سلمي الشيخ سلامة

Salma Salama · الأكثر تعليقا · Cedar Crest College
ود ابسن ، المنبر دا "كان " بالنسبة لى شخصيا محل اقامة دائمة ومن القدماء فى عضويته ، لكن ، لمن زول فى صمة خشمك يطلعك حاجة انت ما عندك بيها ادنى علاقة ببقى مكان منفر وغير قابل للقعاد فيه ، واحسن تتخارج وتحترم نفسك ، بالجد ، اعتز جدا بما كتبته فى هذا المنبر، وعلى فكرة ما جيت للمنبر دا وكنت غاوية شهرة ولا مبتدئة كتابة ، ساحتفل هذا العام بمرور ربع قرن على اول قصة قصيرة نشرتها فى الصحافة ، واربعين سنة على اول كتابة نشرتها وكنت طالبة فى المرحلة الثانوية ، لهذا وغيره قررت ان احترم نفسى وما اكتب هنا نهائى الامن خلال هذه النافذة
رد · 6 · إلغاء إعجابي · متابعة المنشور · ‏6
يناير‏، الساعة ‏08:21 صباحاً‏

كان هذا الرد من الفيس في هذا البوست
دفاعا عن موقع سودانيز

هذا رد يستحق الحوار

أنا ما بتفق مع أختنا الكبيرة سلمى فى انو ده سبب كافي لأنو الواحد يسيب البورد،
سودانيزاونلاين وطن افتراضي كما ندعي والحقيقة هو اقرب لمرآة للمجتمع السوداني في الواقع (بشينينو وزينينو)، الافتراء والبهتان يمكن ان يتعرض لها الانسان في اي مكان وعلى الانسان ان يدافع عن نفسه
كتار اتعرضوا لما تعرضت له الاخت سلمى وربما أكثر، ولكنهم لم يرحلوا، والبعض رحل طبعاً أو بين بين !
سلمى انت حرة في ان تترفعي عن الوجود في مكان مليئ بالسفهاء، او ان تختاري التضحية من اجل القيام بواجبك كمثقفة سودانية في زيادة الوعي عند العامة وتحمل العواقب

مرحبا ايمن
وحبابك
تشكر علي مداخلتك ورأيك

فوق
لحين
ميسره

Salma Salama · الأكثر تعليقا · Cedar Crest College
ايمن ازيك ود اب سن كيف حالكما ،؟ عساكم طيبين ، يا ايمن القصة ما هروب ولا خوف لكن احترام الزول لنفسه ، عارف صلاح عبد الصبور اغتالته كلمة لم يحتملها من شاعر اخر زميل له ، لكن المؤسف ان من تعرض لى بالسباب شخص لا استطيع ان اكون واقفة معاهو فى صف واحد ، اربأ بنفسى عن تحقيرها فهى"نفسى " التى لم يتبق لى سواها تلك او ما يسمى باحترام الزول لنفسه وهذه خصلة لن اتراجع عنها لاى سبب وشكرا لاهتمامك
رد · 3 · أعجبني · متابعة المنشور · منذ
حوالي ساعةSalma Salama · الأكثر تعليقا · Cedar Crest College
ايمن ازيك ود اب سن كيف حالكما ،؟ عساكم طيبين ، يا ايمن القصة ما هروب ولا خوف لكن احترام الزول لنفسه ، عارف صلاح عبد الصبور اغتالته كلمة لم يحتملها من شاعر اخر زميل له ، لكن المؤسف ان من تعرض لى بالسباب شخص لا استطيع ان اكون واقفة معاهو فى صف واحد ، اربأ بنفسى عن تحقيرها فهى"نفسى " التى لم يتبق لى سواها تلك او ما يسمى باحترام الزول لنفسه وهذه خصلة لن اتراجع عنها لاى سبب وشكرا لاهتمامك
رد · 3 · أعجبني · متابعة المنشور · منذ
حوالي ساعة

شوفى يابت الشيخ زول عاش فى الأبيض الواحده مابخلى حقو بالبساطه دى
وانت انهزاميه وماعندك روح قتاليه واعتداد بى نفسك بالمره ومافى شى بخليكى تهجرى الحوش ده
حتى لو عملتى السبعه وذمتا ....
انت حره فى نفسك تكونى ماتكونى انتى حره
لكن تهربى من المواجهه واحقاق الحق
يبقى بى كده اديتى انتصار لمن تهجم عليك ان كان ذكرا أو انثى
والغريبه انا عارف كويس انك سيده قويه جدا جدا
...
عشان كده تباً لك اذا استسلمتى وقعدتى تولولى وتقولى دقونى وعملو لى وسو لى
الكتابه ليها ناسا وانتى منهم
عندك استعداد تكونى شامخه هنا زى ماعهدناك اهلا وسهلا ماعندك استعداد يبقى خلينا نترحم عليك ياالكنداكه

لو رديتى على بى تحت ماعاقى ليكى وانت شاء الله مصابعينك مايلمسو كى بورد
انتى لو بت الشيبح بى جد تعالى لى بى فوق...واثبتى وجودك زى ماكنتى
وانا دعواتى مابتقع واطا اعملى حسابك بردمك دعوات كده لمن تخشى البورد ده

تقدير واحترام ليكى سااااى كدى

قومتى نفسى الله يوم نفسك

عبدو ياصاحب ياها المحريه فيك ... تسلم

تحية ملهم كردفان
يا صاحب
وشكرا علي تداخلك و رأيك

حفيظ ياصاحب
قول ليها ياخ بلاش الحركات دى
...
غايتو انا برد لى مكنتك التحت دى يابت الشيخ
وبقول

احترامك لنفسك يابت الشيخ يتوجب عليه ان يجعل الآخر يحترمك
فما من خلاف واحد
تهربى
وتتحججى بى حكاية احترامى لى نفسى
مكانتك محفوظه
عند البورداب جلهم ....ماكلهم نعم

لكن حجتك واهيه يابت الشيخ ,,, تعالى وانا ببقى ليكى سند والله وده
وعد منى انا اخو البنات المابيرضى فيهن تب ...

ه انا بحترمك عشان تاريخك الجميل وحاضرك الأجمل وحبنا للعميرى ياخ

سلمي سلامة
من اوائل المؤسسين لهذا الموقع
مؤسسين بعضويتهم ومثابرتهم
وهي ككاتبة ,, معروفة
وكمساهمة في الثورة الثقافية معروفة ولها مساهماتها
‏ في الثمانينات كانت سلمي من الذين ساهمت مع غيرها من خريجي معهد الموسيقي والمسرح في إثراء العمل المسرحي , ومن الذين اقتحموا الاذأعة ووضعوا بصماتهم المضيئة
فيبقي
ان رأيها ليس رأيا عابرا ولا موقفها ,
فيجب النظر إليه بجدية , هذا ان كنا نريد تطويرا لهذا الموقع

مرحبا ملهم يا صاحب
قولك جيد
وهو قول محب ,,, فسلمي تستحق الحب والاحترام لكتابتها
ولها خصلة قل ان توجد اليوم , وهي الوفاء رغم تقدم السنوات علي فقد العميري
شوكران يا صاحب
ومعا من اجل عودة سلمي وآخرون غيرها يجب ان يكتبوا الآن

اذكرا لقاءا في احد الصحف تقريبا 1991 مع بشري الفاضل ,, علق بذهني بعضه حتي الآن
ودكتور بشري موجود يمكن ان يصوبني او يخطأني

سأل الصحفي بشري الفاضل ان هنالك ركودا ثقافيا
رد بشري وانا لا اقتبسه بل اقول مجمل فكرته اعتمادا علي الذاكرة
ليس هنالك ركودا بل احجاما , فالحكومة ضيقت علي المبدعين وحاربتهم , ومنعت بعضهم ,, فحدث الاحجام , والاحجام موقف ضد السلطة

اتهمت زوجة صلاح عبدالصبور الشاعر حجازي بأنه تسبب في موت زوجها , وكان حجازي قد هاجم صلاح بأنه قبل بالتوظيف الحكومي للمصلحة المادية وانه هادن السلطة ولم يكتب كتابة تفيد حركة التحرر الوطني والقضايا العربية

الأمر ببساطة غير مخلة ووفقا لما فهمته من مداخلة سلمي ,, انها تعرضت لاساءة مباشرة وشخصية من عضو ,, وهي تربأ بنفسها ان ترد , فإحترامها لنفسها يمنعها من ان تسلك سلوكا ترفضه
طيب
كلنا معرضين وبل تعرضنا لإساءات مستترة او مباشرة , فهل الحل في الرد ام التجاهل ام تعرية المسئ وإدانة مسلكه ,, وتوضيح ان الاساءة تمثل العجز والتهافت
وهل يكفي فقط لمن يخالفنا ان يسئ لنا لننسحب

ثقافة التعدي علي الآخرين وتحويل النقاش للأمور الشخصية , هل صار هو الأصل
فها نحن نري عدد المشاهدات والردود لصراعات منقولة من خارج المنبر ,, كمشادات الهندي و فاطمة شاش و حسن موسي والبطل ومحمد عثمان ,, فكأننا نشاهد حلقة للمصارعة , نستمتع بمشاهدة مخالفة القوانين والتعدي ونصفق للمنتصر ,,, دون يكون لنا رأي في مشاهد العنف التي اخرجت المصارعة من الرياضة للإثارة
وغير ذلك كثير ,,

والسؤال المفصلي الأهم دون تقعر او عن(.........)ة
لماذا نكتب ? في سودانيز أو في غيرها
هل نكتب عبثا وللمكاجرة أم ان لنا هدفا أسمي ,,,
أسمي لا تعني الوطن فقط ?

http://www.sudaneseonline.com/cgi-bin/sdb/2bb.cgi?board=279

تحية


شكرا عبد الحفيظ لابتدار هذا الخيط عن الاستاذة سلمي الشيخ سلامة....واضم صوتي الي صوتك في اهمية وجود الاستاذة وامثالها...وانا من المتابعين لها منذ وقت طويل ولسيرتها الادبية والثقافية وتمددها الانساني الشفيف فعلا وقولا ..

انسحابها من المنبر وتوقفها عن ا الاثراء والحوار والمشاركة والاضافة الموجبة كعادتها هو خصم للاستنارة والحميمية والمشاركة في حلتها الحضارية الباهرة...مواصلة الحراك المنبري يساهم بلا شك في تمتين مفهوم الحوار نفسه كقاعدة ومنصة انطلاق الي ما نرومه من ممارسة فاعلة في مختلف الاصعدة الاجتماعية والثقافية والسياسية ايضا..

نحن في انتظار القطار وعلي متنه صديقتنا الاثيرة نمد اليها قلوبنا قبل الايادي...

الكاتبة المبدعة سلمى الشيخ سلامة عضو اللجنة التنفيذية لإتحاد الكتاب السودانيين في فترة حله
النجاح في مصادرة داره قبل عام 1989 لا ينبغي لقلمها أن يكف عن الصرير لأن أحدهم تطاول عليها بغير وجه حق واذكر هنا ما قاله احدهم عن بوست له.
هو نحن عندنا كم كاتبة ياسلمى؟أولاً اكتبي لا فض فوك إن لم يكن في هذا المنبر ففي منابر اخرىسودانفوراوول وسودانيات وغيرها. وكما قال لايمن هنا فالمنابر مرآة لمجتمعنا بشينها وسمحه. وكما قال ملهم هنا يجب القيام بالمواجهة.وفي نظري أن الغالبية هنا ستساندك وتساند المرأة الوسدانية وكما هناك هجمات ضدها في داخل المجتمع السوداني فهناك هجمات ضدها في المنابر لكن ذلك يقوم به نفر قليل ومن عجب انه من الرجال بأغلبية ساحقة لكن من النساء أيضاً. الرجاء يا أستاذة ان تستمعي لما قاله الجميع هنا: ايمن محمود، عبدالحفيظ ابو سن، ملهم كردفان، ومحمد الكامل وتعودي ومعك الأخريات ممن كابدن الافتراءات نفسها قبل سنوات.

اعشق القراءة واكره الكتابة .

تعرفت عليها من خلال اجراس الحرية ( اتمني عودتها ) وعشقت كتاباتها .

تعرضت لهجوم واتهامات خطيرة لم تغير صورتها في ذهني ولا في ذهن اي من عشاق حروفها .

اتمني ان تقراء ماكتبة ملهم كردفان .

قبل فترة قالت ان هناك مشكلة في الباسويرد في انتظار الحل .

الحبيبة الرائعة الجميلة \ بت سلامة .

وقت مواضيع هايفة وانصرافية بتخليك تتخلي عن وطن مصغر بالنسبة ليك

وانت عارفانا نحنا اقلية ومحتاجين للمزيد وليست النقصان في هذا الحوش العامر!!!

وانت صاحبة المبأدي والصمود فماذا نحن فاعلات اذآ !!؟

عمومآ انا لا اريد الخوض في مواضيع انت اكبر منها بكتيييييييير وليست هذه بالاسباب

المقنعة والكافية بالنسبة للكل فالرجاء يا ست الحبايب والكل العودة الان الوضع ما بحتمل وبلدنا

في خطر ..

Quote: سلمى انت حرة في ان تترفعي عن الوجود في مكان مليئ بالسفهاء، او ان تختاري التضحية من اجل القيام بواجبك كمثقفة سودانية في زيادة الوعي عند العامة وتحمل العواقب

خير الكلام ما قل وادل .. تحياتي ليك ايمنا .

تعرفى يابت الشيخ الواحد لو ماحب نفسو بى جد مابيقدر يدى الناس بى طعاااامه وحلاوه وذوق
لأنو حبو بينعكس على الناس ..

ااما كاره نفسو فما حيدى الناس غير البغض والمردود بيكون نفور واحتقار
...ياخ حبى نفسك زى ما انتى دايره وزيدى عشان حبك ينعكس على عشاقك الهنا وهناك وفى اى مكان
.....
تعرفى تفسير حب لأخيك كما ماتحب لنفسك
ده الانتى انتى بتعملى فيهو ... عشان البحب بيعرف بتين يسامح لأنو واثق من نفسو
وحقيقى انا بدين اى تحرش من اى راجل بى أى إمرأه فى قامتك ان شاءالله يكون شنو ذاتو
....
خاتمه
مات بهنس لأنه لم يعرف كيف يوجه سهام حبه فى حياته الى قلوبنا بطريقة مؤثره
فأدخرها لكى تخترقنا بعد موته

تحليه....
بئس المبدع الإنهزامى ياسلمى

سلمي .. امممممممممح .

ما أجمل المعارك الفكرية ... حتي لو اتخللها بعض الكلام الما مسوؤل .

في النهاية ليك ولا عليك .

مشتاقووووووووووووووون قدر الوطن يا سلومة . الرجاء العودة للحوجة الماسة .

مساكم نور وحبور وفرير دمور
هسع الفرق بين الكتابة فوق وتحت شنو الموقف ده مذبذب اختنا سلمى مادام عندك وجود في السايبر اكتبي في اي مكان ونحن من خلال كتابتك نراك

سلمى الشيخ سلامة اسم محفور في الدواخل من اثير الاذاعة السودانية ايام كانت سودنية ،،يمكن تداخلت معاها قبل اكثر من ستة شهور وطلبت منها التواجد لأحساسنا بالشرف ان نتواجد في مكان وهي فيه ، ولكنها بلطف اعتذرت وقالت هي مكتفية من تواجدها بالمتواقة من نفاج البورد ، اتمنى ان طل علينا وتملاء المساحات الشاغرة لنها قلم يجبرك على المتابعة والاحترام ،،
شكرا عبد الحفيظ على هذا الألق وتفقد الناس السمحين

/تحية لكل المتداخلين الذين سأعود لهم قطعا لازما
من يكتبون كأعضاء او من خلال نافذة الفيس
لم اشاء نقاش الاراء بحسبها تمس شخصا له إمكانية الرد عليها
الهدف الثانوي عودة الحبيبة عودة سلمي
الهدف الأساسي مناقشة كيف يمكن لنا ان نحيا داخل سودانيز رغم خلافاتنا بإحترام
وهل ما حدث لسلمي إستثناء ام له صفة العموم
ماهو موقفنا بشكل فردي مما يحدث من تراشق بالاتهامات الاخلاقية والسلوكية
هل نحن قادرون علي التأسيس لميثاق غير مكتوب ضد التعدي علي الآخرين والضرب خارج المباح
وهل نحن كموقع قادرون علي التنوير ونشر المعرفة
سلمي الشيخ سلامة انحاز نحوها محبة واعجاب , وحفظا لرموز نضالتنا
سلمي وصحابها شكلوا وجداننا ذات يوم سحيق
محبة للجميع
و الكتابة حرية فردية ,, فللكاتب حقه في الصمت ولنا الحق كقراء في رفض قراره ,, رفض ان لا تنطفئ جذوة اشتعاله ,,, فحين تخمد يجعلنا في الظلام
فوق
من اجل عودة سلمي
لمثلها يعذب الحديث

Quote: هسع الفرق بين الكتابة فوق وتحت شنو الموقف ده مذبذب اختنا سلمى مادام عندك وجود في السايبر اكتبي في اي مكان ونحن من خلال كتابتك نراك

الفرق انو مافي زول بكتب بوست ب تحت، يعني بتتناول بوستات الغير فقط.

سلمى العزيزه
بت بتملى العين ودفق
انسانة تحمل كل الجمال في دواخلها النقية
انسانة صادقة مع نفسها ومتصارحة لا تعرف النفاق و لا تلبس اقنعة حين تكتب
حرفها صادق يتغلغل في الدواخل

ليتك تعودى ولا تكونى انهزامية يا سلمى
فنحن من نفتقدك ونشتاق لى حرفك
للاسف كل الاقلام الجميلة رحلت لنها قبلت بالهزيمة من اصحاب النفوس المريضة
الذين هم سعوا لذلك فمكنوهم من هذه الفرصة

عودى سلمى فانحن فى الانتظار
ولا تخزلينا ابدا
ولا تحققى لهم غرضهم المريض بابعادك واساكت قلمك
الذى نشر احرفك الجميلة فى هذا المنتدى الذى سادة العبوس والسواد
بعد ان هجره الكثير من اصحاب الاقلام الجميلة المفيدة الذين تعلمنا منهم الكثير

في انتظارك سلمى
كما رايتى الكل ينظرك فلا تخزلينا
وسوف نتصبر لحين عودتك والبحب الناس البحبوا بصبر واتحمل علشان خاضر الحبايب والبحبوك يا بت الشيخ

سامر كوكو مساك خير

Quote: الفرق انو مافي زول بكتب بوست ب تحت، يعني بتتناول بوستات الغير فقط.

سلمى معلقة تحت انو مابشرفا تكون موجودة مع الشخص الوجه ليها الاساءة والكتابه فعل حر اكتب محل يعجبني عشان كده قلنا الفرق شنو حاليا موجوده مع نفس الشخص وبتكتب معاو نفس المكان ودي الذبذبه القصدناها

وجود قامة ابداعية في جحم سلمى الشيخ سلامة
خارج اطار المنبر
يعنى ان هناك امرا في غير محله
اصلحوه هداكم الله
لقد فقدناك يا سلمى عودي لو تكرمت وتحدى اعتى الرياح

شكرا لدعمكم
إحتجاب شخصية مثل سلمي وغيرها يجعلنا نطرق ناقوس الخطر
الحبيبة الغالية سلمي
لا أظن خذلتي من يحبونك سابقا , ولا أظنك ستبدأين الآن ,, أري كثيرا من الحب الصادق نحوك ,,, وأري الأمل يداعبهم ان يروا أسمك يعلو البوستات من جديد
لا أظنك ستخذليهم ,,
مثلك لا يخذل
لا يخذل من يحبونهم
لا يخذل ذكرياتهم
ارجو صادقا ان تراجعي نفسك ,,, راجعيها بأسم الحب
عشان خاطر احبابك
فإن لم يغفر الحب فماذا يغفر ?!
الحب يسمح لنا
ارجو ذلك
وانتي اهلا لإجابة من يتوسل لك

فوق
عشان الحاجات تبقي كويسة

تحياتي حفيظ
فعلاً كما قال الأخ سمير متاوقة الأستاذة سلمى من نافذة الفيس تعني أن تكون معلقة على ما يكتبه الآخرون
نحن نريدها بأفكارها ورأيها ولغتها الرفيعة
يبدو أن مسرحيي هذا البورد متفقون على الإنسحاب كسلوك إحتجاجي
فقد فعلها صديقنا منعم إبراهيم من قبل " وبقى يجينا زيارة مغترب"

يا سلمى..

تحيآتى وكآمل أحترآمى..
.........

عصرتى علىّ فى حّته..
وعصرت عليك أكتر..
فى موضوع ما يسوى...
لآنه من حق النآس تتشكك فى أى زول..
وتقول أنه بقى حكومة..
العبرة بالنتآئج...

لكين أنا والله يلعن ابليس..
أّديتك على رآسك...
و يا ريتنى ما فعلت..
ضميرى وجعنى شديد...
وكل ما أشوفك بى تحت..
ضميرى يتآورنى..
...
لآنى فى لحظة غير موّفقة....
نسيت سلمى الشيخ العرفتها أيام المعآرضة فى القآهرة...
وابدآعآتها المتعددة..
وضحكتها المجلجلة لّما كل زول فينا غآلبه الضحك..
وثقتك الغير محدودة..
فى نهآية ليل الظلم...
وما شفت مّنك غير كل جميل..
...
دحين يا أختى..
قد أكون وآحدة من النآس الزّعلوك..
وخلوكى تطفشى من المنبر..
بس زى ما قآل ليك ملهم كردفآن..
سلمى البتخّلى حّقها وتمشى...
دى ما أنتى..
....
بالطريقة دى حرمتى قراء كتاااار...
وأحترآمك لنفسك..
ما معناه أنك تدينا ضهرك وتمشى..
أحترامك فى محله...
ومآفى قوة..
ممكن تزحزحه..
.....
ولو كل زول زعل....
من الكلام البتكتب عّنه فى المنبر دا..
ومشى..
يبقى المنبر حيقفل...
......
فدحين يا أختى..
ألعنى أبليس..
وتعآلى رآجعة..
..
على فكرة أنا من زمآااان بفّتش لى فى فرصة...
عشان أعتذر ليك...
وكتر خير سيد البوست..
وبما أنى عآرفة أنه قلبك كبييير..
فعندى عشم كبير أنك تجى رآجعة...
...
قلتى شنو؟

تحية


كلام زي الشهد يا استاذه نور....وبصفة عامة ثقافة الاعتذار لا تتوفر كثيرا في ثقافتنا الجمعية... حروفك تمثل رافع لتمتين او تدشين ثقافة الاعتذار لاسيما ان التسامح وارد في تعاملنا ونحتاج ان نغذيه دوما لخلق نوافذ للخير ولتبادل الافكار والمعاني..وننظر الي الاختلاف كامر طبيعي ونسعي الي ايجاد ثقافة للأختلاف كجسر تقوم عليه امالنا نحو سودان ديمقراطي ووطن معافي او علي الاقل علاقات صحية يحكمها الصدق في جميع الاحوال...

من ناحية اخري يجب تفعيل شروط المنبر وايقاع الجزاءات اللازمة في حالة التنابذ ورمي الناس بالباطل والخروج عن المالوف في الادب ....يجوز الاختلاف ولكن لايجوز سوء الادب لاعضاء يربطهم رابط وتحكمهم ضوابط ...

لكم الحب والاحترام ونحن في انتظار سلمي وانا محيوك يا سلمي فحيينا..

الأستاذ عبد الحفيظ وضيوفه
لكم التحية
يزعجني كثيرا أن يحجم الأعضاء عن الكتابة في البورد ، بسبب أو بغير سبب
كنت في الرياض دائما أحض البورداب على الكتابة .. واقول إذا لم يعجبكم ما يكتب فهاتوا أنتم الأجمل.
والكثير منهم لديهم المقدرة على الإبداع والطرح الإيجابي
هناك كثيرون توقفوا عن الكتابة ، بالرغم من أن بعضهم ما يزال يعد نفسه من البورداب
وهذا ينطبق على كثير من تجمعات السودانيين للأسف .. كثير من عضوية الأحزاب السياسية عاطلون عن أي إسهام
كثير من عضوية المنظمات والجمعيات عاطلون عن التفاعل
كثير من لاعبي الفرق الرياضية يطلون عاجزين عمدا عن المشاركة
وهكذا
لكن أمر سلمى مختلف فعي تكتب بشكل يومي ربما في بيتها ، لدى الصحف ، بالفيس بوك ، أو اي مواقع أخرى ..
أنا شخصيا اقرأها يوميا بالفيس بوك ، وقبل ايام تحاورت معي في موضوع كتبته هنا ، وقلت لها يمكنك مراجعة الموضوع تفصيليا بسودانيزاونلاين
لكنها أفادتني بأنها لا تدخل هذا الموقع ..
يا سلمى هذا الموقع ضخم للغاية .. يدخله أناس غير متخصصين في الكتابة ، وربما ان بعضهم ذو تجربة ضعيفة في الحوار
لكن لا يجب أن نقيس الناس بفهمنا ، أو أن نضع لهم معايير محددة ونصر على عدم خروجهم عنها
خدني على أد عقلي .. مثل مصري
العوج راي والعديل راي ... مثل وتوقيع لأخونا كانتونا
النشر مسئولية والتثاقف مسئولية ووسيلتهما الكتابة عبر وسائط التواصل المختلفة ، والبورد واحد من أهمها ..
عودي فكلنا تحبك .. ولا يجرمنك شنئآن قوم أن لا تكتبي معنا ..
وشكرا عبد الحفيظ وصحبه

Quote: وبما أنى عآرفة أنه قلبك كبييير.. فعندى عشم كبير أنك تجى رآجعة...

كلام زي الدهب
أنا منك ياسلمى ولابرجع بالباب, بنط الحيطة.

تعالي ياخ, هي الدنيا دي فيها شنو غير لمة الأصحاب

Quote: وبما أنى عآرفة أنه قلبك كبييير.. فعندى عشم كبير أنك تجى رآجعة...

كلام زي الدهب
أنا منك ياسلمى ولابرجع بالباب, بنط الحيطة.

تعالي ياخ, هي الدنيا دي فيها شنو غير لمة الأصحاب

مرة طربان شلت صوتك
شان اغني
انتي اول
وانتي تاني
وانتي تالت
وانتي
رابع
و
تحية بعمق الألفة لكم جميعا
وانحناءة ل
نور تاور
فهذا اعتذار واضح دون تبرير زائف او مخادع
وليس كالأعتذارات التي تمجد الذات
اعتذار فيه الحب وطيب الخاطر
وفيه الندم
وياليت
شوكران نور تاور
ويا سلمي سلامة
لا تجعلي الآخرين يبذلون مهج ذواتهم لعودتك
وقالوا في المثل
العشرة بين اللئام اربعون عام
وبين الكرام مدي الدوام
و
انتي كريمة وبنت كرماء
والعودة للاحباب يشبهك
فقري معنا موفورة الكرامة و غير مهيضة الجناح
و
التحية لكم فهذا القول يشبهكم , يشبه السودان ,, يشبه النفاج ولمة العصرية وونسة خشم الباب

فوق
لمزيد من القراءة واستزادة من الآراء

تحية...

وضاحة.....وكيف لا تكونين وضاحة....حروف تحمل الخاطر منديلا شفيفا معطرا في قائظ الحر اللافح...مثلما تحمل رؤي فجر المشارق...مسنود ذلك بثقافة التسامح كظل يستريح من هجيره المتعبون والمحبطون...


معا لمداوة اهات الخذلان .....معا لهندسة الصبر .....نحو نوافذ الضياء... أن لا نقول متي..

تحية طيبة

العزيز/ود ابسن اسعد الله اوقاتك

وشكراً ليك كتير
....

استاذتنا العزيزة / سلمى الشيخ سلامة

ربنا يديها الصحة والعافية وهي من الناس البخشو في القلب توووووش

والله كنا بنجري جري على كشك الجرائد والابرول ملان زين وطين
وتحت اليورفان الملجن قدام الورشة بنقعد نقراء بانبساط (يوميات من بلاد العم سام)
المساء بشيل الجريدة البيت وتاني اقراء من اول

اتمنى أن تعود سلمى الشيخ سلامة

عشان نتعلم منها الكتير ونستفيد اكتر

....
الشكر لكل الزملاء الاكارم

وشكر خاص للاستاذة / نور تاور على الكلام الطيب



.....

بالجمبة كده


ياخ تعالي

الجيد في الامر
انو سلمى سلامة
لسه عندها نفاج بتطل منه على الناس
من هنا انا بضم صوتي للشباب يا ريت يا سلمى
تتجاوزي كل ما هو مبتذل وفاضي
وفي تصوري الحاجات دي بتم اصلاً وضمن اهدافه الابعاد او اسكات
صوت الحقيقة
من هنا ياريت ترتبي اوراقك وتجينا ناطة من تاني
مع خالص التقدير والاحترام

زعلان منك يا سلمى
زعلان بحق
وأحملك المسئولية التامة
عن كثير من البعث
كان ليكون متاحاً
في وجودك
أنتِ مسؤولة مسئولية تامة
أمام أي حرفٍ غاب
في غياهب عطاءات الأرواح
التي تغزل على مناولاتك
أبعاداً تضاف

أنه بلاغ مفتوح ضدك
إليكِ
فأحكمي بإيابك
أو قتل الأفق





تحياتي، محبتي واحترامي
وامتناني لك عُبد

شكري للجميع
الظاهر اتورطت في حكاية الردود الفردية ,فساءت الشبكة واختفت مني تعليقات الفيس بوك
كامل الامتنان لكم
ومما يبدو جليا للعيان وقرت محبة سلمي في القلوب
ويا سلمي اهلنا قالو
كان حبيت ما تكمل
وكان عاديت ما تكمل
ختي محبة الناس في كفة وعداوات الناس في كفه , وشوفي الكفه المرجحه ياتا
ماأظن الحب يعادل الكره

أتمنى أن تعود لداخل الحوش
ومع ذلك احترم رغبتها في البقاء بعيداً عن من أساء إليها وذلك في حد ذاته موقف (لو تعلمون) عظيم

وشكراً يا عبدالحفيظ

وفي انتظار عينيك كملت الصبر كلو
ويا بت يا نيل

Quote: ومما يبدو جليا للعيان وقرت محبة سلمي في القلوب ويا سلمي اهلنا قالو كان حبيت ما تكمل وكان عاديت ما تكمل ختي محبة الناس في كفة وعداوات الناس في كفه , وشوفي الكفه المرجحه ياتا ماأظن الحب يعادل الكره

سلمى الشيخ سلامة
لك الود والتحايا الطيبات

واحد/واحدة فقط أساء/اساءت إليك
ياترى كم هم محبيك؟
ياترى كم هم معجبيك؟
أم كم هم عدد العاشقيك؟
عودي ياسلمى .. كلهم في الإنتظار....

ثلاثة نساء لا يمكن تعويضهن مهما فعلنا...

1- سلمى الشيخ
2-تمآضر شيخ الدين
3-رجاء العبآسى..

شكرا لكم جميعا
وفي إحجامنا عن المشارك دعم للخط المناوئ لنا , فقد اخرجنا من الصراع , فالسباب والشتائم تكتيك في الحوار حين يعوز احدهم المنطق والموضوعية
لا تتعارك مع الخنازير فتتسخ والخنازير يعجبها ذلك

امد بدري · Riyadh, Saudi Arabia
مسا الخير الفرق شنو بين الكتابه تحت او فوق لانو شايف مشاركاتك بشكل يومي من نافذة الفيس عموما متمني اشوف كتاباتك وادي طلب صداقه في الفيس وفي مجموعتك تسلمي اختي
رد · 1 · أعجبني · ‏10 يناير‏، الساعة ‏06:55 مساءً‏

Salma Salama · الأكثر تعليقا · Cedar Crest College
الكتابة فعل حر ، حريته تقتضى ان يحدد الكاتب موقع حريته ولانى احب حريتى فاكتب " محل ما يعجبنى " وخاصة الفيس بوك وعندى "فسحة كبيرة
https://www.facebook.com/groups/Salmasalama/ اهلا بالكل وشكرا للاهتمام ياشباب ويا ملهم مانى خوافة ولا بخاف لكن بحبنى جدا ، اتعلمت احبنى ، لانه لو ما حبيتنى ما بحب زول ولك المحبة ولكل من احبنى فى هذا العالم الفانى كل المحبة
رد · 3 · أعجبني · متابعة المنشور · ‏10 يناير‏، الساعة ‏02:36 مساءً‏

بدرالدين مصطفى · Sudan University of Science and Technology
أستاذة سلمى أتمنى أن تعودي للداخل .. ولتبقي مشاركاتك في حدود، مثلما يحدث هنا (ما بتهبشي أي بوست) لكن وجودك في داخل الحوش يعطيه شيء من الجمال .. تحياتي مثنى وثلاث ورباع
رد · 1 · أعجبني · منذ ‏20‏ ساعة

Aati Badri · كلية الهندسة جامعة عين شمس
سلمى تعرضت لاهانة من بريمة واتهامات بالمثلية لانه لم يفهم احدى كتاباتها
وانى له ذلك فذكوريته وعنصريته تشكلان حاجب كثيف لفهم هكذا ابداع
وبعد ان تخلص منها تفرغ للاخ سمير كوكو في حربه السرمدية ضد النابهين
تحت راية مثل لا يابه بها هو نفسه
ولكن ذلك لا يمنع ان نقول ان الحبيبة سلمى هربت ورغم ذلك حبها للمكان واحترامها له وتقيرها جعلاها تاتي من الشباك
اضم صوتي للمنادين بالعودة
رد · 2 · أعجبني · متابعة المنشور · ‏10 يناير‏، الساعة ‏02:13 مساءً‏

رحمة الله المصطفى
وبصراحة للأعضاء ال عندهم باسوردات. كان المفروض تلقموا هذا البريمه حجرا وبصوره جماعيه وعنيفة تردعه ، ( وبالجمبه يا سلمي عجبني تعبيرك بحبني وانا برضو بحبك معاك )
رد · 2 · أعجبني · متابعة المنشور · ‏10 يناير‏، الساعة ‏10:24 مساءً‏

رحمة الله المصطفى
أضم صوتي للآخرين ، معقول تغيبي انتي ويقعدوا عاطلي الموهبة والأخلاق ؟ نحن نحتاجك وبشدة
رد · 1 · أعجبني · متابعة المنشور · ‏10 يناير‏، الساعة ‏10:01 مساءً‏

Ali Ahmed · متابعة · الأكثر تعليقا
بتذكرنى دائما بالكاتبة الرائعة نادية عابد فى مجاة صباح الخير المصرية الآسبوعية أيام زمان ...
رد · 1 · أعجبني · متابعة المنشور · ‏10 يناير‏، الساعة ‏11:59 مساءً‏

Ekhlas Elmusharaf
سلمي الشيخ سلامة يا رائعة اكتبي كان فوق كان تحت
رد · 2 · أعجبني · متابعة المنشور · ‏10 يناير‏، الساعة ‏08:59 صباحاً‏

Galal Eissa Omar
استاذنا حامد بدوي .. الفرق انو استاذة سلمي بتتواصل < كقارئة > لما هو مطروح من مواضيع لزملاء لها تظن ان رأيها يهمهم و.. <هو كذلك> .. من نافذة الفيس,,, و ليس ككاتبة لهل رؤاها و افكارها والتي هي محل احترام و تقدير قراءها .. و يا استاذة سلمي .. الاساءة نعم كانت مؤلمة و جارحة و لكنها لاتحط من فدر من يعرف قدر نفسه بل اساءت لقائلها في المقام الاول والغريبة اعاد ترديدها لزميل له في بوست عن النكرة عبد المنعم سليمان معيدا انتاج الازمة بصورة غير كريمة . ف شنو .. المطلوب عودتك لساحة المنبر حتي لا يسرح و يمرح فينا مستجدي الاستنارة
رد · 2 · أعجبني · متابعة المنشور · ‏10 يناير‏، الساعة ‏06:36 مساءً‏

الود والمحبة للاستاذة سلمي سلامة..
وشكرا للاخ عبد الحفيظ ابو سن لهذا البوست..

الاستاذة سلمي تعرضت لافتراء و " قلة ادب " شديدة من العاهــــة بريمة محمد آدم .. ورغم انه اغلب الاعضاء ادانو تصرفه الغبي وغير مؤدب ويدل على عدم فهم وعلى زول نفسه جربــــــانة .. لكن الشئ المحير كان هو موقف بكري ابوبكر الغير مفهوم بالمرة ..
وسكاته على هذا التطاول وعلى الافتراء في حق الناس وسمعتهم وسيرتهم وأخلاقهم..
بكري بتصرفه بعدم مسئولية تجاه سلوك وكتابات بعض العاهـــات مثل بريمة محمد آدم هو البيدفع اقلام جميلة مثل سلمى سلامة وابوبكر سيد احمد لهجر هذا المنبر..

كنت قبلك انوي ان ادعو الاستاذة سلمي للعودة وخاطبتها بالفيس بوك لكن تاني فكرت ندعوها بياتو وشي ونحن اساساً ضيوف عند رب دار بخيــل يضام عنده الشريف ويهان الكريم ويتطاول الاقزام ويرفع قدر الســفلة والارزال..
رب دار يهان ضيفه ويحقّر ولا يحرك ساكناً ولا يستحي..
ولسلمي سلامة كامل الحق في ان تتمثل بقول الامام الشافعي رحمه الله :/

ارْحَلْ بِنَفْسِكَ مِنْ أَرْضٍ تُضَامُ بِهَا *** وَلاَ تَكُنْ مِنْ فِرَاقِ الأَهْلِ فِي حُرَقِ
فالعنبرُ الخامُ روثٌ في مواطنهِ *** وَفِي التَّغَرُّبِ مَحْمُولٌ عَلَى الْعُنُقِ
والكحلُ نوعٌ منَ الأحجارِ تنظرهُ *** فِي أرضِهِ وَهْوَ مَرْمِيٌّ عَلَى الطُّرُقِ
لمَّا تغرَّبَ حازَ الفضلَ أجمعهُ *** فَصَارَ يُحْمَلُ بَيْنَ الْجَفْنِ وَالْحَدَقِ


وسلمى سلامة بزكاوة العنبر ومحمولة في الاحداق..

I`am Gay

ليس من أخلاقنا .. وكان هذا كل أعتراضى!

بريمة

العنف الذهنى ..بريمة نموذجا

الرجال مواقف .. وبريمة يقف حيث يملى إليه ضميره .. وليس رغبة الأخرين.

وليشهد التأريخ.

بريمة

مرحبا بريمة
وحبابك
وضد اعاده انتاج المشكله
ذلك صراع سابق ومحض ماضي
فهل نحن مستعدون للتسامي فوق تقيماتنا الشخصية
ان كنا نقف ضد الاشخاص المعارضين في تناولهم الشخصي للسلطة , فبالضروري ضد التناول الشخصي للزملاء
كامل الود لك

Quote: الاستاذة سلمي تعرضت لافتراء و " قلة ادب " شديدة من العاهــــة بريمة محمد آدم .. ورغم انه اغلب الاعضاء ادانو تصرفه الغبي وغير مؤدب ويدل على عدم فهم وعلى زول نفسه جربــــــانة .. لكن الشئ المحير كان هو موقف بكري ابوبكر الغير مفهوم بالمرة .. وسكاته على هذا التطاول وعلى الافتراء في حق الناس وسمعتهم وسيرتهم وأخلاقهم.. بكري بتصرفه بعدم مسئولية تجاه سلوك وكتابات بعض العاهـــات مثل بريمة محمد آدم هو البيدفع اقلام جميلة مثل سلمى سلامة وابوبكر سيد احمد لهجر هذا المنبر..

زمانك يا مهازل فأمرحى!

بريمة

مرحبا حيدر الزين
وحبابك
نحن محضر خير للاصلاح
والهدف استعادة الاعضاء المميزين
وسلمي كاتبه محترمه ومميزه
فدعنا لا نفتق جراحات الخلاف
ونحول بوستا لرأب الصدع لبوست خلافي
كامل

بريمة ما تتراقص لينا هنا زي كبشور !




تعديل

بريمة محمد

Quote: ليس من أخلاقنا .. وكان هذا كل أعتراضى!

لا يا بريمة، كلامك كان واضح وفيهو تلميح صريح لم ولن يخفى على أحد
انا لو مكانك ولو ما زلت مقتنع بكلامي بعيدو تاني (رجالة)،،، ولو غيرت رايي بعتذر بكل شجاعة (رجالة برضو) للاخت سلمى !

يا جماعه طولوا بالكم
دون حده
ودون انتهازيه لتصفيه الخلافات
الاخ بريمة كان عندو راي وقالو , والراي ده سبب خلاف ,, وهو راي شخصي وشخصي جدا
فدعونا نعطيه الفرصه ليس للتراجع عنه بل الاعتذار عنو
وضد التقيمات الاخلاقيه والسلوكيه وبالضروره الاتهامات

Quote: بريمة ما تتراقص لينا هنا زي كبشور !

أنا لو دقيتك لما رقدتك عيش يا غجرى .. برضو خلافنا ما بنحل .. مينو القال فى حق الكاتب منعم سليمان:

Quote: يا اللوووووووووووووووطى تعال هنا أفشخك

هل لما قلت هذا الكلام كنت تحت التأثير أم أنك مثلى حقيقة؟


أحسن لى نرفع وكيلى إلى الله .. ونتركك فى حضيضك.

بريمة

يا بريمة زعلت ولا شنو يا زول

كبشور دا برضو مش حازمي زيك ولا أنا غلطان

كان غلطان قول لي من غير زعل

ومنعم دا هو القال الرجال في الشمال عندهم (عـــنة ) وقال حريم الشمال (عندهن شبق) ولا أنا غلطان

باقي لي زي دا أخليهو كدا يقل ادبه على كيفو عشان إنت تكون مبسوط

يا برمة يا وهم إتعدل قبل ما أجي أعدلك

عاصم و بريمة
كدي يا حبان ختو الكوره واطه
وكل شوكه بسلوها بي دربها
بوست للم الشمل نقوم نخلق فيهو خلاف يزعل واحد تاني
انا غايتو علي قناعه تامه مافي زول بغلط مع زول ما براجع نفسو ويندم
فكدي ادو الناس فرصه للتراجع والاعتذار كما فعلت نور
و
اخوك كان رميتو قوم منو
و
اخوك كان كتلك بجرك الضل
سلمي
يا سلامه
في انتظارك وفي شرايني بدمدم حس قطارك

غايتو بريمه ده مفروض يدوهو طلقه او كرسي كهربائي لامن راسو ده يجي معقوله يابريمه ات عايش في امريكا قريت البوسطي المعني كلامك ده مامقبول نهائي وماف شئ واحد كتبتو او لمحت بيو سلمى غير انو اشارت لظاهرة موجوده في كل الدول وعايزه تشرحا بي شتارتك ومداخلتك الواحده ده قلبتا الدنيا مجنون اتا وحجرك الواحد الرميتو ده اربعين رجل مابرفعو ياخي حتى لو فرضنا كلامك صح لزومو شنو العوج لو عندك نصيحه او مساعده قدمها او اصمت
مفروض سلمى تغير الموضوع بتاع الشذوذ ده وتكتب لينا عن التبول اللا ارادي كان رشانا بريمه بي بولو المالح ده ملا الوطه كلها العجب كان ضارب ليو كورية بقنيه

عبد الحفيظ،
سلامات ..

Quote: مرحبا بريمة وحبابك وضد اعاده انتاج المشكله ذلك صراع سابق ومحض ماضي فهل نحن مستعدون للتسامي فوق تقيماتنا الشخصية ان كنا نقف ضد الاشخاص المعارضين في تناولهم الشخصي للسلطة , فبالضروري ضد التناول الشخصي للزملاء كامل الود لك

أنا لم أفعل شيئ حتى أعتذر منه .. أو عليه.
أنظر وأعيد الكرة فى تعليقى .. أنا رديت على شخص يتساءل عن كثرة قراء البوست .. ورددت إليه بقولى:

Quote: يا أخ كل الناس جايين شمار ساكت .. ليعرفوا هل البوح يخص صاحبة البوست أم لا .. لكنها كبت الزوغة ومرقتها فى جهة أخرى .. وأظن فى النفس شيئ من حتى! بريمة

وهل الناس يعلمون الغيب حينما يقول شخص "أنا مثلى".. هذا بوح خطير .. والناس جايين الأعمى شايل المكسر .. وكل زول يرجع و حمده فى بطنه. ما كتبه شرح لهذه الحالة .. وأخرجت سلمى الجملة من سياقها .. وظلت تبكى وتنوح .. هل أعتذر لأنها ظنت أننى أسأت لها؟ ..


تعالوا أقنعونى أن سبب مداخلتى من الأساس كان بسبب الأساءة؟

راجع بوست سلمى تعرضت فيه للأساءة والملاسنة والتهديد .. لكن لم تكن هنا حجة واحدة مقنعة للرد على مداخلتى.


وسوف تظل جذوة ضميرنا السودانى الحيى متقده .. ويقظة.

وهذه أخر لى مداخلة .. ولن أتداخل إلا إذا وجد حجة وليس ملاسنة

بريمة

حبابك بريمة
لم اكن متابعا جيدا لسودانيز , ولا أعرف اصل المشكلة ولم أقرأ إلا ما كتب هنا
شاكرا لك موقفك في عدم التلاسن ,, وانت مرحب بك جدا هنا من اجل منبر يسع الجميع , إن عجزنا عن قبول الآخر في منبر فكيف بنا في وطن تتناوشه الاطماع ويحف به الفساد ونحن ندعو لوطن حدادي مدادي ولا بنبيهو فرادي
في تقيمي الشخصي اخي بريمة انا مستعد للإعتذار لإي عضو ان ظن انني اسأت له , وقد فعلتها هنا سابقا في بوستي الامريكي , قد تعجز بلاغتنا احيانا عن تبيان غرضنا ,,
كامل الود والتقدير لشخصك

حبابك حامد بدري
كدي خليك محضر خير ياخ
خلينا نصفي النفوس
وبريمه وعد بعدم التلاسن
ليس مقبولا من اي احد وصف شخص بصفه لا يحبها , ولا ان نتتبع عثرات اللسان [ الكي بورد ]
غياب سلمي من البورد خسارة ,, خسارة لحركة التوعية والتنوير ,, وخسارة للتاريخ الحديث فهي احد الشهود والصانعين له كما ألمح العزيز بشري الفاضل
وقالو
كلام الخطوبة يوم الطلاق ما بتلقي

Quote: ومنعم دا هو القال الرجال في الشمال عندهم (عـــنة ) وقال حريم الشمال (عندهن شبق) ولا أنا غلطان باقي لي زي دا أخليهو كدا يقل ادبه على كيفو عشان إنت تكون مبسوط

منعم قال ما قال .. وأدانه قراء المنبر ..
لكن يا الغجرى أنت جيت وصرحت تصريح خطير ..

Quote: تعال ياللووووووووووووطى أفشخك

.. غير أنك رميت منعم باللوووواطة من غير وجه حق .. وهذا فى الأسلام يسمى قذف .. وله حد .. أنت ممكن تحاسب بحد القذف ..

لكن المشكلة .. الوقعت فيها أنت .. لو قلت أمشى ليك لزول أفشخك .. ما كان وقفت فى حلقك بمثل أنا خانقك الأن .. فأنت أستعملت حرف الألف فى "أفشخك" .. وهذا يدخلك فى واحد من أثنين إما أنت مثلى .. وإما كنت تحت التأثير .. وما لم تعترف بواحدة منهن لن أتركك ..

أنظر لسلمى قالت I'm Gay .. أنظر حرف "I" .. مثل ما قلت أنت فى حق منعم تماماً ..

فهل أعتذر أنا .. أم تعتذر أنت وسلمى الذين أستخدمتم حرف "I" فى موضع يخل بكل موروثنا السودانى ..


بالله كفكف جراحك وما تجيبنى تانى راجع ..

ولو أصريت لأستعدالى بالقوة .. شيل عكازك وتعال فرجينيا ..

--------------
كبشور ليس بقارى ..

بريمة

ههههههههههههههههههههههههههههه

وريني البخليك تدافع عن منعم سليمان وهو يسيء للناس وتقيف ضدي وأنا أسيء لمنعم سليمان رداً على فعلته شنو ظ

عندك مكيالين للحق ؟

طولو بالكم
وليس كل ما يعرف يقال
والظن أكذب الحديث
وحق المسلم علي المسلم ان تحسن به الظن
تعودنا في شجارنا الحامي ان نطلق تلك النعوت ولا نقصدها حرفيا ولا يفهم سامعها حرفيتها
فكدي ما نجيب واحد تاني ونوسع الخلاف
ومعا من اجل عودة سلمي وكل من له موقف
وضغطا لبكري بمنع المنفعل من الرد ولو ليوم وليس حظره فلا نخطي إلا سجالا ومنفعلين

Quote: الحبيبة الرائعة الجميلة \ بت سلامة . وقت مواضيع هايفة وانصرافية بتخليك تتخلي عن وطن مصغر بالنسبة ليك وانت عارفانا نحنا اقلية ومحتاجين للمزيد وليست النقصان في هذا الحوش العامر!!!

هذه المداخلة كتبتها منى عمسيب ..
وتشير فيها بكلمة "نحن" أقلية .. وكلمة نحن بمثابة حرف الألف .. ضمير متكلم ..

أنا عايز أعرف موقع هذا ال "نحن" من بوست I'm Gay وين من الأعراب؟ وعايز أعرف كلمة أقلية أى أقلية هذه؟


يبدو أنا ح أموت كمد ساكت وأسوى لى وجع قلب ..

بريمة

وضاحة
كتبت الأتى:

Quote: للاسف كل الاقلام الجميلة رحلت لنها قبلت بالهزيمة من اصحاب النفوس المريضة الذين هم سعوا لذلك فمكنوهم من هذه الفرصة

وهى التى قالت ..

Quote: لو نزلت صورتى بتركعوا والركوع لغير الله مزلة هههههه علشان كده رفقا بكم بس انا لونى افتح من خال البشير كذلك اهلى بيتنا خلى بالك يكون فينا العرق الاري كدى بالله يا صبرى ابحث لينا فى اصول الجعليين ديل البياض دا جانا من وين ههههه

لما قلنا لها هذا لا يليق ببت ناس تحترم نفسها أن تكتب مثل هذا فى منبر عام ..
ردت ..

Quote: أنت لو جيت الأمارات ح تشتغل لينا بتاع غيسل ودرويل لينا

يعنى بنت الجنس الآرى عايزانى أغسل لها ملابسها الداخلية !!

وهل طالب بريمة بأعتذار؟ .. أو بكى؟ . لا .. لكنه أنتزع حقه بالقوة فى هذا المنبر والكل شهود بما فيهم مروج لفظ اللووواطة عاصم فقيرى.

بريمة

أول حاجة يا بريمة وضاحة كلامها دا كان موجه لعبد الرازق الطالب

وكلامها الأول عن لو نزلت صورتها كان مجرد مزاح مع ناس هي متنعودة تمزح معاهم

يعني إنت فقط متلقي حجج وعاوز تتصدر لأي كلام

بعدين إنت قلة الأدب البتقولها هنا في المنبر شوية

اجيب موسي واطهرك لكم واحدة قلت الكلام دا هنا

إنت لو كنت مهذب في شخصك من حقك ترفض أي أسلوب غير مهذب

لكن إنت زي قلة الأدب القاعد تقولها راكبه معهاك في نفس السرج

وسيبك من اللف والدوران بتاعك

أنا شخصياً ما عندي اي عداوة تجاهك لو تعلم

ولكني أرفض أسلوبك في الحوار

Quote: وانت عارفانا نحنا اقلية ومحتاجين للمزيد وليست النقصان في هذا الحوش العامر!!!

دي فهمت منها شنو يابريمة ؟؟؟ ياخي دي الواضح مقصود بيها الجندر وفعلا هم اقلية .... انت ياخوي مشيت بعيد ...

Quote: أنا شخصياً ما عندي اي عداوة تجاهك لو تعلم

أها لما تحدثنا معك بلغة عكازى وعكازك .. جابت ليها رخيان ..


يا زول هووى، أنا عكازى المضبب فى أمريكا دى ضابى فى أباطى وماشى بيهو .. ولما الأمريكان يسألونى عنه أقول لهم كما قال سيدنا موسى .. هذه هى عصاى أتوكأ عليها وأهش بها على غنمى .. وتحت تحت لى فيها مآرب أخرى لأمثالك.

أبقى راجل وأثبت على موقفك .. والحكم بينا هم القراء.

بريمة

يا بريمة أنا موقفي ما غيرته لكن شايفك إنت ماخد الموضوع وكأنما بينا تار

وأنا يا لا بخاف منك ولا من 100 زيك

إنت ما بتعرفني أنا الزيك دا وبعكازه كان لميت فيه بخليهو يجري قدامي

بس ما عاوزك تاخد الأمور بعداوة شخصية ودي الحقيقة مافي أي شيء يستدعي ذلك

لكن أسلوبك في الحوار حاول إنك تهذبه

أسامة،
سلامات ..

Quote: دي فهمت منها شنو يابريمة ؟؟؟ ياخي دي الواضح مقصود بيها الجندر وفعلا هم اقلية .... انت ياخوي مشيت بعيد ...

أنت كده وضعت يدك فى محل الوجع .. وبدأت تشرح .. لكنى غير ملزم بشرحك أنت .. الكلام أصلاً مكتوب ليتم تأويله بأى إنسان .. كلام مبهم.

وبهذا الموقف البسيط يتم شوطنة بريمة بأنه خبيث وشرير .. غير أنى لم أفعل إلا مثل هذا التساؤل البرئ الذى يتم تأويله بخلاف ما بطن.


بريمة

Quote: يا بريمة أنا موقفي ما غيرته لكن شايفك إنت ماخد الموضوع وكأنما بينا تار وأنا يا لا بخاف منك ولا من 100 زيك إنت ما بتعرفني أنا الزيك دا وبعكازه كان لميت فيه بخليهو يجري قدامي بس ما عاوزك تاخد الأمور بعداوة شخصية ودي الحقيقة مافي أي شيء يستدعي ذلك لكن أسلوبك في الحوار حاول إنك تهذبه

أنت ليك خياراتك .. تلم فينى ولا تخلينى لا دخل لى بها ..

أما عكازى فهو حقى أنا وأنا مخير في أى موضع أضعه .. فى الوطاة أو رأس زول .. دا خيار يخصنى أنا.



وأحتفظ بنصيحتك لنفسك ..

بريمة

عكاز شنو يا بريمة

هو الكلام في العكاز ولا في الراجل البيقدر يستعمل العكاز

إنت بس أرجاني لمن ألاقيك

بريمة إنت تعبت متعاي

الاح بريمة سلام ..

ياخ ما كان يكلفك شئ لو قلت يا اخوان انتو فهمتوني خطأ وانا أسف يا اخت سلمى ما قصدت اي اساءة ؟؟.. أكيد ما كان حد راح يرجع وينبش أصل المشكلة .. ولايوجد انسان معصوم من الخطأ .. لكن بالطريقة دي بوست المصالحة نفسه تحول لبؤرة صراع جديدة

واصبح هو مصدر خلاف وتأذيم للمشكلة بدلا عن حلها ..

ياخ العن الشيطان استغفر واعتذر ... او حتى تأسف لفهم الحضور الخاطئ لمداخلتك على الاقل ..

لان حتى الجدال في هذا الاتجاه الكاسب فيه خسران دون شك ..

بكده يا عاصم ..
أنتزعنا منك شيئ .. أنك أعترفت بإساءتك لمنعم سلميان

Quote: وأنا أسيء لمنعم سليمان رداً على فعلته

again you dropped the ball .. فأنت ملزم بأعتذار لمنعم سلميان .. ولنفسك أولاً لأنك أخطأت وأعترفت بالخطأ وإلا تكون مكابر إن لم تعتذر ..

وإعتذار منعم من عدمه للشماليات لا يعفيك عن الأعتذار له .. لأنه لدينا نص قرآنى:
لا تز وازرة وزر أخرى ..

أى كل شوكة بسلوها بدربها ..

بريمة

Quote: نت كده وضعت يدك فى محل الوجع .. وبدأت تشرح .. لكنى غير ملزم بشرحك أنت .. الكلام أصلاً مكتوب ليتم تأويله بأى إنسان .. كلام مبهم. وبهذا الموقف البسيط يتم شوطنة بريمة بأنه خبيث وشرير .. غير أنى لم أفعل إلا مثل هذا التساؤل البرئ الذى يتم تأويله بخلاف ما بطن. بريمة

يعلم الله يا معتصم كنت داير اقول كلام قريب من دة
وحقيقة قصة شيطنة الآخر دي اظن هنا شغالة بشكل مؤسس وعندها عصابات
وليهم ازرعة خفية وباينة
ما في شك انو الناس لمن تلقي مساحة وعي
تساهم مع بعض فيها
وتمارس احسان الظن في الحولها
قصة اننا ما نغلط في بعض دي ما واردة
وقصة ان الكلام البنقولو لي بعض
ما اتحور وتكون فيه بعض المطاعنات والاشارات الموجبة اوالسالبة .
دة حا يكون لغة اشارة ما كلام
والناس كلها ما زي بعض

الاخت الكريمة سلمي الشيخ سلامة
من الاقلام الجرئة وافكارها ما قاعد تجامل فيها وعندها مخزون ثقافي ما ساهل ربنا اديها العافية وتمام التوفيق

اهة .....الكلام دة عندو تمن

لمن الزول يطرح قضية او قصة او اقول اي كلام لازم يتحمل مسؤليته وخصوصا حملة المشاعل
اي صاح ما بكون ملزم انو الناس تفهم بطريقته هو .
بس علي الاقل انو موقفوا يكون واضح واتحمل تبعات كلامه

اما قضية تحرم الناس عن طرحها
لموقها من لياقة بريمة ( دة تفسير من عندي )
واصطفاف البعض معاها من اجل شيطنة بريمة او تصفية حساب معاه
اظن الكلام دة فيه لينا ظلم نحن المتابعين ومع الاستمتاع لكتاباتها

بالنسبة لاخونا بريمة شايف انو هو ما غلط معاها
ومن حقو يستفسر ويستفهم واعترض طال مالموضوع مطروح وفي منتدي بتاع حوار
ودة الفهمتو من كلامه ومن متابعاتي للحوار في موضوع المشكلة
احيانا كتيرة بعض الذين يعترضون علي بريمة هم اشد من بريمة (بمفهومهم هم )
وعاملين من نفسهم فتوة البورت واخوان البنات
وحقيقة يا اخونا فقيري مداخلاتك مع بريمة ان لم تزيد لا تنقص
وما اخفيك مرات كتيرة ليك مواقف لا تتناسق مع طرحك هنا
نرجو من الاخ بريمة زي ما قال ليك العزيز درديري
(( ياخ ما كان يكلفك شئ لو قلت يا اخوان انتو فهمتوني خطأ وانا أسف يا اخت سلمى ما قصدت اي اساءة ))
ونتمني من الاستاذة سلمي تشرفنا وتلبي رغبة الجمهور
بي فوق
وحقيقة مشتاقين لدواسك فوق يا بت الشيخ
وربنا اديك العافية والسداد

Quote: هذه المداخلة كتبتها منى عمسيب .. وتشير فيها بكلمة "نحن" أقلية .. وكلمة نحن بمثابة حرف الألف .. ضمير متكلم .. أنا عايز أعرف موقع هذا ال "نحن" من بوست I'm Gay وين من الأعراب؟ وعايز أعرف كلمة أقلية أى أقلية هذه؟ يبدو أنا ح أموت كمد ساكت وأسوى لى وجع قلب ..

لا اله الا الله

يا خى ده سوء ظن فايت الحد

فوق
لحين
ميسره

الصادق ماعصرتا علينا شديد
بريمه بلا اي بلا واي شوف رب العالمين جعل الحتة دي تحديدا بي اقرار او بي شهادة شهود وسيلتين اتنين فقط لاغير فلو التزمت بالكلام ده مافي شي بجيك اتا مكابر ولايوق بس وصدقني البترمي بيو الناس ده حيجيك في خشم بيتك اعراض الناس ماشي ساهل ربنا يغفر ليك بس
ويالصادق اصحا شوية واقرا الكلام الكتبو بريمه وزعل الناس كلها ماسلمى براها

Quote: الصادق ماعصرتا علينا شديد بريمه بلا اي بلا واي شوف رب العالمين جعل الحتة دي تحديدا بي اقرار او بي شهادة شهود وسيلتين اتنين فقط لاغير فلو التزمت بالكلام ده مافي شي بجيك اتا مكابر ولايوق بس وصدقني البترمي بيو الناس ده حيجيك في خشم بيتك اعراض الناس ماشي ساهل ربنا يغفر ليك بس ويالصادق اصحا شوية واقرا الكلام الكتبو بريمه وزعل الناس كلها ماسلمى براها

اخونا حامد بدري
غير عصرت علينا شديد دي ما فهمت حاجة
صدقني ما فهمتك داير تقول لي شنو

تحياتى المواطن ابو سن


وتحياتى للضيوف من طرف


النديكم النجيضة رغم محبتكم للمواطنة سلمى الشيخ سلامة

للاسف سلمى لن تعود للمنبر ...


عبركم التحية لحبيبو الكل بت الشيخ سلامة ....ويستمر النضال

ود اب سن جيت تكحلا عموها ليك

تحياتي لك وللاستاذة سلمي .

للاسف انحرف البوست عن مساره .

من علامات مظاهر الانحطاط الحاصل في كل نواحي الحياة
في السودان انه قامة ذي أستاذتنا سلمي يتطاول عليها عاهة ذي بريمة
-------
معليش يا بريمة صدقاً لم اجد أدق من وصف أخونا حيدر الزين لوصف الحالة الانت فيها
يا عزيزي شخصية ذي أستاذة سلمي من المفترض بل من واجبنا أن نقيم لها تمثال لتكريمها
قطعاً انت لا تعرفها لأنك لو عرفتها أأكد لك انك لن تستطيع أن ترفع عينك أمامها

معآوية عبيدالصآيم...

من وين عرفت أنه سلمى ما حترجع للبوست ؟
نّورنا عشآن نحفى ورآها..

أمين على الشيخ

Quote: معليش يا بريمة صدقاً لم اجد أدق من وصف أخونا حيدر الزين لوصف الحالة الانت فيها يا عزيزي شخصية ذي أستاذة سلمي من المفترض بل من واجبنا أن نقيم لها تمثال لتكريمها قطعاً انت لا تعرفها لأنك لو عرفتها أأكد لك انك لن تستطيع أن ترفع عينك أمامها

مالم تأتى بنقد مؤسس يؤكد ما أخطأت فيه، تظل وجهة نظرك فينى لا تغير في الأمر شيئ ..

أى أبن أمرأة مثلك لا يهز في بريمة شعرة ..

بريمة

Quote: ففى نهاية الفيلم يتقدم الفتى بطلب الزواج من خطيبته فى حفل كبير كان لزواج احد اصدقائه وحين جثا على ركبتيه وصمت الناس من حولهما صاحت رفيقتى ـ الخاتم ، الخاتم لابد من الخاتم كانت سمراء بلون البن جميلة ، لم تتجاوز سنواتها العشرين بعد كانت تنادينى ماما واتقبل مناداتها بحب حين صاحت الخاتم قلت لها : هل تتمنين ان تتزوجى ؟ قالت وهى تكاد تصرخ ـ لا قلت لها ـ مازلتى صبية وجميلة "والف من يتمناك " ضحكت وردت ــ I`am gay قلت لها ـ كيف ؟ ـ الم تلاحظى ذلك ؟ كل زميلاتنا يعرفن امرى ـ لا لم اكن اعرف لكنى طرحت نظرة عامة عليها ، وجدتها لم تلبس سوى "الاردية فى كل يوم ، حتى الاردية تجعلها تبدو من خلالها ملابسها الداخلية كما يفعل الصبيان تماما ترتدى ودائما قبعة بيسبول ، احذيتها دائما رجالية ، حتى مشيتها كانت تخلو من الانوثة على الرغم من ان اسمها كان "الحان " قالت ـ لقد ظللت وفية لصديقتى منذ خمسة اعوام ولن اتخلى عنها ، ربما ستنجب هى اما انا فلا ... وظللنى صمت الى هذه اللحظة

ده الكلام الجا منو عنوان بوست السيده سلمى أم عازه (دهبايه)
ولا أطن بل أنا متأكد تماما ان هذه السيده تعرضت لظلم ماحق لاداعى له

Quote: لكنى كتبته فى سياق قصة من واقع عشته ومازال قائما وازعم انه كما اشياء اخرى فى حياتنا من الامور المسكوت عنها لكن ...نقاسه يقود الى الكثير من نفض الغبارات عنه

الكلام لسلمى تشرح وجهة نظرها

وتبينر مالاحظته

Quote: اول ايامى فى هذا البلد المعروف باسم بلاد العم سام وجدت انهم يناقشون ومن خلال البرامج هذه الظاهرة "المثلية " وبكل اريحية "

Quote: وبالناسبة كان معاى زميلة فى الشغل هاجرت من ايوا لانها بتقول انه ناس ايوا "ما بحترموا العلاقة البينا وبين صديقتها " مشت ولاية فيها التحرر اكبر من ايوا حتى البنات العندهم علاقات مثلية بدسوها مافى زول فى ايوا بقدر يقول انه "مثلى او مثلية " رغم وجود القانون

تحكى عن تجربة غيرها ...فهل قالت سلمى الشيخ سلامه انها مثليه ؟؟؟
وهل سمعتمر سودانيه تقول انها مثليه وتتبجح بها فى المنتديات ؟؟؟
....
ان السيده سلمى كاتبه تكتب ماتراه بعينيها وتسمعه بأذنيها من خلال تجارب وحكايات الآخرين
لامن خلال ممارسة ...لا اعتقد انها تحتاج الى فضح امرها ان كانت تمارسها ...

Quote: للحقيقة تستخدم الفتيات اللاتى كتبت عنهن هذا اللفظ تحديدا واذكر ان مقدمة البرنامج التلفزيونى المسمى باسمها "الان شو " قالت حين سالوها ذات مرة عن نوع علاقتها "بزوجتها " انها "gay" وجدتنى استخدم هذه الكلمة التى ربما وجدن "هن " انها تعبر عنهن اكتر من غيرها شكرا لك

وعنا شرحت الأستاذه سلمى المراد من الكلمه ..منسوبه الى
الفتيات
مذيعة التلفزيون

Quote: وجدتنى استخدم هذه الكلمة التى ربما وجدن "هن " انها تعبر عنهن

وجدن هن ...انها تعبر عنهن ..
ممايؤكد ان سلمى انسانه تعرف كيف تكتب ولمن تكتب وما الذى تريد ايصاله ..!!!

Quote: وجدتنى اتعاطى مع واحدة كانت متزوجة لرجل ولديها حبيبة من الرجل قالت انها "اثبتت انوثتها " ومن الصديقة لا اعرف ماذا جنت ؟ لكنه امر محير ويدعو للتامل ، فكيق يستقيم ان تكون واحدة متزوجة ولديها علاقة اخرى بانثى ؟ غايتو حيرونا معاهم

بعد الكلام القالتو استاذه سلمى تداخل السيد بريمه مشككا

Quote: يا أخ كل الناس جايين شمار ساكت .. ليعرفوا هل البوح يخص صاحبة البوست أم لا .. لكنها كبت الزوغة ومرقتها فى جهة أخرى .. وأظن فى النفس شيئ من حتى! بريمة

ولو قرأ السيد بريمه بتمحيص وتدقيق لما كتب ماكتب

ثم

Quote: يا اخى والله أحسست بان جعلتنى كواصف مكان الخمر. بريمة

ثم تداخل ثانية ليسحف من البوست وصاحبته ...على انه مكان نجس وحرام وقذر
وهلم جرا

ثم تداخل للمرة الثالثه موضحا اه يقول الحق ...قفز من الشكيك فى اول مداخله الى الحق فى ثالث مداخله
يعنى بى كده السيد بريمه اصبح واثقاً
انو السيده سلمى مثليه لمجرد انها كتبت عنوان البوست( انا مثليه)

Quote: البوست دا فيه حساسية عالية جداً تجاه أى كلمة فيها قول حق. أنت قربت تقع. بريمة

نفت السيده سلمى كل ماحاول بريمه ان يلصقه بها ورفضت الدخول للموقع
مما يؤكد ان السيده مجروحة الكرامه وانها لم تكن تتوقع ان يدنس بريمه كل مسيرتها بمثل هذا الإتهام

احى بريمه ..أرجو واتمنى ان يجد عندك ندائى هذا قلباً مقتوحاً ومحباً
لكل أخوتك فى هذا الموقع
وفى السودان
وفى كردفاننا
وان تعتذر للسيده سلمى مع خالص شكرى لك ...
نحنا معروفين بننصر المظلوم وبنسند المكلوم وبنقوم نفير بين الحلال والمراحيل
عشان فرت وجعه ....فما بالك بوجعه الأم والاخت والخاله والعمه سلمى

ده اخر كلام لى فى البوست ده بإذن الله

تحية للجميع
وخرج البوست مني ,, ان أكون كاتبه ,, فصار ملك الجميع , وما انا إلا زائرا مثلكم
لكم التحايا والتجلة
وشكر خاص لأبوروضة الذي نسح مداخلات الفيس
وللصديق ملهم الذي نسخ مكان الجدل في البوست مثار النقع
من الواضح والجلي ان سلمي تحدثت عن ظاهرة شاهدتها , وكتبت عنها بأسلوب قصصي شيق , وهذه الظاهرة موجوده هنا ,وتطرق لها احد ولاة الامر هنا واصفا بها الحكومة , أظنه والي او معتمد القضارف
وقرأنا اكثر من مرة في الصحف عن اعتقال شباب يحيون حفلا مثليا
وسمعت أغنية مثلية بلغة فجة ملحنه ولها شيالين واغلبكم سمعها ,
ونحن نعرف اسماء توصم بذلك في الحي والمدينة
وواضحين بسمتهم ولبسهم وصوتهم
وواضح جدا استياء سلمي من تلك الظاهرة
عموما هو سؤ تفاهم صب فيه كثيرا من الزيت الساخن

مرحبا معاوية عبيد
وحبابك
هل اسرت لك سلمي بعدم عودتها نهائيا ?
ودمت

التحية لك أخي عبدالحفيظ أبوسن و لضيوفك الكرام
الأستاذة القامة سلمى الشيخ مع آخرين هم من شكل وجداننا نحن شباب جيل الثمانينات و لذلك تجد لها مكانة كبيرة في قلوب أبناء جيلي فنحن من أكثر الناس امتناناً لها بحكم عطائها و تفردها و ما قدمته لنا من ضروب الإبداع و الثقافة.
عن نفسي أتمنى ألا تعود الأستاذة سلمى للكتابة في المنبر مالم يتم إنصافها من تلك الفرية الكريهة و الغمز الصفيق التي تعرضت له.
أنا و كثيرين غيرى لا نرضى لها العودة دون أن يتم رفع الإهانة عنها و معاقبة من أخطأ في حقها.
هي ليست مثل الآخرين في تفردها و طالما أنه لم يتم إنصافها و ليس هنالك ضمان من تعرضها مرةً أخرى لما تعرضت له نرجو منها عدم العودة و الكتابة هاهنا رغم أن ذلك يشق علينا.

Quote: أى أبن أمرأة مثلك لا يهز في بريمة شعرة ..

لكن إن جاك واحد من " الكاوبويات " بتقوم معرّد تديهو عجاجة كرعيـك بس..
الكاوبوي البيهز صلبك دا ابن امراة والا ود بقـرة


اما انك راجل مسـخـرة صحيح

سلامات وخالص الود والتحايا للاستاذه سلمي
غايتو بتذكر جميل كتابته عننا في قصص سابقه
اخر حاجه بتذكره في معرض رد ع قصة انو مها وايمن ديل مثال للكتابه الجاهزه للدراما او بتصرف في الكلام بس دا القعد في راسي من 2013
كنت وللصراحه بسال سؤال م طرحتو ليه الناس بتكتب من نافذة الفيس وهم اعضاء بورد

شكرا عبدالحفيظ وضيوفه

لا زلت عند بلاغي المفتوح ضدك إليكِ سلمى
وأعلم يقيناً أننا لو فتحنا الجرح دائماً أمامنا
وطفقنا ننظر إليه
فإنه أبداً لن يشفى
وأبداً إن وقفنا عند مكان واحد
نتأمله
نديره يمنة ويسرة
نرفعه إلى الأعلى
ونخفضه
أبداً لن نتزحزح من مكاننا قيد أنملة
إننا يا سلمى نسمو على الجرح
ونضع ما يجب فيه
ونمشي
وأنتِ أحد أعمدتنا التي اعتدنا منها القيام وإن تهاوت كل الأشياء حولنا
القيام بنا وبها
فكيف تنقلبين على عقبيك
في زمانٍ يتوجب فيه علينا أن نضع الأيادي فوق بعضها البعض
ونمضي



لا زال البلاغ مفتوحاً
وأنتِ معافاة الوجدان عادلةً وستبقين
فأحكمي...



تحياتي، محبتي واحترامي

Quote: لكن إن جاك واحد من " الكاوبويات " بتقوم معرّد تديهو عجاجة كرعيـك بس.. الكاوبوي البيهز صلبك دا ابن امراة والا ود بقـرة اما انك راجل مسـخـرة صحيح

وجعتك كلة أبن إمرأة ..!! ..
ياالباشبوزك ضع الكورة في وطاة الله .. ولو عندك غبينة بايته ليس مكان تصفيها هنا مع بريمة .. هذا جبَن وضرب من خلف الحجاز .. وفى عرفى لا يقليق بالفرسان ..

أنت ليس فارس ولا أظن أجدادك الباشبوزك فيهم فاس .. كلهم خونة ومأجورين.

بريمة، لا يهمه زيد أم عبيد، بريمة يقف حيث يملى عليه ضميره .. ويعبر عن رأيه بحرية مطلقة لا تتعارض مع حريات الأخرين ..

هل فهمت حاجة باشبوزك .. حرية التعبير .. هذه تعلمها سلمى قبلك يا الباشبوزك .. وهى حرية تسمح لها أن تكتب ما تشاء وتسمح لنا أن نرد إليها بما نشاء

والبوست دا لو مشى مليون صفحة أمثالك لا يؤثر في رأى بريمة .. لأنى أمارس حق مشروع .. حرية التعبير .. الأسفاف والأساءة جاءت من عينتك هذه ..


بريمة

رحمة الله المصطفى،
من الفيس بوك .. كتب يقول:

Quote: رحمة الله المصطفى وبصراحة للأعضاء ال عندهم باسوردات. كان المفروض تلقموا هذا البريمه حجرا وبصوره جماعيه وعنيفة تردعه ، ( وبالجمبه يا سلمي عجبني تعبيرك بحبني وانا برضو بحبك معاك )

عشان أوريك فروسية بريمة في الرأى والرأى الأخر ...

هنا إيميلى .. أكتب لى ما تشاء .. ألقمنى حجراً .. وسوف أنقل كل ما تكتب إلى هنا .. وأنشره بأسمك وأرد إليك بما تسير.

[email protected]

بريمة

هنا مدخل للقراءة حول حرية التعبير ..
http://en.wikipedia.org/wiki/Freedom_of_speech

بريمة لم يمارس إلا حق مشروع .. في حرية التعبير .. لكن المصيبة الشعب السودانى من أين له بثقافة حرية التعبير!

المسألة إما لوى لعنق الحقيقة أو طبطبات وجودية .. وكلها ليس من وسائل حرية التعبير.


بريمة

الاخ عبد الحفيظ
سلامات وعبرك احي الاستاذة سلمي
القلم والراي والفهم الراقي
وقت سلمي مابتكتب هنا نحن القارين ليها شنو؟
من غيرك بقعد الكلام ويبسط الافكار ويناقش القضيا بصورة ادبية رائعة
من حكاوي الرواكيب الي ابواب
العمارات القري والحلال ولمدن المنسية واطراف اريف
اتمني ان تعدلي عن رايك وترجعي للكتابة قرارك صعب علي الكترين
زانا واحخد منهم وماتنسي الاف القراء والمتابعين للمنبر
تحياتي لك ولسلمي

حبابك بريمة
ومرحب بيك
وحرية التعبير يتبعها حرية السلوك , فليس لأحد الحق في تقيم سلوك احد مالم يتعدي علي احد وفق القانون
وحرية التعبير لا تعني التحدث في الآخرين ,
شاكرا لك اضافتك

Quote: وجعتك كلة أبن إمرأة ..!! .

لا ..
وعشان فهمك البسيــط المحصور في تكة لباسك بعيد السؤال تاني عســاك تفهم..

قلت انت ما بتخاف من ابن إمراة.. سؤالي.. الكاوبويات الجريــت منهم وانت بتظرررط ديك ابناء امراة ام ولاد بقـــرة ؟؟؟!

سؤال وكلام بسيــط مش؟؟؟

يالالا قول وجاوب بدون " حزلكة "

Quote: هذا جبَن وضرب من خلف الحجاز.. وفى عرفى لا يقليق بالفرسان ..

الحجاز الحاجب

يا بريــمة انت جاهل في الانجليزي وبليــد في العربي وطلوشة في الحياة وليك عشرة سنة طالب دبلوم علوم كمبيوتر وبعد كدة قادر تواجه المجتمع؟؟

أستغرب فيمن كانت حالته مثل حالتك ثم يخرج مافي ذهنه بدون برقع .. يابريــمة لمعلوميتك برقعة المخ واجبة شرعاً في حالة مثل حالتك دي ..

Quote: أنت ليس فارس ولا أظن أجدادك الباشبوزك فيهم فاس .. كلهم خونة ومأجورين.

هل تعرف من هم الباشبوزق وماهم الباشبوزق .. أم هي كلمة فقط سمعتها كما سمعت مقولة حريــة التعبيــر واتيت لتتحدث عنها؟
هل تعرفهم !!!

الصادق الخالدي تحياتي ده كلامك اتا

Quote: بالنسبة لاخونا بريمة شايف انو هو ما غلط معاها ومن حقو يستفسر ويستفهم واعترض طال مالموضوع مطروح وفي منتدي بتاع حوار ودة الفهمتو من كلامه ومن متابعاتي للحوار في موضوع المشكلة

كدي وريني يستفسر من شنو ويعترض علي شنو مع العلم انو امة البورد والفيس كلها زول قال زي كلامك ده ماف ياصادق
كلامي ياخالدي موضوع الاعراض مافيهو غير شهود على الفعل المشين او اقرار الماواضح هنا شنو

اللهم أشف شقيق سلمي ,,, احمد شفاءا لا يغادر سقما

Quote: كدي وريني يستفسر من شنو ويعترض علي شنو مع العلم انو امة البورد والفيس كلها زول قال زي كلامك ده ماف ياصادق كلامي ياخالدي موضوع الاعراض مافيهو غير شهود على الفعل المشين او اقرار الماواضح هنا شنو

وعليكم السلام ود بدري ود الشيخ ابوسن والحضور ( معذرة للدخول توش )
يا بدري السؤال عن استفساراتو وتبريره اهو براهو قايم بيهو
ولا يزال انه يري من حقه ولن يترك هذا الحق
اما حكاية الاعراض دي انا حقيقة من متابعتي علي قلتها ما شايف انو بريمة ( اتهم في عرض )
يا البدري انا هنا اكتر زول واضح عاجبني في خت فكرتو وااااضحة تخ الزميل طه جعفر

Quote: يا اللوووووووووووووووطى تعال هنا أفشخك

Quote: ومنعم دا هو القال الرجال في الشمال عندهم (عـــنة ) وقال حريم الشمال (عندهن شبق) ولا أنا غلطان باقي لي زي دا أخليهو كدا يقل ادبه على كيفو عشان إنت تكون مبسوط

Quote: وريني البخليك تدافع عن منعم سليمان وهو يسيء للناس وتقيف ضدي وأنا أسيء لمنعم سليمان رداً على فعلته شنو ظ عندك مكيالين للحق ؟

المكيالين عندك انت يا عاصم
يا البدري ما ممكن زي فقيري دة يقول هو علماني وليبرالي وبشوف انو اللــواط ( المثلية ) خيار وما عنده اشكال معاه فكريا
اي ي ي ممكن اقول ليك انا ما لوووووووطي (غير مثلي ) ودي ما من خياراتي .
لمن يجيهو واحد يسأله انت مثلي ؟
بس ما من حقو يزعل من السؤال
طال ما السؤال من ناحية فكرية هو ما عندو مشكلة مع المثلية ،
ومندرجة في خياراتو ومتعايش بأكمل وجه مع من هم اختاروها .
و كذلك ما مفروض اتحسس او ازعل من اتهامو بالمثلية طال ماهو غير معترض عليها فكريا
اظن دي الفكرة البدوح حولها بريمة
دة ( مجرد رأي وقراية بس)

مرحبا الخالدي
وحبابك
ماتدق الباب البيت بيتك
الطريقة البتقال بيها الكلام بتحدد نوعيتو ,, حتي صيغة السؤال مرات بتكون استنكارية ولا استفسارية ولا استفزازية ولا تقود للعراك عديل
امسك مثلا
ود حــــــــــرام
ممكن في مقام تكون اعجاب وممكن تكون في مكان أخر شتيمة
بعدينك ده كلو ليه لو اردت الحوار ,, اقصد ليه الدخول في الإلتباسات لقضية لن تفيد الحوار
وكامل الود

الأخ الصادق الخالدى،
سلامات .. وألف شكر .. ما دام الناس ال فشافيشها وارمة قلوا .. خلونا نفكروا ..

بجيكم راجع ..

بريمة

الصادق الخالدي


بجيك

Quote: المكيالين عندك انت يا عاصم يا البدري ما ممكن زي فقيري دة يقول هو علماني وليبرالي وبشوف انو اللــواط ( المثلية ) خيار وما عنده اشكال معاه فكريا اي ي ي ممكن اقول ليك انا ما لوووووووطي (غير مثلي ) ودي ما من خياراتي . لمن يجيهو واحد يسأله انت مثلي ؟ بس ما من حقو يزعل من السؤال طال ما السؤال من ناحية فكرية هو ما عندو مشكلة مع المثلية ، ومندرجة في خياراتو ومتعايش بأكمل وجه مع من هم اختاروها . و كذلك ما مفروض اتحسس او ازعل من اتهامو بالمثلية طال ماهو غير معترض عليها فكريا اظن دي الفكرة البدوح حولها بريمة دة ( مجرد رأي وقراية بس)

يا الصادق الخالدي

أولاً إنت عارف منعم سليمان دا قال شنو وأنا رديت عليه على شنو بالضبط ؟

ولا ما عارف ؟

ثانياً إنت فاكر إنه الليبرالي دا عشان ممكن يتعايش مع الناس بمختلف معتقداتهم ويقر بالحريات الشخصية

لازم الليبرالي يكون إنسان ممارس لكل ما هو مرفوض في مجتمعه

أنا إذا ناديت بالحريات الشخصية ما معناها أنا حريتي الشخصية بتعني ممارسة ما يقبله غيري في حدود حريته الشخصية

دا بالنسبة لفهمك إنه الليبرالي ما عنده مشكلة مع المثلية !

وما عارف بتجيب الكلام دا من وين

ثانياً : (مكيالين)

يعني إنت ما شايف إنه بريمة بيكيل بمكيالين لمن ما يعترض على إساءات منعم سليمان لكل نساء ورجال الشمال

بقوله: (نساء الشمال شبقات وبيفتشوا للغرابة اللي زيه ورجال الشمال مصابين بالعــنة "عارف العنة شنو " ؟ )

ولا إنت جاي تدافع عن بريمة بغض النظر عن حيثيات الخلاف الدائر بيني وبين بريمة

ما عنده اي معيار في إختلافه معه ىالناس اللهم إلا تلك العقد التي تحيط به ويبثها في شكل عنصري هنا وهناك

نأمل منكم تفهم الأمر بحيثياته قبل الدخول في كثير من المغالطات

وبرجع ليك تاني


بريمة

حيدر الزين،

أنطح رأسك في حيطة بريمة كما تفعل !

والله لكن يا بورداب حيرتوني عديل كدة
يا جماعة استهدوا بي الله
هدف البوست مكرر
هدف ثانوي عودة سلمي
وهدف اساسي
ان نحارب الاساءات الشخصية والقصد الشخصي والترصد الشخصي
البني آدم ما حجر فهو قابل لتغير مواقفه وفقا للزمن وزيادة الوعي والتثقف والاحتكاك , فشنو ? ادو بعض فرصة للتغير والتراجع عن المواقف والاصلاح
ولا اشبه واعظا ولا يليق بي ولكنه راي ايضا قابل للجدل
مع أكيد المودة لكل من عبر من هنا
روقو واحلو ياخ

Quote: نأمل منكم تفهم الأمر بحيثياته قبل الدخول في كثير من المغالطات وبرجع ليك تاني بريمة

قبل ما ترجع لى لازم تعتذر ..


بريمة

Quote: قبل ما ترجع لى لازم تعتذر .. بريمة

أعتذر لمنو يا وهم إنت .. بعدين الكلام دا موجه للخــالدي


منعم سليمان لا يستحق أي إعتذار مني بل هو مطالب بالإعتذار والإعتذار والإعتذار المتكرر عسى ولعله يجد قبولاً

Quote: نأمل منكم تفهم الأمر بحيثياته قبل الدخول في كثير من المغالطات وبرجع ليك تاني بريمة

ــــــــــــــــ
بريمة ..ملاحظ انك قاعد " تتحزلك " وتتهايـط وتتمايــط والا ما ملاحظ..
السؤال واضح بطل جُبــن..

إنت وقت خواف وبتخاف يا هرّشة بتجي حايم في حمانا مالك؟؟

أما انك راجل عرة..
انت النوع البترسل للشكلت من الدكان صاح والا مو صاح

شكراً يا عبد الحفيظ للدعوة السمحة..
لكنك قصرت معاي من حيث لا تدري .. ان لا اترصد بريمة ولا اجرحه.. لقد نقلت غباء وقلة ادب بريمة كما هي وبحذافيرها..
ولايوجد لي عداء شخصي مع بريمة ولا ينبغي لي.. كل مافي الامر اني افضح عورة تفكيــره وانصحه ألا ينسى خِمار عقله عندما يخرج شاهراً جهله على المجتمع...
وهي لا يرضي ان يُنصح ثم يخاف ويجُبن في نفس اللحظة على مواجهة جهلة وتخلفه.. لذلك يلاوي ملاواته الكتيرة دي..
لكن في الاخيــر سيرضخ لواقع انه عاهـــة .. ويبحث عن علاج..

شاكر لك استضافتنا بالبوست الذي اصبحت انت ضيفاً فيه :)

حيدر الزين
يو آر ويل كم اني وير آند إيفري تايم
‏ وعلي الجزيمة لا قاصدك لا قاصد
بتحدث علي صفة العموم
وآسف وإن شممت شبهة قصد

بريمة

Quote: التحية لك أخي عبدالحفيظ أبوسن و لضيوفك الكرام الأستاذة القامة سلمى الشيخ مع آخرين هم من شكل وجداننا نحن شباب جيل الثمانينات و لذلك تجد لها مكانة كبيرة في قلوب أبناء جيلي فنحن من أكثر الناس امتناناً لها بحكم عطائها و تفردها و ما قدمته لنا من ضروب الإبداع و الثقافة. عن نفسي أتمنى ألا تعود الأستاذة سلمى للكتابة في المنبر مالم يتم إنصافها من تلك الفرية الكريهة و الغمز الصفيق التي تعرضت له. أنا و كثيرين غيرى لا نرضى لها العودة دون أن يتم رفع الإهانة عنها و معاقبة من أخطأ في حقها. هي ليست مثل الآخرين في تفردها و طالما أنه لم يتم إنصافها و ليس هنالك ضمان من تعرضها مرةً أخرى لما تعرضت له نرجو منها عدم العودة و الكتابة هاهنا رغم أن ذلك يشق علينا.

اخوك كان رميتو قوم منو
والاعجب منو
اخوك لو كتلك بجرك الضل
ياخ ده مثل عجيب
فشنو يعني , خلو مساحة للتسامح ولو كرهت ما تكمل , فالكراهية علاقة حب مقلوبة يعني ممكن تستعدل

Quote: الصادق الخالدي بجيك

تحياتي اخونا ود فقيري
تعرف لمن قريت كلامك الفوق دة زكرتني خازن جهنم اللبرالي بي متلازمته ( سأعود )

فقمت قلت الزول دة الليلة بقتلني زاتو

Quote: يا الصادق الخالدي أولاً إنت عارف منعم سليمان دا قال شنو وأنا رديت عليه على شنو بالضبط ؟ ولا ما عارف ؟

اتضح انت الما عرف منعم قال شنو ؟ ومتين ؟
بدليل انفعالك المتأخر دة
يا زول منعم دة هنا الاعمي شايل المكسر اتفسحو فيه والنجوم كانوا ( وهبة ردة الله غربته + ياسر طيفور + الطريفي الشايفو هنا شغال راس حربة و و و ..)
ويكون في علمك هو القشة القصمت ظهر الامير الكوشي امبراطور العامية في البورت بعد ما خلص عليهم بالقاضية ايقونتهم الاكاديمية محمد سليمان في سوق الباشا

Quote: ثانياً إنت فاكر إنه الليبرالي دا عشان ممكن يتعايش مع الناس بمختلف معتقداتهم ويقر بالحريات الشخصية لازم الليبرالي يكون إنسان ممارس لكل ما هو مرفوض في مجتمعه أنا إذا ناديت بالحريات الشخصية ما معناها أنا حريتي الشخصية بتعني ممارسة ما يقبله غيري في حدود حريته الشخصية دا بالنسبة لفهمك إنه الليبرالي ما عنده مشكلة مع المثلية ! وما عارف بتجيب الكلام دا من وين

ردي المختصر معناتو انت ما داير ليك علمانية علي اصولها
انت بتنادي بعلمانية بنكهة سودانية
وكان مغالط امش شوف لبرالينكم خلافاتم شنو مع العلمانية

تعرف يا عاصم
اخونا ود اب سن هنا قاعد اعمل في حاجة بتجري في دمو
وانت وانا والزملاء الاكارم همنا انو سلمي تغير موقفها في توقفها من الكتابة بي فوق
ونرجو منها تلبي الرغبة دي
لانو قضية الناس ترضي بأي حجة وتتفق عليها بي تفاصيلها ما ممكنة
وزي ما قالوا (( رضي الناس غاية لا تدرك ))
الواحد يعرض العندو واتحاشة البهينو
واذا لم يكن الا الاسنة مركب ** فما حيلة المطر الا ركوبها
وبالتالي
فأما حياة تسر الصديق ** واما ممات يغيظ العدي

Quote: يعني إنت ما شايف إنه بريمة بيكيل بمكيالين لمن ما يعترض على إساءات منعم سليمان لكل نساء ورجال الشمال بقوله: (نساء الشمال شبقات وبيفتشوا للغرابة اللي زيه ورجال الشمال مصابين بالعــنة "عارف العنة شنو " ؟ ) ولا إنت جاي تدافع عن بريمة بغض النظر عن حيثيات الخلاف الدائر بيني وبين بريمة ما عنده اي معيار في إختلافه معه ىالناس اللهم إلا تلك العقد التي تحيط به ويبثها في شكل عنصري هنا وهناك نأمل منكم تفهم الأمر بحيثياته قبل الدخول في كثير من المغالطات وبرجع ليك تاني بريمة

بالنسبة لبريمة ليه التحية عندو المكايل الاخري بدون شك واي زول
والناس ما مقصرة معاه
بس الداير هنا وفي محلات تانية لو داير تعايرو عايرو بنفس سؤالك عن منعم قال شنو ؟
بمعني الصراع صراع خلفيات وتكتلات وترصدات ( دة حسب متابعتي برضو علي قلتها )
وحقيقة كتير جدا بريمة بقول وبتحس عندو كلام داير يوصلو بطريقة البقاري ( رعي البقر )
بقولوا رعي البقر شوية اقسي وعنيد
وما بخلي حقو




...........ـ.ـ.ـ.........
معليش يا عاصم حقيقة ما كان عندي امس رغية اتداخل

الصادق الخالدي

سلام مربع

يا زول ولا يهمك أكتب وكت تكون داير تكتب وعندك مزاج

ولن نعصر على أحد أن يستجيب رغماً عنه فكلنا عندنا ظروفنا التي تتيح لنا أحياناً الوقت وتحرمنا أحيين أخر

على العموم رسالتك وصلت

أما الحديث عن الليبرالية والعلمانية فله مكانه ولا أعتقد في هذا البوست

هذا البوست برعاية بريمة البقاري

وبريمة نحنا زي ما قلنا ما عندنا معاه أي عداوة لأننا بنعتبره أفريقي زينا وأخونا لكن هو تعاوز ينسلخ مننا ويبقى عربي قح

نسوي ليهو شنو نخليه ساكت كدا

لازم نحاحيه لحدما يرجع لمراحه

هسع يجي ناطي يقول ليك أنا الحازمي وأنا شنو كدا ما عارف

زحرم أفك شنو كدا ما عارف وأجيب الموس أب تمساح

غايتو بيجي اليوم البيعقل فيهو بريمة

ولك التحية

عاصم فقيرى،

تعال أتفرج يا وهم .. شوف قراء بريمة يكتبوا عنه شنو ..

Quote: الاخ العزيز. بريمة. تحياتي. انا لست بعضو في منتدى سودانيز أون لاين ولكن بصراحة كده وبصفتي متابع لهذا المنتدى اشهد بانك كاتب متميز

بريمة

يا جماعة خلو سلمى الشيخ سلامة
تجي أول بعدين أتشاكلو

الشعب يريد عودة سلمى الشيخ

Quote: عاصم فقيرى، تعال أتفرج يا وهم .. شوف قراء بريمة يكتبوا عنه شنو .. Quote: الاخ العزيز. بريمة. تحياتي. انا لست بعضو في منتدى سودانيز أون لاين ولكن بصراحة كده وبصفتي متابع لهذا المنتدى اشهد بانك كاتب متميز بريمة

قرقر قرقر قرقر

يا عربي إنت كتابتك كلها أخطاء إملائية و أخطاء في الصياغة

دا غير الأسلوب نفسه

لكن نقول شنو غير الله يعينا ويعينك

الأخ الخالدى،
سلامات ..

Quote: أجدني اسيرة لنوستالجيا عالية عالية ، وحشة أحسها تلفني ، تلغي أحيانا وجودي تسيجني ، لكنى (افلتها ) حين اصحو باكرا ، ابدو كمن يضربنى أحد للنهوض من سريرى ، وآخر يدفعنى دفعا للعمل وحين اقترب من مكان العمل احس ان جلدى يوخزنى، وقلبى لا يطاوعنى علي الدخول ، واننى كذاك الحمار الذي قيل عنه (الضايق ركوبك من يشوفك يفتر )

شوف قصة الضايق ركوبك دى .. مش شاذة على لسان إمرأة .. هذا كتبته سلمى ..

لو أعترضت تقوم قائمة الدنيا ولم تقعد ..


أنا لو قاعد هنا في المنبر .. سأضرب كل زول شايف نفسه جهامة في الأنكل، يقع لما يدردق .. مافى كبير إلا الله سبحانه وتعالى.


-------------
التصحيح خطأ في قفل الكوت

بريمة

مرحبا بريمة
وحبابك
الضايق ركوبك من يشوفك يفتر
مثل سوداني لا علاقة له بالجنس ولا دلالة جنسية له , لاحظ الركوب والفتر ,, يفتر دايرك تشيلو
وزي يقولو ليك
فلان ده ضايق فيك ركوب الفزرة
وركوب الفزرة مريح
واركب عري
فليس كل ركوب هو جنس
مع اكيد التقدير

Quote: مرحبا بريمة وحبابك الضايق ركوبك من يشوفك يفتر مثل سوداني لا علاقة له بالجنس ولا دلالة جنسية له , لاحظ الركوب والفتر ,, يفتر دايرك تشيلو وزي يقولو ليك فلان ده ضايق فيك ركوب الفزرة وركوب الفزرة مريح واركب عري فليس كل ركوب هو جنس مع اكيد التقدير

اوسكار اتا بتشرح ليو شرررد سلمى وحيطلع زيتنا كلنا يابريمه الله يرضى عليك لو فى واحد اقر من الاقرار واعترف او قبضوهو بي شهادة الشهود تعال انضم نضميك ده غير كده ماتدي نفسك الحق تفسر كلام اتا مافاهمو ياخ عذبتا سيد البوست

عبد الحفيظ
سلامات ..

Quote: مرحبا بريمة وحبابك الضايق ركوبك من يشوفك يفتر مثل سوداني لا علاقة له بالجنس ولا دلالة جنسية له , لاحظ الركوب والفتر ,, يفتر دايرك تشيلو وزي يقولو ليك فلان ده ضايق فيك ركوب الفزرة وركوب الفزرة مريح واركب عري فليس كل ركوب هو جنس مع اكيد التقدير

حيرتونا ..

بريمة

الزميل المحترم أبو سن والمتابعين
سلام الله عليكم
الليلة فقط قرأت هذا الخيط "المشتعل"!
مررت على بعض ما ورد في رواية الاستاذة سلمى
الشيخ وكذلك وبعض تعليقاتها من خلال ردودها على الزملاء
الحق يقال: من خلال كل ما كتبت في روايتها لم أر انها تتصف
بذلك الوصف الشنيع الذي رماها به الاخ الغيور بريمة
بريمة يُشكر على غيرته، ولكنا لا نمدحه على مسارعته بالوصم بشئ هو
-من قُبحه- ونفرة السيدة المتّهمة به- دليل على عدم اتصافها به...
فكان على الحبيب بريمة التبيّن ، واللكّؤ حتى لا نصيب قوما بجهلة
"فتصبحوا على ما فعلتم نادمين"
أما الاستاذة سلمى فيُشار إليها بادب أن هذا السرد والاسلوب الادبي
في صياغة القصة أصوله-أرى- أنها تخالف ضوابط شرعية كثيرة
ومحاذير متعدة يمكن ان تصل إلى إضفاء مفهوم -من خلال السرد-
مفاده أن هذه الGay لها مطلق الحرية...وأن هذا خيارها
ومعروف أن الشرع إنما شنّع على الفعلة الشنيعة ونهى عنها
وعن أي إشارة إلى الموافقة،التصالح/التفهم لهكذا فعل سواء
من خلال السرد والخيال الشعري أو الواقع العملي
أما كتابتها لإسم Gay فهو دليل آخر أنها تقصد تلك الشخصيات
التي تحكي عنها..ولا تقصد نفسها، لذا فناقل "الحكي" ليس كمن وصفهم
بقي شئ آخر أخي بريمة- وهو جدير بالإشارة وهي أن مسائل التعبير
الأدبي من خلال الكتابة والشعر مع أنه ينبغي أن تكون بضوابط الشرع
ولا تخرج عنه بتلميح أدبي لما يخالف الشرع أو بتصريح أو نقد مبطّن،
لكن لابد من الإشارة هاهنا إلى أن مسألة "السرد" والشعر عموما يعتريها الكذب
و"أنهم يقولون ما لايفعلون" وهذا قد يكون وحده كافياً في درء إقامة الحد عليهم
فكيف نقذفهم؟!
وليس هذا "بصم بالعشرة" لما تكتبه سلمى ولا بالأصبع!! ولكن قصدت أن أقول بأن "التريث"
في إطلاق أحكام مدمرة لمن نخالفهم، خير من أن "نتعجل" إرسالها ون ليل... وتعلم كيف أن أكثر
الخلفاء حزما-عمر بن الخطاب رضي الله عنه- لم يقم الحد على الفرزدق ..وما أجمل أن نقرأ هذا
الكلام الرائع للمفسر السلفي الأصولي اللغوي البارع / محمد الأمين الشنقيطي في تفسيره أضواء البيان:
(في المداخلة التالية)

Quote: المسألة الثانية : اعلم أن العلماء اختلفوا في الشاعر إذا اعترف في شعره بما يستوجب حدا ، هل يقام عليه الحد ؟ على قولين : أحدهما : أنه يقام عليه لأنه أقر به ، والإقرار تثبت به الحدود . والثاني : أنه لا يحد بإقراره في الشعر ; لأن كذب الشاعر في شعره أمر معروف معتاد ، واقع لا نزاع فيه . قال مقيده عفا الله عنه وغفر له : أظهر القولين عندي : أن الشاعر إذا أقر في شعره بما يستوجب الحد ، لا يقام عليه الحد ; لأن الله جل وعلا صرح هنا بكذبهم في شعرهم في قوله : وأنهم يقولون ما لا يفعلون ، فهذه الآية الكريمة تدرأ عنهم الحد ، [ ص: 106 ] ولكن الأظهر أنه إن أقر بذلك استوجب بإقراره به الملام والتأديب وإن كان لا يحد به ، كما ذكره جماعة من أهل الأخبار في قصة عمر بن الخطاب رضي الله عنه المشهورة مع النعمان بن عدي بن نضلة . قال ابن كثير - رحمه الله - في تفسير هذه الآية الكريمة : وقد ذكر عن محمد بن إسحاق ، ومحمد بن سعد في " الطبقات " ، والزبير بن بكار في كتاب الفكاهة : أن أمير المؤمنين عمر بن الخطاب رضي الله عنه استعمل النعمان بن عدي بن نضلة على ميسان من أرض البصرة ، وكان يقول الشعر ، فقال : ألا هل أتى الحسناء أن حليلها *****بميسان يسقى في زجاج وحنتم إذا شئت غنتني دهاقين قرية ****** ورقاصة تجذو على كل منسم فإن كنت ندماني فبالأكبر اسقني ****** ولا تسقني بالأصغر المتثلم لعل أمير المؤمنين يسوءه ************تنادمنا بالجوسق المتهدم فلما بلغ ذلك عمر بن الخطاب - رضي الله عنه - قال : إي والله إنه ليسوءني ذلك ، ومن لقيه فليخبره أني قد عزلته ، وكتب إليه عمر : بسم الله الرحمن الرحيم ، حم تنزيل الكتاب من الله العزيز العليم غافر الذنب وقابل التوب شديد العقاب ذي الطول لا إله إلا هو إليه المصير [ 40 \ 1 - 3 ] أما بعد : فقد بلغني قولك : لعل أمير المؤمنين يسوءه تنادمنا بالجوسق المتهدم وايم الله إنه ليسوءني ، وقد عزلتك . فلما قدم على عمر بكته بهذا الشعر ، فقال : والله يا أمير المؤمنين ما شربتها قط ، وما ذلك الشعر إلا شيء طفح على لساني ، فقال عمر : أظن ذلك ، ولكن والله لا تعمل لي عملا أبدا ، وقد قلت ما قلت ، فلم يذكر أنه حده على الشراب ، وقد ضمنه شعره لأنهم يقولون ما لا يفعلون ، ولكنه ذمه عمر ولامه على ذلك وعزله به ، انتهى محل الغرض من كلام ابن كثير ، وهذه القصة يستأنس بها لما ذكرنا . وقد ذكر غير واحد من المؤرخين أن سليمان بن عبد الملك ، لما سمع قول الفرزدق : فبتن بجانبي مصرعات وبت أفض أغلاق الختام قال له : قد وجب عليك الحد ، فقال الفرزدق : يا أمير المؤمنين قد درأ الله عني [ ص: 107 ] الحد ، بقوله : وأنهم يقولون ما لا يفعلون ، فلم يحده مع إقراره بموجب الحد

أقول هذا وكثيرا ما تهاجمني سلمى "من مقصورتها الفيسبوكية" !!!وأهاجمها وخلافي معهم معروف..
لكن الإنصاف مطلوب
ف-يا حبيبنا بريمة-الرمي بهكذا سهام تقتضي منك اعتذارا
فياليت سلمى شحذت قلمها تنهل من قرآنِ !
وياليت بريمة زوّدنا بمزيدِ جمالِ بيانِ
ودمتما وهدانا الله جميعا إلى الحق

الأستاذة المحترمة سلمى الشيخ سلامة

أتابع كتاباتك الرصينة و قلمك الثر كلما سنحت لي الفرصة بزيارة الحوش .
شكراً لوجودك هنا و آمل أنك تعدلي عن إحجامك.
لم أقرأ كل البوست و المداخلات و ما ساقة بريمة شنيع و مجحف بك و بمفهوم الأدب و الأدباء عموماً ...
معقولة بَسْ ...حاجة تحير بالجد
يبدو أنه الموضوع طوَل لكن أرى أنه ما كان تديه أكبر من حجم تفكيره
لدرجة أنك تتوقفي عن الكتابة هنا...
كده معناها بريمة و أفكارة العجيبة إنتصرت و الموازين إختلت.
كل العشم بمطالعتك قريباً.

وعليكم السلام ورحمة الله تعالي وبركاته
مرحبا عماد
وحبابك
أشكر لك حديثك المنصف , وتقديرك
وصدقت فالأديب يكتب بلسان التقي والعاهر , ويكتب بلسان الذكر والانثي فلا يجب اسقاط النص عليه
ولا توقع انه يكتب سيرته الشخصية

مرحبا فردوس جامع
وحبابك
نرجو ان تسمع ذلك
ونتمني ان يكتب كل من كان مثلها
ولا احد فوق النقد وليس التجريح والمحاكمات الاخلاقية

بت الشيخ سلامة الحُرَّة
محلفنا السَّمِح زنتيهو شامة وقرَّة
العرب النّايو بي اللّقحة المغاورة الدَّرَّة
ديل يا سلمي غير ليمهُن محال ننسرَّه

بي سماح ناسا حنان يا سلمي قولي أشجينا
سماح ناس العميري الكان قبيل شادينا
حليلو الكان بعزِّك وكان دواخلو حنينا
كتير أسعدنا بي وترو الحروفو رزينا

ود الصرَّة الذي تنشده رمالية ودع المنبر...
الشفيف الوهيط ود أب سن
سلام ومعزة لك وللمتداخلين جميعا
سلمي بت الشيخ سلامة
هي من تبلديات المنبر يا ود أب سن
ومفردة تبلدية أطلقها اخي الشاعر حنفي عند رحيل "امنة بت ابو ريدة" المامونة
وهي من مبدعات وشاعرات البادية الغربية
محبتي لك وللمتداخلين جميعا

العبيد !
حرم حبابك
‏ حباب زولي
الناس البخبرو شليل وشقيق راح
سلمي سلامة فخر لنا ان نحيا مع التاريخ الحي والافخر منو نناضمو ويناضمنا
سلمي ساهمت في رفع الوعي والتثقيف وشكلتنا ,, رفعت ذائقتنا الموسيقية والفنية , وعلمتنا معني الوفاء
وقفت حين كان الوقوف صعبا
وكتبت زمان الكتابة للمبدعين ومن يثبت نفسه بقلمه
ياخ
فرحان بيك
وينك يا صاحب

Quote: وعليكم السلام ورحمة الله تعالي وبركاته مرحبا عماد وحبابك أشكر لك حديثك المنصف , وتقديرك وصدقت فالأديب يكتب بلسان التقي والعاهر , ويكتب بلسان الذكر والانثي فلا يجب اسقاط النص عليه ولا توقع انه يكتب سيرته الشخصية

جزيت خيرا أبا سنّ
وبريمة كذلك إنسان محترم فلا نعتبره مستكبراً جبّارا
فالعود أحمد..والرجوع للحق فضيلة
ويبقى الإحترام
شكري

مرحبا عماد
وحبابك
وكتر خيرك
لا اقدح في احد , ولكن اناقش فقط فيما هو مكتوب

فوق
عشان سلمي

حفيظ ابوسن وضيوفه الاكارم

لم ارى هذا الخيط من قبل بالرغم من انك حدثتنى عنه

وإنه لشىء مؤسف ومحزن أن ينسحب قلم بقامة

الاستاذه ... سلمى الشيخ سلامه

بكامل محبتى لك اختى سلمى

وبكل صدق إلا أن مجرد التفكير فقط فى الابتعاد عن المنبر

لا تشبهك ...
وصحيح ان المنبر ليس بقرة مقدسه

لكنه الاوفر حظا فى جمعنا على مستوى حضورنا كسودانيين على الشبكه
وهو وليس غيره الاوفر حظا فى وحدتنا الافتراضيه
ومنه وبه كل منا يقدم عطائه

اتمنى ان تضعى حسابا دقيقا لهذه الاشواق
التى تناديك بالعوده ... لهذا الحب الوفير
الذى يحاصرك هنا من كل الجهات ...

لك محبتى

معقولة سلمى الشيخ سلامة..
ما عملت أعتبآر لكوووووول الناس دى ؟

مرحبا صلاح
وكتر خيرك
المنبر يشبه الواقع في صراعاته

ابو سن لك التحايا

وا نا كمان ـبناديها

وههنا ااوكد نحن فى اكوان بترحل من مراسيها..

ولو غابت من الميعاد ....

رجاء من الاخوه المتداخلين ان يحاكمو النص لا صاحب النص '''

والف رحمه للراحل الدوش.....,,,

,,,,,والتحايا .....لبت الشيخ ,,,,,الناقده الصارمه'' والاديبه المتمكنه

والام المثاليه ...ثم الحبوبه المثاليه,,,

حبابك نور
حبابك يا خية
لو قعدت لي حول ماتقوم بي خاتر زول

ولمن هو مثلها ترفع البوستات

قال صديقك العميري
أي صوت راجيهو صوتك
وأي شريان فيك وريدي
ده الزمن قاسي الملامح
وانتي نوارة قصيدي
و
تاني وين ضيق المحل لو انتي في
بمناسبة عودتها للسودان مايو