كان يمكن ارسال لاعبين وجيهين للمباريات الدولية مش يمشو ناس شينين وتكون علينا ميتا وخراب ديار

مذيع بقناة ام درمان الفضائية اسمو محمد يوسف وبكل وقاحة يقول ( كان يمكن ارسال لاعبين وجيهين للمباريات الدولية مش يمشو ناس شينين وتكون علينا ميتا وخراب ديار)!!!!!!!!!؟؟ وقاصد هنا لاعبى المريخ

لا حولا! قال الكلام دا وين ؟ في التلفزيون ولا كتبه في مكان ما ؟

ربنا ما فتح عليهو بحاجه يقولها

قال اعمل حاجه مختلفه !!

Quote: ربنا ما فتح عليهو بحاجه يقولها قال اعمل حاجه مختلفه !!

قباني تحياتي
اصبح نجاح المذيع مربوطا بمظهره وجماله ومياصته
ديل ما خلو شئ لناس تسابيح

Quote: لا حولا! قال الكلام دا وين ؟ في التلفزيون ولا كتبه في مكان ما ؟

في القناة نفسها

والله في زمن صحافة ناس ريري وفاطمة الصديق لن أستغرب أي سفاهة أو جهل

يعني تاني من شروط الانضمام الى اي فريق وفق لوائح الاتحاد العام

أن يكون اللاعب حسن المظهر


(حسن المظهر دي (طبعن) اسم الدلع للوجاهة)


.....

يلا

ماشين في السكة نمد




تحياتي

Quote: Mohammed Taher · الأكثر تعليقا · Riyadh, Saudi Arabia هسي هو زاتو سماحتوا شنو ؟؟؟ عامل نخرينو زي عوادم السوزوكي. . . جيل انقاذي فاشل

واضنينو زي مرايات الهايلوكس ..

قال ناس شينين قال

Quote: واضنينو زي مرايات الهايلوكس .. قال ناس شينين قال

Quote: (حسن المظهر دي (طبعن) اسم الدلع للوجاهة)

وفي مقولة اخرى المياصة

Quote: والله في زمن صحافة ناس ريري وفاطمة الصديق لن أستغرب أي سفاهة أو جهل

الاعلام الان اصبح متاحا لكل من هب ودب
مقياس النجاح لا علاقة له بالظهر
بل بال . و و و و

ثمّة كثير ممّا يُمكِن أنْ يُقال في شأن "السّماحة" التي يطلبها المُذيع محمد يوسف، ويلتمِسُ لها الاسبابَ في صناديق الميك أب وأدوات الزّينة ومستحضرات النّعومة.

__
على الأقل ياخي الدّشْنِين ديل، جابوا نتيجة وجيهة.
تحياتي أخ عبد الله.

الشينين ديل لو كبوا نُص البودرة الـ فى وشو وقعدوا
قدام المرايا بالساعات زيو كان طلعوا وجيهين أكتر منو!!!.

عالم وهم.

يا جماعة الزول تربية خدور , وشكله مولود وسط بنات ..

فتشابهت عليه الابقار , وهو من المهتدين واالمعتذرين ان شاء الله بس ربنا يفتح عليه ويقرأ البوست ده ..




ونحن وناس بحر حلوين بس علينا زرقه خفييييييفه ....

فشنو عاشت افريقيا وعشنا لها ...

خليه المذيع دا عمك سيد القناة نفسو حسين خوجلي قال نفس الكلام دا وفي نهاية الحلقة اعتذر

فا دي مدرسة بغيضة ماركة كيزانية مسجلة

Quote: يا جماعة الزول تربية خدور , وشكله مولود وسط بنات ..

وبتمسح بالكريمات كمان

Quote: الشينين ديل لو كبوا نُص البودرة الـ فى وشو وقعدوا قدام المرايا بالساعات زيو كان طلعوا وجيهين أكتر منو!!!. عالم وهم.

غايتو ما عارف بقى مذيع زاتو كيف

Quote: ثمّة كثير ممّا يُمكِن أنْ يُقال في شأن "السّماحة" التي يطلبها المُذيع محمد يوسف، ويلتمِسُ لها الاسبابَ في صناديق الميك أب وأدوات الزّينة ومستحضرات النّعومة. __ على الأقل ياخي الدّشْنِين ديل، جابوا نتيجة وجيهة. تحياتي أخ عبد ا

صدق اخي قيس فعلا شرفوا السودان وانت قاعد تتمايص يا الرويجل

عبدالله شم سلامات ..
ياخي انت متأكد انو الزول ده قال الكلام ده ؟!!

شايف بعض المعلقين في البوست، قد وقعو في نفس الخطأ الذي وقع فيه هذا المذيع أو المعلق.

معقول قال كلام زى ده ؟

الله يبارك فيك ويديك الصحة يا لحبيبب دينق جبت النجيضة

Quote: شايف بعض المعلقين في البوست، قد وقعو في نفس الخطأ الذي وقع فيه هذا المذيع أو المعلق.

مثلاً مثلاً زي الخبر القال الكلام القبيح دا




هو زول جاهل وعبيط واي حاجة بس مالها اضنينه خلقها الله انت معترض عليها في شنو

تعال نخت صورتك وصورته ونشوف السمح منو ؟؟؟

هل تعتقد انه هو وجيه وسمح ولا أنت أسمح منو مثلاً

الراجل ما بعيبوه بي شناته أنت مثلاً قبيح جداً لكن لو فيك حاجات سمحه ممكن نحبك برضه
الراجل بيعبوه بي الكضب والدجل وقلة الأدب والطربدة والتخفي والتزوير والجبن

Quote: وبتمسح بالكريمات كمان

استعمال الحاجات دي فيها مشكلة يا عبدالله !!!

لزوم البرد والجفاف والمحافظة على شعر الراس علاقتها بتعليقك دا ايه ول اصلا علاقتها بالشنة شنو

مقال للاخ الكاتب احمد محمد الحاج بخصوص الموضوع .

رحيق رياضي .

Quote: قال خير البشرية عليه أفضل الصلوات وأتم التسليم ( الإيمان بضع وسبعون شعبة فأفضلها قول: لا إله إلا الله، وأدناها إماطة الأذى عن الطريق، والحياء شعبة من الإيمان ) ،، وقد قيل في الأمثال (الحياء نظام الإيمان فإذا انحل نظام الشيء تبدد ما فيه وتفرق) ،، وقال حبيب (إذَا لَمْ تَخْشَ عَاقِبَةَ اللَّيَالِي وَلَمْ تَسْتَحِي فَافْعَلْ مَا تَشَاءُ ،، فَلَا وَاَللَّهِ مَا فِي الْعَيْشِ خَيْرٌ وَلَا الدُّنْيَا إذَا ذَهَبَ الْحَيَاءُ ،، يَعِيشُ الْمَرْءُ مَا اسْتَحْيَا بِخَيْرٍ وَيَبْقَى الْعُودُ مَا بَقِيَ اللِّحَاءُ)،، وقال صالح بن جُناح (إذَا قَلَّ مَاءُ الْوَجْهِ قَلَّ حَيَاؤُهُ وَلَا خَيْرَ فِي وَجْهٍ إذَا قَلَّ مَاؤُهُ) ،، ونسأل من أيت أتى هؤلاء؟ وهؤلاء هم كُثر لا يسع المجال لذكرهم ولكن وقعت مسامعنا على أحدهم يُقال أنه (مذيع متألّق في قناة فضائية) إسمها (قناة أمدرمان) ومن تنطبق عليه أمثالنا أعلاه وأكثر منها هو المدعو (محمد يوسف) المذيع والإعلامي بالقناة المذكورة والذي تخطى كل الحواجز الأخلاقية وخلع ثوب المذيع والإعلامي المدرك لما يقول وارتدى ثوباً لا أعرف كيف أصفه وأي وصف يليق بفكره الخاوي. • على قناة عربية قبل أعوام تقريباً تم بث برنامج مسابقات أثار جدلاً واسعاً على مستوى العالم العربي والدوله نفسها إسمه (ملك جمال ......) لإختيار (أوجه) شاب بها وتتويجه بلقب ملك جمالها، ويبدو أن مذيعنا الهمام كان يريد من الجهات المعنية تنظيم مسابقة مشابهة للاعبي المريخ والأندية الأخرى لإرسالهم لمواجهة فريق بايرن ميونخ الألماني حيث ذكر (المدعو محمد يوسف) بالنص صبيحة أمس الجمعة عبر برنامج (ما عارف اسمو) ذكر بالنص ما يلي (طالما انو ماعندنا كورة كان على الاقل يسفروا لاعبين (وجيهين)عشان ماتبقى علينا غلب وشناه) ،، بالله عليكم كيف نصف هذا المدعو وبم نعلّق على قاذوراته التي غرفها من بالوعته الفكرية المتعفّنة وهو يتحدّث بلا حياء أو خجل ويطالب بإرسال لاعبين (وجيهين) أمام مسامع ملايين المشاهدين داخل وخارج السودان، سقوط أخلاقي مريع وانحطاط فكري منقطع النظير وتفكير سطحي لأبعد الحدود يؤكّد أن ألباب البعض ما هى إلا واجهات زجاجية تنكسر عند أول اصطدام. • (غلب وشناة) لنترك الغلب جانباً ونتحدّث عن (الشناة) والتي وردت بسخرية صريحة من خلق الله تعالى والذي يقول في كتابه الكريم (يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ) ،، لو ورد الحديث من (مذيعة) لكان مقبولاً ومهضوماً نوعاً ما رغم (السخرية التي نهى عنها الله) لأن من يتغزّل في الرجال عادة يكُنّ (نساء) أما أن يبحث مذيع (رجل) عن لاعبين (وجيهين) بدل (الشينين) لمواجهة بايرن ميونخ الألماني فهو الأمر الذي يجعلك تفكّر مراراً وتكراراً في مقال فاطمة الصادق عن الحالة الأخلاقية التي وصل إليها (بعض) من (كل) من المجتمع السوداني ولكن (بعض) هنا أكثر. نقاط من رحيق • أسلوب ضحل وعبارة كارثية من مذيع ساقط أخلاقياً وعبر بث مباشر يشاهده الملايين. • نتمنى من قناة أمدرمان تبني مسابقة الموسم 2014 (لأوجه لاعب) بالسودان عبر بث مباشر وبرعايتها وبتقديم المدعو (محمد يوسف). • ونرجو من المدعو محمد يوسف وضع معايير المسابقة (للوجاهة والشناة) وفقاً لتقييمه الأخير للاعبي المريخ امام البايرن. • وننتظر من شركة بافاريا عدم دعوة اي فريق به لاعبين (شينين) في المعسكرات التحضيرية القادمة. • الشناة ما شناة شكل الشناة شناة (الأخلاق). • من أين أتى هؤلاء؟ • عاهة إعلامية جديدة تضاف (لبعض) العاهات الموجودة سلفاً بالساحة الإعلامية السودانية. • كنا نود الحديث عن لقاء المريخ والبايرن بإستفاضة أكثر ولكن ما ذكره المدعو محمد يوسف أصابنا بالغثاء. • استبسل اللاعبون واجتازوا رهبة البدايات بعزيمة وإصرار وخرجوا بخسارة منطقية لم يتوقعها حتى عاشقي الأحمر. • أعجبني هدوء على جعفر وقتالية أمير كمال وتمركز باسيرو وحماس عنكبه وتألّق أكرم وأحبطتني انانية اوليفييه وضعف (الأربعة أطراف) هجومياً وعدم مشاركة ابراهومة. • أكرم الهادي تألّق واستبسل ولكن في المقابل أكثر من الصراخ في زملاءه بسبب وبدون سبب. • الجمهور السوداني بقطر تحية وإحترام فمنذ زمن بعييييييييييييييييييييييد لم نسمع هتاف (فوق فوق سودانا فوق ،، فوق فوق مريخنا فوق). • مباراة إعدادية نموذجية أشرك فيها المدير الفني عشرين لاعباً (شيناً). • المذيع عيسى الحربين (حتى أنت يا بروتس). • رسالة للأستاذ حسين خوجلي (عوووووووووووووك). • شناة أخيرة كده :: الإختشوا ماتوا.

المصدر

Quote: الراجل ما بعيبوه بي شناته أنت مثلاً قبيح جداً لكن لو فيك حاجات سمحه ممكن نحبك برضه الراجل بيعبوه بي الكضب والدجل وقلة الأدب والطربدة والتخفي والتزوير والجبن

انت زول مريض ومحتاج لعلاج نفسي
آخر زول يتكلم عن الاخلاق انت .. واله صحي :)

Quote: انت زول مريض ومحتاج لعلاج نفسي آخر زول يتكلم عن الاخلاق انت .. واله صحي :)

فعلا الشنة شنات الاخلاق يا ود البشاري

غايتو انا مصدق وما مصدق انو الزول دا قال الكلام دا


سبب التصديق هو انو دا اصلا من نتائج المشروع الحضاري من التشوه الاخلاقي والبنيوي


وسبب عد التصديق انو الكلام دا ما ممكن يتفوه به شخص نهارا جهارا كدا بعنصرية باينة

يعني منو البلعبوا في فريق المريخ وهم حسب وصفه شينين ما ديل يقصدهم اولاد الغرب والزنوج وهو السلوك الذي اقعد السودان وقسم شعبه الي طبقات


ثانيا في المنطق الكروي هل الحرفنة او الواجااهة هى من جعل ادارة فريق المريخ يختارون هؤلا اللعيبة

وبصراحة الكورة ي المساحة التي لا تجدي فيها الواسطات التي ادخل امثال هؤلا الي دواووين الدولة وحرمت اخريين مؤهلين اكثر منه


والسبب الوجاهة كما يقولها علاننا ويقصد بها اشياء اخري

تحياتي

مبارك أردول

يا عبد الله شم تحياتي
انت سمعت الكلام ده بي اضنينك؟

Quote: فعلا الشنة شنات الاخلاق يا ود البشاري

الجمل ما بشوف عوجة رقبتو يا حسن عبد المجيد..
ســـئ الذكر أعلاه مفصول من كل المنتديات السودانية تقريباً
لبذاءة لسانه وقلة ادبه وبعد دا كلو جاي يتكلم عن الاخلاق

البركة في حوش بكري اللماهو وبقى يتفاصح عن الاخلاق كمان

والله يا عبدالله شلت لك هم
وخفت يكون دا رأيك إنت

غايتو نقول: الله يجعل البركة
يا قول عمنا عطية

Quote: الجمل ما بشوف عوجة رقبتو يا حسن عبد المجيد.. ســـئ الذكر أعلاه مفصول من كل المنتديات السودانية تقريباً لبذاءة لسانه وقلة ادبه وبعد دا كلو جاي يتكلم عن الاخلاق البركة في حوش بكري اللماهو وبقى يتفاصح عن الاخلاق كما

مخرجات القلم مرأة لاخلاق صاحب القلم
كان عينة عشوائية لحدى تجاربي المخبرية باعتباره من نفاج الفيسبوك لبذاءة لسانه