ما تبقى مِن بترول السودان موجود في غربه.. فلِما لا ينفصِلون

هذا أمر مُلْفِت للنظر وعجيب.. هل تظن ما يُعرف بِالجبهة الثوَرِية لِتحرير السودان، أن الشِمال النيلي سيتمسك بالوحدة؟!

يا عزام يا اخى ..

اهل الغرب لهم اسهام مقدر فى السودان الواحد الموحد ...

فهم من ساهم فى تحرير البلاد من حكم الاتراك .....(المهدية) ...

فحقهم محفوظ ومصان ....

وبعدين منو القال ليك تحدث بلسان اهل النيل كلهم ...

اتمنى ان ان يعود صفا التعايش السلمى الجميل الى ربوع بلادى وان ينجلى حكم الدجل الدينى ........

واتذكر عصارى الجمعة الجميلة فى شمبات عندما كانت حلقات الرقيص الفلكلورى السودانى الاصيل والتنافس الجميل فى ابداع اهل النقارة والكمبلا ...

الزمن الجميل قبل ان تقام غابات الاسمنت فى (شرق شارع الماعونة ) ما يسمى الان بالاراضى ....

كانت ايام الصفا والجمال وكنا ضغار ويافعين فرضعنا الفخر سودانيا بكل الوان الطيف السودانى الجميل ...

فليبقى الجمال موحدا وليذهب قبح العنصريه والجهويه البغيض فكلنا للوطن ابناء وجنود ...

Quote: هذا أمر مُلْفِت للنظر وعجيب.. هل تظن ما يُعرف بِالجبهة الثوَرِية لِتحرير السودان، أن الشِمال النيلي سيتمسك بالوحدة؟!

بإذن الذى جعلنا شعبا واحد وقبائل متعددة لنتعارف ونتألف تحت مظلة الوطن.....
وليموت الإنفصاليون بغيظهم وكيدهم...

منقو قل لا عاش من يفصلنا.....
قل معى لا عاش من يفصلنا.....

العنصري النيلي عزام حسن فرح

كده في الأول شاور أهلك الشماليين وقل ليهم عايزين ناس الغرب ديل ينفصلوا .. وشوف لو بيرموك بالطوب ولا يدوك بالجـ ........

بعدين إنتا لو ما عاجباك تعيش مع ناس الغرب ديل بأدب وإحترام .. طوالي تشيل كرعيناك ديل وتمشي إلى بورتسودان على البحر الأحمر .. وما بوصوك بالباقي ..

الاخ عزام فرح تحيات
طيبات ليه ليه ياخ تنادي بالانفصال
اهلنا في الغرب والشرق والجنوب اللسة دمه بنزف
جوانا اعز الاصدقاء والاهل بينا ارحام ليه تنادي بالانفصال
فتحت اكتر من بوست تنادي بها للانفصال
تستفيد شنو من بث سموم الانفصال
ببوستات لامعني لهاااااااا

أهل الغرب لهم في هذا البلد المقعد بأمثالك مثل ما لك.. أنت لا تمثل غير نفسك، لو ما داير تعيش مع أهل الغرب، بيع نصيبك ومُلكك في السودان وأبقى حيث تعيش الآن..

Quote: هل تظن ما يُعرف بِالجبهة الثوَرِية لِتحرير السودان، أن الشِمال النيلي سيتمسك بالوحدة؟!

حكمته بالغة.....هو الأخ مندوب الشمال النيلى واحنا ما عارفين؟؟؟؟
أنت يا أخى حقدك على بعض أبناء الوطن فاق الوصف.....أتدرى لماذا؟؟؟
لانك تُصدِره هنا وكأنه رأى الشمال.....
ثم أنك فهمك لإنسان غربنا الحبيب محصور فيما يعرف الجبهة الثورية.....
رينا يوسع المدارك.....

كما قال هيكل المصري, السودان جغرافيا فقط و لم يصر وطنا و هي مقولة حقيقية مية المية.
مشكلة النخبة التي تحكم من المدينة التي تسمي (العاصمة) ان تظل الخريطة الجغرافية كما هي دون الانفس التي تعيش تحت مظلة الحغرافية.
و بيد هذه النخبة الخيار في ان تفصل السودان الي اشلاء او مواصلة القتل و يقيني الخيار الاول افضل من مواصلة القتل.
و هو ما عناه عزام.

خالف تذكر




شكلها لو سمحت

عبداللطيف شريف علي
كيف حالك؟ علك طَيِب

Quote: اهل الغرب لهم اسهام مقدر فى السودان الواحد الموحد ... فهم من ساهم فى تحرير البلاد من حكم الاتراك .....(المهدية) ... فحقهم محفوظ ومصان ....

بِالمنطِق ده يبقى الأتراك والإنْكِليز والمصرِيين، العملو السودان زاتو -الخارِطة السودانِية- نحفظ ليهُم حقهُم ولو فكرو يرجعوا ما نكون جاحِدين!
ــــــــــــــــــــــــــــ

Quote: وبعدين منو القال ليك تحدث بلسان اهل النيل كلهم ...

ومنو القال ليك أنا ما بكتِب على لِسان أهل النيل كُلهُم.. إنتو نِفاقكُم يأبى إلا أن يطِل عَلَيْنا بِرأسِهِ.. أنا بكتِب ما بحتاج مِنك ولا مِن غيرك إذن أو مشورة.. بِالله ما تتسلق وتزَيِن رقبتك وترَوِج روحك عبر أعمدتي
ـــــــــــــــــــــــــــ

Quote: اتمنى ان ان يعود صفا التعايش السلمى الجميل الى ربوع بلادى وان ينجلى حكم الدجل الدينى ........ واتذكر عصارى الجمعة الجميلة فى شمبات عندما كانت حلقات الرقيص الفلكلورى السودانى الاصيل والتنافس الجميل فى ابداع اهل النقارة والكمبلا ... الزمن الجميل قبل ان تقام غابات الاسمنت فى (شرق شارع الماعونة ) ما يسمى الان بالاراضى .... كانت ايام الصفا والجمال وكنا ضغار ويافعين فرضعنا الفخر سودانيا بكل الوان الطيف السودانى الجميل ... فليبقى الجمال موحدا وليذهب قبح العنصريه والجهويه البغيض فكلنا للوطن ابناء وجنود ...

دي حِكايات جَيدة تصلُح لِدفتر حكايات قبل النوم.. دي أُمْنيات لا تُقدِم لِلواقِع المُعاش شئ البتة

أسامة خلف الله مصطفى

Quote: بإذن الذى جعلنا شعبا واحد وقبائل متعددة لنتعارف ونتألف تحت مظلة الوطن..... وليموت الإنفصاليون بغيظهم وكيدهم...

دي دعواتكم في شأن الجنوب.. فنْفصل بِحمدالله تعالى.. أتدري لِما إنفصل الجنوب.. لِما سينفصِل غرب السودان -ولو بعد حين- إنفصل الجنوب لأن دواخلكُم وسَخانا فيها سخانا.. قد علِم الجنوبي أنكُم زُمرة مُنافِقين، لم تفعلوا شئ البتة لأطفالهم المُشردين طُوال 55 سنة (1956م-2011م)
(الإستقلال-الإنفصال) لم تتعارفوا معهم [مُصاهرة شِمالي نيلي/مُخالطة بِيوتات/مُشاركات إجتِماعِية (أفراح/أطراح)... إلخ]. اليَوم تتباكون بِأزرار كيبورد.. وهي -أي أزرار الكيبورد- بارِدة.. سمِجه.. دعائِية.. كخضراء الدمن مُزركشة بدانتيل أبْيَض.. إنهُم يعلمون وأنتُم تعلمون، ماذا تبقى؟ تبقى أن يقولهُ لكُم أحدٌ ما.. وها أنا أقولها في وجوهِكُم التي علَيها غبرة

ياريت تورينا يا أسامة خلف الله مصطفى مُساهماتك الإنسانِية كانت شنو لإنسان الجنوب طُوال الـ55 سنة الفاتِن؟!
ــــــــــــــــــــــــــــــــــــــ

Quote: منقو قل لا عاش من يفصلنا..... قل معى لا عاش من يفصلنا.....

نحنا بنتكلم عن إنسان غرب السودان يا وهم.. منقو ده جنوبي.. مَوضوعو إنْتهى خلاص
(عليك الله تعالى برِر عبطك بِشأن "منقو" بإنو "منقو" ده طَوْطم لِكُل الذين يُراد لهم الإنفِصال.. وكِده ههههه)

(مِن الهامِش)

Khali Khalil L Khalil

Quote: يا عزام أنت لا تعرف الغرب إلا من خلال الحركات المسلحة والأخبار... لو عرفت أهل الغرب حقيقة في قراهم وفرقانهم ومدنهم لأحببتهم ولتمنيت أن تكون واحداً منهم .. ولشعرت بأن لك أهل وسند وعزوة ولإفتخرت بسودانيتك وبوطنك الكبير .. ولكن الإنسان عدو ما يجهل. خليل

أنا علاقتي بأهل غرب السودان علاقة عرقِية (تاريخ) لنا نحن نوبيي الشِمال جينات في جبال النوبة (قبيلة النيمانج) وأنزلت مِن قبل في عمود الكلمات المُشتركة بَين نوبيي الشِمال وبَين قبيلة النيمانج كإثبات مُتبقي لأثر العِلاقة.

وعلاقتي بغرب السودان أُسرِية (نسب). شقيقة جدتي لأمي الحاجة نورا تزَوجت مِن (العم) يونِس ود عُلوان ود يونِس ود الدكيم والأخير تعايشي (التعايشة عرب ممزوجين بأفارِقة غرب السودان) ويونِس ود الدكيم هو ابن عم الخليفة/ عبدالله التعايشي، خليفة الإمام المهدي، يعني أخوالي (أخوان أمي أولاد خالتها) غرابا.

أنا لا أكره الغرابا، هذا ما يريده لي أغيار، ولا يهِمُني أمرهم البتة، ولا أراهُم جديرين بالدِفاع عن نفسي، فهذا كأن يقول لك شخص: [أثبِت أنك غَير سارِق]. قد أكتُب هُنا وهُناك كلِمات تكون رد فِعل على هُجوم، كلِمات يسْتشِف منها البعض إني أكره إنسان غرب السودان، فقط لا يجِب أن تأخُذ المرء بِرد الفِعل.

الأخ عزام
السلام عليكم،

Quote: أنا علاقتي بأهل غرب السودان علاقة عرقِية (تاريخ) لنا نحن نوبيي الشِمال جينات في جبال النوبة (قبيلة النيمانج) وأنزلت مِن قبل في عمود الكلمات المُشتركة بَين نوبيي الشِمال وبَين قبيلة النيمانج كإثبات مُتبقي لأثر العِلاقة. وعلاقتي بغرب السودان أُسرِية (نسب). شقيقة جدتي لأمي الحاجة نورا تزَوجت مِن (العم) يونِس ود عُلوان ود يونِس ود الدكيم والأخير تعايشي (التعايشة عرب ممزوجين بأفارِقة غرب السودان) ويونِس ود الدكيم هو ابن عم الخليفة/ عبدالله التعايشي، خليفة الإمام المهدي، يعني أخوالي (أخوان أمي أولاد خالتها) غرابا.

من كلامك الفوق دا تكاد تكون غرباويا خالصاً من إمتداد نسبك عبر كردفان ودار فور. ولكن كتاباتك فيها كثير من التعميم في هجومك على أهل الغرب مما يوحي بكراهيتك لأهل الغرب كآفة. لا أحد يحدد لك ما تكتب وكيف تكتب ولكن للأخرين الحق في الرد عليك على ضوء ما تكتب. فخطأن لا يصنعان صواباً، بمعنى، إذا أخطأ أحد الغرابه وتجاوز حدوده معك فلك كل الحق أن ترد عليه إساءته بمثلها، وأن ترفعت كان ذلك أفضل وأشرف لك، ولكن أن ترد عليه بإسأة كل الغرابه فذلك في تقديري مرفوض ويفتح باب المهاترات على مصراعيه.
الشئ الآخر، أعتقد أن الحوار من خلال المسميات العرقية (غرابي، جلاَّبي، جنوبي، بيجاوي) ظاهرة غير صحية وتؤدي الى التشرذم والتمترس وراء الأعراق التي هي في حد ذاتها وهم كبير نعيشه، فكلنا نحمل خليط من جينات كل الأعراق إعترفنا بذلك أم لم نعترف، والفروق التي تبدو علينا من سحنات ولهجات وطباع هي وليدة البيئات والجعرافيا التي نعيش فيها.
فيا أخي تلطف في خطابك وجادل بالحسنى وإعرض عن الجاهلين.

لك كل الود والتقدير

Quote: ومنو القال ليك أنا ما بكتِب على لِسان أهل النيل كُلهُم.. إنتو نِفاقكُم يأبى إلا أن يطِل عَلَيْنا بِرأسِهِ.. أنا بكتِب ما بحتاج مِنك ولا مِن غيرك إذن أو مشورة.. بِالله ما تتسلق وتزَيِن رقبتك وترَوِج روحك عبر أعمدتي

يا عزام ,...

يا اخى ما تفكها فى نفسك سااااكت ...

ات منو عشان انافقك ......

ههههههههههههه.بقيت اضحك الجماعة عاوزين يرقونى برقية الفكى البشير ....

وبعدين يا اخى اكتب فى حيطة بيتكم ....

بالمناسبة انا سودانى غصبا عنك والبتكتب فيهو ده شى بغيض ويعبر عن نفس مريضة اسال الله لك الشفاء وعاجله كمان ...

عبداللطيف شريف على

Quote: يا اخى ما تفكها فى نفسك سااااكت ...

Quote: ههههههههههههه.بقيت اضحك الجماعة عاوزين يرقونى برقية الفكى البشير .... وبعدين يا اخى اكتب فى حيطة بيتكم .... بالمناسبة انا سودانى غصبا عنك والبتكتب فيهو ده شى بغيض ويعبر عن نفس مريضة اسال الله لك الشفاء وعاجله كمان ...

كلامك الفوق ده كلو بنيتو على فهمك الخطأ التِحِت ده:

Quote: ات منو عشان انافقك

كَدي أقرأ كلامك كُوَيِس وشوف السِياق بِتاعو.. إتْسرعت وأظهرت أسوأ ما فيك

Quote: ومنو القال ليك أنا ما بكتِب على لِسان أهل النيل كُلهُم.. إنتو نِفاقكُم يأبى إلا أن يطِل عَلَيْنا بِرأسِهِ.. أنا بكتِب ما بحتاج مِنك ولا مِن غيرك إذن أو مشورة.. بِالله ما تتسلق وتزَيِن رقبتك وترَوِج روحك عبر أعمدتي

Osman Dongos
كيف حالك؟ علك طَيِب

Quote: ولكن كتاباتك فيها كثير من التعميم في هجومك على أهل الغرب مما يوحي بكراهيتك لأهل الغرب كآفة

ده إسمو "الجهل فَوق جهل الجاهِلينا" وأنا أُحِب أن أُحْسِن أعمالي.
ــــــــــــــــــــــــــــــــــــــــ

Quote: إذا أخطأ أحد الغرابه وتجاوز

إذا قال أحد الغرابا بأن الشِمالِية بها شبق لا يُطْفئه إلا فحولة الغرباوي حلالاً وحرامًا، فتسكُت الغرابا.. لا تُدين.. لا تعترِض.. لا تنفيه. أنبري أنا وأنا فرض الكِفاية، فأقول هكذا (أشار بيده يمين) وهكذا (أشار بيده يسار) ومِـحِـل رقيقة تِـنْـقَـد
ــــــــــــــــــــــــــــــــــــــــ

Quote: معك فلك كل الحق أن ترد عليه إساءته بمثلها، وأن ترفعت كان ذلك أفضل وأشرف لك

وماذا عن الإسْتبْداد يا رجُل.. لا يكفيني أن أرد الصاع بِصاع، لابُد أن أسْتبِد، فالعاجِز مَن لا يسْتبِد
ـــــــــــــــــــــــــــــــــــــــ

Quote: أعتقد أن الحوار من خلال المسميات العرقية (غرابي، جلاَّبي، جنوبي، بيجاوي) ظاهرة غير صحية

أنت وشأنُك.. أما أنا فسأُسمي الأشياء بأسماءها، إنهُم -أي الغرابا- يقول هذا:

Quote: بعد نهاية صلاحية (الجنقجورو )الغرابة

Quote: البدو الغرابة

Quote: فالمرأة الشمالية بما ميزها الله من شبق جنسي وجدت إرواء ظمأها في جسد القروي من أبناء الغرابة المميزين في تلك الناحية .فهي تبادر تتصل إشباعا لرغباتها الطبيعية بحلاله وحرامه من صنف غير موجود في بيئتها المصابة بالهزال والعنة لدى الرجال موطنها

فحولية الغرابي الفريدة و الشبق الجنسى لنساء شمال السودان

الغريبة إنت برضو إستخدمتها "غرباوي" قبل سطر واحِد مِن الإنشاء الكتبتها لينا

Quote: من كلامك الفوق دا تكاد تكون غرباويا خالصاً

ده الأنا بتكلم عنو.. النِفاق وتلميع الذات.. معليش يا Dongos، بس أنا دايمًا بقول إنو أغلب العضوِية هِنا شغالا علاقات عامة.. بتنافِق دايمًا وأبدًا.. بتقول كلام هي ما مؤمِنة بيهو.. كلام والسلام.. كلام ما ساكِن جُواها.. ما صادِق

Quote: أعتقد أن الحوار من خلال المسميات العرقية (غرابي، جلاَّبي، جنوبي، بيجاوي) ظاهرة غير صحية

ـــــــــــــــــــــــــــــــــــ
أقول بإنفِصال جنوب السودان، فيكون عزام فرح عُنْصُري!
أقول بإنفِصال دارفور، فيكون عزام فرح عُنْصُري!

يبدو أن الغرابا في حاجة إلى مَن يرجُمونهُ.. ماذا أفعل وهُناك مَن يشعُر بِالدونِية

إحْتِراماتي

Mahjob Abdalla

Quote: و بيد هذه النخبة الخيار في ان تفصل السودان الي اشلاء او مواصلة القتل و يقيني الخيار الاول افضل من مواصلة القتل. و هو ما عناه عزام.

100%

محمد علي عثمان

Quote: خالف تذكر

ما صحيح.. أهو إنت شغال طواااالي موافِق وبرغم ده غَير مذكور.. ماف زول شغال بيك الشغله دي.. تفتح عمود حرّم إلا ترعاهو برااااك وتسقيهو، وتجُر ليك بنبر قِدامو وتقنِب تشخِت في الواطا ههههههه، ياخ العضوِية دي المفروض إنت سعيت ليها علشان عِنْدك حاجة.. فِكرة.. مَوضوع، معقول بس تقنِب تباري في الأعمِدة وتجدع ليك كلمتين ماسخات لا برفعو قيمة العمود ولا بِفيدو زول

شوف يا محمد علي عثمان أنا عاوِز أعمِل معاك إتفاق.. رأيك شنو إنك تنساني وأنا أنساك.. والله دي فُرصة أنا ما أديتا لِزول هِنا.. فكِر ولو قررت تنساني، ما تعمِل حاجة، بس ما تدخُل لي عمود وأنا كمان ما حأدخُل ليك عمود

بقايا الارامن والارنعوط عايشين علي حلم اقتتال اهل السودان وتفرقهم علي اساس الجهوية وغيرها حتي يصبح
السودان بيئة خصبة لهم لعيشوا علي دماء وعرق الاخرين هذه الطفيليات هم اساس دمار السودان ورجوعه الي الخلف
العنصري الطيب مصطفي قد صرخ من قبل واطلق سهامه في الهواء وقد ارتد الي نحره
اما هذا الدون كيشوت اتركوه يمارس واجبه من اجل البقاء

Idris Logma

Quote: بقايا الارامن والارنعوط عايشين علي حلم اقتتال اهل السودان وتفرقهم علي اساس الجهوية وغيرها حتي يصبح السودان بيئة خصبة لهم لعيشوا علي دماء وعرق الاخرين هذه الطفيليات هم اساس دمار السودان ورجوعه الي الخلف العنصري الطيب مصطفي قد صرخ من قبل واطلق سهامه في الهواء وقد ارتد الي نحره اما هذا الدون كيشوت اتركوه يمارس واجبه من اجل البقاء

طَيِب دي أجِنْدة الأرمن و الأرنؤوط (قال الارنعوط قال) إنتو كغرابا ليه حريصين الحِرص العجيب ده في تنفيذ أجنْدة الأرمن و الأرنؤوط، طبعًا ما حتعرِف ليه! أقول ليك ليه، لأن كُل البحمِل سِلاح في غرب السودان حاجة مِن إتْنين:-
(1) عميل بنفِذ أجِنْدة الأرمن و الأرنؤوط.
(2) غَبي جِدًا جِدًا يعني.

ههههههه الأخ عميل ولا غَبي

وبعدين كيف زول بِعاني مِن العُنصُرِية ويِقوم يرى أن الأرمن و الأرنؤوط أقل منهُ؟!
الظاهِر إنت زول ما عميل

Logma وااااحدة بس.. دي هسِع بتقضي منو في ذُمتك هههههههه

عزام،
سلام مجدداً،

Quote: إذا قال أحد الغرابا بأن الشِمالِية بها شبق لا يُطْفئه إلا فحولة الغرباوي حلالاً وحرامًا، فتسكُت الغرابا.. لا تُدين.. لا تعترِض.. لا تنفيه. أنبري أنا وأنا فرض الكِفاية، فأقول هكذا (أشار بيده يمين) وهكذا (أشار بيده يسار) ومِـحِـل رقيقة تِـنْـقَـد

الكلام القبيح الفوق دا عندما كتب، أنا لم أكن عضواً في المنبر ولكن ما راحت حاجة، وحتى لا تتهمني بالنفاق، فالآن أنا أدين وأشجب وأستهجن هذا الكلام الذي أقل ما يقال عنه أنه قلة أدب.

Quote: وماذا عن الإسْتبْداد يا رجُل.. لا يكفيني أن أرد الصاع بِصاع، لابُد أن أسْتبِد، فالعاجِز مَن لا يسْتبِد

لا أظن أن الأستبداد صفة حسنة، فالأستبداد يؤدي الى ردود أفعال مشابهة والنتيجة هي الفشل الكامل في الوصول الى أي حل عبر حوار نحترم فيه بعضنا البعض. والأستبداد ليس دليل قوة.

Quote: الغريبة إنت برضو إستخدمتها "غرباوي" قبل سطر واحِد مِن الإنشاء الكتبتها لينا

نعم أنا إستخدمت كلمة غرباوي لأنها جاءت في صياغ كلامك ولكني لا أستخدم هذه المسميات عادةً في حواراتي للتمييز بين الناس. وأصرّ على أنه إستخدام الأعراق للتمييز بين الناس ظاهرة غير صحية، فإذا أنا إستخدمتها فأنا أيضاً مخطئ.
لماذا تعتبر التلطف في الخطاب ومراعاة مشاعر الآخرين نفاق وتلميع للذات وعلاقات عامة؟ فالكلمة الطيبة صدقة واللئم والفظاظة صفتان مذموماتان.

لك الود

الاخ عزام ..

كيفك لعلك بخير ...

Quote: بِالمنطِق ده يبقى الأتراك والإنْكِليز والمصرِيين، العملو السودان زاتو -الخارِطة السودانِية- نحفظ ليهُم حقهُم ولو فكرو يرجعوا ما نكون جاحِدين!

االسودان فى شكله الحالى لم يكن نتاج للاستعمار (تركى او مصرى انجليزى) كانت بالسودان دول تهز وترز وممالك (المقره وعلوة) عوضا عن الفونج والعبدلاب (اتحاد القبائل العربية مع اهل الفونج ...

وبعدين كيف يستوى النضال مع الاستعمار .....

Quote: ومنو القال ليك أنا ما بكتِب على لِسان أهل النيل كُلهُم.. إنتو نِفاقكُم يأبى إلا أن يطِل عَلَيْنا بِرأسِهِ.. أنا بكتِب ما بحتاج مِنك ولا مِن غيرك إذن أو مشورة.. بِالله ما تتسلق وتزَيِن رقبتك وترَوِج روحك عبر أعمدتي

انا اقول ليك ما تكتب بلسانى وانا ابن النيل زى زيك .....

النفاق الجابه هنا شنووو هسع وانافق منوو مثلا ...

وانت شايف نفسك مشهور خااااالص عشان انا اتزين بيك يعنى ....؟؟؟؟ ولا شنو الفهم حقك البزيد عندك وينقص على غيرك ...!!!!!

اروج لى روحى بالحيل .....

لانو دى ثقافتى وحلو تجاربى فى الدنيا والفهم الورثنى ليهو اهلى وهذبنى بيهو دينى .......

فكلنا من تراب والى التراب ولن يبقى الا عملنا الصالح وصدقنا مع انفسنا (يا اخى الكبرياء لله وحده ) ......

وبعدين يا اخى واحد قليل عقل يقول فى بنات الشمال كلام يشبه اخلاقه تجاريه وتعمل ليهو قومه وقعده .يعنى خلاص كلامه حقيقى وبيشمل الكل ويعاقب به الكل كمان

كنت فاكرك اكبر من كده ....

شفت اعادتك لكتابة مقزز الكلام جعل منه حديث مستمر مع ان قائله تحول الى محطة غير تلك .....انسى يا عزام ففاحش القول يمس صاحبه قبل الاخرين


وكل واحد بيراى الناس بحال طبعه ...

يا اخى كن جميلا ترى الوجود جميلا .......

وتقبل سلامى وامنياتى لك