Post: #1
Title: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-12-2014, 03:52 PM
بعد ما عرفوا إنو حكاية السودانيين كسلانين دي ما جابت حاجة
كل ما تلاقي ليك مصري بتعرفوا يقول ليك
انت ليه السودانيين لما يجوا السعودية تاني ما برجعوا السودان ؟
وخصوصا لو كان في سعودي حاضر
الكلام دا يتكرر معاي من أكتر من مصري
|
Post: #2
Title: Re: اليومين ديل المصريين في السعودية قائمين ليهم في منتشة جديدة
Author: Mandingoo
Date: 01-12-2014, 04:18 PM
Parent: #1
إجابة بسيطة يا حمد:
لأن أسرة المغترب السوداني أسرة ممتدة وهو مسؤول عنها.. يعني مش عود رقبتو زيكم
|
Post: #3
Title: Re: اليومين ديل المصريين في السعودية قائمين ليهم في منتشة جديدة
Author: Abdelslam Malik Ali Elhag
Date: 01-12-2014, 04:19 PM
Parent: #1
اخونا حمد تحياتي العطرة
على طوووووووول تقول ليهو تحويلات المصرييين من السعودية بلغت 8 مليار دولار
وانت واقف قدام السعودي تقوم تضربها في 3.75 ريال تقول ليهو تحويل قروشكم برة السعودية يعمل حوالي 30 مليار ريال
السعودي حينطط عيونو على طول ويحسده على القروش دي
|
Post: #4
Title: Re: اليومين ديل المصريين في السعودية قائمين ليهم في منتشة جديدة
Author: Abureesh
Date: 01-12-2014, 05:02 PM
Parent: #3
| Quote: لأن أسرة المغترب السوداني أسرة ممتدة وهو مسؤول عنها.. يعني مش عود رقبتو زيكم |
هـذه إجابـة دفاعيـة لا يستحقونهـا..
واحد رباطابى يا جماعـة يؤلف لينا إجابـة...
|
Post: #5
Title: Re: اليومين ديل المصريين في السعودية قائمين ليهم في منتشة جديدة
Author: abubakr salih
Date: 01-12-2014, 05:12 PM
Parent: #4
يا حمد، قولوا ليهو نحنا بنحب الرسول، قاعدين فى السعودية محبة فى الرسول ما عشان القروش 
و بعداك خش ليهو على موضوع فضل الصلاة فى الحرم او مسجد الرسول
الصلاة الواحدة فى الحرم باجر الف صلاة
|
Post: #6
Title: Re: اليومين ديل المصريين في السعودية قائمين ليهم في منتشة جديدة
Author: Hassan Makkawi
Date: 01-12-2014, 05:24 PM
Parent: #5
الفحو.........كف
وذلك قبال مايتم كلامو
|
Post: #7
Title: Re: اليومين ديل المصريين في السعودية قائمين ليهم في منتشة جديدة
Author: abubakr salih
Date: 01-12-2014, 05:30 PM
Parent: #6
و الله يا حمد لو بقيت على فكرتي ممكن نطورها تطوير ظريف
تقول ليهو نحنا ما مهاجرين للمال، نحنا مهاجرين لله و رسوله
شوف فضل الصلوات فى الحرمين المكى و المدني.
العمرة ممكن للانسان يعمر متى ما احب
و ممكن يحج كل عام
دي الحاجات البتخلينا نفضل فى السعودية اطول فترة ممكن.
-----
بالمناسبة الاجابة دي حقيقة لبعض الناس. لدى احد اقاربي ليهو ما يقارب 25 عام او اكثر فى السعودية و ما داير يرجع منها لمثل هذه الاسباب.
|
Post: #8
Title: Re: اليومين ديل المصريين في السعودية قائمين ليهم في منتشة جديدة
Author: وضاح عبدالرحمن جابر
Date: 01-12-2014, 05:35 PM
Parent: #7
ما تدى اى واحد (فى مجال العمل او من جنسيات أخرى ) فرصة يتكلم معاك فى امور خاصة
.........
دى سياستى الانا ماشى بيها
|
Post: #9
Title: Re: اليومين ديل المصريين في السعودية قائمين ليهم في منتشة جديدة
Author: صلاح جادات
Date: 01-12-2014, 05:41 PM
Parent: #8
اعملوا حسابكم الايام دي في تحالف سعودي مصري علني وسري ضد الاخوان المسلمين
وحكومتكم مصنفة اخوان
|
Post: #17
Title: Re: اليومين ديل المصريين في السعودية قائمين ليهم في منتشة جديدة
Author: ست البنات
Date: 01-12-2014, 07:43 PM
Parent: #7
سلام للجميع ,
ممكن تقول ليهو نحنا من سكان حلايب الاصليين وانتو قلعتوها ,
ونحنا حالفين ما نرجع الآ نحررها !
ومرات بنقعد نساعد السعوديين في جرد الحاجات البتكونوا انتو سرقتوها قبال ما تمشوا الاجازة , زي الكحل وكدا !
ست البنات.
|
Post: #11
Title: Re: اليومين ديل المصريين في السعودية قائمين ليهم في منتشة جديدة
Author: محمد حمزة الحسين
Date: 01-12-2014, 05:44 PM
Parent: #6
Quote: انت ليه السودانيين لما يجوا السعودية تاني ما برجعوا السودان ؟
|
إلا هو صحيح يا حمد المغترب السوداني ما برجع لييييييييه !!!!؟ 
وكمان ليييييه ما بحولوا بالقنوات الرسمية عشان البلد تستفيد
كل مولد وانت بالف خير
:
:
:
:
:
:
:
مع التحيات لله الزاكيات
|
Post: #10
Title: Re: اليومين ديل المصريين في السعودية قائمين ليهم في منتشة جديدة
Author: عبدالله محمد أحمد
Date: 01-12-2014, 05:43 PM
Parent: #1
السعوديون يتبادلون فيما بينهم رسالة تقول بعض جزئياتها:
من المستحيل ان تجد بنغالي عفيف
من المستحيل ان تجد مصري صادق
يمكن الضرب على وتر الكذب عند المصريين، و من الكذب يمكن ان نصل الى عدم الامانة، ثم الى عدم الثقة بهم، ثم فقدان الامل فيهم على ائتمانهم على شئ.
|
Post: #12
Title: Re: اليومين ديل المصريين في السعودية قائمين ليهم في منتشة جديدة
Author: وضاح عبدالرحمن جابر
Date: 01-12-2014, 06:01 PM
Parent: #10
Quote: يمكن الضرب على وتر الكذب عند المصريين، و من الكذب يمكن ان نصل الى عدم الامانة، ثم الى عدم الثقة بهم، ثم فقدان الامل فيهم على ائتمانهم على شئ.
|
الضرب على الميت حرام ههههههههه
مسألة تبيان .. عيوب وسلبيات المصرييين .. ما عاوزة اى اجتهاد او تعب
قليل ان تجد سعودى يحترم مصرى ....
وقليل ان تجد مصري يستحق الاحترام
|
Post: #13
Title: Re: اليومين ديل المصريين في السعودية قائمين ليهم في منتشة جديدة
Author: علي عبدالوهاب عثمان
Date: 01-12-2014, 06:13 PM
Parent: #10
استاذنا حمد ..
السعوديين في دواخلهم أقرب ناس ليهم السودانيين ..
أنا كنت في قاعدة عسكرية شمال المملكة .. كان ممنوع دخول اي جنسية عربية غير السودانيين ثم الجنسيات الاسيوية ..
طبعاً خارج نطاق المدن .. خاصة اولاد قبائل او القبليين السوداني عنده معزة خاصة عندهم .. غير الحضر سكان المدن شوية مختلفين ..
يا حمد .. اخونا كده في الجمعية يوصي ولده يقول : ( احذر من المصري محل الشغل .. ماتتكلم عربي في وجوده .. تحدث بالانجليزية عشان ما يقرب منك خاص )
مع أن أخونا ده أمي لا يقرأ ولا يكتب .. صدقني جربت الحكاية دي لقيتها نافعة جداً وتثير مركب النقص لديه ..
تحياتي أخي حمد ..
|
Post: #14
Title: Re: اليومين ديل المصريين في السعودية قائمين ليهم في منتشة جديدة
Author: ادريس خليفة علم الهدي
Date: 01-12-2014, 06:41 PM
Parent: #13
سلام يا حمد
هو جايي قنصل ؟
|
Post: #15
Title: Re: اليومين ديل المصريين في السعودية قائمين ليهم في منتشة جديدة
Author: ناصر المحسى
Date: 01-12-2014, 06:52 PM
Parent: #14
Quote:
إلا هو صحيح يا حمد المغترب السوداني ما برجع لييييييييه !!!!؟
وكمان ليييييه ما بحولوا بالقنوات الرسمية عشان البلد تستفيد
كل مولد |
يعني انت عاوز المغترب يحول بنصف القيمة ما كافية بدفع للحكومة دمغة الشهيد والفضائية والزكاة والضرائب
خدمات وخدمات اخري ما عارف شنو يعني خدمات اخري
ما قدمت الحكومة بالمقابل للمغتربين
|
Post: #16
Title: Re: اليومين ديل المصريين في السعودية قائمين ليهم في منتشة جديدة
Author: Ahmed Elsadig
Date: 01-12-2014, 07:31 PM
Parent: #15
التحية لصاحب البوست الأخ حمد وضيوفه
Quote: .
السعوديين في دواخلهم أقرب ناس ليهم السودانيين ..
أنا كنت في قاعدة عسكرية شمال المملكة .. كان ممنوع دخول اي جنسية عربية غير السودانيين ثم الجنسيات الاسيوية .. |
الأخ علي تحية طيبة
إذا كنت تقصد KKMC أنا لا زلت بها و أفخر بسيرة جميع السودانيين التي ما زال السعوديين عسكريين ومدننيين يذكرها بالخير
والجميع مجمعون على أن هذه القاعدة العسكرية قامت على اعتاق السودانيين ، أما وجود المصريين فهو لا يزال ضئيل ولا يذكر
|
Post: #18
Title: Re: اليومين ديل المصريين في السعودية قائمين ليهم في منتشة جديدة
Author: Elawad Eltayeb
Date: 01-12-2014, 09:38 PM
Parent: #16
قول ليهو نحن هجرونا من بلدنا الإخوان المسلمين وهم شرار الناس وبالمناسبة دي حركة لو ما عارف نشأت وجات من بلدكم مصر. أسسها حسن البناء.
وكب ليهو نقة هنا لمن يآآمن
|
Post: #19
Title: Re: اليومين ديل المصريين في السعودية قائمين ليهم في منتشة جديدة
Author: عبداللطيف شريف على
Date: 01-12-2014, 09:48 PM
Parent: #18
| Quote: ما تدى اى واحد (فى مجال العمل او من جنسيات أخرى ) فرصة يتكلم معاك فى امور خاصة |
وخصوصا المصريين ..
ونصيحه لوجه الله سلام ما تديه ليهو.......
وهم بيخافوا من الصامتين جدا فكن صامتا معهم ...
|
Post: #20
Title: Re: اليومين ديل المصريين في السعودية قائمين ليهم في منتشة جديدة
Author: garjah
Date: 01-12-2014, 10:10 PM
Parent: #19
يا حمد اخوي
واحد من عيال بمبة مسافر نهائي
قال لي تعال بص على الهدايا بتاعتي
تخيل والدتو الجابتو للدنيا شايل ليها قطعة قماش وااااااحدة
رفعها قدام عيني وقال لي انما مفتخرة
|
Post: #21
Title: Re: اليومين ديل المصريين في السعودية قائمين ليهم في منتشة جديدة
Author: شمس الدين التوم
Date: 01-12-2014, 10:12 PM
Parent: #19
قول ليه نحن بنعيش علي الراتب مش بلم قروشنا من التعرصه والسرقه
عشان كده بنطول
|
Post: #22
Title: Re: اليومين ديل المصريين في السعودية قائمين ليهم في منتشة جديدة
Author: شمس الدين التوم
Date: 01-12-2014, 10:12 PM
Parent: #19
قول ليه نحن بنعيش علي الراتب مش بلم قروشنا من التعرصه والسرقه
عشان كده بنطول
|
Post: #23
Title: Re: اليومين ديل المصريين في السعودية قائمين ليهم في منتشة جديدة
Author: ملهم كردفان
Date: 01-13-2014, 01:08 AM
Parent: #22
قول ليهو يا
حمد عبد الغفار عمر
ما انتو برضو عندكو 3مليون مصرى فى السودان
من أقباط
وصعايده
وغيرو فى السودان
من أيام محمد على
مارجعوش
حد قال لهم كلام وحش زى كلامك ده ياراجل ياطيب ,,,,,,,...
قوللى انت أيه حشرك يابنى ماتحليك فى حالك يابا
معاها نظره جاده وعين حمره
احترامى
|
Post: #24
Title: Re: اليومين ديل المصريين في السعودية قائمين ليهم في منتشة جديدة
Author: يحي قباني
Date: 01-13-2014, 01:52 AM
Parent: #23
Quote: قول ليهو يا
حمد عبد الغفار عمر
ما انتو برضو عندكو 3مليون مصرى فى السودان
من أقباط
وصعايده
وغيرو فى السودان
من أيام محمد على
مارجعوش
حد قال لهم كلام وحش زى كلامك ده ياراجل ياطيب ,,,,,,,...
قوللى انت أيه حشرك يابنى ماتحليك فى حالك يابا |
تحياتي يا حمد ...
_________
3 مليون مصري و صعيدي و غيرو من ايام محمد علي كيف يا ملهم يا رجل يا طيب !!
يا اخي الكلام ده ما بشبهك والله ...
بعدين يا خي انت مش قاعد في الاسكندريه ؟
في زول قال ليك قاعد من متين و بتعمل شنو ؟
و السودان ده بس ال 3 مليون مصري القاعدين من زمن محمد علي ؟
ملهم يا صديقي ... دي جلت منك معليش ...
البوست عن تصرفات مصريين غير مقبوله في السعوديه
دخل ال 3 مليون ديل شنو ؟
|
Post: #25
Title: Re: اليومين ديل المصريين في السعودية قائمين ليهم في منتشة جديدة
Author: adil amin
Date: 01-13-2014, 02:35 AM
Parent: #24
| Quote: اليومين ديل المصريين في السعودية قائمين ليهم في منتشة جديدة |
تقول ليه لانكم صدرتو لينا بضاعتكم المعفنة بتاعة خان الخليلي -القوميين والاخوان المسلمين ودمرت السودان وكل الدول العربية غير الملكية... وتقول ليه انت مفروض تسكت يا مدعي..وكده السعودي الجنبك بتذكر اذاعة "سوط "العرب والصراع بين القومية والملكية المدمر زمان وعمك بخاف بجري طوالي....وقول ليه في سعوديين قاعدين عندنا في السودان كمان قبائل الرشايدة وده تبادل مصالح...
ونحن خلينا بضاعتنا الجيدة الخلونا عليها الانجليز...والسيد عبدالرحمن المهدي القال ليهم انا براهن على السايس مش على الحصان...
ونحن راهنا على الحصان وموارد السودان المهولة اضحت في قبضة حثالة سياسية في المركز مزمنة جاءت مع هذه الايدولجيات المصرية وصلتنا الى الغربة المزمنة...
|
Post: #26
Title: Re: اليومين ديل المصريين في السعودية قائمين ليهم في منتشة جديدة
Author: نادر الفضلى
Date: 01-13-2014, 02:39 AM
Parent: #24
الأخ ملهم كردفانى بى جرة قلم سحب جنسية 3 مليون سودانى من أقباط وغيرهم، .. كما قال يحيى .. لا تشبهه
وحتى لموضوع الرد على المصرى، إجابته المقترحة فى مصلحة ما يرمى إليه المصرى من سؤاله للسودانى أمام السعودى
فالسؤال يخوف السعوديين من إحتمالات الإقامة الدائمة للسودانيين بالسعودية، وهم بطبيعة ثفافتهم وقبليتهم لا يقبلون مواطنيين
جدد.. لا يهم السعوديين إن كان فى ناس دخلوا وإستوطنوا بالسودان وأعدداهم، بل المثال يجعلهم يخشون من تكراره بالسعودية؟
بعض الإجابات المقترحة الأخرى التى تقر بطول مقام السودانيين وإن تعددت أسبابها فإن أوحت بإستدامة الأقامة ستنصب
لصالح ما يرمى إليه المصرى.
من حانب آخر الإشكالية تأتى أساسأً من السودايين أنفسهم، فهم الذين يتحدثون ويتفكهون فى مجالسهم وأمام المصرين وغيرهم بأنهم
لا يرجعون، وتنقص رواتبهم لا يرجعون بسبب الظروف الإقتصادية الصعبة بالسودان ومسؤولية رعاية العائلة الممتدة
وحتى أسعار الجنية مقارنة بالريال والدولار يتحدثون عنها .. ويستغلها السعوديون فى عروض رواتب منخفضة للسودانيين.
أذكر أننى إستقلت من عملى بالسعودية بالإتصالات السعودية وكانوا فى أشد الحوجة لى، وقد حاول بعض السعوديين الأفاضل
إثنائى عن الإستقالة فكان منطقهم لإقناعى مقارنة قيم الريال والجنيه وإنخفاض الرواتب بالسودان!
|
Post: #27
Title: Re: اليومين ديل المصريين في السعودية قائمين ليهم في منتشة جديدة
Author: عمار يس النور
Date: 01-13-2014, 03:06 AM
Parent: #26
رد عليه بالتالي:
ليه الخليجيون يسمون الحمار* بـ "المصري" رغم أن المصريين هم من اوائل المعلمين و الأساتذة في بلادهم؟
*الحمار يسمى بالمصري في كثير من بلاد الخليج.
|
Post: #28
Title: Re: اليومين ديل المصريين في السعودية قائمين ليهم في منتشة جديدة
Author: Hani Arabi Mohamed
Date: 01-13-2014, 03:10 AM
Parent: #26
الصَمْت أجدى.
|
Post: #29
Title: Re: اليومين ديل المصريين في السعودية قائمين ليهم في منتشة جديدة
Author: ملهم كردفان
Date: 01-13-2014, 03:38 AM
Parent: #28
لا ياقبانى ولا يانادر الفضلى ...
القصد والنيه نحن شعب مابيرفض اى زول ولا بيجرح شعور اى زول
ولابيقول لى زول انت قاعد معانا مالك
يعنى برضو يامصرى نحنا ماعندنا التبجح بتاعك والتصرف الماحلو ده
ياقبانى انا هنا فى اسكندريه دى بتعامل مع كتير من الاصناف دى بى فهم
انو نحنا عندنا مصريين فى السودان لكننا لانجرح إحساس الى واحد منهم
بس
احترامى
|
Post: #30
Title: Re: اليومين ديل المصريين في السعودية قائمين ليهم في منتشة جديدة
Author: يحي قباني
Date: 01-13-2014, 03:46 AM
Parent: #29
Quote: انو نحنا عندنا مصريين فى السودان لكننا لانجرح إحساس الى واحد منهم
|
عندنا مصريين في السودان يا ملهم
غير 3 مليون مصري من زمن محمد علي
عموما طالما النيه سليمه ده الأهم لأننا بنقدرك جداً
|
Post: #32
Title: Re: اليومين ديل المصريين في السعودية قائمين ليهم في منتشة جديدة
Author: ملهم كردفان
Date: 01-13-2014, 04:01 AM
Parent: #30
Quote: عندنا مصريين في السودان يا ملهم
غير 3 مليون مصري من زمن محمد علي
عموما طالما النيه سليمه ده الأهم لأننا بنقدرك جداً |
القصد والنيه ياقبانى انو لو فى السودان او فى مصر
او فى اى حته انت لازم تدافع عن كيانك بالصوره المطلوبه
عشان الحته دى
من يهن يسهل الهوان عليه مالجرح بميت إيلام
....
وياخى كتر خير البوست ده وصاحب البوست
وكتر خيرك ياقبانى و التقدير متبادل ياخى
احترامى
|
Post: #31
Title: Re: اليومين ديل المصريين في السعودية قائمين ليهم في منتشة جديدة
Author: ملهم كردفان
Date: 01-13-2014, 03:53 AM
Parent: #29
Quote: بعدين يا خي انت مش قاعد في الاسكندريه ؟
في زول قال ليك قاعد من متين و بتعمل شنو ؟ |
ياااااااااااه ياقبانى ومعاها قلة ادب كمان
..من كم يوم وانا ماشى على بتاع الفول ..اسمع ليك شاب يعتبر انا مربيهو لأنو كان شغال مع بتاع الفول من هو بى ريالتو
اسمعو بيقول ......ك...السودان على ...السودانيين ...!!! لا.....وبيشاور علي ...
تفتكر ردى كان شنو ؟؟؟
قلت ليهو والله نحنا عندنا مصريين فى السودان
وانا شخصا عايش معاكم شفتنى يوم واحد قليت ادبى عليك او على اى واحد هنا اوشتمت مصر؟؟؟
حاول يفرفر جاى جاى مالقى طريقه ...
المهم من يوم جام تانى ماشفتو مع بتاع الفول لحدى اللحظه دى
نحنا ناش دبلوماسيه شعبيه ومنطق مامحتاجين لى انحطاط او اسلوب انهزامى فى مخاطبة المصريين ياقبانى
....
واحد مره شتمنى بطريقه غير مباشره سااااى كده ماعارف ان كان مسطول والا واعى ..
السودانيين اولاد اللب...ه الجعانين ال ال ال قاعدين عندنا هنا بيعملو ايه ؟؟؟
....
طوالى مشيت عليهو
وكلمتو بالإسلوب البيضيف لى كسودانى ....
لانو انا عارف كويس جدا جدا انو الحماقه مابتحل مشكله
احترامى
|
Post: #33
Title: Re: اليومين ديل المصريين في السعودية قائمين ليهم في منتشة جديدة
Author: يحي قباني
Date: 01-13-2014, 04:13 AM
Parent: #31
خيرا فعلت يا زول ...
ابلغ رد علي قلة الأدب انك تفحم القائل بي أدبك
قلة الأدب ساهله يا ملهم ... الصعب انو القالي أدبو يعرف كم انت كبير
|
Post: #34
Title: Re: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-13-2014, 06:24 AM
Parent: #33
تحياتي يا شباب
ماندينغو :
أنا قاعد أقول كلام قريب من دا بقول ليهم نحن ناس كرم وضيافات مش زيكم الواحد يجيب ليهو كيلو جبنة قديمة يقعد يقرص فيها 6 شهور
عبد السلام مالك
ياخ ديل زي النمل تعرف مرة معانا واحد قال ماشي نهائي لما مشى مصر اتنشل زي 5 الف ريال هل تصدق جاء راجع عشان يكملهم من السعودية ومن الضمن جاب معاه صورة البلاغ في الجريدة عشان يقنعنا
ابو الريش
صحيح مفروض نرسل لينا فيز لي 1000 رباطابي ونفكهم هنا
|
Post: #35
Title: Re: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-13-2014, 06:45 AM
Parent: #34
يا أبو بكر صالح
حنك المجاورة دا ممكن ما يأكل معاهم لأنهم في الحاجات دي خطيرين الواحد فيهم شهرين بس بحك جبهتو وبفك دقنو لحدي بطنو وتشوفو تقول الإمام أحمد بن حنبل
وصراحة أي زول بجي السعودية دي زول ريال مدريد السعوديين عارفين الكلام دا وعارفين بلدهم دي غير الريال دا مافي زول بقعد فيها يوم
حسن مكاوي يا خطير
تلفحو كف حيخسرك ألفين ريال لأنو على طول حيقوم جاري الشرطة وما بعيد في الشارع يجرح نفسو عشان يطلع دم ويورطك زيادة بس الكف دا علاج ناجع ومجرب معاهم
وضاح جابر
سياستك دي ممتازة لكن أنت عارف الناس ديل فيهم واحدين زي السلسيون بكلكلك كدا لحدي ما تتكلم وخصوصا لو قاعد معاك في وشك وبعدين مداخلهم كتيرة للكلام منتجين بتوع سينما ديل ياخ
يا جادات السعوديين عارفين إنو الجموع الأخيرة للمصريين دي حتكون أغلبها أخوان فارين من المطاردة في مصر لذلك خاتينهم في كماشة ومراقبة لصيقة
ست البنات لحدهن
| Quote: ومرات بنقعد نساعد السعوديين في جرد الحاجات البتكونوا انتو سرقتوها قبال ما تمشوا الاجازة , زي الكحل وكدا ! |
ودا الكلام القلتو أن لآخر واحد زهجني قدام سعودي والسعودي غطى وشو بالغترة وأداها ضحكة كدا بالجنبة
|
Post: #36
Title: Re: اليومين ديل المصريين في السعودية قائمين ليهم في منتشة جديدة
Author: ولياب
Date: 01-13-2014, 06:46 AM
Parent: #34
يا حمد
سلام
بالله أسألهم من ثقافة (الاستحمام) ونظافة الأسنان
ليه معظمهم ما بيعرف طريق الحمام ( فقط يعرفون ،،، أشطف) ولا يعرفون الفرشاة والمعجون ( إلا من رحم ربي) .
=====================================================================
نحن شعب نضحى من أجل أهلنا ، فأما أنتم نفســــــــــــــــــــــــــــــــــي وبعدي الطوفان .
|
Post: #37
Title: Re: اليومين ديل المصريين في السعودية قائمين ليهم في منتشة جديدة
Author: محمد أبوالعزائم أبوالريش
Date: 01-13-2014, 07:25 AM
Parent: #36
سلام لصاحب البوست ولكل الناس البقولوا: تقول ليهو ... وتقول ليهو .... وتقول ليهو.
يا ناس إنتو جادّين؟
حكاية تقول ليهو دي فيها إفتراض إنك بتخاطب واحد حيفهم.
شوفوا حاجة أبلغ.
|
Post: #38
Title: Re: اليومين ديل المصريين في السعودية قائمين ليهم في منتشة جديدة
Author: Mirghani Taitawi
Date: 01-13-2014, 07:31 AM
Parent: #36
| Quote: انت ليه السودانيين لما يجوا السعودية تاني ما برجعوا السودان ؟ |
نعم الواحد ما بيقبل كلام زي دا خاصةً من المصريين.. وعلاجة خير وسيلة للدفاع الهجوم تاني ما بيقول بُغم.
كمان السوداني يمكن الوحيد الـ بيغترب بدون هدف (الغالبية العظمي).. الواحد يجئ وهاك يا قعدة فى بلداً ما بلدو.. معتمدين
على رواتبم ومع دا الواحد فيهم ساكن ليهو شقة 20 × 20م آخر فرش وكماليات... إلخ للأسف
فشخرة ساكت وينسي إنو ضيف غداً راحل .. حتى الوضعهم ما بيسمح تلاقهم نفس الشئ .. ولما تجئ الظروف عند الباب
وتقول العودة يلتفت يمين وشمال وأخوكم عنوان رئيسي للحاصل دا ويطلع بي قادي أيد ورا وأيد قدام.
فى حين المصري و الكثير من الجنسيات التانية بيجوا وعندهم هدف يحققوه ويرجعوا ( شقة + سيارة + شوية
كاش فى البنك) وبلدو عدل.
|
Post: #39
Title: Re: اليومين ديل المصريين في السعودية قائمين ليهم في منتشة جديدة
Author: A.Razek Althalib
Date: 01-13-2014, 07:41 AM
Parent: #38
Quote: انت ليه السودانيين لما يجوا السعودية تاني ما برجعوا السودان ؟
|
الحقيقة مرة..
طوالي تقول ليهو حلايب سودانية: [والضيف ما بيحب الضيف يا حاسد.. ]
|
Post: #40
Title: Re: اليومين ديل المصريين في السعودية قائمين ليهم في منتشة جديدة
Author: Mohd Ibrahim
Date: 01-13-2014, 07:43 AM
Parent: #38
السبب واضح الخدمات و المداراس البنوك والبنزين والكهرباء والموية بالاضافة الي حليب المراعي بنكهة الفراولاااااااااااا!!!
في السودان مااقدر اوفر الحاجات دي بسهولة كان لي ولا لااسرتي عشان كدا قاعد لعند ما يبقي عندي بلد!!!!! مش دا الصاح ...لييية اللف والدوران
انتو قايلييين المصريييين ماعارفين الكلام دا....
|
Post: #41
Title: Re: اليومين ديل المصريين في السعودية قائمين ليهم في منتشة جديدة
Author: nazar hussien
Date: 01-13-2014, 07:47 AM
Parent: #38
طوالي تقول ليه ...حارسنها من الحرامية اللي زيك....
يوم ما آخر لص فيكم يطلع...السودانيين برجعوا
|
Post: #42
Title: Re: اليومين ديل المصريين في السعودية قائمين ليهم في منتشة جديدة
Author: فتح العليم محمد أبوالقاسم
Date: 01-13-2014, 08:07 AM
Parent: #1
سلام ياحمد
احكى لك ان قبل فترة كنت في اجتماع مجلس إدارة مع شركة سعودية وجميع الحضور سعوديين ماعدا شخصى الضعيف واثناء الاجتماع غاظنى احدهم بذكر ما ذكره الاخوة المصريين ، ورغم مرارة ما ذكره ولكنها الحقيقة المرة .
اننا اجبرناعلى ترك ديارنا ونستاهل ما يحدث لنا ولكن أن تاتى المعاكسة ممن يشبهبون في الحال اعتقد انها كتيرة شوية .
حاول اقنع مرتك بالسفر نهائى تكون اتخصلت من تلك المعاكسات وارتحت خالص ياحبيب .
من ناحيةاخرى أويد كلام احد الزملاء بإننا نعول اسرة ممتدة كبيرة .
احترامي
|
Post: #43
Title: Re: اليومين ديل المصريين في السعودية قائمين ليهم في منتشة جديدة
Author: علي عبدالوهاب عثمان
Date: 01-13-2014, 09:06 AM
Parent: #42
بعد الاذن اخي حمد ..
جزاك الله خيراً .. هذا جعلني اتعرف بالاخوان ..
Quote: لأخ علي تحية طيبة
إذا كنت تقصد KKMC أنا لا زلت بها و أفخر بسيرة جميع السودانيين التي ما زال السعوديين عسكريين ومدننيين يذكرها بالخير
والجميع مجمعون على أن هذه القاعدة العسكرية قامت على اعتاق السودانيين ، أما وجود المصريين فهو لا يزال ضئيل ولا يذكر |
نعم أخي صادق كنت هناك منذ عام 1982م مع سلاح المهندسين الامريكي ووزارة الدفاع ..
القاعدة العسكرية قامت بخبرات سودانية 100% هنالك من خطط لابراج المراقبة حول المدينة وتوزيع المواقع ... الخ
كان في عسكريين متقاعدين على مستوى عالي من الخبرة عندهم كورسات ( امريكية + روسية او تشيكية ) ..
كنت ساكن في دي سي كمباوند ( DC ) منطقة الــ 200 فيلا ..
شكراً أخي ولك التحية .. جوالي في البروفايل
|
Post: #44
Title: Re: اليومين ديل المصريين في السعودية قائمين ليهم في منتشة جديدة
Author: alsngaq
Date: 01-13-2014, 09:36 AM
Parent: #43
طوالي كده فى دفاع مستمر طوالي
لمتين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الصبر يارب
السنجك
|
Post: #45
Title: Re: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-13-2014, 05:10 PM
Parent: #44
تحياتي
محمد حمزة الحسين
ياخ ناس كتيرين رجعوا واستقروا في السودان أو توجهوا لجهات أخرى غير الخليج عامة
بعدين المصريين نفسهم بنطبق عليهم الكلام دا أنا من جيت السعودية دي في مصريين لقيتهم ليهم أكثر من 15 سنة ولسة قاعدين زي ماهم وكتيرين كمان
أما التحويل عبر القنوات الرسمية ما بنحول ياخ موش على كيفنا ؟
عبد الله محمد أحمد
| Quote: من المستحيل ان تجد مصري صادق |
فعلا أمس القريبة دي لقيت ليك سعودي مزرزر مصري ناداني وقال لي عليك الله يا حمد عمرك شفت ليك مصري صادق ؟ قلت ليه شوية قال لي دا أكثر شعب منافق وقدام المصري ولا قال بغم
علي عبد الوهاب
ياخ مالك صعبتها باولاد القبائل دي نحن عايزين توحد سوداني في مواجهة الهجمة دي وأقرأ رسالة فتح العليم التحت حتعرف
| Quote: ( احذر من المصري محل الشغل .. ماتتكلم عربي في وجوده .. تحدث بالانجليزية عشان ما يقرب منك خاص ) |
فيهم واحدين بعرفوا إنجليزي ولو لقط ليهو طرف كلمة عارف معناها بتلقة ركب معاك في الخط
|
Post: #46
Title: Re: اليومين ديل المصريين في السعودية قائمين ليهم في منتشة جديدة
Author: عبدالمنعم الطيب حسن
Date: 01-13-2014, 08:25 PM
Parent: #45
* هذا بوست ملغوم، وتنفيس في حيطة قصيرة وخلق عدو وهمي امكن عشان نغطي على بعض
العقبات والصعوبات التي تواجهنا جميعا كمهاجرين؛
* ليس المصريين اعدءا للشعب السوداني لهذا الحد، وليس هنالك اصدقاء يحبوننا لذاك الحد، ولكنهم ونحن وكل الشعوب برزخ بين هذا الامر وذاك؛
* السوداني ما زال امينا وصداقا ومخلصا ولكن ليست البقية والمصريين خصوصا حرامية وكذابيين وبياعين،
* السوداني مرجعيته ،وظيفة يوديها باخلاص وتفاني وفق عقد ملزما وواضحا، اي اخفاقات تواجهنا ينبغي ان نشوفا جاية من وين، ولا نطعن الضل...
* هذا البوست ملغوم لان هنالك الاف السودانيين والمصريين يعملون في مكاتب مشتركة من سنين، ولا بينهم سوى زمالة العمل ، واحترام متبادل...
* ويظل المصريين اقرب شعبا لنا، يشاركهم في ذلك الاثيوبيين والارتريين، ولكن وجهتنا للاطلاق نحو العالم، القاهرة وليست اديس ابابا
* لماذا نتعامل بحساسية تجاه كل ما هو مصري، مع ان المصريين ديل زيهم زي اي شعب ، وهم عموما قوم طيبون...
* الشعب المصري جميل والعشرة مياه النيل،
* مصر اخت بلادي وشقيقة؛
|
Post: #47
Title: Re: اليومين ديل المصريين في السعودية قائمين ليهم في منتشة جديدة
Author: مهدي صلاح
Date: 01-14-2014, 07:23 AM
Parent: #46
| Quote: ولكنها الحقيقة المرة |
Quote: السبب واضح الخدمات و المداراس البنوك والبنزين والكهرباء والموية بالاضافة الي حليب المراعي بنكهة الفراولاااااااااااا!!!
في السودان مااقدر اوفر الحاجات دي بسهولة كان لي ولا لااسرتي عشان كدا قاعد لعند ما يبقي عندي بلد!!!!! مش دا الصاح ...لييية اللف والدوران
|
صباح الخير
اتفق مع ما جاء في الاقتباسين اعلاه وللاسف هي دي الحقيقة
السوداني في السعودية ومع الانهيار المتواصل للاوضاع في السودان بقى عايز ينتشل اي واحد يعز عليهو من جحيم السودان والانكى ان الشعب الفضل يعاني ويموت في صمت ، المصريات مرة طلعوا مظاهرة بالحلل والكمش والهتاف: يامراة مرسي يتطبخي ايه كيلو القوطة بعشرة جنيه والمقطع موجود في النت ، حقو مظاهرة زي دي تكون هي الوِرد اليومي للنساء في السودان ...أقلها ينفّسوا عن الكبت والضيق العايشينو بدل ما ينتظروا واحد زي حسين خوجلي ويقوم بدور التنفيس في (ساعة ونص مع حسين)
الوضع اصبح جحيم حقيقي في السودان لدرجة ان مقولة زي (الناس تمتفي بأكل الكسرة) بقت مستفزة وتعادل عبارة ماري انطوانيت المشهورة
اما بالنسبة للمصري ومنتشتو يا اخ حمد رد عليهو رد يتضمن ما يرمى به المصريون عن بكرة ابيهم من نفاق وعدم امانة
|
Post: #48
Title: Re: اليومين ديل المصريين في السعودية قائمين ليهم في منتشة جديدة
Author: بدرالدين بابكر مصطفى
Date: 01-14-2014, 07:31 AM
Parent: #45
دايرين نجاور
|
Post: #49
Title: Re: اليومين ديل المصريين في السعودية قائمين ليهم في منتشة جديدة
Author: almulaomar
Date: 01-14-2014, 08:33 AM
Parent: #45
بعض السودانيين لا يعرفون تقييم أنفسهم وبخاصة في مجالات العمل فالسوداني وهو يتأبط أعلىى الدرجات العلمية تلقاهو مضبلن زيو وزي سوسيو ضارباهو المطره ، ما بالضرورة يتنفش في الفاضي لغاية ما يطرشق ، لكين على أقل تقدير يتنفش موازياً لدرجته العلمية. والأمر كذلك بتلقى التقييم لكثير من السودانيين ضعيف شديد من قبل أصحاب العمل ، عطفاً على الإنطباع الأول.
الجانب الأهم في الموضوع نسوان بعض الرجال اللاتي يرفضن العودة للبلاد فالرجل كان ذات مرة عايش في بحبوحه مستوطن في دولة لا تعترف بطول مدة الإقامة فالكل في نظر القانون أجنبي طالت مدته أم قصرت حصل على مؤهل علمي عالي أو حتى بدون ، وفجأة هبت رياح التغيير وتخطاه الواقع فأصبح غير منتج كسابق عهده وبقيت المصاريف ثابته إن لم تكن في إزدياد وبصورة غير مباشرة ربما أصبحت السيدة الفاضلة تعين الدهر على زوجها بدلاً من أن تعينه على الدهر.
التخطيط غير موجود والأهداف هلامية ، والجرءة في أن تضع حداً للغربة هناك والفرار لأحد الأمصار الأخرى غير متوفرة فالحمل ثقيل مع المغترب وفي الوطن وبالتالي يصعب عليه التضحية إلى أن تتم التضحية به.
المغتربين في سوادهم الأعظم يستكينون ولا يتحورون أو يتطورون لمواكبة سرعة إيقاع العصر وبالضرورة تأتي اللحظة التي يصبحون فيها خارج الطريق في أمصار أصبحت فيها الأيدي العاملة أكثر من الطلب.
مشكلة الضرائب وتذاكر السفر والهدايا والإلتزامات الأخرى كلها تثقل كاهل المغترب الذي أصبح يقاتل ويحارب طواحين الهواء وهو أعزل. ومن مشكلنا أننا بصورة أو أخرى علمنا من نعولهم أن يستمروا ويستمرأو الإعالة ولا يتطلعوا في يوم من الأيام أن يصبحوا منتجين لسد حاجاتهم على أقل تقدير.
حسابياً فإن أي رحلة مغترب للوطن تكلف الكثير وتبقى آثارها لفترات طويلة عدا عن أن من يعول أسرة صغيرة يمكنه أن يدعوها لزيارته في مهجره وتكون التكلفة المالية أقل في حالة سفره هو إلى بلاد لن يكون فيها إستقرار في الأجل القريب.
|
Post: #50
Title: Re: اليومين ديل المصريين في السعودية قائمين ليهم في منتشة جديدة
Author: عصام الدين نصر ابراهيم
Date: 01-14-2014, 09:17 AM
Parent: #45
علي طول قوليه صباع المعجون يكم
أنت تستخسر ما تدفع في نظافة نفسك وكل يوم عامل زحمة بالمستشفيات مأخذ بطاقة التامين وجاري للعلاج المجاني وتأكل حبة واحدة من جبنه المثلثات بكيس مفرود بريال
|
Post: #51
Title: Re: اليومين ديل المصريين في السعودية قائمين ليهم في منتشة جديدة
Author: عبدالمنعم الطيب حسن
Date: 01-15-2014, 05:32 AM
Parent: #50
غايتو دا كلام مجاني جدا ومجافي للحقيقة والواقع، هنالك فهم عام عند السودانيين انهم صريفين جدا، وخاصة في الاكل والمصريين ديل بياكلوا عيش حاف،
هؤلاء المصريين في اغترابنا واغترابهم الذي طال، يغشون اغلى مطاعم الرياض، ولا يبخلون على انفسهم لا في الاكل ولا في الملبس، هم اهل الاناقة والماتشنق،
قالوا اخوك اكان ما بتريدوا خاف فيهو الله،
|
Post: #52
Title: Re: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-16-2014, 09:51 AM
Parent: #51
مرحب يا شباب
زنقة + وعكة
الناظر علم الهدى
قنصل شنو كلهم رمتالة أقل واحد فيهم ليهو عشرة سنوات
ناصر المحسي
| Quote: ما قدمت الحكومة بالمقابل للمغتربين |
نثينق
أحمد الصادق
ياخ السعوديين بيأمنوا السودانيين حتى على عيالهم في كتير من المواقف خليك من الأعمال والمصريين محتاجين ليهم فقط لكن ثقة ما عندهم أبدا
العوض الطيب
هم نفسهم الناس الوصلوا أو حيوصلوا منهم حيكونوا أخوان بسبب ما يحدث في مصر ياخ هم شافوا نفسهم بقوا كتيرين لمن غلط عايزين ينضفوا السودانيين
عبد اللطيف شريف
| Quote: وهم بيخافوا من الصامتين جدا فكن صامتا معهم . |
فعلا بيخافوا لكن ما بخلوك صامت لازم يجوك بحتة ضعف عشان الكلام معاك
يتبع
|
Post: #53
Title: Re: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-16-2014, 10:36 AM
Parent: #52
مرحب قرجة
هو ممكن يصرف على نفسو لكن على ناس تانيين مستحيل حتى أقرب الناس وبعدين كل صرف محسوب جدا يعني انت بتشوف المصري (في بندة مثلا ) دافر قدامو عربية فل بس تاني شهر ما بتشوفوا فيها
نحن كل يوم لوما عربية نص عربية او بالعدم ربع عربية
شمس الدين التوم
ياخ أنا ما بقدر أزعل قدر زعلك دا لكن في الحقيقة كتيرين منهم (ما كلهم) بلهطوا "في مؤخرة كل عملية بيع أو شراء" مبلغ محترم
مرحب ملهم كردفان
Quote: قوللى انت أيه حشرك يابنى ماتحليك فى حالك يابا
معاها نظره جاده وعين حمره |
المشكلة إنو مرات بيكون واحد بتعرفوا لمدة طويلة وبقت بينكم علاقة ما فحتى لو حمرت عينك حيمشيها ليك بنكتة ويمتص غضبك ديل ملاعين ياخ وبدسوا السم في الدسم
يحيى القباني
شكرا للتصويب ياخ مصريين السودان ديل مننا وفينا
|
Post: #54
Title: Re: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-16-2014, 07:13 PM
Parent: #53
ولياب
| Quote: بالله أسألهم من ثقافة (الاستحمام) ونظافة الأسنان |
ما عندهمش يا ولياب
أبو الريش
Quote: يا ناس إنتو جادّين؟
حكاية تقول ليهو دي فيها إفتراض إنك بتخاطب واحد حيفهم.
شوفوا حاجة أبلغ. |
يفهموا شنو ياخ ديل أكبر شعب قطيع معمول ليهوغسيل مخ وللآن بيفتكروا إنو السودان جزء من مصر وفي بالهم الاستعمار التركي والإنجليزي ليهم ولي السودان
ميرغني تيتاوي
Quote: نعم الواحد ما بيقبل كلام زي دا خاصةً من المصريين.. وعلاجة خير وسيلة للدفاع الهجوم تاني ما بيقول بُغم.
كمان السوداني يمكن الوحيد الـ بيغترب بدون هدف (الغالبية العظمي).. الواحد يجئ وهاك يا قعدة فى بلداً ما بلدو.. معتمدين
على رواتبم ومع دا الواحد فيهم ساكن ليهو شقة 20 × 20م آخر فرش وكماليات... إلخ للأسف |
ياخ واقعنا دا أبد زي ما قلت إنت ما مفروض يكون سلم عشان نتشتم بيهو وبعدين الناس تعمل شنو يا ميرغني ياخ ما أعتقد إنو في زول قاعد يعمل خوارق الغالبية العظمة يا دوب بستروا في حالهم لو هنا لو في السودان
مافي فشخرة بقولوا عليها كدا ياهو الناس بتأكل في الكسرة والقراريص والعصيدة مع شوية تحسينات كل حسب قدرته
عبد الرازق الطالب
| Quote: طوالي تقول ليهو حلايب سودانية: [والضيف ما بيحب الضيف يا حاسد.. ] |
ياخ مثلك دا أول مرة أسمع بيهو لكن شكلو مثل عثل بس
صاح الواحد مرات لما يكون قاعد مع ناس ويقولوا في زول جاي بضايق حبة
|
Post: #55
Title: Re: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-18-2014, 11:24 AM
Parent: #54
مراحب
محمد إبراهيم
Quote: السبب واضح الخدمات و المداراس البنوك والبنزين والكهرباء والموية بالاضافة الي حليب المراعي بنكهة الفراولاااااااااااا!!!
في السودان مااقدر اوفر الحاجات دي بسهولة كان لي ولا لااسرتي عشان كدا قاعد لعند ما يبقي عندي بلد!!!!! مش دا الصاح ...لييية اللف والدوران |
صاح الصاح بس هم عندهم نفس المشكلة ليه نخليهم يفلتوا منها ويظهروا بمظهر الجايين سياحة أو جايين يطوروا السعودية ؟ وطبعا ما بفوت عليك مرض الغرض لديهم
يا نزار حسين
قاعدين نقول ليهم الكلام دا كلو ما يزهجونا لكن هم باردين أو مقتنعين إنو السلوك دا سليم
| Quote: احكى لك ان قبل فترة كنت في اجتماع مجلس إدارة مع شركة سعودية وجميع الحضور سعوديين ماعدا شخصى الضعيف واثناء الاجتماع غاظنى احدهم بذكر ما ذكره الاخوة المصريين |
أها يا فتح العليم دا البخوف ، هل تفتكر السعودي دا قال الكلام دا من رأسو ؟ أكيد من استطلاعات رأي الأجانب ومن المؤكد قاعد يتواصل مع مصريين وقالوا الكلام دا قدامو والسعوديين بالمناسبة سريعي المقارنة وبيأخدوا الكلام دائما محمل الجد
يا السنجك
Quote: طوالي كده فى دفاع مستمر طوالي
لمتين |
نحن شعب احيانا بنتعامل بغفلة وما بندي الأشياء خطورتها الواجبة وناسيين تماما إنو الإعلام هو واحد من محركات العالم
|
Post: #56
Title: Re: اليومين ديل المصريين في السعودية قائمين ليهم في منتشة جديدة
Author: حمد عبد الغفار عمر
Date: 01-20-2014, 11:29 AM
Parent: #55
سلام من جديد
يا عبد المنعم الطيب حسن
| Quote: هذا البوست ملغوم لان هنالك الاف السودانيين والمصريين يعملون في مكاتب مشتركة من سنين، ولا بينهم سوى زمالة العمل ، واحترام متبادل... |
لم أقصد الكيد للمصريين (رغم إني ما بطمئن للكثير منهم أبدا) ولكن دا الحاصل وصحيح الناس بتعمل مع بعض وكل شيئ لكن صدقني ما حتلقى مصري مرتاح لوجودك وسطهم أبدا ممكن في توازن في القوى داخل الشركة
وأسألك هل سمعت يوم مصري لاحظ لوجود باكستان أو هنود أو بنغاليين أو سوريين أو حتى تكلم عنهم بسوء أو وصفهم بصفات زي البوصفونا بيها
مهدي صلاح حبابك
الحقيقة المرة ما مقتصرة على السودانيين فقط لذلك نرفض حصرها علينا
يا بدر الدين
تجاور منو ؟
الملا عمر
| Quote: مشكلة الضرائب وتذاكر السفر والهدايا والإلتزامات الأخرى كلها تثقل كاهل المغترب الذي أصبح يقاتل ويحارب طواحين الهواء وهو أعزل. ومن مشكلنا أننا بصورة أو أخرى علمنا من نعولهم أن يستمروا ويستمرأو الإعالة ولا يتطلعوا في يوم من الأيام أن يصبحوا منتجين لسد حاجاتهم على أقل تقدير. |
القصة كلها محصورة هنا دا بس
لكن السودانيين بطلوا البوبار وفك الزرار
مرحب عصام الدين
| Quote: علي طول قوليه صباع المعجون يكم |
مره سألت واحد قال لي استخدام الفرشة والمعجون عندنا عيب
صدقتو غايتو أعمل شنو
|
|