بيان هاموعاجل

لكل البنات والاولاد الذين يستخدمون كريمات وحقن تبيض البشرة وحبوب التسمين .
قد افادني احد الاخوة بكلام خطير وبل يؤلم القلب، فقال لي بان لديهم من المعارف بنت شابة فتحت لونها عشان تبقى بيضاء، وبعد ان فتحت لونها من الاسود الى ابيض ، فاصبحت متألقة بالجمال المزيف اكثر من ثلاثة سنوات.
فقلت له اين هي الآن قال لي هي اتوفت بسبب السرطان. ومن قبل تم اجراء عملية جراحية لها لازالة الورم الخبيث ،وبعد العملية حاول الطبيب خياطة الجرح بالخيط الطبي، ولكن الجلد تتمزق كل مرة فحاول كل طاقم العملية دمج الجرح ولكن حصل فشل وما للاطباء الا لفها بالشاش.
فاذا بسؤال مرة بخاطري فقلت له السبب شنو؟ قال لي صديقي اللون الطبيعي هي خلقة ربانية ولكن بعد تبديل اللون الطبيعي فالجلد القوي دا اختفى ومافي حاجة يشد الخيط لان اللحمة بتقطع.
فلها الرحمة والمغفرة

لها الرحمة والمغفرة
والله يهدي بناتنا واخواتنا واولادنا الذين يحاكون البنات

ذو اليد سليمان مصطفى..

لو تعرف أن ثمن الكريمآت اصبح جزءا اساسيا فى ميزانية الآسرة..
لتحّسرت أكثر..
كما وأن الفتيآت لايقرأن المنشور المصآحب للكريم..
فيستعملنه كما الفزلين أو زيت السمسم..
الشآهد أن نسبة الآصآبة بالسرطآنآت وسط البنآت الشآبآت فى السودان عآليه جدا..
ولكنن نحن السودانيين..
ناذى أنفسنا ثم نقول أنها أرآدة المولى..

أما مسألة حبوب التسمين هذه..
فللآسف هناك أمهآت يعطينها لآطفالهن..
لتعويض النحآفة التى تعنى النشآط والقوة وليس العكس..
وبقدر ما يصرف (الخوآجآت) آلاف الدولارآت للتخلص من السمنة ومشآكلها...
يصرف السودانيون مئآت الجنيهآت لزيآدة الوزن..

بأختصار...
المسألة فى رأيى أولا وأخيرا..
هى..
غيآب الوعى الصحى....
تماما مثل غيآب الوعى القانونى وقوانين أخرى كثيرة تتعلق بأمور حيآتنا..

المطلوب من وزآرة الصحة السودانية...
تخصيص برآمج تلفزيونية يومية..
للتعريف بمخآطر هذه الثقآفة التى دلفت الى السودان من حيث لا ندرى..

ذواليد
أنت في خطر يا زول كل شركات الكريمات والمبيضات بيسالوا ذو اليد نفرو شنو شموك شيل شليتك غايتو شوف تجار السوق أصحابك يحلوا الموضوع ودي أمكن طيارتك تحرق قريب
حسب التوقعات !

تحياتي

سمير كوكو
شكرا على المرور وبلا منازع نجم العام السابق وهذا العام
اكتب لينا خمسة سطور عن تأثير الكريم

Quote: ذواليد أنت في خطر يا زول كل شركات الكريمات والمبيضات بيسالوا ذو اليد نفرو شنو شموك شيل شليتك غايتو شوف تجار السوق أصحابك يحلوا الموضوع ودي أمكن طيارتك تحرق قريب حسب التوقعات ! تحياتي

صديقي العزيز / ابو الزهور
انت عارف اخوك خلى موضوع العرس
الواحد كل ما يقابل ليها بنية حليوة وتنوي للعرس باكر يجيك مصنفرة وضاربة بوهية

كلام زين عارف ناس الشركات ديل الوقت دا بجهزوا في شكوى للنيابة
لانو الموضوع دا عمل زنة ورنة في الفيس بوك
والتعليقات من البنات ذاتو بيقولوا ربنا يهدينا ويهدي البنات
وسوف انقل لكم تعليقات الفيس بوك

Quote: ذو اليد سليمان مصطفى.. لو تعرف أن ثمن الكريمآت اصبح جزءا اساسيا فى ميزانية الآسرة.. لتحّسرت أكثر.. كما وأن الفتيآت لايقرأن المنشور المصآحب للكريم.. فيستعملنه كما الفزلين أو زيت السمسم.. الشآهد أن نسبة الآصآبة بالسرطآنآت وسط البنآت الشآبآت فى السودان عآليه جدا.. ولكنن نحن السودانيين.. ناذى أنفسنا ثم نقول أنها أرآدة المولى.. أما مسألة حبوب التسمين هذه.. فللآسف هناك أمهآت يعطينها لآطفالهن.. لتعويض النحآفة التى تعنى النشآط والقوة وليس العكس.. وبقدر ما يصرف (الخوآجآت) آلاف الدولارآت للتخلص من السمنة ومشآكلها... يصرف السودانيون مئآت الجنيهآت لزيآدة الوزن.. بأختصار... المسألة فى رأيى أولا وأخيرا.. هى.. غيآب الوعى الصحى.... تماما مثل غيآب الوعى القانونى وقوانين أخرى كثيرة تتعلق بأمور حيآتنا.. المطلوب من وزآرة الصحة السودانية... تخصيص برآمج تلفزيونية يومية.. للتعريف بمخآطر هذه الثقآفة التى دلفت الى السودان من حيث لا ندرى..

اختي الفاضلة
نور تاور
في الحقيقة المسالة مؤلمة ومحرجة
وهذا هو عواقب الجهل في زمن العولمة
والآن بعض البنات اصبحن تنادي بالموضة
ووزارة الصحة عينو في الكريم والوزير ما جايب خبر للبنات والاولاد
ما عارف اكتب ليك شنو بعد كلامك الجميل
وتسلمي على المرور

كل فتاة جميلة كما خلقها ربّي

أحب اللون الأسمر في السمراء

و"الأخدر" في "الخدراء"

و"الأصفر" في "الصفراء"

فإن خرجت واحدة منهن من ثوبها إلى ثوب غيرها ... ضاع جزء كبير من جمالها.

من الفيس بوك

عمل حسابك من كريمات تقبيح البشرة

الواحد بقى يخجل من البنات، الواحدة تلقاه سمحة من السماحة تنقظ عسل، وتبدا تفكر فيها عشان العرس وما العرس، وبعدين الحنق بكون شديد خلاص وبلهجة قوية ومعسولة بالحنان والشوق ودءف الكلمات التي تشرح القلب، واشياء اخرى يتم التفاصيل فيه ا بالليل بالتلفون،والايام لسه حبلى بالذكريات الجميلة حتى نشهد يوم جميل يتم فيه ا الزفاف.

Quote: كل فتاة جميلة كما خلقها ربّي أحب اللون الأسمر في السمراء و"الأخدر" في "الخدراء" و"الأصفر" في "الصفراء" فإن خرجت واحدة منهن من ثوبها إلى ثوب غيرها ... ضاع جزء كبير من جمالها.

شكراً هاني
على المرور الخفيف والعفيف في ظل عالم جميل
بنات واولاد اليوم مجانين باللون الابيض
الواحد جميل ويفوق عالم الجمال ولكن متعمدة لفتح لونها
فتح اللون يزيل ثلاثة طبقات مهمة
الطبقة الاولى الجلد الخارجي والطبقة الثانية والثالثة
ادعو الاطباء شرح مكونات الجلد
مع مزيد من التحليل الطبي

الأخ الفاضل \ ذو اليد

تحياتي ليك ولضيوفك الكرام .

يا اخي ذو اليد لو كان الوسيلة الوحيدة الممكن تقوم بدور التوعية هو الاعلآم
وزي ما شايف الاعلاميات لي نفسهن دايرات التوعية لانهن بمارسن نفس الماسأة
وباختصار فاقد الشئ لا يعطيه اها التوعية تجي من وين ؟

Quote: الأخ الفاضل \ ذو اليد تحياتي ليك ولضيوفك الكرام . يا اخي ذو اليد لو كان الوسيلة الوحيدة الممكن تقوم بدور التوعية هو الاعلآم وزي ما شايف الاعلاميات لي نفسهن دايرات التوعية لانهن بمارسن نفس الماسأة وباختصار فاقد الشئ لا يعطيه اها التوعية تجي من وين ؟

الاخت الكريمة/منى عمسيب
يسعدني مرورك
هذه الحقيقة في بلدنا لا مكان ولا وجود له ا في الخارطة السودانية
وهذا شئ مؤلم في الاعلاميات اللاتي لايعرفن مصيرهن من الجمال المزيف
فهن ذاتهن محتاجات توعية صحية قبل معاينتهم للمهنة الاعلامية
وايضاً الرجال الاعلامين بعضهم يتنعمون ويفتحون وجوههم من اجل الظهور في الشاشة البلورية
ودمتي اختي بت عمسيب في رعاية الله وحفظة وربنا يحفظ بقيت البنيات والاولاد

Quote: يا اخي ذو اليد لو كان الوسيلة الوحيدة الممكن تقوم بدور التوعية هو الاعلآم وزي ما شايف الاعلاميات لي نفسهن دايرات التوعية لانهن بمارسن نفس الماسأة وباختصار فاقد الشئ لا يعطيه اها التوعية تجي من وين ؟

منى ياراقية , دايما بتخطفي الكلام من كيبورديني هههه

كلامك صحيح مليون في المية ولعلنا ان عدنا للنظر لشكل احدى الاعلاميات قبل ( الصنفرة ) واليوم سوف ندرك تماما انها بذلت مجهود خرافي لتصل لدرجة اللون الاخيرة

والادهى والامر وما تعاني منه معظم السمراوات هو ميول الرجال للون الابيض اكثر من الاسمر بل ومقارنة شريكاتهم بفلانة الاعلامية السمحة وغيرها

فطبيعي بتلجاء المراءة لعمل المستحيلات لتوجه نظر شريكها ( ابو عين زايقة ) ليها هي فقط

وهنا تبداء حرب الكريمات و الخلطات الخطيرة وسريعة المفعول التي تكون اثارها الجانبية خطيرة فيما بعد


سيد البوست / قل الحق ولاتخشى لومة لائم فلن يصيبك الا ما كتب الله لك

لهن الرحمة شهيدات الكريمات القاتله

بس الذكر السوداني يشارك ايضا في هذه المجزره البشعه

فرص البيضاء في الزواج اكبر بكثير من الزرقاء

حتي تلفزيوناتنا يتم التعيين حسب اللون
واحده ماتعرف الضمه من الفتحه بس لونها ابيض يتم تعيينها فورا

الزرقاء من خشم باب التلفزيون يتثاقلو عليها
دون النظر لما تحمله من امكانات علمية وشهادات

والتعيينات في المؤسسات الخاصه والقطاع العام
ايضا فرصهن اكبر
السكرتيرات
المضيفات
المدرسات في المدارس المحترمه بتاعة اولاد الزوات



بلد رجالها سودانيين وحريمها ماتعرف جايين من وين

Quote: لهن الرحمة شهيدات الكريمات القاتله بس الذكر السوداني يشارك ايضا في هذه المجزره البشعه فرص البيضاء في الزواج اكبر بكثير من الزرقاء حتي تلفزيوناتنا يتم التعيين حسب اللون واحده ماتعرف الضمه من الفتحه بس لونها ابيض يتم تعيينها فورا الزرقاء من خشم باب التلفزيون يتثاقلو عليها دون النظر لما تحمله من امكانات علمية وشهادات والتعيينات في المؤسسات الخاصه والقطاع العام ايضا فرصهن اكبر السكرتيرات المضيفات المدرسات في المدارس المحترمه بتاعة اولاد الزوات بلد رجالها سودانيين وحريمها ماتعرف جايين من وين

اخي/ عمر عثمان
تحية واحترام
دا الحاصل في البلد
والقريبة من ذلك
الشباب القادمون من الاقاليم هم اكثر الشباب وقوعهم في ورطة
اولا الشاب بجيهو صدمة حضارية بعد دخوله العاصمة اي المدن الكبيرة
وهذه المرحلة لا تنتهي بسهولة وبل بقت مفخرة امام البنات وكل واحدة دايرة تتزوج باي نوع من الزواج
ولكن مربط الزواج في نهاية مؤلمة وجرح نازف ابد الدهر الى ان تموت تلك الشابة او الشاب نفسه يستخدم الكريمات المسرطنة
فاللوم يرجع لاولياء الامور
والواحدة امها وابوها في لونهم الطبيعي ، اما هي زي حلاوة المولد
وسوف احاول ارفق صور لبعض البنات والرجال اشباه نساء

Quote: · Faculty of education khartoum uni نسبة لاحتوائها على مادة الزئبق بنسب اعلى من المعدل الطبى ارتفعت نسبة الاجهاض بين الحوامل الائى يستعملن كريمات التبييض ويعزى ذللك لمادة الزئبق رد · أعجبني · متابعة المنشور · منذ ‏22‏ ساعة

من الفيس بوك
شكرا على المعلومة المهمة وياريد البنات يعلمن ضرر مادة الزئبق

الكريمات آهة من آهات الزمن الحالي
البنات ليست وحدهن بل الأسواء من ذلك مشاركة بين الجنسين شباب وشابات

في سنة 1994 معنا واحد ساكن في الحلة قال لي ناس دارفور بجيبوا كريم ديانا الاصلي من تشاد لو عندك زول جيب لي واحدة
قلت ليه ليك ولا لي بت قال لي لي نفسو بتمسح

السبب الرئيسي في انتشار الكريمات في السودان
عدم تشديد من قبل المقاييس والمواصفات

وجوه مشوهة ومسرطنة واجسام محروقة بالكامل
هذا حال البنيات والاولاد في السودان

جمال مزيف والسلطات تسكت وتساعد في دخول الكريمات المسرطنة

وزارة الصحة خارج التشكيلة والشعب يموت بالكريمات المسرطنة

من اقوالي .

النضافة اهم من اللون .

يا ريت كل واحدة من أخواتنا تحافظ على لونها كما خلقها الله ، ولا مانع من إستخدام الكريمات في حدود المعقول وذلك كعلاج لبثور أو مرض جلدي ، ولكن نقول لـ (علوية) بالرغم من بياض وجهك إلا أن (يدك) به سمرة واضحة .

الله يهدكن .

Quote: يا ريت كل واحدة من أخواتنا تحافظ على لونها كما خلقها الله ، ولا مانع من إستخدام الكريمات في حدود المعقول وذلك كعلاج لبثور أو مرض جلدي ، ولكن نقول لـ (علوية) بالرغم من بياض وجهك إلا أن (يدك) به سمرة واضحة . الله يهدكن .

ولياب
مشكور على المرور والنصيحة

البنات عارفات ضرر الكريم والالم

لكن عشان الواحدة تبقى جميلة لابد ان تغامر بحياتها

في النهاية تعرس شيطان عفريت لايهمها

اما زي علوية دي مخدوعات كتار وبلا حدود

تلقى الرجل كولا والوش بيبسي كولا

Quote: من اقوالي . النضافة اهم من اللون

محمد جمعة

تحية طيبة

الواحدة من شدة النظافة في اليوم تستحمى خمسة مرات

لكن برضو ما مقتنعات من لونهم الطبيعة

واكثر البنات استخدامن للكريمات اكثرهن نظافة

انتشار السرطان في مستخدمي الكريمات بصورة مقرفة

البنت الفاتحة لونا بالكريمات المسرطنة لمن تكون قريب منك غير العفن والريحة الكريهة ما تشم غيرا