السنة الجديدة كبست

ومن قولت تيت قالوا الاحتفال بيها حرام

غايتو دي بتعمل 7 طويلة ممكن تجازف بيها ونقبض ورقك ,,, ولا تجازف وتخش علي احتمالين يك ولا دو
يلا اهو كلو حرام محصل بعضو

بعدينك حكاية حرمة الاحتفال بيها دي قلبو فيها هوبا والله
ياخي هو نحن قدرنا نحتفل بالعيد العيالنا قابضننا فيهو ? خلي لا نمشي نقابض عيد غيرنا
دي حاجه
نحن زاتنا ما قايلنو عيد ديني زمااان وقت الحكومات الفاجرة والفاسدة الكانت بتسمح لينا بالاحتفال ببهو
بنلم القريشات ونشتري الهنابيك والعصاير والتورته وكده ,,,, ونروس في بيت واحد من ناس الحلة يكون فيهو صالون كبير ,

وتأبي السنة القديمة الرحيل دون ان تترك عادتها , فهاهي ترتحل متأبطة احدي مناضلات الوطن
رحم الله المناضلة الشرسة
سعاد ابراهيم احمد
وبفقدها يكون اليسار الاكثر فقدا للزعامات هذا العام

نرجع لقصة السنة الكبست علي حين غرة وهجمتنا في صمة خشمنا دي
فبصراحة كده دايرين نغير شنظ ,, يعني السنة الفاتت ردمتنا موت , وردمناها مساسكه في بعض ,, فشنو دايرين نخلي المساسكة والمكاجرة

العزيز / ود ابسن

كل عام وانتم بخير

الناس ديل حيرونا


نثريات الاحتفال بتاعت عيد الاستقلال من جيب المواطن
والمواطن لا شاف استقلال ولا ضاق طعمو
اهو نتونسبو ساهي والله

واحتفال المواطن بالسنة الجديدة فرحة في الاساس انو السنة فاتت بسلامة
من غير اي خسائر جسيمة يعني شكر لله انو النفس طالع ونازل


اها المواطن ما بخسر الدولة قرش والاحتفال كان كتر بكون لمة في الفنقة القدام البيت

بس الدولة بتخسر المواطن قروش في الاحتفالات (بتاعتا)

يبقى الحرام ياتو (من باب الضرر وكده)


تحيات

ياصاحب
كيفنك الجنيد اخوي
زي قولك مافارزين ليهو صرفا ولا عدلا ,, غير لمتنا وضحكتنا
وحكومتنا دي رازه ونطاحة , قبال الحدث تلم في العداوات ,, اوعكم دينق ده تقولو ليهو مبروك العيد ,,, اي ازنقوهو في اقرب ملف ,,, ياخ دينق ده ياهو القاعد يساهر معانا في الخبيز قبل العيد في الفرن ,, وياهو البقطع معانا الخروف
وياهو
وياهو
اول مره اعرف انو مشي دينق معانا ممكن يكون حرام عليهو

سلام ود ابو سن عوافي وكل عام وانتم بخير

واحد في الفيسكوب كاتب

نحن منتظرين عام 2014 خايف يتكتب اعلان في السماء .. 2013 الجزء الثاني

وتبقى مصيبة لو عاد مسلسل 2013 من جديد شهداء سبتمبر ختامه الحرب القلبلية في الجنوب


اللهم غير مسلسل حياتنا بمسلسل قصته هندية لايموت فيه الابطال ابدا ولا تعيد لنا مسلسلات 2013 بما فيها ملكة جانسي وفاطمة شاش

اوووووو درديري
ياخي تخ
بالغت والله
تعرف مشتهي ألم فيك انت ودرديري ساتي
اهو إنت قلعت وداك زي ود الموية ما بنقبض
سنة أكان قلت حزينة والله تبكيك عديل
وبعد ده ما فضل زول مانابذنا حتي ادعياء السلطة ومتسليقها
سنه الله لا عادا

من النفاج
حباب خيتي آمال حسن
نعلك واللهل بخير
ان شا الله سنة بخيتة علينا وعلي الوطن سلام ونما وديمقراطيه
سعاد فقد للوطن فهي علامة فارقة في تاريخ النضال ومسيرة الثورة السودانية ومسيرة نضال المرأة ,, فقد كافحت بشكل شخصي من اجل حريتها وحقها ولم تلن او ترهبها الافواه القاتلة ,,, صمدت كإمرأة واعادت الهيبة لنفسها , وناضلت من اجل قضية السودان وقضية النوبة دون ان تتحول للشوفينيه
رحمها الله

عبد الحفيظ يا دفعه ... سلام

وكل عام وانت والاسرة الكريمه بخير وعافيه ...
وربنا يحقق ليكم جزء من احلامكم ... لانو كل الاحلام يستحيل تحقيقها ...
عام 2013 كان عام كبيس وصعيب على الشعب السوداني ..
مليئ بالضغوطات ... .. والازمات ... والمشاكل الاقتصاديه ..
نسال الله ان يكون عام 2014 عام فيه خير ورفعة وازدهار ....
وان ينصلح الحال ... وكفاية كدا ....
ياااخ نجضنا ...نجااااض ....
استوينا .....
اقم الصلاة ....

تحياتي ,,,

يا عبدالحفيظ،،اظنه بابلونيرودا ،من قال ،
ماذا يعني تغير الارقام لساكني بيوت الطين والصفيح المثقوب.
ثم لكانه يعنينا ياصاحبي..
فالحرب ضروس ،، والجوع مخيف ،، الوطن يفزعه غول الغلاء الشرس،امام جيوب فارغة ، وشباب يهلكون العمر والمال في التعليم،تنتظرهم امال الامهات ،حتي اذا تخرجو وجدو الفاقة والخذلان.
ياسيدي ،هل من امل ،بعض امل،ان يجد مريض معدم طبابة وشفاء هذا العام..
ماذا يخبئ لنا الرقم 14 ،لا ادري.
ولو كنت اعلم الغيب لا ستكثرت من الخير.
صدق الله العظيم.

جاييكم
حين
ميسره

عامٌ سعيدْ
..
عامٌ سعيدْ..

إنِّي أفضِّلُ أن نقول لبعضِنَا
:
((حُبٌ سعيدْ))

ماأضيقَ الكلماتِ حينَ نقولُها كالآخَرينْ
أنالاأريدُ بأن تكونَ عواطفي
منقولةً عن أمنياتِ الآخرينْ..

أنا أرفضُ الُحبَّ المعبَّأ في بطاقاتِ البريدْ..

إنّي أحبُّكَ في بداياتِ السَّنةْ..

وأنا أحِبُّكَ في نهاياتِ الّسَّنةْ..

فالُحبُّ أكبرُ من جميع الأزمنَةْ

والُحبُّ أرحبُ من جميع الأمكِنَةْ

ولذا أفضِّلُ أن نقول لبعضِنا

((حُبٌّ سعيدْ))..

حُبٌّ يثورُ على الطقوس المسرحيَّةِ في الكلامْ

حُبٌّ يثورُ على الأصول ِ..

على الجذورِ ِ ..

على النظامْ..

حُبٌّ يحاولُ أن يُغَيِّرَ كلَّ شيءٍ
في قواميسِ الغَرَامْ!!...

2
ماذا أريدُ إذا أتى العامُ الجديدْ..

كم أنت طفلٌ في سؤالِكَ..

كيف تجهلُ ، ياحبيبي، ماأريدْ؟

إني أريدُكَ أنتَ وحدَكَ..

أيُّها المربوطُ في حَبْلِ الوريدْ

كلُّ الهدايا لا تثيرُ أنوثتي

لا العطرُ يُدْهِشُني..

ولا الأزهارُ تدهِشُني..

ولا الأثوابُ تُدهِشُني..

ولا القَمَرُ البعيدْ..

ماذا سأفعلُ بالعُقُودِ..
وبالأساورْ؟

ماذا سأفعلُ بالجواهِرْ؟

ياأيُّها الرجُلُ المسافر في دمى

يا أيّها الرجُلُ المسافرْ

ماذا سأفعلُ في كنوزِ الأرضِ..

ياكنزي الوحيد؟.
.
3
ياسيِّدي:

يامَنْ يُغَيِّرُ في أصابعهِ حياتي
يامَنْ يؤلِّفُني.
.ويُخْرِجُني..

ويكسِرُني..
ويجمَعُني..

ويُشْعِلُ ثورتي..وتحوُّلاتي..

أجْراسُ نصفِ اللّيلِ رائعةٌ

وهذا الثلجُ موسيقى تكلِّمُنا

وأنا أصلِّي كي تظلَّ تُحِبُّني
فاقْبلْ صلاتي...


4
(شُوبَانُ)..

يعزفُ في جوار ِ المِدْفأهْ

قُلْ لي :(أٌحِبُّكِ)
كي تزيد َ قَنَاعتي
أني امرأةْ...

قُلْ لي:(أُحِبُّكِ)..

كي أصبرَ بلحظةٍ
شفَّافةٍ كاللُّؤلؤَهْ....

5
ياسيَّدي:

ياأيُّها المخبوءُ من عشرينَ عاماً..في الوريدْ

يامَنْ يُغَطِّيني بمعْطَفهِ
إذا سِرْنا معاً فوق الجليدْ..

مادُمْتُ لاجئةً لصدركَ..

ماالذي من هذه الدُّنيا أُريدْ؟

6

مادُمْتَ موجوداً معي..

فالعامُ أسْعَدُ مِنْ سعيد

سعاد الصباح

مجيدو يا دفعة
قال سند
كأنما الامكان
أصبح مستحيل هذا الزمان

فيا صاحبي
هي امنية وحيدة
وطن واحد يسع الجميع

سلام عبدالحفيظ
كل سنة وانت بالف خير
مادام حرمو الاحتفال فمعناها عدد المحتفلين حيكون اكبر و اكثر
فى ناس ماكانوا بهتموا بالاحتفال بى راس السنة ، السنة دى حيتفلوا
قاوموهم بالاحتفاء بالسنة الجديده و الاستقلال

هم خايفين من عزم الشاب على الخروج للشوارع مع بداية السنة الجديده

عاضة لامن قرشت البلي وفوتت الطاره

اها نغير التروس ولا كيف يعني