-16-2014, 01:02 PM
Parent: #10

Quote: هسة انت محمد ابراهيم ..تكتب كلام مسئ عن قامات سودانية ..الغالبية متّفقة عليها

لولا أن تعلم بالطرق لما اضطر - مرغماً - لوضع (الغالبية)!

Post: #13
Title: Re: قايلين السودان دا حق أبو واحد فيهم!
Author: فيصل محمد خليل
Date: 01-16-2014, 01:15 PM
Parent: #12

Quote: قايلين السودان دا حق أبو واحد فيهم!

الكلام دا ما قلتو ليه لما البشير قال عن فاروق ابو عيسى
قبيلتو شنو !

Post: #15
Title: Re: قايلين السودان دا حق أبو واحد فيهم!
Author: ملهم كردفان
Date: 01-16-2014, 01:31 PM
Parent: #13

Alamin Ibrahim · الأكثر تعليقا · ‏محاسب‏ في ‏محاسب بالسعودية‏
وطيب مالوا انا شخصيا لم تتم سودنة جدي الخامس واحتمال الرابع الا بعد اجازة قانون الجنسية لسنة 1925
وكل السودانيين بمافيهم شخصكم الكريم وخليل فرح وين المشكلة في كدة
واي زول يتطاول على سودانية زول يحمل جنسية سودانية حتى لو استلمها صباح اليوم بكون
عنصري
ويجب ادانته بأغلظ العبارت

( حلوة اغلظ دي )

Post: #14
Title: Re: قايلين السودان دا حق أبو واحد فيهم!
Author: Mohamed Suleiman
Date: 01-16-2014, 01:17 PM
Parent: #12

العوض المسلمي:
Quote:
امنة مختار اذا لم نحترم رموزنا الوطنية الحية فلا يمكن ان نحترم الاموات ...
يعني هسي انتِ رائك شنو في مولانا الميرغني والامام الصادق المهدي ؟

برضو ما تنسي إنّو في يوم من الأيام ... رمز السودان كان ... خرتيت ...
و قامو بدّلوهو بطيرة بقنبورة

بالله عليك دينك .... هسي تقدر تفاخر وسط الأمم برمزك الوطني ده:

Post: #16
Title: Re: قايلين السودان دا حق أبو واحد فيهم!
Author: Hussein Mallasi
Date: 01-16-2014, 01:36 PM
Parent: #14

صنعوا لأنفسهم رموزاً من عجوة وقدسوها ثم جعلوا الاقتراب منها محرماً .. فتأمل!

Post: #17
Title: Re: قايلين السودان دا حق أبو واحد فيهم!
Author: Hussein Mallasi
Date: 01-16-2014, 02:03 PM
Parent: #16

تعطشوا للأبطال فصنعوا من قطاع الطرق الهمباتة أبطالاً ومجدوهم .. فتأمل!

Post: #18
Title: Re: قايلين السودان دا حق أبو واحد فيهم!
Author: الجنيد حمد
Date: 01-16-2014, 02:17 PM
Parent: #17

بالحيل السودان حقنا وحق ابواتنا وحق جدودنا

والبقدر يقلع جنسيتو الليجي يشيلا

لو ما حسيت انو البلد دي حقتك بتخاف وبتحافظ عليها كيف

تحياتي

Post: #19
Title: Re: قايلين السودان دا حق أبو واحد فيهم!
Author: فيصل محمد خليل
Date: 01-16-2014, 02:27 PM
Parent: #18

Quote: تعطشوا للأبطال فصنعوا من قطاع الطرق الهمباتة أبطالاً ومجدوهم .. فتأمل!

لا لا لا دي طلعت فيها مسطّح

Post: #21
Title: Re: قايلين السودان دا حق أبو واحد فيهم!
Author: أشرف الرحال
Date: 01-16-2014, 02:33 PM
Parent: #19

Quote: وكل زول بقول انا سيد البلد

البلد كلها طلعت هلالاب وللا شنو يا المسلمي

مودتي

الرحـــــــال

Post: #24
Title: Re: قايلين السودان دا حق أبو واحد فيهم!
Author: Mohammed Sedeq
Date: 01-16-2014, 02:45 PM
Parent: #21

موضوع سطحي جدا لا يفيد الناس في شيء
لكنه يوضح الحال التي وصل إليها مدعي الثقافة في بلدي

بالمناسبة ما قصدي البوست
وإنما معايرة الناس بإصولهم

Post: #25
Title: Re: قايلين السودان دا حق أبو واحد فيهم!
Author: العوض المسلمي
Date: 01-16-2014, 03:14 PM
Parent: #21

يا اشرف الرحال هو البلد غير هلال ببقي عندها طعم :)

Post: #23
Title: Re: قايلين السودان دا حق أبو واحد فيهم!
Author: علي دفع الله
Date: 01-16-2014, 02:34 PM
Parent: #19

انها غقدة الاحساس بالغربة نتاج التعالي الفارغ ،
اتوهط وخليك سوداني وبطل ورجغة

Post: #22
Title: Re: قايلين السودان دا حق أبو واحد فيهم!
Author: العوض المسلمي
Date: 01-16-2014, 02:34 PM
Parent: #14

محمد سليمان سلام
في مثل سوداني بقول كل زول عاجبو الصارو ، ولهذا ما نراه نحن رمزا وطنيا يراه البعض غير ذلك ، واقرب مثل لذلك الزبير باشا رحمة والمك نمر ، رغم مأخذ الكثيرين عليهم ...
اما السيد محمد عثمان الميرغني فهو رمز وطني لاتباعه ولا اعتقد ان سلام الطفل عليه في يده ( احتراما ) يقلل من كونه رمز سوداني يذكره التاريخ بكثير من مساهماته في الشأن السوداني ...

Post: #26
Title: Re: قايلين السودان دا حق أبو واحد فيهم!
Author: Mohamed Suleiman
Date: 01-16-2014, 03:31 PM
Parent: #22

العوض المسلمي:
Quote:

في مثل سوداني بقول كل زول عاجبو الصارو ، ولهذا ما نراه نحن رمزا وطنيا يراه البعض غير ذلك ، واقرب مثل لذلك الزبير باشا رحمة والمك نمر ، رغم مأخذ الكثيرين عليهم ...

طيب كلام حسين ملاسي فيكم إذاً صح ميّة الميّة ...
قايمين عليهو ليييه؟

أهو إنتو عاجبكم الصارينو ده لحدما لقيتو نفسكم طيش العالم في كل شئ ....
خمّوا و صرّوا ...

Post: #27
Title: Re: قايلين السودان دا حق أبو واحد فيهم!
Author: عزام حسن فرح
Date: 01-16-2014, 05:15 PM
Parent: #26

Quote: قايلين السودان دا حق أبو واحد فيهم!

Quote: وللمزايدين على سودانية السودانيين هاكم فزايدو!

ههههههههههههههههههههه وجع

يبدو أن الأمر -أخيرًا- قد أجْدى نفعا ههههه

حسُنًا.. الأن ننتقِل إلى المرحلة التالِية أو المُساككه التالِية:
- الإسم الذي يلي "ملاسي".
- إلى أي جنس/عرق تنْتمي وتعود.

تحسبو لِعِب

Post: #28
Title: Re: قايلين السودان دا حق أبو واحد فيهم!
Author: عزام حسن فرح
Date: 01-16-2014, 05:24 PM
Parent: #27

وجد حسين ملاسي لخليل فرح جد تُركي في نسبه.. فقال [جاء الفرج.. جاء الفرج] وبعد أن هدأت نشوة الفرحه، سحب خليل فرح على كُل الناس.. أرثي لِحالِك.. تسْتحِق شفقتِنا.. كُنت أعلم إنك هش.. مِن ورق.. فقط لم أكُن أتَوقع هذا السقوط المُدَوي ههههههه

حسًنًا ماذا عن ود حبوبه ههههه

Post: #29
Title: Re: قايلين السودان دا حق أبو واحد فيهم!
Author: العوض المسلمي
Date: 01-16-2014, 08:33 PM
Parent: #26

Quote: العوض المسلمي:
Quote:

في مثل سوداني بقول كل زول عاجبو الصارو ، ولهذا ما نراه نحن رمزا وطنيا يراه البعض غير ذلك ، واقرب مثل لذلك الزبير باشا رحمة والمك نمر ، رغم مأخذ الكثيرين عليهم ...

طيب كلام حسين ملاسي فيكم إذاً صح ميّة الميّة ...
قايمين عليهو ليييه؟

أهو إنتو عاجبكم الصارينو ده لحدما لقيتو نفسكم طيش العالم في كل شئ ....
خمّوا و صرّوا ...

نحن منو ؟؟

Post: #30
Title: Re: قايلين السودان دا حق أبو واحد فيهم!
Author: Abureesh
Date: 01-16-2014, 09:25 PM
Parent: #29

الجدو تركى

والجدو العباس

الفرق شنو؟ ما كلهم ما سودانيين اصليين.. جايين من برة.

لكن بعد استوطنوا صاروا سودانيين كلهم.. إذا لا تتنابذوا بالألقاب..

حين جاء الإنجليز أكثر ناس هللوا ليهم ورحبوا بيه م كانوا هم قبائل النيل من كريمـة للخرطوم كيا فى المهديـة فلا تتحدثوا عن خيانات اكثر.

Quote: قايلين السودان دا حق أبو واحد فيهم!

بل قل قايلين السودان دا حق أم واحد فيهم!

Post: #31
Title: Re: قايلين السودان دا حق أبو واحد فيهم!
Author: Mohamed Suleiman
Date: 01-16-2014, 09:27 PM
Parent: #29

العوض المسلمي:
Quote:
نحن منو ؟؟

أليس هذا هو لب موضوع بوست حسين ملاسي:
Quote:
قايلين السودان دا حق أبو واحد فيهم!

..

..

تاريخ السودان مشوّه ...
كتبه من بيده القلم ... فصنع أبطالاً بسيوفٍ من عشر ...
و تجاهل أبطالاً هزموا جيوش الدخلاء ... دول اوربية لم تستعصي عليهم منطقة حول العالم بفتوحاتهم .. لكن مثلاً السلطان بحرالدين وقف متحديّاً للفرنسيين في الحدود الغربية فهزم أحدث جيش في زمانه ...
لكن تجاهله من كتب تاريخ السودان .... لنري إسم تاجر رقيق في شارع من شوارع الخرطوم ... و لا إسم للأبطال الحقيقيين للسودان: بحرالدين أو تيراب أو الماظ أو .... من احرقوا العلم الأنجليزي في الفاشر ...
حينها .... العاجبنكم في الصرّة ... يقدمون فروض الطاعة و الولاء للمستعمر ... فيغدق عليهم بنياشين صليبية (تعمّداً في إظهارهم أنهم نسوا الله و دينهم في حضرة السلطان المستعمر).

هل هؤلاء من تفاخرون بهم الأمم و التاريخ ... مثلما يفاخر الهنود الأمم و التاريخ بمهاتما غاندي الذي رفض أن يلبس الزي الافرنجي .. دع عنك أوسمة و نياشين يغدق بها المستعمر عليه لأعماله الجليلة في إستضافة المستعمر في بلده:

كيف تفاخرون بمن يفاخر بصور تجمعه مع مستعمر بلاده و قاتل أشقّائه؟
كبف تفاخرون برموز وطنية لكم و هم يتفاخرون بنياشين صليبية و يعرضونها تفاخراً أنها نياشين القديس ميخائيل و نيشان الفارس ؟
هل تدرون ان هدلستون هذا هو من قاد الحملة ضد علي دارفور و لم ترتاح الإمبراطورية إلا بعد مقتل السلطان علي دينار و حينها فقط ضُمت دارفور الي السودان دولة الحكم الثنائي ؟
تفرج يا العوض المسلمي في الصرّة العاجباكم .. و بالله للتاريخ و الزمان أقرأ الكتابة تحت الصورة .. و شوف التفاخر كان في شنو:

Post: #32
Title: Re: قايلين السودان دا حق أبو واحد فيهم!
Author: Abureesh
Date: 01-16-2014, 09:36 PM
Parent: #31

محمد سليمان

إنت سول بتاء مساكل !!!

موضوع الناس دى مع ملاسى إنو جده أيـد الإحتلال... فتأمل

Post: #33
Title: Re: قايلين السودان دا حق أبو واحد فيهم!
Author: Mohamed Suleiman
Date: 01-16-2014, 10:15 PM
Parent: #32

Quote:

محمد سليمان

إنت سول بتاء مساكل !!!

موضوع الناس دى مع ملاسى إنو جده أيـد الإحتلال... فتأمل

يا أبو الريش ... البطلّع ملاسي تركي ... هو طلّعني تشادي ...
و البيتّهم جد ملّاسي إنو أيّد الإحتلال ... أهو .. بالدليل المادي (صور) أثبتنا كيف إنّو كبار أجدادهم موش أيّدو الإحتلال و بس .. ديل جو داخلين مع الإحتلال كمرافقين و الجوّة كمرشدين .... و كافأهم الإحتلال بالنياشين و الإوسمة ...
ما تنسي منو الوقف ضد علي عبداللطيف ؟

عشان كده ... عنوان بوست ملّاسي ... في التنك: قايلين السودان دا حق أبو واحد فيهم!

Post: #34
Title: Re: قايلين السودان دا حق أبو واحد فيهم!
Author: عبداللطيف شريف على
Date: 01-16-2014, 10:26 PM
Parent: #31

http://http://i.imgur.com/yvxDjMq.jpg

ثمن السودان خفنة من النياشين وباسماء صليبية ...

تأمل من يدجل بالدين .....

من جد نحتاج سودان جديد ...

يالله فريجينى مع حفظ حقوق المالك ...

Post: #35
Title: Re: قايلين السودان دا حق أبو واحد فيهم!
Author: حسين عبد المجيد
Date: 01-16-2014, 10:32 PM
Parent: #34

طيب البلد اللحمها لحم راس سيدها منو

Post: #36
Title: Re: قايلين السودان دا حق أبو واحد فيهم!
Author: Mahjob Abdalla
Date: 01-16-2014, 10:43 PM
Parent: #35

فعلا الحقيقة دائما مرة.
قالها هيكل المصري فقلنا كيف لهذا الاجنبي ان يتعدي حدوده
و قالها ملاسي السوداني ككل السودانين فسحبنا جنسيته
و قالت فاطنة شاش فقلنا نحن اولاد ناس حتي قبل يومين و ظهر المخبي ان اولاد الناس ايضا لهم تلك التي كانت الي وقت قريب ظننا انها توجد فقط في غير اولاد الناس.

Post: #37
Title: Re: قايلين السودان دا حق أبو واحد فيهم!
Author: Abureesh
Date: 01-16-2014, 10:46 PM
Parent: #34

عارف طبعا يا محمد سليمان..
أمزح فقط..

وبرضو حيطلعونى انا زاتى تركى لأن من اهلنا سواكينة (بيض)..

الذين يحاولون معايرة ملاسى ديل منهم من يفتخـر بأن جده العباس... طيب زول جده من الجزيرة العربيـة، وقادته السياسيين ساندوا دخول الإستعمار، دا ينتقد ملاسى بأى وش؟
بل القادة السياسين انفسهم جاءوا (من برة).. والسيـد على جده الثالث السيد محمد عثمان الختم دخل السودان من الحجاز.. وايضا السيد عبد الرحمن يزعمون الشـرف، اى الإنتماء
الى الرسول..
شوف الصلبان والنياشين التى تزين صدورهـم والتى تفضل بها عليهم المستعمـر.. وأنت تعرف ان المستعمر لا يعطى نياشينـه إلا لمن خدمـه..

Post: #38
Title: Re: قايلين السودان دا حق أبو واحد فيهم!
Author: العوض المسلمي
Date: 01-19-2014, 02:00 PM
Parent: #37

Quote:
تعطشوا للأبطال فصنعوا من قطاع الطرق الهمباتة أبطالاً ومجدوهم .. فتأمل!

Post: #39
Title: Re: قايلين السودان دا حق أبو واحد فيهم!
Author: عبدالرحمن الحلاوي
Date: 01-19-2014, 02:24 PM
Parent: #38

فوق

Post: #40
Title: Re: قايلين السودان دا حق أبو واحد فيهم!
Author: Alfarwq
Date: 01-19-2014, 02:37 PM
Parent: #39

Quote: وطيب مالوا انا شخصيا لم تتم سودنة جدي الخامس واحتمال الرابع الا بعد اجازة قانون الجنسية لسنة 1925
وكل السودانيين بمافيهم شخصكم الكريم وخليل فرح وين المشكلة في كدة
واي زول يتطاول على سودانية زول يحمل جنسية سودانية حتى لو استلمها صباح اليوم بكون
عنصري
ويجب ادانته بأغلظ العبارت

يا ملهم اذا بتؤمن الاقتباس الرفعتو دي ... ليه ما ادنت صحبك "مربي الاجيال" خالد العبيد و هو يتطاول و يشكك في هويتي ... بل تمادى و اساء ... ليه جيت بمداخلة خجولة تطلب من الجميع ... الجاني و المجني عليه ... بالهدوء و "نحن اكبر من كدا"

Post: #41
Title: Re: قايلين السودان دا حق أبو واحد فيهم!
Author: عبدالرحمن الحلاوي
Date: 01-19-2014, 02:43 PM
Parent: #40

فوق اكراما لاصحاب المعالي

Post: #42
Title: Re: قايلين السودان دا حق أبو واحد فيهم!
Author: AMNA MUKHTAR
Date: 01-19-2014, 06:35 PM
Parent: #41

العوض المسلمي
هههههههههههههههههههههههههههههههههههههههههههه

كيبوردك إتعطل بعد مداخلة محمد سليمان وللا شنو ؟!

Post: #43
Title: Re: قايلين السودان دا حق أبو واحد فيهم!
Author: العوض المسلمي
Date: 01-20-2014, 11:56 AM
Parent: #31

محمد سليمان الدش الكتير الذي اوردته لا يعنيني كثيرا فلست من الذين يرون ان هناك سودان وهم اهله ولست من المفاخرين بالقبيلة ( وان جاز ذلك ) ولم اقل لملاسي او لغيره انك لست سوداني ... ورغم ذلك اري كل زول شايل اسم قبيلته وحائم بيها وانتم منهم بدليل ايرادك اسماء رغم ان تاريخ السودان مشوه علي الكل ...

Post: #44
Title: Re: قايلين السودان دا حق أبو واحد فيهم!
Author: د.محمد حسن
Date: 01-20-2014, 02:26 PM
Parent: #43

كنت قايل الموضوع عن الانقاذ والوزراء الجدد
لقيتها مباراة استعراضية

هل نبحث عن وطني بديل امن ندخل في Exodus جديدة