ماتت أمل أثناء التفاوض علي الدفع للحاضنة أثناء الليل البهيم-أطفال السبعة يموتون بالسودان

زوج و زوجة شباب ينتظرون طفلتهم
والتي أطلت وكانت( خداج )وكانت محتاجة لحاضنة
لسوء الحظ لم يكن هنالك حاضنة في المستشفي الذي ولدت فيه
وبدأ البحث المضني عن حاضنة فارغة
ذهبوا لمستشفي كبير فوجدوا الثلاثة حاضنات مليئة
ذهبوا لمستشفي اخر فطالبوهم ب20 مليون ولازم يدفعوا 5 down payment
السؤال هو كيف يتسني له تدبير هذا المبلغ الكبير ليلا
ما بين الاخذ والرد ماتت أمل ليلا...
و في المقابر بدأ والد الطفلة يحفر لها بيديها باكيا متهدجا
و سقطت أدمعه للقبر الصغير قبل أن يستقر فيه جسدها الصغير
للأسف مستشفياتنا الكبري ليس بها حاضنات لأطفال ال7 شهور
نداء لكل أبناء الوطن بالتبرع بحاضنات لمستشفياتنا الكبري
وطبعا سعر الحاضنة لا يتجاوز ال20 الف دولار
فتعالوا لنعمل شيئا للوطن ان شاء الله نلمها دولار دولار
و لنجعل من وفاة (أمل) أمل لأطفال يأتون بعدها
و ربنا يعظم الأجر

http://www.youtube.com/watch?v=TLI4yF_C5LQ

إنا لله وإنا إليه راجعون.


الله غالب يا السيف أخوي...

امولة ماتت والبلد مليان قروش
والبلد مليان عيوش
وروني وين راحت القروش

على الدولة ان تقوم بتوفير هذه الاشياء
الاعتماد على الايادي الخيرة دائما يتركهم يرفعون يدهم..

يجب ان يكون هناك ضمان اجتماعي لكل الاطفال من الميلاد
حيث لا يمكن ان تكون الحياة بالقروش
وعلى حظ الطفل اذا اتى في اسرة غنية او فقيرة
كم انا حزينة للام والاب


ربنا يجعلها شفيعة لهم

الحضانة للطفل الخديج مهمة , ولكن الملاحظ لا توجد في جل المستشفيات , مثلا كوستي لا حضانة بها , وايضا العلاج الضوئي للاطفال المواليد المصابين بالصفراوية , رغما عن سهولة ورخص كليهما
تعود السودانيون علي التعامل مع الطفل الخديج بشكل شعبي , ونجحوا في ذلك كثيرا , يغطي الطفل جيدا وبشكل مبالغ فيه , ويجعلونه في غرفه لا يدخلها ضؤ او هواء بإغلاق الشبابيك والابواب
اما الصفراوية فيجعلون له لمبات مضاءة فوقه بلون معين
صارت الدولة لا تقدم شيئا وتركت المواطن للعلاج الاستثماري

الوجع كتير و شديد يا ود المدير الله غالب

Quote: نحن للاسف عاطفيين جداً ،، لماذا لا تقوم وزارة الصحة بتوفير هذه الحاضنات !! هذا حق وليس منحة !! يمصون دماء الشعب لانفاقها فى حفلات التكريم والاسفار لدول اوروبا والعطلات ولا يرف لهم جفن لموت أحد فهذا الشعب موته افضل من حياته بالنسبة لهم .. الحق ينتزع انتزاعاً ومن مات فى سبيل انتزاع حقه فهذا هو الشهيد بحق وحقيقة .. نسأل الله سبحانه وتعالى ان يعوض والديها خيرا ويجعلها تنتظرهم على مدخل الجنة ترفض الدخول الا برفقة والديها ..

هذا وجع يومي متجدد يا سيف و قد افقرنا شعبنا بالمنافي لمطالبتهم بالتبرع دوما
علي الدوله تحمل مسؤلياتها كما قالت د.نجاة ...جيد انك كتبت عن امل.

ربنا يصبر و الديها.
انا لله وانا اليه راجعون.

يا للحزن يا سيف
كيف كان السودان وكيف اصبح !!!!!!!!
الكيزان الحرامية نهبوا البلد ودمرو المواطنى السوداني واعيوهو واعجزوهو
عندما ننظر للسودان دمار في كل شي المشتشفيات التعليم الاقتصاد كل شى خراب

اولادن بتعالجوا فى احسن المستشفيات خارج السودان ايش يخصهم ان شاء الله يموت الشعب الفضل
حقدهم عجيب وغريب يا سيف

كثيرا اسال نفسي هل هولاء الكيزان بشر ام هم ابالسة وشواطين ام هم وباء سلطهم الله على السودان

مِن أين جاء هؤلاء النّاس ؟ أما أرضعتهم الأمّهات والعمّات والخالات ؟
كما قال الطيب صالح
حقيقة يا سيف من هم هولاء ومن اين اتوا !!!!!؟؟؟؟؟؟؟

فانت تدعونا للمساعدة!!؟؟

يا سيف يساعدوا منو ويخلوا منو الشعب في نفسوا عاوز مساعدة علشان يهب ضد الظلم ويغير الوضع بنفسوا
يا سيف من لا يساعد نفسوا مافى حد بساعدوا

فنحن من جعلناهم يركبون في ظهورنا وينزلوا ارجلهم
فالنتحمل ما يجرى

هاك شوف الفديوا دا وشوف الراعى والحاشية بتاعتوا كيف يفكرون ويديرون البلاد
وكيف يتعاملون مع من يحاولوا مساعدت شعبنا المسكين المقلوب على امروه!!!!!

Quote: الدوله المتمثله في الحكومه ووزاره الصحه تحديدا ما تنتظرو منهم شئ ديل تقريبا قضو علي مجانيه العلاج ياخ انت لو اتجرحت في مستشفي حكومي مشيت دمك كابي كان م جبت خيطك وشاشك براك م بسعفوك صحبتي بتقرا طب زميلتهم في الابيض مشت المستشفي عيانه عشان يركبو ليها فراشه الممرضه قالت ليها يا تدفعي الفين حق البلاستر البلصق ليك بيهو الفراشه ي تمشي تشتري بلاستر براك وهي طبيبه يااااااخ خليك من انهم يوفرو جهاز تنفس بي ميه وكسر مليون.....حبيت انبه بس لانو كل الوسائل الاعلاميه بتنادي بي انها حاضنه هسه لو في جهه حبت تدعم ووفرت حاضنه بدل جهاز تنفس يبقي م عملنا شئ