أحلام مستغانمي دي منو ؟؟؟

سؤال جادّي له ما بعده ..

كاتبة رواية من الجزائر ، من اجمل الأقلام التي كتبت باللغة العربية في الثلاثين سنة الأخيرة...
لها رواية مشهورة اسمها (ذاكرة الجسد ) تتحدث عن كون وشم التعذيب ممكن يبقى ذاكرة تمتد سنين و سنين ، و تحتاج فعل تصالح انساني قاسي و نادر..!!!


سعدت بانها كتبت عن بهنس...!!!!



عمر الفاروق .. ازيك يا صديق...


كبر

عايز تقول شنو يا خبييييييث ..:)

Quote: لم أقرأ لكَ شيئاً ، ولا سمعتُ بكَ قبل اليوم

ثم

Quote: يده تلك التي لم تكن تصلح سوى للعزف وكتابة الشعر

..

كاتبه جزائريه ... لا تخلوا من احلام مراهقه ... و تؤرقها عذابات الماضي ...

جريئة في وصفها الاشياء ... تذكرني بجرأة احسان عبد القدوس ...

قرأت لها الاسود يليق بك ... تلت و تعجن احيانا لدرجة الملل ...

تحياتي عمر الفاروق ...

Quote: يده تلك التي لم تكن تصلح سوى للعزف وكتابة الشعر

يعني جات عليها هي بس ؟

يا فاروق تحياتي

احلام مستغانمي كاتبة جزائرية ثائرة ورومانسية في نفس الوقت

عندها طريقة كتابة كدا لو بديت تقرأ ليها لازم تكمل الموضوع
المهم
تصدق وسط كل هذا الزخم الإتكتب عن الراحل بهنس، كتابة أحلام عن بهنس هي الوحيدة التي لم استطيع حبس دموعي حيالها على بهنس

رغم إنها ذكرت إنها ما بتعرف بهنس ولا أنا كنت بعرف شيء عن بهنس ( عليه الرحمة) قبل مماته



كسرة جديدة لنج

أنا ما عارف ليه لما تجي سيرة عزاز شامي بتذكر أحلام مستغانمي دي

كبر يا حبيب..
عكسك تماماَ يا صاحب ..لم أسعد ..
لم أسعد بالإحتفاء بكتابة الاخرين لمجرد الاسم اللامع ..
لم أسعد لمجرد أن تكتب وكأنك مجبور على الكتابة أو ملكوز لكزاً ..
اسوأ الكتابات تلك التي تبدو مصطنعة ..
وأسوأ الإحتفاءات تلك التي تميّز بين هذا وذاك ..
شعبنا السوداني أصصصلو ما حي يخلي حركتو البايخة دي..
في كل مرة أكون في بيت عزاء وقاعدين في الفراش في نص الخيمة يتكرر المشهد ده ..
يجي داخل زول بسيط بي جلابية عادية أو متسخة يدخل نص الساحة يرفع يدينو ويقول الفاتحة ..
يقيفو ليهو عدد محدووود من المعزين ..بالكااااد أهل الميت من الدرجة الأولى ..
يجي داخل زول حنفولي جلابيتو سكروتة وعمتو ناصعة البياض ومركوبو نمر..
قبل ما يصل الخيمة تلقى كل الناس الفي الفراش وقفت بل وبادرت بالخروج ليهو ومعاهم أهل المرحوم ويقولوا ليهو الفاااتحة في تسابق عجييب وكأنه هو وليّ الميت ..
المناظر هيّ زاااتا ..والصور نفس المشاهد ..يا صديقي..

Quote: عايز تقول شنو يا خبييييييث

سبحان الله يا أمونة ..
صدقي إنتي كنتي مدخلي للبوست ده ؟؟؟
وكنت عايز أقول الفرق شنو بين أن تكتب امنة مختار عن بهنس وأن تكتب أحلام مستغانمي فنحتفي ونهلل لعزاء هذه الأحلام ونترك امنة مختار مع تعزيتها وال 12 مداخلة الفيهم 15 حقت امنة !!
مع إنو امنة ممكن تكون ست وجعة أكتر منو وتستحق المواساة ومن ثم الإشادة ..
نحن السودانيين في أييي شي عندنا جانب الإنكسار غير المبرر وكسير التلج حتى لو كان هو ذات التلج المات تحتو بهنس..
أسة بدل نكسرو لي احلام دي مش كان من باب أولى نكسرو عن بهنس رحمة الله عليه..أقلاه كان ممكن يعيش كم يوم تاني لي قدام بقدرة الله ومن ثم بي كسير التلج ده ..

يحى يا قباني..
شكراً للملخص..
جاني إحساس إنك لخصتها تمااماً بدون كلام كتير وجماليات ..عشان كده ح أعتمد تعريفك ..
وبناء عليه بقول هو تعريف لا يكفي لكل هذه القومة والقعدة ..

والله يا عمر كتر خيرها برضه ..
وكتر خير المصريين والأوربيين الما قصروا كمان .

ذي ما نحن كمان بنحزن لفقد المبدعين والقامات الإنسانية السامقة فى كل مكان .


على الأقل كتابات الأجانب ديل ..حا تنبه الناس إنو السودان دا ما صحرا قاحلة جرداء من أى شئ جميل
ذي ما هم فاكرين .

انتبه هناك مثقفاتية في انتظارك

حمد يا حمد..

Quote: تصدق وسط كل هذا الزخم الإتكتب عن الراحل بهنس، كتابة أحلام عن بهنس هي الوحيدة التي لم استطيع حبس دموعي حيالها على بهنس

عكسك تماماً يا ابو حميد ..
ما هبشتني..
كلام حسيت بيهو لغوي أكتر من كونه من الأعماق ..
كتابة إنشائية مثقفاتية روائية أكتر من كونها تعزية ..

يا أمونة ..
والله بكون أسعد زول لمن الناس تحتفي بينا حتى لو في أحزانا..
وقبل فترة كتبت عن الحتة دي ..
لكن يا فرحة ما تمتش ..
حتتتى والناس بتحتفي بينا وتكرمنا وتنفض عننا الغبار سواء بأفراح أو أتراح نقوم نحن نحتفي بي إحتفاء الأخرين بينا ونشوفو نوع من الدهشة ..
ياخ انا كل ما أتذكر البت السورية الغنت أسمر جميل ويين يا أسمر ..والاحتفاء اللقتو من الدولة والشعب بطني توجعني..
أسة جابت ليها احتفاء بالتعازي ..

كاتبة مفضلة للمراهقين بايولوجياً.

يا سحس ..
الجنوبي جا داخل بيتو تعبااان ..رقد في العنقريب وقال ويوووو ياخ انا مراهق مراهقة شديد خلاس..

Quote: كاتبة مفضلة للمراهقين بايولوجياً.

عبارة خاطئة تماما ..
أعد .

مع إني فاهمة قصدك الجليته هنا .

جاء في موقع النيلين

حلام مستغانمى: أنا أفاوض جهات سودانية في مجال الاتصالات لإطلاق مشاريع خيريّة وتعليميّة
احلام مستغانمى: أنا أفاوض جهات سودانية في مجال الاتصالات لإطلاق مشاريع خيريّة وتعليميّة

3 02:59 AM
ورد اليوم تعقيب من قارئ سوداني يُعلّق على رثائي لمحمد بهنس رحمه الله ، جاء فيه : " حتى أنتِ يداك ملطخة بدمه ! مات بهنس في برد ليل القاهرة وغيره ماتت ضمائرهم في وضح النهار " . برغم كونه تعليقاً فريداً بين أكثر من ألف تعليق مستحسناً التفاتتي إلّا أنه ترك ألماً في نفسي ، لأنه جاء من السودان الحبيب بالذات ، الذي منذ أكثر من سنة ، و أنا أفاوض فيه جهات سودانية في مجال الإتصالات لإطلاق مشاريع خيريّة وتعليميّة ، مقابل حق استغلال اسمي إشهارياً . وهو الشرط الأول الذي وضعته ، لأنني لا أرضى على نفسي أن أدخل السودان فاضية اليدين ، وقد فاض قلبه بحبي ، ولم يُؤخر هذا المشروع إلّا جديّة العمل ، وحرصي على نجاحه . أقول هذا ، لأنّ البعض يُبادر بالانتقاص من انسانيتك ، وصدق مشاعرك دون أن يملك دليلًا على ذلك ، سوى عدم إشهارك لنواياك ، ولِما تسعى إليه في الخفاء .
فلا تقتلوا عن جهلٍ بذرة الاحسان في قلوب حامليها ، وتغتالوا حماسهم ، في زمنٍ هو أصلاً مُحبطٍ للعزائم .
احلام مستغانمى

...

والله كلامها الأخير دا وجعني يا حيدر الزين !

نحنا السودانيين مرات كعبين خلاس !!

____________

مع إني الزولة دى كجنتها من زمان بسبب مقال لها كتبته بطريقة عنصرية لا مبرر لها ..
تنتقص فيه من خادمتها الأثيوبية .


( ياخي خشوا ليها فى صفحتها طايبوها بالله ..:)

بقدر كعوبيتنا دي يا امونة فأهو برضو طيبين طيبة شديدة خلاس..
شوفي مجرد قريتي السطرين ديل منها نسيتي وجعك وكجينتك ليها بسبب كتابات عنصرية ..
الشخصية السودانية هشة ..والغنماية تاكل عشاها صحي صحي..


حيدرنا يا سمح يا زين يا موبايلي ..
ياخ طرشقت بي فضحها لي الاعمال الخيرية دي أييي شي ..ده كلام زول محروق ساااي ..

زي البوست دا زاتو الاسمو الجهل النشط في ابهى صوره .. عمر كالعادة بتمسكوا الكاروشة اول ما يشوف ناس بحتفوا بي حاجة بتابى نفسه الا يجي يمسخها وكانوا الاستاندر بتاع الامزجة لازم يمر عبر عمر الفاروغ
يا عمر ياخ سيدنا محمد صلي الله عليه وسلم قال اللهم اعز الاسلام باحد العمرين .. اها العمرين ديل كانوا كفار عديل .. ما كفار وبس كفار وبيحاربوا الاسلام .. اها لمن سيدنا عمر الفاروق اسلم المسلمين يومها احتفوا احتفاء شديد مع انه هو ذات نفسه الكافر بتاع امس البحارب فيهم
يا عمر الموضوع دا اكبر من استيعابك بتاع ونسة اللساتك البتعمل فيها دي ,, انا اديتك انموذج واضح من الاسلام عشان عارف دي الحتة البتوجعك وبتخليك تفرفر
مع اني بتفق معاك في الحتة بتاعة دهشة الاجنبي العندنا كسودانين وكبسطاء لمن مثلا يجي واحد خواجة للعمل في مشروع مثلا ويكون الخواجة دا في بلده عامل مغمور او فني بالكتير ويتعامل معاهو بسطاء السودان امثال اخونا الكباشي البكري والكونت الفوق دا علي اساس انه خبير اجنبي ويرفعوا اسهمه للسماء
لكن بالنسبة للاعلام والاسماء الكبير في عالم يسطر عليه صناع الراي والميديا الحكاية بتختلف
فشنو يا عمر الكلام البتقول فيهو دا امشي اتونس بيهو مع اولاد حلتكم في العمود وما تقولوا في منابر عامة للحوار

يا كونت ما تخاف على أخوك من المثقفاتية ..
انا بجهجهوني دائماً الشتر اللي زي أساسي ديل..
اساسي ده عامل زييي لمن المانيا تلعب مع السودان فعااادي ممكن السودان يتعادل معاها لأنو الألمان ما بيكونوا قادرين يفرزو السودان لاعب كيف وبي ياتو طريقة وفهم ..

مافي اي شخشخة

أساسي..
طبعاً كلامك الدّراب ده تخم بيهو ناس سودانيز ديل ..ما بيمشي فيني ..
يا أخوي مثالك ده في وادي وكلامي في وادي لكن ياها عادتك في القوقلة في كل ما يتعلق بما هو ديني ..مع إنو قصة سيدنا عمر دي ما عايزة قوقل وشافع الروضة عارفا..
سيدنا عمر ده كافر لكن منهم وفيهم ..نقد لمن مات ممكن يكون السيد الصادق أو الترابي قالوا عنو الكلام الطيب وإحتفو بيهو مش عشان موتو بل احتفاء بشخصية عظيمة ..
وما بعيد نميري يكون إحتفى بي عبد الخالق في ايام لاحقة ..
ياخ أسة لو كتب أمين حسن عمر مثلاً عن موت بهنس تتوقع شنو ؟؟
تعال شوف التعليقات ح تكون من ياتو شاكلة :
قتلتموه وتتباكون ؟؟
إذهبوا لسنا بحوجة لمواساتكم ..
بهنس مات حراً ولن تطاله أقلام المجرمين ..
أين كنتم حينا غطته الثلوج في شوارع القاهرة يا أمين ؟؟؟


الزولة دي واقعة ليها يا اساسي ويبدو إنها شفتة وزلقتا ليكم براااحة في البداية عشان ما تجو تحاكموها بيزي النضم الفوق ده واووول شي ختتا ليكم إنها لم تسمع به من قبل وما بتعرفو ولااا شافتو ولااا قرت ليو ..
عشان ما يجي زول يقول ليها طيب إنتي كنتي وين وهو زميل مهنة وصديق وهمكم واحد ؟؟؟
مع إنها جوة جات وصفتو وصف زول بيعرفو وبيعرف حاجاته من شعر وعزف انا ده والله ما كنت بعرفا ..
طبعا ح تقول لي بتكون قرتا عنو يا قالوها ليها ..بببس كده بتكون جيتني في حتتي ..

حتة شنو يا عمر البتجيك فيها ..يا اخوانا واحد فيكم يتبرع يوري اخونا عمر انه ما عنده حتة يجيها فيهو زول
وما يبدو زي حقتك دي انا علي يقين انك ما فهمت مقاربتي ليس لانك ما بتفهم حاشاك ولكن لانه استيعابك حدو هنا غلاط في الكورة بالكتير ولا في مكياج رموش ابو الناس
المهم يا صحبي ...
عشان انا واثق انها ما حتجيك في حتتك الما قادر توصفها لاسع دي وبحكم الزمالة الاسفيرية والصحبة السطيحة البتجمعنا انا متبرع اوريك انه قد تكون ما قرت ليهو لاحقا زاتو ولا سابقا ولا سمعت الا بموته ودا كفاية جدا انها تسطر الحروف السطرتها دي لموت انسان بالطريقة دي .. دي ناس عندها مشاعر يا عمر واحاسيس حاجات ما بتتبادر لذهنك البسيط لانه زي ما اسلفت ليك انك مصر تحاكمها بقيمك انت والحاجات البتعرفها انت وانه ذهنك قاصر عن ادراك مرامي ابعد من ارنبة انفك يا صديقي .. في اختراعات اسمها مشاعر انسانية وقيم ومثل وحاجات نضيفة زي دي ما بتكون مرت عليك في سعيك الحثيث لاثبات انه دقة دلوكة انصاف مدني ما متسقة مع غناها
عمر يا صحبي الرسول صلي الله عليه وسلم لمن ضايقوا صحابته في مكة قال ليهم امشوا الحبشة فيها ملك لا يظلم عنده احد يعني بعزكم مع انه كان كان ممكن يقول ليهم اقعوا الخلاء بتاع السعودية دي وماف زول كان جاب خبرهم مع انه كان عارف انه النجاشي الوقت داك لا مسلم ولا منهم ولا فيهم
عمر دي مقاربات دايرة سعة افق

والله يا الفاروق أنا اليوم سألت زوجتى وهى أكثر إطلاعا وإلماما منى عن أحلام مستغانمى هذه والله العظيم أقر بجهلى وضحالتى وعدم مواكبتى وخروجى عن محيط الواجب معرفته وحسنا أن أخبر الإخوه عنها بأنها روائيه متمرده وناطقه للحكمه التى تروق للآلاف من أصدقائى الذين أقر أيضا بأنهم قراء درجه أولى ولا يقرأون إلا الحار الخارج لتوه من المطابع
فها الإحلام اليوم تعور عين شيطان التداخل بينا لتوارد السؤال عنها
فى نفس اليوم ولك ولأسرتك السلام والله بقراك لا بل لا أترك لك شاردة ولا وارده وأحسب أن لك رساله وتؤديها على أحسن وجه

ويا كبر وقبانى وحيدر الزين واللآخرين أشكركم على التثقيف

Quote: حيدرنا يا سمح يا زين يا موبايلي .. ياخ طرشقت بي فضحها لي الاعمال الخيرية دي أييي شي ..ده كلام زول محروق ساااي ..

اهو دا البنقول فيهو عن انه جهل مركب ونشط جدا
يا المغمور زي ما قلت ليك الاستاندر بتاع مقايسك للحاجات هو الاستاندر المسكين .. دي المشكلة انه انحنا بنحاكم الاخر بعقليتنا انحنا افقنا ما بتسع ليشمل طريقة تفكير الاخر .. اسع انت قلت انه دا كلام زول محموق ساي وطرشقت اعمالها الخيرية .. طبعا بمقايسك انت قد يكون الكلام دا صاح لانه مقايسك انت لا يعتد بها .. الناس (غيرنا) بيعرفوا يسوقوا لي رقبتهم كويس وبيعرفوا يقولوا شنو وبتين ..انت اذا كان رئيسك ما بعرف يتكلم تجيب العرفة من وين انت يا العشا ... اسع تاني بعد كلامها دا ورميها للاس بتاعها حق الاعمال الخيرية في خضم الزحمة دي سوقت لي رقبتها تمام بعدين لاحظ الفرق انها قالت دايرة اعمالها دي تحت اسم الشهرة بتاعها يعني مقايسك بتاعة كواسة الاجر دي هي بتنظر ليها بطريقة تانية او قد ما بتهمها زاتو عشان يكون العمل الخيري بينها وبين ربها زي ما اشرت انت بطرف خفي .. المهم من الموضوع دا انها بخلاف ما تبادر الي ذهنك البسيط انها طرشقت اي شي ..هي تقريبا وطدت اول خطوة في البروبقندا الدايراها لي رقبتها بالطريقة دي ولقت مناسبة تستغلها في التسويق لاعمالها الخيرية القالتها وحتي لو ما عملتها زاتو بعد كدا كفاية انها اتسمت بيها يا راجل يا طيب

اساسي يا زعيم يا كاتب يا عالمي

هسة اساسي ده لمن كتب عن بهنس ليه ما احتفيتوا بيه كده ....

Quote: هسة اساسي ده لمن كتب عن بهنس ليه ما احتفيتوا بيه كده ....

الكونت ياخ عمر ما يلبسك شباشبو المقطعة دي دي ساي ما مقاسك يا كونت
انت يا كونت قبل ثلاثة شهور احتفلنا معاك بعقد زواجك .. طبعا عقد ليك السيد الصادق المهدي .. مع انه كان ممكن يعقد ليك جدك التربال التعب فيك وفي نشأتك ..لكن حرصت علي دعوة السيد الصادق لزواجك ولو بطريقة ما .. ودا مافيهو اي تقليل من شان جدك التربال التعب فيك .. مع انه اولي من السيد الصادق لكن كمان العزوة سمحة

عمر الفاروق
يعنى لازم تنشز على بهنس في رقده

اساسي اذا هبشتني ... بتعامل معاك بقسوة

عامل زي التور الهايج في البوست ده ... صليح ولا عدو

الشيء بمثله يذكر

حضرني موقف وقصيدة واقعية

كنت قد رثيت بها الفنان الراحل (خوجلي عثمان)

الفنان (خوجلي عثمان) عليه الرحمة، لم أكن أعرف عنه غير إسمه (خوجلي عثمان)

وفي يوم وفاته المشهورة (مقتولاً) ابرتنا الصحف بأن نعرف إسمه الحقيقي (البلولة عتمان)

رغم أن كل الشعب السوداني كان يعرف أن غسمه (خوجلي عثمان) ودا ما المهم

المهم:

لم أكن أعرف ولا اغنية واحدة مما تغنى به المرحوم (خوجلي عثمان)

ليس تقليلاً لشأنه ولكني قد أكون حينها كنت مكتفياً بعدد محدود من الفنانين الذين استمع إليهم

ولكن عندما وصلني نبأ مقتله و وفاته كتبت فيه مرثية

فهل عدم إستماعي لأغانيه في حياته كان يجب أن يمنعني من رثائه ؟

أو إذا كنت أنا مثلاً (مثلاً يعني) كاتب قصص مراهقة أو جــنس، لا يسمح لي بأن أرثي أحد ؟

غايتو ما عارف لكن قرأت مداخلات في هذا البوست ............ تديـــك العــجـب !

اخوي عمر .....
مشكلتك الكبيرة الصدق بلا مجاملة في النقد للتظاهرات المصاحبة (لقصصنا السودانية ....موت بهنس رحمة الله تتغشاه مثالا )
احلام مستغانمي ككاتبة روائية بالنسبة لي كانثى ترضيني كثيرا ...بل احبها وقد التقيتها كثيرا في محافل معارض الكتب والثقافة ...انسانيا جزائرية طيبة ومتواضعة جدا ...حكت لي عن السودان بصورة عامة واعجبت بكثير ما قلته لها عن تفاصيلنا
السودانية الغريبة ....عن طريقتنا في العلاقات والتواصل والسلام وكانت تسالني دا بتعرفيه كلما مر احدهم من السودانيين فاقول لها اول مرة فتضحك ...حكيت لها عن طريقة نومنا في الحيشان في حالة تجمع الاسرة ...وعن القراية التي نمارسها بالشيرنق بين (اولاد الاورنيش باعتبارهم طبقة بسيطة في تعاون جميل وفي حب القراية ....حكت لي الكثير عن السودان
الاخ عمر :لم استغرب ان تهتم لموت اي سوداني مبدع او لا ...لانها تشارك دوما هموم الاخرين من العرب في اخر لقائي بها تحدثت عن سوريا حتى ابكت الحاضرين ...
المهم يا صديقي نحن .!!!نحن السودانيين ..وعقدة الاخر غير السوداني حتى وان كان اقل بكثير مننا ...يجب ان نتدارك مكانتنا التي يجب ان ناخذها ...وانا شخصيا ارى ان ما كتبته امنة مختار والموج واخرين كثر اجمل بكثير من مستغانمي ولكن عظمة ك
حروف مستغانمي في كون انها جزائرية عاشت همنا نحن وحزنت على ولدنا بهنسنا السوداني ومعها كثر من المرهفين المبدعين ..عبدالرازق المصري وغيرهم من غير السودانيين ...شاركتنا الحزن والوجع حتى جادت قريحتها بشي من الحروف الجميلة حتى وان لم ترتقي لهز جوانحكم فالهدف هي اعلنت عنه انها حزنت وكتبت وشاركتنا فلها الشكر والتقدير ....
اما ان نحتفي بهالة من الفرح فهذا هو مربط الفرس ...(اكثر من 3000)مداخلة وبلا حدود اللايكات )فهذا يعني الكثير )
بهنس قابلته مرتين عابرات ولا انكر اولهما توجست خيفة ان يكون مجنون او ظننت متشردا ...اخبرني صديقا له به وحزنت وقتها له ....الان اعي تماما موته ...ليس البرد كما قيل ....لكنه الغبن والحزن ...الغبن على ضياح احلامه ...يوم ان لفظه بلده ...وللاسف استجار بالنار القاهرة التي لاتقبل بلا (فلوس احدنا )منذ فرعون وقارون )الدراهم والجنيهات فقط )لذلك ارى انه ذهب للمكان الخطا...
بهنسنا مات حزنا حين طرق كما حكى لي احد كتاب اليوم السابع ان الكثير من اصحابه لم يفتحوا له بيوتهم ولا بيوت الشباب (الشيرنق )والكثيرون الذين تاففوا منه وهو يقتات فتات الطعام بمطاعم ربما سودانية بالقاهرة ....القضية ليست البرد الذي الفه سنينا .....مات لانه مارس كل مواهب الابداع شعر ورواية وفن تشكيلي ....لم يقيم ولم يقدر ولم يجد كيانا من هؤلاء يحمية في كل العالم هناك روابط تساعد وتحمي وتدعم اين الفنانين التشكيلين واين الكتاب واين الشعراء واين واين نحن ...الالاف البهانس ماتت قبله والالاف في طريقهم لنفس السيناريو وبالنسبة للبرد الالف النساء والرجال والاطفال على قارعة شوارعنا بالسودان نفسه وبالعاصمة ...وكل هو فنان ربما في صفة ما ....ولكنها الحياة الغريبة التي تاتينا كل يوم بجديد ....مات بهنسنا بكل ما يحمل ويجسد وبكينا نحن انفسنا فيه ...ولكننا ماذا سنفعل ...ترجل بهنس بعد طبطب علينا هيا اصحو يا ناس ....ماذا فاعلون ...وما هو مغذى كليمات مستغانمي ماذا وراء كتابتنا ...هل هو صورة جديدة للنواح والرثاء فقط ام هي نقطة انطلاق لخطوة يجب ان تحدث الان .....
شكرا لاحلام ....الجزائرية وهي تشاركنا حزننا على اخونا بهنس ....وكل الذين كتبوا وعبروا ....
وللذين لايجيدون الا الحتفاء بالغرباء ...الله يعافيكم ....ويا عمر (دايما اجد ما اريد قولة بقلمك )....ومني حزني

Quote: يده تلك التي لم تكن تصلح سوى للعزف وكتابة الشعر

أخي عمر،
عجبتني طريقة تفكيرك، على قول النكتة، لكن الكاتبة تقصد أن يده لم تعتدي على غيره، بل هي يد لم تكن تجيد سوى تقديم الخير والجمال والإبداع.


والمعني الأعمق في قول الكاتبة، أن هذه اليد إذا ما أردت استعمالها في الضرب أو الأذية أو القتل، فإنها لن تصلح لذلك، بل من الإستحالة أن تصلح لذلك، فنفت عنه عمل الشر جملةً، وشهدت له بما هو مخلوق له من الإبداع والجمال.

Quote: اسع تاني بعد كلامها دا ورميها للاس بتاعها حق الاعمال الخيرية في خضم الزحمة دي سوقت لي رقبتها تمام

أساسي ياخ والله شكراً شديييد خااالوص خاااووولص أوي أوي ..
يلا بعد ده ممكن تتعلوق في البوست بعد ما وافقتني في فكرتي دونا تقصد ..

منصور يا مفتاح ..
الله يفتح عليك دنيا واخرة ..
وشكراً ياخ للمتابعة ..
وطمنتني جداً إنو في ناس مفكرين كمان ما بيعرفوها يعني ما نحن العوام برانا الما بنعرفا ..

يا عمر يا راجل يا طيب

هي وينها فكرتك عشان اوافقك فيها زاتو .. انت للان ما مسكت ليك حتة وقلت فيها كلام منطقي قاعد تفرفر من هنا لي هناك ..
ثم انه تسويقها لي رقبتها واعمالها الخيرية جانب ... وكتابتها عن موت بهنس بالطريقة دي جانب انساني اخر
يعني حتتك دي لو ما جا حيدر الزين داخل البوست وجاب كلامها التاني دا ما كان وردت علي خاطرك الي ان يجي زول يجيبها ليك ؟
عمر انت راجل مبدع حقيقي


بعدين يا عمر المشكلة شنو في انها تنعي زميل مهنة بالطريقة الانسانية دي ؟ عملت شنو غلط في الحكاية دي حتي لو ما قرت ليهو ؟
وانت زعلان منها ليه ؟
لو ما زعلان منها هي وزعلان من احتفاء السودانين علي حسب ما فهمنا من بوستك يبقي ما جيتك في اي حتة

الأمير بدر الدين ..

Quote: يعنى لازم تنشز على بهنس في رقده

ما عارف وين نشزت على بهنس الله يرحمه ويحسن إليه ..


عاصم يا فقيري..:
عايز تقول شنو ما فهمتك ..؟؟
لكن للضمان كده كدي جيب لينا المرثية الكتبتها وبعد داك بوريك فهمي ..

قوم واحد جزائري اسمو عمر الفاروق يقول ده شنو الاستلاب ده (بهنس) شنو كمان البتكتب عنو احلام مستغانمي بتاعتنا - ده استلاب ده ... وشنو وشنو وشنو كده ما عارف !
وما بنمشي لي ناس ما بيجونا !
طبعا كلامو حا يكون بالفرنسي

Quote: هي وينها فكرتك عشان اوافقك فيها زاتو .

..
ثم

Quote: هي وينها فكرتك عشان اوافقك فيها زاتو . لو ما زعلان منها هي وزعلان من احتفاء السودانين علي حسب ما فهمنا من بوستك

الكضاب نساي..

اححيي يا الري

انت قلت وافقتك وكلامي الجبتو عن موافقتك انه هي بتسوق لي روحها تمام

طيب تسويقها لي روحها دا هو الفتحت بيهو البوست انت .؟ ولا فتحت البوست عشان السودانين بحتفوا بالاخر ؟
ونكتتك حقت بتاع السكروتة والمركوب النمر وحتفاء ناس البكاء بيهو علاقتو شنو بتسويق احلام لي نفسها باعمالها الخيرية ؟

هاهاهاهاهاهاهااي
عمر اعتقد انه انت بقيت ما عارف بوستك بتكلم عن شنو زاتو

اسة يا اساسي عشان نمشي لي قدام خطوة ..
إنت فهمتني عايز أقول شنو ولا ما فهمتني ..؟؟
عشان انت ترجف والجلي يرجف جهجهتو المعلقة ..

Mohamed Jamal · متابعة · الأكثر تعليقا · ENSA Oujda
((فشنو يا عمر الكلام البتقول فيهو دا امشي اتونس بيهو مع اولاد حلتكم في العمود وما تقولوا في منابر عامة للحوار))
الكاتب المميز الأستاذ أساسي . لك أن تعلم أن عمر الفاروق يعتبر كاتبي المفضل الأول في هذا الحوش ومعي العديد من القراء. وكل ما أشوف بوست للفاروق أنتظر بلهفة دخولك ومناكفاتك وتحليلات الرائعة . فشنو خفف العيار شوية على كاتبنا المفضل . والله من وراء القصد
رد · أعجبني · متابعة المنشور · تم التعديل · منذ ‏14‏ دقيقة

بعدين يا استاذ عمر الفاروق.. قبل ما أساسي او القراء الاعزاء يفهموك.. هل انت فاهم نفسك وفكرتك من البوست دا؟

لأنك بدون أي وازع من ضميــر قمت اختطفت تعليــق اساسي وتحليله الرصين في مداخلته العظيمة التانية وجيرته كأنما هو فكرة بوستك..
رغم انك إطلاقاً " لم تتطرق له وعلى مدي اكثر من جغلومية مداخلة ( بعددك )

هسع الفات خليهو.. فكرتك شنو؟
انه السودانيين أحتفوا بيها والا خلاص إعتمدة ( فكرة ) اساسي إنها سوقت لنفسها..؟

Quote: ما عارف وين نشزت على بهنس الله يرحمه ويحسن إليه ..

عمر
انا ولجهلى ماكان لى ان اعرف من هو الفنان بهنس قبل تسويد هذا المنبر
وعرفت بعد داك ان بهنس بالاضافة لكونه تشكيلى متعدد المواهب هو بالمقابل
روائى وقد صدرت له رواية ... ماداير ارجع ذاكرة التاريخ واقول لانبوة
لنبيى في قومه بس ياعمر شوف الجبل
اعظم التشكيلين في العالم كلو ماتو زى موت بهنس
معدمين وفقراء ومرمين على قارعة الطرق والان تباع لوحاتهم واباسعار ممكن
لوزعت على الفقراء لمابقى فقير على ارض
احلام مستغانمى كفت ووفت ...

انت ياعر بتعرف كيف قدم لنا الطيب صالح

دحين ياخوانا الزول الاسمو أساسى دا ما عصر على عمر دا شوية ...

بعدين الكورة مالا يا أساسى ؟ دى لغة عالمية راقية جدا بالإضافة للموسيقى و عمر الفاروق دا زول سليم الذوق و الوجدان بحب الكورة و المزيكا و بفهم فيهم .. فهمك للحاجات عايز مراجعة يا أساسى ..

سير سير يا عمر ...

يا وليد كاشة الكورة حبابها والفن حبابو والذوق السليم علي الرحب ..بس وجدان عمر مشوه يا وليد .. انحنا الان كاصحابو بنساهم في (ترقيع ) وجدانه وقيادته الي طريق قويم يمشي فيهو بهدى
عمر يتكلم في الكورة كمشجع ومتابع ما قلنا حاجة .. عمر يتكلم في الفن كمتلقي وذويق ما قلنا حاجة لكن كمان ما يقعد يتشبح في حاجات ما عنده علاقة بادراكها
عمر لو وجدانه سليم ما كان كل يوم اخوانه الهنا مطلعنه من حفرة جا داقي فيها راس بي ارادته
فترنا من كل يوم سايقنو مودينه الضل
وزي ما قال الفنان الشعبي الكبير كمال ترباس في شأن امثال عمر الفاروغ : جني وجن الزول البيقلب السمكة وهو ما دافع الشيرنق
ما يستفاد يا وليد انه عمر شليق ولابس كبك مع لاعبين محترفين جاهزين بي كداراتهم ^_^

عمر يا فاروق ايها الهباش

مداخلة في شكل اسئلة اتخينلي عاوز اكوم تراب حول البوست عشان ما ينشر

1-هل الاحتفاء المبهر مننا كسودانيين بعزاء ومواساة كاتبة عالمية لها قراء بالملايين منتشرين على العالم العربي ؟
2-تناول الكاتبة نفسها للموضوع كان بغرض تجاري مثل اساليب السياسيين قرب الانتخابات
3- صيغة واسلوب المقال كانت دون حجم الحدث الضخم الذي صدمنا جميعا وهز مشاعرنا .


انا غايتو متفق معاك في الاولى فهي تشبه دهشتنا واحتفالنا باداء الفنانة السورية لاغنية الكاشف ( اسمر جميل) بل احتفلت بها الدولة اكثر من احتفائها بالكاشف نفسه ..

عمر تحياتي

عجبني كلامك دة بالحيل :

وكنت عايز أقول الفرق شنو بين أن تكتب امنة مختار عن بهنس وأن تكتب أحلام مستغانمي فنحتفي ونهلل لعزاء هذه الأحلام ونترك امنة مختار مع تعزيتها وال 12 مداخلة الفيهم 15 حقت امنة !!
مع إنو امنة ممكن تكون ست وجعة أكتر منو وتستحق المواساة ومن ثم الإشادة ..
نحن السودانيين في أييي شي عندنا جانب الإنكسار غير المبرر وكسير التلج حتى لو كان هو ذات التلج المات تحتو بهنس..
أسة بدل نكسرو لي احلام دي مش كان من باب أولى نكسرو عن بهنس رحمة الله عليه..أقلاه كان ممكن يعيش كم يوم تاني لي قدام بقدرة الله ومن ثم بي كسير التلج ده ..

***

ولكن العنوان لا يتفق مع إنتقادك للسودانيين في الإحتفاء بتعازي الغير من غير السودانيين والمشاهير وأصحاب المناصب.
فأحلام كاتبة لها وزنها لدى الكثيرين ، وقد تكون غير مقروءة لدى البعض
ولكنها رقم مميز لدى قراء كُثر.
أعتقد أن سؤالك : أحلام مستغانمي دي منو : ليس سؤالا إستفساريا ، ولكن أعتقد أنه سؤال يدخل في لب معمعة إنتقادك للسودانيين في تكبير كوم البعض حتى في الملمات والأحزان وتهميش المهمشين أصلا.

***

تخريمة :

عندنا واحد مسنسن أربعة وعشرين ساعة ، جا بيت البكا ورفع الفاتحة ، وفي نفس الوكت جا زول ليهو بوخ وليهو سمعة رنانة ، ناس البكا وبقية المعزين كلهم هرولوا ناحيتو وسابوا زولنا براهو رافع الفاتحة ورا الخلوق دي ، أها بعد قعدوا الناس ، قال الفاتحة وقرا ليك سورة : تبت يدا أبي لهب وتب.

Quote: Quote: لم أقرأ لكَ شيئاً ، ولا سمعتُ بكَ قبل اليوم ثم Quote: يده تلك التي لم تكن تصلح سوى للعزف وكتابة الشعر

ومالو عرفت الكلام دا بعد وفاته وانا ايضا؟؟؟؟؟
ولو كنت بعرف اكتب لسودت كل المنابر والمعابر لأن الأبداع
لا وطن له ولاحزب ولا قبيلة
اها
هاك المصري دا كمان:
اجمل ماقرأت في رثاء بهنس للكاتب المصري عبد الرازق احمد

Quote: مثلا يجي واحد خواجة للعمل في مشروع مثلا ويكون الخواجة دا في بلده عامل مغمور او فني بالكتير ويتعامل معاهو بسطاء السودان امثال اخونا الكباشي البكري والكونت الفوق دا علي اساس انه خبير اجنبي ويرفعوا اسهمه للسماء

الحنة دي ريحتني في حناني .. شكراً صديقي الجميل ..
و نلتقي إن شاء الله عما قريب جداً في أبل بيز ..

الطيب يا عوض ..
الزول الراقي وما بيكتب ساي..
اصلاً من لقيتك معلق شلت هم وقلت أسة ده يردوا ليهو كيفن :) :)يعني لمن اشوف مثلاً اساسي رادي ما بشيل هم وبكون متأكد ردي جااهز قبل ما اشوفو زاتو :)..
المعنى العميق برضو واضح يا ابو الطب خصوصاً لمن تكون روائي أو قاص أو مثقفاتي..
لكن الدلالات برضو كتييرة ومرات تعميقنا لي كل ما يكتبه الروائي بيخلي الروائي زاااتو لمممن يتكييف في كنكوجو ويقول هو بالله انا كنت قاصد كده ؟؟ :) :)

Quote: انه السودانيين أحتفوا بيها

نعمات يا حمود ..
ياخ حرام كلامك ده يكون في الصفحة الأولى بس..عشان كده ح أنقله في الصفحة دي برضو ..

بجيك لي رد براك كان ربنا هوون ..
بس حقيقي الكتابة طالعة من جوووة وفيها صدق ..
تسلمي ياخ

Quote: اخوي عمر ..... مشكلتك الكبيرة الصدق بلا مجاملة في النقد للتظاهرات المصاحبة (لقصصنا السودانية ....موت بهنس رحمة الله تتغشاه مثالا ) احلام مستغانمي ككاتبة روائية بالنسبة لي كانثى ترضيني كثيرا ...بل احبها وقد التقيتها كثيرا في محافل معارض الكتب والثقافة ...انسانيا جزائرية طيبة ومتواضعة جدا ...حكت لي عن السودان بصورة عامة واعجبت بكثير ما قلته لها عن تفاصيلنا السودانية الغريبة ....عن طريقتنا في العلاقات والتواصل والسلام وكانت تسالني دا بتعرفيه كلما مر احدهم من السودانيين فاقول لها اول مرة فتضحك ...حكيت لها عن طريقة نومنا في الحيشان في حالة تجمع الاسرة ...وعن القراية التي نمارسها بالشيرنق بين (اولاد الاورنيش باعتبارهم طبقة بسيطة في تعاون جميل وفي حب القراية ....حكت لي الكثير عن السودان الاخ عمر :لم استغرب ان تهتم لموت اي سوداني مبدع او لا ...لانها تشارك دوما هموم الاخرين من العرب في اخر لقائي بها تحدثت عن سوريا حتى ابكت الحاضرين ... المهم يا صديقي نحن .!!!نحن السودانيين ..وعقدة الاخر غير السوداني حتى وان كان اقل بكثير مننا ...يجب ان نتدارك مكانتنا التي يجب ان ناخذها ...وانا شخصيا ارى ان ما كتبته امنة مختار والموج واخرين كثر اجمل بكثير من مستغانمي ولكن عظمة ك حروف مستغانمي في كون انها جزائرية عاشت همنا نحن وحزنت على ولدنا بهنسنا السوداني ومعها كثر من المرهفين المبدعين ..عبدالرازق المصري وغيرهم من غير السودانيين ...شاركتنا الحزن والوجع حتى جادت قريحتها بشي من الحروف الجميلة حتى وان لم ترتقي لهز جوانحكم فالهدف هي اعلنت عنه انها حزنت وكتبت وشاركتنا فلها الشكر والتقدير .... اما ان نحتفي بهالة من الفرح فهذا هو مربط الفرس ...(اكثر من 3000)مداخلة وبلا حدود اللايكات )فهذا يعني الكثير ) بهنس قابلته مرتين عابرات ولا انكر اولهما توجست خيفة ان يكون مجنون او ظننت متشردا ...اخبرني صديقا له به وحزنت وقتها له ....الان اعي تماما موته ...ليس البرد كما قيل ....لكنه الغبن والحزن ...الغبن على ضياح احلامه ...يوم ان لفظه بلده ...وللاسف استجار بالنار القاهرة التي لاتقبل بلا (فلوس احدنا )منذ فرعون وقارون )الدراهم والجنيهات فقط )لذلك ارى انه ذهب للمكان الخطا... بهنسنا مات حزنا حين طرق كما حكى لي احد كتاب اليوم السابع ان الكثير من اصحابه لم يفتحوا له بيوتهم ولا بيوت الشباب (الشيرنق )والكثيرون الذين تاففوا منه وهو يقتات فتات الطعام بمطاعم ربما سودانية بالقاهرة ....القضية ليست البرد الذي الفه سنينا .....مات لانه مارس كل مواهب الابداع شعر ورواية وفن تشكيلي ....لم يقيم ولم يقدر ولم يجد كيانا من هؤلاء يحمية في كل العالم هناك روابط تساعد وتحمي وتدعم اين الفنانين التشكيلين واين الكتاب واين الشعراء واين واين نحن ...الالاف البهانس ماتت قبله والالاف في طريقهم لنفس السيناريو وبالنسبة للبرد الالف النساء والرجال والاطفال على قارعة شوارعنا بالسودان نفسه وبالعاصمة ...وكل هو فنان ربما في صفة ما ....ولكنها الحياة الغريبة التي تاتينا كل يوم بجديد ....مات بهنسنا بكل ما يحمل ويجسد وبكينا نحن انفسنا فيه ...ولكننا ماذا سنفعل ...ترجل بهنس بعد طبطب علينا هيا اصحو يا ناس ....ماذا فاعلون ...وما هو مغذى كليمات مستغانمي ماذا وراء كتابتنا ...هل هو صورة جديدة للنواح والرثاء فقط ام هي نقطة انطلاق لخطوة يجب ان تحدث الان ..... شكرا لاحلام ....الجزائرية وهي تشاركنا حزننا على اخونا بهنس ....وكل الذين كتبوا وعبروا .... وللذين لايجيدون الا الحتفاء بالغرباء ...الله يعافيكم ....ويا عمر (دايما اجد ما اريد قولة بقلمك )....ومني حزني

أيمن يا محمود..
يا فرحة ما تمتش..
حتتتى لمن جو يحتفو بينا بدوها بي لم أعرفه ولم أسمع به ولم أقرأ له ..
والأدهى والأمر بعد ده كللو قمنا نحن احتفينا بي احتفاء من إحتفوا بينا ..

ياخ شكرا يا عمر ان جعلت هذا ممكنا .. بوستك الماعارف انت موضوعه عن شنو لاسع كفاية انه طلعت منه بعزومة كاربة في مطعمي المفضل
يا عصام انت عارفني ما بهاظر في الحاجة دي ..يعني اتوقعني في بحر الاسبوع دا منتظرك تحت المكتب عشان نمشي ابل بيز



حيث اجمل شوربة ممكن تشربها في حياتك



واجمل استيك ممكن تصادفو في الدنيا



واجمل مأكولات بحرية مرت علي مائدة



واطعم حاجات ما عارف اسمها زاتو ممكن تبهجك



عصام حدد زمن بالله ما تخليها مفتوحة كدا ^_^

يا محمد جمال العفو ياخ انا رفعت يدي عن عمر مؤقتا لمن يعرف هو نفسه بتكلم عن شنو

الفاروق يا صاحبي
انا قادر أشوف فكرتك، خاصة مع ذكر الفانة السورية المغمورة حد النسيان، ولكن أحلام مستغانمي دي يا عمر غير أنها روائية وكاتبة مجيدة، فهي مشهورة شهرة لم يجدها أعظم الكتاب، وخاصة في الوسائط الإلكترونية، هذه الشهرة والمقروئية يا عمر يبحث عنها الكُتاب، حتى المتواضعين منهم، وشهرتها يا عمر في عالم التسويق تتسابق عليها كبريات الشركات والمؤسسات بما فيها المؤسسات الدولية والأممية، فكلام أساسي ده طلع من الفظاظة بتلقى فيهو رأينا كلنا، وبالمناسبة أساسي ده شوف ليك معهو طريقة، قلع منك البوست، عليك دينك المثال الضربو ليك بعقد الكونت ما ريحك في كنكوجك زي ما بتقول؟
-----
مرة يا عمر من المرات التي أطالع فيها ما تكتبه أحلام مستغانمي عن طريق الأصدقاء في الفيسبوك، ما متذكر بالضبط كتبت شنو، لكن السطرين في زي آلالف مؤلفة عاملة لايّك ومعلقة عليها، فلما دققت على مداخلتها التي أعجبت هذا الكم من البشر وجدتها كتبتها قبل أقل من نصف ساعة،. فلا تتأمل!

هسه واحدة مشهورة شهرة ذي دي..تغلطوا عليها ؟!

سجمكم خموا وصروا ..
ما خاتين عليكم المصريين لما قالوا ( سودانية من سواد النيه ) لوووووووول

مع إعتراضي على وصف النية بالسواد وصف مذمة ..
فالأسود أجمل الألوان و(يليق بي ) ...:)

Quote: احلام مستغانمى كفت ووفت ...

6/ صفر لاساسي .....

خليل خليل خليل من الفيس بوك

Quote: الأستاذ / عمر الفاروق، ربما أنت ناقد أدبي من الورن الثقيل

هههههههههههههههههههه
بتبالغ يا خليل

يا أساسى .. مافى زول قال عمر دا عالم لكن كمان ال common sense بتاعو مافيهو اى شخشخة النصيحة :). ..

و بالمناسبة ... الخواجة قال common sense is not so common رأيك شنو (وش ميت من الضحك)

عمر يا حبة

خليني انقل كلام كتبته في الفيس .. هنا
الكلام ده ما بخص احلام مستغنامي.. فللحق اعجبتني كتابتها عن بهنس .. رغما عن سؤالك الذي جال بخاطري .. هي منو ذاتها بهنس احسن منها ... لكن في الاخير تشكر على اهتمامها بالشأن السوداني .. عكس السعودي الذي علق في احدى صورة بهنس بانه " هذه صورة نشال وليس شاعر " .. وبهنس يستاهل اكتر من كده ..
احلام بتحب السودانيين وبتخصص ليهم من وقتها لمتابعة احوالهم والكتابه عنهم

هي ما كتبت عن بهنس لانها لا تعرفه كما قالت .. لكنها كتبت في الشأن السودان .. وهي متابعة جيده لمجريات شارعنا

لكن بخص كورجة القطيع .. الذي ما ان كتبت احلام .. فانه يريد اسكات اخوان بهنس الحقيقين .. ناس عمر .. وخالد شيكو .. وابو حديد .. ومجاهد الشبح .. واخرين
ان اسكتوا فقد كتبت احلام

Quote: طلعتوا ميتينا دي سغالة ما عادية ، ياخ مثفي وانصاف مثقفي السودان ديل ناس معطة ... دايرين يحتكروا اي حاجه .. الثورة حقتهم النضال حقهم السياسة حقتهم الثقافة حقتهم الميتين حقتهم ياخ حتى الموت عاوزين يحتكروه بهنس رحمة الله علي ما ولدوه في النادي الالماني، ولا طهروه في المركز الفرنسي اتولد وعملوا ليه سماية حضروها اهلو ونا حيو طهرو عند بشرى الطهار او اسماعيل مجدوب واولاد حلتو اندادو دفنوا جلدتو تحت حيطة بيتهم دخل روضة وكان معاو زملان دخل مدرسة ابتدائي وعندو اصحاب هناك ومشى خلوه في الاجازة ذيه ذي اي ود ثورة قرا متوسط وقرا ثانوي قبض طير ولعب حبة دافوري وفت بوش وضرب جير في نفير ايام اعياد ده كله قبل ما يكتب شعر ويرسم وسوا الحاجات دي كلها مع اصحاب وزملان واولاد حلة واولاد اهل فبالله ما تحتكروه كانو خرج فجاة في منتصف التسعينات من عمود من اعمدة النادي الفرنسي احزنوا حزنكم وسيبوا الناس تحزن حزنها

ياسر يا جميل..
كلامك فيما يتعلق بتعريف مستغانمي وكونها مشهورة ما بيبرر إننا نمجد ما كتبته ..
خصوووصاً وانا مصر إلحاحاً قصة إنها ما بتعرفه وما قرت ليهو ولا سمعته ما بتكون ختتا إعتباطاً ..
ياخ الزولة كان واضح جداً إنها ما ملمة بي أبعاد القضية بتاعت موت بهنس الله يرحمه..
ورغماً عن كده جينا فلفلنا كم سطر وعملنا منهم لوحة ومدرسة في فن الرثاء والتعبير ..
العملتو احلام ده بيشبه للحد البعيد ما يكتبه شعراء الايامات دي للفنانين ..ياخ عليك الله اكتب لي اغنية عن امدرمان..ياخ عايز لي اغنية يكون فيها كلمة بقجلي..
عايز لي قصيدة عن اتنين بحبو بعض وخلتو ..
ويقوم الشاعر يطلع ورقة وقلم ويكتب..
واضح جداً ما كتبته احلام إنه مكتوب بتوصية أو بحكاية إتحكت ليها من واحد من معارف الطرفين ..
ورغماً عن كده جينا هللنا وكبرنا لمجرد إنو روائية مشهورة رثت فنان سوداني لا بتعرفو لا سمعت بيهو لا قرت ليهو !!!!!!!
طيب لييه إختارت بهنس ده تحديدا للتعبير عنو ؟؟؟
ما حكوا ليها عن ماسي مشردين كتااار ماتو تحت الخيران؟؟
ولا موت التلج تعابيره الفلسفية جميلة وبتخليك تكتب سرد قصصي رائع من شاكلة أرقد بسلام فثلجك أبيض كما كفنك ..نم يا صديقي بارداً فالاحتباس الحراري قادم وحينها لن يجد سكان الفاصل المداري سوى أن يحملوا اكفانهم براكين ..
لم تمت يا بهنس ..أنت في قفوة بعدها سيدق المنبه عند الساعة الواحدة إلا كابوساً ..تصحو ثم تطبع قبلة بطعم الخبز على جبين سمراء ..
يا ياسر ياخ نحن عندنا خلل كبير جداً في حتة ما فيما يتعلق بالاخرين من اصحاب اللحوم البيضاء ..

هندسة يا هندسة ..
قايلني هيين ولا هيين ؟؟
حافظ القرأن بي خمسة قراءات ..أستوذية أكتر من كده كيف؟؟
:):)

اولاً بالله يا فارقو بالجد ما بتعرف احلام مستغانمي ؟؟

ثانياً اعتقد انها كتبت عن بهنس رغم انها لا تعرفه ولم تتطلع على اعماله باعتباره احد ابناء قبيلة المبدعين التي تنتمي لها ..

ثالثاً ماذا لو كان من كتب السطور كاتب/ة من افريقيا او من امريكا اللاتنينية من اصحاب البشرة السوداء ا و السمراء سمها ما شئت؟؟

Quote: انا ولجهلى ماكان لى ان اعرف من هو الفنان بهنس قبل تسويد هذا المنبر وعرفت بعد داك ان بهنس بالاضافة لكونه تشكيلى متعدد المواهب هو بالمقابل روائى وقد صدرت له رواية ... ماداير ارجع ذاكرة التاريخ واقول لانبوة لنبيى في قومه بس ياعمر شوف الجبل اعظم التشكيلين في العالم كلو ماتو زى موت بهنس معدمين وفقراء ومرمين على قارعة الطرق والان تباع لوحاتهم واباسعار ممكن لوزعت على الفقراء لمابقى فقير على ارض احلام مستغانمى كفت ووفت ... انت ياعر بتعرف كيف قدم لنا الطيب صالح

الأمير..

لسة ما جاوبت السؤال ..
رغم من إني أعدت قراية مداخلتك الأخيرة خمس مرات ..

الاقتياس الجبتو ياعمر .. ما بدلل على (نفاق) .. او محاولة (تسويق) من الكاتبة

كونها قالت ما بتعرفوا...... واشارت الى مواهبه ... فده بعنى انها لما سمعت النعى فتشت وبحثت .. عن المرحوم واطلعت على بعض أعماله
زيها وزى الغالبية فى المنبر هنا ومواقع أخرى
فكتير من الكتبو عن المرحوم .. كتبو عن الصدمة فى طريقة الوفاة .. واعن اكتشافهم لحجم مواهب المرحوم بعد ما قروا وفتشوا ..

العاوز يسوق نفسوا .. ولا يداعب المشاعر الانسانية .. بتلصق فى المشهورين اعلاميا .. ما فى المغمورين اعلاميا ....

تحياتي

يا ود الفاروق
بعيدا عن الموضوع عايز لي رد يرفع معنوياتي زي ردّك لي العوض
أخوك من قصة تسجيل وارغو نفسياته تعبانه وكدا

وارقو و الهلال حارقو و ود البشرى تاعبو :)

كااااااااااك ...


وين مختفى يا دفعة مع البرد الشديد دا ؟

Quote: حافظ القرأن بي خمسة قراءات ..أستوذية أكتر من كده كيف؟؟

قلنا سبعة سبعة يا عمك :)








هسي كتابتك دي كتابة زول حافظ الحمدو خلي خمسة قراءات

Quote: على الأقل كتابات الأجانب ديل ..حا تنبه الناس إنو السودان دا ما صحرا قاحلة جرداء من أى شئ جميل ذي ما هم فاكرين .

Quote: واضح جداً ما كتبته احلام إنه مكتوب بتوصية أو بحكاية إتحكت ليها من واحد من معارف الطرفين

..
تخيل يا فاروق انو في زمن العوالم المفتوحة والافتراضية والاسفيرية والمعلوماتية وتكنلوجيا مابعرف ايه وووووو
تقوم احلام مستغني دي تعرف عن موضوع هز مشاعر قبيلة مثقفي السودان من الشمشرة؟؟ لا اتخيل ذلك

وليد يا عكاشة ..
أساسي عايز يستعيد أمجاده عبر بوابة الفاروق..
والزول صحبي وانا مبسوط بعودته للأضواء لأنو ده في مصلحة الدوري ..
ما طواااالي هلال مريخ دي ...لازم ندي فرصة لي ناس الأهلي شندي ومريخ الفاشر شوية ..

درديري يا كباشي..

Quote: -هل الاحتفاء المبهر مننا كسودانيين بعزاء ومواساة كاتبة عالمية لها قراء بالملايين منتشرين على العالم العربي ؟ 2-تناول الكاتبة نفسها للموضوع كان بغرض تجاري مثل اساليب السياسيين قرب الانتخابات 3- صيغة واسلوب المقال كانت دون حجم الحدث الضخم الذي صدمنا جميعا وهز مشاعرنا .

كل ما ذكر صحيح ..
بس بالنسبة لي انا موضوع البوست كان الاجابة الأولى ..
اتكتبت اكتر من مرثية وتعزية وحكايات عن بهنس ..اكتر واحدة فيهم بتكون وصلت ال50 مداخلة فيها 40 لصاحب البوست..
استيتس واحد من خمسة سطور فيها عشرة سطور تلاعب بالالفاظ وسبعة سطور عن يده لا تعرف سوى العزف وسطرين انا زولكم ده لا بعرفو لا قريت ليهو ..ثم تجد اكثر من 3 ألف قراية وردود وملايكات ..
الاسئلة الباقية افكارها بدت تنمو وتزداد جواي وبقيت اكتر قناعة إنها من ضمن البكدج بتاع التسويق ...

محمد الشيخ ..
أحلام دي لو قالت بعد أن سمعت قصتك قرأت لك ثم شاهدت منحوتاتك وسمعت مقطوعاتك كان نقول أوكي..
الزولة دي حتى لحظة كتابة حروفها لا قرت ليهو لا سمعت بيهو ..
إذن هذه الكتابة مصطنعة ..
طيب نفترض إنها كتابة من القلب للقلب الهيجة شنو ؟؟ والقومة دون القعدة فوق كم؟؟
احلام كتبت..احلام ترثي بهنس ..احلام تخط أروع ما قرأت عن الراحل بهنس..
ياخ اقول ليك حاجة ؟ كدي تعال نفلفل كلامها الهللت بيهو الناس ده وعملتو أجمل وأروع وأصدق ما كتب عن بهنس ..
كلام إنشائي لا أكتر ولا أقل..
أكتب ليك زيو ؟؟

وليد يا ود سنترا ..
كورجة المثقفاتية ديل كرهو الناس في الموت ..
أييي زول يموت حقهم ..
أييي زول مميز بتاعهم..
أييي زول مبرم شعرو ملكهم ..
ياخ انا عندي إحساس إنو لو يوم جينا نكتب عن الراحل المادح عاشق المصطفى عليه افضل الصلاة والسلام الراحل علي المبارك انا خايف يجو ينطو ليك ويقولوا ليك ده كان شيوعي ..
وماذا تعرفون عن الراحل علي المبارك ..
النخبة يا عمك ..ديل النخبة ..
قاعدين في حتة هنووووووك وما جايبين خبببر ..

يا خال..
بالججججد ما بعرفا .!!
فكرة اللحوم البيضاء دي ما تكنكش فيها شديد ..الفكرة الأساسية غير السودانيين ..
ياخ نحن يموتوا الاجانب نحتفي بي موتهم ..
طالبنا وتمنينا لو يا رييت العالم يهتم بي مبدعينا ..
بس للأسف حتتتى لمن دي قررربت تحصل لقينا روحنا بنحتفي بي العايزين يحتفو بي مبدعينا ..
وليت الاحتفاء كان قدر المقام ..
احتفاء مستفز لم أقرأ لك ولم أعرفك ولكن سأكتب ..!!

وصلت الفكرة يا شيخ عمر

لكن بصورة عامة النساء عاطفيات جدا ولكن تتفاوت قدرة التعبير عن هذه العاطفة وفقا للموهبة ..


حتى في مجتمعاتنا النسائية تجد تعبير النساء يصفون في واحدة بقولهن فلانة دي من جات داخلة بكت الناس بكا .. مع أنه هي ما شافت المرحوم ولا قابلته في حياتها ..

كتابة احلام عن بهنس كانت مشحونة بالشجن والعواطف التي هزت المشاعر لان الكاتبة انثى اولا ثم لانها كاتبة موهوبة قدرت ان تدغدغ الاوتار التي لا يستطيع ان يلمسها الرجل .او يعبر عنها .

كتابتها عن الموضوع اصبحت متميزة لانها واحدة من قليلات تطرقن لذات الموضوع ولانها مشهورة ..

القليل الذي عرفته عن المرحوم استطاعت ان تعبر عنه بكل هذا الشجن ..

وانا معاك في انها ما كان لازم تضيف تعبير بانها ما عرفته وقرات له شيئا ولم تسمع بها الا بعد وفاته .. هذه اصبحت اشبه بالمن كأنها تريد ان تقول ( دا كلام من طرف الشنطة ومال لو قريت له كان قلت شنو ) ..

كلنا نعترف ونقر بأننا لم نقرأ له من قبل شيئا .. لكن هذا لم يمنع أن نصدم بنبأ وفاته بهذه الصورة البشعة ( شاب مسلم عفيف يموت جوعا وبردا في قلب بلد مسلم في قلب العالم الاسلامي بها ثلاثة ملايين من بني جلدته ) هذه لوحدها تكفي بغض النظر عن كونه كاتب او حتى أمي .

صباح الخير

Quote: الاسئلة الباقية افكارها بدت تنمو وتزداد جواي وبقيت اكتر قناعة إنها من ضمن البكدج بتاع التسويق

يا عمرون

ياخ الفنون والإبداع والمهارات دي ما بتعرف الحدود يعني حكاية ما في سوداني بكتب كويس أو يمثل كويس دي ما بتمنعني انبهر بزول غير سوداني بكتب كويس وبعرف يوصل الأشياء كما يجب أن تكون حتى وإن كانت حزن (رغم إنو ممكن يزعلني غياب سوداني)

ولو مشينا في الاتجاه دا حنكون منغلقين على انفسنا شديد خد مثلا ناس جائزة نوبل كيف بيحتفوا بكتاب وعلماء وفنانين من كافة أنحاء العالم

ولو ضيقنا ماعونك دا شوية البخليك تنبهر بوردي الحلفاوي أو عبد القادر سالم البقاري أو سيدي دوشكا الهدندوي شنو وانت ود العاصمة عندك زيدان ابراهيم وخضر بشير مثلا؟

الناس أصحاب المهارات والمواهب ديل الحاجات عندهم ما بتنفصل عن بعضها لأنو مهاراتهم ومواهبهم دي هي حياتهم

يعني ما ممكن تقول لي زول اكتب كتابة سمحة وما تشتهر وما تلقى قروش

مثلا لو قلت لي ميسي ياخ أقعد في بيتكم وبرشلونة بديك القروش دي بقول ليك ما عايز ها

لأنو هو عايز يلعب عشان يمتع نفسو ويمتع الجمهور ويجيب قون ويمشي يرقص للجمهور والجمهور يصفق في مشهد بديع بريحو في كنكوجو

وفي نفس الوقت عايز قروش

Quote: ياخ الزولة كان واضح جداً إنها ما ملمة بي أبعاد القضية بتاعت موت بهنس الله يرحمه.. ورغماً عن كده جينا فلفلنا كم سطر وعملنا منهم لوحة ومدرسة في فن الرثاء والتعبير .. العملتو احلام ده بيشبه للحد البعيد ما يكتبه شعراء الايامات دي للفنانين ..ياخ عليك الله اكتب لي اغنية عن امدرمان..ياخ عايز لي اغنية يكون فيها كلمة بقجلي.. عايز لي قصيدة عن اتنين بحبو بعض وخلتو .. ويقوم الشاعر يطلع ورقة وقلم ويكتب.. واضح جداً ما كتبته احلام إنه مكتوب بتوصية أو بحكاية إتحكت ليها من واحد من معارف الطرفين .. ورغماً عن كده جينا هللنا وكبرنا لمجرد إنو روائية مشهورة رثت فنان سوداني لا بتعرفو لا سمعت بيهو لا قرت ليهو !!!!!!! طيب لييه إختارت بهنس ده تحديدا للتعبير عنو ؟؟؟ ما حكوا ليها عن ماسي مشردين كتااار ماتو تحت الخيران؟؟

اصبحنا واصبح الملك لله واصبح الجهل النشط في غيه وتيهه

ورد علي لسان بعض الفلاسفة اقوال علي شاكلة : تكلم حتي اراك , ان المرء مخبوء تحت لسانه اذا تحدث ظهر
وللأسف تحدث عمر فرأيناه ويا لبؤس ما رأينا , صدق يا عمر الصلعة زاتا خسارة فيك , اصلا الورجغة الفوق دي ما مفروض تطلع من زول عندو صلعة دكاترة واعلاميين افذاذ واساتذة جامعين ,اما كان الاحسن لك ان تظل صامتا احتراما لها علي الاقل ؟
عمر في اجلى تجلياته تمخض بعسر عسير وبيض لينا بيضة ود ابرك , عمر فوق بيفترض من بنات سفاح افكاره انه احلام مستغانمي في قعدة شمارات عصرية مع فردها السودانيات المثقفاتية بتكلموا في الشأن الثقافي النسواني قامت نطت تيسير عووضة فردة الراحل بهنس وقالت لي احلام : النبييي فيك يا احلام كان ما جدعتي لينا جدعة من كتاباتك ديك في موت صاحبنا بهنس , قامت احلام قالت ليها : هي عاد لكن ما بعرفو !! واصلت تيسير : يا سلام ياخ بهنس دا كان زول استثنائي حاجاتو براهااا , بكج بتاع مواهب متحركة , قامت احلام قالت ليها : طيب خلاص النكمل كباية شاهيني دي وبقطع ليك فيهو جدعة بتاعة رثاء بتعجبك يا تيسير , قامت تيسير قالت ليها : انا برسل ليك ايميل بعدين بديك مساكات تسندي عليها موضوعك , قالت ليها احلام بري يا تيسير لي زمن ما فتحت اميل الوتساب اخد وكتي كلو , اجدعي لي في الواتساب ,
وبعد كدا قامت احلام مستغانمي بناء علي نظرية عمر القردية دي كتبت موضوعها العمل حيرقان لي عمر الفاروغ , وما اكتفي بي كدا عمر بل قام يبني افتراضات ويناقش ويحاور موضوع احلام واحتفاء الناس بيهو بناء علي بيضة ود ابرك الاتمخضها في شكل فكرة جهنمية , بل وفتح بيها بوست والان بناقش فيها عااادي ويفتي ويجاوب ويتحدي
شجاع يا عمر انت.... شجااااااع اقرع عدييييييل

Quote: عمر فوق بيفترض من بنات سفاح افكاره انه احلام مستغانمي في قعدة شمارات عصرية مع فردها السودانيات المثقفاتية بتكلموا في الشأن الثقافي النسواني قامت نطت تيسير عووضة فردة الراحل بهنس وقالت لي احلام

للتصحيح يا أساسي..

اصحابها السودانيين وليس السودانيات ..
النسوان غيوراااات و جننهن وجن البت السمحة وشعرا طويل ولونا أصفر وكمان مثقفة ..
طوااالي بيدرجوها في باب الفاكّاها في روحا..
على عكس السوداني البحب موووت المرا الطويلة وصفرا وشعرا طويل..
الونسة دي لو كان بدل تيسير عووضة استبدلتها بي محمد حيدر المشرف لأتسق الحديث ولبصمت لك بالعشرين ..

حمد يا حمد يا حرف الN
صدقني انا ضد الإنغلاق وياريييتنا ننشر كدااا من المحيط للخليج وبالعودة ..
انا في الإندهاش الماسكنا ده !!!
بنندهش من أيي شي وفي أييي شي..
ياخ إيه رأيك انا كلام الزولة دي شايفو عادي؟؟؟
ووالله انا قريت لي نعي هنا لي دكين كاتبه في الراحلة نادية مفروض ينطبع ويتوزع في كتب ويتشارك بيهو في جوائز عالمية ..
ده ما مقارنة لأنه كتير من الناس أكيد مصنفة كتابات دكين تصنيف الكتابات ذات الفخامة ..
أسة أسة لو فيكم زول عندو تواصل بي دكين قولوا ليهو عليك الله أكتب لينا في موت بهنس ده !!!
أقروهو وبعد داك أقرو كلام أحلام دي وسفو وقارنو ..
(طبعاً بييي كلامي ده لا أستبعد أن يرشني دكين في رأيي في الموضوع الأساسي :) ..)
صدقني يا حمد إحتفينا بي الكاتبة قبل أن نحتفي بما كتبت..!!

صاحبنا مجاهد الشبح
وهو زول مطرطش وحلو

خت وثيقة في الفيس بوك .. قصيدة اهديك الفوضى بخط بهنس
شخصيا مع انو القصيده عاجـــباني لكن فيها ابيات اول مرة اقراها

الوثيقة فترتها في النصف الاول من تسعينات القرن المنصرم .. ( اعتقد ذلك )

الغريبة من الفيس البكى واتجلع في بهنس وموتو .. وصفق لاحلام مستغنامي حتى ادمي يديه ، اربعة فقط الذين (ليكو) هذه الوثيقة حتى الان

!!؟

ده مصدر الوثيقة عشان حقوق الناس : https://www.facebook.com/photo.php?fbid=10202827724359175andset=a.1020...28728andtype=1andtheater

https://www.facebook.com/photo.php?fbid=10202827724359175andse...28728andtype=1andtheater

عارف يا وليد ووالله القصيدة دي قريتا وانا في اواخر الثانوي ..اصحابي اسامة أحمد سعد وأخوهو خالد أحمد سعد كانوا من أوائل الناس اللي نبهوني للزول ده ..
بكتب من ذاكرة خربة لكن بتذكر فيها أبيات كفتنا وأراحتنا ووفرت لنا الحنك البيش مع كل هدية عيد ميلاد متواضعة في الجامعة للجكس نتمها بي أبيات بهنس دي ..غالبا الهدية كانت بتكون بسكويت بركة ولو خلاااص شطحنا بنجازف معاها كرت صغير ونكتب
أهديك ولا شي وأقطع بحور السهو مشي..
وأهديك الفوضى ..شجار طفلين في ساحة روضة ..
وأهديك حزنك ..ستات الفول اثناء الخمشة بعد إذنك ..


مش ياها كده ؟؟
اها والله الابيات دي ياااما رفعت من شأننا وجعلتنا في قمة الراقيين متفوقين على من يهدون الشوكلاتات والدباديب وما غلف بأوراق الهدايا ..

ياها يا عمر
لكن ما مرتبة .. وانا قلت ورقة الشبح وثيقة لانها بخط بهنس نفسو .. وبالتاكيد حا تكون مرتبة الابيات .. وفيها 3 مقاطع اول مرة تمر علي

خلينا نحاول نكتبها .. عشان تتوثق زيادة
اول شيد القصيد بتبدأ ب ... بأهديك .. موش زي ما هو شايع أهديك بدون البا


باهديك الفوضى
شجار طفلين في ساحة روضة

باهديك الغُربة
هُتاف الموتى .. وصمت التُربة

باهديك إحباطي
حديث عابر .. في مركبة عامة .. بصوت وأطي

باهديك حزنك
ستات الفول أثناء الخمشة بعد اذنِك

باهديك خطوط
لي باطن كفك ..
نقرابه الفاضل من عمرك
من عمر الضيق الممطـــوط

باهديك جناح
طيور الجنة .. اذا بتقنص .. فالنار مفتاح

باهديك طلة
لي بيوت الخيش ..
وخيم تفتيش ..
واسواق.. ارخص ما فيها .. حليفة الله

باهديك مّرة
الاعبك فيها بالمعدن
اقول حرية احبك
ولا اغمض شارع عنك
اقول ليك طُرة - كتابة
خسرت .... ربحتك حُرة


باهديك اللِّيل
عرباتو المُسرعة صوب الرئة في شارع النيل

باهديك المونة
معلم رغم سقالة الكلمة الطيبة .. بخونه

باهديك ولا شي
واقطع
وديان السهو...مشي

Quote: الونسة دي لو كان بدل تيسير عووضة استبدلتها بي محمد حيدر المشرف لأتسق الحديث ولبصمت لك بالعشرين ..

أخخخخخخخخخخخخخخخخخخخخ يا الفاروق
مع إحترامنا لعزيزنا د. المشرف

ياخ ود البشرى فوق هناك بـ ( يحنس ) فيك حناسة
يقول ليك معنوياتو تعبانة وداير ليهو ( نفخة ) تزيل عنو الدبرسة

هسع لو قلت ونسة أحلام مع ود البشرى ، كان طرت بيهو لسابع سماء
المعنى ود البشرى وأحلام مستغانمي أصحاب وفرد وكدا

ود البشرى يا حبوب ..
النصيييحة تسجيلة وارغو عا########ي وسارة بالي وده الخلاني أتردد في إنو أرد عليك :)
سرة البال صاح فيها محاذير خصوصا وقفة وارغو الطيولة من اللعب ..إضافة لي إنو متخوف من أنو الناس تفتكرة حقت مكاجرة .
الموسرة حقت وارغو موسرة تزول بزوال المؤثر وبراك عارف المؤثر كان منو :):)..
ود البشرى ياخ مثلك لا يحتاج لرفع المعنويات فالرمادي يليق بك :) :)

عاطف يا عمرنا
ود البشرى بيكون عبر واسة في مرحلة ايزابيل الليندي (لو عايشة طبعا انا ما فارز ) ..

Quote: ود البشرى يا حبوب .. النصيييحة تسجيلة وارغو عا########ي وسارة بالي وده الخلاني أتردد في إنو أرد عليك :) سرة البال صاح فيها محاذير خصوصا وقفة وارغو الطيولة من اللعب ..إضافة لي إنو متخوف من أنو الناس تفتكرة حقت مكاجرة . الموسرة حقت وارغو موسرة تزول بزوال المؤثر وبراك عارف المؤثر كان منو :):).. ود البشرى ياخ مثلك لا يحتاج لرفع المعنويات فالرمادي يليق بك :) :)

الرجاء عدم حرف البوست
نحن كنكوجنا دا ما فاضي للأنحرافات دي

ود الشيخ لو ركزت ح تكتشف إنو البوست ما ح ينحرف لأنو المداخلة الجاية كانت ح تقلب للصفحة الجديدة ..وفي سودانيز كل صفحة بي موضوعا .. :):)
عااادي تقرا صفحة الموضوع فيها بيتكلم عن إندلاع الثورة في السودان ..والصفحة البعدها تلقاو تبادل مسنجرات :):)

أها نرجع لي موضوعنا ال(أساسي)

المثقفين جوك


عمر الفاروق دا منو؟

والله يا عمر بالنك بل عدوك



دق في النخرة

وكلو من اساسي ده

كنت هسي بقرا في ( عمر الفاروق دا منو ؟؟) واشييييييل واعمل ريفريش منتظر رد ابو عمير لكن شايفو عامل ساتر :) وداقي اللافتة التجاهلية
التجاهل
التجاهل
التجاهل

ولكن يقيني ان لعمر مقدرات كتابية وحرفنية سوف تخرجه من كربته هذه بأقل الاضرار واني لفى اشد الشوق ان ارى ردة فعل ابو عمير التي لا اشك في انها ستكون حكيمة

يا الخير

غايتو لو مرق منها سأعلن على الملأ أنه ساحر أو مجنون .. ههههههه

يمرق بي وين يا طلحة ... حتي لو حاور وجبد تيم المثقفاتية جــت عليهو . حيلقاني قانص ليهو بالكدارة الجديدة في راس خط طمنطاشر
بس الليبقي مارق بهناك
عمر سبيلي للعودة للاضواء زي ما بتوهم وانا داير احقق امنيته دي

نزل لأسفل
هههههههه

Quote: غايتو لو مرق منها سأعلن على الملأ أنه ساحر أو مجنون .. ههههههه

اما انا يا طلحة فقد اعلنتها قبلا. فعمر ساحر ومجنون حقا ...... يا طلحة عمر دا قبل كدا مرق من قبضة محكمة للاديب الاريب محسن خالد باقل خسائر



تاني شنو

طلع من الاديب الاريب, ما يطلع من المحاسب النحرير !!!

يا الخير
عمر هيم سيلف قارب مقاربة لطيفة حينما قال عادي ممكن السودان يجهجه المانيا ويروح عليها سحرها الكروي في مباراة مفتوحة للسابلة

طبعا يا أساسي إتا كمتصيد لعثرات نجوم البورد والمنابر الاسفيرية
ستستميت ليظل الناقد المميز عمر الفاروق معلقا بالشبكة التى وقع فيها
بسبب هفوة عابرة هو بالتأكيد ورغم نباهته المشهودة غير منزه عنها.
من المؤسف والله هذا التربص الذي تمارسه للتنقيب عن أخطاء النجوم
من تحت المجهر تدفعك الحسادة والغيرة بعد أن فشلت كل جهودك
ومحاولاتك في الإرتقاء إلى مصافهم .. تماما ككديس الجيران الذي
عندما لم يجد سبيلا إلى ربع كيلو لحمة أم النور المعلقة في المشعليب قال ما قال
تبخيسا وتحقيرا .
تقبل تهنئتي لك كونك لقيت الهواء لتضري عيشك بعد الكتمة الشديدة التى
أبقاك فيها أبوعمير طوال الفترة السابقة.

كلام الخير ده ما ترموهو ساكت..
الخير ده زول عندو بعد نظر وقاري البوست ده قراية عجيبة ..
والله يا الخير لقيتك بعاتي عديييل في قصة محسن خالد دي ..انا قايل روحي براااي العارفا .. :) :) :)
عليك الله في شفتنة أكتر من كده ؟ :):):):):):):):):)

والله يا أبوعمير كلام الخير ما بناباهو لكن بصراحة وقعتك شديدة في البوست دا ..
حاول أعمل أي حركة تتخارج بيها عشان المعاك قربو يفكوا الحبل المساكنك بيهو .. هههههههه.

يا طلحة الحبل حبلي..
فتلته وحدي وربطته وحدي وسأعلقه في رقبة أساسي وحدي..
ليس أخوك بالسرحان ولا الضهبان ولا الشليق ..
اساسي صحبي وانا وعدته إنو البوست ده يرجعو للأضواء بعد أن ضاع إسمه

Quote: اساسي صحبي وانا وعدته إنو البوست ده يرجعو للأضواء بعد أن ضاع إسمه

أماااااااااااااااااااااااااااااااااااااااااااااااك
أبو الشفتنة زاتا

وحاول فاروقنا أن يصور الزنقة الـ ( أساسية ) وكأنها تفضل منه لـ ( صديقه )

الخطوة الثانية

( ربما )

يتقل البوست دا شوبة ويقبل على زول البوست التاني
في محاولة لصرف الأنظار عن الهجوم الـ ( أساسي ) المركز



________________

معليش يا حبة

أصلنا بنحب اللعبة الحلوة
والنصيحة لى الله أساسي دخل ليك معسكر عديل كدا

يا أبو عمير ما عهدتك بتاع حمد وخوجلي في الدخلان والمرقان
اولا أساسي قال صاحبك نص نص ( هو طبعا قال سطحية لكن أنا هذبتها ساي ).. يعني ما صحيك
بالمطلق زي ما بتزعم .
وبالتالي فهو لم يتوان في ضربك بى شباشبك الملصتها في البوست دا ( هو طبعا قال براطيش لكن أنا
شايفا كتيرا ) .. فااااااشنو ما تصر على حكاية عايز ترجعو للأضواء دا لأنو كدا شكلك بكون كمن
يرتكب ضربة جزاء ليمنع قون .. هو أخد بطاقة حمراء والقون دخل .

اساسي سا عديم الزمة

عمر ده من تيمنا ياخ .. فكو

غايتو يا عمر يا أخوى..بقولوا التور كان وقع بكترن سكاكينو...

ماعندنا ليك إلا الدعاء......

Quote: ياخ إيه رأيك انا كلام الزولة دي شايفو عادي؟؟؟

أمس كنت عايز أتصل بيك عندما تحدث حسين خوجلى عن كتابت أحلام مستغانمى فى المرحوم بهنس.

فى برنامجه مع حسين خوجلى.

أعتقد أن عمر تعادل ألأن رغم أن الملعب إمتلاْ بمشجعين أساسى.

إحترامى للجميع.

كامل التضامن مع أبو عمير

ارفعوا ايديكم عن عمر الفاروق و لا تتخذوه مطية للتلميع

اسماعيل يا عباس..
والله ياخ التعادل لا يرضيني لأنو الكورة ملعوبة في ميداني ولو حسبت لي اساسي قون فقونو بي قونين ..
الكورة 9-صفر لي اخوك لكن انت عارف طبعاً انا معجبيني في البورد ده كتااار والبيمووتو فيني أكتر من تلاتة ارباع العضوية :)

هسة يا عمر نهايتو شنو ؟

بتمشي الفراش البهناك دا

ولا نقوم ننقل ليك الصيوان وصواني الغداء ديل بجاي





غايت أسوأ (ممكن أحسن) حاجة في سودانيز دي إتقفل بيك ربع أرشفة

Quote: الأمير.. لسة ما جاوبت السؤال .. رغم من إني أعدت قراية مداخلتك الأخيرة خمس مرات ..

عمر
عليك الله ناغم لديناخالد رغم ان المقام مقام موشحات اساسى

Quote: عليك الله ناغم لديناخالد رغم ان المقام مقام موشحات اساسى

ناغمتها ..

أها نرجع للإجابة ؟ ولا خلاص اعتبر كلامك الفوق ده إجابتك يا الأمير..؟

حمد لبد ..
ياخ مازال الربع طفل يعزف ..

أنور تيكنو ..
سيييبهم سييبهم أصلو ناس دول الهلال الخصيب ديل كلهم بيعملوا كده ..
أو كما قال الكوتش أوبيّ..:)

ياعمر
احلام مستغانمى قالت بهنس ....
ومن قبل قال عمر ياسرايا الجبل

والله يا عمر يا فردة دى معركة فى غير معترك العاملا أساسى دى و واضح جداً أنو كلامك سليم بس كمان كزول صاحبك ما صاح يعصر عليك قدر دا ..

فى حتة أحتفاء السودانيين الشديد بكل إشادة تأتى من خارج الحدود فدا شى معلوم بالضرورة .. نحن شعب بسيط جداً و بندور الشكرة زى عيونا .. غير أنو عندنا عقدة العرب الشديدة فاااااااشنو كلامك دا أنا بتفق معاك فوقو من الزاوية دى فقط ..
أما أحلام دا قاصدة الشغلة دى ولا ما قاصدة أنا والله ما عارف .. صاحبك أساسى دا زول قاسى خلاص يقوم يردمنا فى صمة خشمنا (وش مرعوب)

بخصوص وارقو .. لا نقول إلا كما قال أجدادنا الحكماء .. الفى الماعون بجيبو المغراف يا فاروق .. ههههههههههههههههههههههههههه

يبقى يا الأمير أحلام هي من نهزت بهنس....

اها انا فتحت الباب لي ناس الملح

Quote: الأخ عمر الفاروق أنا أتفق معاك في أشياء و أختلف معاك في بعضها و لكن لا يمكن أن أتخطى مقدرتك على الدفاع عن وجهة نظرك بهذا الإسلوب و إيرادك لحقائق لا يمكن أن ننكرها كسودانيين و خصوصا ضربك للمثل لما يحدث عندنا في بيوت "البكاء" و ده بيدل على إنو مستغانمي مجرد مثل لفكرتك لا أقل و لا أكثر.و أتمنى إنو الناس تشوف قلب الفكرة و تناقشها بدل تدافع عن الكاتبة . رد · أعجبني · متابعة المنشور · أمس في الساعة ‏08:48 صباحاً‏ Abulizz Ali · الأكثر تعليقا يا أستاذ عمر ، يا أخي الواحد أحياناً لمن يشوف شخص- في أي بقعة على وجه الأرض - مات موتة بشعة أو اتعرض لمذلة لسبب من الأسباب يتألم و قلبو بيتقطّع .. مجرد شعور إنساني محض. الأديبة أحلام ترجمت الألم دا لكتابة زي ما نحن أو بعضنا ترجمو لدموع.. لكن حكاية النفاق في العزاء و الفاتحة .. الخ اتفق فيها معاك تماماً شكراً لسعة صدرك رد · أعجبني · متابعة المنشور · أمس في الساعة ‏07:03 صباحاً‏ قرحطب فور برنقا · متابعة · Baghdad, Iraq يا مان عليك الله أقطب بمزاج في كوره المريخ وبايرن ، عندي احساس أن المريخ لو قفل دفنس ، قاطع لعب الأملن في الباصات الصوييلة ممكن ما نتعلب رد · أعجبني · متابعة المنشور · أمس في الساعة ‏08:15 صباحاً‏ Aabed Mohamed Osman Ageed · Melbourne, Victoria, Australia عايز تقفل الابداع في علبة كبريت ؟؟ رد · أعجبني · متابعة المنشور · أمس في الساعة ‏02:46 مساءً‏ Mohamed Jamal · متابعة · الأكثر تعليقا · ENSA Oujda ((فشنو يا عمر الكلام البتقول فيهو دا امشي اتونس بيهو مع اولاد حلتكم في العمود وما تقولوا في منابر عامة للحوار)) الكاتب المميز الأستاذ أساسي . لك أن تعلم أن عمر الفاروق يعتبر كاتبي المفضل الأول في هذا الحوش ومعي العديد من القراء. وكل ما أشوف بوست للفاروق أنتظر بلهفة دخولك ومناكفاتك وتحليلات الرائعة . فشنو خفف العيار شوية على كاتبنا المفضل . والله من وراء القصد رد · أعجبني · متابعة المنشور · تم التعديل · أمس في الساعة ‏08:46 صباحاً‏ كمال الدين شمعون · متابعة · جامعة السودان للعلوم والتكنولوجيا انا كمان عاوز اعرف احلام ده منو كان عرفت كلمنى بالله رد · أعجبني · أمس في الساعة ‏10:03 صباحاً‏ Zizou Sudan · متابعة · ‏منظراتي‏ في ‏شغال والحمد لله‏ عندما بكى العالم مع بكاء الطفل العازف (فرازو) عندما صرخ العالم مع (والد الدرة) عندما انتحب العالم مع البلتاجي ..عندما حزنا على فراق بهنس والعالم معنا.. فهذا يعني أننا في الإنسانية إخوة.. ونحتفي بمن يتضامن مع فرازو أخونا الأسود والدرة أخونا العربي وأسماء أختنا بنت النيل وبهنس أخونا السوداني.. نقوم علي حيلنا ونشيل ليهو الفاتحة.. لأنو إنسان لا تربطنا به غير حرقته الإنسانية على فقد الإنسانية مثل هؤلاء.. رحم الله بهنس.. رد · أعجبني · متابعة المنشور · أمس في الساعة ‏09:26 صباحاً‏ Khali Khalil L Khalil · الأكثر تعليقا الأستاذ / عمر الفاروق، ربما أنت ناقد أدبي من الورن الثقيل ولكني أرى بذائقتي البسيطة أن ما كتبته الكاتبة الكبيرة أحلام مستغانمي هو أبدع وأصدق ما كتب في رثاء بهنس يرحمه الله. خليل رد · أعجبني · متابعة المنشور · أمس في الساعة ‏08:43 صباحاً‏ بلادي بلادي · متابعة · الأكثر تعليقا · جامعة القاهرة عمر الفاروق اصبح لا فرق بينك وود الباوقة وفرانكلى فى فقع المرارة والبيض ماعرف بكرى بيجيب االوهم ديل من وين انت فاكر دي شروق ولا اغاني واغاني ولا هلال مريخ ياخى قدر حزن الناس انا واحد من الناس كل ماقريت رثاء او كلمة فى المرحوم بهنس ببكى ولا بعرفه ولا شفته ولا سمعت بيهو لكن بكيت ولمن شفت خبره فى العربية بكيت ولمن قريت تعليقات الناس عليهو وحزنهم ببكى ياخى الله يرضى عليك خلينا نحترم حزننا وضياعنا ونحتفظ ليك بى باقى تقدير وتوقف واحزف البوست رد · أعجبني · متابعة المنشور · أمس في الساعة ‏12:44 مساءً‏ بدرالدين الطائف · الأكثر تعليقا · العربيه (( طيب لييه إختارت بهنس ده تحديدا للتعبير عنو ؟؟؟ ما حكوا ليها عن ماسي مشردين كتااار ماتو تحت الخيران؟؟)) :) :) رد · أعجبني · متابعة المنشور · أمس في الساعة ‏02:33 مساءً‏ Khali Khalil L Khalil · الأكثر تعليقا الأخ / محمد إبراهيم علي : (ربما) هذه تحتمل كل شيء حتى التنطع بما لا يعرف والإساءة المجانية لمن جاملك ومدحك ورفع معنوياتك . خليل رد · أعجبني · متابعة المنشور · أمس في الساعة ‏04:36 مساءً‏ المكوّن الإضافي الاجتماعي لفيس بوك

احبائي من الفيس بوك
مشاركاتكم هي من اكثر مصادر اثراء هذا البورد
لكن كلامي الفوق دا مجرد دعابة

والله احبكم جميعا
احب اعضاء سودانين ال(اساسي)يين
احبا قراء سودانيز اونلاين
واحب الذين يسمعون عن اخبار سودانيز اون لاين

Quote: ب ... بأهديك .. باهديك الفوضى شجار طفلين في ساحة روضة باهديك الغُربة هُتاف الموتى .. وصمت التُربة باهديك إحباطي حديث عابر .. في مركبة عامة .. بصوت وأطي باهديك حزنك ستات الفول أثناء الخمشة بعد اذنِك باهديك خطوط لي باطن كفك .. نقرابه الفاضل من عمرك من عمر الضيق الممطـــوط باهديك جناح طيور الجنة .. اذا بتقنص .. فالنار مفتاح باهديك طلة لي بيوت الخيش .. وخيم تفتيش .. واسواق.. ارخص ما فيها .. حليفة الله باهديك مّرة الاعبك فيها بالمعدن اقول حرية احبك ولا اغمض شارع عنك اقول ليك طُرة - كتابة خسرت .... ربحتك حُرة باهديك اللِّيل عرباتو المُسرعة صوب الرئة في شارع النيل باهديك المونة معلم رغم سقالة الكلمة الطيبة .. بخونه باهديك ولا شي واقطع وديان السهو...مشي

وأسواق أرخص ما فيها حليفة الله .
غايتو احلامنــا دي زي جنس الكلام ده لو ما رجعه تكتب تاني !! تكون بالغت .

عكش يا عكش يا حبوب..
الحركة البايخة العملوها الهلال والمريخ مع الموردة انا ما بعملا والله مع اساسي صحبي ده ..
الهلال والمريخ كان بمقدورهم يقعدوا الموردة معاهم في دوري الاضواء في الممتاز لكن للأسف شالتهم الهاشمية وقرروا يضربوها بالستة والسبعة فضاعت الموردة وهبطت ففقدنا متعة التشجيع والاهازيج بروائع ود الجزولي وجفت المدرجات من الرقص والطرب..
غلطة زي دا انا مابقع فيها ولازم نحافظ على نوعية اساسي دي في البورد حتى لو جينا على أنفسنا ..
والصااادق ويييو ..يلللا يا موووردة ..
نمشي ونجيييو ..يلللا يا موورةد..
نمشي ونجييو يلللا يا مووردة ..
وأعفص السيوسيو هنا في الموردة ..
أيييا اييا اييا ..اييا ايييا .اييا اييا ياا لعب زي ده ..


السيوسيو دي ما اتقالت اعتباطاً بالمناسبة يا وليد :)

عمران يا حبوب..
الكلام العايز ترجع بيهو أحلام للكتابة ده كلام مكتوب ليهو قريب العشرين سنة !!!
عشرين سنة ما خلتا تكتب جايين أسة ترجعوها تكتب عشان عاصفة ثلجية وقطعة خبز؟؟؟
الغريبة انا عمر المعووولق ومقطع ده الكلام ده احتفيت بيهو وقريتو من قبل 15 سنة ضوئية وتزينت كل دفاتري من الخلف بهذه الأبيات وأيييي بت في الحلة ممتحنة شهادة سودانية شحدتني كتاب فيزياء ولا أحياء كانت بتلقى الابيات دي قاعدة جوة الجك ..

ساااي إستعجلت وكتبت لصاحبي طلحة إنو أساسي دا لو شرب الشوربة
وجاء ح يعقوقك ...ح يعقوك أنا آسف جدا" ياطلحة
ـــــ
الناس ؟
إنهم لا يطرحون عليك عادة ، إلا أسئلة غبية ، يُجبرونك على الرد عليها بأجوبة غبية مثلها..
يسألونك مثلًا ماذا تعمل.. لا ماذا كنتَ تريد أن تكون.
يسألونك ماذا تملك.. لا ماذا فقدت .
يسألونك عن أخبار المرأة التي تزوجتها.. لا عن أخبار تلك التي تحبها .
يسألونك ما اسمك.. لا ما إذا كان هذا الاسم يناسبك .
يسألونك ما عمرك.. لا كم عشتَ من هذا العمر .
يسألونك أي مدينة تسكن.. لا أية مدينة تسكنك .
يسألونك هل تصلي.. لا يسألونك هل تخاف الله .
ولذا تعودت أن أجيب عن هذه الأسئلة بالصمت .
فنحن عندما نصمت نجبر الآخرين على تدارك خطأهم .
الفوق دا لفحا" ونقلا" من رواية " فوضى الحواس"
ــــ
فحسيّ يا عمر الفاروق طالب منك طلبين ورجاء* وبالله قل تـمّ
1) نسخة مُوقعة منك من فرمالتك التفاحة وتزيّنها من الخلف بـ بهديك التفاحة ..الخ الخ
2) إنك تعمل ساتر لأنو أساسي دا لو شرب الشوربة وجاءك ح يعمل ليك رباط صليبي وفوضى حواس
وعارفك يا أخوي ماابتقصرّ و حاشاك كمان من إنك تكون من نوع الناس
المابستبينو النصح الأ ضحى شراب الشوربة.....:)
و*الرجاء المغربي : إذ يسألونك لماذا كتبت هذا البوست قــل : العفو....:)

الأمير...
سم وانا ابوك .. :) :)
أما فيما يتعلق بالتفاحة فللأسف نفدت الطبعة الأولى من جميع نقاط البيع علماً بأنها كانت مئة نسخة ممهورة بتوقيع الشاعر..
وأما فيما يتعلق بالشوربة فالإندومي ما هي الا شعيرية مملحة ..

يا أميرهم جت عليهم
اوع تكون صدقت حركات أساسي دي ؟
ياخ المدعو دا بهظر ساي وما بعمل العايز يعملو دا أنا عارفو صدقني .
...........

يا أبو عمير والله ما عارف أقول ليك شنو ..
غايتو للضمان كدا أعمل نفسك ميت .

امير ياخ صدق طولت منك لدرجة اني نسيت ملامحك ممكن تنزل لينا صورتك تاني ..ثم انه مشتاقين بصورة رسمية وكدا ...بس بدون حب بتاع نفاق زي البيبزلو عمر لي تبارك وهو ما واعي لعواقب حبو دا

المهم
طلحة دا جربتو قبل كدا في بوست ونزلت اسمه في اسوأ كتاب المنبر .. ياخ اتخيل فاجاني برد فعلو .. الزول قعد يولول ويجعر بطول حسو زي الارملة ..وفتح دشليون بوست يهاجم ويرغي ويزبد لمن حسيت بالرغوة طالعة من خشمو مع الجعير .. من يومها عرفت انه الزول دا زول براحة وما الزول البيسعوهو لي قدام .. دا غير العقد النفسية والازمات الظهرت عليهو جراء عبثيات دينا خالد مثلا وغيرها .. في النهاية قدرت انه التعاطي مع طلحة يكون في حدود السطحية الاكتسبها من كونه زميل بورد ما اكتر .. والنصيحة لله وما طالبني حليفة لمن اشوفه مشارك في بوست عندي فيهو مداخلات خليك من بوست كاتبه انا ببغض البوست طوالي وبتمني انه مشاركته ما يكون عندها علاقة بي لكن مشكلته من الوقت داك ما قادر يتجاوز فكرة كونه كاتب سيئ وكانها صدمة حصلت ليهو في المنبر غير شكل حياته المنبرية .. الان اسوا حاجة ممكن تحصل لي وتطمم بطني في البورد اني اشوف طلحة في حوار انا طرف فيهو ببساطة لانه زول ما بيعرف زول حاجاته حبة زي ما بيقول صاحبنا عمر الفاروغ .. عشان كدا انا حريص علي وضع حد للتعاطي معه وحريص علي ان يكون بعيد مني قدر الامكان لانه زي دا لو ما حصل ليك منه حاجة الرغوة الطالعة من خشمو كفاية انها تطمم بطنك كان ما اصابك منها رايش

والله يا خوانا الزول الإسمو أساسى دا ردام جنس ردم .. آمنت بالله ..


يا طلحة .. غايتو إلا تدخل ود البشرى واسطة ههههههههههههههههههههههههههههههههه

ياربي حسيّ أنا أعمل شنو؟؟
ياربي أهدي رغوة أساسي دي ولا أطايب طلحة؟
ياربي أعمل رايح ولا أعمل غمران ؟
صراحة كدا الموضوع أكبر من أشيلو براي
وضااااع أنا مني ضااااع ..ضاع الكلام ماتت حروف اللقيا قبال أهمساااا
عليه:
حلفتكم بالله ياودالبشرى ويامحمد الصائم وياحسبو..وياااتمبس عارفك حردان بس بالله تجي
وتجو تحجزو معاي ..وكل من يأنس في نفسه الكفأءة للحجز
و...قبل الرغوبة بتاعت الشوربة دي تجمد في الصقط دا وتتحكر
في جوه الجوه ...جوه الإتنين ديل ويشهد الله لا املك لهم الأتنين إلا المحبّة..
والأيام دي مش أيام مجد الله في الأعالي وسلام الأرض ....و
وبكم ياطلحة وأساسي المحبّة الخالية من إي رغوة..:)
ــــ
ياربي إني أدعوك بأن تهديّ سر أصحابي ...اللهم آمين

ياعمر الفاروق الله يهديّك ما تعمل ليك حركة زي حركة مصارعي التيران
ديك وتقول إن شاء الله ..تورووو تووووروو ..أكان يقبلوا عليك
ويفرّغوا يافاروغ جزء من حلّة البريستو المصفرّة والرغوتها طلعت دي فيك...:)
ــــ
دا طبعا" زائد: حاسي بي نفسي مسكين مسكين وأنا بحجز...مع إني بحب الآكشن...:)

هههههههههههه
طبعا يا المدعو أساسي أنا متأكد انك بديت الرجفي بعد ما عملت كليك لهراءك الفوق دا مباشرة خايف أجي أخمو
أرجعو محل ما جاء .
لكن إطمئن ونوم قفا ما ناوي في الوقت الحالي دا ع الأقل اتصرف تصرف زي دا بس بصراحة زعلتني وخذلتني خذلان شديد ..
ياهو دا وعيدك وتهديدك وأنذر وأعذر والرعد والبرق وما عارف شنو .. عشان تجىء تشتمني الشتيمة المستعملة دي ؟؟
تمش تكوت كل الشتيمة القاعد يشتموك بيها والطيعين البطاعنوك ليهو الجماعة هنا وتحولو لي كوبي بيست .. ؟
ما في شوية احترام لشنبي الشايفو دا عشان تشتمني شتيمة من نارا أشعر أنها فعلا بتاعت ضكور ؟؟
وبعدين والله حنك تتشهد بتعاملي مع ناس تانين في البورد دا ما من صالحك لأنو اتا الشايلو من النوع دا
عامل ليك فلايت فما ترمي فيني بلاك يا ظريف .
عموما الله يسامحك على شتيمتك الملاصة التاميها تزييف وكضب دي والله ما كانت محرية منك يا الكتا قايلك حنش
وطلعت هنبوكة ساي الله يقطع فراستي ياخ .
.......................................

يا أميرهم جت عليهم والله ما كتا متوقع إنو أساسي دا يتعامل معاي بالحقارة دي لدرجة أنو يجيب الشتيمة الاتشتم بيها
وحارقاهو في حشاهو عشان يشتمني بيها ... بصراحة وحسب وعيدو وتهديدو كتا متوقع حاجة كعبة لكن ما أكعب من
الطريقة العاملني بيها دي .. والله دي حقارة ما بعدها حقارة كان قاصدا واللا ما قاصدا .
أنا ذاتي أستاهل والله .

فوق لأجل عمر الفاروغ ....

فيصل اقعد ارفع البوستات وتعال اشكي من ضهرك..:)

البوست طبعا تشعب وبقى حقل ألغام بس اسمحوا بإضافة وهي إتفاقي الكامل مع الاخ عمر الفاروق في حتة إحتفاءنا الزائد وانبهارنا الفايت الحد بالاجانب لدرجة أن حديث أحلام مستغانمي كاد ان يشهّي البعض الموت بردا مقابل كم كلمة رثاء وفي ناس قربت تحمد للاقدار تصاريفها بان جعلت مستغانمي تكتب عن سوداني
نقطة أخرى وهي أن حديث مستغانمي مكتوب بطريقة تشي أنها أستعرضت فيه عضلاتها وامكانياتها في الكتابة اكثر بكثير من نعي وكلمات حزن صادقة جاءت من كتير من السودانيين
مكانة أحلام مستغانمي في دنيا الأدب محفوظة وتشكر كثيرا على إشارتها لحادثة وفاة المرحوم بهنس لكن الجاب الهوا للموضوع هو تلقفنا لما كتبت بالكثير من الانبهار والاحتفاء

Quote: هو مشاركا نشطا ... له اراء واضحة ... جرئ في طرحه .. ذو روح جميلة .. هو ليس دكتاتوريا ابدا بخلافك... هو مفيد للكتابة

امانة في ذمتك يا ود الفاروق هسي ده كلام صاحب نص نص ، أريتو صاحبي

عمر..
البوست شكلو ماشي شبه منحرف بعد ان اعياك ادراك البعض ..
اقترح نقطة سطر جديد بعد ان تدع عنك كلام المثقفين وتدينا النجيضة فيما يختص بصاحب (شارع المين) :-)


اين الكونت بالمناسبة :)

و الله يا عمر الفاروق انا بشكل او باخر متفق معاك تب ... اي نعم احلام مستغانمي بعرفه بالحيل
لكن اصلا ما عجبتني ككاتبة رؤائية ابدا و شايف انو توصيف ملاسي القبييييل داك قريب للصاح
( لو ما كان صاح) في مسألة انو بتعرف تمام كيف تكتب كتابة تثير الغريزة ... و بيني و بينك برضو
انا شايف زي كاتبتنا الروائية ( ملكة الدار) تتفوق مراحل كتيرة على احلام و برضو ناس زينب بليل
و بثينة خضر و نفيسة الشرقاوي و المبدعة ليلي ابو العلاء و لحدود ليلى صلاح ( ابنوسه) و رانيا
مامون بالنسبة لي اهم من احلام مستغانمي بكتير .
المهم ... مافي اي مشكلة انو الزول يكون ما بعرف احلام مستغانمي لكن ليه نحنا ما بنهتم نعرفنا
حقننا و ناسنا؟!

يا اسس كورتك صدقني فكت و الدليل اهو قدامك هههههههههههههه.