دعوة عشاء رسمية بعد مباراة بايرن ميونخ في حالة..!!

في حالة خسارة المريخ يوم الخميس بعدد من الأهداف أكتر من 8 فمعزومين عشا معاي..وقصة يكفينا فقط لعبنا مع بايرن موينخ وإنه لفخر ولا تهمنا النتيجة ده حنك ما بيقسم معاي..
أتمنى من كل قلبي بايرن موينخ يلعب مباراة جادة بدون إستخفاف وتهاون ..ويا رب الكورة تنتهي بأكبر عدد من الأهداف ..
في حالة فوز البايرن من 9 ولي فوق فأي قون ح يكون بي طلب مشاوي + طلب فول +واحد عصير كبير+صحن فلافل أبو عدنان..
بالنسبة للمقبلات فأي لقطة جميلة ومراوغة من النوع البيعسم الجسم داك معاها صحن مقبلات..
الموضوع جادي ما تريقة ..أي نتيجة من تعادل أو فوز للمريخ أو فوز البايرن 8-صفر خارج العرض..
كل ما زادت الأقوان كل ما كان العشاء كتير ..
الناس العندها توصل معاي وترغب في تناول العشاء ساعدونا بالدعاء ..

اعتمدني يا عمر وتلفونك حأشيلو من معتصم دفع الله ...


___
يا مريخاب القصة وما فيها ليست استخفاف بالمريخ إنما لعدم جاهزية المريخ

Quote: في حالة فوز البايرن من 9 ولي فوق فأي قون ح يكون بي طلب مشاوي + طلب فول +واحد عصير كبير+صحن فلافل أبو عدنان..

شكلك البايرن حيخسرك كتير يا عمر ..

انا خايفك بعد ما يجيبو الهدف الرابع عشر تقعد تكورك لا لا ..

14-10 = 4 مشاوي + 4 فول + 4 عصير كبير + 4 صحن فلافل = مبلغ خرافي .

قرقر قرقر ..

عمر من الصباح ماسكاني رجفة شديدة

حادخل معاك الراهن ده عشان الواحد يفشي زعلو كله فى الدعوة دي

ممكن نغير في المنيو بعدين على مزاجنا ؟ اها يا عمر الا تطير بعدين البيت كلو جايك؟؟

يا عمر .. ما تنسى السمك ...

حسع دا آخر حنك عندك

حضور ان شاء الله

Quote: اعتمدني يا عمر وتلفونك حأشيلو من معتصم دفع الله ... ___ يا مريخاب القصة وما فيها ليست استخفاف بالمريخ إنما لعدم جاهزية المريخ

حارقوووووووووووووووووو

and#1607;and#1607;and#1607;and#1607;and#1607;and#1607;and#1607;
and#1610;and#1575; and#1576;and#1582;and#1604;and#1603; and#1608;and#1580;and#1604;and#1583;and#1606;and#1578;and#1603; and#1610;and#1575; and#1571;and#1576;and#1608; and#1593;and#1605;and#1610;and#1585;
and#1575;and#1578;and#1575; and#1593;and#1575;and#1585;and#1601; and#1575;and#1604;and#1576;and#1578;and#1602;and#1608;and#1604; and#1593;and#1604;and#1610;and#1607;and#1608; and#1583;and#1575; and#1605;and#1575; and#1581; and#1610;and#1581;and#1589;and#1604; and#1593;and#1588;and#1575;and#1606; and#1603;and#1583;and#1575; and#1578;and#1576;and#1584;and#1604; and#1601;and#1610; and#1575;and#1604;and#1583;and#1593;and#1608;and#1575;and#1578; and#1610;and#1605;and#1610;and#1606; and#1608;and#1588;and#1605;and#1575;and#1604; and#1576;and#1604;and#1575; and#1608;and#1580;and#1604; ..
and#1608;and#1604;and#1608; and#1603;and#1578;and#1575; and#1605;and#1575; and#1593;and#1575;and#1585;and#1601; and#1610;and#1576;and#1602;and#1610; and#1608;and#1575;and#1604;and#1604;and#1607; and#1604;and#1575; and#1601;and#1585;and#1602; and#1576;and#1610;and#1606;and#1603; and#1608;and#1576;and#1610;and#1606; and#1589;and#1576;and#1585;and#1610; and#1587;and#1572;and#1575;and#1604; and#1575;and#1604;and#1578;and#1581;and#1578; and#1583;and#1575;
and#1608;and#1601;and#1610; and#1607;and#1584;and#1607; and#1575;and#1604;and#1581;and#1575;and#1604;and#1577; and#1604;and#1575; and#1610;and#1587;and#1593;and#1606;and#1610; and#1573;and#1604;and#1575; and#1571;and#1606; and#1571;and#1602;and#1608;and#1604; and#1610;and#1575; and#1582;and#1587;and#1575;and#1585;and#1577; and#1606;and#1592;and#1585;and#1578;and#1610; and#1575;and#1604;and#1573;and#1610;and#1580;and#1575;and#1576;and#1610;and#1577; and#1604;and#1610;and#1603;.
and#1603;and#1578; and#1570;and#1608;and#1578; and#1571;and#1608; and#1603;and#1605;and#1575; and#1610;and#1602;and#1608;and#1604;and#1608;and#1606;.

ترجمة الأرقام والرموز الفوق دي :

ههههههه
يا لبخلك وجلدنتك يا أبو عمير
اتا عارف البتقول عليهو دا ما ح يحصل عشان كدا تبذل في الدعوات يمين وشمال بلا وجل ..
ولو كتا ما عارف يبقي والله لا فرق بينك وبين صبري سؤال التحت دا
وفي هذه الحالة لا يسعني إلا أن أقول يا خسارة نظرتي الإيجابية ليك.
كت آوت أو كما يقولون.

طلحة دا ان شاء الله يكون (سبا ليك ساي) ...
ما يكون فقد المنطق بس

جيت جاري كدة صلحتها ... معناها ... فقدت المنطق

لا والله يا جلال بارك الله فيك ياها ذاتا بشحمها ولحمها ..
وبعدين ياخ هي وينا الكورة البفقدوا عشانا المنطق ..؟

ضاع - صبري - ..
غايتو انا ما باكل سمك معي إني ود الموردة والعباسية حيث الصير والسمك الصحي صحي..لكن ممكن نبدلو ليك بي شاورما كيف معاك..

أمجد يا حبوب..
أي خسارة للمريخ تعتبر مربح بالنسبة لي..
ودي ما المرة الأولى اخسر قروشي مقابل ان يخسر المريخ ..

سنجكنا..
تم إعتمادك وهو انا افديك الساعة إنو تفش غلك في خسارة زي دي؟؟..بس إن شاء الله ربنا يتممها على خير والجماعة يكونو جادين

عمنا حمزاوي..
الحنك ده مدوّر للسنة التالتة ...اخرها كان خروج المريخ من الدور الأول السنة الفاتت..
وقبل ما تستعجل وتقول لي الهلال برضو طلع فأبشرك معادلتي مختلفة شوية في القصة دي

يا طلحة ياخ والله لو غيرت نظرتك الايجابية عني دي تكون ريحتني ياخ :):) لأنو دي مسئولية وح تخليني طوااالي تحت المجهر فشنو قوم أرخيها عشان اخد راحتي:)
دعواتي مبذولة فعلاً لي إنو تقوم تحصل الحاجة دي والسبب ببساطة لأنو كورتنا ما عندها ضمان وما عندها أبجديات وقواعد تتكل عليها ..ممكن عااادي بلة جابر يطير في ريبريه جوزوموسى الزومة يقرص مولر ومعاها شوف يا فراة تفرفر كده ولا كده بديك هوق في كيانك وعليه ح تنتهي الكورة 3-0 للبايرن..
طلحة انا حياتي كلها مكرسها كمشجع متعصب فيما يسير ضد سعادة المريخ وهكذا ربيت نفسي وبحاول جاهداً اربي عليهو أولادي ..
كلللو إلا المريخ..
فغايتو غير نظرتك ساااي يا حبوب..

ما دام الحكاية عاملة مغصة للهلالاب نزود العيار

هشام يا حبوب..
انا واحد من الناس غايتو والله ووالله ما ممغوص ولا الكورة دي بي فكرتها الهايجة بيها الناس تدخل ضمن إختصاصاتي..
انا قاعد تهمني حاجة واااحدة ..أشوف المريخ مغلوب ومبشتن سواء كان ضد فريق المايقوما وسط أو ميونخ..
بس طبعاً كلما كان الفريق اللاعب ضد المريخ قوي كلما زادت متعتي والله ..
بس مرات بخاف من قصة الحماسة الماخدة لعيبتنا ديل وماخدين إنها الكورة رجالة وعنقلة دون تخطيط فيقوموا يفاجئو ليك الناس بي خرمجة وجوطة تشل ليك راس قوارديولا لا يعرفا دي 4-7-1 لا 3-39 لا 12-0-5
أتمنى أن تكتمل فرحتي يوم الخميس بهذه المواجهة بين الكبيرين..
تخريمة :
والله حضرت في الاخبار إستعدادات الفريقين ولمن جابو جانب من اللقطات بين تمرين الفريقين ياخ خجلت لينا ومن ثم إطمأنيت على استعدادات البايرن :)

Quote: غايتو انا ما باكل سمك معي إني ود الموردة والعباسية

هههييييياكة..موردة ميييييي يا ود مناقزة :)

طبعا قريتها الضحكة فضحتني في المكتب

يا ود البشرى إسمها نطط لو سمحت..:) :)
بعدين إنت يادوووب قريتا؟؟؟ ياخ الكلام ده اتكتب هنا ايام بكتب بي الإسم الأول قبل بكري يحذفني ..:):)
بعدين نحن إتفقنا اي زول محل إتولد وفي رواية كما يوم القيامة بيندهوك بي الأم فكمان الانتماء بي الأم ..ولا ما قريتا يعني يا حاقد :)

يا هشام عباس .. بسألك سؤال وهو:-

كم سيحرز البايرن من الضربات الرأسية ؟





ــــــــــ
يا عُمر عفيتك من السمك .. لكن بالنسبة للدجاج شاورما ما بتنفع معاي ممكن على الفحم ...
أهو عندك المريخ يوم الخميس برضو حيكون على الفحم

انتو صحي المريخ دفع 16 مليار عشان بايرن ميونيخ يلعب معاهم؟!!


كان صحي، شاحدة الله يغلبوهم 50 صفر...

Quote: انتو صحي المريخ دفع 16 مليار عشان بايرن ميونيخ يلعب معاهم؟!!

أها شوفوا مريم بت أهلي زادتا كوز !!

قالوا (12) مليار يا مريم ...

Quote: هشام يا حبوب.. انا واحد من الناس غايتو والله ووالله ما ممغوص ولا الكورة دي بي فكرتها الهايجة بيها الناس تدخل ضمن إختصاصاتي.. انا قاعد تهمني حاجة واااحدة ..أشوف المريخ مغلوب ومبشتن سواء كان ضد فريق المايقوما وسط أو ميونخ.. بس طبعاً كلما كان الفريق اللاعب ضد المريخ قوي كلما زادت متعتي والله .. بس مرات بخاف من قصة الحماسة الماخدة لعيبتنا ديل وماخدين إنها الكورة رجالة وعنقلة دون تخطيط فيقوموا يفاجئو ليك الناس بي خرمجة وجوطة تشل ليك راس قوارديولا لا يعرفا دي 4-7-1 لا 3-39 لا 12-0-5 أتمنى أن تكتمل فرحتي يوم الخميس بهذه المواجهة بين الكبيرين.. تخريمة : والله حضرت في الاخبار إستعدادات الفريقين ولمن جابو جانب من اللقطات بين تمرين الفريقين ياخ خجلت لينا ومن ثم إطمأنيت على استعدادات البايرن :)

اها جماعة الوداد البيضاوى انتظروها زيك كدا
الرجاوية اتخارجو بحبتين
البضاوية طردوا مدربم وشطبوا ستة لعيبة
باينى لى بعد المباراة دى الامين البرير راجع

Quote: أها شوفوا مريم بت أهلي زادتا كوز !! قالوا (12) مليار يا مريم ...

يا اخوى الاسمو اوتوبونغ داك قام ب 14 مليار منكم مقابل يهز ليكم جضومو ويمش
البايرن ينفعهم ال12

أطمئنك يا عمر وأعلن بكل هدوء وأنا الهلالابي بالميلاد :

المريخ سيتعادل مع بايرن ميونخ

جهز العزومة :)

يا عمر انت بيتك ياهو داك زاتو ولا رحلت ما نجي يوم الخميس نكابس الشقة نلقى زول غيرك ,,, اها ارجا الراجيك انا معاي زول بياكل براهو 3 مشوي ده غير المقبلات والمتبلات بس اركز ما تفشلنا مع الضيوف .. انا خايفك بعدين تقعد تغني في يا مناي ظروفي العجيبة .. هههههههه
يا عمر حرام عليك ياخ راعي حرماني واخشى عامل السن انت ما سمعت هيبة يا المريخ هيبة يا النجمة .. الله يجيب العواقب سليمه انا عارفك انت محظوظ يا عمر ..


تحياتي : ياسر العيلفون

Quote: ها شوفوا مريم بت أهلي زادتا كوز !! قالوا (12) مليار يا مريم ...

مليار يا صبري، مليااااااار... يعني فرقت الكم مليار الزيادة ديل!... والله يستاهل يسجلوا فيهم اي عدد من الاهداف، وان شاء الله بعداك يشوتو لاعبين المريّخ زاتو بدل الكورة...


هي المهزلة دي الساعة كم بالضبط؟


عمر الفاروق، اعتقد اني الليلة غبائي زايد شويه، قدر ما حاولت افهم شروط عزومتك دي ما فهمتها، ولقيت الناس كلها فاهمه عرفته انه المشكلة في راسي انا...

شنو يا عمر ياخ .. وطنية ماف ؟

يا عمر الفاروق

في كذا بوست أنا علقت ، أنو الألمان لو شغلوا الماكينة (المفرمة) الألمانية الأصلية ، يا زول ديل بيطلعوا أقل شي مفرومين ما بين 8-9 كيلو (أهداف) .

فما في داعي إنت كمان تخسر فلوس في مشويات وعصائر , وخليك مطمئن .

عمر ايها الفاروق

فرقت معاك المره دي :)

انه المريخ التاريخ المباراة ودية نعم , لكن هناك الذكاء والعنفوان الملعب
ومن يلعب غدا هو المريخ السوداني .. مريخ السودان اجمع
ولم ندفع شيئا في هذه المباراة. بل الاقامة والترحيل وخلافه على حساب الشركة المنظمة

وان شاء الله تتناول عشائك بهدوء
______________________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كوالالمبـور

هي كان كدي راتب الشهر دا ما راح منك



كسرة :
انت يا عمر ما سمعت قالوا انجلينا ميركل وقعت كسرت حوضها؟

مشت تعمل ليها تزلج على الجليد قايلة روحها صغيرة

بكونوا كجوها المريخاب ديل

مريخ مانديلا أقسم بأن لا يخذلنا .
كلكم حتبيتوا القوا بعد هدف بله جابر الأول .
عمر الفاروق أنحنا عازمنك عشاء فى سوق واقف أركب تعال
تعال يأخ وإحتفل معانا بالنصر التاريخى ده .

يا عمر بعد اذنكـ :)
أخونا صديق رحمة كبّ ليهو قنطار كلام في صفحتو على الفيس طلب مني اجيبو بجاي اصلو متخلف في التقنيات :)

Quote: في شأن الفرح بملاقاة بايرن ميونيخ (إهداء لجمهور هلال مريخ الفرحان) *********************************************** في الحقيقة أنني - كرياضي سابق وتعبان وغير متابع - أضطررت لمتابعة هذا الحدث بفضل الصيت الإعلامي الذي يحظي به هذا الخبر هذه الأيام ، فلا تجد منفذاً إلا ويدخل لك منه هذا الخبر غير مستاذن ولا غير محتشم ومتبرج بكامل زينته حتى نقص علينا أيماننا (لوووووووول) ، وفي الحقيقة حسب ما قرأت وبحثت وجدت أن جميع الأندية التي تقدم لها البايرن ميونخ بطلب من أجل اللعب معه قد أعتذرت وتحديداً الأندية القطرية والكويتية والمصرية ، بينما قبل المريخ أن يكون كبش فداء وحقل تجارب لبطل العالم (أبو سماً فائر) ، ولكن حسب توقعاتي أن فريق بايرن موينخ لن يجنح للثأر والإنتقام من فريق المريخ - رغم تهيؤء جميع الفرصة لذلكـ - حتى لايفقد أرضيته في المنطقة العربية ولايجد مستقبلاً من ينازله ومن يستضيفه أو يحفل به ، لذلك أتوقع ان تخرج المباراة بنتيجة متوازنة ومقبولة للطرفين ، وحتى لو خرجت المباراة بنتيجة كبيرة في غير صالح المريخ فليست هذه مشكلة ، فالفوز على بايرن شرف يتنافس عليه أعتى الأندية ويرمون بكل أسلحتهم فلا ينالونه ، كما ان الهزيمة منه باي عدد من الأهداف في تقديري شيء ليس ذو أثر وليست فضيحة كما يروج البعض ، أذ أنه نادي صعب المراس على مستوى كل العالم و تخشاه فرق أفضل من فرقنا بالاف المرات ، لذلكـ فالهزيمة منه شيء حتمي ومتوقع ، فالغير متوقع هو أن يفوز فريق مثل المريخ أو الهلال او الأهلي المصري أو حتى الكويتي الكويت أو حتى منتخب من كل هذه الأندية مجتمعه علي فريق من الدرجة الثانية في المانيا ناهيكـ أن يكون الفريق في حجم بايرن ميونيخ ، لان الألمان قد قطعوا شوطاً كبيراً في لعب كرة القدم التي أصبحت علم يدرس ومنهج يتبع ولم يتركوا شاردة ولا واردة في هذا المجال والمجالات الأخرى إلا وأقترفوا منها قرفة كبيرة ... كما أن فريق في وزن البايرن أكد جدارته وفاز ببطولة العالم للأندية ، وهو قد أنهى سلسلة مبارياته تواً ، يعني اللاعبين في منتهى الجاهزية بينما الدوري السوداني توقف منذ فترة ولم ينطلق الدوري الجديد ، وكل الأندية في الفترة السابقة كانت مشغولة بتسجيل لاعبين جدد (هذا ان جاز لنا تسيمة هؤلاء الناس بلعيبة ) :tongue: ، ولعل هؤلاء اللاعبين يحتاجون لفترة طويلة للإعداد ، ويحتاجون لفترة للتفاهم فيما بينهم ، والتأقلم على أستايل كل فريق يختلف عن لعب الفريق السابق للأعب ... ناهيك أن يتأقلموا على اللعب مع فريق في حجم بطل العالم . لكن السؤال الذي يدور بخلدي من هو الذي زجّ بالمريخ أو بالسودان كله في هذه المغامرة؟؟ ... ولماذا التركيز على هذه المباراة بصورة كبيرة والنظر لها على أنها إنجاز وإعجاز ؟؟؟ وهل هذا هو الوقت المناسب لينشغل فيه جمهور السودان والكرة بهذه المباراة رغم ما يحدق بالوطن من إخطار وحروب وهلاكـ بالجملة في جنوب السودان وفي دافور وفي جنوب كردفان والنيل الأزرق وفي كل منطقة ؟؟؟ نحن في زمن تستخدم فيه الحكومة كل سانحة لتغيب الوعي الجماهيري الذي يحيط ببلادها وببقائها ومصيرها !!! والله الواحد يحسد الناس على هذا الإنخراط الغير مشروط في الإنشغال بمباراة معروفة مسبقاً نتائجها وتوقعاتها ؟؟؟ وينسون في تلذذٍ ما يحدق بهذا الوطن من محارق وحروب وإبادات جماعية !!! ويتسارعون للتشجيع بعصبية زائدة ويسعون للنيل من بعضهم بسخرية فجعة وتعليقاتٍ بائسة في شأنٍ رياضي عابر ليس له تأثير في الوجود .... لا أريد أن أردد القول السائد عند الجمهور عن أن ثمن هذه المباراة وتكاليف الإعداد لها كان سيحل مشكلة كبيرة من مشاكل السودان المشرورة كالبرش ، ولكنني أركز على ثمن الإنشغال الذهني والإنصراف الوقتي والتغيب العمدي للوعي السوداني بهذه المباراة واستخدم كرة القدم والفن كملاهاة للجمهور عن همومه وعن قضاياه ... فماذا يعني أن يخرج كل السودان وتنخرط كل القنوات في نعي الفنان محمود عبدالعزيز - طيب الله ثراه - بكل هذه الإثارة والفيضان الناهض (بالطبع هنا أنا لا أقلل من فجيعة معجبي الفنان محمود عبدالعزيز) عليه رحمه الله الواسعة ، بل أستعجب من إنخراطهم في كل هذه اللاعيب التي يجرهم لها ساسة البلاد ، فقد مات من قبل محمود أناس لايقلون قامة ومكانة وعطاءً عن الفنان محمود - طيب الله ثراه - ولم تنصب لهم سرادق العزاء ، ولم تفتح لهم الشاشات مناحات ولا النوافذ الإلكترونية جحيم فقدهملوم يحفل الناس بموتهم وحياتهم !!! وغني عن القول أن الهلال والمريخ قد التقوا من قبل بفرق من عيار ثقيل حتى على مستوى المنافسات القارية ، ولكن لم تنتصب لهم قامة الإعلام كما تفعل هذه المرة!!! نحن علينا كأناس مهمومون بشؤون الوطن الإنسانية عدم الإنخراط في هذا التعصب الذي يغبش الوعي ، ويجير قضايا الوطن لصالح لعبة بسيطة محسومة النتائج لاتقدم ولا تأخر ، وبالطبع من حق كل نادي التباهي بإنجازاته تساوياً مع الإنجازات الوطنية ولكن ليس علي هذا النادي ركوب موجة الحكومة واقتراف أحداث من شانها أن تعلي من إنشغال الناس بالهم الوطني والمصائب التي عاني منه أخواننا وبنو جلدتنا والذين تحدق بهم الطلقات والمدافع وينتقص الوطن . .فقد أصبح الجمهور يترقب تصريحات البايرن والمريخ أكثر من تصريحات المصريين بأن التحدث في حلايب يعني حديثاً عدوانياً يتطلب عمل عسكرياً ضد السودان (يحدث هذا تزامناً مع مباراة المريخ والباريرن فهل رأيت أحداً أكترث لهذا القول الفظيع ؟؟؟ ، وهل تحدث أحداً عن أثار الحرب في الجنوب ، و\اثار الحرب في كاودا وجنوب كردفان والنيل الأزرق ودارفور ؟؟؟ ) يا جماعة نحن كفرنا بهلال مريخ ليس من واقع نتائجهم المزرية داخل السودان وداخل القارة الإفريقية فحسب ... بل من طريقة إدارة هذه الإندية والتدخل الحكومي السافر في إدارتها ، واتخاذ هذه الضروح الشامخة كادوات لملاهاة هذا الشعب الكريم الذي كان يسطير الثورات وتنسدل القيود جدل عرسٍ في أياديه كما قال طيب الذكر محمد المكي إبراهيم ، حينما كان أكتوبر أخضراً وإبريل في ذاكرته النابضة والمغيبة الآن بفعل فاعل فهل نحن محقون في هذا العزوف عن الرياضة ؟؟؟ نقول للذين يرديون أن يعيشوا في الوهم نقول لهم أن هذه المبارة ضربة معلم ، وأن المريخ كبير والهلال كبير ، وسوداننا بخير وصحة وعافية وتستحق هذه المباراة هذا الإهتمام ويستحق المريخ الفوز على المنتخب الألماني كلة ناهيك فريق بايرن ((المافي شنو ؟؟؟)) أما الذين يريدون أن يعيشوا الحقيقة المحضة ويتماهوا مع الواقع هو أنه حتى لو فاز المريخ على بايرن 10/صفر فلن يغير ذلك من حقيقة أننا لانملك وطن ولا فرق ولانملك ذهنية رياضية ولا ذهنية في أي مجال وليس هناك حاجة أسمها ضربة معلم ولا كبير ولا بطيخ ..زولا نملك نحن أي حاجة تستحق الفرح . وربنا يقدرنا علي مصائبنا الراهنة والأتية . ويحلنا من المباراة دي عشان نشوف الكذبة القادمة للحكومة التي تريد أن تعيشنا فيها لننخرط بكامل قوانا العقيلة فيها ونحن مبتسمون ومهرولون الى نيران كانونها كفراشات الليل ((( لوووووووووووووول ))

غايتو العندو مقدرة يكملو فيهو جزء كبير من الحقيقة
https://www.facebook.com/SiddiqRahma/posts/10152124176489826...lose_friend_activity

ما في حل إلا البل

سلام عمر ممكن اشارك بأسم أخونا ود الباوقة ؟

يعني ما نتغدى يا فارقو؟؟

وكمان بجيب معاي البتاع داك الما عرفنا اسمو لحدي هسي ..

قصرت معاك؟؟؟

مريومة يا بت الحسين ..
بالله كتري من الدعوات اللي زي دي بغض النظر عن سبب دعوتك تتعدد الأسباب والغرض واحد إنتي بي سبب القروش وانا بي سببي..:)


ياسر يا عيلفون..
وين الحي بيك يا حبة..
البيت فييي حتتو ما رحلت ..وحوالينو في زي 700 مطعم وتلاتة ATM يعني ما عندي أي طريقة زوغان..

هاني يا عربي..
لو المريخ إتعادل فحينها سأتفرغ للدزري اليوناني ..وعزومتك ح تكون في كافتريا عمال

وليد يا عكاشة ..
كما قالت الممثلة سعاد في مسلسل أقمار الضواحي.. الحنيّة وين ؟؟ الجنيّة راااحت..
أقول لك يا صديقي.. الوطنية راااحت :)


ولياب يا غالي..
والله الماكينة الألمانية لو غشتغلت بي نص طاقتها موافقين..بس المهم الماكينة ما تخلط زيت ..

Quote: سلام عمر ممكن اشارك بأسم أخونا ود الباوقة ؟

يعني نشيل مشاركة اخوي صديق الفوق دي ؟

لا فض فوك اخي الاستاذ صديق رحمة

اخوي عمران
مسكاقمي
هلالاب ومريخاب الظاهر علينا بلعنا الطعم

غايتو انا لي كم يوم بشوف جدول عشرة قدامي..

Quote: هههييييياكة..موردة ميييييي يا ود مناقزة

بالله ود الفاروق طلع من اولاد الحلاوين , وانا من زمان اقول الزول دة جايب الحلاوة دى من وين

ود البشرى بقيت تضايق ناس صلاح غريبة فى رزقهم

عموري ..

بلة جابر كيف ؟؟