يا خي الخواجات ديل مقرفين قرف

لعاب الكلـــــــب يحتوى على عدد كبير من الجراثيم وهي تتعايش مع ال###### ومناعته ولكنها جراثيم مضرة بالانسان
ثاني شيئ هو القرف في حد ذااااااااته .....ان الكلـــــــــــب يستخدم لسانه كورق حمام ويلحس مؤخرته بلسانه ويجوا القرف ديل بعد لحس مؤخرته يلحس فمهم ووجهم

سلام يا عبد السلام ،،،
والله انا ما شايف أي قرف ،،،
انا أحب الحيوانات جداً وخاصة الكلاب والقطط

الاخ عبدالسلام التحية لك
ديل مقرفين والآن الكلاب معهم في كل مكان داخل المنزل وفي غرف النوم !!!!!!!
وكل نواحي الحياةويعملوا معاهم أكثر من ذلك شفت ال###### ده كييف

Quote: سلام يا عبد السلام ،،، والله انا ما شايف أي قرف ،،، انا أحب الحيوانات جداً وخاصة الكلاب والقطط

يا مرااحب ايمن
انا احب القطط جدا و برضو الكـــــلاب ولي معها قصص جميلة
بس موضوع القرف ..انه ال###### يجي يلحس وجه الواحد وفمه وكمان تلقاهو بيلحس مع الكلـــــب في الايسكريم
وزي ما كتبت فوق انه ال###### يستخدم لسانه كورق حمام
و دي نقطة القرف عندي

ههههه - انا معاك اللحس ده مغرف شديد !

عزيزنا دكتور عبدالسلام
سلامات
ياخ أنت زول دكتور بيطري
وبرضو الرفق بالحيوان في الاسلام .
والشيء التالت الحيوانات في الغرب عامة عندها حقوق .
ياخ عان مستشفيات الحيوانات وصوالين تجميل الحيوانات ومحلات ملابس القطط وال ك لا ب .
ياخ الناس ديل ناس طيبين وعطوفين والواحد فيهم عندو أولادو و ك ل ب و وعربيتو ديل أهم حا جات في حياتو .
يا عبدالسلام يا أخوي
وكتين هو عارف صحة كديسو البجيب القرف شنو ؟
كدي حاول السنة دي شهر أربعة تابع ملكة جمال الكدايس .
تحياتي

Quote: يا خي الخواجات ديل مقرفين قرف

الخواجات كلهم؟
كلـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــهم مقرفين؟






<<<<<<<<<<<<<<<<<<<<<<<
التعميم مشكلة كبيرة

الغالييين تسلموا على المرور
وبجيكم راجع

يا دكتور عبدالسلام مع ازكي واجمل التحيات ..
نحن في الشمالية في منطقة البرقيق وكرمة الخواجات ديل ما قصروا معانا ابداً ..
أولاً : واحد استكندي اسمه ( مستر لا نق ) هو الذي اسس مشروع البرقيق سنة 1944 تقريباً .. وأهل البلد احبوه جداً ومنطقة كاملة اسمها ( مستر لانق )
الثاني هو شارلي بونيه عالم الاثار السويسري وهو شبه مقيم في منطقتنا .. عندما حدث طفح المياه الجوفية في البرقيق اول من أتى إلى اهلنا هو
لانقاذ حضارة كوش والدفوفة .. وكان النداء عبر هذا الحوش والاخوة النوبيين في اوربا ماقصروا تواصلوا معه فحضر ..
كمان : في وحدة اسمها مارقريت ( سويدية ) كانت تعمل متطوعة ممرضة تحمل شنطتها وادوات الطب وتلف في البيوت لمعالجة الاطفال ..
وبالمناسبة كان عندها ###### إسمه ( بوبي ) ، وكانت هي السبب أن نتعامل مع الكلاب بنوع من الرفق ..
اليوم شارلي بونيه موجود في البرقيق وكرمة .. زول يخلي سويسرا ويعيش في ( كتاحة أمشير ) حياً في البلد وأهل البلد والاثار
وفي السعودية أنا عملت مع سلاح المهدندسي الامريكي في منطقة حفر الباطن قبل الحرب العراقية ..
أرقى بشر أنا تعاملت معاهم الامريكان .. مؤدبين ، حسن تعامل ، ما في رئيس ومرؤوس ، أيام مجاعات افريقيا اتبرعوا أكثر مننا ،
الراتب ما يتأخر يوم واحد ، التذاكر ، الاجازة ، ..الخ
تعال شوف العرب كرهونا الحياة ..
طولت معاك شوية يا دكتور .. لكن بوست ده جاء في وقت واحد ضغطه مرفوع مع العروبة ..

تحياتي ليك كثير ... وشكراً لاتاحتك الفرصة لي للتنفيس .. كما يقول الخليجون ( طلع حرتك ) ..

وأنا تماماً معك في تجاوز الحدود مع الحيوانات .. حتى لوكان عطفاً

فعلا التعميم مشكلة
أكيد في خواجات مقرفين
و أكيد في عرب مقرفين
و أكيد في سودانيين مقرفين
بس الأكيد أكتر إنو نسبة الخوجات المقرفين أقل و ذلك بسبب تحضرهم و ما يتبعه من نظافة و أهتمام بالصحة و السلامة

الخواجات عموما أكثر رأفة بالحيوان
نحن ما عندنا رأفة لا بالحيوان ولا بالإنسان
وأنا بعتقد أنو الخواجات أحسن مننا

طبعا انت كتبت البوست ده
وفي ذهنك .. كل الكلاااب كلاااب
لكن المسالة شوية مختلفة .. لو عملت شوية
بحث ح تكتشف انو كل المحاذير الصحية الاتكلمت
عنها غير وارده ..بالنسبة لكلاااب الخواجات



شخصيا لا احب قصة الملاحسة دي .. ربما بسبب
خلفيتي السودانية

Quote: ويعملوا معاهم أكثر من ذلك

اكتر من ذلك زي شنو مثلاً يا محمد المسلمي؟

Quote: اكتر من ذلك زي شنو مثلاً يا محمد المسلمي؟

شكرا, اسأل نفس السؤال؟

الغالي فيصل تشكر على المرور والتنبيه

Quote: فعلا التعميم مشكلة

وجيت عممت هنا....

Quote: نحن ما عندنا رأفة لا بالحيوان ولا بالإنسان

شايفك وقعت في نفس المحظور
و الخواجات في التعامل الانساني ما هم احسن مننا
زمان كنت بسمع انه الحضارة تختلف عن المدنية

على كل تشكر مرة اخرى يا الحبيب

و د المسلمي سلام يا غالي شايف الجماعة زانقنك في حاجات تانية ....على كل بعض منهم ما بقصر في الحاجات دي
عثمان موسى حبابك يا غالي وشرفت البوست والله ....قلت لي ملكة جمال الكدايس ...ما تسمعك امي ..ههههااا
الخواجات ديل الواحد ممكن يكتب ميراث ل ك ل به
اختنا الغالية اشراقة تشكري على التنبيه و ما كل الخواجات قرفانييين ...تشكري مرة اخرى
الرائع علي عبدالوهاب التحية ليك ولنت تتحفنا بالكلام ده
يا خي ما توثق للناس ديل واعمل لينا بوست عنهم وعن خدماتهم للمنطقة

Quote: الراتب ما يتأخر يوم واحد ، التذاكر ، الاجازة ، ..الخ

احقاقا للحق العرب برضو ما واحد وعندنا في الشركة السعودية الراتب يجيك قبل يوم في الصرافة والزيادات تتفاجأ بيها نازلة في الحساب من غير تقول بغم وتامين طبي وتذاكر وبدل سكن

Quote: تعال شوف العرب كرهونا الحياة ..

وبعد ده كله الواحد قرفااااااااااااااااان من الغربة ...

Quote: وأنا تماماً معك في تجاوز الحدود مع الحيوانات .. حتى لوكان عطفاً

حقيقه - التعصر --- الكتير فى الحيوانات عندهم فايت الحد

نعم اكرام الحيوانت والرفق بيهم وووووو

لكن البسووو فيهو الناس ديل حاجه تانية

Quote: لكن المسالة شوية مختلفة .. لو عملت شوية بحث ح تكتشف انو كل المحاذير الصحية الاتكلمت عنها غير وارده ..بالنسبة لكلاااب الخواجات

اخونا اسامة تحياتي يا غالي
معلومة علمية اديك ليها وقلتها في البوست ده فوق فم الك ل ب وبرضو الانسان فيهو كمية مكروبات بتكون متعايشة مع الكائن الحي و توجد في الجلد والامعاء والمعدة
بس الموجودة في فم ال ك ل ب لو انتقلت لفم الانسان بتعمل مرض
وتاني حاجة قووول ال كل ب ده حممموه بالشامبو الخمج و سينجال دوغ
فهل برازه بيطلع معقم من مؤخرته؟؟؟؟؟؟!!!!!!

الاخ فيصل تشكر على المروور ,,,,,,,
وبالنيابة عن ود المسلمي كل شيئ وارد من البشر ويحير ابليس نفسه


وضاح عبدالرحمن تشكر اننا شفنا اسمك في بوست لينا

تحياتي دكتور
حقيقة اندهشت لكون صاحب البوست طبيب بيطري، فبلاشك صاحب هذا الكلــب قد عرضه على الطبيب البيطري قبل أن يجمع بينه وبين طفله وأيضا على فترات منتظمة، ولابد أنه تلقى تأكيدا موثقا من الطبيب البيطري بأن الكلــــب خالي من أي مرض معدي، ولابد أنه إذا أصيب هذا الطفل بمرض ناتج من عدوى من الكلـ ب فسينخرب بيت الطبيب البيطري وسيقضي بقية عمره يدفع فواتير تعويضات الطفل! ولابد أن الكــلب مدرب لأن لايأكل أي شئ خلاف ما يقدم إليه وبالطبع لايخرج الكلــببدون مرافق! ولابد أن الكلــب يستعمل فرشاة أسنان ولديه معجون خاص ويتم التأكد من أنه لايعاني من أي رائحة كريهة في أنفاسه! هذا الطفل نحميه قوانين صارمة، وتراقب سلامته بخلاف أبويه أعين سلطات حماية أطفال ساهرة ولولا أن هذا الموقف سليم قانونيا مائة في المائة لما تجرأ أهله على وضع هذا الفيديو على اليوتيوب!

أظن أن مخاطر تبادل القبلات في بلاد لايزور أهلها طبيب الأسنان بصورة منتظمة لنظافة أسنانهم ويظنون أن مجرد استعمال الفرشاة والمعجون كاف لتنظيف الفم ولايعرفون أدوات تنظيف مابين الأسنان
flossing لاتقارن بما يحدث لهذا الطفل!

آمل ألا تكون ممن يوافقون البرلماني السوداني حسب الرسول في أن النساء الغير مختونات عفنات!

Quote: و د المسلمي سلام يا غالي شايف الجماعة زانقنك في حاجات تانية ....على كل بعض منهم ما بقصر في الحاجات دي

هى شنو الحاجات دى؟

زنقة محمد المسلمي في بوست الكلاب

الاخت اشراقه..في ظني الايحاء الجنسي هذا ما قصده المسلمي ..ممارسه الجنس مع الحيوانات ..انا لدي اصدقاء كثر لديهم حيوانات وعلاقتهم بهذه الحيوانات علاقه عطف وليس قرف ..
.
طبعا موضوع الجنس مع الحيوانات هذا لا يمكن اثباته ولكن متداول في عقليه الشرقيين

Quote: طبعا موضوع الجنس مع الحيوانات هذا لا يمكن اثباته ولكن متداول في عقليه الشرقيين

الايحاء فعلا واضح يا محب واردت بالسؤال المضى بالحوار فى اتجاه التنميطات المعلبة والجاهزة فى عقلية بعضنا
واتفق معك ان ذلك متداول فى بعض عقلية الشرقيين لان الجنس هنا لا يحتاج وفقا للثقافات الغربية للبحث عن حيوان

Quote: الايحاء فعلا واضح يا محب واردت بالسؤال المضى بالحوار فى اتجاه التنميطات المعلبة والجاهزة فى عقلية بعضنا واتفق معك ان ذلك متداول فى بعض عقلية الشرقيين لان الجنس هنا لا يحتاج وفقا للثقافات الغربية للبحث عن حيوان

الاخت اشراقة والغالي محب تحية طيبة
في اعلي البوست قلت ليك اسفين للتعميم وشكرتك...بس

مين قال ليك الجنس لا يحتاج البحث عن حيوان لدي الغربيين

طالما هناك انسان ولديه ميول جنسية ممكن تحصلي غربي او شرقي يمارس الجنس مع الحيوانات
هذه شذوذ جنسي لا تحده جنسية او دين او عرق ومرتكز بالاساس على ميول الانسان
يعني عاوزة تقنعيني ان بعض من الخواجات لا يمارس الجنس مع الحيوان؟؟؟؟؟!!!!!!


http://www.floridatoday.com/article/20140106/NEWS01/14010602...ex-dog-several-times

يا محب ممكن اصحابك والناس البتعرفهم لا يمارسون هذا الامر ده
لانك انسان ممتاز لا تعرف الا ناس زيك
لكن لا يستبعد من غيرهم غربييين او شرقييين

محمد الحاج حبابك يا اخوي
كلامنا ما مقنع ليك على ما اظن

Quote: In 2011, a team of Japanese researchers collected dental plaque from 66 dogs and 81 humans who visited dog training schools and animal clinics in Okayama, Japan. The plaque was placed under the microscope and analyzed for signs of bacteria. As theorized, the research results — as published in the journal Archives of Oral Biology — determined that both humans and dogs contain bacteria in their mouths, which could potentially be transferred to each other through “kissing."

Quote: Most importantly, try to teach your dog to not lick faces. No face licking, no germs, the better you’re off. But, if your dog is really into face licking, you should wash your face afterward. After every time you play, wash your face and hands. Now, if you have kids at home and also like to get close to your dog, you should be extra careful. Teach them and make them understand that it is very important to wash hands and face after playing with the dog. Teach them to never stick their fingers and their hands in their mouths after touching the dog.

للمزيد ممكن تسأل عمك غوغل

وين أخونا محمد المسلمي؟

كنت أتمنى تفسير واضح من محمد المسلمي لما كتبه هنا

الأخ عبد السلام

تحياتي

رغم إنو سؤالك موجهة للدكتورة إشراقة و لكني سأقحم نفسي بإعتباري مشارك في الحوار بشكل عام

Quote: يعني عاوزة تقنعيني ان بعض من الخواجات لا يمارس الجنس مع الحيوان؟؟؟؟؟!!!!!!

عن نفسي لا اريد أن اقنعك بأن ممارسة الجنس مع الحيوانات غير موجودة عند بعض الخواجات

و لكن كما ذكرت أنت أن هذا شذوذ جنسي لا تحده جنسية او دين او عرق ومرتكز بالاساس على ميول الانسان

و بالتالي فهي موجودة ايضاً في مجتمعنا بنفس قدر البعض الذي توجد به لدى الخواجات و ربما أكثر

إذن إذا صح تعميم محمد المسلمي (ديل مقرفين) يقصد الخواجات فنحن أبداً لا نقل قرفاً عنهم

والله مهما كنا مقرفين لايمكن ان نحصل قرف الخواجات
حتي ريحتنا ازكي من ريحتوم

والحيوان يلحس مؤخرتو ومؤخره سيدو ويجي يدخل لسانو في خشم سيدو

شيء مقرف ومقزز وسديتو نفسنا من الغدا زاتو


ال ك لب اكان لحس الزير بي بره ساي كنا بنكتلو

نجس

همج لكننا غير مقرفين

حبيبنا حافظ
تشكر يا غالي على المرور والحمدلله اتفقنا
شكلك عندك غبينة مع ودالمسلمي ..........ههههااااااااا

عمر عثمان
ما تشوف شر

وبالهنا والشفا الغدا بتاعك

كتب الأخ عثمان فضل الله:

Quote: طبعا انت كتبت البوست ده وفي ذهنك .. كل الكلاااب كلاااب لكن المسالة شوية مختلفة .. لو عملت شوية بحث ح تكتشف انو كل المحاذير الصحية الاتكلمت عنها غير وارده ..بالنسبة لكلاااب الخواجات

وكتب الأخ محمد عثمان الحاج:

Quote: تحياتي دكتور حقيقة اندهشت لكون صاحب البوست طبيب بيطري، فبلاشك صاحب هذا الكلــب قد عرضه على الطبيب البيطري قبل أن يجمع بينه وبين طفله وأيضا على فترات منتظمة، ولابد أنه تلقى تأكيدا موثقا من الطبيب البيطري بأن الكلــــب خالي من أي مرض معدي، ولابد أنه إذا أصيب هذا الطفل بمرض ناتج من عدوى من الكلـ ب فسينخرب بيت الطبيب البيطري وسيقضي بقية عمره يدفع فواتير تعويضات الطفل! ولابد أن الكــلب مدرب لأن لايأكل أي شئ خلاف ما يقدم إليه وبالطبع لايخرج الكلــببدون مرافق! ولابد أن الكلــب يستعمل فرشاة أسنان ولديه معجون خاص ويتم التأكد من أنه لايعاني من أي رائحة كريهة في أنفاسه! هذا الطفل نحميه قوانين صارمة، وتراقب سلامته بخلاف أبويه أعين سلطات حماية أطفال ساهرة ولولا أن هذا الموقف سليم قانونيا مائة في المائة لما تجرأ أهله على وضع هذا الفيديو على اليوتيوب! أظن أن مخاطر تبادل القبلات في بلاد لايزور أهلها طبيب الأسنان بصورة منتظمة لنظافة أسنانهم ويظنون أن مجرد استعمال الفرشاة والمعجون كاف لتنظيف الفم ولايعرفون أدوات تنظيف مابين الأسنان flossing لاتقارن بما يحدث لهذا الطفل! آمل ألا تكون ممن يوافقون البرلماني السوداني حسب الرسول في أن النساء الغير مختونات عفنات!

شكرا لكم . لقد عبرتم عن رأي تماما.

الأعزاء إشراقة مصطفى ومحب.

محمد المسلمي يدعي التدين في هذا المنبر ولكنه دائما يفشل في أصغر أمتحان له.
نعم أنه يشير الى إيحائات جنسية، وياهو ده هو أسلوب وأخلاق الكيزان.

Quote: شكلك عندك غبينة مع ودالمسلمي ..........ههههااااااااا

ههههههه.. مافي أي غبينة و الله و المسلمي راحل طيب لكين مشكلتو إنو نفكيرو إذا غداهو ما بعشيهو

و وقتين المسلمي فات بدربو و ما هببو لينا كدي النرجع ليك لأصل البوست

طبعاً اول شي مسألة القرف من موقف او مشهد معين دي مسألة شخصية و بتعتمد في الاساس غلى ثقافة و بيئة الشخص القرفان و لا تخضع بالضرورة لمقاييس معيارية ,,, فيديو اللحس دا مقرف بالنسبة لي و بالنسبة ليك و زي ما قال اخونا اسامة فضل الله انو نحن ما بنحب الملاحسة دي بسبب خلفيتنا السودانية و بس و دا ما عندو أي علاقة بالنظافة و الممارسات الصحية

شايفك حاولت تبرر قرفك من الفيديو بطريقة علمية و دخلت في الجراثيم و النورمال فلورا
و بمناسبة الجراثيم الفي خشم الك--لب و بدون الدخول في التفاصيل.. هل تعلم إنو ال (zoonotic diseases) الممكن تنتقل من الك--لب للإنسان منتشرة و موجودة في السودان اكتر من ما هي في أمريكا و اوروبا؟

ليك مطلق الحرية تقرف زي ما عايز لأنو مافي مقياس معياري للشي المقرف و الما مقرف لكين لما تجي تتكلم عن النظافة و الممارسات الصحية لازم تخضعها لينا لمقاييس معيارية و ما يبقى كلام ساي

رأين أخيرين

1. مسألة إنو نوصف الخواجات و غيرهم من الشعوب بإنهم وس--خانين و مقرفين و ما عندهم اخلاق و غيرها من الصفات السالبة و نجتهد في تكوين صورة مشوهة للمجتمعات الأخرى دي مفاهيم نحن بنيناها في روسينا ديل عشان نعزي بيها نفسنا في الفشل المحيط بينا من كل جانب
2. أفتكر إنو الخواجة برضو قاعد يقرف من كتير من ممارساتنا لكين ما حصل سمعت خواجة قال عننا وس--خانين او مقرفين و أعتقد دا لأنو ثقافة الخواجة و ذوقو ما بتسمح ليهو يصف الناس التانين بإنهم مقرفين

________

التعديل عشان ديل #####