جمعيّة أبناء الخناق بدولة قطر تحتفل بمرور (ستة أعوام) على تكوينها...

الخبر كما جاء في صحيفة الشرق القطريةصباح اليوم الإثنين 13/01/2014م

الشكر كل الشكر للأستاذ/ فيصل حضرة لمتابعته اللصيقة والمبادرة بنشر الخبر
ونرفع القبعة لزميل المنبر والعمل
السابق ومحرر صفحة السودان بجريدة الشرق
عبدالرحمن أبوشيبة ،




ونواصل...............

جمعيّة أبناء الخناق بدولة قطر ثمرة لعُدة جمعّيات تم تكوينها مابين الأعوام 1970 حتى 2008م
من اجل لم شمل أبناء المنطقة بدولة قطر وتقديم يد العون والمساعدة لأهل المنطقة الأم،
المحتاجين ، وإعادة تأهيل المرافق العامة بها،
وكان لها دور فعال في ذلك ،
وهي تعتبر رائدة الجمعيات الخيرية بالمنطقةعلى الإطلاق





ونواصل.........

اهداف الجمعية:ــ
1/العمل علي تقوية وترسيخ العلاقات والصلات وبث روح الوحدة والتعاون بين اعضاء الجمعية
وكذلك بينهم وبين الجمعيات الاخري علي مستوي دولة قطر .

2/ دراسة وتقييم الخدمات التعليمية والصحية والمؤسسات الاجتماعية والاقتصادية في المنطقة
والعمل علي رفع كفاءتها وحل مشاكلها وذلك بالاستفادة من عضوية الجمعية
وترشيد جهودهم وطاقاتهم في عطلاتهم بالتنسيق مع جمعيات المنطقة بالخرطوم والمسؤلين بالمنطقة .

3/ المساهمة في حل المشكلات التي تواجه الاعضاء في غربتهم بعد دراستها وتقييمها .

4/المساهمة في مجابهة الكوارث والنكبات ـــــ لاقدر الله ـــ التي قد تواجه المنطقة

5/ الاهتمام بالصحة العامة وصحة البيئة بالمنطقة والمساهمة في مكافحة الامراض الوبائية
والعمل علي تنمية ورعاية الامومة والطفولة .

الأطفال أضافوا نكهة خاصة للاحتفال

السكرتير المالي للجنة السابقة(ماهر عثمان)
وضيف الشرف القادم من الامارات العربية المتحدة(أشرف الطيب) بالجلابية
وسط الزهووور

لكم التحية أبناء الخناق بـ قطر.
موفقين إن شاء الله.

الحبيب/Mirghani Taitawi

أعطر التحايا لشخصكـ وأنت تعبر من هنا

and#1580;and#1608;and#1586; and#1575;and#1604;and#1604;and#1608;and#1586; (and#1583;and#1575;and#1606; and#1608;and#1583;and#1610;and#1605;)
and#1608;and#1605;and#1575;and#1585;and#1610;and#1575;

دان وديم
ومايا معاهم


ونواصل.......
>>

التحية لابناء الخناق ..
مبروك على هذا التكوين اخي عوض ..
الجمعية مهمة لأنها الوطن في الغربة ..
طالما كل هموم أهلنا علينا .. ( صحة وتعليم ومساجد ورياضية ..الخ )
سوف ابلغ اخواني في جمعية الخناق في جدة لأننا هنا في د ائرة واحدة ( الخناق ، مشو ، ارتقاشا ، بركية وجمعيات كثيرة )
لا تبعد عن بعض اكثر من 200 متر ..
التحية تاني لاخي عوض ..
بصراحة يا عوض بدون جمعية الواحد ما يقدر يعيش في الغربة أبداً

سلام ياانقي..

مبروك ياخ جمال وسلامة هذا التكوين خلال كل هذه السنين..

اولاد الخناق تجمعهم اواصر محبة عالية تستحق الاشادة.






------------
اقترح على ابناء الخناق منح عضوية فخرية لي المستعرب نور الدين..الزول ده بقى يتمتم ببعض الاندادي، وهو ُمحب.

مراحب Dkeen
وجودك اسعدنا والله
وسنبلغ الوصية ل / انقي

علي امبيس
والله نفتقد لامثالك هنا

نعم شيء مهم تكوين الجمعيات والروابط
في بلاد الغربة
وكماذكرت كل هذه القرى لاتبعد عن بعضها سوى بضع كيلومترات

موتي ولي رجعة

عوض امبس ..
اهلنا دائماً يطولوا في الغربة ليه ؟
لأننا نستحضر الوطن ، ونحمله بين طياتنا ،
تدخل الجمعية .. ضغطك ينزل مليون .. السكري ميه ميه .. ونسة الترابلة والرواس ..
حكاوي البلد .. وعكننة الترابلة الحلوة ديك .. الواحد ينتظر متين يخلص الدوام عشان يلحق الجمعية .. وعائلاتنا عارفين ..
طبعاً الجاكت والكرفته لازم تخليهم في السيارة وتخلبط الشعر الشوية خوفاً من التعليق .. ده اذا الواحد راح من العمل طوالي على الجمعية ..
يوم الجمعة تشوف الناس جماعات ما بين الجمعيات وغالباً فراش اموات .. والكشف ..
جمعيتكم في جدة جنبها قهوة واسعة تمام محل ونسة صح .. ناس عبدالرحمن ياسين زول وناس .. فصيح عربي وانداداي ..
صدقني دي دنقلا بكل تفاصيلها هنا ..
أنتو في قطر ما عندكم مشكلة عمرة وحج واقامة .. وكفيل وكشات ..
عوض امبس .. نحن عندنا شروط معينة لموقع الجمعية .. لازم حي شعبي ، قريب من الميناء ، قريب من مواقف البصات ، يكون داخل الحي ،
ليس على الشارع الرئيسي ( عشان التجمعات عليها ملاحظة ) ، يعني تكون في زقاق العربية ما تدخل ..
لازم العائلات يواظبوا على إمداد الجميعة بالأكل يأيام العطلا ت .. مع انهم خطيرين في الطبخ .. ولكن الواجب كده ..
ورمضان الافطار ثابت حسب جدول ( يعني كل يوم في فطور في الجمعية )

إذا في عزاء لازم كل واحد يكون معاه تيرمس قهوة وشاي ..

نقلنا ليك صورة من جدة .. قطر طبعاً آخر تكنولوجيا .. جمعية خمسة نجوم ..

حبيبنا علي عبدالوهاب
هنا ولله الحمد التربة خصبة
وتجد روابط هنا وهناك ومركز ثقافي.
ولمات في الحدائق العامة نظام التغيير




انكي تيب.
------------
ناوين عمرة خلال الايام الجاية
حتما سالقاكم...

الرئيس السابق للجمعية (عوض السيد عبدالرحيم) في كلمة


تنوير من شخصي الضعيف وايذان بالترشيح للجنة التنفيذية الجديدة


الشاب الحبوب (همام) عطر سماءنا بأعذب الألحان وخلفه يظهر (أبوبسمة) الذي جعل هذا ممكناً

الرئيس الفخري للجمعية(عثمان جاه الرسول) وبجانبة احمد عثمان السكرتير الثقافي للجمعية


(أبونزار) الرئيس الجديد للجمعية


ماشاء الله (سكارة عوض عبدالرحيم)

UP

Quote: UP

مراحب اخونا / نورالدين بابكر بدري

يعني انت المقصود في مداخلة DKEEN دي

Quote: ------------ اقترح على ابناء الخناق منح عضوية فخرية لي المستعرب نور الدين..الزول ده بقى يتمتم ببعض الاندادي، وهو ُمحب.

هههههههههههه
اهلاً بيكـ حبيبنا وحاضرين حتى يعوج اللسان...

Quote: Awad Elseed Mohd · الأكثر تعليقا · Khartoum, Sudan الله عليك يا مدير دائما متألق شكرا ليك وشكرنا موصول لأخونا فيصل حضرة الصحفي الجميل ... صور الأطفال جميلة وخاصة صورة بتي الحلوة يوا (سكارا) ننوه لحضور الإجتماع المشترك بين اللجنة القديمة والجديدة يوم الجمعة 17/1 آبدول (دكين) يا جميل الشوق حاصل ...صاحب البوست هو عوض جاهي ... المستعرب نور الدين لولا ادعءه المستمر للعروبة كنا حنديه العضوية رد · 1 · إلغاء إعجابي · متابعة المنشور · منذ حوالي ساعة

لم ولن ننسى يا أستاذ، 17/01/2014...
وعبركـ التحايا لنور الدين ودكين.

اولاً دي صورتكـ المفروض كان تنزل بس نعمل شنو لي بكري رغم اتصالي ليهو من بدري

ودي يوااااا

بكري احمد قائد الفرقة - وأحد ركائز الجمعية

مبروك للإخوة بالخناق و تحية للأستاذ و معلم الاجيال
الأستاذ عوض السيد ..
و تعاونوا على البر و التقوى ولا تعاونا على الإثم العدوان
و موفقين بإذن الله تعالي ..

عبدالحفيظ صباحك ورد
وشكر جزيل على المرور

>>

***

الأطفال فاكهة الحياة

الله يساعد يا مدير
صورة سعيد وعبد الرحيم تحفة بس
عوض السيد

بالتوفيق للاحبة في جمعية الخناق

نثمن الجهد الكبير الذي بذله الاخ عوض السيد

في ادارة دفة الرابطة في الفترة السابقة

ونحي المكتب الجديد

وبالتوفيق ياود جاه الرسول

Quote: بالتوفيق للاحبة في جمعية الخناق نثمن الجهد الكبير الذي بذله الاخ عوض السيد في ادارة دفة الرابطة في الفترة السابقة ونحي المكتب الجديد وبالتوفيق ياود جاه الرسول

هلا قريبي ود دياب
مروركـ اسعدنا والله
نعم استاذ عوض السيد وضع بصمة واضحة في مسيرة الجمعية
ولا يــــــــــــــــــــــــــــــزال

Quote: الله يساعد يا مدير صورة سعيد وعبد الرحيم تحفة بس عوض السيد

ههههههه
يديكـ العافية نور الدين اخوي

شكرا الجميل الدنقلاوى الاصيل
الارو عوض التحية لك ولاهل الخناق الكرماء بتضامنكم ودوركم لتوطيد العلاقات ونهضة المنطقة .علموا الابناء والبنات اللغة الدنقلاوية لانها الوعاء الذى يحفظ ثقافتنا وتراثنا وحضارتنا وتاريخنا الذى نفخر ونعتز ونتمسك ونحافظ عليه .ونتمنى لكم مزيدا من النجاحات والانجازات .
اهل دنقلا اخذوا من نخيلهم فى علاها -عزة النفس وعلو الهاما

فقيري يا حبيبنا هلا ومرحبا بيك يا اصيل
مرورك زادنا بهجة رنور

***

سلام وتحية لأهلنا في الخناق والدعوات لهم بالتوفيق
الإجتماع الذي ضرب له اليوم الجمعة موعدا نتمنى أن يكون تكلل بما فيه الخير للعامرة الخناق
التحية كذلك لصاحب البوست عوض جاه الرسول ولكل المتواجدين

تحية كبيرة جدا مع الاحترام والتقدير لأستاذنا القدير عوض السيد عبدالرحيم والسلام كذلك للاخ العزيز عبدالحفيظ فخر الدين

مهدي صلاح
سلام من عندالله يغشاك
وسعيدين بتواجدك هنا، تحاياك واصلة باذن الله
اجتماع اليوم الجمعة تم تاجيله لاسبوع آخر،
بسبب وفاة قريب لنا غرقا في السودان ، ما استدعى سفر
بعض الأعضاء فجأة ..
سررت بمرورك اخي..

من هم اعضاء جمعية أبناء الخناق بدولة قطر
الرئيس الفخري عثمان جاه الرسول
محمد عبدالمجيد ناصر
محمد خير محمد عثمان
الفاضل جاه الرسول
عبدالله عوض عثمان
عابدين سيد الحسين
حسين ابراهيم فضل
الجزولي محمد صالح
الشفيع الجزولي سعيد
عوض السيد عبدالرحيم
عبد الغني عبدالجليل
عوض جاه الرسول
سيد عابدون فضل
عبد الكريم مصطفى زبير
عصام فتحي عبدون
احمد عثمان محمد احمد
عبدالرحيم عابدون فضل
ربيع طه الشريف
سعيد جمال الدين
عبدالواحد فضيلي
محمد عثمان
طارق عثمان
بكري عبداللطيف
الشاذلي الطيب
وليد ميرغني
اسامة ميرغني
عبدالله جاه الرسول
ماهر عثمان
عاطف عبدالفتاح
حسين يس
اشرف عبدالله
عماد فتحي
خالد عبدالرحيم
وسام اسماعيل
نزار الفاضل
اسماعيل يس
علاء الدين ياسر
النعيم جمال
عبدالله تاج السر
علي عثمان
مصعب عثمان الخضر

Up
لغاية مانوصل مكة

فوق
ما تنسانا من الدعاء يا مدير

Quote: اقترح على ابناء الخناق منح عضوية فخرية لي المستعرب نور الدين..الزول ده بقى يتمتم ببعض الاندادي، وهو ُمحب

يعنى يااولاد الخناق مااستعنتو بخدمات شركتنا في الترجمة الفورية
هسى الخبر بتاع جريدة الشرق المكتوب بعربية فصيحة هل قام به
مترجم معتمد لو الشفيع الجزولى بسكت ام لوكان استاذ عوض اوغيره
من عجم الخناق يبقى الموضوع فيهى ملعوب وبجيكم لصاحبى عوض
الجزولى سعيد الاولاده بحاولو يدقسو امهم الجعلية ويعملو ليها انهم
برطنو
لكن لو جمعيتكم كانت ناطقة بالعربية يكون جناح ناس الشاذلى
عربى كوستى انتصر على رجعية ناس استاذ عوض وعبدالكريم
وحيرو عبدالله الطيب بتاعكم أي الشفيع الجزولى

العريبي الوجيه ودالأمير صاحبي
الشوق بحور والله... ياخوي انت اول مرة تعرس اصلو ؟
فكيت الناس كلهم عكس الهوا وقالو فكيت البيت كمان
وودرت ذكرياتنا ديك كلها البيت الكان معروف لكل الجالية السودانية
في الدوحة والعامر بالكرم اهو ده شفت شغل العرب على قول ابن خلدون والبيت الجديد مافي زول عارفووين
وزيارتك والله لبوست الخناق مقدرة والترجمة للإنجليزي ما بناباها إلا للعربي ما عايزين
لأنه متوفر ما انتو 600 سنة فارضين لغتكم علينا معقول ما نتعلم الزمن ده كلو؟
الشفيع ما عبدالله الطيب حيث ان اللغة العربية ليست واحدة من اللغات الكثيرة التي يجيدها هههه
في الجمعية عندنا نية نعمل تلاقح ثقافات عشان كده ممكن نديك عضوية ومعاك العريبي التاني
نورالدين بدري
تحياتي
عوض السيد بباسورد نورالدين بدري

Quote: عوض السيد بباسورد نورالدين بدري

خلاص عربى الجزرة دا جنستو وفك جوازو اقصد باسورد للعجم
انا افهم ان العجم يتلصقو فينا ويجيدو لغتنا تقربا لكن عربى بتلصق
في العجم دى من علامات الساعة
بس ياعوض السيد
هسى لو صاحبى مفتاح علاقاتى بدناقلة رسوالله عوض الجزولى الفتى الذى يشع نبل وهو سبب ورطتى في ان اصاحب الرطانة
لوحضر جمعيتكم تلك مش كان بوضوح قال ليكم ناطقين بغيرها هو انتو عندكم غيرها انطقو بها او اقيمو الصلاة يرحمكم الرب
وبرضو بجيك لو عربى الجزيرة المجنس جا ناطى هنا
وبعدين في لمتكم لاشفنا قراصة ولاتركين

استاذنا بدرالدين .. لديك لغة أخوانيات جميلة تفرح القاريء ..
واشدت عندما فتحت بوست عن مرض الفنان محمد السني دفع الله .. وطريقة عرضك للموضوع .. بصورة تزيل الخوف والحرج عن المريض نفسه ..
لأن إثارة الشفقة والجدية المفرطة .. تخيف المريض ..
اليوم ما قصرت مع أهلنا في الخناق ..
ده اسلوب جميل يدخل القلب مباشرة ..

Quote: وبعدين في لمتكم لاشفنا قراصة ولاتركين

عوض امبس .. كيف تعزموا الامير بدون تركينج .. او حتى كوداد .. او قراصة ( اوي قيلي )
ما تنسوا المرة الحاية .. أذا ما عندكم مواد خام .. سوف نرسلها من جدة عن طريق ( Fedx )
صدقني جدة مش سودان بس .. تلقى دنقلا فيها بكل التفاصيل
تحياتي لابناء الخناق .. هذا الحراك الجميل ..
نحن هنا جمعياتنا ملاصقة بعض في جدة ..
مبروك هذا التجمع الرائع ..

Quote: عوض امبس .. كيف تعزموا الامير بدون تركينج .. او حتى كوداد .. او قراصة ( اوي قيلي )

على عبدالوهاب
لك الود التقدير
انا الرطانة ديل مابعمزمونى للماتهم وبخافو من اشيل حالهم
مرة كان في زيارة للدوحة اخونا مبارك الجزولى سعيد والرطانة كانو محتاجين لطباخ
وزيارة مبارك كانت سريعة من المطار للبيت والعكس كان في طريقه لبلاد العجم نسابته
قامو عزمونى عشان اطبخ لهم الدجاج على طريقتى والشفيع وستاذ عوض معجبين جدا
بطريقة طبخى للدجاج المهم والله دى قصة حقيقية جيت شايل حاجاتى سلمت على مبارك
ودخلت المطبخ وجماعتك شغالين رطانة نسو حتى الطباخ وعوض الجزولى كان حاضر
المهم جهزت ليهم العشاء والدناقلا اطمتقو ليك الدجاج قام استاذ عوض سالنى انت كيف
بتطبخ الدجاج بطريقة دى قلت له شوفو يادناقلا ليكم خرتمية سنة بتطبخو ودخلتو القصور
من لبنان الى الخليج ماوريتونا سر الطبيخ هسى لمن عربى جزيرة بقى يعرف يطبخ دايرين
تعرفو السر وانفجر الجميع بالضحك

بس برجع واقول
مش الخناق دى بلد الجزولى سعيد انا منها وهى منى
وبردد نشيد
القولد التقيت بالصديقى
الى ان ابكى على فراق منقو زمبيرى

اولاد الخناق ماتخنوقنا بحبنا لانسانيكم

ود الأمير ياخ نحن برضو بنحبك والله والجزولي سعيد كان بحب السودان كله
وضحى بالكثير من اجل السودان وشعبه فشكرا ليك.
ياعريبي قصة طبخة الدجاج دي كانت قبل عشرة سنوات ولليوم صحبك الشفيع بيحكيها
كلما طبخنا دجاج وحكاها لطوب الأرض زي ما بقولو.
علي امبس سرن آقمي العريبي ده متلصق فينا بدون ما نوريه الكوداد والتركينج
خايفين لو عرف قيمة ديل يلتصق زيادة


عوض السيد

Quote: علي امبس سرن آقمي العريبي ده متلصق فينا بدون ما نوريه الكوداد والتركينج خايفين لو عرف قيمة ديل يلتصق زيادة

عوض السيد امبس ..
ود الامير ده .. لازم نشوف دي إن ايه .. يمكن الاصول من عندنا ..

عوض السيد أمبس .. التحية ليكم ودمتم هكذا في زخم الاخوانيات ..
الجمعيات دي وطن حقيقي في الغربة ..
تحياتي لابناء الخناق ..
لمن تجوا جدة ما تنسونا ..

التركينج هنا حتى في المطاعم وبكثرة ..

علي امبيس
ياخي مطاعمكم كلها بخاري ومثلوثة ومندي
جانا سوء هضم
محبتي..

بالله يا أستاذ انقي
بينك وبينو
كلم بدر عبدالكريم زارع الكوداد هنا في الدوحة
..،،وييييين..،،

من احسن القصص الحكاها لى الشفيع الجزولى عن والده المناضل العظيم
كانت ابان الحقبة المايوية حقبة اعدام المفكرين والناضلين والمثقفين
الجزولى كان مختبى في العاصمة وساكن في بيت عزابة بالعاصمة ومتخفى خلف
شخصية تاجر فحم وبمش السوق بيبيع ويشترى في السوق نشات علاقة قويه بين
الجوزلى وتاجر اخر تاجر محاصيل والاخير من شدة حبة للجزولى بقى لمن الجزولى
يغيب من السوق يسال عنه الغاشى والماشى طبعا بسال عنه بالاسم الحركى المهم ناس
التامين الحزبى بقو خايفين من الزل دا يكون سبب في كشف الجزولى قاموا انتهزو فرصة
سفر عمنا تاجر المحاصيل للشمالية ونقلوا الجزولى لمكان تانى واشاعو ان تاجر الفحم حاج
فلان توفى وبعد عودة عمنا تاجر المحاصيل من الشمالية سال عن صاحبو حاج فلان لاتذكر الاسم الحركى
للجزولى وقتها قالوا له لقد توفى قام عمنا تاجر المحاصيل يبكى ويدردق في نص السوق ولازم يودوهو
لاهل صاحبو حاج فلان تاجر الفحم عشان يمشى يعزيهم
عليكم الله في الدينا دى كلها في صحوبية زى صحوبية
السودانين لبعضهم البعض

وبقدر ما قصة الجزولى مع عمنا تاجر المحاصيل مبكية
هناك قصة مضحكة للجزولى مع اهله الدناقلا حين كان مسجون
في بور سودان ابان حقبة الاستعمار اهلو سمعو بان الجزولى
مضرب عن الطعام وماناقشين مضرب يعنى شنو يقوموا يشيلوا
عمدان من الاكل ويمشو للجزولى في السجن ويحلفو عليه بطلاق
ان ياكل هههههههه
على فكرة وحسب معلوماتى ان الجزولى سعيد هو اول سجين يمارس
الاضراب عن الطعام في السودان
معليش ياناس الخناق استلمت البوست وقديتكم بالحكى
اعتبرونى عمكم تاجر المحاصيل





انا في رجاء ان استلم نسختى من كتاب سيرة الجزولى سعيد الذى صدر مؤخرا وقام بتحريره الصديق
الشفيع الجزولى لكى استعرضه هنا ونقف على سيرة هذا المناضل ابن الخناق العلم والعالم

استاذ بدر
ياخي جد طلع البدر علينا بي طلتك البهية دي.،
هي في الحقيقة ماطلة انت نطيت في السرج طوالي ومسكت الرسن...
جاييك ، وكمان في بوست بعد ارجع الدوحة عن ود سلفاب ، اواخر خمس وثمانون في الريان
دي كمان قول لي حاضرا
مودتي يالحبيب...

تعديل لحذف نقطة من فوق الدال،الحكاية جابت ليها عربي كوستي .

دعينا ولا زلنا يانورالدين
او من يسوق عنه
اقصد استاذ عوض انقي

Quote: تحية كبيرة جدا مع الاحترام والتقدير لأستاذنا القدير عوض السيد عبدالرحيم والسلام كذلك للاخ العزيز عبدالحفيظ فخر الدين

وو حبيبنا مهدى صلاح إن شاء الله عافية و عساك طيب يأخ
لم نتلاقى منذ التسعينات ، تحياتى للاخوان و الخيلان ..

عوض جاه الرسول ،،

الزمن دا حريم يعرفوا يعملوا الكداد تانى مافي

ابنائي النجباء فخرالدين ومهدي صلاح
شكرا ليكم كتير على كلماتكم الترد الروح
يا ليت الزمن يعود بنا إلى ايام كردمار الجميلة
يافخرالدين مهدي صلاح في السعودية وانت كذلك على حد علمي
كيف ما تشوفو بعض من التسعينات
علي امبس شكرا لكلماتك المليئة بالأصالةومؤكد حاصلك عند زيارتي لجدة
يا مدير انت منتظر الحج ولا شنو

الزمن دا حريم يعرفوا يعملوا الكداد تانى مافي
--------------------------------------------------

عبدالحفيظ كيفنك
صعب تلقى واحدة بتعرف تعمل الكوداد
لكن شبكات التواصل بتحل الاشكال ، في الاستعانة بصديقة

احترام مردوم،،

عوض امبس ..
تلفوني في البروفايل .. وكمان ( 0544068026 )
يا أخي انت لو في جدة خلينا على الاقل نسلم عليك ..
تحياتي ليك ..

شباب الخناق (درة شمال السودان كما عكسها قادة جمعيتهم
شعلة تضئ دوما لأهلهاهنا وهناك في البلد (لمعرفتي اللصيقة بقادة العمل العام فيها)

لا غرابة في الأمر لكل من عرف تاريخ المنطقة وابناءها الأمميون .

وشكرا لكم جميعا عوض جاهي ورفاقه الذين بذلوا الجهد المقدر واقتطعوا من زمنهم الحاص وزمن اسرهم يبنوا
ويرسوا اسس العمل العام ويترجموا معنى النفير على الواقع

أطالب بتعميم التجربة بالقيام بتنوير عام في لقاء عام لسرد تجربتكم لتكون نبراسا للآخرين

ويا دكين أنا ماني بعيد من النوبة كان بالدم وكان بالنسب واتشرف بعضوية جمعية الخناق حتى لوكانت
على مستوى صداقاتي معهم

ويا عوض جاه الرسول وعوض أنجي شكرا تانب

المرة دي نور الدين شخصيا

Quote: ابنائي النجباء فخرالدين ومهدي صلاح شكرا ليكم كتير على كلماتكم الترد الروح يا ليت الزمن يعود بنا إلى ايام كردمار الجميلة يافخرالدين مهدي صلاح في السعودية وانت كذلك على حد علمي كيف ما تشوفو بعض من التسعينات

الأستاذ نورالدين بابكر بدري

مهدى صلاح زول دفعة وزول كان ( أول الدفعة )
حتى دخولنا الجامعات ،
ما أعتقد فى السعودية و لكن نرحب به فى الدمام فى أى وقت .
يجي جمعية ( شيخ شريف ) و يلقانا قاعدين ..

مدرسة (كرو مار ) و هى كلمة نوبية و تعني أرض الحصى
و ممكن يفتينا الأستاذ عوض السيد زول متمكن غير الأنجليزى
أيضاً فى التاريخ و اللغة النوبية ..
عندنا فيها زكريات الجمعيات الادبية و دروس العصر
وزملاء المرحلة المتوسطة ..

نور الدين بركة بالشوفة والله



ياخوي عضويتك مابتزيدنا الا فخرا....

علي يالحبيب والله حاليا في الرياض ، وما اعتقد نقدر نرجع جدة تاني
لكن بكلمك نهار اليوم
وكتر خيرك يا اصيل..

دأبت جمعية أبناء الخناق بدولة قطر وعلى مر السنين
في المحافظة على احياء التراث النوبي من خلال اقامة مهرجانها
السنوي ، في ليلة رأس السنة بمشاركة شعراء النوبة أمثال عبداللطيف سيد أحمد
وفنان النوبة الأول محمد سعيد العطا.

http://youtu.be/61HpvDjunpo
هنا الشاعر عبداللطيف
الفنان محمد سعيد العطا(دوله)
الشفيع الجزولي
عوض السيد
في أداء جماعي للنديرة خلال احتفالات الجمعية في الاعوام السابقة

يا فخر الدين يا ولدي الكلام الإنت اقتبستو ده كاتبو انا (عوض السيد)
نورالدين ده (عريبي ساكت) وانا بكتب بالباسوورد حقه من كمبيوترو
لأننا شغالين مع بعض واصحاب
ود الأمير شكرا لإثراء البوست بسيرة الجزولي سعيد العطرة
المدير عوض حدد موقعك الجغرافي (بعد بكرة الإجتماع)
الصديق نور الدين بدري عضويتك شرف لنا بس جيب معاك مترجم
تحياتي للجميع

استاذ الاجتماع في الموعد المقرر الجمعة منزل بكري
واكدت للفاضل امس
وانا حوالين الطائف
ويمكن احضر معاكم ...

تمنياتي بالتوفيق للجنة التنفيذية في دورتها الجديدة

أب

يا استاذ ،،

سلام من الله عليك ،،

والله أمبارح المساء فى سيرتك أنا و أخونا فيصل عوض
و يأخ أعفونا و الله ما ذكرناكم إلا بالجميل
اتلاقينا امبارح فى بيت نسيبنا بدر الدين محمد عمر
ثم يأخ أنت كيف تخش بي رقم العريبي ؟ حقوا ناس الخناق
يعملوا باسويرد بأسم الجمعية دى و تستلم انت دا ، و خليك من
باسويرد نور الدين و احتمال كبير بعد دا ما يديك ليها ..

و تحياتنا لكل الاهل بالدوحة ..

الى حين حضور الأستاذ يا عبدالحفيظ.

الظاهر لغو الاجتماع وانشغلوا بي مفاجاة البشير

اب

الشاعر عبداللطيف سيد احمد من أبناء شرق لبب،،
الفنان محمد سعيد العطا من الشيخ شريف،،

تم تأجيل تكوين اللجنة الجديدة يا أستاذ الحاصل شنو؟؟؟؟؟؟؟

UP

شباب الخناق (درة شمال السودان كما عكسها قادة جمعيتهم
شعلة تضئ دوما لأهلهاهنا وهناك في البلد (لمعرفتي اللصيقة بقادة العمل العام فيها)

فقيري مساء النور عليك
وسعيدين بمداخلاتك
واثراءاتك




دم بخير

مساك الله خيرا وسعادة استاذنا النوبى الهميم
عوض جاه الرسول نحن بعيدين عنكم وعن الوطن
فنتنسم عطرا بمجهوداتكم ونستمد منكم القوة المعنوية لخدمة دنقلا
والوطن الكبير .لم نذق طعم الحياة وسمرها وسحرها وجمالها الا بارض
امهاتنا وابائناففى شوق شديد للخناق الباسلة وكدركة مهد الصبى والميلاد.
تحياتى ايها الشقيق لكل من معك ولبكرى محمد الحسن الصفى ول د.امينة لو تعرفهم ارجو ذلك.مقيم بواشنطن العاصمة وربما عدت لولاية تكساس قريبا.

ولك من التحايا أعطرها اخونا/
فقيري

واخيرا بعد طول انتظار
اجازة جماعية لميزانية and#1634;and#1632;and#1633;and#1634; - and#1634;and#1632;and#1633;and#1635;م
خلال اجتماع الجمعية العمومية الذي اقيم مساءالجمعة and#1632;and#1639;/and#1632;and#1634;/and#1634;and#1632;and#1633;and#1636;م
بالريان القديم ، منزل اخونا يكري.
-------------------------------------
وترشيح أعضاء اللجنة التنفيذية الجديدة
تمنياتنا لهم بالتوفيق في مهامهم

الحضور :-
بكري عبداللطيف
عوض السيد عبدالرحيم
ماهر عثمان
الفاضل جاه الرسول
حسين ابراهيم
حسين يس
الشفيع الجزولي
عثمان جاه الرسول
محمد خير محمد عثمان
احمد محمد خير
احمد عثمان
عبدالواحد فضيلي
عبدالله جاه الرسول
اشرف عبدالله
علي عثمان
عبدالله تاج السر
مصعب عثمان
علاء الدين ياسر
اسماعيل يس
الشاذلي للطيب
سيد عابدون
وليد ميرغني
اسامه ميرغني
عاطف عبدالفتاح
عوض جاه الرسول

Quote: Faisal Hamza · Dammam, Saudi Arabia التحية للأهل بدولة قطر و عقبال مائة عام من الترابط و التكاتف و المحبة و تحية خاصة لعمنا عثمان جاه الرسول و بقية الاخوان

كتر الله خيرك اخونا فيصل حمزة
وسيصل السلام باذن الله..

Quote: Umalhassan Bashir Mohamed · الأكثر تعليقا · Jefferson City, Missouri اخذت القبليه كل اشكال الشرزمه و الانقاسامات , و اصبح ابناء الوطن الواحد يتقوقعون في اشكال جديده من التعنصر . علي اساس القبيله , المنطقه , القريه , الحي و هذا و الله اكبر انواع القبليه التي انتشرت و تفاقمت ثقافتها بصوره تدعوا الي دق ناقوس الخطر. رد · أعجبني · متابعة المنشور · ‏23 يناير‏، الساعة ‏08:46 مساءً‏

ناس تقول عقبال مائة عام على الترابط والتكاتف والمحبة
واختنا العزيزة أم الحسن تحكي عن الشرزمة والانقسامات والتقوقع




سعدنا بمروركـ...